Baaghi TV

Tag: شوبز

  • عدالت نے صوفیہ مرزا کے بچوں کے اغواء کی پیشرفت رپورٹ طلب کر لی

    عدالت نے صوفیہ مرزا کے بچوں کے اغواء کی پیشرفت رپورٹ طلب کر لی

    سپریم کورٹ نے اداکارہ صوفیہ مرزا کے بچوں کے اغواء کی پیشرفت رپورٹ طلب کر لی-

    باغی ٹی وی : تفصیلات کے مطابق جسٹس مقبول باقر کی سربراہی میں 3 رکنی بینچ نے کیس کی سماعت کی عدالت نے اداکارہ صوفیہ مرزا کے بچوں کے اغواء سے متعلق کیس کی سماعت کی دوارن اداکارہ کے بچوں کی متحدہ عرب امارات (یو اے ای) سے واپسی کی دستاویزات کل تک مکمل کرنے کا حکم دے دیاجبکہ 1 ہفتے میں پیش رفت رپورٹ بھی طلب کر لی۔

    ڈائریکٹرایف آئی اے کی صوفیہ مرزا کی بچیوں کی بازیابی کے لیے اقدامات کی یقین دہانی

    عدالت نے اپنے حکم میں کہا کہ وزارتِ داخلہ بچوں کی واپسی کی دستاویز کا عربی ترجمہ آج ہی مکمل کرے، جبکہ وزارتِ خارجہ دستاویز تصدیق کیلئے کل یو اے ای ایمبیسی بھجوائے۔

    ڈی جی ایف آئی اے نے عدالت کو بتایا کہ ملزم اداکارہ صوفیہ کا سابق شوہر عمر فاروق کی حوالگی کا ریڈ وارنٹ انٹر پول میں زیرِ التواء ہے، ریڈ وارنٹ و دیگر معاملات فالو کرنے کے لیے ٹیم تشکیل دے دی ہے۔

    حریم شاہ نے اپنے حرم میں آنے والوں پربجلی گرادی:ایسی دھمکی دی کہ سب دیکھتے ہی رہ…

    جسٹس مظاہر نقوی نے استفسار کیا کہ ایف آئی اے نے صوفیہ مرزا کے بچوں کو واپس لانے کے لیے کیا کیا؟ پاکستان سے بچے اغواء کر کے یو اے ای لے جائے گئے، دستاویز کا عربی ترجمہ کرنے میں کتنا وقت لگتا ہے؟

    جسٹس مقبول باقر نے کہا کہ ایف آئی اے کو بچے واپس لانے کی دستاویز تیار کرنے میں 12 سال لگ گئے تاہم عدالت نے 1 ہفتے میں پیش رفت رپورٹ طلب کرتے ہوئے کیس کی سماعت 2 ہفتوں کے لیے ملتوی کر دی۔

    اداکارہ صوفیہ مرزا نے دوران سماعت ایسا الزام لگایا کہ عدالت نے کیس سننے سے معذرت کر لی

    خیال رہے کہ حال ہی میں داکارہ صوفیہ مرزا نے اپنی بیٹیوں سے ملاقات کے لئے وزیر اعظم عمران خان سے اپیل کی تھی۔صوفیہ مرزا نے اپنی اپیل میں کہا تھا کہ وزیر اعظم اس سلسلہ میں اپنا کردار کریں جس کے بعد پاکستان کے نامور گلوکار علی ظفر نے بھی صوفیہ مرزا کی حمایت کا اعلان کیا تھا۔علی ظفر کے علاوہ معروف بھارتی گلوکارہ ریکھا بھردواج نے صوفیہ مرزا سے ہمدردی کا اظہار کیا تھا۔

    یاد رہے کہ صوفیہ مرزا گیارہ سال سے اپنی جڑواں بیٹیوں کی بازیابی کے لئےعدالتوں کے چکر لگا رہی ہیں عدالت نے بچیوں کو صوفیہ مرزا کے حوالے کرنے کا حکم بھی دیا تھا تاہم ان کے سابق شوہر عمر فاروق بچیوں کو بیرون ملک لے گئے تھے اور ذرائع کے مطابق تاحال وہ ان سے ملنے سے محروم ہیں۔

    میک اپ کم کرنے کا مشورے پر جنت مرزا کا ایمن خان کیلئے خاموش پیغام

    واضح رہے کہ گزشتہ برس جنوری میں معروف ماڈل و اداکارہ صوفیہ مرزا نے اپنی بچیوں کی بازیابی کے لیے لاہور ہائی کورٹ سے رجوع کیا تھا اداکارہ نے کہا تھا کہ سابق شوہرعمر فاروق سے 10 سال قبل شادی ہوئی اورپھرطلاق ہوگئی، گارڈین عدالت نے جڑواں بچیوں زنیرہ اورزینب کو ماں کے حوالے کرنے کے احکامات دیئے تھے سابق شوہربچیوں کولے کردبئی فرارہوگیا تھا-

    علی انصاری سے شادی کے بعد صبورعلی کا سوشل میڈیا پرنام تبدیل

    صوفیہ مرزا نے کہا تھا کہ عدالت نے نومبر2020 کودرخواست گزارکی بیٹیوں کوبازیاب کرکے رپورٹ پیش کرنے کا حکم دیا تھا عدالت نے سابق شوہراوربچیوں کے پاسپورٹ اورشناختی کارڈزبھی بلاک کرنے کا حکم دیا تھا انہوں نے کہا تھا کہ عدالتی حکم کے باوجود بیٹیوں کوبازیاب نہ کروانے پرسیکرٹری داخلہ سمیت دیگرفریقین کے خلاف توہین عدالت کی کارروائی کی جائے اورعدالت انٹرپول کے ذریعے بچیوں کو بازیاب کروا کرماں کے حوالے کرنے کا حکم دے۔

    اداکارہ صوفیہ مرزا کا پاکستانی ٹیم کے لئے نیک خواہشات کا اظہار

  • گلوکارہ لتا منگیشکر بھی کورونا وبا کا شکار ہو گئیں

    گلوکارہ لتا منگیشکر بھی کورونا وبا کا شکار ہو گئیں

    ممبئی: بھارت کی مشہورگلوکارہ لتا منگیشکر بھی کورونا وبا کا شکار ہو گئیں-

    باغی ٹی وی : بھارتی میڈیا کے مطابق ملک میں کورونا کی لہر میں شدت آتی جارہی ہے ،ممبئی اور دہلی میں اس کا زبردست اثر دیکھا جارہا ہے مریضوں کی تعداد میں اضافہ ہورہا ہے تاہم آج مشہوربھارتی گلوکارہ 92 سالہ لتا منگیشکربھی کورونا کا شکارہوں گئیں گلوکارہ کا کورونا ٹیسٹ مثبت آنے کے بعد ممبئی کے اسپتال میں داخل کردیا گیا۔

    بھارتی میڈیا کے مطابق لتا منگیشکر میں کورونا وائرس کی معتدل علامات موجود ہیں لتا منگیشکر آئی سی یو میں داخل ہیں لتا منگیشکر کی طبیعت بہتر ہے، اُنہیں احتیاطی طور پر آئی سی یو میں رکھا گیا ہے رپورٹس کے مطابق لتا منگیشکرکوان کی عمر کے پیش نظر اسپتال میں داخل کروایا گیا ہے۔

    بھارتی میڈیا کے مطابق لتا کو انفیکشن ہونے کے بعد ممبئی کے بریچ کینڈی اسپتال میں داخل کرایا گیا ہے 92 سالہ لتا منگیشکر کی صحت چند ماہ قبل بھی بگڑ گئی تھی۔ نومبر 2019 میں بھی انہیں سانس کی تکلیف کا سامنا رہا تھا-

    مصر کی پہلی خاتون جج کورونا کے باعث انتقال کر گئیں،میکسیکوکے صدر بھی دوسری بارعالمی وبا کا شکار

    رپورٹس کے مطابق دہلی کے وزیر صحت ستیندر جین کا کہنا ہے کہ دہلی میں کووڈ-19 ‘ایک یا دو دن میں’ اپنے عروج پر پہنچ جائے گا، جس کے بعد تیسری لہر میں انفیکشن کے معاملات میں کمی آئے گی بھارتی دارالحکومت میں پیر کو 19,000 سے زیادہ نئے کورونا کیسز درج ہوئے، جو اتوار کے مقابلے میں قدرے کم تھے۔

    جاپان نےکورونا کے پھیلاؤ کا ذمہ دار امریکی فوجی اڈوں کو قرار دے دیا

    دہلی حکومت ہفتے کے آخر میں کرفیو پر دوبارہ غور کرنے کے سوال پر وزیر صحت نے بھارتی میڈیا کو بتایا، "کہ وبا چوٹی پرپہلے ہی پہنچ چکی ہے، یا ایک یا دو دن میں عروج پرلہرآجائے گی اس کے بعد کیسز میں کمی آنی چاہیے۔ لیکن یہ ممکن ہے کہ ہم ایک اور کرفیو نافذ کر دیں، صرف لوگوں کو یاد دلانے کے لیے کہ وہ اپنی سلامتی کو کمزور نہ کریں-

    سینیٹر اعجاز چودھری کا کورونا ٹیسٹ مثبت آ گیا

    انہوں نے کہا کہ دہلی میں کوڈ19 کے معاملات عام طور پر زیادہ ہوتے ہیں کیونکہ زیادہ تر بین الاقوامی پروازیں یہاں اترتی ہیں۔اومی کرون صرف اسی وجہ سے دہلی میں تیزی سے پھیلی ہے۔ ایک اچھی علامت یہ ہے کہ اسپتال میں داخل ہونے کی شرح بہت زیادہ نہیں ہے۔ 20,000 کے قریب رجسٹر ہونے کے باوجود۔ روزانہ کیسز، ہسپتال میں صرف 2,000 افراد داخل ہوتے ہیں، جب کہ کوڈ مریضوں کے لیے 12,000 بستر خالی ہیں اسپتال میں داخل ہونے والوں کی تعداد اب چھ گنا کم ہے۔ ہسپتالوں میں داخل 2000 میں سے صرف 65 لوگ آئی سی یو میں ہیں۔

    بھارت میں کورونا،فلورونا اوراومی کرون کے حملے:صورتحال قابوسے باہر:سپریم کورٹ میدان…

    دہلی میں اس مہینے کے پہلے 10 دنوں میں گزشتہ پانچ مہینوں میں ہونے والی کل اموات سے زیادہ کود19 اموات ریکارڈ کی گئی ہیں۔ سرکاری اعداد و شمار سے پتہ چلتا ہے کہ مرنے والوں میں سے زیادہ تر دیگر بیماریوں میں مبتلا تھے یا انہیں ویکسین نہیں لگائی گئی تھی۔

    گلوکارسونو نگم فیملی سمیت کورونا وائرس کا شکار

  • سلمان خان کی نئی گرل فرینڈ کہلانے پر ہالی ووڈ اداکارہ کا ردعمل

    سلمان خان کی نئی گرل فرینڈ کہلانے پر ہالی ووڈ اداکارہ کا ردعمل

    ممبئی: ہالی ووڈ اداکارہ سمانتھا لاک ووڈ نے بالی ووڈ اداکار سلمان کی ’’نئی گرل فرینڈ‘‘ کہلائے جانے پرردعمل دیتے ہوئے کہا کہ میں جانتی ہوں یہ خبر کہاں سے آئی ہے اور لوگ کیوں ایسی افواہیں پھیلا رہے ہیں

    باغی ٹی وی : بھارتی میڈیا رپورٹ کے مطابق بالی ووڈ اداکار سلمان خان نے اپنی 56 ویں سالگرہ اپنے فارم ہاؤس پنویل میں منائی جس کی تقریب میں سنگیتا بجلانی، لولیا ونتور، رتیش دیش مکھ اور جینیلیا ڈی سوزا سمیت ان کے بہت سے دوست نے بھی شرکت کی لیکن ان میں امریکی اداکارہ سمانتھا لاک ووڈ کی موجودگی پر بالی ووڈ میں چہ مگوئیاں شروع ہوگئیں۔

    ثنا جاوید اور عمیر جیسوال کو بھی دبئی کا گولڈن ویزہ مل گیا

    علاوہ ازیں اداکارہ سمانتھا لاک کو جے پور میں ایک سماجی تقریب کے دوران دبنگ اداکار سلمان خان اور شلپا شیٹھی کے ساتھ بھی دیکھا گیا جس پرمزید قیاس آرائیاں شروع ہوئیں اور کہا جارہا تھا کہ یہ سلمان خان کی ’’نئی گرل فرینڈ‘‘ ہیں۔

    تاہم اب بھارتی میڈیا سے گفتگو میں سمانتھا لاک ووڈ نے سلمان خان کے ساتھ تعلقات کی افواہوں پر خاموشی توڑتے ہوئے کہا کہ میرے خیال میں لوگ بہت زیادہ باتیں کرتے ہیں، میں سلمان سے ملی اور وہ بہت اچھے انسان ہیں۔

    برطانوی شاہی خاندان پرڈرامہ:ہمایوں سعید نیٹ فلیکس پرنمودار:مبارکبادکےمستحق ہیں:فیصل جاوید خان

    ہالی ووڈ اداکارہ نے کہا کہ مجھے نہیں معلوم کہ لوگوں کو یہ خیال کہاں سے آتا ہے، میں ہریتک سے بھی ملی لیکن کوئی بھی میرے اور ہریتک کے بارے میں کچھ نہیں کہتا لہذا میں نہیں جانتی ہوں کہ یہ خبر کہاں سے آئی ہے اور لوگ کیوں ایسی افواہیں پھیلا رہے ہیں۔

    امریکی اداکارہ نے کہا کہ میں کسی کو صحیح معنوں میں نہیں جانتی تھی میں صرف سلمان کو جانتی تھی اور میں اس سے پہلے بھی ایک دو بار ان سے ملی تھی، میرے لیے وہ واحد مشہور شخصیت تھے جنہیں میں جانتی تھی پھر میں نے بالی ووڈ میں کچھ دوسرے لوگوں سے ملنا شروع کیا اور مجھے معلوم ہوا کہ سب بہت اچھے ہیں، ان سے اچھی گفتگو ہوئی اور یہ میرے لئے ایک خوبصورت تجربہ تھا۔

    سلمان خان کی گھوڑے کے ساتھ شئیرکی گئی تصویر پر دلچسپ تبصرے

  • حبا بخاری اور آریز احمد رشتہ ازدواج میں منسلک

    حبا بخاری اور آریز احمد رشتہ ازدواج میں منسلک

    پاکستان کی معروف اداکارہ حبا بخاری اوراداکار آریز احمد رشتہ ازدواج میں منسلک ہوگئے ہیں-

    باغی ٹی وی :حبا اور آریز احمد کی شادی کی تقریبات 4 جنوری سے شروع ہوئی تھیں جبکہ جوڑے نے اپنے مایوں کی تصاویر اور وڈیوز بھی شئیر کی تھیں دولہا اور دلہن کی ایک دوسرے کو ابٹن لگانے والی تصویر سوشل میڈیا پر وائرل ہوئی تھی اس کے علاوہ مایوں کی تقریب کے بعد 6 اور 7 جنوری کی درمیانی شب حبا بخاری اور آریز احمد نے اپنے نکاح کی تصاویر شئیر کرتے ہوئے تصدیق کی۔
    اداکار آریز احمد آریز احمد نے اپنے انسٹا گرام اکاؤنٹ پر ایک مختصر سی ویڈیو شیئر کی ہے جس میں یہ جوڑ ایک ساتھ خوب حسین اور خوش نظر آ رہا ہےاس ویڈیو کے کیپشن میں آریز احمد کا اپنے نکاح کی تقریب کی جانب اشارہ کرتے ہوئے لکھنا ہے کہ ’جی بالکل ہو گیا ہے۔‘

    علی انصاری سے شادی کے بعد صبورعلی کا سوشل میڈیا پرنام تبدیل

    اپنے نکاح کے دن حبا بخاری اور آریز احمد نے سنہری اور کریم رنگ کی تھیم کے لباس زیب تن کیے جس میں وہ دونوں خوبصورت دکھائی دے رہے تھے-

    دوسری جانب حبا بخاری کی جانب سے بھی اپنے مداحوں کے ساتھ زندگی کے سب سے بڑے دن کی خوبصورت ویڈیو شیئر کی گئی ہے۔حبا بخاری کی جانب سے شیئر کی گئی ویڈیو میں آریز احمد کے نکاح کے دوران کیے گئے مذاق کی جھلکیاں دیکھی جا سکتی ہیں۔

    حبا بخاری اور آرز احمد نے منگنی کرلی

    تاہم شادی پر شوبز انڈسٹری کی نوبیاہتا جوڑی حبا بخاری اور آریز احمد نے مداح کی انوکھی خواہش بھی پوری کی شادی سے قبل ایک مداح نے فرمائش کی تھی کہ ’حبا آپی آپ اپنی شادی والے دن آریز بھائی سے کہنا کہ وہ آپ کو ہاتھ پکڑ کر گول گول گھمائیں کیوں کہ مجھے ایک بہت اچھی ویڈیو بنانی ہے ۔

    احد رضا اور ان کے اہلخانہ کی صبور کی شادی میں شرکت نہ کرنے پر مداح تشویش میں مبتلا

    اس سٹوری پر حبا اور آریز دونوں نے ردعمل دیا تھا اور جوڑے نے اپنے نکاح کے دن گول گول گھمانے کی ویڈیو بنا کر مداح کی فرمائش بھی پوری کردی۔

    واضح رہے کہ پاکستانی شوبز انڈسٹری میں اداکارہ حبا بخاری اور اداکار آریز احمد کے نکاح کے بعد ایک اور خوبصورت فنکار جوڑی کا اضافہ ہو گیا ہے-

    علی انصاری سے شادی کے بعد صبورعلی کا سوشل میڈیا پرنام تبدیل

  • علی انصاری سے شادی کے بعد صبورعلی کا سوشل میڈیا پرنام تبدیل

    علی انصاری سے شادی کے بعد صبورعلی کا سوشل میڈیا پرنام تبدیل

    پاکستانی شوبز انڈسٹری کی معروف اداکارہ صبور علی اور علی انصاری رشتہ ازدواج میں منسلک ہو گئے-

    باغی ٹی وی : اداکارہ صبور علی اور اداکار علی انصاری کے نکاح اور رخصتی کی تقریب کا انعقاد گزشتہ روز کیا گیا تھا جس کی تصویریں اور ویڈیوز سوشل میڈیا پر وائرل ہورہی ہیں صبور علی اپنی رخصتی کے وقت جذبات پر قابو نہ رکھ سکیں-
    https://twitter.com/Lollywoodnow1/status/1479424096698052611?s=20
    صبور علی نے اپنی زندگی کے سب سے خاص اور خوبصورت موقع پر گولڈن رنگ کے عروسی لباس کا انتخاب کیا جبکہ اُن کے شوہر علی انصاری نے سفید شیروانی زیب تن کی۔

    "ڈھولکی” کی رسم سے صبور علی اور علی انصاری کی شادی کی تقریبات کا آغاز


    ساتھی اداکاروں نے شادی میں شرکت کر کے تقریب کو چار چاند لگائے عروہ حسین، زارا نور عباس سمیت دیگر شخصیات رخصتی کی تقریب میں بھی شریک تھیں۔
    https://twitter.com/Lollywoodnow1/status/1479451687207190529?s=20
    صبور علی کو رخصتی کے وقت روتے ہوئے دیکھا گیا، جس کی تصویر سماجی رابطے کی ویب سائٹ پر بھی شیئر ہوئی ایک ویڈیو میں علی انصاری کو اپنی دلہن کا ہاتھ تھامے حوصلہ دیتے ہوئے دیکھا گیا ہے۔

    دوسری جانب اداکار علی انصاری کے ساتھ رشتۂ ازدواج میں منسلک ہونے والی ہصبور نے شادی کے بعد سوشل میڈیا پر اپنا نام تبدیل کردیا فوٹو اینڈ ویڈیو شیئرنگ ایپ انسٹاگرام پر موجود صبور علی کے تصدیق شدہ اکاؤنٹ پر اُنہوں نے اپنا نام تبدیل کرلیا ہے اداکارہ نے اپنے انسٹاگرام اکاؤنٹ پر نام تبدیل کرکے ’صبور علی انصاری‘ کردیا ہے۔

    لالی ووڈ ہیرو معمررانا کی بیٹی کی منگنی


    صبور علی کی جانب سے انسٹاگرام اکاؤنٹ کا نام تبدیل کرنے پر اُن کے مداح بہت خوش ہورہے ہیں اور سوشل میڈیا کے مختلف پیجز پر اُن کے انسٹاگرام اکاؤنٹ کا اسکرین شاٹ شیئر کررہے ہیں۔

    ادھر صبور علی کے ساتھ رشتۂ ازدواج میں منسلک ہونے کے بعد اداکار علی انصاری کی سوشل میڈیا مقبولیت میں اضافہ ہوگیا ہے علی انصاری گزشتہ کئی روز سے خبروں کی زینت بنے ہوئے ہیں، پہلے اداکار کی بہن کی شادی توجہ کا مرکز بنی تو اب اُن کی اپنی شادی کے خوب چرچے ہورہے ہیں۔

    بھارتی موسیقار اے آر رحمن نے بیٹی کی منگنی کر دی


    علی انصاری کے فوٹو اینڈ ویڈیو شیئرنگ ایپ انسٹاگرام پر موجود تصدیق شدہ اکاؤنٹ پر فالوورز کی تعداد میں اضافہ ہوگیا ہے اداکار کے انسٹاگرام فالوورز، اضافے کے بعد ایک ملین یعنی 10 لاکھ ہوگئے ہیں۔

    علی انصاری کے انسٹاگرام اکاؤنٹ کی جانب نظر دوڑائی جائے تو اُنہوں نے اب تک 453 پوسٹس کی ہیں جبکہ اُنہوں نے اپنے اکاؤنٹ سے صرف 374 صارفین کو فالو کیا ہوا ہے۔

    سال 2021 میں شادی کے بندھن میں بندھنے والی شوبز، سیاسی و سماجی شخصیات

  • بگ باس 15: سلمان خان کی کھلاڑی کو گھر میں گھس کر مارنے کی دھمکی دی

    بگ باس 15: سلمان خان کی کھلاڑی کو گھر میں گھس کر مارنے کی دھمکی دی

    ممبئی: بالی ووڈ کے دبنگ اداکار سلمان خان نے بگ باس 15 کے کھلاڑی ابھیجیت بچوکلے کو گھر میں گھس کر مارنے کی دھمکی دی ہے۔

    باغی ٹی وی : بگ باس 15 کے کھلاڑی ابھیجیت بچوکلے جب سے گیم شو میں شامل ہوئے ہیں اس وقت سے ہی شو کے متنازع کھلاڑی کی بن چکے ہیں اور اکثر ان کے دیگر کھلاڑیوں کے ساتھ برے رویے کی ویڈیوز بھی سوشل میڈیا پر وائرل ہوتی رہتی ہیں لیکن اس بار تو ابھیجیت بچوکلے نے کچھ ایسا کردیا جس کی وجہ سے سلمان خان اتنا زیادہ غصے میں آگئے کہ انہیں بگ باس کے گھر کے اندر آکر مارنے کی دھمکی دے دی۔

    سلمان خان فیروزہ والا بریسلٹ کیوں پہنتے ہیں؟ وجہ بتا دی

    بھارتی نجی چینل نے حال ہی میں شو کے نئے پرومو کی ویڈیو شیئر کی ہے جس میں سلمان خان ابھیجیت بچو کلے کو دیگر کھلاڑیوں کے ساتھ نازیبا رویہ اختیار کرنے پر ڈانٹتے ہوئے نظر آرہے ہیں۔

    سلمان خان کہہ رہے ہیں بچوکلے یہ جو آپ نے گندی گندی گالیاں دی تھیں، کوئی دوسرا آپ کے گھروالوں کو دے تو آپ کو کیسا لگے گا۔ میں آپ کو وارننگ دے رہاہوں مڈ ویک آ کے نکال کے جاؤں گا یہاں سے بال پکڑ کے۔

    بچو کلے سلمان خان کو کہتے ہیں میں بولوں، لیکن سلمان غصے میں انہیں کہتے ہیں ’’تو بولے گا نا تو گھر میں آکے تجھے مار کے جاؤں گا ،سلمان خان کی اس بات پر ابھیجیت بچو کلے بھڑک کر کہتے ہیں بھاڑ میں جائے آپ کا شو، کھولو دروازہ ایسے شو میں، میں رکنا بھی نہیں چاہتا۔

    پاکستانی فلم ’پرے ہٹ لو’ نے بھارتی ایوارڈ جیت لیا

    واضح رہے کہ اس سے قبل سلمان خان نے شو میں شامل ایک اور کھلاڑی اداکارہ شمیتا شیٹھی کو بھی گھر والوں سے الجھنے پر کھری کھری سنائی تھیں یہ اس وقت شروع ہوا جب شو میں اداکارہ روینہ ٹنڈن نے بطور مہمان خصوصی شرکت کی اور شو کے کھلاڑیوں کو ٹاسک دیا کہ وہ بگ باس کے گھر میں موجود گناہگار کا نام بتائیں۔

    شو کی کھلاڑی ریشمی دیسائی نے شو میں شامل ایک اور کنٹیسٹنٹ ابھی شیک بچھوکلے کا نام لیا اور ان کا نام لینے کی وجہ بتائی کہ انہوں نے دو بار شمیتا شیٹھی کو پیر کی جوتی بتایا ہے اور یہ بات مجھے چبھی۔

    بگ باس 15 میں کھلاڑیوں کی غیر ضروری گفتگو اور حرکتیں،سلمان خان غصے میں آگ بگولہ ہو…

    یہاں پر شمیتا شیٹھی نے بھی کہا کہ ابھیشیک نے مجھے پیر کی جوتی کہا اس کے علاوہ ایک نازیبا لفظ بھی کہا۔ کون ہے یہ آدمی؟ تاہم سلمان خان نے تصدیق کی کہ ابھیشیک نے شمیتا شیٹھی کو ایسا کچھ نہیں کہا۔ لیکن شمیتا اپنے موقف پر قائم رہیں اور مزید کہا یہ آدمی یہاں کیوں ہے؟-

    شمیتا کی یہ بات سلمان خان کو اچھی نہیں لگی اور انہوں نے کہا اگر انہوں نے آپ کو کچھ کہا بھی ہے تو کیا آپ ان کے کہنے پر ہوجائیں گی؟ سلمان نے شمیتا کو ڈانٹتے ہوئے کہا آپ نے کہا وہ یہاں کیوں ہے؟ یہ بات صحیح نہیں ہے شمیتا ’’لعنت ہے‘‘۔

    گلوکارسونو نگم فیملی سمیت کورونا وائرس کا شکار

  • سلمان خان فیروزہ والا بریسلٹ کیوں پہنتے ہیں؟ وجہ بتا دی

    سلمان خان فیروزہ والا بریسلٹ کیوں پہنتے ہیں؟ وجہ بتا دی

    بالی ووڈ اداکار سلمان خان نے فیروزہ پتھر والا بریسلٹ پہننے کی وجہ بتادی۔

    باغی ٹی وی : اداکارسلمان خان سلمان خان کو کبھی بھی ان کے نیلے پتھر والے بریسلیٹ کے بغیر نہیں دیکھا گیا ہے اور نا ہی اداکار اسے کبھی اتارنے کی کوشش کرتے ہیں ماضی میں ایک بار ایک مداح کے ساتھ بات چیت کے دوران اس بریسلٹ کو ہر وقت پہنے رکھنے کے پیچھے کی کہانی کے بارے میں کُھل کر گفتگو کی تھی جس کی ویڈیو سوشل میڈیا پر وائرل ہورہی ہے۔

    ملیالم اداکارصرف 10 منٹ میں سلمان خان کے گرویدہ ہو گئے

    پرانی ویڈیو میں سلمان خان سے ایک تقریب میں خاتون مداح نے اس بریسلٹ کی اہمیت کے بارے میں پوچھا جو وہ ہمیشہ پہنتے ہیں۔ مداح کو جواب دیتے ہوئے سلمان خان نے کہا کہ ’میں نے بچپن سے اپنے والد کے ہاتھ میں یہ بریسلٹ دیکھا اور میں اُن کے بریسلٹ سے کھیلتا بھی تھا۔‘

    سلمان خان کو سانپ نے کاٹ لیا

    سلمان خان نے کہا کہ ’میں جب بڑا ہوا اور کام شروع کیا تو میرے والد نے مجھے بھی فیروزہ پتھر کا یہ بریسلٹ دیا اور میں اسے ہر وقت پہن کر رکھتا ہوں-

    اداکار نے بتایا کہ ’اُن کا یہ پتھر اُنہیں برائیوں سے محفوظ رکھتا ہے، جب بھی اُن پر برائی آنے والی ہوتی ہے تو اس پتھر میں دراڑ پڑ جاتی ہے۔‘

    اُنہوں نے مزید کہا کہ ’وہ اب تک اپنے بریسلٹ کا پتھر 3 بار تبدیل کرچکے ہیں۔

    بگ باس 15 میں کھلاڑیوں کی غیر ضروری گفتگو اور حرکتیں،سلمان خان غصے میں آگ بگولہ ہو…

    دوسری جانب بالی ووڈ اداکارہ اور ماڈل دیویا دتہ نے بتایا کہ زمانہ طالب علمی میں وہ اپنے فیوریٹ اداکار سلمان خان سے ملیں اور ان کے ساتھ تصویر بنوائی ہندی، پنجابی اس کے علاوہ ملیالم اور انگلش فلموں میں اپنے کام کے حوالے سے شہرت حاصل کرنے والی 44 سالہ دیویا دتہ نے کہا کہ وہ اپنی گرمیوں کی چھٹیوں کے پنجاب سے ممبئی آئی تھیں۔

    میرے شادی نہ کرنے کی وجہ ریکھا ہیں ،سلمان خان

    انہوں نے سلمان خان کے ہمراہ اپنی ایک پرانی تصویر اپنے انسٹاگرام پر شیئر کی ہے اور لکھا کہ بہت پرانی تصویر ملی جب میں نے گرمیوں کی تعطیلات کے دوران ممبئی گئی جہاں میری اپنے پسندیدہ فلم اسٹار سے بطور پرستار ملاقات ہوئی اور ان کے ساتھ تصاویر بنائیں۔جس کے چند سال بعد میں نے بالی ووڈ جوائن کیا تو سلمان خان کے ساتھ بھی کام کیا۔

    شاہ رخ خان کی بلاک بسٹر فلم جو سلمان خان نے پاکستانی مداحوں کیلئے ٹھکرا دی

  • اکشے کمار کی فلم ریلیز سے قبل ہی تنازعات کا شکار

    اکشے کمار کی فلم ریلیز سے قبل ہی تنازعات کا شکار

    ممبئی: بھارت میں اکشے کمار کی فلم ’پرتھوی راج‘ ریلیز ہونے سے قبل ہی تنازعہ کا شکار ہوگئی۔

    باغی ٹی وی : بھارتی خبررساں ادارے انڈیا ٹو ڈے کی رپورٹ کے مطابق ریاست راجستھان کے شہر اجمیر میں فلم کے خلاف گوجر برادری نے احتجاجی مظاہرے کئے راجستھان کی گوجر برادری نے فلم سازوں کو خبردار کیا ہے کہ فلم میں ’راجپوت‘ لفظ حذف کیا جائے ورنہ اس کی نمائش نہیں ہونے دیں گے۔

    سلمان خان کا بجرنگی بھائی جان کا سیکوئل بنانے کا اعلان

    اکشے کمار کی فلم ’پرتھوی راج‘ بنانے کا اعلان ہوتے ہی تنازعہ کا شکار ہوگئی تھی گوجر برادری سے تعلق رکھنے والوں نے اجمیر میں واقع دیو نارائن مندر کے پاس جمع ہوکر احتجاجی مظاہرہ کیا اور فلم کے خلاف شدید نعرے بازی بھی کی مظاہرین نے احتجاجاً مندر کے اطراف کی سڑکیں بلاک کر دیں اور ڈسٹرکٹ کلکٹر کے دفتر میں شکایت دائر کردی-

    آل انڈیا ویر گوجر سماج اصلاح کمیٹی کے صدر ہرچند گوجر نے اپنے بیان میں کہا کہ فلم کا عنوان ’پرتھوی راج‘ تبدیل کیا جائے اور فلم میں تاریخ سے ہونے والے کھلواڑ سے باز رہا جائے فلم میں تاریخ کے ہر پہلو کو ایمانداری کے ساتھ دکھانا چاہیے۔

    شاہ رخ خان کی بلاک بسٹر فلم جو سلمان خان نے پاکستانی مداحوں کیلئے ٹھکرا دی

    گوجر برادری کا کہنا ہے کہ عظیم حکمران کا تعلق ہماری برادری سے تھا فلم کو سینما گھروں میں ریلیز کرانے سے قبل ہمیں دکھایا جائے تاکہ اس میں تاریخی حوالوں کا جائزہ لیا جا سکے۔

    سنی لیون کا نیا گانا ان کے گلے کی ہڈی بن گیا

    فلم ’پرتھوی راج‘ میں اکشے کمار ہندو حکمران پرتھوی راج چوہان کا کردار نبھا رہے ہیں فلم میں ان کے ساتھ سنجے دت، آشوتوش رانا اور سونو سود بھی شامل ہیں۔ 2017 میں مس ورلڈ کا اعزاز حاصل کرنے والی اداکار مانوشی چھلر اس فلم میں اداکاری کر کے پہلی بار بالی وڈ میں قدم رکھیں گی فلم کو 21 جنوری 2022 کے لیے شیڈول کیا گیا ہے۔

    بھارت میں مسلمانوں کی نسل کشی بند نہیں کی تو خانہ جنگی کا خطرہ ہے،نصیر الدین شاہ

  • ملیالم اداکارصرف 10 منٹ میں سلمان خان کے گرویدہ ہو گئے

    ملیالم اداکارصرف 10 منٹ میں سلمان خان کے گرویدہ ہو گئے

    ملیالم اداکار ٹووینو تھامس کو صرف 10 منٹ میں سلمان خان کے گرویدہ ہو گئے-

    باغی ٹی وی : بھارتی میڈیا رپورٹ کے مطابق ملیالم اداکار نے کہا کہ میڈیا نے سلمان خان کی جو تصویر بنارکھی ہے، وہ اس سے بالکل مختلف ہیں فلم انڈسٹری کا اتنا بڑا اسٹار ہونے کے باوجود سلمان خان مجھ سے بہت شائستہ انداز میں ملے اور پیار دیا۔

    سلمان خان کو سانپ نے کاٹ لیا

    ملیالم فلم انڈسٹری سے وابستہ اداکار کا کہنا تھا کہ بے پناہ شہرت کے باوجود سلمان خان بہت ہی عاجز انسان ہیں، یہی بات مجھے متاثر کرگئی ٹووینو تھامس نے ایک انٹرویو میں بتایا کہ جب انہوں نے سلمان خان کو بغیر شرٹ کے ڈانس کرتے دیکھا تو اُن جیسی جسمات کے لیے ورزش شروع کی۔

    شاہ رخ خان کی بلاک بسٹر فلم جو سلمان خان نے پاکستانی مداحوں کیلئے ٹھکرا دی

    اداکار کے مطابق اُس وقت میں نے 10ویں پاس کی اور سلمان خان جیسی جسامت کے لیے جم جوائن کرلیا، جس نے مجھے متاثر کیا تھا اُس کے برسوں بعد اُن ہی دفتر میں ملاقات ہوگئی میں نے سلمان خان سے ملاقات کے لیے وقت مانگا، وہ میر ے سینئر ہیں، وہ بہت بڑے اداکار اور عاجز انسان ہیں۔

    بگ باس 15 میں کھلاڑیوں کی غیر ضروری گفتگو اور حرکتیں،سلمان خان غصے میں آگ بگولہ ہو گئے

    بھارتی میڈیا کے مطابق انہوں نے مزید کہا کہ سلمان خان کو جب پتا چلا کہ میں اُن کے ہوٹل میں جم کرتا ہوں تو انہوں نے مجھے نیچے کا جم استعمال کرنے کے لیے کہا۔

    سلمان خان کا بجرنگی بھائی جان کا سیکوئل بنانے کا اعلان

    ٹووینو تھامس نے بتایا کہ مجھے سلمان خان کے ساتھ صرف 10 منٹ بات کرنے کا موقع ملا، اس ملاقات نے بالی ووڈ اسٹار کی الگ ہی تصویر مجھے دکھائی تو میڈیا کی پھیلائی ہوئی باتیں جھوٹ ثابت ہوئیں گزشتہ ماہ ٹوینو تھامس نے سلمان خان کے ساتھ انسٹاگرام پر ایک تصویر شیئر کی تھی۔

    میرے شادی نہ کرنے کی وجہ ریکھا ہیں ،سلمان خان

  • سموکنگ ویڈیو لیک ہونے پر علیزے شاہ نے بڑا فیصلہ کر لیا

    سموکنگ ویڈیو لیک ہونے پر علیزے شاہ نے بڑا فیصلہ کر لیا

    اداکارہ علیزے شاہ نے گاڑی میں بیٹھے اپنی سگریٹ پیتے وائرل ویڈیو پر قانونی کارروائی کے لیے ایف آئی اے سے رجوع کرلیا۔

    باغی ٹی وی : حال ہی میں علیزے شاہ کی ایک ویڈیو سوشل میڈیا پر وائرل ہوئی یہ ویڈیو ایک سوشل میڈیا صارف کی جانب سے بنائی گئی تھی ویڈیو میں صاف دکھائی دے رہاہے کہ اداکار ہ گاڑی کی فرنٹ سیٹ پر بیٹھ کر سیگریٹ کے کش لگا رہی ہیں اور ان کی اجازت کے بغیر یہ ویڈیو بنائی گئی جو کہ سوشل میڈیا پرجنگل میں آگ کی طرح پھیل گئی ۔

    کنسرٹ کے دوران لڑکوں کی آئمہ بیگ کے ساتھ بدتمیزی

    اب علیزے شاہ نے اپنی ویڈیو کے پھلاؤ کے خلاف قانونی کارروائی کا فیصلہ کیا ہے اور اس سلسلے میں انہوں نے ایف آئی اے سائبر کرائم سے رجوع کر لیا ہے۔

    بگ باس 15 میں کھلاڑیوں کی غیر ضروری گفتگو اور حرکتیں،سلمان خان غصے میں آگ بگولہ ہو گئے


    اس حوالے سے ایف آئی اے سائبر کرائم سندھ کے ڈائریکٹر عمران ریاض نے انسٹاگرام پر اسٹوری پوسٹ کی عمران ریاض نے اپنے ویڈیو پیغام میں کہا کہ کسی کی بھی اجازت کے بغیر اس کی تصویر لینا یا ویڈیو بنانا، اپ لوڈ کرنا، مختلف سوشل میڈیا پلیٹ فارمز پر شیئر کرنا، ٹوئٹ کرنا، ری ٹوئٹ کرنا جیسا کہ ابھی اداکارہ علیزے شاہ کے کیس میں ہوا ہے، یہ الیکٹرانک جرائم کی روک تھام ایکٹ 2016 کے زمرے میں آتا ہے اور یہ ایک جرم ہےایسا کرنے والے کو تین سال تک کی سزا یا 10 لاکھ روپے جرمانہ یا یہ دونوں سزائیں ہوسکتی ہیں لہٰذا احتیاط کریں۔

    بچوں میں جنسی ہراسانی سے متعلق آگاہی کیلئے پاکستان کی پہلی اینیمیٹڈ سیریز…

    عمران ریاض کی اسٹوری کو علیزے نے بھی اپنی انسٹا اسٹوری پر شیئر کیا۔

    حریم شاہ کو کیسے حاصل کیا:خاوند نے ساری کہانی سنادی