پاکستانی معروف اداکارہ میرا نے اپنے گھر کے خلاف دائر دعویٰ میں عدالت کے سامنے جواب جمع کروادیا۔

باغی ٹی وی : تفصیلات کے مطابق اداکارہ میرا نے اپنے گھر کے خلاف دائر دعویٰ پر سول عدالت میں جواب جمع کروا دیا ہے اداکارہ نے ندیم انور چوہدری ایڈووکیٹ کی وساطت سے جواب جمع کروایا ہے۔

انہوں نے دعویٰ میں موقف اختیار کیا ہے کہ میں پاکستان کی نامور اداکارہ ہوں ڈراموں اور فلموں سے پیسہ کمایا لیکن تسلیم کوثر نامی خاتون نے میرے گھرکے خلاف جھوٹا دعویٰ دائر کیا میں نے ڈیفنس کے علاقے میں گھر اپنے پیسوں سے خریدا ہے-

گلوکار ابرارالحق کو بچی کی روٹی تیار کرنے کی ویڈیو شئیرکرنے پر تنقید کاسامنا

دعویٰ میں مزید بتایا گیا ہے کہ ڈیفنس ہاؤسنگ سوسائٹی کے ڈائریکٹر کی موجودگی میں دستاویزات پر دستخط کیے ڈیفنس ہاؤسنگ کے ڈائریکٹر نے بھی کاغذات پر دستخط کیے دعویٰ میں عدالت سے استدعا کی گئی ہے کہ عدالت میرے گھر کے خلاف دائر دعویٰ کو خارج کرنے کا حکم دے۔

عائزہ خان کا سنڈریلا بننے کا خواب دیکھنے والی لڑکیوں کیلئے مشورہ

واضح رہے کہ سول کورٹ میں تسلیم کوثر نامی خاتون نے اداکارہ میرا کے گھر کے خلاف دعوی دائر کررکھا ہے جس میں انہوں نے موقف اختیار کیا کہ ادکارہ میرا نے ڈیفنس میں موجود گھر کو دھوکا دہی سے اپنے نام کیا ، وہ گھر اب بھی میری ملکیت ہے۔

بی جے پی کی وزیرکو ’’دی کپل شرما شو‘‘ کے سیٹ پر داخلے سے روک دیا گیا

ریاض: ریاض سیزن میں بالی وڈ سٹار سلمان خان 10 دسمبر کو اپنے فن کا مظاہرہ کریں گے۔

باغی ٹی وی : "العربیہ ” کے مطابق سعودی محکمہ تفریحات نے کہا ہے کہ پروگرام کے ٹکٹ جلد جاری کیے جائیں گے ریاض سیزن میں 7500 پروگرام ہو رہے ہیں ان میں 70عرب کنسٹرٹ 6 انٹنیشنل کنٹسرٹ انٹرنیشنل شوز اور 350 تھیٹر شامل ہیں۔
https://twitter.com/Turki_alalshikh/status/1463886231201320964?s=20
محکمہ تفریحات کے سربراہ ترکی آل شیخ نے بھی اپنے ٹوئٹر اکاونٹ پر ریاض سیزن میں بالی وڈ اداکار سلمان خان کے پرواگرام کے حوالے سے ٹویٹ کی ہے۔ ان کا کہنا ہے کہ ریاض سیزن میں میوزک پروگرام دو فیصد سے زیادہ نہیں ہیں۔

سلمان خان کی جگہ لینے کے لئے کیا کرنا ہو گا؟ بالی ووڈ سلطان کا نئے اداکاروں کو…

Da-Bangg the tour in #Riyadh for the Riyadh season. Excited to see u all there on Dec 10…. @Turki_alalshikh @RiyadhSeason @theJAEvents @patel_jordy #AdilJagmagia @SohailKhan @TheShilpaShetty @Asli_Jacqueline @PDdancing @saieemmanjrekar @GuruOfficial #AayushSharma https://t.co/v7mmPI6Mmv

— Salman Khan (@BeingSalmanKhan) November 26, 2021

دوسری جانب سلمان خان نے بھی ترکی آل شیخ کے ٹوئٹ کو ری ٹوئٹ کرتے ہوئے بتایا کہ وہ 10 دسمبر کو ریاض سیزن میں پرفارم کرنے کے لئے پُرجوش ہیں-

پچپن سالہ بالی وڈ سٹار نے فلمی کیریئر کا آغاز 1988 میں کیا تھا وہ اب تک 107 فلموں میں کام کر چکے ہیں۔ ان میں باڈی گارڈ، دبنگ اور ایک تھا ٹائیگر ان کی مقبول فلموں میں شامل ہیں بالی وڈ سٹار سلمان خان کا شمار مقبول اداکاروں میں ہوتا ہے۔ شائقین انہیں ’سلمان بھائی‘ کہتے ہیں اور یہ اعزاز انڈیا کے کسی اور اداکار کو حاصل نہیں ہے۔

سلمان خان کترینہ کیف کی شادی میں کیوں شرکت نہیں کریں گے؟

میرٹ پر کامیابی پانا مداحوں کے بغیر ممکن نہیں رانی مکھر جی

سابق امام کعبہ عادل الکلبانی کی سعودی اشتہاری فلم میں اداکاری،ویڈیو سوشل میڈیا پر…

اداکارہ ثروت گیلانی نے تصدیق کی ہے کہ ویب سیریز ’چڑیلز‘ کا دوسرا سیزن بھی بنایا جائے گا۔

باغی ٹی وی : ویب سیریز’چڑیلز‘ کے پہلے سیزن کو 11 اگست 2020 کو ’زی فائیو‘ پر ریلیز کیا گیا تھا جسے کافی لوگوں نے پسند کیا، اسے پاکستان کی پہلی بولڈ ویب سیریز بھی قرار دیا گیا تھا جبکہ یہ ریلیز کے بعد تنازعات کا شکار بھی رہی جبکہ اس کو پاکستان میں بین بھی کیا گیا تھا جس کے بعد سوشل میڈیا صارفین کی جانب سے تنقید کے کچھ دنوں بعد اس پابندی کو اٹھا لیا گیا تھا۔

ویب سیریز چڑیلز کو پاکستان میں بین کرنے پر شوبز شخصیات کا سخت رد عمل

علاوہ ازیں ویب سیریز ‘چڑیلز’ کو رواں برس فروری میں برٹش ایشین میڈیا ایوارڈ (بی ایم اے) میں ‘او ٹی ٹی پلیٹ فارم شو آف دی ائیر’ کے ایوارڈ سے نوازا گیا تھا-

’چڑیلز‘ کی کہانی شوہروں کی بے وفائی کے بعد جاسوس بن جانے والی چار خواتین کے گرد گھومتی ہے جو سیریز میں اپنی جیسی دوسری خواتین کی زندگی بچانے کے لیے اپنی زندگیاں خطرے میں ڈال دیتی ہیں ویب سیریز میں چاروں خواتین کو گھریلو زندگی چھوڑ کر دھوکا دینے والے شوہروں کو بے نقاب کرتے دکھایا گیا ہے، چڑیلز کی ہدایات عاصم عباسی نے دی تھیں۔

پاکستانی بہادر ،بولڈ اور ذہین ’چڑیلز‘ کی دنیا بھر میں دھوم

جاسوس بن جانے والی خواتین پھر کم عمری کی شادیوں، بچوں کے ساتھ ناروا سلوک، زبردستی کی شادیوں، غربت، جرائم، رنگ و نسل کے واقعات اور خودکشی جیسے بھیانک حقائق کا سامنا کرتی ہیں۔

ویب سیریز میں ثروت گیلانی نے سارہ، یاسرہ رضوی نے جگنو، نمرہ بُچہ نے بتول اور مہربانو نے زبیدہ کا کردار ادا کیا ہے اور ویب سیریز میں ان چار مختلف شعبوں وکیل ، باکسر،ویڈنگ پلانر سے تعلق رکھنے والی خواتین کو ایک گینگ کے طور پر دکھایا گیا ہے-

پاکستانی ویب سیریز ‘چڑیلز’ نے برٹش ایشین میڈیا ایوارڈ اپنے نام کر لیا

فیشن ہاؤس کے نام پر جاسوسی کا ادارہ چلانے والی چاروں خواتین کو اپنے منصوبے کو آگے بڑھانے کے لیے درجنوں خواتین کو فیشن اور ماڈلنگ کے نام ملازمت پر رکھتے ہوئے بھی دکھایا گیا ہے۔

فیشن کے نام جاسوسی کا ادارہ چلانے والی چاروں خواتین کو برقع پہن کر بیویوں سے بے وفائی کرنے والے شوہروں کی جاسوسی کرتے ہوئے دکھایا گیا ہے.

مذکورہ ویب سیریز کو بہت پسند کیا گیا تھا اور پہلے ہی چہ مگوئیاں تھیں کہ اس کا دوسرا سیزن بھی بنایا جائے گا۔

’چڑیلز‘ شوہروں کی بے وفائی سے پردی اٹھاتیں ذہین بولڈ بہادر اور خوبصورت خواتین کی کہانی

حال ہی میں چڑیلز کے پہلے سیزن میں مرکزی کردار ادا کرنے والی اداکارہ ثروت گیلانی نے انسٹاگرام پر مداحوں کے سوالوں کے جوابات دیتے ہوئے تصدیق کی کہ مذکورہ سیریز کا دوسرا سیزن بھی بنایا جائے گا۔

مداح نے ان سے سوال کیا کہ کیا چڑیلز کا دوسرا سیزن بنایا جائے گا؟ جس پر انہوں نے ہاں کا مختصر جواب دیا۔

انہوں نے مزید کوئی وضاحت نہیں کی کہ ویب سیریز کا دوسرا سیزن کب بنایا جائے گا اور نئے سیزن میں کون سے اداکار شامل ہوں گے؟ تاہم خیال کیا جا رہا ہے کہ جلد ہی اس حوالے سے مزید معلومات سامنے آئے گی۔

ویب سیریز چڑیلز میں فرانسیسی آرٹسٹ جیسا خاکہ استعمال کرنے پر عاصم عباسی نے معافی مانگ لی

اداکار عثمان مختار کی ایوارڈ یافتہ مختصر فلم ‘بینچ’ کو پاکستان میں یوٹیوب پر ریلیز کردیا گیا۔

باغی ٹی وی : واضح رہے کہ مختصر فلم ‘بینچ’ کے ٹیزر اور پوسٹر 2019 کے آخر میں جاری کیے گئے تھے اور اسے اکتوبر 2020 میں فرانس میں ہونے والے کانز انٹرنیشنل انڈیپینڈنٹ فلم فیسٹیول (سی آئی آئی ایف ایف) میں بھی دکھایا گیا تھا۔

‘بینچ’ کو فرانسیسی فلم میلے میں پیش کیے جانے کے علاوہ مختلف عالمی فلم فیسٹیولز میں پیش کیا جا چکا ہے اور اس نے متعدد ایوارڈز بھی جیت رکھے ہیں –

ویڈٰیو لیک ہونے کا کوئی ڈر نہیں حریم شاہ

بیرون ممالک فلم فیسٹیولز میں پیش کیے جانے کے بعد رواں برس مئی میں ‘بینچ’ کو پاکستان میں یوٹیوب پر ریلیز کیا جانا تھا مگر اس وقت فلسطین پر اسرائیلی حملوں اور متعدد فلسطینیوں کے جاں بحق ہونے پر اس کی نمائش روکی گئی تھی فلسطینیوں سے اظہار یکجہتی کے لیے مؤخر کیے جانے کے 6 ماہ بعد اب ‘بینچ’ کو عثمان مختار نے اپنے یوٹیوب چینل پر جاری کردیا گیا۔

‘بینچ’ 12 منٹ دورانیے کی فلم ہے، جس کی کہانی پارک کے بینچ پر بیٹھے جوڑے کے گرد ہی گھومتی ہے فلم کی کہانی ‘بینچ’ پر بات سے شروع ہوتی ہے اور وہیں پر ہی ختم ہوتی ہے۔

فلم میں عثمان مختار اور ربیا چوہدری نے ہی کردار ادا کئے ہیں، جنہوں نے ایک ایسے شادی شدہ جوڑے کا کردار ادا کیا ہے جن کے تعلقات نامعلوم وجوہات کی وجہ سے کشیدہ ہوجاتے ہیں۔

کراچی سفید شیر کی ہلاکت: شوبز فنکار انتظامیہ پر برہم، چڑیا گھر بند کرنے کا مطالبہ

‘بینچ’ میں دکھایا گیا ہے کہ دونوں کے درمیان بے انتہا محبت بھی ہوتی ہے اور دونوں کو طلاق ہونے پر افسردہ بھی دکھایا گیا ہے فلم میں عثمان مختار ‘بینچ’ پر ہی ربیا چوہدری کو کہتے ہیں کہ وہ پہلی بار اسی بینچ پر ملے تھے، پہلی بار ربیا چوہدری نے مذکورہ بینچ پر ہی انہیں اپنا حمل ضائع ہونے کی خبر دی تھی اور پہلی بار دونون نے اسی بینچ پر بیٹھ کر اپنے گھر کی لیز کے کاغذات پر دستخط کیے تھے اور اب اسی بینچ پر ہی وہ طلاق کے معاملات طے کر رہے ہیں۔

سلمان خان کی جگہ لینے کے لئے کیا کرنا ہو گا؟ بالی ووڈ سلطان کا نئے اداکاروں کو…

فلم میں ربیا چوہدری کو عثمان مختار کو طلاق کے کاغذات دیتے ہوئے دکھایا گیا ہے، جس پر وہ قلم سے کچھ دستخط کرتے ہیں یا کوئی جملہ لکھتے ہیں عثمان مختار جیسے ہی طلاق کے کاغذات پر کچھ لکھتے ہیں تو ربیا چوہدری انہیں آنسوں بہاتے ہوئے کہتی ہیں کہ وہ کئی ماہ سے طلاق لینا چاہتی تھیں اور آج جب کاغذات پر دستخط ہوگئے ہیں تو وہ غمزدہ ہوگئی ہیں۔

فلم کا اختتام ربیا چوہدری اور عثمان مختار کے بینچ سے اٹھنے اور ربیا چوہدری کو گاڑی میں بیٹھنے کے بعد طلاق کے کاغذات کو کھولنے کے بعد مسکرانے پر ہوتا ہے۔

فلم کو شائقین کی جانب سے بے حد سراہا جا رہا ہے-

پاکستان میں انڈین فلمیں اور ڈرامے پروموٹ کرنے کی کوئی ضرورت نہیں