Tag: شیری رحمان

بجلی کی قیمتوں میں اضافہ ہونے پر شیری رحمان کا کہنا ہے کہ 3 دن میں 3 بار بجلی کی قیمت میں اضافہ قابل تشویش ہے۔ فروری کے بلوں میں 6 روپے فی یونٹ کا اضافہ ہوگا، کیا اس حکومت کا کوئی احتساب کرنے والا نہیں؟ پیپلز پارٹی کی حکومت میں سموسے کی قیمت میں اضافے پر عدالت نوٹس لیتی تھی، موجدہ حکومت ہر روز منی بجٹ پیش کر رہی، کیا اس نااہل حکومت کی جوابدہی نہیں بنتی؟ حکومت کی نالائقی اور نااہلی کی قیمت عوام کو ادا کرنی پڑ رہی، حکومت آئی ایم ایف کو خوش کرنے کے لئے عوام کی چیخیں نکال رہی ہے، آئی ایم ایف کی قسط حاصل کرنے کے لئے روز قیمتیں بڑھائی جا رہی ہے۔مہنگائی کی سونامی نے عوام کا جینا مشکل کر دیا ہے۔ 

سرکاری ملازمین نے احتجاج کا مظاہرہ کیا۔مظاہرین پر پولس نے تشدد کیا۔
اس رد عمل پر شیری رحمان نے کہا کہ:
سرکاری ملازمین کے پر امن احتجاج پر پولس تشدد قابل مذمت ہے، گرفتار ملازمین کو جلد رہا کیا جائے، یہ لاٹھی گولی کی سرکار مذاکرات کرنا جانتی ہی نہیں، نا اہل حکومت نے وفاقی دارالحکومت کو میدان جنگ بنا دیا ہے،مہنگائی کے باوجود وفاقی ملازمین کی تنخواہوں میں اضافہ نہیں کیا گیا،حکومت کی شاہ خرچیاں بند نہیں ہوئی، سادگی کی پالسی صرف سرکاری ملازمین پر لاگو کی گئی، ملازم دشمن سرکار کی ضد ملک گیر مظاہروں کو جنم دے رہی ہے۔ 

سینیٹ اجلاس 

سینیٹ اجلاس میں شیری رحمان کا کہنا تھا کہ انتخابات میں شفافیت پر کسی کو اعتراض نہیں ہے- اس سارے عمل میں شراکت داری کی ضرورت ہے- وزیراعظم اور حکومت پارلیمان کو اعتماد میں لیتے تو ہم میثاق جمہوریت سے آگے جاتے- میثاق جمہوریت کے 70 فیصد فیصلوں پر پیپلز پارٹی حکومت نے عمل کیا-

ہم سینیٹ انتخابات میں شفافیت چاہتے ہیں- لیکن آپ عجلت میں فیصلے نہیں لے سکتے- ان کے ایم پی ایز ان کے قابو میں نہیں ہیں- ایک طرف معاملہ عدالت میں ہے دوسری طرف آپ ترمیم  لا رہے ہیں- یہ قومی اسمبلی کو تباہ کر کے سینیٹ کو تباہ کرنا چاہتے ہیں- صدر بائیڈن نے اپنی تقریر میں 11 بار اتحاد کی بات کی- یہاں یہ کہتے ہم ان سے این آر او مانگ رہے- جس کے پاس دو تہائی اکثریت نہیں وہ یہ بل کیسے لا رہے ہیں-