چيئرمین سینیٹ اور قائم مقام صدر صادق سنجرانی نے سوئيڈن کی اسمبلی کے اسپیکر کو خط لکھ دیا۔

اپنے خط میں چیئرمین سینیٹ نے لکھا کہ سوئیڈن کی پارلیمنٹ اسلام کے بارے میں غلط فہمی دورکرےسوئیڈش رہنما کو لکھے گئے خط میں انہوں نے کہا کہ قرآن پاک کی بے حرمتی سے مسلمانوں کے جذبات مجروح ہوئے ہیں، اسلام ہمیں دیگر مذاہب، مقدس کتابوں اور پیغمبروں کی توہین سے روکتا ہے، اس جدید دور میں مذہبی جذبات کی توہین کی گنجائش نہیں ہونی چاہیے،سوئیڈن کی پارلیمنٹ اسلام کے بارے میں غلط فہمی دورکرے-

پوپ فرانسس کی سویڈن میں قرآن پاک کی بے حرمتی کی شدید مذمت

دوسری جانب پوپ فرانسس نے گزشتہ ہفتے سویڈن میں قرآن پاک کی بےحرمتی کیےجانےکی شدید الفاظ میں مذمت کی،پوپ فرانسس افسوس کا اظہارکرتے ہوئے لوگوں پر زور دیا کہ وہ انسانی برادری سے متعلق فروغ دی گئی اقدار کو ذہن میں رکھیں مقدس سمجھی جانےوالی کسی بھی کتاب کا احترام کیا جانا چاہئیےاوران لوگوں کا احترام کرنا چاہئیے جو اس پر یقین رکھتے ہیں انہوں نے کہا کہ مسلمانوں کی مقدس کتاب کی بے حرمتی دیکھ کر انہیں ’غصہ اورنفرت‘ محسوس ہوئی۔

اردوان نے قرآن پاک کی بے حرمتی کو اسلام پر بزدلانہ حملہ قرار دے دیا

جبکہ ترک صدر رجب طیب اردوان نے اسلامو فوبیا کی کارروائیوں میں سہولت کاری کرنے پر انقرہ کی طرف سے سوئیڈن کے امریکی زیر قیادت نیٹو فوجی اتحاد میں شمولیت کی مخالفت کا اشارہ دیا ہے جبکہ اردوان نے سویڈن کے دارالحکومت میں گزشتہ ہفتے قرآن پاک کی بے حرمتی کو اسلام پر ایک بزدلانہ حملہ قرار دیا۔ اس دوران ترک صدر نے کہا کہ یہ نفرت انگیز جرائم ہیں جو اسلامو فوبیا کی وجہ سے ہوتے ہیں،لوگوں کی مقدس اقدار پر حملوں کو آزادی فکر کے طور پر بیان نہیں کیا جا سکتاجس طرح کسی چرچ، عبادت گاہ یا کسی دوسرے عقیدے کے مندر کو آگ لگانا آزادی نہیں ہے اسی طرح قرآن پاک کی بیحرمتی کرنے کی بھی آزادی نہیں ہو سکتی۔ انہوں نے دیگر مغربی حکومتوں کی اسلامو فوبک کارروائیوں سے نمٹنے کے لیے کوئی بھی اقدامات کرنے میں ناکامی پر بھی سرزنش کی۔

سوئیڈن میں قرآن پاک کی بے حرمتی،قائم مقام صدر کاعالمی پارلیمانوں سے رابطے کیلئے خط بھیجنےکا فیصلہ

اسلام آباد: قائم مقام صدرصادق سنجرانی نے اعلیٰ عدلیہ کے ججزکی تنخواہوں سے متعلق صدارتی حکم نامہ جاری کر دیا ہے۔

صادق سنجرانی نے ججز کی تنخواہوں کا آرڈر 2023ء جاری کیا،وفاقی حکومت نے سپریم کورٹ کے چیف جسٹس اور ججز کی بنیادی تنخواہ میں 20 فیصد اضافہ کردیا ہے، سپریم کورٹ کے چیف جسٹس کی تنخواہ میں 2 لاکھ 4 ہزار 865 روپے اضافہ کیا گیا ہے۔

اس حکم نامے کے مطابق اب چیف جسٹس پاکستان کی تنخواہ 20 فیصد بڑھا کر 12 لاکھ 29 ہزار 189 روپے ماہانہ ہو گی،سپریم کورٹ کے دیگرججز کی بنیادی تنخواہ بھی 20 فیصد بڑھا کر 11 لاکھ 61 ہزار 163 روپے ماہانہ کر دئ گئی ہے،حکم نامے میں کہا گیا ہے کہ نئی تنخواہیں یکم جولائی سے نافذ العمل سمجھی جائیں گی۔

تھانہ شادمان نذر آتش کیس،اعجاز چوہدری کے جوڈیشل ریمانڈ میں توسیع

اس سے قبل 2022ء کے آرڈر کے مطابق چیف جسٹس کی تنخواہ 10 لاکھ 24 ہزار 324 روپے جبکہ جج کی تنخواہ 9 لاکھ 67 ہزار 636 روپے تھی گزشتہ ہفتےوفاقی وزیرخزانہ اسحاق ڈارکا کہنا تھا کہ چیف جسٹس سمیت سپریم کورٹ اور ہائیکورٹ کے تمام ججز کی بنیادی تنخواہوں میں 20 فیصد اضافہ 30 جون سے پہلے ہوجائے گا، اس سلسلے میں سمری بھجوائی جاچکی ہے چیئرمین سینیٹ کی مراعات کے بل کو منی بل کا حصہ نہیں بنایا گیا۔ ن لیگ کا اصولی فیصلہ ہے کہ چیئرمین سینیٹ کی مراعات کا بل سپورٹ نہیں کریں گے نہ ہی اسے قومی اسمبلی سے پاس ہونے دیں گے۔

فرانسسکو میں سکھ مظاہرین نے بھارتی قونصل خانے کو آگ لگا دی

حکومت کی جانب سے شدید مخالفت، چیئرمین سینیٹ صادق سنجرانی نے چیئرمین سینیٹ کی تاحیات مراعات کا بِل واپس لینے کا فیصلہ کرلیا۔

تفصیلات کے مطابق گزشتہ دنوں قومی اسمبلی میں چیئرمین سینیٹ کی مراعات سے متعلق بِل کی حکومتی وزرا نے شدید مخالفت کی تھی۔ حکومتی وزرا کے ردِ عمل کے بعد صادق سنجرانی کی طرف سے بل واپس لینے کا فیصلہ کا گیا چیئرمین سینیٹ نے متعقلہ سینیٹرز کو بِل واپس لینے کی ہدایات جاری کردیں صادق سنجرانی نجی بل کو فنانس بِل کے ساتھ منظور کروانا چاہتے تھے۔

پی ٹی آئی نے 17 رکنی کراچی نگراں کمیٹی کا اعلان کر دیا

واضح رہے کہ چیئرمین سینیٹ کی تاحیات مراعات کے بِل کے مطابق چیئرمین سمیت ان کے اہلخانہ کو بھی نجی علاج کی سہولت حاصل ہونی تھی جبکہ چیئرمین سینیٹ کی رہائش گاہ کا کرایہ بڑھا کر ڈھائی لاکھ روپے ماہانہ کیا جانا تھا ان بلوں میں چیئرمین سینیٹ کے دفتر کا خرچہ 6 ہزار روپے سے بڑھا کر 50 ہزار روپے کیا گیا ہے، چیئرمین سینیٹ کے گھر کی تزئین و آرائش کے لئے 50 ہزار روپے رکھے گئے تھے-

ورزش اور وزن کی کمی سے ذیابیطس کامرض دور ہوسکتا ہے، ماہرین

نئے قانون کے مطابق چیئرمین سینیٹ بیرون ملک سفر میں خاندان کا ایک رکن ساتھ لے جا سکتے تھے جبکہ چیئرمین سرکاری جہاز میں بھی خاندان کے 4 افراد کو ساتھ لے جا سکتے تھے۔ اسی کے ساتھ چیئرمین کے اہلخانہ بھی سرکاری گاڑیاں استعمال کرنے کے حقدار تھے ان مراعات میں تمام سابق چیئرمین سینیٹ کو تاحیات اضافی مراعات ملنا تھیں جبکہ تین برس تک چیئرمین رہنے والے افراد بھی اضافی مراعات کے حقدار تھے۔

ڈیرہ اسماعیل خان،سرچ آپریشن کے دوران سیکیورٹی فورسز پر فائرنگ،3 شر پسند ہلاک

اسلام آباد: قائم مقام صدر صادق سنجرانی نے الیکشن ایکٹ ترمیمی بل پر دستخط کردیئے۔

قائم مقام صدر نے وزیراعظم کی جانب سے بھیجی گئی سمری پر دستخط کردیئے جس کے ساتھ ہی یہ بل ایکٹ آف پارلیمنٹ بن گیاالیکشن ایکٹ کی ترمیم کے تحت نااہلی 5 سال سے زیادہ نہیں ہوگی،الیکشن کمیشن عام انتخابات کی تاریخ کا اعلان کرسکے گا۔

واضح رہے کہ گزشتہ روز قومی اسمبلی میں نااہلی کی زیادہ سے زیادہ سزا 5 سال کرنے کا بل اتفاق رائے سے منظور کیا گیا جبکہ یہ بل سینیٹ سے پہلے ہی منظور ہوچکا ہے الیکشن ایکٹ کی سیکشن 57 میں ترمیم کے تحت الیکشن کمیشن عام انتخابات کی تاریخ یا تاریخوں کا اعلان کرے گا، الیکشن کمیشن الیکشن پروگرام میں ترمیم کرسکےگا اور اس کے علاوہ الیکشن کمیشن نیا الیکشن شیڈول یا نئی الیکشن تاریخ کا اعلان کرسکےگا۔

میہڑ : زرعی پانی کی قلت کے خلاف سندھ یونائیٹڈ پارٹی کی جانب سے …

الیکشن ایکٹ کی اہلی اور نااہلی سے متعلق سیکشن 232 میں ترمیم کے تحت اہلیت اور نااہلی کا طریقہ کار اور مدت ایسی ہو جیسا آئین کے آرٹیکل 62 اور 63 میں فراہم کی گئی ہے، جہاں آئین میں اس کےلیےکوئی طریقہ کار یا مدت نہیں وہاں اس ایکٹ کی دفعات لاگو ہوں گی،آئین کے آرٹیکل 62 کی کلاز ون ایف کے تحت 5 سال سے زیادہ نااہلی کی سزا نہیں ہوگی، متعلقہ شخص پارلیمنٹ یا صوبائی اسمبلی کا رکن بننے کا اہل ہوگا، آئین میں جس جرم کی سزا کی مدت کا تعین نہیں کیا گیا وہاں نااہلی 5 سال سے زیادہ نہیں ہوگی۔

اقلیتوں کے حقوق کا تحفظ نہ کیا گیا، تو بھارت کے تقسیم ہونے کا آغاز …

اسلام آباد: چیئرمین سینیٹ کی مراعات میں غیرمعمولی اضافہ ، خاندان کے افراد کو بھی ڈھیروں سہولتیں دی جائیں گی-

باغی ٹی وی: چیئرمین سینیٹ کو اسپیکرقومی اسمبلی کی تنخواہوں، مراعات اور الاؤنسز کے قانون سے علیحدہ کردیا گیا ہے جس کے بعد ایوان نے چیئرمین سینیٹ کی تنخواہوں، مراعات اور الاؤنسز کا قانون منظور کرلیا ہے۔

قانون کےمطابق چیئرمین سینیٹ کو ماہانہ 50 ہزار روپے اضافی الاؤنس ملے گا اور رینٹ پر چیئرمین سینیٹ کے گھرکا کرایہ ڈھائی لاکھ روپے ماہانہ ہوگا جب کہ چیئرمین سینیٹ کی سرکاری رہائش گاہ کی تزئین و آرائش کے ایک دفعہ کے اخراجات 50 لاکھ روپے ہوں گے جب کہ چیئرمین سینیٹ کے ساتھ اب اہلخانہ کو بھی نجی علاج کی سہولت حاصل ہوگی–

بنگلہ دیش کی سرکاری فضائی کمپنی 10 ایئربس جیٹ طیارے خریدے گی

فضائی سفرپر حکومت، فوج، فلائنگ کلب،چارٹرڈ سروس کا جہازیا ہیلی کاپٹر ریکوزیشن ہوسکتی ہے جبکہ بیرون ملک سفر میں خاندان کا ایک رکن ساتھ لے جا سکتے ہیں صرف یہی نہیں چیئرمین سرکاری جہاز میں بھی خاندان کے 4 ا فراد کو ساتھ لے جا سکتے ہیں،اب چیئرمین سینیٹ کے اہلخانہ بھی سرکاری گاڑیاں استعمال کرنے کے حقدار ہوں گے بیرون ملک سفر میں چیئرمین سینیٹ کو نائب صدر کا پروٹوکول ملے گا-

چیئرمین سینیٹ کو سرکاری کام کے لیے زمینی سفرپرپبلک ٹرانسپورٹ میں 300 روپےفی کلو میٹر دیئےجائیں گےجبکہ اپنی گاڑی پر سفر پر 400 روپے فی کلومیٹر دیئے جائیں گے اور سفر میں ٹھہرنے پر الاؤنس 10 ہزار روپے یومیہ ہوگا۔

میٹا نے نیا وائس باکس ٹول پیش کر دیا

مراعات میں اضافے کے بعد چیئرمین سینیٹ 12 اہلکاروں پر مشتمل ذاتی عملے بھی رکھ سکتے ہیں،جبکہ چیئرمین سینیٹ اب 18لاکھ روپے تک صوابدیدی فنڈ بھی استعمال کر سکے گا نئے قانون کے تحت تمام سابق چیئرمین سینیٹ کو تاحیات اضافی مراعات ملیں گی جبکہ 3برس تک چیئرمین رہنے والے افراد بھی اضافی مراعات کے حقدار ہوں گے۔

ڈپٹی چیئرمین سینیٹ کی تنخواہ، مراعات اور الاؤنسز کا قانون بھی ڈپٹی اسپیکرقومی اسمبلی سے الگ کردیا گیا ہے سینیٹ نے چیئرمین کی مراعات میں اضافے کا بل 16 جون کو منظور کیا تھا، بجٹ سیشن کے بعد بل منظوری کے لیے قومی اسمبلی بھیجا جائے گا۔

پی ٹی آئی کے 31 لوگوں کو کس نے اورکیوں نہیں آنے دیا تحقیقات کی …

چیئرمین سینیٹ کا روسی فیڈریشن کے سالانہ اجلاس سے خطاب

چیئرمین سینیٹ محمد صادق سنجرانی نے روسی فیڈریشن کے سالانہ اجلاس سے تاریخی خطاب کرتے ہوئے کہا ہے کہ روس میں گرم جوش استقبال اور مہمان نوازی پر شکریہ ادا کرتا ہوں۔ میرے لئے یہ امر بھی خوشی اور افتخار کا باعث ہے کہ میں ایک کثیر الثقافتی، تاریخی اہمیت کے حامل اور دنیا کے سب سے خوبصورت لوگوں کے وطن، روس میں ہوں جو رقبے کے لحاظ سے کرہ اراض کا سب سے بڑا ملک بھی ہے۔یقیناروس فیڈریشن کونسل کے سالانہ اجلاس سے خطاب میرے لئے ایک بڑا اعزاز ہے جس کی خوشگوار یادیں ہمیشہ میرے دل میں رہیں گی۔

محمد صادق سنجرانی نے کہا کہ روسی پرچم سفید، نیلے اور سرخ رنگ سے مزین ہے جو آزادی انصاف اور بہادری کو ظاہر کرتا ہے۔ اسی طرح روسی قومی ترانہ بھی حب الوطنی، طاقت اور قومی عظمت کے حصول کی جدوجہد کا پیغام دیتا ہے۔ انہوں نے کہا کہ میرا یہ پہلا دورہ روس دونوں ممالک کے سفارتی تعلقات کے 75 ویں یوم تاسیس کے موقع پر ہو رہا ہے جو خوشی کاباعث ہے۔ دونوں ممالک کے تعلقات کا سلسلہ طویل عرصے پر محیط ہے۔ بدلتی دنیا کے تقاضوں کے مطابق ہمارے باہمی تعلقات وقت کے ساتھ مزید پختہ ہوئے ہیں۔ دونوں ممالک کے یہ دوستانہ تعلقات مشترکہ اہداف کی نئی راہیں متعین کریں گے۔ دونوں ممالک میں سرمایہ کاری کے وسیع تر مواقعے موجود ہیں اور ہماری تاجر برادری بھی تجارتی فروغ میں خاصی دلچسپی کا اظہار کررہی ہے۔

محمد صادق سنجرانی نے کہا کہ روس کے باشندوں نے دفاع وطن کے لئے شاندار معرکے لڑے۔ لینن گراڈ آج بھی پاکستان کے دفاع وطن کے ناقابل تسخیر کے عزم کے طور پر محاورے اور علامت کی حیثیت سمجھا جاتا ہے۔ اس عظیم معرکے کی 80 ویں سالگرہ کے موقع پر روسی عوام اور فوج کی بے مثال جرات و بہادری اور ناقابل فراموش قربانیوں کو ہم خراج تحسین پیش کرتے ہیں۔ ہمارے ملک کے نامور عظیم شاعر فیض احمد فیض کو لینن ایوارڈ سے نوازا گیا جو قابل فخر اور اعزاز کی بات ہے۔ چیئرمین سینیٹ نے کہا کہ پاکستان کے ایوان بالا میں پاک روس دوست گروپ کی سربراہی ایک سابق وزیراعظم کے پاس ہے۔ انہوں نے کہا کہ روسی کی سپیکر کا 2013 میں پاکستان کا دورہ ہمارے تعلقات میں ایک اہم سنگ میل کی حیثیت رکھتا ہے جس سے فروغِ تعلقات کے نئے امکانا ت پیدا ہوئے۔ پارلیمانی تعلقات کے فروغ کے حوالے سے چیئرمین سینیٹ نے کہا کہ موثر سفارتکاری اور پارلیمانی وفود کے تبادلوں سے بہتری لائی جا سکتی ہے۔پاکستان کی پارلیمنٹ باہمی فرینڈ شپ گروپس، انٹر پارلیمنٹری یونین، کامن ویلتھ پارلیمنٹری ایسوسی ایشن اور ایشیئن پارلیمنٹری اسمبلی جیسے اہم ترین پارلیمانی فورمز کے ذریعے روابط کے فروغ میں نہایت متحرک کردار ادا کر رہی ہے۔رواں برس ہی پاکستان سینیٹ کی شاندار گولڈن جوبلی تقریبات منعقد کی گئیں جس میں مختلف ممالک کے سفراء نے خیالات کا اظہار کیا جن میں روسی سفیر بھی شامل تھے۔

چیئرمین سینیٹ نے روس کی فیڈریشن کونسل کے سالانہ اجلاس سے خطاب کے دوران کہا کہ پارلیمنٹ ملکی نظم ونسق چلانے،عوامی مفادات اور ملک کی ترقی کے لئے قانون سازی کے ساتھ ساتھ بجٹ، مالی معاملات کی نگرانی جیسے اہم فرائض سرانجام دیتی ہے۔ محمد صادق سنجرانی نے کہا کہ روس کی فیڈریشن کونسل کا آج کا یہ اجلاس انتہائی اہم فورم ہے جو دنیا کو اقتصادی زوال، موسمی تغیرات، انتہا پسندی، دہشت گردی، اسلام فوبیا و دیگر غیر روایتی خطرات و آفات سے نجات دلانے میں بنیادی کردار ادا کر سکتا ہے۔انہوں نے کہا کہ مقننہ عوام کا نمائندہ اور بالادست ادارہ ہونے کی حیثیت میں قومی، علاقائی اور عالمی سطح پر قیادت کا رول ادا کرتے ہوئے تعمیری اور با مقصد رابطوں کے ذریعے باہمی وابستگی کا نہایت مضبوط ذریعہ بن سکتی ہے۔ اقوام عالم کے منظر نامے کے حوالے سے چیئرمین سینیٹ نے کہا کہ پاکستان کی پارلیمنٹ موثر کردار ادا کرنے کیلئے پر عزم ہے۔موجود دور کے چینلنجز کو پیش نظر رکھتے ہوئے پاک روس تعلقات لا محدود امکانات رکھتے ہیں۔ دونوں ممالک کے باہمی تعلقات نہ صرف پاکستان بلکہ روس کے قومی مفادات کیلئے بھی ناگزیز ہیں بلکہ یہ علاقائی،عالمی استحکام، معیشت اور سلامتی کے لئے بھی نہایت اہم ہیں۔ انہوں نے کہا کہ پاکستان دنیا بھر میں تنازعات کے سفارتی حل کی ضرورت پر زور دیتا ہے۔فلسطین اور بالخصوص کشمیرکے دہائیوں پرانے تنازعات کو اقوام متحدہ کی قرار دادوں کے مطابق حل کیا جائے۔ انسانی حقوق کا تحفظ ہم سب کی اولین ترجیح ہونا چاہیے۔

پارلیمانی روابط کے فروغ کے حوالے سے محمد صادق سنجرانی نے کہا کہ پاک روس پارلیمانی وفود کے تبادلوں سے ہمارے رابطوں، تعلقات اور مکالمے کو فروغ ملا ہے اور باہمی اتحاد اور احترام کے احساسات میں بھی اضافہ ہوا ہے جس کے ثمرات دونوں ممالک کی عوام کوملیں گے۔ انہوں نے کہا کہ گزشتہ دو دہائیوں کے دوران پاک روس تعلقات مثبت سمت کی جانب گامزن ہیں جو خوشی اور تسکین کا باعث ہیں۔ تعلقات کو فروغ دینے کی مخلصانہ خواہش اور جذبہ دونوں اطراف موجود ہے۔ روس کے ساتھ تجارت، معیشت، سیکورٹی،دفاع، انسداد دہشت گردی، تعلیم،ثقافت و دیگر شعبوں میں وسیع تعاون کی گنجائش موجود ہے۔

محمد صادق سنجرانی نے کہا کہ صدر پیوٹن کا دونوں ممالک کے تعلقات کے فروغ میں کردار قابل تحسین اور حوصلہ افزاء ہے۔ پاکستانی قوم صدر پیوٹن کی تجارت اور تعلقات بڑھانے کی کاوشوں کی مشکور ہے۔انہوں نے کہاکہ 5 مئی2023 کا دن بھی ہمارے لئے خصوصی اہمیت کا حامل ہے جب روس اور پاکستان کے درمیان مال بردرا شپنگ کا باضابطہ افتتاح ہوا اور اسی دن سینٹ پیٹرز برگ جہاز کراچی کی بندرگاہ پر لنگر انداز ہوا۔انہوں نے کہا کہ دونوں ممالک کے درمیان باہمی سرمایہ کاری،اقتصادی ترقی اور روزگار کے نئے مواقعوں کی زبردست گنجائش موجود ہے۔ روس کے سرمایہ کاروں کے لئے پاکستان نہایت سازگار اور پرکشش ملک ہے۔ ایشیاء پر روس کی خصوصی توجہ روس کے صدر کے ویژن اور شاندار پالیسیوں کانتیجہ ہے۔ روس کی یورپ اور ایشیاء کے درمیان رابطہ کاری ہم سب کے لئے ترقی وخوشحالی کا نیا پیش خیمہ ثابت ہوگی۔ پاکستان اور روس نے اقوام متحدہ کے اصول کی ہمیشہ پاسداری کی ہے۔ شنگھائی تعاون تنظیم کی رکنیت نے دونوں ممالک کے درمیان مختلف شعبوں میں تعاون اور ہم آہنگی کی نئی راہیں کھول دی ہیں۔

چیئرمین سینیٹ نے کہا کہ پاکستان کی حکومت اور لوگ صدر پیوٹن کے اصولی موقف کو قدر کی نگاہ سے دیکھتے ہیں۔ آزادی اظہار رائے کے لبادے میں مقدس شخصیات اور مقدس کتابوں کی بے حرمتی ہر گز قابل قبول نہیں۔ کوئی بھی مہذب معاشرہ کسی بھی مذہب کے خلاف اس کی بے مہار آزادی کی اجازت نہیں دے سکتا۔ روس کا یہ عزم ہم سب کے لئے قابل تحسین ہے کہ وہ تمام طبقات کو عزت و احترام کی نگاہ سے دیکھنے والا وسیع البنیاد معاشرہ تشکیل دینے کے لئے کوشاں ہے۔محمد صادق سنجرانی نے کہا کہ مشترکہ ترقی و خوشحالی، امن و استحکام اور ہمہ گیر باہمی تعاون کے ایک نئے سفر کا ہم سب آغاز کریں جو علاقائی امن و استحکام، اقتصادی ترقی و خوشحالی کے خواب کو شرمندہ تعبیر کرے۔ روسی فیڈریشن کے سالانہ اجلاس سے خطاب کے آخر میں انہوں نے دعا کی کہ پاکستان اور روس کے دوستانہ تعلقات ثابت قدمی کے ساتھ تابناک روشن مستقبل کی جانب گامزن رہیں۔ دونوں ممالک کی دوستی پائیدار اور مزید استوار ہو جو آکاش کی نئی بلندیوں کو چھوئے اور ہماری یہ دوستی خطے اور دنیا میں امن و سلامتی کے فروغ کا عملی نمونہ ثابت ہو۔

چیئرمین سینیٹ محمد صادق سنجرانی نے روس کی فیڈیشن کونسل سے خطاب کے بعدکریملن کی دیوار (Kremlin Wall)گمنام سپاہیوں کی یاد گار پر گئے اور پھول چڑھائے۔ چیئرمین سینیٹ نے گمنام سپاہیوں کی خدمات کو خراج عقیدت پیش کیا۔اس موقع پر چیئرمین سینیٹ کے ہمراہ سینیٹر ز منظور احمدکاکڑ، دلاور خان،محترمہ روبینہ خالد، محترمہ نزہت صادق، عبدالغفور حیدری، عبدالقادرودیگر بھی شریک تھے۔بعدازیں چیئرمین سینیٹ محمد صادق سنجرانی سٹیٹ ڈوما کے چیئرمین وی وی ولودین سے ملاقات کی اور باہمی دلچسپی کے امور پر تفصیلی تبادلہ خیال کیا۔چیئرمین سینیٹ محمد صادق سنجرانی نے ماسکو کیتھیڈرل مسجد کا دورہ بھی کیا جہاں چیئرمین سینیٹ کا استقبال روس کے مفتی اعظم گینوت الدین نے کیا انہوں نے سینیٹ کے پارلیمانی وفد کو اس عظیم اور تاریخی مسجد کی تاریخ اور سرگرمیوں کے ساتھ ساتھ روس میں اسلام کے کردار اور عالم اسلام کے ساتھ روس کے قریبی تعلقات کے بارے آگاہ کیا۔چیئرمین سینیٹ نے تمام مذاہب کے احترام اور بین المذاہب ہم آہنگی پر روس کے موقف کو سراہا۔

چیئرمین سینیٹ صادق سنجرانی کی سربراہی میں سپریم کورٹ فیصلوں اور آرڈرز پر نظر ثانی بل سینیٹ میں منظور کرلیا گیا

چیئرمین سینیٹ صادق سنجرانی کی زیر صدارت سینیٹ کا اجلاس ہوا ، سینیٹ میں سپریم کورٹ فیصلوں اور آرڈرز پر نظر ثانی بل عرفان صدیق نے پیش کیا بل پیش کرنے کی تحریک کے حق میں 32 اور مخالفت میں 21 ووٹ آئے،بل منظور ہونے کے بعد اپوزیشن اراکین کی جانب سے چیئرمین سینیٹ کے ڈائس کا گھیراؤ کرلیا گیا ہے اور شور شرابہ بھی کیا گیا ،اس موقع پر اپوزیشن لیڈر شہزاد وسیم نے بل کی مخالفت کرتے ہوئے کہا کہ یہ بل سوداگروں کا ہے، ہم تسلیم نہیں کرتے ہیں حکمران توہین پارلیمنٹ کے مرتکب ہو رہے ہیں پارلیمنٹ کی بالادستی پر تقاریر کرتے تھکتے نہیں اور ادھر خلاف ورزی کرتے ہیں۔

شہزاد وسیم نے کہا کہ ہمیں یہ بتایا جائے کہ دکاندار کون ہے؟ آج دکان میں کیا سودا بیچنے آئے ہیں؟ حکمرانوں نے تو پہلے ہی اپنے کرپشن کے کیسز معاف کروائے ہیں ۔ بل کی ضرورت کیوں پیش آئی؟ اجلاس کے دوران وفاقی وزیر قانون اعظم نذیر تارڑ نے اظہار خیال کرتے ہوئے بتایا کہ سپریم کورٹ کے پاس پارلیمنٹ کے قانون کے تحت نظر ثانی کا اختیار ہوگا ۔ نظر ثانی میں لوگوں کے ساتھ ظلم ہوتا ہے۔ آئین آرٹیکل 188 میں نظر ثانی پاور کا ذکر بھی کیا گیا ہے

بلاول کا دورہ، بھارتی حکومت کے رویہ میں حیران کن تبدیلی

 شنگھائی تعاون تنظیم کے اجلاس میں شرکت کیلئے گوا آمد 

پارلیمنٹ ہاؤس میں چیئرمین سینیٹ محمد صادق سنجرانی سے خصوصی ملاقات میں وزیر برائے پارلیمانی امور مرتضیٰ جاوید عباسی نے بتایا کہ حکومت نے قومی سلامتی پالیسی کے تحت ایک جامع حکمت عملی ترتیب دی ہے تاکہ قومی مسائل پر سیاسی قیادت کے درمیان اتفاق رائے پیدا کیا جا سکے۔

باغی ٹی وی : چیئرمین سینیٹ کو بریفنگ دیتے ہوئے وزیر برائے پارلیمانی امور نے بتایا کہ قومی اداروں کےاحترام پراتفاق رائے پیداکرنے کیلئےملک گیرڈائیلاگ اوربحث ومباحثہ کا آغازکیا جائےگا۔انہوں نے کہا کہ ہم آہنگی اور بحث و مباحثہ کو فروغ دینے کیلئے منتخب کئے گئے موضوعات میں دیگر پہلووں کو بھی شامل کیا جا سکتا ہے۔

جامشورو سےکراچی کوبجلی فراہم کرنےوالے ہائی ٹرانسمیشن لائن کے ٹاور کو اڑانے کی کوشش

پارلیمانی امور کے وزیر نے اس پورے عمل کا تفصیلی جائزہ پیش کیا-انہوں نے کہا کہ پارلیمنٹ عوامی خواہشات کا مظہر ہے۔ اُنکا مزید کہنا تھا کہ چیئرمین سینیٹ، پارلیمنٹ کے ایوان بالا کے اعلیٰ عہدیدار کی حیثیت سے اس عمل میں اہم کردار ادا کر سکتے ہیں۔

وزیر نے کہا کہ ہم متعلقہ اسٹیک ہولڈرز کی شناخت اور اتفاق رائے کے قومی چارٹر کو تیار کرنے کی کوشش کر رہے ہیں۔

چیئرمین سینیٹ محمد صادق سنجرانی نے اس اقدام کا خیرمقدم کیا۔ انہوں نے کہا کہ پاکستان کی مجموعی سماجی و اقتصادی ترقی، اہم قومی مفادات اور علاقائی سالمیت کے خلاف منفی بیانیے کا مقابلہ کرنے کے لیے متحد اور ہم آواز ہوکر کام کرنے کی ضرورت ہے۔

اوکاڑہ : فون پر لیلہ سے دوستی،کچہ میں اغواء کاروں کو 15 لاکھ تاوان دیکر مجنوں گھر…

انہوں نے کہا کہ مختلف نظریات کے لوگوں، سیاسی وابستگیوں،ماہرین اور دیگر کے ساتھ مشاورتی اجلاس سب کو ساتھ لے کر چلنے کا موقع فراہم کرے گا۔

انہوں نے کہا کہ ہم اپنی تاریخ کے ایک اہم موڑ پر کھڑے ہیں اور اہم مسائل پر قومی اتفاق رائے پیدا کرنے کی اشد ضرورت ہے۔ چیئرمین سینیٹ نے وزیر برائے پارلیمانی اُمور کو اپنے بھرپور تعاون کی یقین دہانی کراتے ہوئے کہا کہ ملک کی ترقی کومزید تیز اور مضبوط بنانے کے لیے پرامن بقائے باہمی اور قومی ہم آہنگی کی اشد ضرورت ہے۔

اُنکا مزید کہنا تھا کہ یہ ایک قومی مقصد ہے اور مطلوبہ اہداف کے حصول کے لیے ہر ممکن تعاون کیا جائے گا۔ چیئرمین سینیٹ نے امید ظاہر کی کہ یہ کوشش عوام کی فلاح و بہبود، سلامتی، وقار اور خوشحالی کو یقینی بنانے میں معاون ثابت ہوگی۔

اسلام آباد میں پشاورموڑ پرواقع اتوار بازارکےاسٹالزمیں آگ لگ گئی،متعدد دکانیں جل…

اسلام آباد:وزیراعظم ، چیئرمین سینیٹ کا بلوچستان میں بارشوں اورسیلاب سے تباہی پراظہارافسوس،اطلاعات کے مطابق چیئرمین سینیٹ محمد صادق سنجرانی نے لسبیلہ، اوتھل، بارکھان، لورلائی، قلعہ عبداللہ،موسیٰ خیل، شیرانی،ڈیرہ بگٹی، کوئٹہ، مسلم باغ،قلعہ سیف اللہ،اورکزئی، دولت زئی، اور بلوچستان کے دیگر علاقوں میں حالیہ بارش اور سیلابی ریلوں سے ہونے والے جانی و مالی نقصانات پر دُکھ اور افسوس کا اظہار کیا ہے۔

سندھ، بلوچستان، جنوبی پنجاب اورخیبرپختونخوا میں مزید بارشوں کا امکان

چیئرمین سینیٹ نے ضلعی انتظامیہ، ڈیزاسٹر منیجمنٹ اور ریسکیو حکام کو ہدایات جاری کیں کہ متاثرین کو فوری امداد فراہم کریں اور تمام رابطہ سڑکوں کی بحالی کے لیے ہنگامی بنیادوں پر اقدامات اورنشیبی علاقوں کی آبادیوں کی محفوظ جہگوں پر منتقلی کے لیے انتظامات کیے جائیں۔چیئرمین سینیٹ نے سیلابی صورت حال سے نمٹنے کیلئے فوج اور صوبائی حکومت کی کوششوں کو سراہا۔

چیئرمین سینیٹ نے سیلابی علاقوں کے مکینوں کو محفوظ جگہ پر منتقل کرنے کی ہدایات بھی جاری کیں۔چیئرمین سینیٹ نے حالیہ طوفانی بارشوں کے نتیجے میں جاں بحق افراد کی بلند درجات اور زخمیوں کی جلد صحتیابی کیلئے دعا کی۔

سندھ، بلوچستان، جنوبی پنجاب اورخیبرپختونخوا میں مزید بارشوں کا امکان

ڈپٹی چیئرمین سینیٹ سینیٹر مرزا محمد آفریدی نے بھی بلوچستان کے مختلف اضلاع اور علاقوں میں حالیہ بارش اور سیلابی ریلوں سے ہونے والے جانی و مالی نقصانات پر دُکھ اور افسوس کا اظہار کیا ہے

دوسری طرف وزیراعظم شہباز شریف نے بلوچستان میں آنے والے سیلاب اور بارشوں کے باعث امدادی کارروائیوں کو تیز کرنے کی ہدایت کر دی۔

بلوچستان کے ضلع قلعہ عبد اللہ سمیت صوبے بھر میں ہونے والی حالیہ بارشیں اور سیلاب کے نتیجے میں جانی و مالی نقصان پر گہرے دکھ اور تشویش کا اظہار کیا ہے۔

بارشوں اورسیلاب سے تباہ حال بلوچستان میں زلزلے کے جھٹکے

شہباز شریف نے نیشنل ڈیزاسٹر مینجمنٹ اتھارٹی (این ڈی ایم اے) اور پراونشل ڈیزاسٹر مینجمنٹ اتھارٹی (پی ڈی ایم اے) اور بلوچستان حکومت کو امدادی کارروائیوں کو تیز کرنے کی ہدایت کی ہے جبکہ متاثرہ علاقوں کے حوالے سے فوری طور پر رپورٹ پیش کرنے کی ہدایت کی ہے۔

وزیراعظم نے قلعہ سیف اللہ میں سیلاب سے دو بند ٹوٹنے اور نقصان کے مکمل تخمینے کے بعد رپورٹ پیش کرنے کی بھی ہدایت کی ہے۔ قوی امکان ہے شہباز شریف جلد ضلع قلعہ عبد اللہ کے سیلاب زدہ علاقوں کا دورہ کریں گے۔

اس دوران انہوں نے ہدایت دیتے ہوئے کہا کہ سیلاب میں پھنسے لوگوں کو ترجیحی بنیادوں پر محفوظ مقامات پر پہنچایا جائے، سیلاب متاثرین کی رہائش کیلئے خیمہ بستیاں اور کھانے پینے کی اشیاء کا فوری انتظام یقینی بنایا جائے۔