Tag: صحافی

اسلام آباد:وفاقی وزیر اطلاعات مریم اورنگزیب نے کہا ہے کہ صحافیوں اور صحافتی تنظیموں سے مزید مشاورت کر کے مسودہ قانون کو حتمی شکل دیں گے۔

تفصیلات کے مطابق مریم اورنگزیب سے پاکستان فیڈرل یونین آف جرنلسٹس (دستور) کے صدر نواز رضا کی قیادت میں وفد کی ملاقات ہوئی جس میں مریم اورنگزیب نے صحافیوں سے گفتگو کرتے ہوئے کہا کہ میری خصوصی ہدایت پر جرنلسٹس اینڈ میڈیا پروفیشنلز پروٹیکشن (ترمیمی) بل 2022ء وزارت اطلاعات کو موصول ہو گیا۔

پی ایف یو جے کے وفد نے وفاقی وزیر اطلاعات کو صحافیوں کو در پیش مشکلات اور پیشہ ورانہ مسائل سے آگاہ کیا۔

وفاقی وزیر اطلاعات کا کہنا تھا کہ صحافیوں کے تحفظ کے (ترمیمی) بل 2022ء کو حتمی شکل دینے کے لئے خصوصی کمیٹی تشکیل دے دی ہے، کمیٹی میں اطلاعات، قانون، انسانی حقوق کی وزارتوں اور میڈیا کے نمائندے شامل ہیں۔

ان کا کہنا تھا کہ معاملے کو جلد نمٹانے کے لئے کمیٹی میں وفاقی سیکریٹری اطلاعات و نشریات محترمہ شاہیرہ شاہد بھی شامل ہیں، صحافیوں اور صحافتی تنظیموں سے مزید مشاورت کرکے مسودہ قانون کو حتمی شکل دیں گے، صحافیوں کا تحفظ اور پیشہ ورانہ سازگار ماحول فراہم کرنا اتحادی حکومت کی اولین ترجیح ہے۔

انہوں نے کہا کہ وزیر اعظم شہباز شریف نے ذمہ داری سنبھالتے ہی میڈیا مخالف قوانین اور ضابطوں کو ختم کرنے کا عمل شروع کیا، صحافت زنجیروں میں لپٹی ہو تو جمہوریت بھی پابند سلاسل ہوتی ہے، میڈیا اور اظہار رائے کی آزادی کسی پر احسان نہیں بلکہ آئین کا بنیادی تقاضا اور حق ہے۔

مریم اورنگزیب نے کہا کہ آزادی صحافت کا احترام جمہوریت کی بنیاد ہے، میڈیا کی آزادی سے ہی سیاست بھی زندگی پاتی ہے، میڈیا کے اداروں اور صحافیوں کو فیک نیوز اور پراپگنڈہ نیوز کو روکنے کے لئے اپنا فعال کردارادا کرنا ہوگا، میڈیا کی آزادی اور احساس ذمہ داری میں توازن سے معاشرے میں بڑھتی تقسیم کو روکا جاسکتا ہے۔

وفاقی وزیر اطلاعات مریم اورنگزیب کا مزید کہنا تھا کہ اختلاف رائے اور نفرت کے درمیان فرق سمجھانے اور رائے عامہ ہموار کرنے کے لئے ہم سب کو اپنا کردار ادا کرنا ہوگا، صحافی تنظیموں کی سفارشات کی روشنی میں مل کر صحافیوں کے مسائل حل کریں گے۔

سوشل میڈیا پر آئے روز آپ کو کچھ نہ کچھ ایسا دیکھنے کو ملتا ہے کہ جس کا حقیقت سے دور دور تک کوئی واسطہ نہیں ہوتا ماسوائے فیک نیوز پھیلانے کے اسی طرح آج کل سینئر صحافی حامد میر سے متعلق جھوٹی خبر پھیلائی جارہی ہے کہ وہ ملک چھوڑ کر کہیں باہر جارہے ہیں۔
اسی فیک خبر کا سہارا لیتے ہوئے ایک خودساختہ ٹی وی اینکر حفصہ فیاض نے دعوی کیا کہ: اینکرپرسن سلیم صافی کا استعفی دینے کی اطلاعات ہیں جبکہ صحافی حامد میر کا ایک ماہ چھٹی لیکر باہر جانے کی بھی اطلاع ہے۔

اس خاتون نے مزید دعوی کیا کہ: ایک معروف چینلز کے تین سینئر اینکرز بھی استعفی دے چکے اور کسی بیرون ملک چلے گئے۔

اس خاتون کے دعوی کی تردید کرتے ہوئے حامد میر نے کہا کہ: "عمران خان کے دور حکومت میں مجھ پر نو ماہ پابندی رہی لیکن میں پاکستان سے نہیں بھاگا تو اس دور میں کیوں بھاگوں گا؟ ہر دور میں مشکلات کا سامنا رہا ہے، آج کل بھی کچھ مشکلات ہیں لیکن میں چھٹی لیکر کہیں نہیں جا رہا ہوں۔”
حامد میر نے مزید کہا کہ: عمران خان کے دور میں بھی کچھ سیاستدانوں کے انٹرویو سنسر کرائے جاتے تھے اس دور میں بھی کچھ شخصیات کے انٹرویو کرنا مشکل ہے مثال کے طور پر منظور پشتین کا انٹرویو نشر کرنا بہت مشکل ہے منظور پشتین پر وہی مقدمات ہیں جو عمران خان پر بھی ہیں لیکن ایک ٹی وی پر آ سکتا ہے دوسرا نہیں۔

عمران خان کے دور میں بھی کچھ سیاستدانوں کے انٹرویو سنسر کرائے جاتے تھے اس دور میں بھی کچھ شخصیات کے انٹرویو کرنا مشکل ہے مثال کے طور پر منظور پشتین کا انٹرویو نشر کرنا بہت مشکل ہے منظور پشتین پر وہی مقدمات ہیں جو عمران خان پر بھی ہیں لیکن ایک ٹی وی پر آ سکتا ہے دوسرا نہیں https://t.co/F3ZQhDkxh7

— Hamid Mir حامد میر (@HamidMirPAK) June 20, 2022

حامد میر کی تردید کے بعد شبیر جان نے انہیں لکھا کہ: عمران خان کے دور میں آپ پر پابندی جیو نے لگائی تھی ناکہ عمران خان نے اور اگر جیو نے نہیں لگائی تو پھر جنرل رانی نے لگائی ہوگی جس کا آپ نے اپنے بیان میں ذکر کیا تھا۔

اسلام آباد کے صحافی سید عون شیرازی کہتے ہیں کہ: جس حامد میر کو میں جانتا ہوں اُسکا جینا مرنا اسی ملک میں ہے کیونکہ حامد میر جی دار آدمی ہیں۔ انہوں نے مزید کہا: حامد میر پر ہر دور میں الزامات لگائے جاتے ہیں اور انہیں سرخرو ہونےکی عادت ہے۔

آج باپ سے اظہار محبت کا عالمی دن دنیا بھر سمیت پاکستان میں بھی منایا جارہا ہے۔ فادر ڈے یعنی باپ سے اظہار محبت کاعالمی دن ہر سال انیس جون کو منایا جاتا ہے۔

ماہر تعلیم اور سماجی کارکن ضیاءالدین یوسف زئی نے اپنے ایک پیغام میں لکھا کہ: "میری ہمیشہ کوشش ہوتی ہے کہ اپنے بیٹوں کے ساتھ مختلف انداز میں کس طرح تعلق قائم رکھا جانا چاہئے۔ کیونکہ ہربچہ مختلف ہوتا ہے اور ہر دن آپ کچھ نیا سیکھتے ہیں کےاپنے بچوں کیلئے کیسے ایک بہترین والدین بن سکتے ہیں۔”

“I tried to find different ways to connect with them(my sons). Each child is different and you learn every day how to be a better parent to them.”
An excerpt from my interview for ⁦@Malala⁩’s Podium.#HappyFathersDay https://t.co/N5UTEHbu4d

— Ziauddin Yousafzai (@ZiauddinY) June 19, 2022

پاکستانی کرکٹر شاداب خان نے باپ سے اظہار محبت کرتے ہوئےلکھاکہ: آج میں جو کچھ ہوں وہ اپنے والد کی وجہ سے ہوں۔ انہوں نے ہمارے خواب کو پروان چڑھانے کیلئے اپنی خواہشات کی قربانی دی۔ اللہ میرے والد کو اچھی صحت دے ۔ ہم اپنے باپ کے بغیر کچھ بھی نہیں ہیں۔

I am who I am today because of my father. He sacrificed his dreams to make our dreams come true. May Allah give you health and happiness. Aap ke baghair hum kuch nahi. #FathersDay

— Shadab Khan (@76Shadabkhan) June 19, 2022

مسلم لیگ ن کی نائب صدر مریم نواز شریف لکھتی ہیں کہ: "آپ کی چھوٹی بچی آپ کے کندھوں پر بیٹھنے سے لے کر آپ کے کارکن کے طور پر آپ کے ساتھ کھڑے ہونے تک، یہ ایک ایسا سفر ہے جس کے علاوہ میرے پاس کوئی راستہ نہیں تھا۔ میری دعا ہے اللہ آپ کو صحت اور لمبی عمر عطا فرمائے۔ آپ کے ملک کو آپ کی ضرورت ہے، مجھے آپ کی ضرورت ہے۔”

From being your little girl sitting on your shoulders to standing by your side as your worker, this is a journey I would not have any other way. Oceans apart, I send my love with the prayer that may Allah bless you with health and long life. Your country needs you, I need you ♥️ pic.twitter.com/rTvZIUvpXT

— Maryam Nawaz Sharif (@MaryamNSharif) June 19, 2022

وزیرخارجہ بلاول بھٹوزرداری کا ایک پیغام میں کہنا تھا کہ: میرے عقل مند، صابر اور بہادر والدآصف علی زرداری کو فادر ڈے مبارک ہو، جنہوں نے سی پیک کی بنیاد رکھی، بینظیرانکم سپورٹ پروگرام کاآغازکیااور شہید ذولفقارعلی بھٹوکےبعد اپنی مدت پوری کرنےوالےپہلے سویلین صدر اور 1973 کاآئین بحال کیا۔ ابھی بہت کچھ کرناہے۔ اور کوئی آمر، جیل اور ظلم و اذیت انکی مسکراہٹ نہیں چھیں سکے۔

#HappyFathersDay to my wise, patient & courageous father. 1st civilian president to finish his term after SZAB, restored 1973 constitution, started BISP, laid foundations of CPEC & still so much more to do. No dictators prison, torture or persecution could take away his smile. pic.twitter.com/YVP7nVhIwg

— Bilawal Bhutto Zardari (@BBhuttoZardari) June 19, 2022

اسلام آباد ہائیکورٹ میں صحافیوں اور میڈیا ورکرزسے متعلق کیس کی سماعت 23 ستمبر تک ملتوی کر دی گئی

عدالت نے صحافیوں کے قانونی تحفظ کے لیے وزارت اطلاعات کو صحافتی تنظیموں سے مشاورت کی ہدایت کر دی،اسلام آباد ہائیکورٹ نے حکم دیا کہ صحافتی تنظیمیں وزارت اطلاعات کے ساتھ بیٹھیں اسلام آباد ہائیکورٹ نے چار ہفتے میں چیئرمین آئی ٹی این ای کی تعیناتی کی ہدایت کر دی،عدالت نے وکیل سے مکالمہ کرتے ہوئے کہا کہ حکومت کے ساتھ بیٹھ کر آپ اپنے ایشوز ڈسکس کیوں نہیں کر لیتے،وکیل نے استدعا کی کہ کیس جلدی سماعت کے لیے مقرر کر دیں،

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ چار سال بعد چھٹی جا رہا ہوں جلدی میں دستیاب نہیں ہوں جو چھٹی نہ کرے اس کا کام متاثر ہوتا ہے میں تو 4 سال بعد جا رہا ہوں

طالب علم سے زیادتی کر کے ویڈیو بنانیوالے ملزم گرفتار

آئین شکنی، اب لگے گا عمران خان اور اسکے ہمنواؤں پر آرٹیکل 6، تیاریاں شروع

سپیکرکی رولنگ غلط، پیچھے موجود تمام افراد پر آرٹیکل 6 لگنا چاہئے،قمرزمان کائرہ

گرفتاری کا خوف، پی ٹی آئی سوشل میڈیا ایکٹوسٹ عدالت پہنچ گئے

مریم نواز کی جعلی ویڈیو پوسٹ کرنیوالا پی ٹی آئی کارکن گرفتار

سوشل میڈیا پر غیراخلاقی ویڈیوز چلانے والوں کیخلاف کریک ڈاون کا فیصلہ کیا گیا ہے

قبل ازیں اسلام آباد ہائی کورٹ میں ٹی وی چینلز کو لائسنس دینے سے روکنے کی درخواست پر سماعت ہوئی پیمرا کو مزید لائسنس جاری کرنے سے روکنے کے حکم میں آئندہ سماعت تک توسیع کر دی گئی،چیف جسٹس اطہر من اللہ نے پاکستان براڈ کاسٹرز ایسوسی ایشن کی درخواست پر سماعت کی پیمرا نے اسلام آباد ہائی کورٹ میں رپورٹ پیش کردی پیمرا کی رپورٹ کی روشنی میں آئندہ سماعت پر دلائل طلب کر لئے گئے اسلام آباد ہائی کورٹ نے کیس کی سماعت 26 مئی تک ملتوی کردی

سمیع ابراہیم ایف آئی اے کو بیان ریکارڈ کروائیں، عدالت کا حکم

صحافیوں کو ایف آئی اے کی جانب سے ہراساں کرنے کے خلاف کیس کی سماعت 21 جون تک ملتوی کر دی گئی

اسلام آباد ہائی کورٹ نے صحافیوں کو ہراساں کرنے سے روکنے کے حکم میں 21 جون تک توسیع کردی ،اسلام آباد ہائیکورٹ نے سمیع ابراہیم کو حکم دیا کہ آپ بیان ریکارڈ کرا دیں ، اسلام آباد ہائیکورٹ کے چیف جسٹس اطہرمن اللہ نے استفسار کیا کہ اشتعال کس کو دلا رہے ہیں یہ تو بتا دیں جرم کہاں بنتا ہے؟ ایف آئی اے حکام نے کہا کہ یہ اداروں کے سربراہ کو اشتعال دلا رہے ہیں ،جس پر اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ کیا آپ نے ان سے پوچھا ہے کہ وہ کیسے اشتعال میں آگئے ؟کیسے کوئی ان کو اشتعال دلا سکتا ہے جو کچھ سمیع ابراہیم نے کہا صحافتی آداب کے خلاف ہو سکتا ہے جرم کیسے بن گیا ؟ آپ کوئی مورل پالیسنگ تو نہیں کریں گے ؟

اسلام آباد ہائیکورٹ کے چیف جسٹس اطہرمن اللہ نے ایف آئی اے حکام کو ہدایت کی کہ آپ نے ایک ذمہ ادار ایجنسی کا کردار ادا کرنا ہے ،یہ جو باتیں آپ کر رہے ہیں یہ کوئی جرم نہیں بنتا ، کیا آپ کو لگتا ہے جو کہا گیا کیا پی ایف یو جے اس کو سپورٹ کرے گی ؟ ایسی باتوں سے اداروں کو اشتعال نہیں دلایا جا سکتا، کیا ایف آئی اے نےادارو ں کے سربراہ یادوسروں سے پوچھا کہ وہ اشتعال میں آئے ہیں؟ اگر صحافی نے لحاظ نہیں کیا یا لاپرواہ بھی تھا تو یہ سب جرم کیسے بن گیا ؟ ایف آئی اے کی باتوں سے نہیں لگتا کہ کوئی جرم سرزد ہوا ہے،

تبدیلی سرکار یا تھپڑوں والی سرکار،فواد چودھری کا سمیع ابراہیم کو تھپڑ مارنے کی اطلاعات

فواد چودھری نے تھپڑ مارا اور گالیاں دیں،سمیع ابراہیم نے مقدمہ کیلئے درخواست دائر کر دی

سمیع ابراہیم کو تھپڑپڑا تو فردوس عاشق نے کی معذرت،صحافیوں کی مذمت

سمیع ابراہیم کو تھپڑ، ملک بھر کی صحافی برادری سراپا احتجاج، فواد چوہدری کو وزارت سے ہٹانے کا مطالبہ

فواد چودھری بدنامی کو اپنی کامیابی سمجھتے ہیں، ایسا کس نے کہہ دیا