Tag: صدارتی انتخابات

امریکی صدارتی انتخابات، کون بنے گا وائیٹ ہاؤس کا مکین،پوری دنیا کی نظریں امریکہ کے انتخابات پر مرکوز ہیں

5 نومبر کا دن،امریکہ بھر میں پولنگ اسٹیشن کھل چکے، انتخابی دن کا آغاز ایک نیا سیاسی سفر ،جس کی کامیابی اور شکست کا انحصارووٹرز کی رائے پر ہونا ہے، انتخابی مہم کے آخری روز ،رات کو، دونوں صدارتی امیدواروں، سابق صدر ڈونلڈ ٹرمپ اور نائب صدر کملا ہیریس نے اپنی آخری مہم کی تقریریں کیں۔ ٹرمپ نے اپنے حامیوں سے خطاب کرتے ہوئے کہا کہ ان کا اصل حریف نائب صدر کمیلا ہیریس نہیں، بلکہ وہ "شیطانی ڈیموکریٹک نظام” ہے جس نے ملک کو تقسیم کیا ہوا ہے۔ وہ اپنی سیاسی سوچ کو انتہائی طاقتور انداز میں پیش کرتے تھے اور اپنے حامیوں کو یقین دلاتے تھے کہ ان کا جیتنا امریکہ کی عظمت کا دوبارہ آغاز ہو گا۔

دوسری جانب، کملا ہیریس نے اپنی مہم کا اختتام ایک مضبوط پیغام کے ساتھ کیا۔ وہ ٹرمپ کا ذکر کیے بغیر، پورے ملک کو مخاطب کرتے ہوئے کہہ رہی تھیں کہ "ہم ایک دہائی سے خوف اور تقسیم کے سیاست کا سامنا کر رہے ہیں، اور اب وقت آ گیا ہے کہ ہم اس صفحے کو پلٹ کر ایک نیا دور شروع کریں۔”

دن کے آغاز میں ہی، نیو ہییمپشائر کے ایک چھوٹے سے گاؤں، ڈکس ول ناچ میں، ایک دلچسپ واقعہ پیش آیا۔ یہاں پر تین ووٹ پڑے، اور یہ ووٹ ٹرمپ اور ہیرس کے درمیان برابر تقسیم ہو گئے،یعنی ہر ایک کو تین تین ووٹ ملے۔

کمیلا ہیریس کی آخری ریلی ایک شاندار تقریب تھی۔ اس میں مشہور گلوکارہ لیڈی گاگا نے "گڈ بلیس امریکہ” گایا، اور اوپرا وِنفری بھی اسٹیج پر آئیں۔ اوپرا نے نئی نسل کے ووٹرز کو اہم پیغام دیا اور خبردار کیا کہ "اگر ہم نے اپنا ووٹ نہ دیا، تو یہ ممکن ہے کہ ہمیں کبھی دوبارہ ووٹ ڈالنے کا موقع نہ ملے۔”یہ پیغام خاص طور پر اُن نوجوان ووٹرز کے لئے تھا جو پہلی بار انتخابی عمل میں حصہ لے رہے تھے، اور یہ ایک بیداری کا پیغام تھا کہ ووٹنگ کا حق ہمارے مستقبل کی سیاست کی تشکیل کرتا ہے۔

ٹرمپ کی آخری ریلی میشی گن میں ہوئی، جہاں انہوں نے اپنی انتخابی مہم کا اختتام کیا۔ یہ وہی ریاست تھی جہاں انہوں نے پہلے بھی تین بار اپنی مہم کا اختتام کیا تھا۔ ٹرمپ نے اپنے حامیوں سے خطاب کرتے ہوئے ایک بار پھر اپنے وعدے دہرائے،اس ریلی میں ٹرمپ نے اپنے بچوں کو بھی اپنے ساتھ اسٹیج پر بلایا، اور ان کے ساتھ مل کر قوم کے سامنے اپنی سیاسی کامیابیوں کو سراہا۔

امریکہ میں یہ انتخابی دن ایک نہایت اہم موقع ہےجس میں نہ صرف امریکہ بلکہ دنیا بھر کے لوگ بھی اس کے نتائج کے منتظر ہیں۔ دونوں امیدواروں نے اپنی آخری ریلیوں میں اپنی سیاست کی نوعیت کو واضح کیا،انتخابات کے دن کا آغاز اس بات کا غماز تھا کہ ہر ووٹ اہمیت رکھتا ہے۔

امریکی انتخابات،غزہ جنگ نے عرب،مسلم ووٹرز کو جل سٹائن کی طرف کیا مائل

امریکی انتخابات،ٹک ٹاک نے نوجوانوں کےسیاسی خیالات بدل ڈالے

کملا ہیرس کی کامیابی کے لئے بھارت کے مندروں میں دعائیں

کون بنے گا وائیٹ ہاؤس کا مکین،پہلا حیران کن نتیجہ موصول

امریکی صدارتی انتخابات،فیصلہ کن دن،ٹرمپ اور کملا کی نظریں کن ریاستوں پر

کملا کی آخری ریلی،میوزک سپراسٹار لیدی گاگاکی شرکت،مداحوں کو پرجوش کر دیا

انتخابی مہم،ٹرمپ کے 900 جلسے،گالیاں،کملاہیرس کو "سیکس ورکر”کہہ دیا

غزہ جنگ کا خاتمہ کروں گی،کملاہیرس کی عرب امریکیوں کی حمایت کی کوشش

ٹرمپ کی معیشت کے حوالے سے ہیرس پر تنقید

ٹرمپ الیکشن سے پہلے کا آخری دن کہاں گزاریں گے؟

انتخابی مہم میں ٹرمپ کے جھوٹ،ہارتے ہیں تونتائج چیلنج کرنیکی تیاری

امریکی انتخابات میں خلائی اسٹیشن پر موجود خلا باز بھی ووٹ کاسٹ کریں گے؟

ٹرمپ یا ہیرس؟ غزہ کی جنگ نے بہت سے عرب اور مسلم ووٹرز کو جل سٹائن کی طرف مائل کر دیا
امریکا میں صدارتی انتخابات آج ہو رہے ہیں ٹرمپ اور کملا ہیرس کے مابین مقابلہ ہے تا ہم امریکہ میں غزہ جنگ کو لے کر مسلم ووٹرز نے ٹرمپ اور ہیرس کو ووٹ نہ دینے کا اعلان کیا ہے

ایک روشن لیکن سرد دوپہر میں، ڈیٹرائٹ کے مضافاتی علاقے ڈیئر بورن میں درجنوں مظاہرین ایک سڑک کے کونے پر کھڑے ہو کر ڈیموکریٹک صدارتی امیدوار کملا ہیرس اور ان کے ریپبلکن حریف ڈونلڈ ٹرمپ کے خلاف نعرے لگا رہے تھے۔”ٹرمپ اور ہیرس، تم چھپ نہیں سکتے، نسل کشی کے لیے کوئی ووٹ نہیں!” ایک حجاب پہنے نوجوان خاتون نے بُل ہارن پر نعرہ لگایا۔ پرجوش نعرے مظاہرین لگا رہے تھے اور کہہ رہے تھے کہ ہم ٹرمپ اور کملاہیرس کو ووٹ نہیں دیں گے

اگر اگلے امریکی صدر کے لیے نہ ٹرمپ ہو نہ ہیرس، تو پھر کون؟
مظاہرہ کرنے والی "ابنڈن ہیرس” مہم نے گرین پارٹی کی امیدوار جل سٹائن کی حمایت کی ہے، ایسا لگتا ہے کہ سٹائن غزہ اور لبنان پر اسرائیل کی وحشیانہ جنگ کے دوران عرب اور مسلم کمیونٹیز میں مقبول ہو رہی ہیں، جیسا کہ عوامی رائے کے سروے بتاتے ہیں۔اگرچہ گرین پارٹی کی امیدوار کا صدر بننا بہت کم امکان ہے، لیکن ان کے حامی انہیں ایک اصولی انتخاب سمجھتے ہیں، جو مستقبل میں تیسری پارٹی کے امیدواروں کے لیے ایک مضبوط بنیاد فراہم کر سکتا ہے۔

حسن عبدالسلام، جو "ابنڈن ہیرس” مہم کے شریک بانی ہیں، نے کہا کہ زیادہ سے زیادہ ووٹرز ان کی مہم کے موقف کو اپنا رہے ہیں، یعنی دونوں بڑی جماعتوں کو چھوڑ کر سٹائن کی حمایت کرنا۔عبدالسلام کا کہنا تھا کہ”وہ نسل کشی کے خلاف ہمارے موقف کی بہترین نمائندگی کرتی ہیں، "ابنڈن ہیرس” مہم ووٹرز کو ہیرس کی حمایت نہ کرنے پر زور دے رہی ہے، کیونکہ ان کا کہنا ہے کہ امریکہ کے اس اتحادی کو غزہ اور لبنان میں جارحیت کے دوران ہتھیار فراہم کرنے کے وعدے کی وجہ سے ہیرس کو ووٹ دینا بے ضمیر ہے، جس میں 46,000 سے زیادہ افراد کی جانیں جا چکی ہیں۔

عبدالسلام نے سٹائن کی تعریف کی کہ وہ بڑی جرات کے ساتھ دونوں بڑی پارٹیوں کا مقابلہ کر رہی ہیں، خاص طور پر ڈیموکریٹس کے حالیہ حملوں کے باوجود،الجزیرہ سے بات کرتے ہوئے عبدالسلام کا کہنا تھا کہ "ہیرس کی شکست کی ذمہ داری لے کر ہم سیاسی منظرنامے کو یہ پیغام دینا چاہتے ہیں کہ تمہیں ہمیں کبھی نظر انداز نہیں کرنا چاہیے تھا،”

علاوہ ازیں 2024 کے امریکی صدارتی انتخابات کے لئے ملک کی سب سے بڑی مسلم سول رائٹس اور وکالت کی تنظیم، کونسل آن امریکن اسلامک ریلیشنز (CAIR) نے خری انتخابی سروے کے نتائج جاری کیے تھے، یہ سروے 30 اور 31 اکتوبر کے دوران 1,449 رجسٹرڈ مسلم ووٹرز کے ساتھ کیا گیا اور اس میں 95 فیصد ووٹرز نے انتخابات میں ووٹ ڈالنے کے عزم کا اظہار کیا، گرین پارٹی کی امیدوار جل سٹائن اور نائب صدر کملا ہیرس کے درمیان مسلم ووٹرز کی حمایت تقریباً برابر ہے، جہاں جل اسٹائن کی حمایت 42.3 فیصد جبکہ کملا ہیرس کو 41 فیصد حمایت حاصل ہے، سابق صدر ڈونلڈ ٹرمپ مسلم کمیونٹی میں محض 10 فیصد حمایت کے ساتھ پیچھے رہ گئے ہیں۔

مذکورہ سروے کے مطابق جل اسٹائن (گرین پارٹی) کو 42.3 فیصد جبکہ کملا ہیرس (نائب صدر) کو 41.0 فیصدی مسلمانوں کی حمایت حاصل ہے، سابق صدر ڈونلڈ ٹرمپ کی (ریپبلکن) پارٹی کو مسلمانوں کی 9.8 فیصد اور چیز اولیور (لبرٹیرین) کو 0.6 فیصد حاصل ہے، غیر یقینی صورتحال میں 0.9 فیصدی مسلمان ہیں جبکہ ووٹ نہ دینے والوں کی تعداد 5.4 فیصدی ہے۔

امریکی انتخابات،ٹک ٹاک نے نوجوانوں کےسیاسی خیالات بدل ڈالے

کملا ہیرس کی کامیابی کے لئے بھارت کے مندروں میں دعائیں

کون بنے گا وائیٹ ہاؤس کا مکین،پہلا حیران کن نتیجہ موصول

امریکی صدارتی انتخابات،فیصلہ کن دن،ٹرمپ اور کملا کی نظریں کن ریاستوں پر

کملا کی آخری ریلی،میوزک سپراسٹار لیدی گاگاکی شرکت،مداحوں کو پرجوش کر دیا

انتخابی مہم،ٹرمپ کے 900 جلسے،گالیاں،کملاہیرس کو "سیکس ورکر”کہہ دیا

غزہ جنگ کا خاتمہ کروں گی،کملاہیرس کی عرب امریکیوں کی حمایت کی کوشش

ٹرمپ کی معیشت کے حوالے سے ہیرس پر تنقید

ٹرمپ الیکشن سے پہلے کا آخری دن کہاں گزاریں گے؟

انتخابی مہم میں ٹرمپ کے جھوٹ،ہارتے ہیں تونتائج چیلنج کرنیکی تیاری

امریکی انتخابات میں خلائی اسٹیشن پر موجود خلا باز بھی ووٹ کاسٹ کریں گے؟

امریکا میں فیصلہ کن دن: اہم ترین نکات جو آپ کو جاننے چاہئیں
امریکہ میں صدارتی انتخابات آج ہو رہے ہیں،آج امریکہ میں صدارتی انتخابات اور کانگریس کی کنٹرول کے لیے فیصلہ کن دن ہے، حالانکہ نتائج آنے میں دنوں یا ہفتوں کا وقت لگ سکتا ہے۔

امریکی نائب صدر کملا ہیرس اور سابق صدر ڈونلڈ ٹرمپ دونوں کی نظریں سات سوئنگ اسٹیٹس پر ہیں جن میں مشیگن، پنسلوانیا، اور وسکونسن ، یہ تین بڑے جھیلوں والے علاقے وہ ہیں جو ٹرمپ نے 2016 میں جیتے تھے لیکن جو بائیڈن نے 2020 میں جیت لیے تھے۔ایریزونا، جارجیا، نیواڈا، اور نارتھ کیرولائنا ، یہ چار "سن بیلٹ” کے اہم میدان ہیں جہاں دونوں امیدواروں کے درمیان سخت مقابلہ متوقع ہے۔اگرچہ اس انتخاب میں دونوں امیدواروں کے لیے تاریخی اہمیت ہے، لیکن اس دن کے دوران اور بھی اہم فیصلے ہونے ہیں۔ ان میں پانچ ریاستوں ایریزونا، فلوریڈا، میسوری، نیبراسکا اور ساؤتھ ڈاکوٹا میں اس بات کا فیصلہ ہونا ہے کہ آیا وہ اپنے آئینی ترامیم کے ذریعے اسقاط حمل پر عائد پابندیوں کو واپس لیں گے یا نہیں۔

ریپبلکن جماعت سینیٹ میں اپنی اکثریت حاصل کرنے کی امید لگائے ہوئے ہے، خاص طور پر ان ریاستوں میں جہاں ڈیموکریٹس کو اپنے سیٹوں کا دفاع کرنا ہے جیسے کہ مونٹانا، اوہایو، اور ویسٹ ورجینیا ،ڈیموکریٹس اپنے ایوان کی اکثریت کو برقرار رکھنے کے لیے جدوجہد کر رہے ہیں، جس کے لیے وہ مختلف ریاستوں میں ووٹوں کے سلسلے میں سخت محنت کر رہے ہیں۔ یہ لڑائی مین سے لے کر نیو یارک کے ہڈسن ویلی تک، ورجینیا کی پہاڑیوں اور کیلیفورنیا کے اورنج کاؤنٹی تک پھیل چکی ہے، جہاں ٹرمپ دور کی سیاست نے اپنے اثرات واضح کیے ہیں۔

انتخابی نتائج ابتدائی گھنٹوں میں حتمی طور پر فیصلہ کن نہیں ہوں گے۔ ریاستیں اپنے انتخابی طریقہ کار خود طے کرتی ہیں، اور اس بات میں بھی فرق ہوتا ہے کہ مختلف ریاستیں پہلے میل کے ذریعے یا ایڈوانس ووٹس کی گنتی کس ترتیب سے کرتی ہیں۔ اسی طرح، کچھ شہر، کاؤنٹیز اور علاقے نتائج کی رپورٹنگ میں زیادہ وقت لیتے ہیں۔

آج کا دن امریکی سیاست میں ایک اہم موڑ ثابت ہو سکتا ہے۔ امیدواروں کی اسٹریٹجک کوششیں، مختلف ریاستوں کے فیصلے، اور کانگریس کے آئندہ منظرنامے کا تعین امریکی عوام کے لیے ایک نیا سیاسی دور شروع کرنے کے مترادف ہو سکتا ہے۔

کملا کی آخری ریلی،میوزک سپراسٹار لیدی گاگاکی شرکت،مداحوں کو پرجوش کر دیا

انتخابی مہم،ٹرمپ کے 900 جلسے،گالیاں،کملاہیرس کو "سیکس ورکر”کہہ دیا

غزہ جنگ کا خاتمہ کروں گی،کملاہیرس کی عرب امریکیوں کی حمایت کی کوشش

ٹرمپ کی معیشت کے حوالے سے ہیرس پر تنقید

ٹرمپ الیکشن سے پہلے کا آخری دن کہاں گزاریں گے؟

انتخابی مہم میں ٹرمپ کے جھوٹ،ہارتے ہیں تونتائج چیلنج کرنیکی تیاری

امریکی انتخابات میں خلائی اسٹیشن پر موجود خلا باز بھی ووٹ کاسٹ کریں گے؟

امریکی صدارتی انتخابات کی مہم کے آخری روز امریکی معروف موسیقار، سپر اسٹار لیدی گاگا نے نائب صدر کملا ہیرس کی آخری ریلی میں "گاڈ بلیس امریکہ” پیش کیا ہے

میوزک کی سپر اسٹار لیدی گاگا نے فیلڈلفیا میں نائب صدر کملا ہیرس کی آخری ریلی میں "گاڈ بلیس امریکہ” کا خوبصورت انداز میں گایا۔لیدی گاگا ریلی میں آئیں تو مداحوں نے پرجوش استقبال کیا، پرفارمنس کے بعد، لیدی گاگا نے مختصر طور پر کہا، "اس ملک کی زندگی کے نصف سے زیادہ حصے تک، خواتین کی آواز نہیں تھی۔ پھر بھی ہم نے بچوں کی پرورش کی، خاندانوں کو برقرار رکھا، اور مردوں کی حمایت کی جب وہ فیصلے کرتے تھے۔ لیکن کل، خواتین اس فیصلے میں حصہ لیں گی۔”

علاوہ ازیں اوپرا وِنفری نے کملا ہیرس کی حمایت میں پہلی بار ووٹ دینے والے نوجوانوں کے ساتھ ریلی میں شرکت کی،اوپرا وِنفری نے پیر کی رات کملا ہیرس کی آخری ریلی میں 10 نوجوانوں کے ساتھ اسٹیج پر آ کر خطاب کیا، جن میں سے سبھی پہلی بار ووٹ دینے والے تھے۔ایک ووٹر نے اوپرا سے کہا، "وہ پالیسیاں جو کملا ہیرس نے خواتین کے تولیدی حقوق اور تعلیم میں برابری کے لیے تجویز کی ہیں، یہی وہ وجوہات ہیں جن کی بنیاد پر میں نے ان کے حق میں ووٹ دیا۔”ایک اور پہلی بار ووٹ دینے والے نے کہا کہ ایک افریقی امریکی کے طور پر اس کے لیے یہ خاص طور پر اہم ہے کہ وہ اپنے ووٹ کا حق استعمال کرے، "جو میرے آبا اجداد نے اتنی جدوجہد کے بعد حاصل کیا تھا۔”اوپرا وِنفری نے مزید کہا، "جو آپ اپنے ملک کے لیے کر سکتے ہیں، جو آپ جمہوریت کے لیے کر سکتے ہیں، اور جو آپ جان لوئیس اور ان تمام افراد کے لیے کر سکتے ہیں جنہوں نے سلیما کے پل پر چل کر انصاف کے لیے لڑا ، وہ سب کچھ آپ کے ووٹ کے ذریعے ہی ممکن ہے۔ یہ ہر اس نوجوان حاملہ خاتون کے لیے ہے جو اسقاط حمل کے قانون کی وجہ سے ایمرجنسی میڈیکل کیئر حاصل نہیں کر سکی۔ آپ جو کچھ بھی قیمتی سمجھتے ہیں، اس کے لیے آپ کا ووٹ ضروری ہے۔”

یہ ریلی کملا ہیرس کے سیاسی سفر کے ایک اہم موڑ کی علامت تھی، جس میں اوپرا وِنفری اور لیدی گاگا کی موجودگی نے اس کی اہمیت کو مزید بڑھا دیا۔

انتخابی مہم،ٹرمپ کے 900 جلسے،گالیاں،کملاہیرس کو "سیکس ورکر”کہہ دیا

غزہ جنگ کا خاتمہ کروں گی،کملاہیرس کی عرب امریکیوں کی حمایت کی کوشش

ٹرمپ کی معیشت کے حوالے سے ہیرس پر تنقید

ٹرمپ الیکشن سے پہلے کا آخری دن کہاں گزاریں گے؟

انتخابی مہم میں ٹرمپ کے جھوٹ،ہارتے ہیں تونتائج چیلنج کرنیکی تیاری

امریکی انتخابات میں خلائی اسٹیشن پر موجود خلا باز بھی ووٹ کاسٹ کریں گے؟

امریکی صدارتی انتخابات کی مہم کے لیے پیسہ کہاں سے آتا

ایری زونا کی سینیٹ کی اُمیدوار کیری لیک نے اپنی انتخابی مہم کا آخری جلسہ کیا اور اپنے حامیوں کو مخاطب کرتے ہوئے کہا کہ "کل ہمارے پاس اس ملک کے مستقبل کو بدلنے اور اس جمہوریہ کو بچانے کا ایک موقع ہے۔”پیر کے روز کیری لیک نے ایک جلسہ سے خطاب کیا، کیری لیک ڈیموکریٹک رپریزنٹیٹو روبن گیلیگو کے خلاف اہم سینیٹ کی سیٹ کے لیے انتخاب لڑ رہی ہیں، نے دعویٰ کیا کہ "میک امریکہ گریٹ اگین” کی تحریک "مردہ نہیں ہوئی” اور یہ کہ "خاموش اکثریت” انہیں اور سابق صدر ڈونلڈ ٹرمپ کو کل ووٹ دے گی۔

کیری لیک اور روبن گیلیگو، جو ایری زونا کے تیسرے کانگریسی ڈسٹرکٹ کے نمائندہ ہیں ایری زونا کی سینیٹ کی سیٹ کے لیے سخت مقابلہ کر رہے ہیں جو آزاد سینیٹر کرِسٹن سینیما کے پاس ہے۔کیری لیک نے کہا کہ "میں ایماندار اور منصفانہ انتخابات پر یقین رکھتی ہوں، اور مجھے لگتا ہے کہ ہمارے بانیوں نے کبھی یہ نہیں سوچا تھا کہ ہمیں اتنے خراب انتخابات کا سامنا کرنا پڑے گا۔” وہ مزید کہتی ہیں، "اسی وجہ سے انہوں نے کبھی مدت کی حد مقرر نہیں کی تھی کیونکہ ان کا خیال تھا کہ ہم ان لوگوں کو ووٹ کے ذریعے نکال باہر کر سکتے ہیں جنہیں ہم عزت نہیں دیتے۔ اور افسوس کہ ہم اب تک ایسا نہیں کر سکے۔ لیکن اب ہم یہ سب بدلنے والے ہیں، اور اس کا واحد طریقہ یہ ہے کہ ہم اتنی بڑی تحریک چلائیں کہ ان کے ہوش اُڑ جائیں۔”

انہوں نے اس بات پر زور دیا کہ یہ انتخاب "جمهوریت بمقابلہ کمیونزم” کا ہے، اور یہ اب "ریپبلکن بمقابلہ ڈیموکریٹ” نہیں رہا۔کیری لیک کی مہم کا یہ آخری جلسہ ایک پُرعزم اور متحرک پیغام کے ساتھ اختتام پذیر ہوا، جس میں انہوں نے اپنی حمایت کو متحرک کرنے کے لیے ہر ممکن حد تک قوتِ ارادی اور عزم کا اظہار کیا۔

ٹرمپ یا کملا؟ کون جیتے گا، پنڈتوں کی حیران کن پیشگوئی

غزہ جنگ کا خاتمہ کروں گی،کملاہیرس کی عرب امریکیوں کی حمایت کی کوشش

ٹرمپ کی معیشت کے حوالے سے ہیرس پر تنقید

ٹرمپ الیکشن سے پہلے کا آخری دن کہاں گزاریں گے؟

انتخابی مہم میں ٹرمپ کے جھوٹ،ہارتے ہیں تونتائج چیلنج کرنیکی تیاری

امریکی انتخابات میں خلائی اسٹیشن پر موجود خلا باز بھی ووٹ کاسٹ کریں گے؟

امریکی صدارتی انتخابات کی مہم کے لیے پیسہ کہاں سے آتا

امریکی انتخابات،دونوں جماعتوں کا کچھ نشستوں کے لیے سخت مقابلہ

امریکی صدارتی انتخابات،ٹرمپ بمقابلہ ہیرس،الٹی گنتی شروع

کیا ٹرمپ 2016 کی فتح کو دوبارہ حاصل کر سکیں گے؟

مارے جانے والے گلہری نے جعلی ٹرمپ پوسٹ کے بعد انتخابات میں حیران کن بحث پیدا کر دی

امریکی صدارتی انتخابات: ٹرمپ اور کملا ہیرس کے درمیان کانٹے دار مقابلہ، کروڑوں ووٹ کاسٹ

ٹرمپ کی انتخابی ریلی کے دوران فلسطین کی آزادی کے لیے نعرے

واشنگٹن: امریکا میں صدارتی انتخابات کے لیے پولنگ آج ہوگی، ڈیموکریٹک صدارتی امیدوار کمالا ہیرس اور ری پبلیکن امیدوار ڈونلڈ ٹرمپ کے درمیان کانٹے کا مقابلہ متوقع ہے۔

باغی ٹی وی: امریکی میڈیا کے مطابق امریکی صدارتی انتخابات کی تیاریاں مکمل ہوگئیں، بیلٹ باکسز، پیپرز اور الیکٹرانک ووٹنگ مشینیں پولنگ سینٹرز میں پہنچادی گئیں، جہاں 24 کروڑ سے زائد افراد حق رائے دہی استعمال کریں گے-

امریکی صدارتی انتخابات کے دوران امن و امان برقرار رکھنے اور الیکشن عملے پر تشدد کے خدشات سے نمٹنے کے لیے سیکیورٹی کے سخت انتطامایت کیے گئے ہیں امریکی ریاست اوریگان، واشنگٹن اور نیواڈا میں نیشنل گارڈز کو فعال کردیا گیا جبکہ خطرات کے پیش نظر ایف بی آئی کی جانب سے بھی کمانڈ پوسٹ قائم کردی گئی جبکہ ایری زونا، مشی گن اور نیواڈا سمیت 19 ریاستوں میں 2020 سے الیکشن سیکیورٹی قوانین نافذ ہیں، 7 سوئنگ ریاستوں میں ووٹرز کے اعتماد، سیکیورٹی اور شفاف الیکشن کے لیے حکام بھی پرعزم دکھائی دیتے ہیں۔

دوسری جانب کملا ہیرس نے مشی گن میں اپنا ووٹ بذریعہ ای میل کاسٹ کردیا، صدر بننے کے لیے کسی بھی امیدوار کو 270 الیکٹورل ووٹ حاصل کرنے ہوں گے قومی سطح پر کملا ہیرس کو ڈونلڈ ٹرمپ پر ایک پوائنٹ کی برتری حاصل ہے، 47 فیصد ووٹرز ٹرمپ اور 48 فیصد کملا ہیرس کے حامی ہیں۔

ایری زونا، جارجیا، مشی گن، نیواڈا، پینسلوینا، نارتھ کیرولائنا اور وسکانسن میں مجموعی الیکٹورل ووٹوں کی تعداد 66 ہے، انتخابات میں نوجوانوں کا ووٹ اہم کردار ادا کرسکتا ہےالیکٹورل کالج میں کملا ہیرس کو مجموعی طور پر 226 اور ڈونلڈ ٹرمپ کو 219 ووٹ ملنے کی پیشگوئی کی گئی ہے۔

برطانوی خبر رساں ادارے کی خبر کے مطابق قبل از وقت پولنگ میں 8 کروڑ 13 لاکھ 79 ہزار 6 سو 84 ووٹ کاسٹ ہو چکے ہیں،قبل از وقت پولنگ کے اس عمل میں 81 ملین سے زائد ووٹوں میں سے 4 کروڑ 44 لاکھ 2 ہزار 3 سو 75 ووٹ امریکی شہریوں نے ذاتی حیثیت میں کاسٹ کیے جبکہ پوسٹل بیلٹ کے ذریعے ڈالے گئے ووٹوں کی تعداد 3 کروڑ 69 لاکھ 77 ہزار 3 سو سے زائد رہی۔

یونیورسٹی آف فلوریڈا الیکشن لیب کے مطابق 2024 کے صدارتی انتخابات میں قبل از وقت ڈالے گئے ووٹوں کی تعداد 2020 کے انتخابات سے کم رہی ہے، 2020 میں مجموعی طور پر 101.5 ملین سے زائد امریکی شہریوں نے قبل از وقت ووٹ کی سہولت سے استفادہ حاصل کیا تھا، 2012 میں 46.2 ملین اور 2016 میں 47.2 ملین امریکیوں نے انتخابات سے قبل اپنا حق رائے دہی استعمال کیا تھا۔

پنسلوانیا میں ریلی سے خطاب کرتے ہوئے ریپبلکن امیدوار ڈونلڈ ٹرمپ نے کہا ہے 2020 ء میں صدارتی انتخابات کے نتائج اور شکست قبول نہیں کی تھی، انہیں سچ میں لگتا ہے کہ اس وقت انہیں وائٹ ہاؤس نہیں چھوڑنا چاہیے تھا، ملکی تاریخ میں ہماری سرحد اس وقت سب سے زیادہ محفوظ تھی جب وہ اقتدار سے الگ ہو رہے تھے، ہم نے بہت اچھا کام کیا تھا۔

امریکہ میں 1789 میں ہونے والے پہلے صدارتی انتخابات کے بعد سے اب تک 59 انتخابات ہو چکے ہیں، جس کے نتیجے میں 46 صدر منتخب ہوئے۔ اس عرصے کے دوران امریکہ کے سیاسی منظر نامے پر دو جماعتوں کا غلبہ رہا۔

امریکی سیاسی منظرنامے پر ڈیموکریٹک اور ریپبلکن پارٹیوں کی طویل تاریخ نے انہیں ایک مضبوط حیثیت عطا کی ہے۔ یہ دونوں پارٹیاں ملک کی قانون سازی اور قیادت پر مکمل طور پر کنٹرول رکھتی ہیں، جس نے نہ صرف ان کی داخلی زندگی پر اثر ڈالا ہے بلکہ عالمی سطح پر بھی ان کی خارجہ پالیسی کی تشکیل میں اہم کردار ادا کیا ہے۔

اس منگل کو، امریکی شہریوں کو دو اہم امیدواروں کے درمیان انتخاب کرنا ہے، ریپبلکن امیدوار ڈونلڈ ٹرمپ اور ڈیموکریٹ امیدوار کملا ہیرس، رائے شماری کے مطابق، دونوں امیدواروں کی حمایت تقریباً 45 فیصد ہے، جو کہ ایک بہت ہی چھوٹے فرق کے ساتھ ہے۔یہ صورتحال یہ ظاہر کرتی ہے کہ دیگر امیدواروں کے لیے ووٹوں کی تعداد بہت محدود ہے، جو تقریباً 10 فیصد سے بھی کم ہے۔

2020 میں، تقریباً 160 ملین رجسٹرڈ ووٹرز نے صدارتی انتخابات میں ووٹ کاسٹ کیے تھے۔ جبکہ 2024 میں، اندازے لگائے جا رہے ہیں کہ رجسٹرڈ ووٹرز کی تعداد 210 ملین تک پہنچ جائے گی، جو کہ گزشتہ تین دہائیوں میں ایک اہم اضافہ ہے، اور حالیہ برسوں میں بڑھتی ہوئی شمولیت کے رجحان کے مطابق ہے۔

امریکی انتخابات کا یہ عمل، سیاسی تاریخ کا ایک اہم باب ہے، جس میں ڈیموکریٹس اور ریپبلکنز کی حریفانہ دوستی کو مزید پروان چڑھایا جائے گا۔ یہ انتخابات نہ صرف ملک کے مستقبل کی تشکیل کریں گے بلکہ عالمی سطح پر بھی اس کے اثرات مرتب کریں گے۔

غزہ جنگ کا خاتمہ کروں گی،کملاہیرس کی عرب امریکیوں کی حمایت کی کوشش

ٹرمپ کی معیشت کے حوالے سے ہیرس پر تنقید

ٹرمپ الیکشن سے پہلے کا آخری دن کہاں گزاریں گے؟

انتخابی مہم میں ٹرمپ کے جھوٹ،ہارتے ہیں تونتائج چیلنج کرنیکی تیاری

امریکی انتخابات میں خلائی اسٹیشن پر موجود خلا باز بھی ووٹ کاسٹ کریں گے؟

امریکی صدارتی انتخابات کی مہم کے لیے پیسہ کہاں سے آتا

امریکی انتخابات،دونوں جماعتوں کا کچھ نشستوں کے لیے سخت مقابلہ

امریکی صدارتی انتخابات،ٹرمپ بمقابلہ ہیرس،الٹی گنتی شروع

کیا ٹرمپ 2016 کی فتح کو دوبارہ حاصل کر سکیں گے؟

مارے جانے والے گلہری نے جعلی ٹرمپ پوسٹ کے بعد انتخابات میں حیران کن بحث پیدا کر دی

امریکی صدارتی انتخابات: ٹرمپ اور کملا ہیرس کے درمیان کانٹے دار مقابلہ، کروڑوں ووٹ کاسٹ

ٹرمپ کی انتخابی ریلی کے دوران فلسطین کی آزادی کے لیے نعرے

امریکی صدارتی امیدوار ڈونلڈ ٹرمپ ، 2024 کے انتخابات میں اگر وہ ہار جاتے ہیں تو نتائج کو چیلنج کرنے کے لیے انہوں نے مہینوں سے تیاری کر رکھی ہے، بالکل اسی طرح جیسے انہوں نے چار سال پہلے کیا تھا۔

ٹرمپ اپنی ریلیوں میں اپنے حامیوں سے کہتے ہیں کہ وہ ایک ایسی فتح دلائیں جو "چوری کرنے کے لیے بہت بڑی” ہو، اور یہ دعویٰ کرتے ہیں کہ وہ صرف اس صورت میں ہار سکتے ہیں اگر ڈیموکریٹس دھوکہ کریں۔ انہوں نے بار بار یہ کہنے سے انکار کیا ہے کہ کیا وہ نتائج کو قبول کریں گے چاہے جو بھی نتیجہ ہو۔ ان کا کہنا ہے کہ دھوکہ دہی پہلے ہی جاری ہے، حالانکہ ان کے دعوے بے بنیاد اور مضحکہ خیز نظریات پر مبنی ہیں۔ٹرمپ نے جمعرات کی رات ایری زونامیں ایک تقریب سے خطاب کرتے ہوئے کہا کہ "ہمیں صرف دھوکہ ہی روک سکتا ہے۔ یہی چیز ہمیں روک سکتی ہے،”

2020 میں، ٹرمپ نے وائٹ ہاؤس سے قبل از وقت فتح کا اعلان کیا۔ انہوں نے اپنے ہار کو جیت میں بدلنے کے لیے قانونی اور سیاسی کوششیں شروع کیں جو 6 جنوری 2021 کو ان کے حامیوں کی جانب سے کیپیٹل پر حملے کی صورت میں بھی نظر آئیں،ڈیموکریٹس کو خدشہ ہے کہ وہ اس سال بھی ایسا ہی کچھ کر سکتے ہیں جب تک کہ انتخابات کا فیصلہ نہ آ جائے۔ انہوں نے جمعہ کو ڈیئر بورن، مشی گن میں ڈیموکریٹس کی تشویشات پر ایک سوال کا جواب نہیں دیا اور اس کے بجائے نائب صدر کاملا ہیرس پر حملہ کیا۔

ٹرمپ نے اپنی 2024 کی انتخابی مہم میں انتخابی جھوٹ کو مرکزی حیثیت دی ہے، دھوکہ دہی کے بارے میں انتباہات دیتے ہوئے اور ان لوگوں کے خلاف انتقام لینے کا وعدہ کیا ہے جنہیں وہ اپنی راہ میں رکاوٹ سمجھتے ہیں۔

یہاں ٹرمپ کی اس سال کے انتخابات میں شکوک و شبہات پھیلانے کی حکمت عملی اور ہر دعویٰ کے پیچھے حقائق کا جائزہ لیا گیا ہے۔

ٹرمپ نے بغیر کسی ثبوت کے دعویٰ کیا ہے کہ ڈیموکریٹس نے لاکھوں تارکین وطن کو غیر قانونی طور پر ملک میں داخل ہونے دیا ہے تاکہ انہیں ووٹ کے لیے رجسٹر کیا جا سکے۔ ستمبر میں نیوز میکس کے ساتھ ایک انٹرویو میں، انہوں نے کہا کہ یہ کوششیں پہلے ہی جاری ہیں۔”وہ الیکشن میں ووٹ دینے کے لیے لوگوں کو غیر قانونی طور پر رجسٹر کرنے کی کوشش کر رہے ہیں،” انہوں نے دعویٰ کیا۔ "وہ کام کر رہے ہیں کہ لوگوں کو سرحد سے آنے والے دیکھیں۔”

حقائق: نئے آنے والوں کے لیے شہریت حاصل کرنے میں سال لگتے ہیں اور صرف شہری ہی وفاقی انتخابات میں قانونی طور پر ووٹ ڈال سکتے ہیں۔ غیر شہریوں کے غیر قانونی طور پر ووٹ ڈالنے کے واقعات عموماً غلطی کی وجہ سے ہوتے ہیں اور یہ ایک بڑی سازش کی عکاسی نہیں کرتے۔

ٹرمپ نے یہ بھی دعویٰ کیا ہے کہ ڈیموکریٹس کی طرف سے بیرون ملک رہنے والے امریکیوں کے ووٹ کے حصول کی کوششیں دھوکہ دہی کا موقع فراہم کرتی ہیں، اور انہوں نے یہ الزام عائد کیا ہے کہ وہ "دھوکہ دینے کے لیے تیار ہیں!”

حقائق: سابق صدر نے خود بیرون ملک رہنے والے امریکیوں کے ووٹ کے لیے مہم چلائی ہے، انہیں دوہری ٹیکس کی روک تھام کا وعدہ کرتے ہوئے۔

ٹرمپ نے یہ بھی تجویز دیا ہے کہ نائب صدر ہیرس کو کسی خفیہ معلومات تک رسائی حاصل ہو سکتی ہے جس کا ابھی فیصلہ نہیں ہوا۔

حقائق: ڈیموکریٹس کی جانب سے کسی سازش کا کوئی ثبوت نہیں ہے۔ ٹرمپ نے نیو یارک کے میڈیسن اسکوائر گارڈن میں ایک ریلی کے دوران اپنی طرف سے شکوک و شبہات پھیلانے کے لیے بات کی۔

اس صورتحال میں، ٹرمپ نے اپنی مہم کے ذریعے عوامی خدشات اور سیاسی ماحول کو متاثر کرنے کی کوشش کی ہے۔

امریکی انتخابات،دونوں جماعتوں کا کچھ نشستوں کے لیے سخت مقابلہ

امریکی صدارتی انتخابات،ٹرمپ بمقابلہ ہیرس،الٹی گنتی شروع

کیا ٹرمپ 2016 کی فتح کو دوبارہ حاصل کر سکیں گے؟

مارے جانے والے گلہری نے جعلی ٹرمپ پوسٹ کے بعد انتخابات میں حیران کن بحث پیدا کر دی

امریکی صدارتی انتخابات: ٹرمپ اور کملا ہیرس کے درمیان کانٹے دار مقابلہ، کروڑوں ووٹ کاسٹ

ٹرمپ کی انتخابی ریلی کے دوران فلسطین کی آزادی کے لیے نعرے

امریکی نائب صدر کاملا ہیرس نے سابق امریکی صدر ڈونلڈ ٹرمپ کو درندہ صفت اور دھوکے باز شخص سے تشبیہ دی ہے

کاملا ہیرس کا کہنا ہے کہ ڈونلڈ ٹرمپ کسی جرم میں سزا پانے والے پہلے امریکی رہنما ہیں،ڈونلڈ ٹرمپ کی شخصیت کے بارے میں جانتی ہوں، ماضی میں بطور پراسیکیوٹر ہر قسم کے مجرموں کے خلاف کارروائی کی،خواتین کے ساتھ بدسلوکی کرنے والے درندوں کے خلاف بھی کارروائی کی

دوسری جانب امریکی صدر جوبائیڈن نے اپنے سپورٹرز سے امریکا کی نائب صدر کملاہیرس کی مکمل حمایت کا مطالبہ کردیا،جوبائیڈن کا کہنا تھا کہ وائٹ ہاؤس کی دوڑ سے باہر ہونے کا میرا فیصلہ بالکل درست تھا۔

امریکی ایوان نمائندگان کی سابق اسپیکر اور ڈیموکریٹک رہنُما نینسی پیلوسی نےکاملا کی حمایت کا اعلان کرتے ہوئے ہوئے کہا کہ وہ صدر جو بائیڈن کی جگہ ڈیموکریٹک صدارتی امیدوار کے طور پر نائب صدر کملا ہیرس کی انتخابی مہم شروع کرنے کی حمایت کرتی ہیں،آج ہمارے ملک کے مستقبل کے لیے بڑے فخر اور بے پناہ امید کے ساتھ میں نائب صدر کملا ہیرس کی صدر کے امیدوار کے لیے تائید کرتی ہوں، پیلوسی نے بائیڈن کے صدارتی الیکشن کی دوڑ سے دست برداری کے اعلان تک ان کی حمایت میں کلیدی کردار ادا کیا تھا،پیلوسی نے کہا کہ کیلیفورنیا میں ان کے ساتھی ڈیموکریٹ ہیرس کی حمایت کرتے ہیں، ہیرس اس سے قبل کیلیفورنیا کے ریاستی سینیٹر اور ریاستی اٹارنی جنرل کے طور پر خدمات انجام دے چکی ہیں

واضح رہے کہ امریکی صدر جو بائیڈن نے اپنی جگہ کملا ہیرس کی بطور صدارتی امیدوار حمایت کی ہے،کملا ہیرس ڈیمو کریٹس کی صدارتی امیدوار بنیں تو امریکی تاریخ میں پہلی بار سیاہ فام خاتون صدارتی امیدوار ہوں گی،

واضح رہے کہ امریکی صدر جو بائیڈن نے آئندہ انتخابات کےلیے صدارتی دوڑ سے دستبردار ہونے کا اعلان کردیا ہے اور کہا ہے کہ بقیہ مدت بطور صدر اپنے فرائض کی تکمیل پر توجہ دوں گا،میری دستبرداری پارٹی اور ملک کے بہترین مفاد میں ہے.

حملہ آور نے ٹرمپ پر حملہ سے قبل ڈرون اڑا کر جائزہ لیا تھا

ٹرمپ پر حملہ،ایران پر الزام لگ گیا،ایران کی تردید

اوہائیو،ریپبلکن نیشنل کنونشن کے باہر فائرنگ سےچاقو بردار شخص ہلاک

گولی لگنے سے میرا کان کا حصہ کٹ گیا ،ٹرمپ

ڈونلڈ ٹرمپ پر قائم مقدمہ عدالت نے کیا خارج

ٹرمپ سے قبل کن اہم شخصیات پر ہوئے حملے؟

ہمیشہ سے کہیں زیادہ اب متحد ہونے کی ضرورت ہے،ٹرمپ

صدر مملکت اور وزیر اعظم کاسابق امریکی صدر ڈونلڈ ٹرمپ پر انتخابی ریلی کے دوران حملے کی شدید مذمت

انتخابات نہیں جیت سکتے، جوبائیڈن کو پیغام مل گیا

امریکی میگزین نے ٹرمپ،جوبائیڈن کی نیم برہنہ تصویر سرورق پر شائع کر دی

امریکی صدر جوبائیڈن صدارتی انتخابات میں پیچھے ہٹتے دکھائی دے رہے ہیں، توقع کی جا رہی ہے کہ وہ دستبردار ہو جائیں گے اور انکی جگہ کسی اور کو امیدوار نامزد کیا جائے گا

خبر رساں ادارے کے مطابق امریکی صدر جو بائیڈن صدارتی دوڑ سے باہر ہو سکتے ہیں،جوبائیڈن جلد دستبردار کا اعلان کر دیں گے،جوبائیڈن نائب صدر کملا ہیرس کی اپنے جانشین کے طور پر حمایت نہیں کریں گےتاہم کئی میڈیا رپورٹس میں یہ خبریں آ رہی ہیں کہ ڈیموکریٹک امیدوار نائب صدر کملا ہیرس ہو سکتی ہیں

سابق امریکی صدر ڈونلڈ ٹرمپ کے ساتھ حالیہ صدارتی مباحثے میں ڈونلڈ ٹرمپ کو جو بائیڈن پر برتری حاصل ہوئی تھی، اس مباحثے کے بعد امریکی صدر جوبائیڈن کی صحت اور خراب کارکردگی بارے سوال اٹھائے گئے تھے، نیویارک ٹائمز نے اپنی رپورٹ میں کہا ہے کہ جوبائیڈن کے قریبی لوگوں کا خیال ہے کہ بائیڈن نے اس خیال کو قبول کرنا شروع کر دیا ہے،اب وہ بھی محسوس کرنے لگے ہیں کہ وہ نومبر میں ہونے والے انتخابات جیتنے کے قابل نہیں ہیں، ڈیموکریٹک پارٹی کے سینئر رہنماؤں کو لگتا ہے کہ بائیڈن اب پیچھے ہٹ جائیں گے

دو روز قبل سابق امریکی صدر براک اوباما نے بھی کہا تھا کہ اس بار بائیڈن کی جیت کے امکانات بہت کم ہیں۔ واشنگٹن پوسٹ نے اپنی رپورٹ میں یہ بھی کہا کہ جمعرات کی رات تک یہ قیاس آرائیاں کی جا رہی تھیں کہ بائیڈن شاید کبھی یہ اعلان نہیں کریں گے کہ وہ الیکشن لڑیں گے، اس کے ساتھ ہی نائب صدر کملا ہیرس نے پارٹی امیدوار بننے کے امکان کے درمیان نائب صدر کے امیدوار کے لیے آپشنز تلاش کرنا شروع کر دیا ہے۔

امریکی اخبار کے مطابق بظاہر جو بائیڈن اس حقیقت کو تسلیم کررہے ہیں کہ انہیں ممکنہ طور پر اس دوڑ سے دستبردار ہونا پڑے گا، جو بائیڈن 2024 کی امریکی صدارتی دوڑ سے دستبردار ہو جاتے ہیں، تو کون کون ممکنہ امیدوار ہے جو ڈیموکریٹک کی جانب سے بطور صدارتی امیدوار ان کی جگہ لے سکتے ہیں ؟

کملا ہیرس
جو بائیڈن کی جگہ لینے والوں میں سب سے پہلا نام موجودہ نائب صدر کملا ہیرس کا ہے،کملا ہیرس بائیڈن کی وفادار اتحادی ہیں، اگر کملا ہیرس، صدارتی انتخابات لڑکر کامیاب ہو جاتی ہیں تو وہ پہلی خاتون صدر، دوسری سیاہ فام صدر اور پہلی ایشیائی امریکی صدر کے طور پر منتخب ہوکر تاریخ رقم کر دیں گی۔

گیون نیوزوم
کیلیفورنیا کے گورنر گیون نیوزوم صدر جو بائیڈن کی جگہ لینے کے لیے ایک مضبوط امیدوار ہیں، گیون نیوزوم قومی سطح پر ڈیموکریٹس کی حمایت اور اینٹی ریپبلکن کے طور پر جانے جاتے ہیں،گیون نیوزوم امریکی سیاست میں کافی متحریک ہیں، لیکن وہ فی الحال بائیڈن کو منتخب کروانے کے لیے مہیم چلا رہے ہیں۔

گریچین وائٹمر
مشی گن کی گورنر گریچن وائٹمر بھی صدارتی انتخابات کے لیے اہم امیدوار ہیں، انہوں نے ماضی میں بائیڈن کے لیے مہم چلائی تھی، وہ خواتین کے لیے اہم مسائل پر کھل کر بات کرتی ہیں، اگر وہ منتخب ہوئیں تو وہ پہلی خاتون صدر ہوں گی۔

جے بی پرٹزکر
ایلی نوائے کے گورنر جے بی پرٹزکر، پرٹزکر خاندان کے ایک ارب پتی شخص اور امریکی صدارت کے لیے اہم امیدوار ہیں،اسقاط حمل کے حقوق، اسلحہ پر قابو اور چرس کی قانونی حیثیت جیسے اہم مسائل پر مضبوط موقف رکھنے والے جے بی پرٹزکر امریکی صدارتی امیدوار کے لیے مالی اعتبار سے ایک امیر ترین اور ترقی پسند خیال کے حامل انتخاب ہیں تاہم وہ بائیڈن کی انتخابی مہم کے لیے کام کر رہے ہیں۔

جوش شاپیرو
پنسلوینیا کے گورنر جوش شاپیرو پنسلوینیا کی سیاست کے میدان میں ایک ابھرتا ہوا ستارہ ہیں اور صدارتی انتخابات کے لیے ایک بہترین امیدوار ہیں

ٹرمپ پر حملہ،ایران پر الزام لگ گیا،ایران کی تردید

اوہائیو،ریپبلکن نیشنل کنونشن کے باہر فائرنگ سےچاقو بردار شخص ہلاک

گولی لگنے سے میرا کان کا حصہ کٹ گیا ،ٹرمپ

ڈونلڈ ٹرمپ پر قائم مقدمہ عدالت نے کیا خارج

ٹرمپ سے قبل کن اہم شخصیات پر ہوئے حملے؟

ہمیشہ سے کہیں زیادہ اب متحد ہونے کی ضرورت ہے،ٹرمپ

صدر مملکت اور وزیر اعظم کاسابق امریکی صدر ڈونلڈ ٹرمپ پر انتخابی ریلی کے دوران حملے کی شدید مذمت

انتخابات نہیں جیت سکتے، جوبائیڈن کو پیغام مل گیا

امریکی میگزین نے ٹرمپ،جوبائیڈن کی نیم برہنہ تصویر سرورق پر شائع کر دی