Tag: صدر ٹرمپ

امریکی صدر ڈونلڈ ٹرمپ نے آئیووا میں میڈیا سے گفتگو اور ایک تقریب سے خطاب کرتے ہوئے ایران، معیشت، سرحدی سیکیورٹی اور آئندہ انتخابات سے متعلق کہا ہے کہ جون میں ایران کی جوہری صلاحیت کو ختم کر دیا گیا تھا-

صدر ٹرمپ کا کہنا تھا کہ امریکی بحری بیڑہ ایران کی جانب گامزن ہے اور جون میں ایران کی جوہری صلاحیت کو ختم کر دیا گیاانہوں نے دعویٰ کیا کہ ایران میں کی گئی فوجی کارروائی کے دوران کوئی شہری ہلاک نہیں ہوا اور امید ہے کہ ایران امریکا کے ساتھ ڈیل کر لے گا امریکا میں تیل کی قیمتیں کم کر دی گئی ہیں اور ملک کی سرحدوں کو محفوظ بنا دیا گیا ہےہزاروں جرائم پیشہ اور غیرقانونی افراد کو امریکا سے واپس بھیجا جا چکا ہے جبکہ امریکی فوج کو مزید مضبوط کیا گیا ہے-

انہوں نے دعویٰ کیا کہ موجودہ حکومت کو مہنگائی کا بحران ورثے میں ملا تھا تاہم ایک سال کے اندر مہنگائی کی شرح میں نمایاں کمی کی گئی اور امریکی معیشت اب دنیا کی مضبوط ترین معیشت بن چکی ہےصدر ٹرمپ نے اعتماد کا اظہار کرتے ہوئے کہا کہ وہ مڈٹرم الیکشن باآسانی جیت جائیں گے۔

ٹرمپ نے منی سوٹا واقعے کی منصفانہ تحقیقات کی یقین دہانی کراتے ہوئے کہا کہ وہ خود اس کی نگرانی کریں گےانہوں نے سابق حکومت کی پالیسیوں پر تنقید کرتے ہوئے کہا کہ انہی فیصلوں کے باعث لاکھوں غیرقانونی افراد امریکا آئے اور ماضی میں امریکی سرحد تاریخ کی بدترین حالت میں تھی۔

امریکی صدر ڈونلڈ ٹرمپ نے دعویٰ کیا ہے کہ امریکا نے وینزویلا پر فوجی حملے کے بعد صدر نکولس مادورو کو گرفتار کر کے ملک سے باہر منتقل کر دیا ہے،یہ کارروائی بڑے پیمانے پر کی گئی، جس میں مادورو اور ان کی اہلیہ کو حراست میں لے لیا گیا۔

صدر ٹرمپ نے اپنے سوشل میڈیا پلیٹ فارم ٹروتھ سوشل پر جاری بیان میں کہا کہ ریاستہائے متحدہ امریکا نے وینزویلا اور اس کے رہنما صدر نکولس مادورو کے خلاف ایک بڑے پیمانے پر حملہ کامیابی سے انجام دیا ہے، جس کے بعد مادورو اور ان کی اہلیہ کو گرفتار کر کے ملک سے باہر منتقل کر دیا گیا ہے۔

امریکی دعوے کے مطابق یہ لاطینی امریکا میں براہ راست امریکی فوجی مداخلت کی ایک بڑی مثال ہے، جہاں آخری بار 1989 میں پاناما پر حملہ کیا گیا تھا تاکہ فوجی حکمران مینوئل نوریگا کو اقتدار سے ہٹایا جا سکے۔

ملتان سلطانز کے انتظامی اور کرکٹ معاملات کون سنبھالے گا؟

تاحال وینزویلا کی حکومت کی جانب سے صدر مادورو کی گرفتاری یا امریکی دعوے کی باضابطہ تصدیق سامنے نہیں آئی، جبکہ صورتحال پر خاموشی برقرار ہے۔

امریکا ماضی میں وینزویلا کے صدر نکولس مادورو پر منشیات کی اسمگلنگ سے جڑی ریاست چلانے اور انتخابات میں دھاندلی کے الزاما ت عائد کرتا رہا ہے، دوسری جانب مادورو، جو 2013 میں ہیوگو شاویز کے بعد اقتدار میں آئے تھے، مسلسل یہ مؤقف اختیار کرتے رہے ہیں کہ واشنگٹن وینزویلا کے تیل کے ذخائر پر قبضہ کرنا چاہتا ہے، جو دنیا میں سب سے بڑے سمجھے جاتے ہیں۔

یہ پیشرفت ایسے وقت سامنے آئی ہے جب حالیہ دنوں میں وینزویلا کے دارالحکومت کراکس اور دیگر علاقوں میں دھماکوں کے بعد امریکا اور وینزویلا کے درمیان کشیدگی میں نمایاں اضافہ دیکھا جا رہا ہے۔

سونے کی قیمت میں آج بڑی کمی ریکارڈ

قبل ازیں وینزویلا کے صدر نکولس مادورو نے امریکی حملے کی تصدیق کر تے ہوئےملک میں ایمرجنسی کے نفاذ کا اعلان کیا تھا،وینزویلین صدر نکولس مادورو نے کہا تھا کہ امریکا نے وینزویلا پر حملہ کر دیا ہے، ہم امریکا کی فوجی جارحیت کو مسترد کرتے ہیں اور اس کی سخت مذمت کرتے ہیں، امریکی جارحیت بین الاقوامی امن اور استحکام کو خطرے میں ڈال سکتی ہے۔

مادورو نے امریکی حملے کو ملکی وسائل پر قبضے کی ایک کوشش قرار دیا اور کہا تھا کہ امریکا وینزویلا کے اسٹریٹیجک وسائل، تیل اور معدنیات پر قبضہ کرنا چاہتا ہے، انھوں نے کہا کہ ایسی کوششیں کامیاب نہیں ہوں گی۔

سہیل آفریدی کو گرفتار کر کے پیش کرنے کا حکم

غیر ملکی میڈیا رپورٹس کے مطابق شہر کاراکاس میں سائرن بج رہے ہیں، دھماکوں کے بعد صدارتی محل کے ٹینک گشت کرنے لگے ہیں، وینزویلا حکومت کے ایک سرکاری بیان کے مطابق امریکا نے کئی ریاستوں میں شہری اور فوجی تنصیبات پر حملے کیے ہیں، حملے کاراکاس کے ساتھ ساتھ مرانڈا، اراگوا اور لا گوائرا کی ریاستوں میں ہوئے ہیں۔

نیویارک میئر کی دوڑ میں ڈیموکریٹک اُمیدوار ظہران ممدانی کا کہنا ہے کہ صدر ٹرمپ محنت کش مڈل کلاس کے خلاف صدارتی اقدامات سے توجہ ہٹانا چاہتے ہیں اور اسی لیے مجھ پر وار کر رہے ہیں۔

ظہران ممدانی نے کہا کہ صدر ٹرمپ نے مجھے گرفتار کرنے، ملک بدر کرنے اور امریکی شہریت ختم کرنے کی دھمکی دی ہیں صدر ٹرمپ نہیں چاہتے کہ میں کام کرنے والے لوگوں کی حقوق کی بات کروں، اُن لوگوں کی بات کروں جنہیں مہنگائی کے باعث نیو یارک چھوڑنے پر مجبور کیا گیا صدر ٹرمپ نے اپنی انتخابی مہم میں مہنگائی کم کرنے کا وعدہ کیا تھا جس سے اب وہ منحرف ہو رہے ہیں اِس لیے اپنی ناکامی چھپانے کے لیے مجھ پر حملے کر رہے ہیں۔

اتوار کو این بی سی سے ایک انٹرویو میں جب ان سے پوچھا گیا کہ کیا وہ کمیونسٹ ہیں تو ممدانی نے انکار کیامیں نہیں سمجھتا کہ دنیا میں ارب پتی ہونے چاہییں میں سب کے ساتھ کام کرنا چاہتا ہوں۔‘

رپبلکنز کی جانب سے شدید تنقید کی قیادت خود ٹرمپ کر رہے ہیں، جنہوں نے منگل کو کہا: ’سچ کہوں تو، میں نے سنا ہے کہ وہ مکمل پاگل ہیں۔‘

انہوں نے نشاندہی کی کہ 2024 کے انتخابات میں ٹرمپ کو نیویارک سٹی میں غیر معمولی حمایت ملی اور بتایا کہ انہوں نے اقلیتوں، محنت کش طبقے اور تارکین وطن کی بستیوں میں بلا توقف مہم چلائی، جس سے ناراض ووٹرز کو دوبارہ ڈیموکریٹک کیمپ میں لایا جا سکا۔ہم ان ووٹروں کو واپس لا سکتے ہیں جنہیں سب نے نظر انداز کر دیا اگر ہم انہیں صرف یہ نہ بتائیں کہ کس کے خلاف ووٹ دیں، بلکہ یہ بھی بتائیں کہ وہ کس کے حق میں ووٹ دیں-

واضح ہے کہ ظہران ممدانی اب باضابطہ طور پر نیویارک سٹی کے میئر کے لیے ڈیموکریٹک پارٹی کے امیدوار نامزد ہو گئے ہیں اور اس کا اعلان منگل کو پرائمری انتخاب کے سرکاری نتائج جاری کرتے ہوئے کیا گیا 33 سالہ، خود کو ڈیموکریٹک سوشلسٹ کہلانے والے ممدانی نے اپنے قریبی حریف، سابق گورنر اینڈریو کوومو کو نمایاں فرق سے شکست دی۔ تیسرے مرحلے کی گنتی میں ممدانی نے 56 فیصد جبکہ کوومو نے 44 فیصد ووٹ حاصل کیے۔

چونکہ 25 جون کو ہونے والے پرائمری میں کسی بھی امیدوار نے واضح اکثریت حاصل نہیں کی تھی، اس لیے انتخابی حکام نے کم ووٹ حاصل کرنے والے امیدواروں کو خارج کر کے رینکڈ-چوائس ووٹنگ کے تحت دوبارہ گنتی کی تاہم جب ممدانی نے ابتدائی طور پر ہی 43 فیصد ووٹ حاصل کر لیے، تو جنسی سکینڈل کے بعد واپسی کی کوشش کرنے والے کوومو نے مکمل نتائج کا انتظار کیے بغیر رات ہی کو شکست تسلیم کر لی — جو ڈیموکریٹس کے لیے حیران کن نتیجہ تھا۔

اسرائیل کے بھرپور حامی کوومو انتخابی دوڑ کے زیادہ تر عرصے میں پولز میں آگے رہے، انہیں سابق صدر بل کلنٹن سمیت بااثر اعتدال پسند شخصیات کی حمایت بھی حاصل تھی۔

یوگنڈا میں جنوبی ایشیائی والدین کے ہاں پیدا ہونے والے ممدانی، جو اس وقت نیویارک سٹیٹ اسمبلی کے رکن ہیں، اگر نومبر میں عام انتخابات جیت جاتے ہیں تو نیویارک سٹی کے پہلے مسلم میئر ہوں گے۔

ایرانی وزیر خارجہ عباس عراقچی نے کہا ہے کہ اگر ڈونلڈ ٹرمپ واقعی مذاکرات میں سنجیدہ ہیں تو انہیں ایران کے سپریم لیڈر آیت اللہ خامنہ ای کے لیے اپنا لہجہ بدلنا ہوگا۔

سوشل میڈیا پر جاری اپنے بیان میں عراقچی نے واضح کیا کہ صدر ٹرمپ اگر معاہدہ چاہتے ہیں تو انہیں سپریم لیڈر کے خلاف غیر مہذب لہجہ ترک کرنا ہوگا امریکی صدر کو ایران کے قائد کے چاہنے والوں کے جذبات کو ٹھیس پہنچانا بند کرنا چاہیے۔

ایرانی وزیر خارجہ نے کہا کہ ہم ایک قوم کے طور پر سادگی اور سچائی پر یقین رکھتے ہیں ہم اپنی قدر جانتے ہیں اور اپنی آزادی کو عزیز رکھتے ہیں۔ ہم کبھی کسی کو اپنی تقدیر کا فیصلہ کرنے کی اجازت نہیں دیں گے،ہمارے میزائلوں سے بچنے کےلیے اسرائیل کے پاس امریکا جانے کے سوا کوئی چارہ نہیں تھا۔‘‘

سیاسی مبصرین کے مطابق، یہ بیان ایران کی طرف سے امریکا کو ایک واضح پیغام ہے کہ وہ مذاکرات کی میز پر آنے کےلیے احترام آمیز رویہ اپنانے کی توقع رکھتا ہے۔

واضح رہے کہ امریکی صدر ڈونلڈ ٹرمپ نے کہا ہے کہ جنگ زدہ ایران کے سپریم لیڈر آیت اللہ علی خامنہ ای نے اتنی احمقانہ بات کیوں کی کہ ایران نے اسرائیل کے ساتھ جنگ جیت لی، جب کہ انہیں معلوم ہے کہ ان کا یہ بیان جھوٹ ہے، اور حقیقت اس کے برعکس ہے۔

اپنے ٹروتھ سوشل میڈیا پر ایک پیغام میں امریکی صدر نے کہا کہ ایک ایسے شخص کے طور پر جو خود کو بہت دین دار کہتا ہے، اسے جھوٹ نہیں بولنا چاہیے، اس کا ملک تباہ ہو چکا ہے، اُس کی 3 خطرناک نیوکلیئر سائٹس کو مکمل طور پر ختم کر دیا گیا ہے، اور مجھے بالکل معلوم تھا کہ وہ کہاں چھپا ہوا ہے، اور میں نے اسرائیل یا امریکی مسلح افواج (جو دنیا کی سب سے عظیم اور طاقتور فورسز ہیں) کو ان کی جان لینے کی اجازت نہیں دی،میں نے انہیں ایک بہت بدترین اور ذلت آمیز موت سے بچایا، اور انہیں یہ کہنے کی بھی ضرورت نہیں کہ شکریہ، صدر ٹرمپ!

واشنگٹن: ایلون مسک نے صدر ڈونلڈ ٹرمپ کے مجوزہ ٹیکس میں کٹوتی اور حکومتی اخراجات سے متعلق بل کو شدید تنقید کا نشانہ بناتے ہوئے اسے ایک مکروہ اور شرمناک اقدام قرار دیا ہے۔

صدارتی انتخابات میں صدر ٹرمپ کی مکمل حمایت کرنے والے مسک کا ایکس پر جاری بیان میں کہنا ہے کہ یہ بل وفاقی خسارے میں مزید اضافہ کرے گا اور قوم کے مستقبل پر منفی اثرات ڈالے گا، معذرت کے ساتھ، لیکن اب مزید برداشت نہیں ہو رہایہ کانگریس کا ایک بڑا، فضول اور ناقابل قبول اخراجاتی بل ہے، جو ایک مکروہ عمل ہے جو لوگ اس بل کے حق میں ووٹ دے چکے ہیں، انہیں شرم آنی چاہیے، آپ جانتے ہیں کہ آپ نے غلط کیا۔

اسٹاک ایکسچینج میں نئی تاریخ رقم ، انڈیکس بلند ترین ایک لاکھ ، 21 ہزار کی سطح پر پہنچ گیا

مسک کے ان بیانات نے واشنگٹن میں نئی بحث چھیڑ دی ہے، بالخصوص ان ریپبلکن اراکین کے درمیان جو بجٹ خسارے پر کڑی نظر رکھتے ہیں کئی قدامت پسند ریپبلکن سینیٹرز نے مسک کے خیالات سے اتفاق کرتے ہوئے بل پر نظرثانی کی ضرورت پر زور دیا ہے ، جس سے اس قانون سازی کی منظوری میں مزید پیچیدگیاں پیدا ہو سکتی ہیں۔

شمالی وزیرستان :خفیہ اطلاعات پر آپریشن میں 14 خوارج ہلاک

واضح رہے کہ یہ بل صدر ٹرمپ کی ٹیکس کٹوتیوں کو توسیع دینے کے ساتھ ساتھ دفاعی اخراجات اور بارڈر سیکیورٹی پر مزید فنڈز فراہم کرنے کی شقیں رکھتا ہےغیرجانبدار کانگریشنل بجٹ آفس کے مطابق یہ قانون وفاقی قرض میں 3.8 کھرب ڈالر کا اضافہ کر سکتا ہے، جو پہلے ہی 36.2 کھرب ڈالر تک پہنچ چکا ہے۔

ایوان نمائندگان (ہاؤس آف ریپریزنٹیٹوز) پہلے ہی اس بل کو ایک ووٹ کی اکثریت سے منظور کر چکا ہے اب سینیٹ میں، جہاں ریپبلکن کی اکثریت ہے، One Big Beautiful Bill Act کے نام سے اس قانون کی منظوری اگلے ماہ متوقع ہے، تاہم اس میں ترامیم کی بھی توقع ہے۔

بلاول بھٹو کی فرانسیسی مندوب سے ملاقات بھارتی جارحیت علاقائی امن کے لیے خطرہ ہے

سینیٹ فنانس کمیٹی کے رکن سینیٹر اسٹیو ڈینز کے مطابق، بدھ کے روز کمیٹی کے ارکان وائٹ ہاؤس میں سابق صدر ٹرمپ سے ملاقات کریں گے تاکہ کاروباری ٹیکس چھوٹ کو مستقل کرنے پر بات چیت کی جا سکے۔ ماہرین خبردار کر چکے ہیں کہ اس اقدام سے بل کی لاگت میں نمایاں اضافہ ہو سکتا ہے۔

واشنگٹن: امریکی صدر ڈونلڈ ٹرمپ نے طبی معائنے میں شامل ذہنی صلاحیت کے ٹیسٹ میں اب تک کا بلند ترین اسکور حاصل کرلیا۔

باغی ٹی وی : امریکی سابق صدر ڈونلڈ ٹرمپ نے اپنے حالیہ سالانہ طبی معائنے کے دوران ذہنی صلاحیت کے ٹیسٹ میں تاریخ کا بلند ترین اسکور حاصل کرلیا، ڈاکٹروں کا کہنا ہے کہ کسی فرد کو اب تک اتنے زیادہ نمبر حاصل کرتے نہیں دیکھا گیا۔

صدر ٹرمپ نے صحافیوں سے بات کرتے ہوئے کہا کہ انہوں نے یہ ٹیسٹ اب تک تین بار دیا ہے اور انہیں ہر بار اچھا لگا انہوں نے طنزیہ انداز میں سابق امریکی صدور باراک اوباما اور جو بائیڈن کا تذکرہ کرتے ہوئے کہا کہ انہوں نے تو یہ ٹیسٹ کبھی دیا ہی نہیں۔

لیبیا : تارکین وطن کی کشتی ڈوبنے سے پاکستانیوں سمیت 11 افراد جاں بحق

وائٹ ہاؤس کی جاری کردہ رپورٹ کے مطابق صدر ٹرمپ کی ذہنی اور جسمانی صحت بہترین قرار دی گئی ہے اور وہ قیادت کی تمام تر ذمہ داریاں نبھانے کے لیے مکمل طور پر فٹ ہیں۔

یو اے ای کا قانون سازی، عدالتی نظام اور انتظامی امور کو اے آئی سے مربوط کرنے کا فیصلہ