Tag: صدر ڈونلڈ ٹرمپ

امریکی سپریم کورٹ نے صدر ڈونلڈ ٹرمپ کو محکمہ تعلیم کو تحلیل کرنے کی راہ میں حائل قانونی رکاوٹیں ہٹا کر اس اقدام کو دوبارہ شروع کرنے کی اجازت دے دی ہے، جس کے بعد ریاستی حکومتوں اور اساتذہ کی تنظیموں میں شدید تحفظات جنم لے چکے ہیں۔

سپریم کورٹ کے 9 رکنی بینچ میں سے 6 قدامت پسند ججز نے یہ فیصلہ کسی وضاحت کے بغیر جاری کیا، جس سے پہلے فیڈرل جج کی جانب سے محکمہ تعلیم کے برطرف ملازمین کی بحالی سے متعلق حکم کالعدم ہوگیا۔ تین لبرل ججز نے فیصلے کی مخالفت کرتے ہوئے اسے آئینی نظام کے لیے خطرناک قرار دیا۔ڈونلڈ ٹرمپ نے اپنی انتخابی مہم میں محکمہ تعلیم کے خاتمے کا وعدہ کیا تھا، اور جنوری 2025 میں دوسری مدتِ صدارت کے آغاز پر وفاقی اداروں میں ملازمین کی کمی اور ادارہ جاتی اصلاحات کی ہدایت جاری کی۔

مارچ 2025 میں ٹرمپ انتظامیہ نے محکمہ تعلیم کے 50 فیصد ملازمین کو فارغ کرنے کا اعلان بھی کیا تھا، حتیٰ کہ وزیر تعلیم لنڈا مکمان سے کہا گیا کہ "اپنے آپ کو بے روزگار بنا دو”۔اس فیصلے کے خلاف 20 امریکی ریاستوں اور اساتذہ کی یونینز نے مؤقف اختیار کیا کہ محکمہ تعلیم کا قیام 1979 کے کانگریس ایکٹ کے تحت ہوا، اور اسے ختم کرنے کا اختیار صرف کانگریس کو حاصل ہے۔ جج سونیا سوتو مئیر نے اختلافی نوٹ میں خبردار کیا کہ عدالت کی خاموشی آئینی اختیارات کی تقسیم کے لیے خطرہ بن سکتی ہے۔

واضح رہے کہ امریکہ میں تعلیم کی مالی معاونت اگرچہ زیادہ تر ریاستی اور مقامی سطح پر کی جاتی ہے، لیکن وفاقی حکومت کی فنڈنگ کم آمدنی والے علاقوں اور خصوصی طلبہ کی ضروریات کے لیے نہایت اہم سمجھی جاتی ہے۔اب جبکہ سپریم کورٹ سے قانونی منظوری مل چکی ہے، ماہرین تعلیم کا کہنا ہے کہ اس اقدام کے تعلیمی نظام پر گہرے اور دور رس اثرات مرتب ہو سکتے ہیں، اور ملک میں اس فیصلے کے خلاف ایک نئی بحث کا آغاز ہو چکا ہے۔

مالاکنڈ ڈویژن میں بارشوں سےچھتیں گرنے کے واقعات، تین بچے جاں بحق

ملک بھر میں سونے کی قیمت میں معمولی کمی

جنڈولہ اور برمل میں کل کرفیو نافذ، نقل و حرکت اور بازاروں پر مکمل پابندی

جنرل ساحر مرزا کی چین کی پیپلز لبریشن آرمی کی 98ویں سالگرہ پر شرکت

مالی سال 2025: بڑی صنعتوں کی پیداوار میں 1.21 فیصد کمی

امریکا نے ایران اور اسرائیل کے درمیان جاری کشیدگی میں فی الوقت براہِ راست مداخلت نہ کرنے کا عندیہ دیا ہے۔

وائٹ ہاؤس کی ترجمان کیرولائن لیوٹ نے بیان میں کہا کہ صدر ڈونلڈ ٹرمپ نے ایران کے حوالے سے کسی بھی ممکنہ کارروائی کا فیصلہ دو ہفتوں کے لیے مؤخر کر دیا ہے۔ ترجمان کے مطابق اگر مستقبل قریب میں بات چیت کا موقع پیدا ہوا تو مذاکرات کی بڑی گنجائش موجود ہے، لیکن یہ بھی ممکن ہے کہ ایسا موقع نہ نکلے۔انہوں نے کہا کہ ایران کے پاس جوہری ہتھیار بنانے کی مکمل صلاحیت موجود ہے، اور اسے صرف اپنے سپریم لیڈر کے حتمی فیصلے کا انتظار ہے۔

ترجمان نے واضح کیا کہ امریکی انٹیلی جنس کو اس وقت چین کے ایران میں فوجی طور پر شریک ہونے کے کوئی ثبوت نہیں ملے۔ ان کا کہنا تھا کہ صدر ٹرمپ کی اولین ترجیح ہے کہ ایران جوہری ہتھیار حاصل نہ کرے، اور اسی تناظر میں آج امریکی صدر کو اسرائیلی آپریشن پر تفصیلی بریفنگ دی گئی ہے۔

یاد رہے کہ اس سے قبل امریکی میڈیا میں ایران پر امریکی حملے کی منظوری سے متعلق خبروں پر صدر ٹرمپ کی جانب سے سختی سے تردید کی گئی تھی۔

مشرق وسطیٰ کی کشیدگی پر اسرائیل میں امریکی سفارتی عملہ زیر زمین منتقل

ملک بھر میں مسلسل چوتھے دن سونے کی قیمت میں کمی

پی آئی اے کی نجکاری کی دوسری کوشش، 8 اداروں نے دلچسپی ظاہر کر دی

ایران اسرائیل جنگ: برطانیہ کی شمولیت پر لبرل ڈیموکریٹس نے بڑا مطالبہ کر دیا

190 ملین پاؤنڈ کیس: عمران خان اور بشریٰ بی بی کی سزا معطلی درخواستیں سماعت کے لیے مقرر

صدر ڈونلڈ ٹرمپ کی امیگریشن پالیسیوں کیخلاف لاس اینجلس سے شروع ہونے والے مظاہرے امریکا کی دیگر ریاستوں تک پھیل گئے۔

غیر ملکی میڈیا کے مطابق لاس اینجلس میں پرتشدد مظاہرین نے کچھ گاڑیوں کو آگ لگا دی ،اس کے علاوہ نیویارک، اٹلانٹا، کینٹکی، ڈیلاس اور واشنگٹن ڈی سی میں بھی مظاہرے کئے گئے،پولیس نے مظاہرین کیخلاف ربڑ بلٹ کا استعمال کیا جس سے مظاہرے کی کوریج کرتے آسٹریلوی صحافی لورین ٹوماسی ٹانگ پر لگنے سے زخمی ہو گئی۔

اس کے علاوہ پولیس نے 150 افراد کو حراست میں لے لیا، حراست میں لئے جانے والوں میں امریکی میڈیا سی این این کا عملہ بھی شامل ہےٹرمپ انتظامیہ نے لاس اینجلس میں مظاہرین کو کنٹرول کرنے کیلئے نیشنل گارڈز کے 2 ہزار اہلکاروں کے علاوہ امریکی فوج کے 700 اہلکار بھی تعینات کرنے کا اعلان کیا ہے۔

امریکی میڈیا کا کہنا ہے کہ کیلیفورنیا کی ریاستی حکومت نے ٹرمپ انتظامیہ کے خلاف مقدمہ دائر کر دیا ہے جس میں عدالت سے نیشنل گارڈز کی تعیناتی کو غیر آئینی قرار دینے کی درخواست کی گئی ہے۔

ہندوستان بغیر کسی جواز اور تحقیقات کے پاکستان پر الزام تراشی کا مرتکب ہوا ،پاکستانی وفد

ڈاکٹرآصف محمود امریکی کمیشن کےوائس چیئرمین منتخب

پوپ لیو کا قوم پرستانہ سیاست پر شدید تشویش کا اظہار

پینٹا گون نے ٹرانسجینڈر فوجی اہلکاروں کو 30 دن کی ڈیڈ لائن کے اندر فارغ کرنے کاحکم دے دیا.

پینٹاگون نےاپنے بیان میں کہا ہے کہ یہ پالیسی اس وقت لاگو ہوگی جب تک کہ ہر معاملے کی بنیاد پر استثنیٰ نہ دیا جائے۔ اس فیصلے کے نتیجے میں ٹرانسجینڈر افراد کے لیے فوج میں شامل ہونا یا اپنی خدمات جاری رکھنا تقریباً ناممکن ہو جائے گا۔ صدر ڈونلڈ ٹرمپ کی جانب سے پینٹاگون کو ہدایت دی گئی ہے کہ وہ پہلے 30 دن کے اندر ٹرانسجینڈر فوجیوں کی شناخت کرے اور اس کے بعد اگلے 30 دنوں میں انہیں فوج سے الگ کر دے۔پینٹاگون نے وضاحت کی ہے کہ اس پالیسی کا مقصد فوج کی یکجہتی، مؤثر کارکردگی اور تنظیمی ڈھانچے کو برقرار رکھنا ہے۔ امریکی محکمہ دفاع کے اعدادوشمار کے مطابق، اس وقت امریکی فوج میں تقریباً 13 لاکھ فعال اہلکار موجود ہیں، جبکہ ٹرانسجینڈر حقوق کے حامی ادارے اس تعداد کو 15,000 کے قریب قرار دیتے ہیں۔

26 فروری کو جاری ہونے والے ایک بیان میں کہا گیا، ’’یہ امریکی حکومت کی پالیسی ہے کہ فوجی اراکین میں اعلیٰ درجے کی تیاری، مؤثر کارکردگی، یکجہتی، ایمانداری، ہم آہنگی اور وفاداری کو یقینی بنایا جائے۔‘‘ٹرانسجینڈر فوجیوں کے خلاف یہ اقدام اس سے قبل بائیڈن انتظامیہ کی جانب سے متعارف کرائی گئی پالیسیوں کے برعکس ہے۔ بائیڈن حکومت نے ٹرانسجینڈر افراد کو فوج میں شمولیت اور طبی سہولیات کی فراہمی کی اجازت دی تھی۔ تاہم، ٹرمپ کے اس فیصلے کے تحت تمام جینڈر-افرمیشن میڈیکل کیئر ختم کر دی گئی ہے، جس میں جینڈر ٹرانزیشن (جنس کی تبدیلی) سے متعلق تمام طبی عمل روکنے کے احکامات شامل ہیں۔

نومنتخب صدر ڈونلڈ ٹرمپ کی پالیسی پر عمل درآمد کرتے ہوئے امریکا میں غیر قانونی تارکین وطن کے خلاف کریک ڈاؤن آپریشن شروع کردیا گیا۔

غیر ملکی خبر رساں ادارے کے مطابق وائٹ ہاؤس کی پریس سیکرٹری کیرولین لیویٹ نے بتایا کہ تاریخ کے سب سے بڑی کریک ڈاؤن میں 538 غیر قانونی تارکین وطن کو گرفتار کیا گیا ہے۔کیرولین لیویٹ نے مزید بتایا کہ گرفتار ہونے والوں میں ایک دہشت گرد، ٹرین ڈی آراگوا گینگ کے 4 کارندے اور نابالغوں کے خلاف جنسی جرائم کے مرتکب متعدد تارکین وطن بھی شامل ہیں۔وائٹ ہاؤس کی پریس سیکرٹری کا کہنا تھا کہ بعد ازاں ان غیر قانونی تارکین وطن کو امریکی فوج کے سیکڑوں ہوائی جہازوں میں بھر کر ملک بدر کردیا گیا۔

یاد رہے کہ ڈونلڈ ٹرمپ نے 20 جنوری کو اپنے عہدے کا حلف اُٹھاتے ہی اپنی سخت اور متنازع امیگریشن پالیسی کے نفاذ کے لیے ایگزیکیٹو حکم نامہ جاری کیا تھا۔جس کے بعد 23 جنوری کو امریکی کانگریس نے غیر قانونی طور پر امریکا میں رہنے والے تارکین وطن کی حراست اور ملک بدر کرنے کا بل منظور کیا تھا۔

سعود شکیل کوئٹہ گلیڈی ایٹرز کے کپتان مقرر

سندھ پولیس کے آئی جی پی شکایتی شعبے کو ڈیجیٹائز کرنے کا فیصلہ

تنخواہ لینے آئی دوشیزہ اجتماعی زیادتی کا نشانہ بن گئی

وزیراعلی سندھ کا جامعات کی قانون سازی واپس نہ لینے کا اعلان

پاکستان کا دوسرے ٹیسٹ میچ کیلئے پلیئنگ الیون کا اعلان