یونیورسٹی آف مالاکنڈ کے نوجوان طالب علم موسی خان کی المناک موت کا واقعہ ،گورنر خیبرپختونخوا فیصل کریم کنڈی نے افسوسناک واقعہ کا نوٹس لے لیا
گورنر خیبرپختونخوا نے یونیورسٹی آف مالاکنڈ سے واقعہ کی جامع رپورٹ طلب کر لی ،گورنر خیبر پختونخوا فیصل کریم کنڈی نے یونیورسٹی سے طالب علم کی موت کی وجوہات سے متعلق رپورٹ 3 جون تک طلب کر لی ہے
ویڈیو سوشل میڈیا پر وائرل ہے،انعام افضل آفریدی نے ویڈیو پوسٹ کرتے ہوئے کہا کہ میرے موسیٰ کا انتقال ہو گیا۔ ان کے دوست اور رشتہ دار یہ کہہ کر رو رہے ہیں کہ دارالحکومت پشاور کے آئی سی یو میں ایمرجنسی میں ایک بیڈ تک نہیں تھا، جس پر اس کا علاج ہوتا اور وہ بچ جاتا۔اس نے درد سے پکارا اور کہا کہ اے قوم خدا تمہیں اور بھی تباہ کرے۔ دردناک💔پختونخوا میں سونامی…
ایک صارف کا کہنا ہے کہ بہت دردناک وڈیو ہے، ایک نوجوان میت کے ساتھ ایمبولنس میں بیٹھ کر کہتا ہے کہ موسی مرگیا کیونکہ انہیں پشاور جیسے بڑے شہر کے ہسپتالوں میں آئی سی یو میں بیڈ نہیں ملا جسکی وجہ سے وہ زندگی کی بازی ہار گیا،
ایک اور صارف کا کہنا ہے کہ یونیورسٹی اف مالاکنڈ میں جرنلزم کے چھٹے سمسٹر کے طالبعلم موسی کو یونیورسٹی کے ہاسٹل سے نکالنا اس ٹینشن میں رات کو ایکسیڈینٹ کرنا انھیں پھر ہسپتال میں آئی سی یو بیڈ نہ ملنا اسکے وجہ طالبعلم کی جان گئی صحت کا انصاف اور مالاکنڈ انتظامیہ اسکے خون کے زمےدار ہے
ایک صارف کا کہنا ہے کہ صحت کا انصاف، موسی کی جان چلی گئی ،حیات آباد میڈیکل کمپلیکس کے آئی سی یو میں بیڈ نہ مل سکا،موت برحق ہے مگر 10 سال میں کیا یہ تھی وہ صحت نظام میں تبدیلی جس کا ڈھنڈورا پیٹا جا رہا ہے
واضح رہے کہ چکدرہ میں یونیورسٹی آف مالاکنڈ کی انتظامیہ نے یونیورسٹی کیمپس میں رباب لانے پر 3 طلبا کو شو کاز نوٹس جاری کیا تھا، یونیورسٹی انتظامیہ نے طلبا کو ہاسٹل میں جانے کی بھی اجازت نہیں دی جس کے بعد دوست کے ہاں رات گزارنے کے لیے جاتے ہوئے ٹریفک حادثے میں ایک طالب علم موسیٰ جاں بحق جبکہ 2 زخمی ہو گئے تھے،ٹریفک حادثہ چکدرہ چوک پر پیش آیا جہاں مالاکنڈ یونیورسٹی کے 3 طلبا موٹر سائیکل پر جا رہے تھے کہ گاڑی کے ساتھ ٹکرا گئے جس کے نتیجے میں تینوں زخمی ہو گئے ان میں سے موسیٰ نامی طالب علم کو شدید زخمی حالت میں پشاور اسپتال منتقل کیا گیا جہاں وہ زخموں کی تاب نہ لاتے ہوئے چل بسا.
مالاکنڈ یونیورسٹی ے 29 مئی کو یونیورسٹی کے 3 طلبا کو شوکاز نوٹس جاری کیا تھا جس میں کہا گیا تھا کہ ” 25 مئی کو موسیٰ خان، اشرف علی اور وقاص خان رباب لے کر یونیورسٹی میں داخل ہوئے اور یہاں رباب بجا کر طلبا کو جمع کرنے کی کوشش کی، چیف پراکٹر نے انہیں روکنے کی کوشش کی اور معاملہ ختم ہونے تک رباب کو سیکیورٹی آفس میں رکھنے کی ہدایت کی، جس پر طلبا نے مبینہ طور پر انتظامیہ اور سیکیورٹی عملے کے ساتھ بدتمیزی کی اور انہیں سنگین نتائج کی دھمکیاں دیں”.شوکاز نوٹس میں تینوں طلبا کو یونیورسٹی کے قواعد و ضوابط کی خلاف کا مرتکب قرار دیا گیا اور 3 دن کے اندر وضاحت جمع کروانے کی ہدایت کی گئی.اسی روز ہی ایک اور حکمنامہ یونیورسٹی سے جاری ہوا جس میں مذکورہ تین طلبا کے ہاسٹل میں داخلے پر پابندی لگا دی گئی،
پی آئی اے پر یورپ اور برطانیہ میں پروازوں پر پابندی رواں ماہ ختم ہونے کا امکان
پی آئی اے کا ایک اور کارنامہ،میت اسلام آباد چھوڑ کر لواحقین کوسکردو پہنچا دیا
پی آئی اے کی نجکاری کے حوالہ سے اہم پیشرف
پی آئی اے کسے اور کیوں بیچا جارہا،نجکاری پر بریفنگ دی جائے، خورشید شاہ
پی آئی اے کا جون سے یورپ اور برطانیہ کا آپریشن شروع کرنے کا امکان
(پی آئی اے) کی نجکاری کا دوسرا اور انتہائی اہم مرحلہ کامیابی سے مکمل
پی آئی اے کی نجکاری سب سے پہلے ہو گی،وفاقی وزیر خزانہ
پی آئی اے نے پچھلے پانچ سالوں میں پانچ سو ارب کا نقصان کیا، علیم خان
عمان میں ہنگامی لینڈنگ کرنیوالے پی آئی اے طیارے کی فنی خرابی دور نہ ہوسکی،مسافر منتظر
وزیراعظم نے پی آئی اے کی نجکاری پر عمل درآمد کیلئے حتمی شیڈول طلب کر لیا
کراچی میں پی آئی اے طیارے کا حادثہ یا دہشت گردی؟ اہم انکشافات
