Baaghi TV

Tag: عارف علوی

  • کھانا ضائع نہ کریں بلکہ اسکومستحق افرادمیں تقسیم کرنےکےطریقےاپنائیں:عارف علوی

    اسلام آباد:کھانا ، رزق اللہ کا انعام ہے اس کی بے قدریں نہ کریں ،ان خیالات کا اظہارکرتےہوئے صدرمملکت ڈاکٹرعارف علوی نے کہا ہے کہ کھانا ضائع نہ کریں بلکہ اسکو مستحق افراد میں تقسیم کرنے کے طریقے اپنائیں۔

     

    چیئرمین سینیٹ صادق سنجرانی کے گھرتعزیت کے لیے آنے والوں کا سلسلہ جاری:عارف علوی…

    صدر مملکت ڈاکٹر عارف علوی نے غذائی تحفظ کے عالمی دن 7 جون کے حوالے سے پیغام دیتے ہوئے کہا ہے کہ بہتر صحت کے لیے مضر صحت غذا سے پیدا ہونے والے مضر اثرات کی روک تھام پر توجہ مبذول کی جائے۔انہوں نے کہا کہ یہ دن مضر صحت غذا سے پیدا ہونے والے خطرات کی روک تھام، انکی تشخیص اور محفوظ خوراک تک رسائی کی طرف توجہ دلاتا ہے، ہمیشہ صاف ستھری جگہوں سے کھانا کھائیں اور صفائی کے اچھے معیار کو برقرار رکھیں۔

    عارف علوی نے کہا ہے کہ کھانا ضائع نہ کریں بلکہ اسکو مستحق افراد میں تقسیم کرنے کے طریقے اپنائیں، غذائی تحفظ اقوام متحدہ کے اہداف میں شامل ہے جسکا مقصد بھوک کو ختم کرنا، غذائیت کو بہتر بنانا، زراعت کو فروغ دینا اور غذائی تحفظ کے حصول کے لیے اقدامات کو بروئے کار لانا ہے۔

    صدر مملکت ڈاکٹرعارف علوی کا نوید اقبال کے بھائی سے رابطہ، اہلخانہ سے اظہار ہمدردی

    صدر مملکت نے کہا کہ حکومت کو غذائی تحفظ کے معیار کو اپنانے کے لیے کثیر الجہتی تعاون کو فروغ دینا چاہیےاورعوام کو صاف ستھری غذا کی ترغیب دینے کے پروگرام شروع کرنے چاہئیں۔انہوں نے کہا کہ خوراک بنانے والی کمپنیوں کو خوراک کے تحفظ کے معیار کو برقرار رکھنا چاہیے اور صاف اور محفوظ خوراک کے استعمال کو یقینی بنانا چاہیے، تعلیمی اداروں اور دوسرے اداروں کو محفوظ خوراک کے استعمال کی تعلیم دینی چاہیے۔

    ے ڈی سی کے وفد کی صدر مملکت عارف علوی سے ملاقات:کام اورخدمات کی تعریف

    عارف علوی نے کہا ہے کہ محفوظ خوراک کا استعمال ہمارے اپنے ہاتھ میں ہے اگر ہم سب مل کر کام کریں تو اپنی صحت کے لیے محفوظ خوراک کے استعمال کو یقینی بنا سکتے ہیں۔

  • موسمیاتی تبدیلیوں سے حکومت اورعوام کو شدید چیلنجز درپیش ہیں،عارف علوی

    موسمیاتی تبدیلیوں سے حکومت اورعوام کو شدید چیلنجز درپیش ہیں،عارف علوی

    صدر مملکت ڈاکٹر عارف علوی نے کہا ہے کہ موسمیاتی تبدیلی کے منفی اثرات سے بچنے کیلئے پائیدار طرز زندگی اپنانے، قدرتی آبی وسائل کی حفاظت کی ضرورت ہے، زمین کو بچانے کیلئے زرخیز مٹی کی حفاظت یقینی بنانے، عالمی سطح پر تبدیلی لانے کیلئے شرکت داری کو فروغ دینا ہوگا۔

    ایوان صدر کے پریس ونگ سے عالمی یوم ماحولیات کے حوالے سے بیان میں صدر مملکت نے کہا کہ پاکستان موسمیاتی تبدیلیوں کے لحاظ سے سب سے زیادہ متاثر ہونے والے ممالک میں شامل ہے، موسمیاتی تبدیلیوں سے حکومت اور پاکستانی عوام کو شدید چیلنجز درپیش ہیں،پاکستان تیزی سے پگھلتے گلیشیئرز، غیر متوقع بارشوں اور خشک سالی سے متاثر ہوا ہے، نوجوانوں کو ماحولیاتی تبدیلی کے چیلنج سے نمٹنے بارے تعلیم دینے کی ضرورت ہے۔ انہوں نے کہا کہ بہتر مستقبل کے لیے ماحول دوست طرز زندگی اپنانا ہوگا،

    مجھے فخر ہے کہ ایوان صدر آئی ایس او سے تصدیق شدہ دنیا کے ماحول دوست صدارتی دفاتر میں پہلی پوزیشن پر ہے۔ صدر عارف علوی نے کہا کہ ایوانِ صدر ایک میگاواٹ کے سولر پاور منصوبے سے نہ صرف اپنی بجلی کی ضروریات پورا کرتا ہے بلکہ قومی گرڈ میں بھی بجلی دیتا ہے۔ انہون نے کہا کہ تمام اداروں کو دعوت دیتا ہوں کہ وہ گرین پریذیڈنسی منصوبے سے سیکھیں،

    توانائی کی بچت کریں تاکہ موثر انداز میں عوام کی خدمت کی جا سکے، انہوں نے افسوس کا اظہار کیا کہ پاکستان کے جنگلات، حیاتیاتی تنوع اور جنگلی حیات کے وسائل کو موسمیاتی تبدیلیوں، زمین کے استعمال میں تبدیلی اور آبادی میں اضافے کے باعث منفی اثرات کا سامنا ہے۔ صدر مملکت نے کہا کہ موسمیاتی تبدیلی کے چیلنج سے نمٹنے کے لیے طویل المدتی منصوبہ بندی اور پروگراموں کے تحت متعدد اقدامات کے ذریعے مسلسل کوششیں کرنے کی ضرورت ہے۔ انہوں نے کہا کہ موجودہ جنگلی وسائل ماحولیاتی استحکام کے لیے اہم ہیں، جنگلات، جنگلی حیات اور حیاتیاتی تنوع کے شعبوں کو بہتر بنانے کے لیے سنجیدہ اقدامات کی ضرورت ہے۔ صدر ڈاکٹر عارف علوی نے کہا کہ اقوام متحدہ کا عالمی یوم ماحولیات ماحول سے متعلق مسائل پر توجہ مرکوز کرنے اور مثبت اقدامات کرنے کے لیے وقف ہے،

    اس سال کے دن کا مقصد دنیا بھر کے لوگوں کو فطرت سے اپنے تعلق کے بارے میں سوچنے کی ترغیب دینا ہے۔ صدر مملکت نے کہا کہ پائیدار ترقی کے17 اہداف میں سے کئی ایک کو پورا کرنے میں صحت مند ماحول کا کلیدی کردار ہے۔ انہوں نے کہا کہ 2030 کے پائیدار ترقی کے اہداف حاصل کرنے میں 8 سال باقی ہیں، دنیا کو معاشروں اور معیشتوں کو آلودگی، موسمیاتی تبدیلی اور حیاتیاتی تنوع کی تباہی سے بچانے کیلئے تیز رفتاری سے کوششیں کرنے کی ضرورت ہے.

    چئیرمین سینیٹ محمد صادق سنجرانی نے کہاہے کہ گلوبل وارمنگ اور موسمیاتی تبدیلی جیسے چیلنجز سے نمٹنے کیلئے ہمیں اپنے رویوں اور طرز زندگی میں تبدیلی لانی ہوگی، اپنے آنے والی نسلوں کی حفاظت کیلئے زیادہ سے زیادہ درخت آگانا ناگزیر ہے۔ انہوں نے یہ بات ماحولیات کے عالمی دن کے موقع پراپنے خصوصی پیغام میں کہی ہے۔

    چئیرمین سینیٹ نے کہاکہ عالمی یوم ماحولیات منانے کا مقصد ماحولیات کے حوالے سے بیداری پیدا کرنا اور تحفظ فراہم کرنا ہے ، بدقسمتی سے پاکستان موسمیاتی تبدیلیوں کے لحاظ سے سب سے زیادہ متاثر ہونے والے ممالک میں شامل ہے، موسمیاتی تبدیلی کے حوالے سے حکومت اور پاکستانی عوام کو شدید چیلنجز درپیش ہیں.

  • صدرِ پاکستان عارف علوی کی جانب سے کرپٹ نیب افسر کو نوکری سے نکالنے کی سزا برقرار

    صدرِ پاکستان عارف علوی کی جانب سے کرپٹ نیب افسر کو نوکری سے نکالنے کی سزا برقرار

    اسلام آباد:صدرِ پاکستان کی جانب سے کرپٹ نیب افسر کو نوکری سے نکالنے کی سزا برقرار،اطلاعات کے مطابق صدرِ پاکستان ڈاکٹر عارف علوی کی جانب سے کرپٹ نیب افسر کو نوکری سے نکالنے کی سزا برقرار کردی گئی۔تفصیلات کے مطابق نیب افسر فہیم اللہ نے خفیہ سرکاری معلومات غیر قانونی طورپرایک مطلوب ملزم کو فراہم کی تھی، معلومات کی بنیاد پر نیب کیس میں ایک مطلوب شخص گرفتاری سے بچ کر فرار ہوگیا تھا۔

    صدر عارف علوی کا کہنا تھا کہ کرپٹ افراد کو صرف نوکری سے نکالنے کی سزا کافی نہیں، نیب کرپٹ حکام اور کیس میں شامل دیگر افراد کے خلاف کارروائی کرے، نیب عدالت کی مدد سے کیس میں ملوث تمام افراد کو سزا دلوائے۔انہوں نےکہا کہ کرپٹ حکام نے ملک کو دھوکہ دیا، انسداد بدعنوانی کےادارے ہی میں کرپشن کر ڈالی۔

    واضح رہے کہ نیب نے سابقہ اسسٹنٹ ڈائریکٹر نیب سکھر فہیم اللہ کو سروس سے نکالنے کی سزا دی تھی، فہیم اللہ نے وارنٹ گرفتاری کے بارے میں معلومات سابق ڈپٹی اسسٹنٹ ڈائریکٹر محکمہ خوارک لاڑکانہ کو فراہم کی۔

    سابق ڈپٹی اسسٹنٹ ڈائریکٹر محکمہ خوارک لاڑکانہ رفیق احمد راجپر نیب کو خوارک کیس میں مطلوب تھے، فہیم اللہ نے بروقت معلومات اپنے دوست یعقوب راجپر سابق ڈپٹی اسسٹنٹ ڈائریکٹر نیب کو دی۔

    یعقوب راجپر نے معلومات رفیق راجپر کو دی جو موقع سے فرار ہو گیا اور گرفتاری سے بچ گیا، انکوائری کے بعد فہیم اللہ کے خلاف الزامات ثابت ہونے پر نیب نے نوکری سے نکالنے کی سزا دی۔

    کرپٹ افسر نے سزا کے خلاف صدر مملکت کے پاس اپیل دائر کر رکھی تھی، صدر مملکت نے فہیم اللہ کی درخواست مسترد کردی اور سزا کو برقرار رکھا، صدر مملکت کا کہنا تھا کہ درخواست دہندہ سابقہ فیصلہ مسترد کرنے کے حق میں کوئی وجہ پیش نہیں کر سکا۔

    ان کا کہنا تھا کہ خفیہ معلومات فہیم اللہ سے ہوتی ہوئی رفیق راجپر تک پہنچی جس کی وجہ سے ملزم فرار ہوا، فہیم اللہ، یعقوب راجپر اور رفیق راجپر کے درمیان روابط بھی ثابت ہوگئے۔

    صدرِ پاکستان ڈاکٹر عارف علوی نے مزید کہا کہ فہیم اللہ اور یعقوب راجپر کے ٹیلی فون کے فارنزک تجزیے سے صریح کرپشن کے ثبوت ملے، اپیل مسترد کی جاتی ہے نیب کرپشن کیس میں سامنے آنے والی تمام تفصیلات کی تحقیقات کرے۔

  • ڈاکٹر عارف علوی کی پوری قوم کو عیدالفطر کی مبارکباد دی

    ڈاکٹر عارف علوی کی پوری قوم کو عیدالفطر کی مبارکباد دی

    صدر مملکت ڈاکٹر عارف علوی نے پوری قوم کو عیدالفطر کی مبارکباد دی-

    باغی ٹی وی : عید الفطر کے موقع پر قوم کے نام اپنے پیغام میں صدر پاکستان کا کہنا ہے کہ میں عید کے پرمسرت موقع پر سب کو مبارکباد پیش کرنا چاہتا ہوں۔رمضان میں ہم استغفار کرتے ہیں غریبوں کا خیال رکھتے ہیں اورپاکیزگی کی غرض سے روزہ رکھتے ہیں اور بھوک کو سمجھتے ہیں لیکن عید میرے دوستوں، جشن کا نام ہے میں پاکستان کی خوشحالی اور عظمت کے لیے دعاگو رہتا ہوں۔

    عید الفطر کے موقع پر وزیر اعظم شہباز شریف اور مولانا فضل الرحمان کا عوام کے نام پیغام

    صدر پاکستان نے کہا کہ اس دن کا تقاضا ہے کہ ہم ضرورت مندوں، ناداروں، غریبوں اور محتاجوں کی بھرپور مدد کرتے ہوئے انہیں بھی عید کی خوشیوں میں شامل ہونے کا موقع فراہم کریں اللہ تعالی سے دعا گو ہوں کہ وہ اس مبارک دن کو تمام پاکستانیوں اور عالم اسلام کے لیے خوشیوں اور آسانیوں کا سبب بنائے۔

    ملک بھر میں عید الفطر مذہبی جوش وجذبے کے ساتھ آج منائی جائے گی


    انہوں نے کہا کہ اللہ تعالی کا بے پایاں کرم ہے کہ اس نے ہمیں بھرپور طریقے سے رمضان المبارک میں اجتماعی عبادت کرنے کا موقع ، توفیق عطا فرمائی اور آج عید الفطر کے پرمسرت لمحات میں ہم اس توفیق پر اللہ تعالی کا شکر بجالا رہے ہیں اور خوشی ومسرت کا اظہار کررہے ہیں۔

    عارف علوی نے کہا کہ آیئے آج اس پرمسرت موقع پر ہم عہد کریں اور اللہ تعالی کے حضور دعا کریں کہ عبادت کا جو شوق، ضبطِ نفس کی جو خوبی اور ایثار وقربانی کا جو عملی مظاہرہ ہم نے رمضان المبارک میں کیا وہ ہماری شخصیت اور کردار کا حصہ بن جائے اور ہمیں نہ صرف اپنی ذات بلکہ ملک وقوم کی فلاح وترقی کا سبب بنائے اور ملکی سالمیت و استحکام کے لیے اپنا کردار ادا کرنے کی توفیق عطا فرمائے۔ آمین

    منڈی بہاوالدین: نماز عید الفطر ادا کرنے پر امام مسجد سمیت 14 افراد کے خلاف مقدمہ…

  • صدر ڈاکٹر عارف علوی کا چین کے سفارت خانے کا دورہ

    صدر ڈاکٹر عارف علوی کا چین کے سفارت خانے کا دورہ

    اسلام آباد:صدر ڈاکٹر عارف علوی کا چین کے سفارت خانے کا دورہ ،اطلاعات کے مطابق چین کے عوام اور حکومت سے اظہار یکجہتی کے لیے صدر مملکت ڈاکٹر عارف علوی نے چین کے سفارت خانے کا دورہ کا دورہ کیا۔

    صدر مملکت نے 26 اپریل 2022ء کو کراچی میں ہونے والے دہشت گرد حملے میں چینی شہریوں کی قیمتی جانوں کے ضیاع پر دلی تعزیت کا اظہار کیا۔

    چین کی ناظم الامور نے سفارت خانے کا دورہ کرنے اور چین کے عوام اور حکومت کے ساتھ اظہار یکجہتی پر صدر مملکت کا شکریہ ادا کیا بعد ازاں صدر مملکت نے سفارت خانے کی وزیٹر بک میں تاثرات بھی تحریر کیے۔

    اس موقع پر عارف علوی نے کہا کہ قوم اس افسوس ناک واقعے پر گہرے دکھ اور صدمے میں ہے، ہم چینی بھائیوں اور بہنوں کے غم میں برابر کی شریک ہے، پاکستان چینی شہریوں کے تحفظ کو ہر صورت یقینی بنائے گا اس گھناؤنے جرم میں ملوث عناصر کو انصاف کے کٹہرے میں لایا جائے گا۔

    انہوں نے کہا کہ اس واقعے کے پیچھے کچھ ایسے ممالک ہیں جو پاک چین دوستی اور سی پیک منصوبے کو نقصان پہنچانا چاہتے ہیں وہ ممالک اپنے عزائم میں کامیاب نہیں ہوں گے۔

    انہوں نے چینی ناظم الامور کو یہ جذبات چینی عوام، کمیونسٹ پارٹی اور صدر شی جن پنگ کے تک چانے کا بھی کہا۔

  • پی ڈی ایم قیادت کاصدر مملکت کے خلاف مواخذہ کی تحریک پیش کرنے کا فیصلہ

    پی ڈی ایم قیادت کاصدر مملکت کے خلاف مواخذہ کی تحریک پیش کرنے کا فیصلہ

    پاکستان ڈیموکریٹک موومنٹ (پی ڈی ایم) کی قیادت نے وزیر اعظم کے خلاف تحریک عدم اعتماد کی کامیابی کے فورا” بعد صدر مملکت ڈاکٹر عارف علوی کے خلاف مواخذہ کی تحریک پیش کرنے کا فیصلہ کیا ہے-

    باغی ٹی وی: باخبر ذرائع کے مطابق یہ فیصلہ وزیر اعظم پاکستان عمران خان کے خلاف تحریک عدم اعتماد کی کامیابی کے بعد سامنے آیا ہے، جو وفاقی دارالحکومت کے سیاسی ماحول کو دیکھتے ہوئے یقینی نظر آرہا ہے۔

    الیکشن کمیشن نے وزیراعظم عمران خان کو دوبارہ طلب کرلیا

    اطلاعات کے مطابق مواخذے کی تحریک دائر کی جائے گی کیونکہ ڈاکٹر علوی کے خلاف مواخذے کے لیے کافی مواد موجود ہے اس سلسلہ میں تیاری کے لئے پی ڈی ایم کی لیگل کمیٹی کو ہدایات جاری کر دی گئی ہیں۔

    تحریک انصاف کی ناراض اراکین کو منانے کے لیے کوششیں تیز

    برٹانیکا کے مطابق، عام قانون میں مواخذہ ایک قانون ساز ادارے کی طرف سے ایک عوامی اہلکار کی طرف سے سنگین بدانتظامی کو دور کرنے کے لیے قائم کی جانے والی کارروائی ہے۔ پاکستان کے سیاسی پس منظر کو دیکھتے ہوئے، اس کا مطلب یہ ہے کہ عام طور پر پاکستان کے آئین کی خلاف ورزی کی آڑ میں صدر کو ان کی مدت ختم ہونے سے پہلے ہٹایا جا سکتا ہے۔

    ارکان قومی اسمبلی پر حملےعمران نیازی کی ملک کو خانہ جنگی میں دھکیلنے کی سازش ہے،شہباز شریف

    باخبر ذرائع کے مطابق پی ڈی ایم کی قانونی کمیٹی کو مواخذے کی تحریک کی تیاری شروع کرنے کی ہدایات جاری کر دی گئی ہیں۔ یہ فیصلہ پی ڈی ایم کی قیادت نے دو دن پہلے لیا تھا۔

    مواخذہ کیسے ہوتا ہے؟
    مواخذہ ایک قانونی طریقہ کار ہے جس کا مقصد سینئر عہدیداروں کو سنگین غلط کاموں کے لئے جوابدہ ٹھہرانا ہے اس کا آغاز صدر ، وزراء ، گورنرز ، ججوں اور حکومت کے ایگزیکٹو برانچ کے دیگر سرکاری ملازمین کے خلاف کیا جاسکتا ہے حتمی فیصلہ ایوان بالا یا ریاست کی اعلی ترین عدالت کرتی ہے جہاں بحث اور رائے دہی ہوتی ہے کہ آیا صدر کے خلاف مواخذے کی منظوری یا "مواخذے کے متن’ کی منظوری دی جائے؟سادہ اکثریت کی رائے دہی پر مواخذے کی منظوری ہوتی ہے ایسی صورت میں جب کوئی اہلکار قصوروار ثابت ہوتا ہے تو ، اسے اپنے عہدے سے ہٹا دیا جاتا ہے۔

    ‏کوئی ازخود نوٹس نہیں لیا،ترجمان سپریم کورٹ کی تردید

  • اگرعدم اعتماد کامیاب ہوگئی تو؟ صدرعارف علوی کوبھی نہیں رہنےدیں گے:اپوزیشن کاحکومت کےاعصاب پرحملہ

    اگرعدم اعتماد کامیاب ہوگئی تو؟ صدرعارف علوی کوبھی نہیں رہنےدیں گے:اپوزیشن کاحکومت کےاعصاب پرحملہ

    اسلام آباد :اگرعدم اعتماد کامیاب ہوگئی توصدرعارف علوی کو بھی نہیں رہنے دیں گے:اپوزیشن کا حکومت کے اعصاب پرحملہ ،اطلاعات کے مطابق اس وقت متحدہ اپوزیشن نے حکومت کے اعصاب کو کمزور کرنے کے لیے ایک نیا محاذ کھولنے کا اعلان کرکے مشکل میں ڈالنے کا منصوبہ بنایا ہے ،

    اس حوالے سے معلوم ہوا ہے کہ اپوزیشن نے حکومت کے خلاف عدم اعتماد کی فضا کو موثر کرنے کےلیے ایک اور اعصاب شکن چال چلنے کا فیصلہ کیا ہےجس کے مطابق وزیراعظم عمران خان کے خلاف تحریک عدم اعتماد کے بعد صدر عارف علوی کے خلاف مواخذے کی تحریک لانےکا فیصلہ کیا ہے۔

    ذرائع کا بتانا ہے کہ تحریک عدم اعتماد کی کامیابی کے فوری بعد صدر مملکت کے خلاف مواخذے کی تحریک پیش کی جائے گی۔ذرائع کا بتانا ہے کہ نئے صدر کے امیدوار کے لیے آصف زرداری اور مولانا فضل الرحمان پر مشتمل 2 رکنی کمیٹی قائم کر دی گئی ہے۔

    ذرائع کے مطابق اپوزیشن میں طے ہو گیا ہے کہ صدر پیپلز پارٹی یا جے یو آئی ف میں سے ہو گا، نیا صدر عارف علوی کی باقی مدت پوری کرے گا۔

    اس حوالے سے جب اپوزیشن کے اس فیصلے کے متعلق معلوم کرنے کی کوشش کی گئی تو معلوم ہوا کہ یہ بیانات حکومت کے خلاف اس کھیل کا حصہ ہیں جس کا مقصد ارکان اسمبلی کویہ تاثر دینے کی کوشش ہے کہ حکومت جارہی ہے،

    یہ بھی معلوم ہوا ہے کہ یہ فیصلہ مریم نواز کے مشورے کے ساتھ کیا گیا جسے آصف علی ز رداری نے پسند کیا اور پھریہ پتہ کھیلنے کا بھی فیصلہ کیا ، جبکہ دوسری طرف حکومتی ردعمل کچھ اور ہی کیفیت بتا رہا ہے ، اس حوالے سے لاہور میں آج بہت سےمعاملات حل ہوگئے ہیں اور عمران‌خان اپوزیشن کی چالوں کوشکست دینے کے لیے بڑے پُرعزم نظرآتے ہیں

    ادھر اہم ذرائع نے یہ بھی دعویٰ کیا ہے کہ جس طرح اپوزیشن کی طرف سے حقائق میڈیا پربڑی منصوبہ بندی سے پیش کیے جارہےہیں ،ان کا حقیقت سے دور کا بھی تعلق نہیں ، شاید یہی وجہ ہےکہ عمران خان ے چند دن پہلے اسی بارے میں کہا تھا کہ یہ جنگ مائنڈ کی ہے جو اس پراپیگنڈے کا حل نکال لے گا وہ کامیاب ہوگا

  • لمحوں نے خطا کی تھی ….:میڈیا عمران خان کی دشمنی میں اصل مشن سے ہٹ گیا:عارف علوی

    لمحوں نے خطا کی تھی ….:میڈیا عمران خان کی دشمنی میں اصل مشن سے ہٹ گیا:عارف علوی

    کراچی :لمحوں نے خطا کی تھی ….:میڈیا عمران خان کی دشمنی اوراغیارکی محبت میں اصل مشن سے ہٹ گیا:نسلیں بھُگیں گی:اطلاعات کے مطابق صدر مملکت ڈاکٹر عارف علوی کا کہنا ہے کہ ٹی وی پر ہر وقت ماتم چلتا رہتا ہے کہ یہ ہو گیا وہ ہو گیا، نوجوان اسے بھول جائیں۔

    ڈاکٹرعارف علوی نےکہا کہ یہ روایت اچھی نہیں کہ عمران خان کی دشمنی میں میڈیا اپنی نسل نو کی تربیت ہی بھول جائے ،جہاں اس قسم کی سوچ سے دوسروں‌ کو نقصان پہنچے گا وہاں یہ گڑھا کھودنے والوں کو بھی اپنے اندر گرا دے گا ،ان کا یہ بھی کہنا تھا کہ ہم نے اپنے بچوں کی تربیت کرنا ہے اور عارضی اور غیر ضروری معاملات پر بحث کی بجائے ان کی مستقبل اور پاکستانیت پر کھڑا رکھنا چاہیے

    کراچی کے نیشنل اسٹیڈیم میں آئی ٹی کورس کے لیے انٹری ٹیسٹ کی تقریب سے خطاب کرتے ہوئے صدر عارف علوی کا کہنا تھا کہ پاکستان کا نوجوان علم کے حصول کے لیے کوشاں ہے، یہ بدلتاہوا پاکستان ہے۔

    عارف علوی کا کہنا تھا کہ آئی ٹی کورس میں آرٹیفیشل انٹیلیجنس کے مختلف پروگرام کرائے جائیں گے، ان سب پروگراموں کے لیے قوانین بنائے جاچکے ہیں۔

    ان کا کہنا تھا پہلے کہتے تھے کہ پاکستان میں نوکری نہیں مل رہی، حکومت نے غیرملکی سرمایہ کاروں کے لیے راستے کھولے ہیں، چین پاکستانی آئی ٹی انڈسٹری میں سرمایہ کاری کرنا چاہتا ہے۔صدر پاکستان کا کہنا تھا کہ ٹی وی پر پر وقت ماتم چلتا رہتا ہے، اسے بھول جائیں، یہ ہو گیا وہ ہو گیا، نوجوان صرف اپنی تربیت پر زور دیں۔

  • سعودی وزیر داخلہ کی وزیراعظم عمران خان سے ملاقات

    سعودی وزیر داخلہ کی وزیراعظم عمران خان سے ملاقات

    وزیراعظم عمران خان سے پیر کو سعودی عرب کے وزیر داخلہ شہزادہ عبدالعزیز بن سعود بن نایف بن عبدالعزیز السعود نے ملاقات کی-

    باغی ٹی وی : تفصیلات کے مطابق وزیر اعظم ہاؤس کی جانب سے جاری ہونے والے ایک اعلامیے کے مطابق وزیراعظم عمران خان نے پیر کو سعودی عرب کے وزیر داخلہ شہزادہ عبدالعزیز بن سعود بن نایف سے ملاقات کی جس میں وزیراعظم نے حوثیوں کی طرف سے سعودی عرب کی جانب حملوں کی مذمت کرتے ہوئے مملکت کی سلامتی، خودمختاری اور علاقائی سالمیت کے لیے پاکستان کی مکمل حمایت کا اعادہ کیا۔

    سعودی وزیر داخلہ کی آرمی چیف سے ملاقات

    دوران ملاقات وزیراعظم نے مشکل وقت میں پاکستان کی مستقل حمایت پر اور پاکستان کو دی جانے والی حالیہ مالیاتی بجٹ امداد پر سعودی قیادت کا شکریہ ادا کیا وزیراعظم نے اسلامی اتحاد کو فروغ دینے میں خادم حرمین شریفین شاہ سلمان بن عبدالعزیز آل سعود کے قائدانہ کردار کی تعریف کی اور خطے اور اس سے باہر امن و سلامتی کے لیے سعودی عرب کی کوششوں کا اعتراف کیا۔

    وزیراعظم نے سعودی ولی عہد شہزادہ محمد بن سلمان کے مملکت کی ترقی اور خوشحالی کے وژن اور پاکستان اور سعودی عرب کے درمیان پائیدار برادرانہ تعلقات میں ان کےتعاون کو بھی سراہا جبکہ سعودی عرب میں پاکستانیوں کی ایک بڑی تعداد کی میزبانی پر وزیراعظم نے سعودی قیادت کا شکریہ ادا کیا اور لوگوں کے درمیان روابط کے فروغ پر زور دیا۔

    دونوں ممالک کے درمیان مجرموں کی منتقلی کے معاہدے پر وزیراعظم نے امید ظاہر کی کہ اس فریم ورک کے ذریعے سعودی عرب میں پاکستانی قیدیوں کی ایک بڑی تعداد کو پاکستان واپس بھیجا جائے گا۔

    وزیراعظم رواں ماہ صدرپیوٹن کی دعوت پر روس کا دورہ کریں گے، وزیرخارجہ

    شہزادہ عبدالعزیز نے وزیر اعظم کو سعودی ولی عہد کی جانب سے مبارکباد پیش کی اور پاکستان اور سعودی عرب کے درمیان قریبی برادرانہ تعلقات کا اعادہ کیا شہزادہ عبدالعزیز نے مملکت کی ترقی میں پاکستانیوں کے مثبت کردار کا بھی اعتراف کیا اور اپنی وزارت سے متعلق تمام معاملات پر پاکستان کے ساتھ مل کر کام کرنے کے عزم کا اعادہ کیا۔

    دوسری جانب صدر پاکستان عارف علوی نے بھی سعودی وزیر داخلہ شہزادہ عبدالعزیز بن سعود سے ایوان صدر اسلام آباد میں ملاقات کی سعودی وزیر داخلہ نے شاہ سلمان اور ولی عہد شہزادہ محمد بن سلمان کی طرف سے صدر کے لیے خیر سگالی اور پاکستان، اس کے عوام اور حکومت کے لیے مزید ترقی و خوشحالی کی خواہشات پر مشتمل پیغامات پہنچائے ہیں اس موقع پر دونوں ملکوں کے برادرانہ تعلقات اور دوطرفہ تعاون کی جہتوں کا جائزہ لیا گیا۔

    قبل ازیں وزیر داخلہ شیخ رشید نے اپنے سعودی ہم منصب شہزادہ عبدالعزیز بن سعود بن نایف سے ملاقات کے دوران کہا کہ پاکستان، سعودی عرب میں ہم وطن پاکستانی ورکرز کے ’بہترین‘ خیال رکھنے پر مملکت کا دلی شکر گذار ہے سعودی وزیر داخلہ شہزادہ عبدالعزیز بن سعود بن نایف کا کہنا تھا کہ ’سعودی عرب میں پاکستانی ورکرز ہمارا قیمتی اثاثہ ہیں جن کا سعودی حکومت اچھے سے خیال رکھ رہی ہے۔‘

    ملاقات کے بعد جاری اعلامیے کے مطابق دونوں ممالک کے وزرائے داخلہ نے پاکستان اور سعودی عرب کی وزارت داخلہ کے درمیان مضبوط تعلقات پر زور دیا ہے۔ اعلامیے کے مطابق پاکستانی وزیر داخلہ کا کہنا تھا کہ ’پاکستان سعودی عرب کے ساتھ اپنے تعلقات کو قدر کی نگاہ سے دیکھتا ہے۔‘

    نوازشریف نے وزیراعظم کیخلاف تحریک عدم اعتماد لانے کیلئے شہباز شریف کو ٹاسک سونپ دیا

    اعلامیے کے مطابق ملاقات میں علاقائی سکیورٹی صورتحال سمیت باہمی دلچسپی کے دیگر امور پر بات چیت ہوئی اور پاکستان اور سعودی عرب کے داخلہ امور کی وزارتوں کے درمیان روابط کو مزید مضبوط کرنے پر زور دیا گیا وزیر داخلہ شیخ رشید نے اتوار کو ایک پریس بریفنگ میں ایک سوال کے جواب میں کہا تھا کہ ان سب پاکستانیوں کو واپس لایا جائے گا، جو سعودی عرب کی جیلوں میں چھوٹے کیسز میں قید ہیں اور جن پر جرمانے ہیں۔

    ان کا کہنا تھا کہ وزیراعظم عمران خان کی ہدایت پر مختلف ممالک کے وزرائے داخلہ کو دعوت دی گئی ہے، جہاں پاکستانی قید ہیں تاکہ انہیں وطن واپس لانے کی راہ ہموار کی جا سکے حکومت برادر مسلم ممالک میں قید ان پاکستانیوں کی واپس پر کام کر رہی ہے جو چھوٹے کیسز میں جرمانے کی عدم ادائیگی کی وجہ سے قید میں ہیں۔

    آصف زرداری کی چودھری برادران سے ملاقات، ملکی سیاسی صورتحال پر گفتگو

    دوسری جانب سعودی عرب کے وزیر داخلہ شہزادہ عبدالعزیز بن سعود بن نایف نے آرمی چیف جنرل قمر جاوید باجوہ سے ملاقات کی شعبہ تعلقات عامہ کے مطابق ملاقات کے دوران علاقائی سکیورٹی، افغانستان کی موجودہ صورتحال اور دونوں ممالک کے درمیان دو طرفہ تعلقات پر تبادلہ خیال کیا گیا جنرل قمر جاوید باجوہ نے کہا کہ پاکستان سعودی عرب کے ساتھ اپنے برادرانہ اور تاریخی تعلقات کو بڑی اہمیت دیتا ہے جبکہ سعودی وزیر داخلہ نے افغانستان میں پاکستان کے کردار، بارڈر منیجمنٹ کے لیے کی جانے والی کوششوں اور خطے میں امن کے لیے کوششوں کو سراہا۔

  • بلوچستان کے ساحلی شہر گوادر میں بارڈر اینڈ ٹریڈ مینجمنٹ کے حوالے سے فالو اپ اجلاس

    بلوچستان کے ساحلی شہر گوادر میں بارڈر اینڈ ٹریڈ مینجمنٹ کے حوالے سے فالو اپ اجلاس

    گوادر: گورنر بلوچستان سید ظہور احمد آغا نے کہا ہے کہ صوبے کے ایک آئینی سربراہ کی حیثیت سے ہم نے روز آول سے صوبہ بھر کے حالات واقعات پر کڑی نظر رکھی ہیں. انہوں نے کہا کہ سی پیک منصوبوں کو اجاگر کرنے، باڈر ٹریڈز کو فعال بنانے، ہائیر ایجوکیشن کمیشن کے ثمرات سے نئی نسل کو مستفید کرانے، مرکز اور صوبوں کے تعلقات کو مزید مستحکم کرنے کی شعوری کاوشیں کی جارہی ہیں تاکہ فوری نوعیت کے عوامی مسئلے بروقت حل ہو جائے. اس ضمن میں صدر مملکت ڈاکٹر عارف علوی اور وزیراعظم پاکستان عمران خان سمیت تمام وفاقی وزراء کے ساتھ مسلسل رابطے میں ہوں.

    گورنر بلوچستان نے کہا کہ ہم صدرپاکستان ڈاکٹر عارف علوی کا خصوصی طور پر شکر گزار ہیں جنہوں نے اس سے قبل بھی بلوچستان کے دورے کے موقع پر صوبہ بھر کے سیاسی اور قبائلی عمائدین سے ہماری درخواست پر ملاقات کی اور ان کی مشکلات و شکایات کو براہ راست سنا اور آج ایک دفعہ پھر گوادر میں صدر مملکت ڈاکٹر عارف علوی کی زیرصدارت بلوچستان کے ساحلی شہر گوادر میں بارڈر اینڈ ٹریڈ مینجمنٹ کے حوالے سے فالو اپ اجلاس منعقد کیا جو ہماری کوششوں کا نتیجہ ہے.

    بلوچستان میں بارڈر اینڈ ٹریڈ مینجمنٹ کے حوالے سے فالو اپ اجلاس سے نہ صرف پاکستان کے ہمسایہ ممالک افغانستان اور ایران کے ساتھ سرحد پار تجارت کو تقویت ملے گی بلکہ اس فالو اجلاس میں کیے گئے اہم فیصلوں کے پاکستان بالخصوص بلوچستان کی پائیدار معاشی ترقی اور خوشحالی پر بھی تعمیری اثرات مرتب ہوں گے.

    گورنر بلوچستان سید ظہور احمد آغا نے کہا کہ اس کے علاوہ ہم صوبہ میں عوامی مسائل اور معاملات کو افہام و تفہیم کے ذریعے حل کرنے کیلئے بھی ضروری اقدامات اٹھا رہے ہیں. ہمارا اصل مقصد یہ ہے کہ عوام کے مسائل فوری طور پر حل ہوجائے اور عوامی شکایات کا ازالہ جلد سے جلد ممکن ہو جائے. اس سلسلے میں صوبہ میں کام کرنے والے وفاقی اداروں کی کارکردگی کو بہتر بنانے اور شکایات کے ازالہ کے حوالے سے باقاعدگی سے جائزہ اجلاس ہو رہے جن کے معنی خیز نتائج برآمد ہو رہے ہیں .

    گورنر بلوچستان نے کہا کہ تمام وفاقی اور صوبائی محکموں کے سربراہان کو اپنی اپنی ذمہ داریاں نبھا کر ہم بآسانی عوامی مشکلات اور شکایات کا خاتمہ کر سکتے ہیں اور یہی وزیر اعظم پاکستان عمران خان کی دیرینہ خواہش اور ویژن ہیں