کراچی:عامرلياقت کی سابقہ اہليہ دانيہ شاہ کےخلاف ايف آئی اے ميں درخواست جمع،اطلاعات کے مطابق عامر لیاقت حسین کی بیٹی دعا عامر اور سابق اہلیہ بشریٰ نے انکی تیسری اہلیہ دانیہ کیخلاف ایف آئی اے سائبر کرائم میں درخواست جمع کرادی ہے۔
عامر لیاقت کی سابق اہلیہ بشریٰ کا کہنا ہے دانیہ شاہ کی جانب سے وائرل ويڈيوز عامرلياقت کی موت کی وجہ بنی۔
سابق اہليہ عامر لياقت بشریٰ بی بی کا کہا تھا کہ شرعی طورپردانيہ عامر لياقت کی بيوی نہيں رہی، دانيہ شاہ کئی ويڈيوزميں کہہ چکی ہيں کہ وہ عامرلياقت سے خلع لے چکی۔
بشریٰ بی بی کا موقف ہے کہ دانيہ شاہ کی جانب سے وائرل ويڈيوز عامرلياقت کی موت کی وجہ بنی۔ دانيہ کے خلاف ايف آئی اے ميں ثبوت جمع کراديے ہيں۔
انہوں نے کہا کہ ہم انصاف چاہتے ہيں، شرعی طور پر پوسٹ مارٹم ناپسنديدہ عمل ہے اسلئے نہيں کرايا۔ مزید کہا کہ قتل کا تاثرغلط ہے،عامرلياقت کی موت طبعی تھی۔
یاد رہے کہ اس سے پہلے سیشن جج جنوبی کی عدالت میں عامر لیاقت کی سابق اہلیہ دانیہ شاہ کے خلاف سائبر کرائم ایکٹ کے تحت کاروائی سے متعلق درخواست پر ایف آئی اے کی جانب سے جواب جمع کرادیا گیا تھا ۔سیشن جج جنوبی کی عدالت میں عامر لیاقت کی سابق اہلیہ دانیہ شاہ کے خلاف سائبر کرائم ایکٹ کے تحت کاروائی سے متعلق درخواست کی سماعت ہوئی۔
ایف آئی اے کی جانب سے جواب جمع کرادیا۔ ایف آئی اے نے جواب میں کہا کہ درخواست گزار متاثرہ فریق نہیں ہیں۔ عامر لیاقت کے اہلخانہ کی جانب سے دانیہ شاہ کے خلاف کاروائی سے متعلق کوئی درخواست موصول نہیں ہوئی۔ یہ بات تسلیم شدہ ہے کہ کسی کی غیر اخلاقی تصاویر یا ویڈیو سوشل اپ لوڈ کرنا سنگین جرم ہے۔ ایف آئی اے سائبر کرائم کو اختیار ہے کہ اس طرح کی شکایت پر کاروائی کرسکتی ہے۔
لیکن درخواستگزار متاثرہ فریق کے معیار پر پورا نہیں اترتا۔ درخواستگزار کی جانب جس ویڈیو کا دعوی کیا گیا ہے اس سے متعلق کوئی شواہد فراہم نہیں کیے گئے۔ درخواستگزار اس طرح کی شکایت کرنے کا مجاز نہیں ہے۔ عدالت سے استدعا ہے کہ درخواست مسترد کی جائے۔ عدالت نے درخواست کی سماعت 14 جولائی تک ملتوی کردی۔
عدالت نے آئندہ سماعت پر ایف آئی اے کی رپورٹ پر دلائل طلب کرلیے۔ سماجی تنظیم نے دانیہ شاہ کے خلاف سیشن عدالت میں درخواست دائر کر رکھی ہے۔ جس میں موقف اختیار کیا گیا تھا کہ عدالت ایف آئی اے کو دانیہ شاہ کے خلاف کارروائی کا حکم دے۔ دانیہ نے عامر لیاقت کی نازیبا ویڈیوز سوشل میڈیا پر وائرل کیں۔
