Baaghi TV

Tag: عام انتخابات

  • بنگلہ دیش : جماعت اسلامی اور این سی پی کے درمیان مفاہمت

    بنگلہ دیش : جماعت اسلامی اور این سی پی کے درمیان مفاہمت

    ڈھاکہ: بنگلہ دیش کی جماعتِ اسلامی نے آئندہ عام انتخابات سے قبل نیشنل سٹیزنز پارٹی (این سی پی) اور دیگر ہم خیال جماعتوں کے ساتھ انتخابی مفاہمت قائم کر لی ہے۔

    جماعت کے امیر شفیق الرحمان نے اتوار کی شام ڈھاکہ کے نیشنل پریس کلب میں ہنگامی پریس کانفرنس کرتے ہوئے کہا کہ پہلے ہی 8 جماعتیں اس انتخابی اتحاد میں شامل تھیں، جبکہ اب این سی پی اور لبرل ڈیموکریٹک پارٹی (ایل ڈی پی)، جس کی قیادت ریٹائرڈ کر نل اولی احمد کر رہے ہیں، بھی اس مفاہمت کا حصہ بن گئی ہیں اس طرح اس اتحاد میں شامل جماعتوں کی تعداد 10 ہو گئی ہے۔

    انہوں نے کہا کہ مختلف حلقوں میں نشستوں کی تقسیم پر بات چیت کے بعد اتفاق کیا گیا ہے تاکہ ہر حلقے میں ایک متفقہ امیدوار کو میدان میں اتارا جا سکے مزید یہ کہ دیگر جماعتوں نے بھی اس اتحاد میں شامل ہونے کی دلچسپی ظاہر کی ہے، تاہم اس حوالے سے حتمی فیصلہ بعد میں کیا جائے گا۔

    ہر شہری کو تعلیم یافتہ بنانا ریاست کے لئے ایک بڑا چیلنج ہے، ملک احمد خان

    رپورٹس کے مطابق جماعتِ اسلامی نے حالیہ عوامی تحریک کے بعد کئی اسلامی اور دائیں بازو کی جماعتوں کے ساتھ مذاکرات شروع کیے تھے، جن میں اسلامی اندولن بنگلہ دیش، کھیلَافت مجلس، بنگلہ دیش کھیلَافت مجلس، بنگلہ دیش کھیلَافت اندولن، نظامِ اسلام پارٹی اور جاتیہ گن تانترک پارٹی (جے اے جی پی اے) شامل تھیں، بعد ازاں بنگلہ دیش ڈیولپمنٹ پارٹی بھی اس اتحاد میں شامل ہو گئی تھی۔

    سیاسی مبصرین کے مطابق اس انتخابی مفاہمت کا مقصد ووٹوں کی تقسیم روکنا اور مشترکہ حکمت عملی کے تحت انتخابات میں حصہ لینا ہے۔

    پنجاب پولیس خدمت مراکز کی کارکردگی رپورٹ جاری

  • نیپال میں عام انتخابات مارچ میں کرانے کا فیصلہ

    نیپال میں عام انتخابات مارچ میں کرانے کا فیصلہ

    نیپال کے صدر رام چندر پوڈیل نے پارلیمنٹ تحلیل کرتے ہوئے 5 مارچ 2026 کو عام انتخابات کے انعقاد کا اعلان کر دیا ہے۔

    صدر کے دفتر سے جاری بیان میں کہا گیا کہ ایوانِ نمائندگان کو تحلیل کر دیا گیا ہے اور نئے انتخابات کی تاریخ مقرر کر دی گئی ہےاسی دوران صدر پوڈیل نے سابق چیف جسٹس سوشیلا کارکی کو ملک کی پہلی خاتون عبوری وزیراعظم مقرر کر دیا،ان کی تقرری 2 روزہ مذاکرات کے بعد عمل میں آئی جن میں صدر، آرمی چیف اشوک راج سگڈیل اور احتجاجی رہنماؤں نے شرکت کی۔

    یہ ملک گیر احتجاج اُس وقت بھڑکا جب حکومت نے سوشل میڈیا پر پابندی عائد کی، تاہم وزیراعظم کے پی شرما اولی کے استعفے کے بعد ہی صورتحال قدرے پرسکون ہوئی، نیپال پولیس کے مطابق حالیہ جھڑپوں میں اب تک 51 افراد ہلاک اور 1700 سے زائد زخمی ہو چکے ہیں۔

    بھارت نے بھی نیپال کی تازہ سیاسی پیش رفت پر ردعمل دیتے ہوئے امید ظاہر کی کہ یہ اقدامات امن و استحکام کو فروغ دیں گے بھارتی وزیراعظم نریندر مودی نے سوشیلا کارکی کو مبارکباد دیتے ہوئے کہا کہ بھارت نیپالی عوام کی ترقی اور خوشحالی کے لیے پرعزم ہے۔

    واضح رہے کہ جسٹس سشیلا کارکی نیپال کی سپریم کورٹ کی واحد خاتون چیف جسٹس رہ چکی ہیں اور بدعنوانی کے خلاف سخت موقف کے لیے مشہور ہیں، منصب پر رہتے ہوئے انہوں نے کرپشن پر زیرو ٹالرنس پالیسی اپنائی تھی۔

    ایک سال سے بھی کم عرصے میں ان کے خلاف مواخذے کی تجویز آئی تھی مگر عوامی دباؤ کی وجہ سے اسے مسترد کرنا پڑا، اس کے بعد انہوں نے چیف جسٹس کے عہدے سے استعفیٰ دے دیا تھا۔

    یاد رہے کہ نیپال میں گزشتہ دنوں ملک گیر مظاہروں اور ہنگاموں کے باعث کٹھمنڈو سمیت دیگر شہروں میں حالات کشیدہ رہے، مظاہروں میں 51 افراد ہلاک اور سیکڑوں زخمی ہوئےمظاہرین نے پارلیمنٹ، صدارتی محل اور مرکزی سیکریٹریٹ پر حملے کیے اور سوشل میڈیا پر پابندی کے باوجود احتجاج جاری رہا، کئی مقامات پر درجنوں گاڑیاں جلائی گئیں اور عمارتیں تباہ ہوئیں، جن کی ویڈیوز بھی سامنے آئی ہیں احتجاج بدعنوانی اور بے روزگاری کے خلاف ملک گیر تحریک کی شکل اختیار کر گیا تھا،فوج نے دارالحکومت کھٹمنڈو کا کنٹرول سنبھالا ہوا ہے جب کہ سابق وزرائے اعظم، کابینہ ارکان، پارلیمنٹ اور عدالتوں کو نذر آتش کیا جا چکا ہے۔

    دوسری طرف وزیرداخلہ رمیش لیکھک اور وزیر زراعت رامناتھ ادھیکاری سمیت کئی وزراء نے استعفیٰ دے دیا ہے، وزیراعظم کھگندر پرساد اولی نے بھی استعفیٰ دے کر نگراں حکومت کی قیادت قبول کر لی ہے، فوج نے وزراء کو محفوظ مقامات پر منتقل کیا تھاصدر رام چندر پاؤڈل نے عوام سے پرامن رہنے اور مزید خون خرابہ روکنے کی اپیل کی ہے۔

  • عام انتخابات، پی ٹی آئی خواتین میں مقبول جماعت رہی

    عام انتخابات، پی ٹی آئی خواتین میں مقبول جماعت رہی

    عام انتخابات میں پاکستان تحریک انصاف خواتین میں مقبول جماعت رہی، فافن نے رپورٹ جاری کردی ہے۔

    باغی ٹی وی کے مطابق فافن نے مردوں کے مقابلے میں خواتین ووٹرز کے رحجان سے متعلق رپورٹ جاری کردی ہے۔رپورٹ میں کہا گیا ہے کہ عام انتخابات میں 18فیصدخواتین نے مردوں سے مختلف ووٹ ڈالے،82فیصد حلقوں میں مرد اور خواتین ووٹرز کا انتخاب جیتنے والا امیدوار تھا۔فافن رپورٹ کے مطابق شہری حلقوں میں خواتین نے مردوں کے مقابلے میں مردوں سے مختلف ووٹ دیا،اسلام آباد کے حلقوں 37 فیصد خواتین نے مرد ووٹرز کے مقابلے میں مختلف امیدوار کو ووٹ دیا، بلوچستان کی خواتین نے37،سندھ19اور پنجاب18فیصد مردوں سے مختلف ووٹ دیا۔

    رپورٹ میں کہا گیا ہے کہ پی ٹی آئی خواتین میں سب سے مقبول جماعت رہی، خواتین میں ووٹرز کے تناسب سے ن لیگ دوسرے جبکہ پی پی تیسرے نمبر پر ہے۔ عام انتخابات میں خواتین ووٹرز میں پی ٹی آئی ملک بھر میں مقبول رہی، پنجاب میں ن لیگ خواتین ووٹرز میں زیادہ مقبول رہی،سندھ میں پی پی نے خواتین ووٹرز کو زیادہ راغب کیا۔فافن رپورٹ کے مطابق این اے 37میں خواتین نے جیتنے والے امیدوار کے مخالف کو زیادہ ووٹ کیا، این اے266میں خواتین ووٹرز نے جیتنے والے امیدوار کو زیادہ ووٹ دئیے، خواتین پولنگ اسٹیشنز پر زیادہ ووٹ جیتنے والے امیدواروں نے حاصل کیا، ملک بھر کے سات حلقوں میں جیتنے والے امیدواروں نے خواتین پولنگ اسٹیشنز کے باعث لیڈ حاصل کی۔

    ڈیٹا چوری کرنے کیلئےہیکرز 16 مخصوص براؤزر زکا استعمال کر رہے ہیں

  • نواز شریف ناراض،جعلی مینڈیٹ سے بنی حکومت نہیں چل سکے گی، شوکت یوسفزئی

    نواز شریف ناراض،جعلی مینڈیٹ سے بنی حکومت نہیں چل سکے گی، شوکت یوسفزئی

    تحریک انصاف کے رہنما ،سابق صوبائی وزیر شوکت یوسفزئی نے کہا ہے کہ نواز شریف اور مریم نواز سیٹ جیت نہیں سکتے تھے زبردستی لی گئی ہے

    پشاور میں میڈیا سے گفتگو کرتے ہوئے شوکت یوسفزئی کا کہنا تھاکہ الیکشن میں بدترین دھاندلی ہوئی ہے، ہمارا مینڈیٹ چھینا گیا ہے، نواز شریف ، مریم اپنی سیٹ نہیں جیت سکے، ہم عدالت جائیں گے،ان شاء اللہ ہمیں کافی امیدیں ہیں، انصاف ملے گا، مخصوص سیٹوں کا معاملہ بھی خوش اسلوبی سے طے ہو گا، پاکستان کا سب سے بڑا مسئلہ معاشی بحران کسی کو سمجھ نہیں آ رہا،جن کو زبردستی حکومت میں دھکیلا جا رہا ہے انہیں تو کچھ سمجھ نہیں آ رہا، ڈیڑھ سال یہ حکومت میں رہے اور ملک میں تباہی مچائی، نواز شریف کو دوتہائی اکثریت نہیں ملی تو تووہ ناراض ہو گئے، شہباز شریف کو آگے کیا گیا، پی پی اور ن لیگ کا عہدوں پر اختلاف ہے، ساری سیاسی جماعتیں کہہ رہی ہیں دھاندلی ہوئی ہے، پی ٹی آئی ورکرز کو آگے لائی ہے، میاں اسلم کو دیکھ لیں، عمر ایوب کو دیکھ لیں یہ کارکن ہیں، جمہوریت آج ختم ہو رہی ہے، فیملیز پارٹیز بن گئی ہیںَ،ہمارا حکومت سازی کا عمل مکمل ہو گیا ہے جلد سامنے لائیں گے، صحت کارڈ دوبارہ بحال کریں گے، وفاق سے اپنا حق مانگ رہے ہیں اور لیں گے، جعلی مینڈیٹ کے ذریعے آپ حکومت بنالیں گے، آئی ایم ایف کی غلامی کریں گے،مریم اپنی سیٹ نہیں جیت سکی، نواز شریف کا ڈرامہ فیل ہوا، نواز شریف کو دوتہائی نہیں ملی، مریم کو وزیراعلی پنجاب اور شہباز شریف وزیراعظم، یہ فیملی پارٹی ہے، عوام مایوس ہو چکی ہے، آپ کدھر جائیں گے، ایک دو ماہ بعد جلسے جلوس شروع ہو جائیں گے، ایم کیو ایم اور پیپلز پارٹی نے جو سیٹی جیتیں یہ ہمارا مینڈیٹ ہے، نواز شریف تو اپنی سیٹ نہیں جیت سکا، یہ حکومت میں عہدے لے کر کیا کریں گے، معاشی بحران شدید ہے، جب تک عوامی مینڈیٹ نہیں ہو گا آپ کچھ نہیں کر سکتے،گیس مہنگی ہو گئی، بجلی مہنگی،پٹرول مہنگا ہو رہا، آئی ایم ایف کی شرائط پر عملدرآمد ہو گا، عوام کو کیسے مطمئن کریں گے؟

    دوسری جانب پی ٹی آئی کے رہنما تیمور سلیم جھگڑا نے الیکشن کمیشن کے باہر میڈیا سے گفتگوکرتے ہوئے کہا کہ الیکشن کمیشن میں پشاور کے 9 حلقوں کی کیسز کی سماعت ہوئی ہے،فارم 45 اور فارم 47 میں زمین آسمان کا فرق ہے،پشاور کے قومی و صوبائی اسمبلیوں کے حلقوں کے نتائج تبدیل کیے گئےہم پہلے بھی الیکشن کمیشن آئے، پھر ہائیکورٹ بھیجا گیا، پانچ آر اوز نے ایک جیسی رپورٹ بنا کر بھیج دی ہے،آر اوز نے رپورٹ میں جھوٹ لکھا ہے،جو دھاندلی اور پیسہ چلا ہے ، وہ سب کے سامنے ہیں میں بہت عرصہ سے الیکشن میں حصہ لے رہا، آج تک فارم 45 کو تبدیل ہوتا نہیں دیکھا،فارم 45 جو ٹیمپر ہوئے ہیں یہ سیدھا فوجداری کا کیس بن رہا ہے، جو کریمنل کام ہوا ہے، اسے ہم چھوڑ نہیں سکتے ہیں،

    اسلام آباد میں خواتین کی حنیف عباسی،خواجہ سعد رفیق کے ساتھ بدتمیزی

    آبائی نشست سے متوقع ہار ،نواز شریف افسردہ ،ماسک پہن کر ماڈل ٹاؤن سے روانہ،تقریر بھی رہ گئی

    مخلوط حکومت کانام نہ لیں ایک پارٹی کی اکثریت ضروری ہے،نواز شریف

    انتخابات ابھی تک تو پُر امن ہیں،نگران وزیراعظم

    آر او کے دفاتر میں دھاندلی کی گئی، پولیس افسران معاون تھے،سلمان اکرم راجہ

  • انتخابات کالعدم قرار دینے کی درخواست سپریم کورٹ سے خارج

    انتخابات کالعدم قرار دینے کی درخواست سپریم کورٹ سے خارج

    سپریم کورٹ نے آٹھ فروری کو ملک بھر میں ہونے والے عام انتخابات کالعدم قرار دینے کی درخواست خارج کر دی

    چیف جسٹس قاضی فائز عیسیٰ کی سربراہی میں تین رکنی بینچ نے سماعت کی، جسٹس محمد علی مظہر اور جسٹس مسرت ہلالی بینچ کا حصہ تھے،سپریم کورٹ نے 19 فروری کو شہری علی خان کو وزارتِ دفاع کے ذریعے نوٹس جاری کیا تھا تاہم درخواست گزار سابق بریگیڈیئر علی خان پیش نہیں ہوئے،ایڈیشنل اٹارنی جنرل نے عدالت میں کہا کہ علی خان کے گھر پولیس بھی گئی، وزارتِ دفاع کے ذریعے نوٹس بھی بھیجا، علی خان گھر میں نہیں ہیں، نوٹس ان کے گیٹ پر لگا دیا گیا ہے،چیف جسٹس قاضی فائز عیسیٰ نے استفسار کیا کہ علی خان کون ہیں؟ایڈیشنل اٹارنی جنرل نے عدالت میں کہا کہ یہ سابق بریگیڈیئر ہیں جن کا 2012ء میں کورٹ مارشل ہوا تھا،

    شوکت بسرا قرآن لے کر چیف جسٹس کی عدالت پہنچ گئے، چیف جسٹس نے بات نہ سنی بٹھا دیا
    دوران سماعت تحریک انصاف کے رہنما شوکت بسرا روسٹرم پر آ گئے تاہم عدالت نے انہیں بولنے کی اجازت نہیں دی،چیف جسٹس قاضی فائز عیسیٰ نے شوکت بسرا کو بیٹھنے کا حکم دیا،شوکت بسرا نے عدالت میں کہاکہ میں بہاولنگر سے منتخب رکن اسمبلی ہوں، اس کیس میں پیش ہونا چاہتا ہوں،چیف جسٹس قاضی فائز عیسیٰ نے شوکت بسرا سے استفسار کیا کہ آپ علی خان کے وکیل ہیں؟شوکت بسرانے عدالت میں جواب دیا کہ نہیں میں ان کا وکیل نہیں ہوں،چیف جسٹس قاضی فائز عیسیٰ نے کہاکہ آپ بیٹھ جائیں ہمیں وکیلوں کو سننے دیں، شوکت بسرا نے کہاکہ میں بھی ہائیکورٹ کا وکیل ہوں،چیف جسٹس قاضی فائز عیسیٰ نے کہاکہ مبارک ہو آپ ہائیکورٹ کے وکیل ہیں مگر آپ تشریف رکھیں ،شوکت بسرا نے استدعا کی کہ میری بات تو سن لیں،چیف جسٹس قاضی فائز عیسیٰ نے کہاکہ آپ بیٹھ جائیں ورنہ لائسنس منسوخ کرنے کا حکم دے کر توہین عدالت کا نوٹس بھی کر سکتے ہیں، آپ کا اس کیس سے تعلق کیا ہے؟شوکت بسرا نے کہاکہ میرا اس کیس سے تعلق نہیں لیکن میرے ہاتھ میں قرآن ہے اس کی قسم کھانا چاہتا ہوں،چیف جسٹس قاضی فائز عیسیٰ نے کہا کہ یہ نہ کریں ورنہ توہین کا نوٹس کر دیں گے،شوکت بسرا نے کہاکہ پاکستان کی سب سے بڑی عدالت ہے،چیف جسٹس قاضی فائز عیسیٰ نے کہاکہ تقریر نہ کریں، ہمارے سامنے، پہلے سن لیجیے، بالکل ہی اخلاق چھوڑ دیا ہے،آئندہ آپ نے یہ کیا تو وکالت کا لائسنس منسوخی کا معاملہ بار کو بھیجیں گے،سب نے ملکر سپریم کورٹ کو مذاق بنایا ہوا ہے ،اب اس درخواست گزار کو دیکھیں درخواست دائر کر کے بیرون ملک روانہ ہو گیا،شوکت بسرا کا کنڈکٹ دیکھیں، مجھ سے معافی تک نہیں مانگی، شہزاد شوکت نے کہا کہ سپریم کورٹ میں کبھی اتنی شفافیت نہیں تھی جنتی چیف جسٹس قاضی فائز عیسی کے آنے کے بعد آئی، جسٹس محمد علی مظہر نے کہا کہ درخواست گزار کا کہنا ہے کہ اس نے کسی میڈیا چینل سے بات کی نا ہی درخواست جاری کرائی،چیف جسٹس قاضی فائز عیسی نے صدر سپریم کورٹ بار شہزاد شوکت سے سوال کیا کہ شوکت بسرا کے خلاف رپورٹ ہونی چاہیے یا بار کونسل کارروائی کرے گی؟صدر سپریم کورٹ بار نے کہا کہ میری درخواست ہے کہ شوکت بسرا والے معاملے کو فیصلے کا حصہ نا بنایا جائے، چیف جسٹس قاضی فائز عیسیٰ نے کہا کہ آپ کے کہنے پر ان کو چھوڑ رہے ہیں، اگر شوکت بسرا نے باہر جا کر اس کیس سے متعلق میڈیا پر بات کی تو یہ بھی کسی چیز کے لیے تیار رہیں، وکیل شہزاد شوکت نے کہا کہ میں شوکت بسرا کو سمجھا دوں گا،چیف جسٹس قاضی فائز عیسیٰ نے کہا کہ کیا یہ کوئی سازش نہیں ہے کہ ایک دن درخواست دائر کر کے اگلے ہی دن درخواست گزار ملک سے چلا گیا، جسٹس محمد علی مظہر نے کہا کہ یہ نہیں ہو سکتا کہ درخواست گزار خود نا آئے اور دوسری پارٹی کو راستہ دکھائے کہ اس درخواست کے ذریعے عدالت آجاو،

    میڈیا کا آج کل بس یہی کام ہے کہ جھوٹی خبریں چلا کر ریٹنگ لو،چیف جسٹس پھٹ پڑے
    چیف جسٹس قاضی فائز عیسیٰ نے ریمارکس دیتے ہوئے کہا کہ یہ عدالت کا غلط استعمال ہو رہا ہے، اس ملک کو دنیا کے لیے جگ ہنسائی کا سامان بنا دیا گیا ہے،ہفتے کو ایک مرکزی ٹی وی چینل پر خبر چلی کہ ججز کا اجلاس ہو گیا ہے،میرا ساتھی ججز کے ساتھ کوئی اجلاس نہیں ہوا لیکن یہاں تو میڈیا آزاد ہے،میرے ساتھی ججز مجھ سے پوچھ رہے ہیں کہ بتائیں پھر اجلاس میں کیا ہوا؟ ججز آ کر اب پریس کانفرنس کر کے وضاحتیں تو نہیں دے سکتے، خبر چلانے سے پہلے تصدیق تو کر لیا کریں رجسٹرار کو کال کر کے پوچھ لیں،یہاں جینوین صحافی نوکری سے فارغ ہو رہے ہیں، اب یہ میڈیا چلائے گا نہیں کہ بریگیڈئیر کا کورٹ مارشل ہوا تھا،ہر چیز پر بس ضمیر بیچ دو، گھر بیٹھ کر کچھ بھی چلا دیتے ہیں،سچ بولیں اور سچ بتائیں لیکن نہیں، یہاں میڈیا کو بس اپنی ریٹنگ کی پڑی ہے،اب ہر کوئی آ کر کھڑا ہو جائے کہ درخواست خارج کیوں کر دی، میڈیا کا آج کل بس یہی کام ہے کہ جھوٹی خبریں چلا کر ریٹنگ لو، صدر سپریم کورٹ بار شہزاد شوکت نے کہا کہ ہفتے کو تو یہ خبر بھی چل گئی تھی کہ بنچ بن گیا اور سماعت شروع ہو گئی، چیف جسٹس قاضی فائز عیسیٰ نے ریمارکس دیتے ہوئے کہا کہ میڈیا سے غلطی بھی ہو سکتی ہے لیکن وضاحت بھی تو چلائیں کہ خبر غلط چلی، اگر میڈیا 10 جھوٹی خبریں چلائے گا تو لوگ ان کی خبروں پر اعتماد کرنا چھوڑ دیں گے، میں نے ایسا کبھی پہلے نا دیکھا نا سنا، یہ نہیں ہے کہ بس اداروں پر ملامت شروع کر دیں،ملک میں بس دو تین ہی تو ادارے باقی رہ گئے ہیں،ایک سپریم کورٹ ہے ایک پارلیمنٹ اور ایک دو اور ادارے،

    سپریم کورٹ نے 8 فروری کے انتخابات کو کالعدم قرار دینے کی درخواست خارج کر دی جبکہ عدم پیشی پر درخواست گزار پر 5 لاکھ روپے کا جرمانہ عائد کر دیا

    سپریم کورٹ میں 8 فروری کے انتخابات کو کالعدم قرار دینے کیلئے درخواست دائر کی گئی تھی، درخواست میں کہا گیا تھاکہ8 فروری کے انتخابات کے نتیجے میں حکومت بننے کے عمل کو روکا جائے ،عدلیہ کی زیر نگرانی 30 روز میں نئے انتخابات کروانے کا حکم دیا جائے ،درخواست علی خان نامی شہری نے دائر کی تھی

    واضح رہے کہ آٹھ فروری کو ملک بھر میں انتخابات ہوئے جس میں کسی بھی جماعت نے واضح اکثریت حاصل نہیں کی،سیاسی جماعتیں دھاندلی کے خلاف بھی سراپا احتجاج ہیں،سندھ میں دھرنا دیا گیا ہے تو تحریک انصاف نے ملک بھر میں احتجاج کیا ہے، ن لیگ بھی کہہ رہی ہے ہماری سیٹیں چھینی گئیں تو پیپلز پارٹی کا بھی یہی دعویٰ ہے

    پنجاب میں میاں اسلم،بلوچستان میں سالار وزارت اعلیٰ کے امیدوار،بیرسٹر گوہر کا اعلان

    جماعت اسلامی کا تحریک انصاف سے اتحاد سے انکار

    نواز شریف کا چوتھی بار وزارت عظمیٰ کا خواب ادھورا، شہباز شریف وزیراعظم نامزد

    اگر آزاد کی اکثریت ہے تو حکومت بنا لیں،ہم اپوزیشن میں بیٹھ جائینگے، شہباز شریف

    پی ٹی آئی کا وفاق اور پنجاب میں ایم ڈبلیو ایم ،خیبر پختونخوامیں جماعت اسلامی سے اتحاد کا اعلان

    نواز شریف چیخ اٹھے مجھے کیوں بلایا،زرداری کی شرط،مولانا کی ضد،ن کی ڈیمانڈ

    موبائل بندش سے نتائج تاخیر کا شکار،دھاندلی بھی ہوئی، الیکشن کمیشن کی تصدیق

    جہانگیر ترین پارٹی عہدے سے مستعفی،سیاست چھوڑنے کا اعلان

  • سری لنکا میں عام انتخابات اگلے برس کرانے کا فیصلہ

    سری لنکا میں عام انتخابات اگلے برس کرانے کا فیصلہ

    کولمبو: سری لنکا میں عام انتخابات کا اعلان کر دیا گیا ہے۔

    باغی ٹی وی : غیر ملکی میڈیا رپورٹس کے مطابق سری لنکن وزیراعظم کے دفتر کی جانب سے جاری بیان میں کہا گیا ہے کہ انتخابات اگلے برس 2025 میں ہوں گے سری لنکا کے عام انتخابات کے لیے مالیاتی انتظامات اگلے سال کے بجٹ میں فراہم کیے جائیں گے صدار تی انتخاب مقررہ مدت کے اندر کرائے جائیں گے۔

    واضح رہے کہ 2024 میں 64 ممالک میں انتخابات ہونا تھے، جن میں سے پاکستان سمیت 10 ممالک میں 8 فروری تک انتخابات کا انعقاد ہو چکا ہے ، 2025 میں سری لنکا کے علاوہ دیگر کئی ممالک میں بھی لوگ حق رائے دہی استعمال کریں گے۔

     

    علی امین گنڈا پور وزیراعلیٰ خیبرپختونخوا نامزد

    اگر آزاد کی اکثریت ہے تو حکومت بنا لیں،ہم اپوزیشن میں بیٹھ جائینگے، شہباز شریف

    پی ایس ایل 9 کیلئے ٹرافی کی رونمائی کردی گئی

  • الیکشن کمیشن پانچوں اسمبلیوں میں سیاسی جماعتوں کی ابتدائی پارٹی پوزیشن جاری کر دی

    الیکشن کمیشن پانچوں اسمبلیوں میں سیاسی جماعتوں کی ابتدائی پارٹی پوزیشن جاری کر دی

    اسلام آباد: الیکشن کمیشن نے عام انتخابات کے بعد قومی اور صوبائی اسمبلیوں میں سیاسی جماعتوں کی ابتدائی پارٹی پوزیشن جاری کر دی-

    باغی ٹی وی: الیکشن کمیشن کی جانب سے جاری ابتدائی اعداد وشمار کے مطابق قومی اور صوبائی اسمبلیوں کے 854 حلقوں میں سے 348 پر آزاد امیدوار کامیاب ہوئے اور سب سے زیادہ نشستیں حاصل کر لیں، پاکستان مسلم لیگ (ن) مجموعی طور پر 227 نشستیں جیت کر سب سے بڑی جماعت بن گئی، پاکستان پیپلز پارٹی (پی پی پی) 160 نشستوں کے ساتھ دوسرے اور متحدہ قومی موومنٹ (ایم کیو ایم) پاکستان 45 نشستیں حاصل کر کے تیسرے نمبر پر رہی-

    دیگر جماعتوں میں مسلم لیگ (ق) اور جمعیت علمائے اسلام(جے یو آئی) 15،15 اور جماعت اسلامی کے 5 امیدوار کامیاب ہوئے، مجلس وحدت المسلمین (ایم ڈبلیو ایم)، عوامی نیشنل پارٹی (اے این پی)،گرینڈ ڈیموکریٹک الائنس (جی ڈی اے)، بلوچستان نیشنل عوامی پارٹی (بی این پی)، مسلم لیگ ضیا سمیت چھوٹی پارٹیوں نے دیگر نشستیں حاصل کیں-

    8 فروری کوالیکشن کم اورسودا گری کا بازار زیادہ تھا، ایمل ولی خان

    قومی اسمبلی میں آزاد امیدواروں نے مجموعی طور پر 101،مسلم لیگ ن نے 75، پی پی پی نے 54 نشستیں حاصل کیں اور سرفہر ست جماعتیں رہیں، جمعیت علمائے اسلام نے 4 ، مسلم لیگ (ق) 3، استحکام پاکستان پارٹی اور بلوچستان نیشنل پارٹی نے 2،2، مجلس وحدت المسلمین، مسلم لیگ ضیا، بلوچستان عوامی پارٹی (بی اے پی)، نیشنل پارٹی، پشتونخوا ملی عوامی پارٹی اور پختونخوا نیشنل ملی عوامی پارٹی ایک،ایک نشست جیتنے میں کامیاب رہی۔

    پنجاب میں مسلم لیگ (ن)، سندھ میں پیپلزپارٹی، خیبر پختونخوا میں آزاد اور بلوچستان میں جمعیت علمائے اسلام (جے یو آئی) اور پی پی پی کو11،11نشستیں حاصل ہوئیں جبکہ خیبربختونخوا میں صوبائی اسمبلی کی 90 نشستوں پر آزاد امیدوار ، جمعیت علمائے اسلام کے7، مسلم لیگ (ن) کے 5، پی پی پی کے 4، جماعت اسلامی کے 3، پی ٹی آئی پارلیمنٹرین (پی ٹی آئی پی) 2، اور ایک نشست عوامی نیشنل پارٹی(اے این پی) کو حاصل ہوئی۔

    این اے 121 سے کامیاب پی ٹی آئی حمایت یافتہ امیدوار ن لیگ میں …

    پنجاب اسمبلی میں پی ٹی آئی کے حمایت یافتہ اور دیگر سمیت مجموعی طور پر 138 آزاد امیدوار کامیاب ہوئے، مسلم لیگ (ن) کو 137، پی پی پی کو10، مسلم لیگ (ق) کو 8، استحکام پاکستان پارٹی، مسلم لیگ ضیا اور تحریک لبیک پاکستان (ٹی ایل پی) کو ایک،ایک نشست ملی، جبکہ سندھ اسمبلی کی 84 نشستوں پی پی پی کامیاب ہوئی، ایم کیو ایم پاکستان کو 28، آزاد امیدوار13، جی ڈی اے اور جماعت اسلامی کو بالترتیب 2،2 نشستیں حاصل ہوئیں۔

    بلوچستان اسمبلی میں پی پی پی اور جمعیت علمائے اسلام کو 11،11 نشستیں حاصل ہوئیں، مسلم لیگ (ن) کو 10 نشستیں ملیں، بلوچستان عوامی پارٹی کو 4، نیشنل پارٹی کو 3، عوامی نیشنل پارٹی کو 2، بلوچستان نیشنل پارٹی، بی این پی عوامی، حق دو تحریک بلوچستان اور جماعت اسلامی کو ایک،ایک نشست حاصل ہوئی۔

    حماس سربراہ اسماعیل ہانیہ کے بیٹے کی اسرائیلی حملے میں شہادت کی اطلاعات

  • آزاد امیدواروں نے بڑےناموں کو شکست دیکر ایوان پہنچنے سے روک دیا

    آزاد امیدواروں نے بڑےناموں کو شکست دیکر ایوان پہنچنے سے روک دیا

    عام انتخابات 2024، آزاد امیدوار سب پر بازی لے گئے تو وہیں بڑے نام ایوانوں تک نہ پہنچ سکے

    تحریک انصاف چھوڑ کر نئی سیاسی پارٹیاں بنانے والے بھی اپنی سیٹیں نہ جیت سکے، کئی جماعتوں کے سربراہان بھی الیکشن ہار گئے، آزاد امیدواروں نے بڑے مارجن سے جیت حاصل کی اور امیدواروں کو شکست دی، سابق وزیراعظم نواز شریف دو سیٹوں پر امیدوار تھے، لاہور سے نواز شریف جیت گئے تو مانسہرہ سے ہار گئے، مولانا فضل الرحمان بھی دو سیٹوں پر امیدوار تھے، ڈی آئی خان میں آبائی سیٹ ہار گئے ، پشین سے جیت گئے، جہانگیر ترین بھی دو سیٹوں پر امیدوار تھے،اور دونوں سیٹوں پر ہار گئے، بلاول زرداری لاڑکانہ سے جیت گئے تا ہم لاہور سے ہار گئے، جہانگیر ترین کو ایک سیٹ پر آزاد امیدوار اور ایک پر ن لیگ نے شکست دی ہے،امیر جماعت اسلامی سراج الحق دیر سے ہار گئے، مرکزی مسلم لیگ کے صدر خالد مسعود سندھو لاہور سے ہار گئے، تحریک لبیک کے امیر حافظ سعد رضوی ہار گئے،عوامی مسلم لیگ کے سربراہ شیخ رشید احمد بھی ہار گئے،

    سابق وزیراعلیٰ پنجاب پرویز الہیٰ ہار گئے، کے پی کے دو سابق وزراء اعلیٰ پرویز خٹک اور محمود خان دونوں ہار گئے،سابق وفاقی وزراء خواجہ سعد رفیق، رانا ثناء اللہ، جاوید لطیف ہار گئے، ن لیگی رہنما عابد شیر علی ہار گئے،آفتاب شیر پاؤ بھی نہ جیت سکے،ایمل ولی خان کو بھی شکست ہوئی، سابق وفاقی وزیر سینیٹر طلحہ محمود بھی این اے ون چترال سے ہار گئے،اے این پی کی ثمر ہارون بلو ر بھی ہار گئی،این اے 2 مالاکنڈ پر مسلم لیگ (ن) کے امیر مقام کو آزاد امیدوار امجد خان سے شکست ہوئی۔ البتہ امیر مقام این اے 11 سے منتخب ہوگئے ہیں،این اے 246 کراچی میں حافظ نعیم الرحمان ایم کیو ایم کے امین الحق سے ہار گئے ہیں، البتہ حافظ نعیم صوبائی اسمبلی کی سیٹ سے جیت چکے ہیں،

    جماعت اسلامی ، تحریک لبیک قومی اسمبلی میں نہ پہنچ سکیں تا ہم جماعت اسلامی سندھ، بلوچستان اور کے پی کی اسمبلی میں پہنچ گئی، تحریک لبیک پنجاب اسمبلی میں پہنچ گئی،استحکام پاکستان پارٹی پنجاب اور قومی اسمبلی میں پہنچ گئی، پی ٹی آئی پارلیمنٹرین کے پی اسمبلی میں پہنچ گئی، اگرچہ ان سب جماعتوں کی ایک دو دو سیٹیں ہیں،

    این اے 130 لاہور ، نواز شریف جیل میں گرفتار یاسمین راشد سے جیت گئے

    بلاول کا "تیر” چل گیا، پیپلز پارٹی اب تک قومی کی ایک،صوبائی کی 5سیٹوں سے کامیاب

    سیاسی جماعتوں کی خواتین امیدوار کم ، عدالت نے الیکشن کمیشن کو کیس بھیج دیا

    تخت لاہور،لطیف کھوسہ، میاں اظہر ،وسیم قادر کی جیت،شہباز،حمزہ،مریم،ایازصادق کی بھی جیت

    پنجاب،عمران نذیر،سلمان رفیق،میاں اسلم اقبال،بلال یاسین جیت گئے، رانا مشہود کو شکست

    انتخابی نتائج،آزاد امیدوار وں کا پلڑا تاحال بھاری، ن لیگ دوسرے نمبرپر

    تحریک انصاف کیلیے اچھی خبر، مخصوص نشستوں کا حصول آسان ہو گیا

    آزاد امیدوار ابھی تک آگے،مگر نواز شریف کو حکومت بنانے کی جلدی

    مانسہرہ سے نواز شریف جیت چکے ہیں،اسحاق ڈار کا دعویٰ

  • بلاول کا "تیر” چل گیا، پیپلز پارٹی قومی و سندھ اسمبلی سمیت بلوچستان سے بھی سیٹیں لے اڑی

    بلاول کا "تیر” چل گیا، پیپلز پارٹی قومی و سندھ اسمبلی سمیت بلوچستان سے بھی سیٹیں لے اڑی

    پنجاب سے قومی اسمبلی کی ایک سیٹ کا مکمل غیر سرکاری غیر حتمی نتیجہ سامنے آیا ہے، سابق وزیراعظم، پیپلز پارٹی کے رہنما سید یوسف رضا گیلانی قومی اسمبلی کی نشست پر کامیاب ہو گئے ہیں

    ملتان کے حلقہ این اے 148 میں پیپلزپارٹی کے امیدوار سید یوسف رضا گیلانی نے میدان مار لیا ہے ،سید یوسف رضا گیلانی نے 92 ہزار 327 ووٹ حاصل کیے ، دوسرے نمبر تحریک انصاف کے حمایت یافتہ بیرسٹر تیمور 73 ہزار 219 ووٹ لیے،مسلم لیگ ن کے احمد حسن ڈیہڑ 63 ہزار 115 ووٹ لیکر تیسرے نمبر پر رہے .

    این اے 202، پیپلز پارٹی کی نفیسہ شاہ جیت گئیں
    این اے 202 خیرپور 1 سے پیپلزپارٹی کی نفیسہ شاہ جیت گئیں، تمام 305 پولنگ اسٹیشنز کے مکمل غیر حتمی غیر سرکاری نتیجے کے مطابق نفیسہ شاہ 121756 ووٹ لے کر کامیاب قرار پائیں جبکہ گرینڈ ڈیموکریٹک الائنس کے سید غوث علی شاہ 26745 ووٹ لےکر دوسرے نمبر پر رہے

    پی ایس 61، شرجیل میمن جیت گئے
    سندھ سے صوبائی سیٹوں پر نتائج کا سلسلہ جاری ہے، اب تک کے غیر سرکاری غیر حتمی نتائج کے مطابق پیپلز پارٹی سندھ اسمبلی کی نوسیٹیں جیت چکی ہے،سندھ کی صوبائی اسمبلی کے حلقے پی ایس 61 حیدرآباد 2 میں غیر حتمی غیر سرکاری نتیجے میں پاکستان پیپلز پارٹی کے شرجیل میمن بھی کامیاب ہوچکے ہیں،پی ایس 61 حیدرآباد 2 کے تمام135 پولنگ اسٹیشنز کے نتائج میں پیپلز پارٹی کے شرجیل میمن63638 ووٹ لے کر کامیاب ہوئے۔جے یو آئی ایف کے سعید احمد تالپور 11719 ووٹ لےکر دوسرے نمبر پر رہے ہیں.

    پی ایس 22، پیپلز پارٹی کے اکرام اللہ کامیاب
    سندھ کی صوبائی اسمبلی کے حلقے پی ایس 22 سکھر 1 میں غیر حتمی غیر سرکاری نتیجے میں پاکستان پیپلز پارٹی کے اکرام اللہ کامیاب ہوگئے ہیں،غیر حتمی غیر سرکاری نتیجے کے مطابق پی ایس 22 سکھر 1 کے تمام145 پولنگ اسٹیشنز کے نتائج میں پیپلز پارٹی کےاکرام اللہ 42275 ووٹ لے کر کامیاب ہوئے ہیں،جے یو آئی ایف کے محمد مبین 40005 ووٹ لےکر دوسرے نمبر پر رہے

    پی ایس 48، پیپلز پارٹی کے طارق علی کامیاب
    سندھ کی صوبائی اسمبلی کے حلقے پی ایس 48 میرپورخاص 4 میں غیر حتمی غیر سرکاری نتیجے میں پاکستان پیپلز پارٹی کے طارق علی کامیاب ہوگئے ہیں،غیر حتمی غیر سرکاری نتیجے کے مطابق پی ایس 48 میرپورخاص 4 کے تمام160 پولنگ اسٹیشنز کے نتائج میں پیپلز پارٹی کےطارق علی67923 ووٹ لے کر کامیاب ہوئے،جی ڈی اےکے عنایت اللہ 16231 ووٹ لےکر دوسرے نمبر پر رہے

    پی ایس 60،جام خان شورو جیت گئے
    سندھ کی صوبائی اسمبلی کے حلقے پی ایس 60 حیدرآباد 1 میں غیر حتمی غیر سرکاری نتیجے میں پاکستان پیپلز پارٹی کے جام خان شورو کامیاب ہوگئے ہیں،غیر حتمی غیر سرکاری نتیجے کے مطابق پی ایس 60 حیدرآباد 1 کے تمام 105 پولنگ اسٹیشنز کے نتائج میں پیپلز پارٹی کے جام خان شورو 35352 ووٹ لے کر کامیاب ہوئے،گرینڈ ڈیموکریٹک الائنس کے ایاز لطیف پلیجو 6735 ووٹ لیکر دوسرے نمبر پر رہے

    پی ایس 27،ہالار وسان جیت گئے
    سندھ کی صوبائی اسمبلی کے حلقے پی ایس 27 خیر پور میں غیر حتمی غیر سرکاری نتیجے میں پاکستان پیپلز پارٹی کے امیدوار ہالار وسان کامیاب ہوگئے،غیر حتمی غیر سرکاری نتیجے کے مطابق پی ایس 27 خیر پور 2 کے تمام 145 پولنگ اسٹیشنز کے نتائج میں پاکستان پیپلز پارٹی کے ہالار وسان 93421 ووٹ لے کر کامیاب ہوئے ہیں،جے یو آئی ایف کے محمد شریف بررو 14897 ووٹ لیکر دوسرے نمبر پر رہے

    پی ایس 77، مراد علی شاہ جیت گئے
    سندھ کی صوبائی اسمبلی کے حلقے پی ایس 77 جامشورو میں غیر حتمی غیر سرکاری نتیجے میں پی پی کے رہنما اور سابق وزیر اعلیٰ سندھ مراد علی شاہ کامیاب ہوگئے ہیں، غیر حتمی غیر سرکاری نتیجے کے مطابق پی پی کے مراد علی شاہ 66100 ووٹ لے کر کامیاب ہوگئے جبکہ جی ڈی اے کے روشن علی برڑو 6150 ووٹ لیکر دوسرے نمبر پر ہیں۔

    پی ایس 7،امتیاز شیخ جیت گئے
    شکارپور پی ایس 7 کا غیر حتمی اور غیر سرکاری مکمل رزلٹ سامنے آیا ہے،شکارپور پی پی کے امیتاز شیخ 57510 ووٹ لے کر کامیاب ہوئے ہیں،جے یو آئی کے امیدوار آغا تیمور خان 40678 لیکر دوسرے نمبرپر رہے،امتیاز شیخ 16832 ووٹ کی برتری سے کامیاب ہوگئے.

    پی ایس 26، قائم علی شاہ جیت گئے
    سندھ اسمبلی کے حلقہ پی ایس 26 کا مکمل غیر حتمی غیر سرکاری نتیجہ سامنے آگیا ہے ، پی ایس 26 سے پیپلزپارٹی کے امیدوار سابق وزیر اعلی قائم علی شاہ کامیاب ہوگئے ہیں، انہوں نے 49866 ووٹ حاصل کیے جبکہ ان کے مد مقابل گرینڈ ڈیموکریٹک الائنس کے امیدوار امام بخش پھلپوٹو 14528 ووٹ لے کر دوسرے نمبرپر رہے

    پی ایس 83، پیپلز پارٹی کے سید صالح شاہ جیلانی کامیاب
    سندھ کی صوبائی اسمبلی کے حلقے پی ایس 83 دادو 4 میں غیر حتمی غیر سرکاری نتیجے میں پاکستان پیپلز پارٹی کے سید صالح شاہ جیلانی کامیاب ہوگئے ہیں،غیر حتمی غیر سرکاری نتیجے کے مطابقپی ایس 83 دادو 4 کے تمام166 پولنگ اسٹیشنز کے نتائج میں پیپلز پارٹی کےسید صالح شاہ جیلانی 52340 ووٹ لے کر کامیاب ہوئے،جی ڈی اے کے امداد حسین لغاری 22683 ووٹ لےکر دوسرے نمبر پر رہے

    پی بی 10 ڈیرہ بگٹی،پیپلز پارٹی کے سرفراز بگٹی جیت گئے
    پی بی 10 ڈیرہ بگٹی ، کا غیر حتمی، غیر سرکاری نتیجہ سامنے آیا ہے، سابق وفاقی وزیر داخلہ،پیپلز پارٹی کے امیدوارسرفراز بگٹی 41300 ووٹ لیکر کامیاب ہو گئے،جی ڈبیلو پی کے گہرام بگٹی 16ہزار ووٹ لیکر دوسرے نمبر پر رہے،

    پی بی13سے پی پی کے امیدوار صادق عمرانی کامیاب ہو گئے ہیں،

    آٹھ گھنٹے گزر گئے، الیکشن کمیشن نتائج دینے میں ناکام،آصف زرداری اسلام آباد،نواز گھر چلے گئے

    آبائی نشست سے متوقع ہار ،نواز شریف افسردہ ،ماسک پہن کر ماڈل ٹاؤن سے روانہ،تقریر بھی رہ گئی

    مخلوط حکومت کانام نہ لیں ایک پارٹی کی اکثریت ضروری ہے،نواز شریف

    انتخابات ابھی تک تو پُر امن ہیں،نگران وزیراعظم

    صوابی، این اے 20، ادینہ گاؤں میں خواتین ووٹر پر پابندی لگا دی گئی

    سیاسی جماعتوں کی خواتین امیدوار کم ، عدالت نے الیکشن کمیشن کو کیس بھیج دیا

    عمران خان کیخلاف بات کرنے پر پی ٹی آئی رہنما نے امام مسجد کو منافق کہہ دیا

    میں وعدے کر کے یوٹرن نہیں لیتا تھا، نواز شریف

  • ووٹر اپنی مرضی کے امیدوار کو آزادی سے ووٹ ڈالیں،چیف الیکشن کمشنر

    ووٹر اپنی مرضی کے امیدوار کو آزادی سے ووٹ ڈالیں،چیف الیکشن کمشنر

    چیف الیکشن کمشنر راجہ سکندر سلطان نے کہا ہے کہ ووٹر اپنی مرضی کے امیدوار کو آزادی سے ووٹ ڈالیں،

    چیف الیکشن کمشنر نے میڈیا سے گفتگوکرتے ہوئے کہا کہ امید ہے کہ انتخابات بخیریت و عافیت ہوں گے، ملک میں انٹرنیٹ سروس الیکشن کمیشن کی تجویز پر بند نہیں کی گئی اور نہ ہی اس سے سسٹم متاثر ہوگا،گزشتہ روز بلوچستان میں دہشتگردی کے واقعات ہوئے، سیکیورٹی صورتحال کاجائزہ لینا وزارت داخلہ اور ایجنسیز کا کام ہے، فون نیٹ ورک کی بحالی کیلئے حکومت سے رابطے میں ہیں، جب ممکن ہوگا انٹرنیٹ سروس بحال دی جائے گی،عوام کو حتمی پولنگ سکیم جاری ہوتے ہی اپنا ووٹ چیک کرلینا چاہیے تھا،الیکشن کمیشن نے بے بسی کا اظہار نہیں کیا، الیکشن کمیشن پہلے کی طرح مضبوط ہے،سیکیورٹی خدشات کی بنیاد پر موبائل سروس بند ہوتی ہے تو بحالی کے احکامات دینا ہمارا مینڈیٹ نہیں ہے،ریٹرننگ آفیسر (آر او) نے رات دو بجے تک نتیجہ جاری کرنا ہے، نتائج رات دو بجے سے پہلے بھی آ سکتے ہیں.

    پی ٹی آئی کے آزاد امیدوار بکاو مال ہیں جن کو ووٹر ہی ووٹ ڈالنا نہیں چاہتے، ملک ابرار
    این اے 55 سے مسلم لیگ ن کے امیدوار ملک ابرار نے میڈیا سے گفتگو کرتے ہوئے کہا کہ جو حالات کل رات کو دہشت گردی کے ہوئے اس کی وجہ سےانٹرنیٹ بند ہوا،وزارت داخلہ نے سیکیورٹی کے پیش نظر انٹرنیٹ بند کیا، میری تو درخواست ہے کہ انٹرنیٹ کھولیں تا کہ عوام کو مشکلات نا ہوں،میرے کسی مخالف امیدوار کو گرفتار نہیں کیا گیا، اشتہاری اگر گرفتاری پر پشیمان ہیں تو کیا کیا جا سکتا ہے، پی ٹی آئی والے آزاد اُمیدواروں کو ووٹ ڈالنا نہیں چاہتے، پی ٹی آئی کے آزاد امیدوار بکاو مال ہیں جن کو ووٹر ہی ووٹ ڈالنا نہیں چاہتے،

    واضح رہے کہ عام انتخابات، پاکستان بھر میں پولنگ کا عمل جاری ہے ووٹ حق رائے دہی استعمال کر رہے ہیں، ملک بھر میں سیکورٹی کے سخت انتظامات کئے گئے ہیں ، پولنگ کا عمل شام پانچ بجے تک جاری رہے گا.

    آڈیو کے بعد عمران خان کی جیل سے تصویر بھی” لیک”

    خواب کی تعبیر پر بڑے بڑے وزیر لگائے جاتے تھے،عون چودھری

    بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟

    شیر پر مہر لگانے کا کہنے والی ن لیگی قیادت خود عقاب پر مہر لگائیگی

    ووٹ صرف اصل شناختی کارڈ پر ہی ڈالا جا سکے گا، الیکشن کمیشن

    نتائج کب تک آئیں گے، اس پر کوئی حتمی وقت دینا ممکن نہیں، الیکشن کمیشن حکام