گلگت بلتستان اسمبلی کے 30 نو منتخب ارکان نے آج اپنی رکنیت کا حلف اٹھالیا، جس کے ساتھ ہی 2026 کے عام انتخابات کے بعد نئی اسمبلی کی آئینی مدت کا باقاعدہ آغاز ہوگیا ہے۔
اسپیکر گلگت بلتستان اسمبلی نذیر احمد ایڈووکیٹ نے نو منتخب ارکان سے حلف لیا پیپلز پارٹی کے 13، ن لیگ کے 9 ارکان نے حلف اٹھایا، جبکہ استحکام پاکستان پارٹی کے 6 اور ایم ڈبلیو ایم کے ایک رکن نے حلف اٹھایا پی ٹی آئی کے حمایت یافتہ آزاد رکن بھی حلف اٹھانے والوں میں شامل ہیں اب اسپیکر، ڈپٹی اسپیکر اور قائدِ ایوان کا انتخاب عمل میں لایا جائے گا-
اسپیکر کے انتخاب کے بعد وزیراعلیٰ کا انتخاب ہوگا، جو اطلاعات کے مطابق پیپلز پارٹی کے امجد حسین ایڈووکیٹ بلامقابلہ منتخب ہوں گے، جبکہ اسپیکر کے لیے بھی پیپلز پارٹی کے عمران ندیم پہلے ہی بلامقابلہ منتخب ہو چکے ہیں اسپیکر گلگت اسمبلی نے نومنتخب ارکان کو مبارکباد پیش کی ، بعد ازاں جی بی اسمبلی کا اجلاس دن آج 3 بجے دن تک ملتوی کر دیا گیا، اجلاس کے دوبارہ آغاز پر نئے اسپیکر اور ڈپٹی اسپیکر کا انتخاب کیا جائے گا-
واضح رہے کہ گلگت کے تین حلقوں کے انتخابی نتائج کا نوٹیفکیشن عدالتی احکامات کے باعث تاحال جاری نہیں کیا جا سکا، جس کے باعث ان نشستوں پر نمائندگی کا مرحلہ مکمل نہیں ہو سکا۔