Tag: عام انتخابات

چیف الیکشن کمشنر کا سخت رویہ، ملک بھر میں الیکشن کمیشن کے متعدد افسران بیمار پڑ گئے

الیکشن کمیشن حکام کو چیف الیکشن کمشنر کی جانب سے عزت نفس بار بار مجروح ہونے کی شکایات ہیں،باخبر ذرائع کے مطابق چیف الیکشن کمشنر کی جانب سے افسران کو روزانہ تضحیک آمیز رویے کا سامنا کرنا پڑتا ہے، چیف الیکشن کمشنر افسران کو ماتحت ملازمین کے سامنے طلب کر کے سر عام تضحیک کرتے ہیں،بار بار تضحیک آمیز رویے سے مرکزی سیکریٹریٹ سمیت ملک بھر میں متعدد افسران ذہنی دباو کا بھی شکار ہیں۔ میڈیا چینلز پر چلنے والی خبروں کا ذمہ دار بھی افسران کو ٹھہرایا جاتا ہے، چیف الیکشن کمشنر افسران کا ذاتی موبائل فون ضبط کرکے ریکارڈ بھی چیک کرتے ہیں،

ذرائع کے مطابق عزت نفس مجروح ہونے کے باعث کئی افسران کی طبیعت خراب ہوئی، بعض افسران کئی بار طبیعت ناسازی کے باعث الیکشن کمیشن سے ہسپتال چیک اپ کے لیے گئے، افسران کو بیماری کی حالت میں بھی زبردستی دفتر بلایا جاتا ہے، سابق سیکریٹری عمر حمید بھی توہین آمیز روپے کا شکار رہے،عمر حمید کی خرابی صحت اور استعفی میں تضحیک آمیز روپے کا عنصر بھی شامل تھا۔ عمر حمید خان نے تضحیک آمیز رویے سے دلبرداشتہ ہو کر استعفی دیا،

واضح رہے کہ آٹھ فروری کو ملک بھر میں عام انتخابات ہو رہے ہیں، الیکشن کمیشن نے بھر پور تیاریاں کر رکھی ہیں،

نگران وفاقی وزیر اطلاعات مرتضیٰ سولنگی نے پریس کانفرنس کرتے ہوئے کہا ہے کہ انتخابات کے حوالے سے قیاس آرائیوں سے گریز کرنا چاہئے،

مرتضیٰ سولنگی کا کہنا تھا کہ انتخابات کی کوریج کے لئے غیر ملکی میڈیا کے نمائندے پہلے ہی پاکستان میں موجود ہیں، بہت سے غیر ملکی صحافیوں نے الیکشن کی کوریج کے لئے ویزوں کی درخواستیں دی ہیں، مبصرین اور غیر ملکی صحافیوں کو 49 ویزے جاری کر دیئے ہیں، 32 درخواستوں پر ویزے دینے کا عمل جاری ہے، پاکستان ہائی کمیشن نئی دہلی سے تقریباً 24 اجازت ناموں کی درخواستیں پراسیس میں ہیں، میڈیا کے مختلف اداروں کی طرف سے 174 مجموعی درخواستیں موصول ہوئی ہیں، غیر صحافی کیٹیگری میں صرف برطانیہ سے 25 درخواستیں پراسیس میں ہیں، رشین فیڈریشن کی طرف سے 8 درخواستیں، جاپان سے 13 درخواستیں انڈر پراسیس ہیں، کینیڈا سے 5 پارلیمنٹ کے ارکان نے درخواستیں دی ہیں، کامن ویلتھ سے پانچ درخواستیں پراسیس میں ہیں،

مرتضیٰ سولنگی کا کہنا تھا کہ پاکستان کے اندر سے بہت سے صحافیوں کو ایکریڈیٹیشن کارڈز دیئے گئے ہیں،اس وقت تک 6065 صحافیوں کو ایکریڈیٹیشن کارڈ دیئے گئے ہیں، لاہور سے 1200، کراچی 1470، پشاور سے 1050، کوئٹہ سے 600، حیدر آباد سے 355، فیصل آباد سے 250 اور ملتان سے 290 صحافیوں کو ایکریڈیٹیشن کارڈز دیئے گئےبین الاقوامی صحافی اور آبزرورز کراچی، لاہور اور اسلام آباد کے لئے اجازت نامے لئے رہے ہیں، ان تین شہروں کے علاوہ اگر کوئی غیر ملکی صحافی کسی دوسرے شہر میں جانا چاہے تو اس کا کیس ٹو کیس جائزہ لیا جائے گا،20 جنوری کی تاریخ گذرنے کے باوجود اب بھی الیکشن کمیشن اور وزارت اطلاعات کے متعلقہ ادارے ان درخواستوں کو دیکھ رہے ہیں،

عدلیہ کیخلاف گھٹیا اور غلیط مہم چلانے پر سینکڑوں اکاؤنٹ بند کیے،

مجھے بلے کی آفر ہوئی میں نے انکار کر دیا

بلے کے نشان کے بعد پی ٹی آئی کا نام و نشان بھی ختم ہوجائےگا ۔

 پی ٹی آئی کے ساتھ آج جو کچھ ہو رہا ہے وہ اسکا اپنا کیا دھرا ہے ،

عمران خان نے تبدیلی کے نام پر عوام کو دھوکہ دیا

الیکشن میں میں جہاں بھی ہوں گا وہاں جیت ہماری ہی ہوگی

 بانی پی ٹی آئی اب قصہ پارینہ بن چکے

الیکشن کمیشن،این اے 171 رحیم یار خان میں پی ٹی آئی امیدوار ممتاز مصطفیٰ کی جانب سے ریٹرننگ افسر کو دھمکیاں دینے کا معاملہ،الیکشن کمیشن ممبر نثار درانی کی سربراہی میں چار رکنی کمیشن نے سماعت کی

ممتاز مصطفیٰ وکیل بیرسٹر اکرم شیخ کے ہمراہ الیکشن کمیشن پیش ہوئے،وکیل الیکشن کمیشن نے کہا کہ ممتاز مصطفیٰ کے خلاف تحقیقات کے بغیر کاروائی شروع کی گئی، ممبر نثار درانی نے کہا کہ ڈی پی او نے انکوائری کر کے رپورٹ جمع کرائی ہے، ڈی آر او اور ریٹرننگ افسر اپنا بیان جمع کروا چکے ہیں،وکیل اکرم شیخ نے کہا کہ ممتاز مصطفیٰ کو سازش کے تحت اس کیس میں پھنسایا گیا ہے، صاف اور شفاف انتخابات کرانا الیکشن کمیشن کی بنیادی ذمہ داری ہے، این اے 171 کے آر او پہلے سے ممتاز مصطفیٰ کے خلاف ہے، فائرنگ کا اگر ایک واقعہ ثابت ہو جائے تو بے شک ممتاز مصطفیٰ کو تاحیات نا اہل کردیں، ممتاز مصطفیٰ کے خلاف دہشتگردی کا مقدمہ درج کرایا ہے،الیکشن کمیشن ممتاز مصطفیٰ کو الیکشن مہم چلانے کی اجازت دے،

سپیشل سیکریٹری الیکشن کمیشن نے کہا کہ رپورٹ کے مطابق ممتاز مصطفیٰ نے آر او کے دفتر پر حملہ کیا، ڈسٹرکٹ ریٹرننگ افسر کے دفتر جاکر الیکشن کا عمل روکا گیا، ڈی آر او کے دفتر کے باہر فائرنگ کی سی سی ٹی وی ویڈیوز موجود ہیں، دوران سماعت آر او آفس پر حملے کی ویڈیوز چلائی گئیں، ممتاز مصطفیٰ نے کہا کہ قرآن مجید پر حلف دینے کو تیار ہوں، آر او کو کوئی دھمکیاں نہیں دیں، آر او آفس میں جو ہوا اس میں میری کوئی ذمہ داری نہیں، ثابت کیا جائے کہ میں درجنوں افراد آر او آفس لیکر گیا، وکیل اکرم شیخ نے کہا کہ 9 مئی کے واقعات میں ملوث لوگ انتخابات میں حصہ لے رہے ہیں، ڈی آر او اور آر او پر مجھے جرح کرنے کی اجازت دی جائے، سپیشل سیکریٹری الیکشن کمیشن نے کہا کہ ورکرز پارٹی کیس میں الیکشن عمل روکنے پر امیدوار کو نا اہل کیا گیا،

ممبر نثاردرانی نے ریمارکس دیتے ہوئے کہا کہ ہمارے سامنے پی ٹی آئی، پیپلز پارٹی اور مسلم لیگ ن برابر ہیں،ایسا تاثر دینا غلط ہے کہ الیکشن کمیشن کا کسی سیاسی جماعت کی طرف جھکائو ہے، الیکشن کمیشن نے این اے 171 میں ریٹرننگ افسر کو دھمکیاں دینے کے کیس کا فیصلہ محفوظ کرلیا

 پی پی 162 میں پیپلز پارٹی کے انتخابی دفتر پر پیٹرول بم پھینکنے کا مقدمہ درج 

قوم کو بتایا جائے شہیدوں کے خون کاسودا کس نے کیا،بلاول

آج بھی کچھ قوتیں نہیں چاہتیں ذوالفقار بھٹو کو انصاف ملے،بلاول

جو شخص تین بار فیل ہوا وہ چوتھی بار کیا تیر مارے کا ،بلاول بھٹو کا نواز شریف پر وار

ہمارا مقابلہ سیاستدانوں سے نہیں بلکہ مہنگائی بھوک اور بے روزگاری سے ہیں،بلاول بھٹو

واضح رہے کہ رحیم یارخان تحریک انصاف کے امیدوار کی جانب سے مرضی کا انتخابی نشان مانگنے اور آر او کو دھمکیاں‌دینے پر امیدوار کے خلاف دہشت گردی ایکٹ کے تحت مقدمات درج کرلیے گئے ہیں،پولیس حکام کے مطابق تحریک انصاف کے وکلا اور امیدواروں کے خلاف تین مقدمے درج کئے گئے ہیں، مقدمے دہشتگردی ایکٹ کے تحت درج کئے گئے ہیں،مقدمے میں این اے 171 سے تحریک انصاف کے امیدوار، اسکے حامی اور وکلاء کو نامزدکیا گیا ہے، درج مقدمے کے مطابق ملزمان نے آر او آفس میں گھس کر آر او محمد شفیق کے ساتھ بدتمیزی کی، گالم گلوچ کی، گریبان پکڑا، دھمکیاں‌دیں، زبردستی اپنی مرضی کا نشان مانگا

واضح رہے کہ رحیم یار خان میں ڈی سی اور ڈی آر او آفس میں تحریک انصاف کے امیدوار زبردستی گھس گئے تھے اور حلقہ این اے171 سے پی ٹی آئی امیدوار انتخابی دستاویزات میں من پسند رد و بدل کرنا چاہتے تھے اس موقع پر تحریک انصاف کے امیدوار کے حامیوں نے دفتری عملے سے بد تمیزی کی، سرکاری انتخابی دستاویزات چھیننے کی کوشش کی، ممتاز مصطفیٰ کے حامیوں نے ڈی آر و اور عملے کو یرغمال بنایا.

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

سمیرا ملک نے آزاد حیثیت میں انتخابات میں حصہ لینے کا اعلان کیا

عام انتخابات، آصفہ انتخابی مہم چلانے کے لئے میدان میں آ گئیں

صارفین کا کہنا ہے کہ "تنظیم سازی” کرنے والوں‌کو ٹکٹ سےمحروم کر دیا گیا

سماعت سے محروم بچوں کے والدین گھبرائیں مت،آپ کا بچہ یقینا سنے گا

عام انتخابات، پاکستان میں موروثی سیاست کا خاتمہ نہ ہو سکا،

الیکشن کمیشن نے پولنگ عملے کی تربیت کے دوران غیر حاضری کے واقعات کا سخت نوٹس لے لیا

ترجمان الیکشن کمیشن کا کہنا ہے کہ غیر حاضر رہنے والے عملے اور سٹاف کے خلاف سخت انضباطی کاروائی کرنے کا فیصلہ کیا گیا ہے،چیف الیکشن کمشنر کی جانب سے تمام چیف سیکرٹریز اور صوبائی الیکشن کمشنرز کو ہدایات جاری کر دی گئیں۔ پولنگ سٹاف کی تربیت کے دوران حاضری کو یقینی بنایا جائے۔ تربیت کے دوران غیر حاضر رہنے والے ملازمین کی فوری معطلی اور ان کے خلاف ضابطہ کی سخت ترین کاروائی یقینی بنائی جائے۔اس سلسلے میں کوئی غفلت اور کوتاہی برداشت نہیں کی جائے گی۔

دوسری جانب عام انتخابات 2024میں ایسے پولنگ اسٹیشنز کاانکشاف ہواہے کہ اگر وہاں 50گھنٹے مسلسل ووٹ ڈالے جائیں پھر بھی سو فیصد ووٹ کاسٹ نہیں ہوسکتے ہیں،الیکشن کمشین نے 6978ووٹر پر مشتمل پولنگ سٹیشن بنادیا ہے –الیکشن کمیشن آف پاکستان نے پولنگ اسٹیشنز بنانے کے لیے12سو ووٹرز کا قانون یکسر نظر انداز کردیا،جب کہ پولنگ بوتھ 300ووٹرز پر بنانےکا قانون ہے اور الیکشن کمیشن نے17سو سے بھی زائد ووٹرز پر ایک پولنگ بوتھ بنادیا ایک گھنٹے میں ایک پولنگ بوتھ پر زیادہ سے زیادہ 40ووٹ مثالی حالات میں ڈالے جاسکتے ہیں۔ ترجمان الیکشن کمیشن کو سوالات بھیجنے اور رابطہ کرنے کے باوجود موقف نہیں دیا.

جس طرح جیل میں ملزم (عمران خان) نے برتاؤ کیا ہم نے وہ بھی برداشت کیا،ممبر الیکشن کمیشن

انتخابی مہم،پیسے دینے کی ویڈیو وائرل،سینیٹر طلحہ محمود کی الیکشن کمیشن طلبی

صارفین کا کہنا ہے کہ "تنظیم سازی” کرنے والوں‌کو ٹکٹ سےمحروم کر دیا گیا

شیر افضل مروت کی پریس کانفرنس سے لاتعلقی کا اظہار

بشریٰ بی بی نے شوہر کے لئے چار سہولیات مانگ لیں

پی ٹی آئی کورکمیٹی میں اختلافات،وکیل بھی پھٹ پڑا

 مروت کی گرفتاری کے بعد الیکشن کمیشن کس منہ سے کہتا ہے لیول پلینگ فیلڈ تحریک انصاف کو دی 

 ایسا ریکارڈ نہیں جس سے شیر افضل مروت کے خلاف کوئی کرپشن چارجز ہوں

چاہت فتح علی خان الیکشن کمیشن کے دفتر پہنچ گئے

انتخابی مہم میں پلاسٹک کے بنے پینا فلیکس پر پابندی عائد کرنے کا امکان

عام انتخابات میں چند روز باقی،انتخابات کی شفافیت پر سوالیہ نشان ،الیکشن کمیشن کے مرکزی سیکرٹیریٹ کو صحافیوں کے لیے نو گو ایریا بنا دیا گیا

اسلام آباد میں الیکشن کمیشن سیکرٹریٹ میں صحافیوں کو میڈیا روم کے علاوہ کہیں نہیں جانے دیا جا رہا، ذرائع الیکشن کمیشن کے مطابق خصوصی ہدایات ہیں کہ صحافی الیکشن کمیشن کے کسی ڈیپارٹمنٹ سے خبر حاصل نہ کر سکیں، اعلی حکام الیکشن کمیشن کے افسران اور اہلکاروں کی کڑی نگرانی کر رہے ہیں، الیکشن کمیشن کے اعلیٰ حکام نےصحافیوں کو انتخابات سے متعلق خبروں سے دور رکھنے کا منصوبہ بنارکھا ہے،الیکشن کمیشن کے مرکزی سیکرٹیریٹ کی ہر راہداری میں ایف سی اور پولیس اہلکار تعینات کئے گئے ہیں،سیکورٹی اہلکاروں کا کہنا ہے کہ ہمیں ہدایات ہیں کہ صحافیوں کو صرف میڈیا روم تک محدود رکھا جائے، لاہور ہائی کورٹ بہاولپور بینچ میں انتخابی نشانات کی زبردستی تبدیلی سے متعلق کیس کی سماعت بھی گزشتہ روز خاموشی سے کی گئی،میڈیا کو کورٹ روم اور لاء ونگ تک جانے کی اجازت بھی نہیں دی جا رہی.اسلام آباد سے صحافی محمد اویس کے مطابق الیکشن کمیشن آفس میں صحافیوں‌کو ترجمان الیکشن کمیشن کے دفتر تک جانے کی بھی اجازت نہیں دی جا رہی.

عام انتخابات 2024 میں سکیورٹی اہلکاروں کے لیے ضابطہ اخلاق جاری
الیکشن کمیشن کی جانب سے جاری ضابطہ اخلاق میں کہا گیا ہے کہ سکیورٹی اہلکار تمام پولنگ سٹیشن کے ڈیوٹی پر موجود ہوں گے،سکیورٹی اہلکار پر امن ماحول کو یقینی بنائیں گے،سکیورٹی اہلکاروں پر بیلٹ پیپرز کی باحفاظت نقل و حرکت کو پہنچانے کی زمہ داری ہو گی،سکیورٹی اہلکار صاف شفاف اور پر آمن انتخابات کے انعقاد کو یقینی بنائیں گے،پاک فوج اور سول آرمڈ فورسز کیلئے الگ ضابطہ اخلاق جاری کیا جائے گا۔بیلیٹ پیپرز کی چھپائی کے دوران پرنٹنگ کارپوریشنز کی سیکورٹی کیلئے اہلکار تعینات کیے جائیں گے، بیلیٹ پیپرز کی ریٹرننگ افسران تک ترسیل پر بھی سیکورٹی اہلکار تعینات ہونگے، ریٹرننگ افسران کے دفاتر سے پولنگ اسٹیشنز تک بیلیٹ پیپرز کی ترسیل بھی سیکورٹی کی نگرانی میں ہو گی،انتخابی مواد کی ترسیل، پولنگ، گنتی اور نتائج مرتب ہونے تک سیکورٹی اہلکار تعینات ہونگے،پولنگ کے دوران پولنگ اسٹیشن میں قیام امن کی ذمہ داری پریزائڈنگ افسر کی سربراہی میں سیکورٹی اہلکاروں کی ہو گی ،سیکورٹی اہلکار انتخابی عمل کے دوران غیر جانبدار رہیں گے، سیکورٹی اہلکار کسی جماعت یا امیدوار کے حق یا مخالفت میں کام نہیں کرے گا،سیکورٹی اہلکار کسی ووٹر سے اس کی شناخت کا ثبوت نہیں مانگے گا، کسی ووٹر کے پولنگ اسٹیشن میں داخلے کے حق کو سلب نہیں کیا جا سکتا،
سیکورٹی اہلکار کسی صورت پولنگ عملہ کے فرائض انجام نہیں دے سکتا،کوئی سیکورٹی اہلکار انتخابی مواد کو اپنی تحویل میں نہیں لے سکتا، پریزائڈنگ افسر کی ہدایت کے بغیر اہلکار کسی شخص کو پولنگ اسٹیشن سے گرفتار نہیں کر سکتا، اہلکار کسی بھی واقعہ پر پریزائڈنگ افسر کی ہدایت کے بغیر کارروائی نہیں کر سکتا، سیکورٹی اہلکار کسی امیدوار، پولنگ ایجنٹ، مبصر یا میڈیا سے بحث نہیں کرے گا،

لاہور سے قومی و صوبائی اسمبلی کی 44 نشستوں پر1079 امیدوار مدمقابل
لاہور سے قومی و صوبائی اسمبلی کی 44 نشستوں پر امیدواروں کی حتمی فہرستیں جاری کر دی گئی،لاہور سے قومی و صوبائی اسمبلی کی 44 نشستوں پر1079 امیدوار مدمقابل ہیں،الیکشن کمیشن نے لاہور ہائیکورٹ کے فیصلوں کے بعد فہرستیں جاری کردیں ،چودہ قومی اسمبلی کی نشستوں پر 266 امیدوار مدمقابل ہیں،30 صوبائی اسمبلی کی نشستوں پر 813 امیدوار مدمقابل ہیں،قومی اسمبلی کے حلقہ این اے 120 میں سب سے زیادہ 27 امیدوار مدمقابل ہیں،این اے 120 سے ن لیگ سردار آیاز صادق میدان میں ہونگے ،این اے 118 میں سب سے کم 18امیدوار مدمقابل ہیں،این اے 118 سے حمزہ شہباز اور پی ٹی آئی کی عالیہ حمزہ میدان میں ہیں ،صوبائی اسمبلی کی نشست پی پی 161 میں سب سے زیادہ 46 امیدوار مدمقابل ہیں،پی پی 150 میں سب سے کم 13 امیدوار مدمقابل ہیں،

لاہور کے حلقہ این اے 130 میں مسلم لیگ ن کے قائد میاں نواز شریف اور تحریک انصاف کی ڈاکٹر یاسمین راشد کا مقابلہ ہوگا،یاسمین راشد اس سیٹ سے پہلے الیکشن ہار چکی ہیں، نواز شریف کی نااہلی کے بعد اسی حلقے سے بیگم کلثوم نواز ضمنی الیکشن جیتی تھیں،مرکزی مسلم لیگ کے خالد مسعود سندھو بھی اس سیٹ سے الیکشن لڑ رہے ہیں

این اے 122 میں خواجہ سعد رفیق اور لطیف کھوسہ کا سخت مقابلہ متوقع ہے۔ مرکزی مسلم لیگ کے حافظ طلحہ سعید اس حلقے سے امیدوار ہیں،حلقہ این اے 127 میں پیپلز پارٹی چیئرمین بلاول زرداری اور ن لیگی امیدوار عطااللہ تارڑ ، تحریک انصاف کے ظہیر عباس کھوکھر امیداور ہیں،حلقہ این اے 129 میں حماد اظہر کے والدمیاں اظہر اور حافظ نعمان آمنے سامنے ہوں گے،این اے 128 سے بیرسٹر سلمان اکرم راجہ تحریک انصاف کے حمایت یافتہ امیدوار ہیں۔ تاہم ن لیگ نے اس حلقے سے آئی پی پی سے سیٹ ایڈجسٹمنٹ کے تحت اپنا امیدوار کھڑا نہیں کیا ،عون چودھری اس حلقے سے امیدوار ہیں جنہیں مسلم لیگ ن کی بھی حمایت حاصل ہے،این اے 119 سے مریم نواز، این اے 118 سے حمزہ شہباز اور این اے 123 سے شہباز شریف،این اے 120 سے ایاز صادق، این اے 121 سے شیخ روحیل اصغر، این اے 124 سے رانا مبشر اقبال اور این اے 125 سے افضل کھوکھر ن لیگ کے مضبوط امیدوار تصور کیے جارہے ہیں

انتخابی نشان ماچس،کتاب سے مشابہت رکھتی،مخالف کا نشان تبدیل کیا جائے، امیدوار
علاوہ ازیں جے یو آئی نے الیکشن کمیشن سے رجوع کیا ہے ،درخواست میں کہا گیا ہے کہ این اے 45 سے ایک مخالف امیدوار کو ماچس کا انتخابی نشان دیا ہے جو انکی پارٹی کے نشان کتاب سے مشابہت رکھتا ہے تبدیل کیا جائے ،پہلی درخواست ہے جو مخالف امیدوار کا نشان تبدیل کروانے متعلق ہے اور مشابہت بھی ایسی کہ ریٹرننگ افسر کو یقین ہوجائے.

قیصر ہ الہیٰ کو انتخابی نشان نہ مل سکا، عدالت میں درخواست دائر
لاہور ہائیکورٹ،قیصرہ الہی نے این اے 64 اور پی پی 32 میں مور کے انتخابی نشان کے لیے درخواست دائر کردی،قیصرہ الہی نے ایڈووکیٹ فرمان منیس کے توسط سے درخواست دائر کی، درخواست میں مؤقف اختیار کیا گیا کہ لاہور ہائیکورٹ نے کاغذات نامزدگی منظور کرنے کا حکم جاری کیا،الیکشن کمیشن نے ابھی تک انتخابی نشان الاٹ نہیں کیا،ریٹرننگ آفیسر نے انتخابی نشان کے لیے درخواست وصول کرنے سے انکار کیا،دونوں حلقہ ایک ہی علاقہ میں واقع ہیں،حلقہ میں کسی امیدوار کو مور کا انتخابی نشان الاٹ نہیں کیا گیا،عدالت الیکشن کمیشن کو مور بطور انتخابی نشان الاٹ کرنے کا حکم دے،

انتخابی مہم میں پلاسٹک کے بنے پینا فلیکس پر پابندی عائد کرنے کا امکان

غیر ملکی خاتون کے سامنے 21 سالہ نوجوان نے پینٹ اتاری اور……خاتون نے کیا قدم اٹھایا؟

بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

50 ہزار میں بچہ فروخت کرنے والی ماں گرفتار

واش روم استعمال کیا،آرڈر کیوں نہیں دیا؟گلوریا جینز مری کے ملازمین کا حاملہ خاتون پر تشدد،ملزمان گرفتار

خاتون کی لاش کے کئے 56 ٹکڑے، ٕگوشت بھی کھایا ، ملزمان کا تہلکہ خیز انکشاف

گرل فرینڈ کی لاش کے 35 ٹکڑے کرنیوالے ملزم نے کیا عدالت میں جرم کا اعتراف

پاکستان میں جتنا پلاسٹک ویسٹ ہے اس سے کے ٹو کا پہاڑ دو دفعہ کھڑا ہو سکتا ہے

دور دراز اور ناقابل رسائی علاقوں میں الیکشن میٹیریل کی ترسیل ہیلی کاپٹر کے ذریعے کرنے کا فیصلہ
نگراں وزیر اعلٰی بلوچستان میر علی مردان خان ڈومکی کی زیر صدارت بلوچستان میں عام انتخابات کے پر امن انعقاد سے متعلق اعلٰی سطحی اجلاس ہوا،اجلاس میں صوبائی انتظامی سیکرٹریز ، ڈویژنل کمشنرز ، ڈپٹی کمشنرز اور پولیس حکام نے شرکت کی، صوبے میں انتہائی حساس پولنگ اسٹیشنوں پر سیکورٹی تعیناتی،سی سی ٹی وی کیمروں کی تنصیب اور انتخابی سامان کی بروقت ترسیل سے متعلق اہم فیصلے کئے گئے،چیف سیکرٹری بلوچستان شکیل قادر خان ، ایڈیشنل چیف سیکرٹری داخلہ زاہد سلیم اور ڈویژنل کمشنرز نے بریفنگ دی، جس میں کہا گیا کہ حساس اور انتہائی حساس پولنگ اسٹیشنوں پر آٹھ ہزار سی سی ٹی وی کیمرے نصب ہوں گے،انتخابات میں حسب الطلب پولیس اور لیویز اہلکاروں کی تعیناتی کے لئے نفری کا انتظام کیا جاررہا ہے، الیکشن ڈیوٹی کے لئے ریٹائرڈ سیکورٹی اہکاروں کی خدمات بھی حاصل کی جائیں گی، اجلاس میں فیصلہ کیا گیا کہ دور دراز اور ناقابل رسائی علاقوں میں الیکشن میٹیریل کی ترسیل ہیلی کاپٹر کے ذریعے ہوگی ، زیارت اور سرد علاقوں میں ممکنہ برف باری کی صورت میں بھاری مشینری متعلقہ ڈسٹرکٹس میں موجود ہوگی ،

نگراں وزیر اعلٰی بلوچستان میر علی مردان خان ڈومکی کا کہنا تھا کہ الیکشن سے متعلق اب تک اٹھائے گئے اقدامات اطمینان بخش ہیں، قیام امن کیلئے اٹھائے گئے اقدامات میں مزید بہتری لائی جائے، الیکشن سے متعلق امیدواروں اور عوام کے تحفظات کا فوری ازالہ کیا جائے، علاقائی حالات کے مطابق بحالی امن کے لئے کنٹی جنسی پلان تشکیل دئیے جائیں، عوام کو حق رائے دہی کے استعمال کے لئے سازگار فضا قائم کی جائے، امن و امان کی صورتحال پر کڑی نظر رکھی جائے، نسیکورٹی اہلکاروں کی کمی سے نمٹنے کیلئے تجویز کردہ اقدامات پر بلا تاخیر کام شروع کیا جائے، لوگوں کے چھوٹے چھوٹے مسائل اور شکایات فوری طور پر حل کی جائیں تاکہ آنے والے دنوں میں مشکلات پیدا نہ ہوں،

ضابطہ اخلاق کی خلاف ورزی،آزاد امیدوار کو جرمانہ
پشاور عام انتخابات 2024،ضابطہ اخلاق کی مانیٹرنگ جاری ہے،مقررہ سائز سے بڑے بل بورڈز لگانے پر ڈسٹرکٹ مانیٹرنگ آفیسر مردان کی کارروائی ،پی کے 58 مردان سے آزاد امیدوار ذوالفقار خان کو 25 ہزار روپے جرمانہ کر دیا، ڈپٹی کمشنر مردان کو جرمانہ وصول کرکے سرکاری خزانہ میں جمع کرکے چالان پیش کرنیکی ہدایت کی گئی ہے،امیدوار کو 16 جنوری کو نوٹس جاری کرکے 17 جنوری کو پیش ہونیکی ہدایت کی گئی،وہ یا ان کی طرف سے کوئی نمائندہ وضاحت کے لئے پیش نہیں ہوا، ڈسٹرکٹ مانیٹرنگ آفیسر مردان نے یک طرفہ کارروائی کرتے ہوئے امیدوار کو جرمانہ کردیا،

ڈسٹرکٹ مانیٹرنگ آفیسر نجیب اللہ کاکڑ، زیارت بلوچستان نے انتخابی ضابطہ اخلاق کی خلاف ورزی کرنے پر مسلم لیگ ن کے صوبائی اسمبلی پی بی 7 کے امیدوار نور محمد دمڑ پر 40 ہزار روپے جرمانہ عائد کیا،ڈسٹرکٹ مانیٹرنگ آفیسر مردان نے پی کے 54 مردان سے اے این پی کے امیدوار گوہر علی شاہ پر 10 ہزار روپے اور پی کے 61 مردان سے ن لیگی امیدوار جمشید خان پر 10 ہزار روپے کا جرمانہ عائد کیا ،

الیکشن کمیشن کا آئندہ عام انتخابات کی تیاریوں سے متعلق آج ایک اہم اجلاس منعقد ہوا۔

اجلاس کی صدارت چیف الیکشن کمشنر جناب سکندر سلطان راجہ نے کی۔اجلاس میں معزز ممبران الیکشن کمیشن کے علاوہ سیکرٹری وزارت داخلہ،چاروں صوبوں کے چیف سیکرٹری صاحبان، آئی جی صاحبان، دیگر لا انفورسمنٹ ایجنسیوں کے نمائندگان، چیف کمشنر اسلام آباد، سیکرٹری الیکشن کمیشن اور دیگر اعلیٰ افسران نے شرکت کی۔چیف کمشنر نے اجلاس کے شرکاء سے خطاب کرتے ہوئے عام انتخابات کے پرامن انعقاد کی اہمیت پر زور دیا۔انہوں نے کہا کہ انتظامیہ اور لا انفورسمنٹ ایجنسیز کی ذمہ داری ہے کہ وہ آئیندہ عام انتخابات کے پرامن،محفوظ اور کامیاب انعقاد کے لیے بروقت انتظامی و حفاظتی انتظامات یقینی بنائیں تاکہ سیاسی جماعتوں، امیدواروں اور ووٹرز کو انتخابات کے حوالے سے ایک سازگار ماحول فراہم کیا جائے جس میں وہ بلا خوف و خطر اپنا حق رائے دہی استعمال کر سکیں۔

چیف سیکرٹری صاحبان، آئی جی صاحبان اور چیف کمشنر اسلام آباد نے اجلاس کو بتایا کہ انتخابات کے انعقاد کے لیے ان کے تمام انتظامات مکمل ہیں اور ہر قسم کی صورت حال سے نمٹنے کے لیےتمام تر پیش بینی اور تیاری مکمل ہے۔اجلاس کو بتایا گیا کہ ملک کے کچھ حصوں میں تھریٹ الرٹس ہیں لیکن پر امن انتخابات کے انعقاد کے لیے کوئی کسر اٹھا نہیں رکھی جائے گی۔اجلاس کو بتایا گیا کہ سیلاب سے متاثرہ پولنگ سٹیشنوں کی مرمت کا کام تیزی سے جاری ہے اور الیکشن سے قبل اسے ہر صورت مکمل کر لیا جائے گا۔تمام حساس ترین پولنگ سٹیشنوں پر سی سی ٹی وی کیمروں کی تنصیب کے انتظامات بھی مکمل ہیں۔تمام متعلقہ اداروں کو فنڈز کی بروقت فراہمی کو یقینی بنایا جا رہا ہے۔

چیف سیکرٹری خیبر پختونخواہ نے اجلاس کو بتایا کہ برف باری سے متاثرہ اضلاع میں الیکشن کے دن تمام سڑکوں اور راستوں کو کھلا رکھنے اور پولنگ سٹیشنوں تک عوام کی رسائی کو یقینی بنایا جائے گا۔ چیف الیکشن کمشنر سکندر سلطان راجہ نے ہدایات دیں کہ تمام سیاسی جماعتوں کے راہنماؤں اورووٹرزکی سیکیورٹی یقینی بنائی جائے، مزید انتخابی ریلیوں اور جلسوں کو بھی مناسب سیکیورٹی مہیا کی جائے۔اور الیکشن کے ضابطہ اخلاق پر سختی سے عمل کروایا جائے۔

چیف سیکرٹری بلوچستان نے بتایا کہ پولنگ سٹیشن سطح پر امن کمیٹیاں بھی قائم کی جا رہی ہیں تاکہ پولنگ سٹیشنوں پر پرامن ماحول برقرار رکھنے میں مدد مل سکے۔چیف سیکرٹری پنجاب نے بتایا کہ انتخابی نشانات کی الاٹمنٹ میں تبدیلی کے متعلق واضح پالیسی ہدایات جاری کی جائیں تاکہ الیکشن میں تاخیر نہ ہو ۔چیف الیکشن کمشنر نے بتایا کہ بیلٹ پیپرز کی پرنٹنگ کا کام جاری ہے۔لہذا اس موقع پر اگر انتخابی نشان میں تبدیلیاں کی گئی تو ان حلقوں میں الیکشن کروانا مشکل ہو جائے گا۔ سیکرٹری وزارت داخلہ نے اجلاس کو بتایا کہ الیکشن کے لیے وفاقی سطح پر کنٹرول روم بنا دیے گئے ہیں۔وزارت داخلہ تمام اداروں کے ساتھ رابطہ میں ہے اور الیکشن کمیشن کی معاونت اور پرامن انتخابات کے انعقاد کے لیے تمام تر اقدامات مکمل ہیں۔

چیف الیکشن کمشنر نے اجلاس کے شرکا ء کا شکریہ ادا کرتے ہوئے الیکشن کے انعقاد کے لیے جملہ اقدامات اور انتظامات پر اطمینان کا اظہار کیا۔انہوں نے کہا کہ آئین کے آرٹیکل (3) 218 کے تحت پرامن اور شفاف انتخابات کا انعقاد الیکشن کمیشن کی ذمہ داری ہے اور الیکشن کمیشن اس حوالے سے اپنی ذمہ داری کو پوری تندہی سے پورا کرے گا۔تمام آئی جی صاحبان کو یہ یقین دہانی کرائی گئی کہ جہاں بھی پولیس کی تعداد میں کمی ہوگی وہاں پر دیگر سکیورٹی ایجنسز سے اس کو پورا کیا جائے گا۔ انتخابات کے پرامن انعقاد میں کسی ادارے یا پولنگ سٹاف کی کوتاہی کو برداشت نہیں کیا جائے گا۔ اگر کسی امیدوار یا کسی دیگر شخص نے قانون اور ضابطہ اخلاق کی خلاف ورزی کی تو ان کے خلاف بھی قانون کے مطابق سخت کاروائی عمل میں لائی جائے گی۔انتخابات کی سخت مانٹرنگ ہو گی اور انتخابات مقررہ تاریخ کو ہی منعقد ہوں گے۔

مریم نواز کے جلسے میں پارٹی پرچم پھاڑنے والے طالب علموں پر مقدمہ درج

صارفین کا کہنا ہے کہ "تنظیم سازی” کرنے والوں‌کو ٹکٹ سےمحروم کر دیا گیا

سماعت سے محروم بچوں کے والدین گھبرائیں مت،آپ کا بچہ یقینا سنے گا

گجرات پولیس کے ہاتھوں امریکی پولیس کا اہلکار گرفتار

عام انتخابات، آصفہ انتخابی مہم چلانے کے لئے میدان میں آ گئیں

عام انتخابات، پاکستان میں موروثی سیاست کا خاتمہ نہ ہو سکا،

عام انتخابات 2024 ،سیکیورٹی صورتحال کا جائزہ لینے کے لیے الیکشن کمیشن میں اہم اجلاس ہوا،

چیف الیکشن کمشنر نے اجلاس کی صدارت کی،اجلاس میں وزارت داخلہ سمیت چاروں صوبوں کے اعلیٰ حکام شریک تھے،وفاقی اور چاروں صوبوں کی پولیس کے اعلیٰ حکام بھی اجلاس میں شریک تھے،اجلاس میں فیصلہ کیا گیا کہ پولنگ سٹیشنز پر پولیس اور قانون نافذ کرنے والے اداروں کی بھاری نفری تعینات کی جائے گی۔سیاست دانوں کو ملنے والے تھریٹس پر فول پروف سیکورٹی دینے کی ہدایت کی گئی،

اجلاس کے بعد آئی جی پنجاب نے میڈیا کے نمائندوں سے گفتگو کی ہے ،آئی جی پنجاب کا کہنا تھا کہ پنجاب میں 19 سیاست دانوں کو سیکیورٹی تھریٹس ہیں، سیکیورٹی وجوہات کی بنا پر سیاستدانوں کا نام نہیں بتا سکتا،پنجاب میں 92 ہزار سیکیورٹی اہلکاروں کی قلت کا سامنا ہے، پنجاب میں انتخابات کے لیے امن و امان حالات سازگار ہیں،پنجاب میں انتخابات کے لیے ایک لاکھ بیس ہزار سیکیورٹی اہلکار مامور کیے ہیں،

رپورٹ ، محمد اویس، اسلام آباد

مریم نواز کے جلسے میں پارٹی پرچم پھاڑنے والے طالب علموں پر مقدمہ درج

گجرات پولیس کے ہاتھوں امریکی پولیس کا اہلکار گرفتار

عام انتخابات، آصفہ انتخابی مہم چلانے کے لئے میدان میں آ گئیں

عام انتخابات، پاکستان میں موروثی سیاست کا خاتمہ نہ ہو سکا،

صارفین کا کہنا ہے کہ "تنظیم سازی” کرنے والوں‌کو ٹکٹ سےمحروم کر دیا گیا

سماعت سے محروم بچوں کے والدین گھبرائیں مت،آپ کا بچہ یقینا سنے گا