قومی اسمبلی کا اجلاس سپیکر ایاز صادق کی زیر صدارت ہوا،
اجلاس میں سنی اتحاد کونسل کے رکن اسمبلی پیر ظہور حسین قریشی اور جے یو آئی کی رکن قومی اسمبلی صدف احسان نے حلف اٹھایا،جے یو آئی کے نور عالم خان نے کہا اسپیکر صاحب، آپ نے ایک غیر آئینی کام کیا ہے، وہ ممبر ہماری رکن نہیں لیکن آپ نے ان سے حلف لیا، سپریم کورٹ میں اس نشست سے متعلق کیس چل رہا ہے، اگر آپ اجلاس ایسے چلا رہے ہیں تو ہم کورم کی نشاہدہی کریں گے۔ ایاز صادق نے کہا ان اراکین کا الیکشن کمیشن نے نوٹیفکیشن جاری کیا ہے۔
قومی اسمبلی اجلاس، بیرسٹر گوہرنے پوائنٹ آف آرڈر پر اظہار خیال کیا اور کہا کہ صدر کے خطاب کے بعد اس پر بات ہونی چاہیئےزرداری بحیثیت صدر اکائی کی علامت نہیں ہیں،زرداری کو صدر نہ مانتے ہوئے بھی ان کی تقریر پر بات کرنے کی اجازت مانگ رہے ہیں، سپیکر قومی اسمبلی ایاز صادق نے کہا کہ صدر کی تقریر آج سب کے پاس آئے گی ایجنڈا میں بھی آ جائے گی،عدالت میں زیر غور معاملے کو ایجنڈے میں نہیں لاسکتے،
شرمیلا فاروقی کو فلور دے کر واپس لینے پر پیپلز پارٹی کا ایوان سے واک آؤٹ
شرمیلا فاروقی کو فلور دے کر واپس لینے پر پیپلز پارٹی نے ایوان سے واک آؤٹ کر دیا، سپیکر قومی اسمبلی ایاز صادق نے کہا کہ شرمیلا فاروقی آپ بات کریں ،شرمیلا فاروقی نے کہا کہ نوید قمر بات کرنا چاہتے ہیں،سپیکر قومی اسمبلی نے کہا کہ پہلے شرمیلا فاروقی کیوں کہہ رہی تھی کہ بات کرنی ہے،بلاول بھٹو زرداری سمیت پیپلز پارٹی اراکین ایوان چھوڑ کر روانہ ہو گئے.پیپلز پارٹی کی رکن شازیہ مری نے کورم کے نشاندہی کر دی،بلاول بھٹو زرداری اور آصفہ بھٹو ایوان میں پہنچے تھے
اسپیکر قومی اسمبلی نے جمشید دستی، اقبال آفریدی کی رکنیت معطل کر دی ،اسپیکر کا کہنا تھاکہ صدر مملکت کے خطاب کے دوران جمشید دستی اور اقبال احمد خان نے تضحیک آمیز حرکات کیں،دونوں اراکین نے باجے بجائے، ایوان کی توہین کی،اسپیکر قومی اسمبلی نے جمشید دستی اور اقبال احمد خان باقی ماندہ اجلاس کے لئے معطل کر دیا
اپوزیشن لیڈر عمر ایوب خان کا کہنا تھا کہ اس ملک میں آئین و قانون معطل ہے قومی اسمبلی کے رولز کی کھلم کھلا خلاف ورزی کی جارہی ہے ہمیں پاکستان کی عوام نے مینڈیٹ دے کر یہاں بھیجا ہے ہم نے آئین و قانون کی پاسداری کرنی ہے اور یہ زمہ داری اسپیکر قومی اسمبلی پر بھی عائد ہوتی ہے ملک میں مہنگائی عروج پر ہے سیکیورٹی کے مسائل ہے مگر کوئی بھی اس پر بات کرنے کو تیار نہیں ہے
تنقید کرنی ہے تو آپ میری ذات، میری پارٹی پر کریں، پاکستان پر تنقید کی اجازت نہیں،عطا تارڑ
قومی اسمبلی اجلاس،عطا تارڑ کی تقریر کے دوران ایوان میں اپوزیشن نے شورشراباکیا، وزیر اطلاعات عطا تارڑ کا کہنا تھا کہ اپوزیشن ماضی میں بھی ایوان میں علامتی احتجاج کرتی رہی ،گزشتہ روز ایوان میں باجے بجائے گئے ماضی میں ایسا نہیں ہوا،گزشتہ روز صدر کے خطاب کے دوران قومی اسمبلی میں غیر ملکی سفارت کاروں کی موجودگی میں ایوان کے اندر باجے بجائے گئے۔ ایوان میں اپوزیشن نے غلط روایات ڈالی ہیں۔ دوست ممالک کے وفد کے دورے پر تنقید کی گئی۔ خارجہ پالیسی حساس معاملہ ہے۔تحریک انصاف کا ایک ممبر پہلے دوست ممالک کے خلاف بات کرتا ہے تو اس کے بعد اس کی پارٹی تردید کرتی ہے۔یہ پہلے دوست ممالک کے خلاف بیان دلواتے ہیں اور اس کے بعد اس سے لاتعلقی کا اظہار کرتے ہیں۔اگر تنقید کرنی ہے تو آپ میری ذات، میری پارٹی پر کریں، پاکستان پر تنقید کی اجازت نہیں دی جائے گی۔ انہوں نے پہلے امریکی سازش کا بیانیہ بنایا اور پھر اس پر یو ٹرن لیا۔ فارن پالیسی سے کھیلنا عمران خان کا وطیرہ رہا ہے۔ان کی آڈیو بھی سامنے آئی جس میں یہ کہتے ہیں کہ ہم اس بیانیہ کے ساتھ کھیلنا چاہتے ہیں۔ سائفر کے ساتھ انہوں نے کھلواڑ کیا۔انہوں نے پوری ڈپلومیٹک کور کے کانفیڈینشل کمیونیکیشن سسٹم کو کمپرومائز کیا۔پہلے یہ پاکستان کے دوست ممالک پر الزامات عائد کرتے ہیں تو پھر اس کے بعد ان کے ترجمان اس کی تردید کرتے ہیں۔ پاکستان آگے بڑھ رہا ہے، معیشت کے حوالے سے مثبت خبریں آ رہی ہیں۔ عالمی مالیاتی ادارے اور مالیاتی جریدے کہہ رہے ہیں کہ پاکستان میں سرمایہ کاری آرہی ہے، پاکستان میں مہنگائی کا خاتمہ ہونے جا رہا ہے۔ہم مطالبہ کرتے ہیں کہ اس ایوان کے اندر دوست ممالک کے حوالے سے پالیسی کے لیے مشترکہ قرارداد لائی جائے۔پی ٹی آئی ملک دشمنی میں فارن پالیسی کو نقصان پہنچانے کی کوشش کر رہی ہے۔اڈیالہ جیل سے ان کے لیڈر کی طرف سے آرڈر آتا ہے کہ دوست ممالک کے خلاف بات کرو اور جب یہ بات کرتے ہیں تو اس کے بعد خود اس کی تردید کرواتے ہیں۔خارجہ پالیسی پر اس طرح کے جھوٹے بیانیہ کی اجازت نہیں دی جائے گی۔ یہ وہی ہیں جنہوں نے 9 مئی کو حملے کئے اب یہ ملکی خارجہ پالیسی پر حملہ آور ہونا چاہتے ہیں۔یہ ملک پہلے ہے سیاسی جماعتیں بعد میں ہیں۔
پارلیمان کی شائستگی چیلنج کی گئی تو یہاں کوئی مائی کا لعل بات نہیں کر سکے گا ،عبدالقادر پٹیل
پیپلز پارٹی کے رہنما عبدالقادر پٹیل نے کہا حکومتی اور اپوزیشن بینچوں سے کھینچا تانی نظر آ رہی ہے، پارلیمان کی شائستگی چیلنج کی گئی تو یہاں کوئی مائی کا لعل بات نہیں کر سکے گا ، ایک اپوزیشن لیڈر ہیں تو دوسرے کہتے ہیں کہ میں پارٹی چیئرمین ہوں، یہی جماعت جب پہلے اسمبلی میں تھی تو کیا کرتی تھی،
دہشت گردوں سے انہی کی زبان میں بات ہو گی، وفاقی وزیر قانون
وزیر قانون اعظم نذیر تارڑ نے قومی اسمبلی میں کہا کہ حیرت ہے کہ قانون کون پڑھا رہا ہے، پتہ نہیں قانون کہاں سے پڑھا جا رہا ہے، پارلیمانی روایات کے ساتھ کیا کرتے ہیں، اجلاس جاری ہے تقریر پر بحث ایجنڈے پر آجائے گی، صدر کی تقریر کے دوران جو ہوا وہ شرمناک تھا،نوشکی اور کشمور میں ہونے والے واقعات پر جمال رئیسانی نے توجہ دلاؤ نوٹس پر کہا ملک دشمنوں کے خلاف ہمارے پاس کونسے پلانز ہیں، جس پر وزیر قانون اعظم نذیر تارڑ کا کہنا تھا کہ 5 دہائیوں سے پاکستان دہشتگردوں کے نشانے پر ہے، ان عناصر کے خلاف کے اقدامات لیے جا رہے ہیں، اس ایوان میں دہشتگردی کے حوالے سے بریفنگ دی گئی، دہشتگردوں کو واپس ملک میں لایا گیا،دہشتگردوں سے کوئی مذاکرات نہیں ہوں گے، ان سے ان ہی کی زبان میں بات ہوگی، دہشتگردوں کو اینٹ کا جواب پتھر سے دیا جائے گا
شادی کی ضد مہنگی پڑ گئی،ملزم نے خاتون کو پارک میں زندہ جلا دیا
خبردار، حق خطیب سے بڑا فنکار آ گیا، سائنس ہار گئی،ہاتھ سے موبائل کی بیٹری چارج
بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو
سوشل میڈیا پر دوستی،پھر عریاں تصاویر،پھر زیادتی،کم عمر لڑکیاںبنتی ہیں زیادہ شکار
حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام
سوشل میڈیا پر رابطہ،دبئی ویزے کے چکر میں خاتون عزت لٹوا بیٹھی
زبردستی دوستی کرنے والے ملزم کو خاتون نے شوہر کی مدد سے پکڑوا دیا
دوران دوستی باہمی رضامندی سے جنسی عمل کو شادی کے بعد "زیادتی” قرار دے کر مقدمہ درج
خاتون کو برہنہ کر کے تشدد ،بنائی گئی ویڈیو،آٹھ ملزمان گرفتار
