Tag: علی امین

صوبہ خیبرپختونخوا کے مختلف اضلاع میں بارشوں اور برفباری کی وجہ سے حادثات کے نتیجے میں قیمتی انسانی جانوں کا ضیاع،نو منتخب وزیر اعلیٰ خیبر پختونخوا علی امین خان گنڈا پور نے اظہار افسوس کیا ہے

نو منتخب وزیر اعلیٰ علی امین گنڈا پور نےمتاثرہ خاندانوں سے دلی ہمدردی اور تعزیت کا اظہار کیا ہے اور جاں بحق افراد کی مغفرت اور پسماندگان کے لئے صبر جمیل کی دعا کی ہے،وزیر اعلیٰ نے ان حادثات میں زخمی ہونے والوں کی جلد صحت یابی کے لئے نیک خواہشات کا اظہار کیا ہے،وزیر اعلیٰ نے متعلقہ ضلعی انتظامیہ کو متاثرہ خاندانوں کو فوری ریلیف کی فراہمی یقینی بنانے کی ہدایت کی،اور برفباری اور لینڈ سلائیڈنگ کے نتیجے میں بند رابطہ سڑکوں کی بحالی کے لئے اقدامات کی ہدایت کی

وزیراعلیٰ علی امین گنڈا پور کا کہنا تھا کہ متاثرہ خاندانوں کے غم میں برابر کے شریک ہیں، متاثرہ خاندانوں کو تنہا نہیں چھوڑا جائے گا،ان کی ہر ممکن معاونت کی جائے گی،

واضح رہے کہ بٹ خیلہ اورالاڈھنڈمیں مکانات گرنے سے ماں بیٹی جاں بحق ہو گئی ہیں جبکہ تین خواتین سمیت 6افرادزخمی ہوئے ہیں.پشاور میں بارش کے باعث بورڈ بازار آباد میں کمرے کی چھت گرنے سے خاتون اور تین بچے ملبے تلے دب گئے ۔واقعہ بورڈ بازار تاج آباد میں پیش آیا جہاں وحید نامی شخص کے گھر میں کمرے کی چھت بارش کے باعث گر گئی جس میں ایک خاتون اور تین بچے ملبے تلے دب گئے ۔ریسکیو ٹیم نے زخمی ہونے والے بچوں اور خاتون کو ابتدائی طبی امداد فراہم کرکے سپتال منتقل کر دیا جہاں ایک بچے کی حالت تشویشناک بتائی جارہی ہے ۔ دوسری جانب وادی تیراہ میں شدید بارشوں و برف باری کے نتیجے میں کمرہ منہدم ہونے سے 50 مویشی ہلاک ہوگئے۔واقعہ واد ی تیراہ کے علاقے سیڑے میں پیش آیا جہاں اختر جان آفریدی کا کمرہ بارش کے باعث اچانک منہدم ہو گیا جس میں 50 مویشی جن میں بکریاں، بھیڑ گائے و دیگر جانور بھی شامل تھے ہلاک ہو گئے۔

لوئر دیر: تلاش مولی خٹ میں مٹی کا تودہ گھر پر گرنے سے گھر کا چھت گر گئی ،تین افرا جانبحق اور ایک بچہ شدید زخمی ہو گیا ہے،ریسکیو1122حکام کے مطابق ابتدائی اطلاعات کے مطابق ملبے تلے چار افراد دب گئے ،اطلاع ملتے ہی ریسکیو 1122 کی ایمبولینسیز ،ڈیزاٹر ویکل اور اہلکار موقع پر پہنچ گئے ،ریسکیو1122 ٹیموں نے مسلسل تین گھنٹے اور تیس مینٹ سراچ اینڈ ریسکیو آپریشن کیا،ریسکیو 1122 ٹیموں نے ریسکیو اینڈ سرچ آپریشن کے دوران ملبے تلے دبے چار افراد کو ریکور کر کے کیٹگری ڈی ہسپتال تالاش منتقل کر دیا گیا ،ہسپتال میں ڈاکٹروں نے تین افراد کے جانبحق ہونے کی تصدیق کردی،
جانبحق اور زخمی افراد کی تفصیل
1) زاہد ولد شیر مولا عمر 25 سال سکنہ نگری بالا تالاش (جانبحق)
2) زوجہ زاہد عمر 23 سال (جانبحق)
3)حریرہ عمر 5 سال (جانبحق)
4) طفلہ ارحم عمر تین سال (زخمی)

علی امین گنڈا پورکا وزیر اعلی خیبر پختونخوا منتخب ہونے کے بعد پہلا حکم

ہاں ،ہم سے دھاندلی کروائی گئی،کمشنر پنڈی مستعفی،سب بے نقاب کر دیا

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر راولپنڈی لیاقت چٹھہ نے 13 فروری کو امریکی ویزہ لیا،انکشاف

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر پنڈی لیاقت چٹھہ تحریک انصاف دور حکومت میں کہاں تعینات رہے؟

وزیراعلیٰ خیبرپختونخوا علی امین گنڈاپور نے حلف اٹھا لیا ہے

گورنر خیبرپختونخوا غلام علی نے وزیراعلیٰ خیبر پختونخوا علی امین گنڈاپور سے حلف لیا، اس موقع پر پی ٹی آئی رہنما بھی موجود تھے،
گورنر ہاؤس میں وزیراعلیٰ خیبرپختونخوا علی امین گنڈاپور کی تقریب حلف برداری شروع ہونے سے پہلے ہی بے نظمی کا شکار ہوگئی تھی،تقریب میں داخل ہونے کے لیے کارکنان نے دھکم پیل کی جس کی وجہ سے اراکین اسمبلی کو نشستوں پر بیٹھنے میں مشکلات کا سامنا کرنا پڑا۔

علی امین گنڈا پورکا وزیر اعلی خیبر پختونخوا منتخب ہونے کے بعد پہلا حکم
پشاور:علی امین گنڈا پورکا وزیر اعلی خیبر پختونخوا منتخب ہونے کے بعد پہلا حکم سامنے آگیا،علی امین گنڈا پور کی جانب سے حکم میں کہا گیا ہے کہ رمضان المبارک میں اشیاء خوردنوش کی قیمتوں پر کنٹرول اور دستیابی یقینی بنائی جائے،تمام کمشنرز اور ڈپٹی کمشنروں کو وضع کردہ ہدایات پر سختی سے عمل کرنے کے احکامات دیئے گئے ہیں، محکمہ داخلہ و قبائلی أمور، خیبر پختونخوا نے ڈپٹی کمشنرز کے نام تفصیلی مراسلہ ارسال کر دیا، جس میں کہا گیا ہے کہ ڈپٹی کمشنر معیاری ضروری اشیائے خوردونوش کی دستیابی کو یقینی بنائے،مارکیٹ میں مستقل معائنے اور خلاف ورزی کرنے والوں کو گرفت میں لانے کی ہدایت کی گئی ہے،ضعی پرائس ریویو کمیٹیوں کے اجلاس 4 مارچ کو بلانے کی ہدایت کی گئی ہے،مقرر کردہ قیمتوں کو سرکاری سوشل میڈیا پلیٹ فارمز، ایف ایم ریڈیوزپر جاری کیا جائے ،خوراک اور ملاوٹ کی جانچ کے لیے تمام آؤٹ آف آرڈر مشینری کو فعال بنایا جائے ،سحری اور افطاری کے أوقات میں پکوان بیچنے والی دکانوں کے معائنہ پر توجہ مرکوز رکھی جائے،ذخیرہ اندوزی، بلیک مارکیٹنگ اور سمگلنگ کو روکنے کے لئے خصوصی چک پوسٹیں قائم کرنے کی ہدایت کی گئی ہے،قیمتوں کے کنٹرول اور شکایت کا مکمل نظام 8 مارچ 2024 تک مکمل طور پر فعال کرنے کا حکم دیا گیا ہے.

دوسری جانب نو منتخب وزیراعلیٰ خیبر پختونخوا علی امین گنڈا پور کی حلف برداری کی تقریب آج ہو گی، علی امین گنڈا پور خیبر پختونخواہ کے وزیراعلیٰ منتخب ہو چکے ہیں، علی امین گنڈا پور نے اسمبلی میں خطاب کے دوران عمران خان کی رہائی کا مطالبہ کیا ہے

ہاں ،ہم سے دھاندلی کروائی گئی،کمشنر پنڈی مستعفی،سب بے نقاب کر دیا

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر راولپنڈی لیاقت چٹھہ نے 13 فروری کو امریکی ویزہ لیا،انکشاف

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر پنڈی لیاقت چٹھہ تحریک انصاف دور حکومت میں کہاں تعینات رہے؟

رہنما و ترجمان مسلم لیگ ن کے پی اختیارولی خان کا علی امین گنڈا پور کے اسمبلی خطاب پر ردعمل سامنے آیا ہے

اختیار ولی کا کہنا تھا کہ علی امین صاحب جو درس آپ قوم کو دے رہے ہیں یہی درس اپنے لیڈر کو پڑھائیں، گنڈاپور صاحب آپکے پاس جعلی مینڈیٹ ہے آپ پختونخوا کے دس حلقے کھولیں آپکو پتہ لگ جائیگا۔وزیراعلی صاحب ہم آپکو ملکی سلامتی کے اداروں پر حملے کرنے نہیں دینگے، پی ٹی آئی رہنماؤں کیخلاف مقدمات ختم کرنے کی تڑی سے معلوم ہوا آپ اپنے خلاف مقدمات ختم کرنے آئے ہیں۔ کاش وزیراعلی صاحب صوبے کے چار کروڑ عوام کی فلاح و بہبود کیلئے بھی کوئی اعلان کرتے۔یہ پختونخوا کی بدقسمتی ہے کہ تین بار جعلی اسمبلی دی گئی ہے۔2013 میں تبدیلی کو روشناس کیا گیا، 2018 میں تبدیلی آئی نہیں لائی گئی، 2024 میں تبدیلی کو بدقسمت پختونخوا پر تیسری بار مسلط کردیا گیا۔ کاش نومنتخب وزیراعلی کے پی تعلیمی اداروں سے ہم جنس پرستوں کے جھنڈے اتارنے کے احکامات جاری کرتے،کاش نومنتخب وزیراعلی کے پی صحت کارڈ میں کی گئی اربوں روپے کی کرپشن کو بے نقاب کرنے کا اعلان کرتے۔ آپکے دس سالہ حکومت پر بی آرٹی، مالم جبہ، بلین ٹری اور سکول کے فرنیچر چوری کرنے الزامات ہیں۔ پختونخوا کو آپکی پارٹی نے ایک ہزار ارب کا مقروض کیا اس پر آپکو معافی مانگنی چاہئیے تھی۔ علی امین کو جعلی مینڈیٹ لیکر کٹھ پتلی وزیراعلی بننے پر مبارک ہو۔ علی امین بطور وزیراعلی محمود خان اور پرویز خٹک سے بھی بدتر وزیراعلی ثابت ہونگے۔

واضح رہے کہ علی امین گنڈا پور خیبر پختونخواہ کے وزیراعلیٰ منتخب ہو چکے ہیں، علی امین گنڈا پور نے اسمبلی میں خطاب کے دوران عمران خان کی رہائی کا مطالبہ کیا ہے

ہاں ،ہم سے دھاندلی کروائی گئی،کمشنر پنڈی مستعفی،سب بے نقاب کر دیا

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر راولپنڈی لیاقت چٹھہ نے 13 فروری کو امریکی ویزہ لیا،انکشاف

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر پنڈی لیاقت چٹھہ تحریک انصاف دور حکومت میں کہاں تعینات رہے؟

خیبرپختونخوا اسمبلی کے نو منتخب اراکین کی حلف برداری کے لیے اجلاس تقریباً 2 گھنٹے کی تاخیر سے شروع ہوگیا

پشاور نامز وزیر اعلی علی امین گنڈا پور اسمبلی ہال کے اندر پہنچ گئے ہیں، علی امین گنڈا پور عمران خان کی تصویر لے کر ایوان میں پہنچے،خیبرپختونخوا اسمبلی کا اجلاس سپیکر مشتاق احمد غنی کی صدارت شروع ہوگیا،خیبرپختونخوا اسمبلی میں حلف برداری کی تقریب ہوئی،اسپیکر مشتاق احمد غنی نے اراکین سے حلف لیا ، خیبر پختونخوا کے 115 نو منتخب اراکین نے حلف لیا،حلف کے بعد گیلریوں میں موجود افراد نے نعرے بازی کی،اجلاس میں نامزد علی امین گنڈا پور کے والد سمیت دیگر وفات اور شہید ہونے والے پولیس آفیسرز و اہلکاروں کے لئے دعائے مغفرت کی گئی

خیبر پختونخوا کی صوبائی اسمبلی کا افتتاحی اجلاس آج صبح 11 بجے طلب کیا گیا تھا جو تقریباً پونے ایک بجے شروع ہوا،خیبرپختونخوا اسمبلی میں اسپیکر اور ڈپٹی اسپیکر کا انتخاب کل 29 فروری کو ہو گا۔

ثوبیہ شاہد گھڑی لہراتے اسمبلی پہنچیں،ثوبیہ شاہد پر اسمبلی ہال میں لوٹا اور جوتے پھینکے گئے
خیبر پختونخواہ اسمبلی کے افتتاحی اجلاس میں مسلم لیگ (ن) کی کارکن ثوبیہ شاہد ہاتھ میں گھڑی لے کر اسمبلی ہال پہنچیں جہاں وہ لوگوں کو ہاتھ میں پہنے جانے والی گھڑی دکھا رہی تھیں کہ اس دوران اسمبلی میں موجود تحریک انصاف کے کارکنان نے ان پر خالی بوتل، جوتا، بال پین اور لوٹا پھینکا لیکن ثوبیہ جاوید مسلسل لوگوں کو گھڑی دکھاتی رہیں، پی ٹی آئی کارکنان کی جانب سے پھینکا جانے والا لوٹا ثوبیہ شاہد نے نے وزیر اعلی کی کرسی پر رکھ دیا،اس دوران اسمبلی میں موجود تحریک انصاف کے کارکنان نے شدید نعرے بازی کی .

خیبر پختونخواہ انتظامیہ نے اسمبلی اجلاس میں شرکت کے لیے ایک ہزار سے زائد پاسز ایشو کررکھے تھے جبکہ اسمبلی میں لوگوں کی گنجائش اس سے کم ہے ،اس لئےاجلاس سے قبل ہی اسمبلی میں شدید بدنظمی دیکھنے میں آئی ،اسمبلی کے اجلاس کو دیکھنے کے خواہشمند افراد دھکم پیل کرتے ہوئے اسمبلی ہال میں گھس گئے، اس دوران لوگوں کے درمیان شدید دھینگا مشتی بھی ہوئی اور جسے جہاں موقع ملا وہ وہاں جاکر بیٹھ گیا،پولیس نے شدید بدنظمی کے بعد اسمبلی کا گیٹ بند کردیا لیکن کارکنان باہر کے راستوں سے پھلانگ کر اسمبلی کی حدود میں داخل ہوگئے، بدنظمی کی وجہ سے کئی میڈیا نمائندوں کوبھی اسمبلی کے اندر داخل ہونے کا موقع نہ ملا اور بیشتر نو منتخب ارکان کو گاڑیوں کی پارکنگ میں پریشانی کا سامنا کرنا پڑا

متنازع انتخابات، کمزور اتحادی حکومت،پاکستان کو معاشی چیلنجز کا سامنا ہوگا، موڈیز

نواز شریف چیخ اٹھے مجھے کیوں بلایا،زرداری کی شرط،مولانا کی ضد،ن کی ڈیمانڈ

موبائل بندش سے نتائج تاخیر کا شکار،دھاندلی بھی ہوئی، الیکشن کمیشن کی تصدیق

تحریک انصاف کے نامزد وزیرِ اعلیٰ خیبرپختونخوا علی امین گنڈا پور کا کہنا ہے کہ وفاق سے خیرات نہیں اپنا حصہ مانگیں گے، ساڈا حق اتھے رکھ یہ میرا نعرہ ہے

پشاور ہائی کورٹ کے باہر میڈیا سے گفتگو کرتے ہوئے علی امین گنڈا پور کا کہنا تھا کہ کہ پارٹی شمولیت پر لیگل ٹیم معاملات دیکھ رہی ہے، پارٹی شمولیت کا حتمی فیصلہ بانی پی ٹی آئی عمران خان کریں گے، معاشی بحران ختم کرنے کے لیے اقدامات کریں گے، نوجوانوں کو روزگار اور کاروبار دیں گے، ہم کوئی انتقامی کارروائی نہیں کریں گے، عمران خان نے کہا ہے کہ فوج اور پولیس سمیت تمام ادارے ہمارے ہیں،

شاہ سے زیادہ شاہ کے وفادار اصلاح کرلیں ورنہ سزا کےلئے تیار ہو جائیں، علی امین گنڈا پور
علی امین گنڈا پور کا مزید کہنا تھا کہ پورے پاکستان میں ہمارے اوپر جعلی ایف آئی آر درج کی گئیں، لیگل ٹیم اور کمیٹی سیاسی جماعتوں کے ساتھ اتحاد کےلئے کام کررہی ہے ، الیکشن کمیشن کے رولز کے مطابق ہی سیاسی جماعت سے وابستگی دیکھی جائے گی ، مرکز میں لیگل ٹیم کام کررہی ہے ضروری نہیں بڑی جماعت سے اتحاد ہو، پی ڈی ایم کا سربراہ کہہ رہا ہے عمران خان کے خلاف سازش ہوئی ، روایات کو بدلنا ہے تو لاقانونیت میں ملوث افراد کو سزا دینی ہوگی، صوبے کا حق دینا پڑا ،این ایف سی اور ہائیڈرل کے پیسوں کےلئے ٹائم دینگے ،یہ نہ سوچیں کہ صوبے کا حق نہیں دینگے ، عمران خان جو فیصلہ کرینگے وہ سب کو قبول ہوگا،جو لوگ تکالیف سے بھاگے ہیں ان کی جگہ نہیں ، ہمیں پتہ چلا کہ سخت حالات میں کس نے مقابلہ کیا ہے ، صوبائی کابینہ کےلئے وزراء کےلئے نام شارٹ لسٹ کرلئے ہیں فیصلہ عمران خان کرینگے ، شاہ سے زیادہ شاہ کے وفادار اصلاح کرلیں ورنہ سزا کےلئے تیار ہو جائیں،

پشاور ہائیکورٹ، علی امین گنڈا پور کی ضمانت منظور
پشاور ہائیکورٹ نے علی امین گنڈا پور کی ضمانت منظور کرلی،عدالت نےعلی امین گنڈا پور کو ایک لاکھ روپے کے مچلکے جمع کرانے کا حکم دے دیا،پشاور ہائیکورٹ کے چیف جسٹس ابراہیم خان نے سماعت کی، چیف جسٹس ابراہیم خان نے ریمارکس دیتے ہوئے کہا کہ یہ تو بہت پرانا مقدمہ ہے، علی امین گنڈا پور کہاں تھے،وکیل علی امین نے کہا کہ ہمیں اس مقدمے کے بارے میں معلوم نہیں تھا، ڈی آئی خان بنچ نے پہلے ہی مقدمات ضمانت دی ہے،پشاور ہائیکورٹ نے علی امین گنڈا پور کی ضمانت منظور کرلی،عدالت نے علی امین گنڈا پور کو ایک لاکھ روپے کے مچلکے جمع کرانے کا حکم دے دیا،علی امین گنڈا پور راہداری ضمانت کے لیے پشاور ہائی کورٹ میں پیش ہوئے،وکیل نے کہا کہ علی امین گنڈا پور ایک مقدمے میں حفاظتی ضمانت کے لیے آئے ہیں۔،علی امین گنڈاپور نے اسلام آباد میں درج مقدمے میں راہداری ضمانت کی درخواست دائر کی، درخواست میں مؤقف اپنایا گیا کہ عدالت میں پیش ہونا چاہتا ہوں راہداری ضمانت دی جائے اور درخواست آج سماعت کے لیے مقرر کرنے کی بھی استدعا کی گئی ہے

دوسری جانب تحریک انصاف کے رہنما رہنما لطیف کھوسہ نے کہا ہے کہ ہماری 180 سیٹیں آئی ہیں اور 93 سیٹیں دی گئی ہیں،اسلام آباد ہائی کورٹ کے باہر میڈیا سے گفتگو کرتے ہوئے لطیف کھوسہ کا کہنا تھا کہ یہ کہتے ہیں کمشنر راولپنڈی کا انتخابات میں کوئی عمل دخل نہیں، جبکہ ڈپٹی کمشنر اور ریٹرننگ افسران کمشنر کے ماتحت ہوتے ہیں کمشنر ڈویژن کا سربراہ ہوتا ہے، کمشنر راولپنڈی نے خود کہا کہ وہ شرمندہ ہیں

کمشنر راولپنڈی کے دھاندلی کے الزامات، سیاسی جماعتوں کا ردعمل

خیبر پختونخوا میں پی ٹی آئی کی نہیں یہودی لابی کی جیت ہوئی،عائشہ گلالئی

ہاں ،ہم سے دھاندلی کروائی گئی،کمشنر پنڈی مستعفی،سب بے نقاب کر دیا

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر راولپنڈی لیاقت چٹھہ نے 13 فروری کو امریکی ویزہ لیا،انکشاف

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر پنڈی لیاقت چٹھہ تحریک انصاف دور حکومت میں کہاں تعینات رہے؟

اسلام آباد: الیکشن کمیشن نے نامزد وزیر اعلیٰ خیبر پختونخوا علی امین گنڈاپور کی کامیابی کا نوٹیفکیشن جاری کر دیا گیا۔

باغی ٹی وی : الیکشن کمیشن نے پاکستان تحریک انصاف( پی ٹی آئی) رہنما علی امین گنڈا پور پی کے 113 ڈیرہ اسماعیل خان سے کامیابی کا نوٹیفکیشن جاری کر دیا ہے۔

قبل ازیں پاکستان تحریک انصاف کے نامزد وزیراعلی خیبر پختونخواہ علی امین گنڈاپور کی زیرصدارت خیبرپختونخوا اسمبلی کے آزاد ارکان کا اجلاس ہوا آزاد حیثیت میں جیتنے والے دو نومنتخب ارکان فضل حق اور لائق محمد نے پی ٹی آئی میں شمولیت کا اعلان کیا، اپر کوہستان سے آزاد نو منتخب ایم پی اے فضل حق اور مانسہرہ (تورغر) سے آزاد ایم پی اے لائق محمد خان نے تحریک انصاف میں شمولیت اختیار کی ہے۔

اجلاس میں شامل تمام آزاد ارکان نے وزارت اعلیٰ کیلئے علی امین گنڈاپور پر بھرپور اعتماد کا اظہار کیا کیا اور دونوں منتخب آزاد ارکان کی وزارت اعلیٰ کیلئے علی امین گنڈاپور کی حمایت کی یقین دہانی کرائی ہے، اس موقع پر علی امین گنڈاپور نے پارٹی میں نئے شامل ہونے والے آزاد ایم پی ایز کو پی ٹی آئی میں شمولیت پر مبارکباد دی اور ان کا خیر مقدم کیا۔

علاوہ ازیں علی امین گنڈا پور کی صدارت پارلیمانی پارٹی کا اجلاس ہوا جس میں ہزارہ اور مالاکنڈ ڈویژن کے رہنماؤں نے پی ٹی آئی پی سے مذاکرات پر تحفظات کا اظہار کیا اجلاس میں کئی ارکان اسمبلی نے پی ٹی آئی پی میں ضم ہونے کی مخالفت کی اور مؤقف اختیار کیا کہ حکومت سازی کیلئے پرویزخٹک اورمحمود خان کی پارٹی کاسہارا لینا مناسب نہیں،اجلاس میں صوبے میں حکومت سازی کے امور پر گفتگو کی گئی اور 10 روز میں حکومت سازی کے امور طے کرنے پر زور دیا گیا جبکہ اراکین اسمبلی کو پشاور میں ہی رہنے کی ہدایت کی گئی ہے۔

گزشتہ روز خبر سامنے آئی تھی کہ پی ٹی آئی پی سے مذاکرات کامیاب ہو چکے ہیں اورمعاہدے کے تحت ہی پرویزخٹک نے پارٹی چیئرمین شپ اور بنیادی رکنیت سے استعفیٰ دیا جس کے بعد پی ٹی آئی پارلیمنٹیرینز کی چیئرمین شپ کا عہدہ پی ٹی آئی کو ملے گا ۔

نامزد وزیراعلیٰ خیبرپختونخوا علی امین گنڈا پور نے اپنی حکومت کا ترجیحی ایجنڈا جاری کر دیا

علی امین گنڈا پور کا کہنا ہے کہ خیبرپختونخوا تہذیب و روایات کا امین صوبہ ہے جسے وحشت و لاقانونیت کی آگ میں جھونک کر بے پناہ نقصان کیا گیا ہے،صوبے کی اقدار و روایات کے عین مطابق چادرو و چار دیواری کے مکمل احترام کو یقینی بنایا جائے گا اور امنِ عامہ کے قیام کے ساتھ شہریوں کی جان مال کی سلامتی کا تحفظ تحریک انصاف کی حکومت کی اولین ترجیح ہوگی، حکومت سنبھالتے ہی صحت کارڈ کو پورے صوبے کیلئے بحال کریں گے اور لنگر خانوں اور پناہ گاہوں کو غریبوں کیلئے آباد کریں گے، خواتین کو ان کے شرعی و قانونی حقوق کی فراہمی کیلئے سرکاری وسائل سے مفت قانونی معاونت فراہم کریں گے،صوبے میں ہر لحاظ سے قانون کی حکمرانی کو یقینی بنائیں گے اور لاقانونیت کے فروغ میں مکروہ کردار ادا کرنے والوں کو اپنے اعمال کا حساب دینا ہوگا،شہدا کی قربانیوں کا بھرپور اعتراف کرتے ہوئے ان کے لواحقین کیلئے خصوصی پیکیج کا اہتمام کریں گے ،اپنے وسائل کو ترقی دیکر صوبے کو مالی طور پر خود مختار بنائیں گے اور پوری توجہ اپنے شہریوں کی فلاح و ترقی پر مرکوز کریں گے،

دوسری جانب خیبرپختونخوا اسمبلی کے متوقع ڈپٹی سپیکر قاسم علی شاہ کی نامزدگی پر اختلاف سامنے آگیا، پارٹی کا یوتھ ونگ عہدہ حاصل کرنے کے لئے سرگرم ہوگیا ،یوتھ ونگ کے نائب صدر اور پشاور سے نومنتخب ایم پی اے شیر علی آفریدی کا نام پیش کردیا،نامزد وزیر اعلی نے دونوں امیدواروں کے درمیان معاملہ اتفاق رائے سے طے کرنے کا مشورہ دیا، یوتھ ونگ کو منانے کی کوشش کامیاب نہ ہوئی تو پارٹی چیئرمین حتمی فیصلہ کریں گے،

بانی پی ٹی آئی عمران خان نے علی امین گنڈا پور کو وزیراعلیٰ خیبرپختونخوا نامزد کررکھا ہے، سیاسی جماعتوں نے اس پر اعتراض کیا، پیپلز پارٹی کے فیصل کریم کنڈی کا کہنا ہے کہ کیا 9مئی میں ملوث افرادوزیر اعلیٰ کےپی کا امیدواربن سکتا ہے؟ کیا 9مئی جیسےبڑےسانحہ میں ملوث کرداروں کوایسے نوازا جائیگا،ایسی صورتحال رہی توکل 9 مئی میں ملوث شخص وزیراعظم کاامیدواربھی ہو سکتاہے,ہمیں تو کہا گیا تھا 9 مئی کے منصوبہ سازوں ،ملوث افراد سے نمٹا جائیگا، کیا نمٹنا اسے کہتے ہیں کہ وزرائے اعلی کےلئے نامزد کردیا جائے، ایسی ہی صورتحال رہی تو پھر سانحہ9مئی کیس پرنظر ثانی کرلی جائے.

پی ٹی آئی خیبرپختونخوا کو تورہ بورہ بنانے کی سازش کر رہی ہے، اختیارولی خان
مرکزی رہنما و ترجمان ن لیگ اختیارولی خان کا کہنا ہے کہ بانی پی ٹی آئی نے علی امین کو وزیراعلی نامزد کرکے ریاست مخالف ایجنڈا اپنا لیا۔ علی امین وزیراعلیٰ بنے تو خیبرپختونخوا میں بلوچستان جیسے حالات پیدا ہو جائینگے۔پی ٹی آئی خیبرپختونخوا کو تورہ بورہ بنانے کی سازش کر رہی ہے ۔ مسلم لیگ ن خیبرپختونخوا کے انتخابی نتائج کو مسترد کرتی ہے۔ خیبرپختونخوا میں دھاندلی نہیں پی ٹی آئی کیلئے ڈکیتی کی گئی ہے۔

علی امین گنڈا پور کی گرفتاری کے لئے پولیس نے انکے گھر ڈیرہ اسماعیل خان میں چھاپہ مارا 

علی امین خان گنڈہ پور کی گرفتاری کیلئے ضلعی پولیس کاالامین ہاؤس پر چھاپہ

پی ٹی آئی رہنما علی امین گنڈہ پور گرفتاری کے ڈر سے روپوش ہوگئے.

علی امین گنڈا پور کی مشکلات میں اضافہ

علی امین گنڈا پور کی جانب سے داجل چیک پوسٹ بھکر پر فائرنگ

گنڈا پور کو اسلام آباد پولیس کے حوالے کر دیا گیا

تحریک انصاف کی جانب سے خیبر پختونخوا میں نامزد وزیراعلیٰ علی امین گنڈا پور کے وارنٹ گرفتاری جار ی کر دیئے گئے ہیں جس کے بعد علی امین گنڈا پور نے قانونی ٹیم کو ضمانت کی ہدایت کر دی ہے اور خود وقتی طور پر روپوش ہو گئے ہیں

آزاد کشمیر الیکشن کمیشن نے علی امین گنڈاپور کے وارنٹ گرفتاری جاری کئے ہیں، علی امین گنڈا پور کے خلاف آزاد کشمیر کے انتخابات میں ضابطہ اخلاق کی خلاف ورزی کا کیس ہے، ڈپٹی کمشنر ڈیرہ اسماعیل خان کو علی امین گنڈ اپور کی گرفتاری کا مراسلہ بھی جاری کردیا گیا ہے جس میں علی امین گنڈاپور کو 28 فروری کو الیکشن کمیشن آزاد کشمیر کے روبرو پیش کرنے کی ہدایت کی گئی ہے، علی امین گنڈا پور کے خلاف درخواست وکیل راجہ ذوالقرنین نے 2021ء کے الیکشن کے دوران دائر کی تھی

وارنٹ گرفتاری جاری ہونے کے بعد علی امین گنڈا پور نے قانونی ٹیم کو ضمانت کی ہدایت کی ہے اور وہ خود وقتی طور پر روپوش ہو چکے ہیں، ضمانت ملنے کے بعد علی امین گنڈا پور پھر سامنے آ جائیں گے،بانی پی ٹی آئی عمران خان نے علی امین گنڈا پور کو وزیراعلیٰ خیبرپختونخوا نامزد کررکھا ہے، سیاسی جماعتوں نے اس پر اعتراض کیا، پیپلز پارٹی کے فیصل کریم کنڈی کا کہنا ہے کہ کیا 9مئی میں ملوث افرادوزیر اعلیٰ کےپی کا امیدواربن سکتا ہے؟ کیا 9مئی جیسےبڑےسانحہ میں ملوث کرداروں کوایسے نوازاجائیگا،ایسی صورتحال رہی توکل 9 مئی میں ملوث شخص وزیراعظم کاامیدواربھی ہو سکتاہے,ہمیں تو کہا گیا تھا 9 مئی کے منصوبہ سازوں ،ملوث افراد سے نمٹا جائیگا، کیا نمٹنا اسے کہتے ہیں کہ وزرائے اعلی کےلئے نامزد کردیا جائے، ایسی ہی صورتحال رہی تو پھر سانحہ9مئی کیس پرنظر ثانی کرلی جائے.

پی ٹی آئی خیبرپختونخوا کو تورہ بورہ بنانے کی سازش کر رہی ہے، اختیارولی خان
مرکزی رہنما و ترجمان ن لیگ اختیارولی خان کا کہنا ہے کہ بانی پی ٹی آئی نے علی امین کو وزیراعلی نامزد کرکے ریاست مخالف ایجنڈا اپنا لیا۔ علی امین وزیراعلیٰ بنے تو خیبرپختونخوا میں بلوچستان جیسے حالات پیدا ہو جائینگے۔پی ٹی آئی خیبرپختونخوا کو تورہ بورہ بنانے کی سازش کر رہی ہے ۔ مسلم لیگ ن خیبرپختونخوا کے انتخابی نتائج کو مسترد کرتی ہے۔ خیبرپختونخوا میں دھاندلی نہیں پی ٹی آئی کیلئے ڈکیتی کی گئی ہے۔

علی امین گنڈا پور کی گرفتاری کے لئے پولیس نے انکے گھر ڈیرہ اسماعیل خان میں چھاپہ مارا 

علی امین خان گنڈہ پور کی گرفتاری کیلئے ضلعی پولیس کاالامین ہاؤس پر چھاپہ

پی ٹی آئی رہنما علی امین گنڈہ پور گرفتاری کے ڈر سے روپوش ہوگئے.

علی امین گنڈا پور کی مشکلات میں اضافہ

علی امین گنڈا پور کی جانب سے داجل چیک پوسٹ بھکر پر فائرنگ

گنڈا پور کو اسلام آباد پولیس کے حوالے کر دیا گیا