اڈیالہ جیل میں قید بانی پی ٹی آئی عمران خان سے ان کی اہلیہ بشریٰ بی بی کی ملاقات کرا دی گئی۔
جیل ذرائع کے مطابق جیل مینوئل کے مطابق ملاقات کے دن بانی پی ٹی آئی اور بشریٰ بی بی کی ملاقات کروائی گئی ملاقات کانفرنس روم میں تقریباً 35 منٹ تک جاری رہی اور دونوں نے ایک دوسرے کی خیریت دریافت کی،ملاقات میں بانی پی ٹی آئی کی آنکھ سمیت مکمل طبی معائنے اور بشریٰ بی بی کی صحت کے حوالے سے بات چیت کی گئی۔
وزیراعلیٰ خیبرپختونخوا سہیل آفریدی نے کہا ہے کہ بیرسٹر سلمان صفدر کے ذریعے عمران خان کو پیغام بھیجا کہ میں بھی تیار ہوں اور قوم بھی تیار ہے ، حکم کریں تو پورا پاکستان بند کر دیں، میرا لیڈر عمران خان ہے میں اس کے ہر حکم کی تعمیل کروں گا۔
مانسہرہ میں پی ٹی آئی کے جلسے سے خطاب کرتے ہوئے وزیراعلیٰ سہیل آفریدی نے ہزارہ ڈویژن کیلیے 200 ارب روپے کے جامع ترقیاتی پیکج کا اعلان کیا،200 ارب روپے میں سے 50 ارب روپے صرف سیاحتی منصوبوں پر خرچ ہونگے جبکہ مانسہرہ میں میڈیکل کالج ، نرسنگ کالج، ٹراما سینٹر کا قیام بھی عمل میں لایا جائے گا تناول فیڈر کے قیام اور 15 کلومیٹر اوگی روڈ کی تعمیر جبکہ تناول اور دربند تحصیلوں کو بھی بہت جلد مکمل فعال کرنے کا اعلان بھی کیا۔
سہیل آفریدی نے کہا کہ کل شیخ ادریس صاحب کو شہید کیا گیا، اس سے قبل بھی قیمتی لوگوں کو شہید کیا گیا، جب ہم دہشت گردی کے خلاف آواز بلند کرتے تھے تو کہا جاتا یہ جھوٹ بول رہے ہیں، جب معصوم لوگ شہید ہونا شروع ہوگئے تو اب کہتے ہیں آپریشنز کریں گےخیبر پختونخوا کو لیبارٹری سمجھ کر تجربات کیے جا رہے ہیں، اس کا نقصان غریب عوام کو ہو رہا ہے-
سہیل آفریدی نے کہا کہ 180 نشستیں جیتنے والے شخص کو قید کیا گیا، 17 نشستیں جیتنے والوں کو ہم پر مسلط کیا گیا، جب تک ہم اپنے حق کے لیے کھڑے نہیں ہوں گے تب تک ہم ہر ظلم و جبر کرتے رہیں گے ہم نے متحد ہوکر اپنے حقوق کی جنگ لڑنی ہے، ہم نے عمران خان کے نظریے پر اپنی جانیں قربان کی ہیں ، ان کو تکلیف میں دیکھ کر درد ہوتا ہے بیرسٹر سلمان صفدر کے ذریعے عمران خان کو پیغام بھیجا کہ میں بھی تیار ہوں اور قوم بھی تیار ہے ، حکم کر یں تو پورا پاکستان بند کر دیں، میرا لیڈر عمران خان ہے میں اس کے ہر حکم کی تعمیل کروں گا۔
سہیل آفریدی کا کہنا تھا کہ عمران خان کے حکم کے بغیر نہ کسی کی بات سنوں گا اور نہ مانوں گا، جب میری نامزدگی کا اعلان ہوا تو طرح طرح کے الزامات لگائے گئے لیکن میں ڈٹا رہا، جب ناکام ہوئے تو میرے آبائی علاقے میں آپریشن کا اعلان کیا گیا میرے لوگ میرے ساتھ کھڑے ہیں، وہ جانتے ہیں ان کے ووٹ پر کس نے ڈاکہ ڈالا، جزیرے کون خریدتا ہے، میں اپنے لیڈر اور لیڈر کی پارٹی کو کبھی نقصان نہیں پہنچاؤں گا، تمام آئینی وقانونی راستے عمران خان سے ملاقات کے لیے استعمال کر چکے۔
انہوں نے مزید کہا کہ عمران خان اور ان کی اہلیہ کا ذاتی معالجین و فیملی کی موجودگی میں علاج نہیں کرایا جا رہا، جب سارے رستے بند کر دیئے جائیں ، دیوار سے لگایا جائے ، تو ہمارے پاس صرف احتجاج کا راستہ بچتا ہےہم نے ایک دوسرے کی طاقت بن کر کندھے سے کندھا ملا کر انہیں شکست دینی ہے، ایلیٹ مافیا کبھی بھی نہیں چاہے گا مڈل کلاس آگے آئے، عمران خان نے پہلی دفعہ ایک مڈل کلاس لڑکے کو وزارت اعلیٰ کی کرسی پر بٹھایا ہےآپ سے وعدہ کرتا ہوں عمران خان اور عوام کے اعتماد کو ٹھیس نہیں پہنچاؤں گا۔
اسلام آباد ہائیکورٹ نے 190 ملین پاؤنڈ کیس میں بانی پی ٹی آئی اور بشریٰ بی بی کی اپیلیں 7 مئی کو سماعت کیلئے مقرر کر لیں-
عدالت نے مرکزی اپیلوں کو 7 مئی کو سماعت کے لیے مقرر کر دیا ہےعدالت نے بانی پی ٹی آئی کی سزا معطلی کی درخواست بھی نمٹا دی ہے، عدالت کے مطابق مرکزی اپیلوں کی سماعت شروع ہونے کے باعث سزا معطلی کی درخواستیں غیر مؤثر ہو گئی ہیں،اسلام آباد ہائیکورٹ نے اس حوالے سے محفوظ کیا گیا فیصلہ بھی جاری کر دیا ہے۔
اسلام آباد ہائیکورٹ کے چیف جسٹس سردار سرفراز ڈوگر اور جسٹس محمد آصف پر مشتمل ڈویژن بننچ نے بانی پی ٹی آئی اور بشریٰ بی بی کی سزا معطل کرکے ضمانت پر رہا کرنے کرنے کی درخواستیں غیر موثر ہونے پر نمٹا ئیں۔
بانی پی ٹی آئی اور بشریٰ بی بی نے مرکزی اپیل پر سماعت سے قبل سزا معطلی کی درخواستیں سننے کی استدعا کی تھی جسے عدالت نے مسترد کردیا،بانی پی ٹی آئی اور بشریٰ بی بی نے مارچ 2025 میں سزا معطلی کی درخواستیں دائر کی تھیں۔ اسلام آباد کی احتساب عدالت نے 190 ملین پاؤنڈ کیس میں بانی پی ٹی آئی کو 14 سال قید اور 10 لاکھ روپے جرمانہ اور بشریٰ بی بی کو سات برس قید اور پانچ لاکھ روپے جرمانے کی سزا سنا رکھی ہے۔
بانی پی ٹی آئی عمران خان کے وکیل خالد یوسف چوہدری نے سپرنٹنڈنٹ اڈیالہ جیل کو دوبارہ خط لکھ دیا،خط کی نقل رجسٹرار سپریم کورٹ اور سیکرٹری چیف جسٹس سپریم کورٹ کو بھی ارسال کردی گئی۔
وکیل خالد یوسف چوہدری نے کہا کہ پاور آف اٹارنی اور قانونی دستاویزات ایک بار پھر جیل حکام کو ارسال کی گئیں، بانی پی ٹی آئی سے فوری دستخط کروا کر دستاویزات واپس کیے جائیں، پہلے خط (6 اپریل 2026) کا حوالہ بھی خط میں شامل ہے۔
خط میں وکیل خالد یوسف چوہدری نے کہا کہ پاور آف اٹارنی اور قانونی دستاویزات 7 اپریل کو ٹی سی ایس کے ذریعے بھیجے گئے،دستاویزات 9 اپریل کو دوپہر 3:13 بجے جیل آفس میں موصول ہوئے، 13 اپریل کو اڈیالہ جیل کے گیٹ نمبر 5 پہنچا،جیل اسٹاف اور صدر پولیس کے پاس آمد اور مقصد باقاعدہ ریکارڈ کیا گیا، کئی گھنٹے انتظار کے بعد بتایا گیا کہ دستاویزات “ریکارڈ میں نہیں مل رہیں، حساس قانونی دستاویزات کا غائب ہونا سنگین انتظامی غفلت ہے، یہ عمل قانونی کارروائی میں رکاوٹ اور انصاف تک رسائی میں مداخلت ہے۔
خط میں کہا گیا کہ بانی پی ٹی آئی کے بنیادی حقوق اور فیئر ٹرائل کے حق کی خلاف ورزی کی جا رہی ہے، سپریم کورٹ میں اپیل دائر کرنے کی مدت تیزی سے ختم ہو رہی ہے، جیل حکام کی ذمہ داری ہے کہ قیدی کو انصاف تک رسائی فراہم کریں، فوری طور پر سابق وزیراعظم سے دستخط کروائے جائیں،24 گھنٹوں میں دستخط شدہ دستاویزات واپس کی جائیں،اس معاملے کو نہایت ہنگامی بنیادوں پر نمٹا جائے۔
بانی پی ٹی آئی عمران خان کے خلاف فارن فنڈنگ کیس میں اہم پیش رفت سامنے آئی ہے۔
عمران خان کو فارن فنڈنگ کیس میں مرکزی ملزم قرار دیتے ہوئے 57 صفحات پر مشتمل چالان تیار کرلیا گیا ہےذرائع کا کہنا ہے کہ ایف آئی اے کی جانب سے کیس کا چالان تیار کر لیا گیا ہے جو کل تک عدالت میں جمع کروا دیا جائے گا،فارن فنڈنگ کیس کا چالان 57 صفحات پر مشتمل ہے جس میں مجموعی طور پر 11 ملزمان کو نامزد کیا گیا ہے جبکہ بانی پی ٹی آئی کو مرکزی ملزم قرار دیا گیا ہے۔
ذرائع کے مطابق ایف آئی اے کے چالان میں طارق شفیع، حامد زمان سمیت دیگر افراد کو بھی شامل کیا گیا ہے جب کہ 3 ملزمان کو اشتہاری قرار دے دیا گیا ہے جن میں عارف نقوی اور طارق رحیم شیخ سمیت دیگر شامل ہیں، دنیا کے مختلف ممالک سے پی ٹی آئی اکاؤنٹ میں 1800 ٹرانزیکشنز ہوئیں اور یہ رقم ’نیا پاکستان‘ کے نام سے موصول ہوئی، ملزمان پر 2.1 ملین ڈالر کی غیرقانونی فنڈنگ کا الزام ہے جبکہ پی ٹی آئی کو 2.1 ملین ڈالر کی رقم ’ووٹ آن کرکٹ لمیٹڈ‘ نامی کمپنی نے بھی بھیجی۔
ایف آئی اے چالان کے مطابق پی ٹی آئی کی جانب سے الیکشن کمیشن کو فراہم کردہ ریکارڈ میں اس کمپنی کی ملکیت عارف نقوی کے نام ظاہر کی گئی ہے اور پارٹی کے جمع کروائے گئے ریکارڈ کے مطابق کمپنی کیمن آئرلینڈ میں رجسٹرڈ بتائی گئی ہے مذکورہ کمپنی فیک ہے اور کہیں رجسٹرڈ نہیں پائی گئی ذرائع کے مطابق اسپیشل کورٹ نے ایف آئی اے کو چالان جمع کروانے کی ہدایت دے رکھی ہے، جس پر عملدرآمد کرتے ہوئے چالان جلد عدالت میں پیش کیا جائے گا۔
دوسری جانب بینکنگ عدالت اسلام آباد میں بانی پی ٹی آئی و دیگر کے خلاف فارن فنڈنگ کیس کی سماعت ہوئی جہاں خصوصی عدالت کے جج عبدالغفور کاکڑ نے کیس کی سماعت کی اس دوران اسپیشل پراسکیوٹر واثق ملک اور تفتیشی افسر عدالت میں پیش ہوئے۔
دوران سماعت جج عبدالغفور کاکڑ نے استفسار کیا کہ چالان کی کیا صورتحال ہے، جس پر پراسکیوٹر واثق ملک نے عدالت کو بتایا کہ چالان مکمل طور پر تیار ہو چکا ہے اور ان کی جانب سے آج یا کل تک رجسٹرار کے پاس جمع کروا دیا جائے گا۔
بعد ازاں عدالت نے مرکزی کیس کی سماعت 21 اپریل تک ملتوی کر دی جبکہ کیس میں نامزد ملزمان سراج احمد اور فیصل قاضی کی عبوری ضمانت میں بھی 21 اپریل تک توسیع کر دی گئی سماعت کے دوران ملزم فیصل قاضی کی عدم دستیابی کے باعث ضمانت کی درخواست پر دلائل نہ ہو سکے۔
اس موقع پر پراسکیوٹر واثق ملک نے مؤقف اختیار کیا کہ عدالت کو بتائے بغیر ملزم بیرون ملک کیسے جا سکتا ہے۔ وکیل صفائی نے بتایا کہ فیصل قاضی ایک نجی بینک کے دبئی میں ہیڈ ہیں اور ہر سماعت پر پاکستان آتے ہیں اس پر جج عبدالغفور کاکڑ نے ریمارکس دیے کہ آئندہ پیشی پر اگر ملزم پیش نہ ہوا تو معاملہ دیکھا جائے گا۔
توشہ خانہ ون کیس میں سزا کیخلاف اپیلوں کو جلد سماعت کیلئے مقرر کرنے اور عمران خان سے قانونی مشاورت کیلئے ملاقات کیلئے اسلام آباد ہائیکورٹ میں درخواستیں دائر کردی گئیں،بیرسٹر سلمان صفدر نے بانی پی ٹی آئی اور بشری بی بی کی جانب سے متفرق درخواستیں دائر کیں۔
بانی پی ٹی آئی اور بشری بی بی نے توشہ خانہ ون کیس میں سزا کے خلاف اپیلیں اسلام آباد ہائی کورٹ میں جلد سماعت کے لیے مقرر کرنے کی متفرق درخواستیں دائر کر دیں بانی پی ٹی آئی اور بشری بی بی کی جانب سے اسلام آباد ہائیکورٹ میں دائر متفرق درخواستوں میں موقف اختیار کیا گیا ہے کہ توشہ خانہ ون کیس میں 31 جنوری 2024 کو سزائیں ہوئیں سزا کے خلاف اپیلیں ابھی تک ہائیکورٹ میں زیر التوا ہیں جو سماعت کے لیے مقرر نہیں کی گئیں، استد عا ہے کہ توشہ خانہ ون کیس میں سزا کے خلاف اپیلیں جلد سماعت کے لیے مقرر کی جائیں ۔
اس کے علاوہ بیرسٹر سلمان نے اسلام آبا دہائی کورٹ میں درخواست دائر کی جس میں 190 ملین پاونڈ کیس میں سزا کے خلاف اپیل پر قانونی مشاورت کے لیے بانی پی ٹی آئی کو وکیل سے ملاقات کی اجازت مانگی گئی ہے درخواست میں مؤقف اختیار کیا گیا کہ 20 دسمبر 2025 کے بعد سے بانی پی ٹی آئی کی اپنے کونسل سے کوئی بامقصد ملاقات نہیں ہوسکی، تقریباً تین ماہ اور بارہ دن سے بانی پی ٹی آئی کو قانونی رسائی سے محروم رکھا گیا ہے۔
درخواست میں چیئرمین نیب، آئی جی جیل خانہ جات پنجاب اور سپریٹنڈنٹ اڈیالہ جیل کو فریق بنایا گیا ہے درخواست میں کہا گیا ہے کہ سزا معطلی کی درخواست 19 مارچ 2025 سے زیر التوا ہے جس پر اب تک 16 مختلف تاریخوں پر سماعت ہو چکی ہے نیب کا رویہ کیس کی کارروائی میں جان بوجھ کر تاخیر اور رکاوٹ پیدا کرنے والا ہے۔
درخواست میں کہا گیا ہے کہ جیل حکام کی جانب سے وکلاء کی ملاقات کی تمام کوششیں ناکام بنا دی گئی ہیں وکیل سے ملاقات کا حق جیل رولز 1978 اور آئین کے آرٹیکل 9، 10-اے اور 14 کے تحت بنیادی حق ہے، عدالت اپیل کی تیاری کے لیے دونوں اپیل کنندگان کی وکیل سے ملاقات کا فوری حکم دے۔
رکن قومی اسمبلی شیر افضل مروت کا کہنا ہے کہ عمران خان اپنی بہنوں کے ہوتے ہوئے جیل سے باہر نہیں آ سکتے۔
میڈیا سے گفتگو کرتے ہوئے شیر افضل مروت نے کہا کہ حضرت یوسف علیہ السلام کو اللہ تعالیٰ نے بھائی عطا کیے تھے جبکہ عمران خان کو بہنیں نصیب ہوئی ہیں اور ان کے ہوتے ہوئے عمران خان جیل سے باہر نہیں آسکتے، علی امین گنڈ پور کو ہٹانے کیلئے پارٹی نے الزام تراشیاں کی تھیں اب ایسے بند ےکو وزیراعلیٰ بنایا گیا ہےجو پرائمری اسکول نہیں چلا سکتا موجودہ وزیراعلیٰ کے پی6 ماہ میں اپنی کابینہ بھی نہیں بنا سکے ہیں کس وزیراعلیٰ کے اسٹیبلشمنٹ سے رابطے نہیں ہوتے؟ علی امین گنڈاپور پر اسٹیبلشمنٹ سے رابطے کا الزام لگاتے ہیں موجودہ وزیراعلیٰ تو اسٹیبلشمنٹ سے رابطوں میں 10 قدم آگے ہیں۔
دوسری جانب وزیراعلیٰ سہیل آفریدی نے شدید مخالفت کے باوجود خیبرپختونخوا کابینہ میں توسیع کا فیصلہ کرلیا، کابینہ میں مزید 14 ارکان کو شامل کیا جائے گا۔
سرکاری ذرائع کے مطابق پشاور سے سابق وزیر صحت، سوشل ویلفیئر و عشر زکوٰۃ سید قاسم علی شاہ کو دوبارہ کابینہ میں شامل کرنے کا فیصلہ کیا گیا ہے جنوبی وزیرستان سے آصف محسود، ٹانک سے عثمان بیٹنی، کرک سے خورشید خٹک کو کابینہ میں شامل کیا جائے گا، کابینہ توسیع میں چارسدہ سے افتخار اللہ جان، مرد ان سے طارق آریانی اور احتشام خان کو شامل کیا جائے گا دیر سے ہمایوں خان، سوات سے میاں شرافت علی، مالاکنڈ سے پیر مصور کو کابینہ میں شامل کیا جائے گا، ہزارہ ڈویژن سے افتخار جدون اور اکرام غازی کو کابینہ میں شامل کیا جائے گا، کابینہ توسیع میں الیکشن میں ہارے دو ارکان کو بھی شامل کیا جائے گا،خیبرپختونخوا کابینہ توسیع کا نوٹیفکشن جلد جاری کیے جانے کا امکان ہے۔
پاکستان کے سابق وزیراعظم اور بانی پی ٹی آئی عمران خان کے بیٹوں کی پاکستان کیلئے منفی پروپیگنڈا کرنے والے شخص عارف اجاکیہ کے ساتھ فوٹو سوشل میڈیا پر وائرل ہو رہی ہے جس نے نیا تنازع کھڑا کر دیا ہے-
بانی پی ٹی آئی عمران خان کے دونوں بچوں کی عارف اجاکیہ کے ساتھ ملاقات ہوئی جس کی فوٹو وائرل ہو گئی،سوشل میڈیا ویب سائٹ ایکس پر جرنلسٹ اظہر جاوید کی جانب سے شئیر کی گئی فوٹو میں عمران خان کے بیٹوں کو عارف اجاکیہ کے ساتھ خوشگوار موڈ میں دیکھا جا سکتا ہے-
تصویر شئیر کرتے ہوئے انہوں نےتشویش کا اظہار کیا کہا کہ یہ صرف متنازعہ نہیں ہے ، یہ گہرائی سے متعلق ہےعمران خان کے بیٹے سلیمان اور قاسم، عارف آجاکیہ کے ساتھ شانہ بشانہ کھڑے ہیں ایک شخص جو لندن میں پاکستان مخالف مہم اور مظاہروں کے لیے جانا جاتا ہے۔
انہوں نے کہا کہ ایک ایسے وقت میں جب پاکستان کو چیلنجز کا سامنا ہے، ایسے عناصر کے ساتھ اتحاد کا انتخاب سنگین سوالات کو جنم دیتا ہے کیا یہ جہالت ہے، تکبر ہے یا جان بوجھ کر؟کیا وہ اس پیغام کو سمجھتے ہیں جو وہ دنیا بھر میں لاکھوں پاکستانیوں کو بھیج رہے ہیں؟ یا اس سے ان کو کوئی فرق نہیں پڑتا؟
ایک سوشل میڈیا صارف سفینہ خان نے کہا کہ عمران خان کے بیٹے عارف اجاکیہ کیساتھ جینوا میں ، یہ وہ عارف اجاکیہ ہیں جو اپنے آپکو فخر کیساتھ انڈین نا صرف کہتے ہیں بلکہ بھارتیوں کیساتھ ملکر پاکستان کے خلاف مظاہرے بھی کرتے ہیں-
واضح رہے کہ بھارت کی مسلم دشمن ہندوتوا حکومت نے کشمیر میں ہونے والے واقعہ کیخلاف لندن میں جمعہ کو ایک مظاہرہ کا انتظام کیا اس مظاہرہ میں ماتھے پر تلک لگائے عارف اجاکیہ نے بھر پور شرکت کی تھی اور پاکستان کے خلاف نعرے بازی کی تھی-
سوشل میڈیا پر جاری معلومات کے مطابق عارف اجاکیہ، الطاف حسین کا قریبی ساتھی ہے اور بھارتی اہلکاروں سے روابطہ میں پل کا کردار ادا کرتا ہے۔
اجاکیہ نے بھارت جاکر ایک تقریب میں اسلام ترک کرکے ہندومذہب قبول کرلیا تھا۔
رپورٹس کے مطابق بھارت کی مسلم دشمن ہندوتوا حکومت نے کشمیر میں ہونے والے واقعہ کیخلاف لندن میں جمعہ کو ایک مظاہرہ کا انتظام کیا اس مظاہرہ میں ماتھے پر تلک لگائے عارف اجاکیہ نامی ایک ایسے شخص کی شرکت ہے جو باقاعدگی سے ایم کیو ایم لندن کے سربراہ الطاف حسین کے گھر اور دفتر جاتا ہے عارف اجاکیہ نے ہندوؤں کے حلیہ میں صرف پاکستان کیخلاف ہونے والے مظاہرے میں ہی شرکت نہیں کی بلکہ کھل کر پاکستان اور اسلام کو گالیاں بھی دیں۔
عارف اجاکیہ یہ شخص فرانس کا شہری ہے نوے کی دہائی میں یہ شخص الطاف حسین کے دست راست محمد انور کا زاتی ملازم تھا محمد انور اور الطاف حسین نے اس شخص کو 2005 کے بلدیاتی انتخابات میں کراچی کے جمشید ٹاؤن کا ناظم بنادیا مگر اس نے مختصر عرصہ میں ہی اسقدر کرپشن کیا کہ علاقے میں اسکے خلاف مظاہرے شروع ہو گئے اس سے بڑی غلطی اجاکیہ نے یہ کی کہ کرپشن کے مال میں سے نہ تو الطاف حسین کو حصہ دیا اور نہ ہی انور کو جسکی پاداش میں اسکو نظامت سے برطرف کردیا گیا۔
محمد انور نے اس واقعہ کے بعد عارف اجاکیہ کو کھڈے لائن لگادیا مگر جب الطاف حسین نے محمد انور کو کھڈے لائن لگایا تو عارف اجاکیہ کو بحال کرکے پاکستان دشمنوں سے روابط کیلئے مقرر کردیا گزشتہ چند برسوں میں عارف اجاکیہ کئی مرتبہ بھارت جاچکا ہے جہاں اس نے ہندو انتہا پسندوں کی جانب سے دئیے گئے ایک استقبالیہ میں اسلام ترک کرکے ہند مذہب قبول کرلیا (استغفراللہ) اور کئی چینلز پر بیٹھ کر اسلام کے خلاف ہرزہ سرائی کی۔
بھارتی خفیہ ایجنسی “را” نے عارف اجاکیہ کو پاکستان اور اسلام کے خلاف بولنے کیلئے ایک یوٹیوب چینل بھی بناکر دیا ہے جس پر بیٹھ کر یہ مسلسل پاکستان اور اسلام کیخلاف زہر اگلتا ہے جس کے عوض را کی جانب سے اسکو ایک خطیر رقم دی جاتی ہے۔
ایک ماہ قبل الطاف حسین نے بلوچستان کے مسئلہ پر انٹرنیٹ سے کچھ مواد چوری کرکے اسے اپنی کتاب کے طور پر شائع کیا تو اس نام نہاد کتاب کی تقریب رونمائی میں مہمانان خصوصی کے طور پر پاکستان دشمن خان آف قلات اور عارف اجاکیہ کو مدعو کیا گیا باخبر زرائع کا کہنا ہے اجاکیہ گزشتہ چند ایک سال سے الطاف حسین اور بھارتی انٹیلیجنس اہلکاروں کے درمیان پل کا کام کررہا ہے جس کے لئے وہ باقاعدگی کے ساتھ الطاف حسین کے گھر جاتا ہے۔
جبکہ ایک طرف الطاف حسین صبح و شام جنرل عاصم منیر سے معافی کی بھیک مانگ رہا ہے اور دوسری جانب عارف اجاکیہ جیسے دین و قوم فروش سے ملکر پاکستان کی جڑیں کاٹنے میں مصروف ہے۔
پاکستان تحریک انصاف کے بانی عمران خان کی عید کے دن بیٹوں سے بات کرادی گئی۔
جیل ذرائع کے مطابق بانی پی ٹی آئی نے بیٹوں سے 25 سے 30 منٹ تک گفتگوکی، ان کے بیٹوں نے صحت کے بارے میں دریافت کیا بانی پی ٹی آئی کی دونوں بیٹوں قاسم اورسلیمان سے بات ہوئی، جیل ذرائع کا کہنا ہے کہ بانی پی ٹی آئی بیٹوں سے بات کرکے خوش ہوئے۔
وزیراعظم کی ترکمانستان کے صدر سے ٹیلیفونک رابطہ، عیدالفطر کی مبارکباد
شام میں فوجی تنصیبات پر اسرائیلی حملہ،سعودی عرب کی شدید مذمت
بحرین میں امریکی فوجی اڈے پر دھماکے، شہریوں کو محفوظ مقامات پر جانے کی ہدایت
اسلام آباد ہائیکورٹ نے پاکستان تحریک انصاف کے بانی عمران خان کو اڈیالہ جیل سے اسپتال منتقل کرنے کی درخواست پر محفوظ فیصلہ سناتے ہوئے نیا میڈیکل بورڈ تشکیل دینے کا حکم دیا ،اور ان کا دوبارہ طبی معائنہ کرانے کی ہدایت جاری کی ہے۔
جمعرات کو اسلام آباد ہائیکورٹ میں اس معاملے کی سماعت جسٹس ارباب محمد طاہر نے کی سماعت مکمل ہونے کے بعد عدالت نے محفوظ فیصلہ سناتے ہوئے کہا کہ عمران خان کے طبی معائنے کے لیے نیا میڈیکل بورڈ تشکیل دیا جائےعدالت نے اپنے حکم میں ہدایت دی کہ چیف کمشنر اسلام آباد میڈیکل بورڈ تشکیل دیں جو بانی تحریک انصاف کا تفصیلی طبی معائنہ کرے گا اور ان کی صحت کے حوالے سے مکمل رپورٹ عدالت میں پیش کرے گا۔
عدالت نے حکم دیا کہ اس میڈیکل بورڈ میں ڈاکٹر عارف اور ڈاکٹر ندیم قریشی کو بھی شامل کیا جائے تاکہ طبی معائنے کا عمل جامع اور شفاف انداز میں مکمل ہو سکے۔
آبنائے ہرمز میں کتنے جہازوں پر حملے ہوئے؟
فیصلے میں یہ بھی کہا گیا ہے کہ عمران خان کا دوبارہ مکمل طبی معائنہ کیا جائے اور ان کی صحت سے متعلق تمام پہلوؤں کا تفصیلی جائزہ لیا جائے، عدالت نے ہدایت کی کہ معائنے کے بعد تیار ہونے والی میڈیکل رپورٹ متعلقہ حکام کو فراہم کی جائے، جیل رولز کے مطابق عمران خان کی فیملی کو طبی معائنے کے حوالے سے آگاہ کیا جائے گا تاکہ وہ بھی اس عمل سے باخبر رہیں۔
عدالت نے مزید ہدایت دی کہ ڈاکٹر ندیم قریشی عمران خان کی فیملی کے ساتھ رابطے میں رہیں اور طبی معائنے سے متعلق ضروری معلومات فراہم کرتے رہیں،اسلام آباد ہائیکورٹ نے عمران خان کو اسپتال منتقل کرنے کی درخواست نمٹاتے ہوئے قرار دیا کہ پہلے میڈیکل بورڈ کی رپورٹ سامنے آنے دی جائے تاکہ ان کی صحت کی صورتحال کے بارے میں واضح تصویر سامنے آ سکے۔
امریکا کا پشاور میں قونصل خانے کو مستقل طور پر بند کرنے کا فیصلہ
سماعت کے دوران عمران خان کے وکلا نے مؤقف اختیار کیا کہ بانی تحریک انصاف کی صحت کے حوالے سے خدشات موجود ہیں اور انہیں مناسب طبی سہولتیں فراہم کرنے کے لیے اسپتال منتقل کیا جانا چاہیے ایڈووکیٹ جنرل اسلام آباد نے عدالت کو بتایا کہ عمران خان کا بہترین علاج جاری ہے اور ان کی صحت تسلی بخش ہے اس پر جسٹس ارباب طاہر نے ریمارکس دیتے ہوئے کہا کہ یہ بات تو تسلیم شدہ ہے کہ آپ علاج کروا رہے ہیں۔
جسٹس ارباب طاہر نے مزید کہا کہ پاکستان تحریک انصاف کے رہنما یہ مؤقف اختیار کر رہے ہیں کہ عمران خان کو شفا اسپتال منتقل کیا جائے اور وہاں ان کے طبی ٹیسٹ کروائے جائیں۔ انہوں نے ریمارکس دیے کہ اگر یہ ٹیسٹ ایک یا 2 گھنٹے میں ہو سکتے ہیں تو پھر انہیں وہاں لے جانے میں کیا مسئلہ ہے۔
توشہ خانہ ٹو کیس: عمران اور بشریٰ کی اپیلوں پر رجسٹرار آفس کے اعتراضات دور
سماعت کے دوران جسٹس ارباب طاہر نے یہ بھی نشاندہی کی کہ عدالت کے پاس اب تک عمران خان کی کوئی باقاعدہ میڈیکل رپورٹ جمع نہیں کروائی گئی،اس موقع پر جسٹس خادم سومرو نے بھی ریمارکس دیتے ہوئے کہا کہ اس وقت عدالت کے سامنے صرف سپرنٹنڈنٹ جیل کا بیان موجود ہے، انہوں نے سوال اٹھایا کہ کیا محض اسی بیان کی بنیاد پر کوئی حتمی فیصلہ کیا جا سکتا ہے؟-
درخواست گزار کی جانب سے عدالت کو بتایا گیا کہ عمران خان کو مختلف طبی مسائل درپیش ہیں اور جیل میں موجود طبی سہولتیں ان کے مکمل علاج کے لیے ناکافی ہیں،وکلا نے مؤقف اختیار کیا کہ انسانی بنیادوں پر انہیں فوری طور پر کسی مناسب اسپتال منتقل کیا جانا ضروری ہے تاکہ ان کا مکمل طبی معائنہ اور علاج ممکن ہو سکے۔
توشہ خانہ ٹو کیس: عمران اور بشریٰ کی اپیلوں پر رجسٹرار آفس کے اعتراضات دور
سماعت کے دوران سرکاری وکیل نے عدالت کو بتایا کہ جیل انتظامیہ کی جانب سے عمران خان کو تمام ضروری طبی سہولتیں فراہم کی جا رہی ہیں اور ان کی صحت کی مسلسل نگرانی کی جا رہی ہے، سرکاری مؤقف کے مطابق جیل میں طبی عملہ موجود ہے اور بوقت ضرورت ڈاکٹرز بھی معائنہ کرتے ہیں۔
عدالت نے دونوں فریقین کے دلائل تفصیل سے سننے کے بعد درخواست پر فیصلہ محفوظ کر لیا، اس موقع پر جسٹس ارباب محمد طاہر نے ریمارکس دیے کہ عدالت اس معاملے پر 15 منٹ کے وقفے کے بعد فیصلہ سنائے گی، سماعت کے دوران عدالت میں غیر معمولی سنجیدگی دیکھنے میں آئی جبکہ بانی تحریک انصاف کی صحت کے حوالے سے مختلف قانونی نکات پر بھی بحث ہوئی۔