کراچی: گورنر سندھ کامران ٹیسوری نےکہا ہےکہ عمران خان اپنے سامنے شیشہ لگائیں اور اس سے مذاکرات کریں۔
باغی ٹی وی: ایک بیان میں گورنرسندھ کامران ٹیسوری کا کہنا تھا کہ خواتین جو آج جیلوں میں ہیں وہ عمران خان کی وجہ سے ہیں 9 مئی کا واقعہ نہیں ہونا چاہیے تھا، عمران خان کےکہنے پر کراچی میں بسوں کو آگ لگائی گئی اب عمران خان سے کوئی مذاکرات نہیں کرے گا، عمران خان اپنے سامنے شیشہ لگائیں اور اس سے مذاکرات کریں۔
آئی سی سی چئیرمین اور چیف ایگزیکٹیو پاکستان کا دورہ کریں گے
دوسری جانب وزیر داخلہ رانا ثنا اللہ نے فیصل آباد میں کارکنوں سے خطاب کرتے ہوئے کہا نوجوانوں کو گمراہ کرنے والا اور ملکی دفاع کو کمزور کرنے والا اب کہتا ہے کہ مذاکرات کرلو مذاکرات تو سیاستدانوں سے ہوتے ہیں ، عمران خان کے اندر مذاکرات والی کوئی بات نہیں ہے۔
سوشل میڈیا صارفین نے عمران خان کو جھوٹا قرار دے دیا
لاہور میں جناح ہاؤس کے دورے کے بعد میڈیا سے گفتگو میں وفاقی وزیر سعد رفیق کا کہناتھاکہ جناح ہاؤس میں بہت دلخراش واقعہ پیش آیا بلکہ یہ سانحہ ہے، جناح ہاؤس میں قائد اعظم کی بہت سی چیزیں موجود تھیں، ظالموں نے جناح ہاؤس میں ہر چیز کوجلا دیا گیا، کوئی شرم نہیں کی گئی، جناح ہاؤس کے تقدس کوپامال کیا گیا بات کرنے کا ماحول اور ایجنڈا ہوتا ہے لیکن مذاکرات کا یہ ماحول نہیں ہے، عمران خان نے جو کمیٹی بنائی اس سے کوئی مذاکرات نہیں کرے گا۔
جیل میں قید خواتین کے ساتھ قانون کے مطابق کارروائی کررہے ہیں،محسن نقوی
واضح رہے کہ حکومت نے پاکستان تحریک انصاف کے چیئرمین عمران خان کی جانب سے مذاکرات کیلئے کی گئی پیشکش پہلے ہی مسترد کردی تھی۔
