حکومتی اتحاد میں شامل جماعتوں نے ایک مشترکہ بیان میں اسلام آباد میں عمران خان کےخطاب کی شدید مذمت کی ہے۔

حکومتی اتحاد کی جانب سے مشترکہ بیان میں کہا گیا ہے کہ ایف نائن پارک اسلام آباد میں عمران خان کےخطاب کی شدید میں مذمت کرتے ہیں،چیئرمین تحریک انصاف نے ایک خاتون مجسٹریٹ کا نام لے کر اسے دھمکی دی، آئی جی اور ڈی جی آئی پولیس اسلام آباد کو مخاطب کرکے ڈرانے کی کوشش کی۔حکومتی اتحاد کا کہنا ہےکہ یہ دھمکیاں کھلی غنڈہ گردی اور لاقانونیت ہے، غدار فارن ایڈڈ جماعت اور فارن فنڈنگ لینے والا اس کا چیئرمین ہے، انہوں نے پاک فوج میں بغاوت کی سازش کی ہے۔

غداری کے مقدمہ میں گرفتار شہبازگل کے حق میں ریلی مسترد،عمران کی سرعام دھمکیاں

حکومتی اتحاد نے مطالبہ کیا ہےکہ وفاقی وزیرداخلہ دھمکیاں دینے پر عمران اور ان کے ساتھیوں کے خلاف قانونی کارروائی کریں، عمران خان کو آئین اور قانون کا پابند بنایا جائے۔

دھمکیاں،اسلام آباد پولیس کا عمران خان کی سیکیورٹی ڈیوٹی دینے سے انکار

امیر جمعیت علمائے اسلام (ف) اور پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان نے کہا ہے کہ طاقتور قوتیں سمجھتی ہیں نظام ہمارے ہاتھ میں ہونا چاہیے۔ مرکزی مجلس عمومی اجلاس سے خطاب کرتے ہوئے انہوں نے کہا کہ 1973سے لے کر آج تک ایک بھی اسلامی قانون سازی نہیں ہوئی۔ ایسی جماعتوں کو مسلط کردیا جاتا ہے جنہیں قرآن وسنت سے کوئی دلچسپی نہیں ہوتی، ایک وقت تھا جب پاکستان نے چین کو قرضہ دیا آج ہم کہاں کھڑے ہیں۔

پی ڈی ایم سربراہ کا کہنا تھا کہ طاقتور قوتیں سمجھتی ہیں نظام ہمارے ہاتھ میں ہونا چاہیے۔ ہماری تنقید خیر خواہی کی بنیاد پر ہے۔ آئی ایم ایف نے گلے سے پکڑا ہوا ہے اپنی شرائط منوانا رہا ہے ۔اس حد تک آزاد قوم ہیں 14 اگست تک جشن آزادی منا لیتے ہیں۔ جشن آزادی میں منعقدہ تقریبات میں اسلامی چہرہ نہیں دکھایا جاتا۔ بیرونی ایجنٹے پر کمپرومائز نہیں کیا۔

شہباز گل پر قانو ن کی خلاف ورزی کرتے ہوئے تشدد کیا گیا، عمران خان

مولانا فضل الرحمان نے کہا کہ عوام کو ریلیف دینے کے لئے قلیل المدت منصوبہ بندی پر نظر رکھنی ہوگی۔ پارلیمنٹ میں فیصلے موجود طاقت کی بنیاد پر ہوتے ہیں۔ عمران کہتا ہے مجھے قتل کرنا چاہتے ہیں، صبح ایک بیان شام کو دوسرا بیان دے دیتا ہے، پنجاب ضمنی الیکشن میں کامیابی نیازی بیانیے کی مقبولیت کی دلیل نہیں۔

فاقی وزیر اطلاعات و نشریات مریم اورنگزیب نے کہا ہے کہ عمران خان پہلے بھی اپنے بیانات سے لاتعلقی ظاہر کرچکے، اُن کا موقف کل پھر بدل جائے گا،نجی ٹی وی کے پروگرام نیا پاکستان میں گفتگو کے دوران مریم اورنگزیب نے کہا کہ عمران خان کو الزام لگاتے 22 سال ہوگئے، یہ ہر بار نئی پلاننگ کے ساتھ جھوٹ بولتے ہیں۔انہوں نے کہا کہ عمران خان جس ویڈیو کی بات کر رہے ہیں، وہ چکوال کی ہے، جس میں موجود شخص شہباز گل نہیں۔

وفاقی وزیر اطلاعات نے مزید کہا کہ پولیس نے بھی کہ دیا کہ شہباز گل پر کسی قسم کا تشدد نہیں کیا گیا، سوال تو یہ ہے کہ عمران خان نے ویڈیو دینے والوں سے پوچھا کہ کس کی ویڈیو ہے؟اُن کا کہنا تھا کہ ن لیگ کی قیادت سے ملنے وکلاء کورٹ آرڈر لے کر آتے تھے، عمران خان بھی کورٹ سے آرڈر لیں اور شہباز گل سے مل لیں۔

مریم اورنگزیب نے یہ بھی کہا کہ آپ کہو دروازے کھل جائیں تو ایسا نہیں ہو سکتا، عمران خان پروپیگنڈا شہباز گل کے بیان سے توجہ ہٹانے کے لیے کر رہے ہیں۔انہوں نے کہا کہ پنجاب پولیس عمران خان کے ماتحت ہے، ڈاکٹرز نے شہباز گل کو فٹ قرار دیا ہے۔

وزیر توانائی سندھ امتیاز شیخ نے چیئرمین پی ٹی آئی عمران خان کو جھوٹا اور ناقابل اعتبار قرار دیا ہے۔جیکب آباد میں میڈیا سے گفتگو میں امتیاز شیخ نے کہا کہ سندھ کے عوام سمیت کوئی بھی عمران خان پر اعتبار کرنے کے لیے تیار نہیں کیونکہ وہ یوٹرن کے ماہر ہیں۔انہوں نے کہا کہ دراصل عمران خان ایک جھوٹا آدمی ہے، ان پر کسی کو اعتبار نہیں ہے۔

خیال رہے کہ اسلام آباد میں جلسہ عام سے خطاب کرتے ہوئے عمران خان کا کہنا تھا کہ آئی جی اور ڈی آئی جی اسلام آباد ہم تم کو نہیں چھوڑیں گے، تم پر کیس کریں گے۔

عمران خان کا مزید کہنا تھا کہ مجسٹریٹ زیبا چوہدری آپ کو بھی ہم نے نہیں چھوڑنا، کیس کرنا ہے تم پر بھی، مجسٹریٹ کو پتہ تھا کہ شہباز پر تشدد ہوا پھر بھی ریمانڈ دے دیا، بڑے ادب سے سپریم کورٹ کوکہتا ہوں قانون کی حکمرانی پر عمل درآمد آپ کا کام ہے۔

چیئرمین پاکستان تحریک انصاف اور سابق وزیراعظم عمران خان کی انسپکٹر جنرل (آئی جی) اور ڈپٹی اسپپکٹر جنرل (ڈی آئی جی) اسلام آباد کو دھمکیوں کے بعد اسلام آباد پولیس نے چیئرمین پی ٹی آئی کی سیکیورٹی ڈیوٹی دینے سے انکارکر دیا ہے۔پولیس اہلکار کا کہنا ہے کہ عمران خان نے ہمارے افسران کے خلاف زبان استعمال کی اسلیے ڈیوٹی چھوڑ کر جا رہے ہین پولیس اہلکار کی ویڈیو سامنے آ چکی ہے

شہباز گل پر قانو ن کی خلاف ورزی کرتے ہوئے تشدد کیا گیا، عمران خان

باغی ٹی وی کے مطابق پولیس کا کہنا ہے کہ پی ٹی آئی چیئرمین عمران خان کی جانب سے ہماری فورس کے سربراہ سے متعلق نازیبا بیان بازی قبول نہیں کریں گے.زرائع کے مطابق پولیس کا موقف ہے کہ سابق وزیراعظم عمران خان کی جانب سےہماری قیادت اور فورس پر جھوٹے الزامات لگائے جا رہے ہیں، دوسری طرف الزامات لگانے والوں کی ہم سے ہی سیکیورٹی کروائی جا رہی ہے۔

شہبا گل نے عمران خان کے کہنے پرہی بیان دیا، مقدمے سےتوجہ ہٹانے کیلئے پروپیگنڈا کیا گیا، مریم اورنگزیب

ذرائع کے مطابق پولیس کے جونیئر افسران اور جوانوں نے اسلام آباد پولیس قیادت کو تحفظات سے آگاہ کردیا ہے۔خیال رہے کہ سابق وزیر اعظم عمران خان نے آئی جی اور ڈی آئی جی اسلام آباد سمیت خاتون مجسٹریٹ کو اپنے خطاب میں دھمکی دے دی تھی۔ عمران خان نے اسلام آباد میں ریلی سے خطاب کرتے ہوئے کہا تھا کہ آئی جی اسلام آباد اور ڈی آئی جی اسلام آباد تم کو نہیں چھوڑیں گے۔انہوں نے ساتھ میں آئی جی اسلام آباد کے خلاف کیس کرنے کا بھی اعلان کیا تھا۔

غداری کے مقدمہ میں گرفتار شہبازگل کے حق میں ریلی مسترد،عمران کی سرعام دھمکیاں

پی ٹی آئی کے زیراہتمام اسلام آباد اور لاہورمیں شہباز گل کے ساتھ اظہار یکجہتی کیلئے ریلیاں نکالی گئی. تاہم ایف نائن پارک میں تحریک انصاف کی ریلی منی جلسے کی شکل اختیار کر گئی.

چیئرمین تحریک انصاف عمران خان کارکنان سے خطاب کرتے ہوئے کہا کہ تما م کارکنان کو خراج تحسین پیش کرتا ہوں، تحریک انصاف کے جلسوں میں خواتین آتی ہیں،نوجوانوں کی ذمہ داری ہے کہ ہماری خواتین کا دھیان رکھیں،24گھنٹے میں کال پر بڑے شہروں میں حقیقی آزادی کیلئے لوگ باہر نکلے،اس وقت پاکستان میں لوگوں میں دہشت پھیلائی جا رہی ہے، لوگوں کو غلام بنانے کیلئے ڈرایا جاتا ہے،شہباز گل پر تشدد کر کے اور ذہینی طور پر اسے توڑ سکتے ہیں تو یہ کسی سے بھی کر سکتے ہیں،یہ آپ سب کیلئے فیصلہ کن وقت ہے، شہباز گل پر تشدد ہوسکتا ہے تو کسی پر بھی ہوسکتا ہے،شہباز گل پر قانو ن کی خلاف ورزی کرتے ہوئے تشدد کیا گیا.

عمران خان کا کہنا تھا کہ زرداری،فضل الرحمان اور مریم نواز نے شہباز گل سے بھی سخت باتیں کیں، پہلی بار سوئی ہوئی قوم جاگ رہی ہے ،25مئی کبھی یہ قوم نہیں بھولے گی، 25مئی کو ایک پرامن احتجا ج کیا جا رہا تھا،پرامن احتجاج پر شیلنگ کی گئی، تشدد کیا گیا،ان چوروں کو ہمارے اوپر مسلط کیا گیا، عوام کے اس سمندر کو جو آزادی چاہتے ہیں آپ نہیں روک سکتے ،شہباز گل پر 2دن تشدد کیا گیا،آئی جی اسلام آباد اور ڈی آئی جی کو نہیں چھوڑیں گے،آئی جی اور ڈی آئی جی پر کیس کریں گے،مجسٹریٹ صاحبہ آپ بھی تیار ہوجائیں آپ کیخلاف بھی ایکشن لیا جائے گا، شہباز گل پر کیس ہوسکتا ہے تو ہم فضل الرحمان ،نواز شریف ،رانا ثنااللہ کیخلاف بھی کیس کریں گے،انہو ں نے قا نون کی بالادستی کی دھجیاں اڑاد دیں،ساری قوم سپریم کورٹ کی طرف دیکھ رہی ہے.

پی ٹی آئی چیئرمین کا کہنا تھا کہ مجسٹریٹ صاحبہ آپ بھی تیار ہوجائیں آپ کیخلاف بھی کیس کریں گے،سپریم کورٹ کی ذمہ داری ہے کہ قانون اور آئین پر عمل کروائے،

قبل ازیں چیئرمین پی ٹی آئی اور سابق وزیراعطم عمران خان اسلام آباد ریلی کے شرکا سے خطاب کیلئے زیرو پوائیٹ پہنچے تھے،چیئرمین تحریک انصاف عمران خان زیرو پوائنٹ سے ریلی کی قیادت کی.عمران خان کی قیادت میں تحریک انصاف کی ریلی ایف نائن پارک پہنچی.تحریک انصاف کے کارکنان گاڑیوں اور موٹر سائیکلوں پر سوار ریلی میں شریک ہوئے، کارکنوں نے ہاتھوں میں پارٹی پرچم تھام رکھے تھے.

دوسری طرف تحریک انصاف کے زیر اہتمام لاہور کےلبرٹی چوک سے ریلی نکالی گئی ،تحریک انصاف کےعمر سرفراز چیمہ ، محمود الرشید سمیت دیگر رہنماوں نے لبرٹی چوک سے ریلی کی قیادت کی پی ٹی آئی کی ریلی لبرٹی چوک سے داتا دربار پر اختتام پذیر ہوگئی..

اس سے قبل اسلام آباد انتظامیہ نے تحریک انصاف (پی ٹی آئی) کی ریلی کو سیکیورٹی دینے سے معذرت کر لی۔ ترجمان ڈی سی اسلام آباد کے مطابق تحریک انصاف نے ریلی کی اجازت اور سکیورٹی کے لیے درخواست دی تھی تاہم ٹھوس وجوہات کی بنا پر ریلی نکالنے اور سیکیورٹی مہیا کرنے سے معذرت کی گئی۔

انہوں نے تبایا کہ اسلام آباد میں سیکیورٹی وجوہات کی بنیاد پر گزشتہ کئی روز سے دفعہ 144 نافذ ہے، قیادت کے ساتھ ساتھ ریلی شرکا کی قیمتی جانیں بھی خطرے سے دوچار ہو سکتی ہیں۔ترجمان ڈی سی اسلام آباد نے بتایا کہ زیرو پوائنٹ سے ایف نائین پارک تک روڈ پر ٹریفک کا شدید دباؤ بھی سیکیورٹی رسک بن سکتا ہے، پی ٹی آئی رہنما علی نواز اعوان کی درخواست کا بروقت جواب بھجوا دیا گیا ہے۔

باغی ٹی وی کی رپورٹ کے مطابق تحریک انصاف کے چیئرمین عمران خان نے کہا ہے کہ تحریک انصاف کے ساتھ پبلک سپورٹ ہے،

عمران خان کا کہنا تھا کہ میں جو بھی کام کرتا ہوں کشتیاں جلا کر کرتا ہوں،سب کچھ بیچ کر پاکستان میں انویسٹ کیا ،ہم آرام سے اسلام آباد کو بند کرسکتے ہیں ، لیکن ایسا کوئی بھی اقدام فائنل اسٹیپ ہو گا۔ نہیں چاہتا کہ ملک کو معاشی نقصان ہو۔میں فائنل قدم اس لئے لوں گا کہ اپنے مقصد تک پہنچ جاؤں،چار دن کے نوٹس پر ہاکی گراؤنڈ بھرا، یہ کوئی نہیں کرسکتا انہوں نے ملکر مینار پاکستان پر جلسی کی،تمام مسئلے کا حل فری اینڈ فیئر الیکشن اور سیاسی استحکام میں ہے ملک میں عدم استحکام ہے جن کے پاس پاور ہے کیا انہیں نظر نہیں آ رہا ؟عوامی طاقت تحریک انصاف کے پاس ہے،کارڈ سارے ہمارے پاس ہیں کبھی آزادی آرام سے نہیں ملے گی جدوجہد کرنی پڑے گی اسلام آباد کے چاروں طرف میری حکومت ہے،معاشی استحکام کے بغیر میثاق معیشت ناممکن ہے ،یہ مجھے نااہل نہیں کر سکتے،

عمران خان کا مزید کہنا تھا کہ میں نے کبھی کسی کو چینل بند کرنے یا صحافی کو ہراساں کرنے کا نہیں کہا نیب نے کسی کو میرے کہنے پر نہیں اٹھایا ہر روز کوئی نئی کہانی سننے کو ملتی ہے۔جو شہباز گل سے اگلوانا ہے وہ عظمی کا خاوند اگل دے گا۔میں عاشق رسول ﷺ ہوں نبیؐ سے محبت تک ایمان مکمل نہیں ہوتا، سلمان رشدی سے زیادہ غلیظ انسان کوئی نہیں وہ فتنہ ہے، میں نے اپنے انٹرویو میں سیالکوٹ میں سری لنکن شہری کے قتل کے واقعے کا حوالہ دیا تھا کہ کسی کو اجازت نہیں ہونی چاہیے کہ قانون ہاتھ میں لے کر کسی کو بھی قتل کر دے، سیالکوٹ واقعے پر پاکستان کو جس طرح عالمی سطح پر اجاگر کیا گیا وہ افسوسناک تھا

عمران خان وزیراعظم تھے، انکے خلاف عدم اعتماد کامیاب ہوئی تو شہباز شریف وزیراعظم بن گئے، اس روز سے لے کر عمران خان دوبارہ وزیراعظم کی کرسی پر بیٹھنے کے لئے آئے روز نہ صرف جلسے کر رہے ہیں بلکہ اداروں پر بھی تنقید کر رہے ہیں، عمران خان نے اسلام آباد کی طرف لانگ مارچ کا اعلان کیا تھا لیکن اس روز عوام کے نہ نکلنے اور پھر گرفتاری کے خوف سے عمران خان دوبارہ اسلام آباد سے پشاور واپس چلے گئے تھے، بعد ازاں انہوں نے ضمانت کروائی اور بنی گالہ آئے، عمران خان کئی شہروں میں جلسے کر چکے ہیں اور اب دوبارہ عمران خان کے جلسوں کا شیڈول جاری کیا جا چکا ہے

شہبازگل کے ڈرائیور کے بھائی کی عبوری ضمانت منظور

سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

شہباز گل کی گرفتاری، پی ٹی آئی کے ڈنڈا بردار کارکن بنی گالہ پہنچ گئے

شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا

نعرے ریاست مدینہ کےاورغلامی امریکہ کی واہ شہبازگل باجوہ

اسلام آباد:سلمان رشدی بارے عمران خان کے بیان کے بعد ہمارا موقف سچا ثابت ہو گیا۔اطلاعات کے مطابق جے یوآئی فضل الرحمن گروپ کے سربراہ فضل الرحمن نے کہاکہ کہ سلمان رشدی بارے عمران خان کے بیان کے بعد ہمارا موقف سچا ثابت ہو گیا

فضل الرحمن نے کہا ہے کہ آسیہ ملعونہ اورعبدالشکورقادیانی کواپنی حکومت میں رھا کرنےکےبعداب حضورصلی اللہ علیہ وسلم کی شانِ اقدس میں گستاخی کرنےوالےملعون سلمان رشدی کےحق میں بیان دینےکےبعدعمران خان نےھمارےروزاول کےموقف کوپھرسچاثابت کیاھے

آسیہ ملعونہ اورعبدالشکورقادیانی کواپنی حکومت میں رھا کرنےکےبعداب حضورصلی اللہ علیہ وسلم کی شانِ اقدس میں گستاخی کرنےوالےملعون سلمان رشدی کےحق میں بیان دینےکےبعدعمران خان نےھمارےروزاول کےموقف کوپھرسچاثابت کیاھے کہ وہ اسلام اور پاکستانیت کےلبادےمیں بیرونی اوربالخصوص یہود کاایجنٹ ھے

— Maulana Fazl-ur-Rehman (@MoulanaOfficial) August 19, 2022

فضل الرحمن کا کہنا تھا کہ وہ اسلام اور پاکستانیت کےلبادےمیں بیرونی اوربالخصوص یہود کاایجنٹ ھے

یاد رہے کہ جے یو آئی ف کے سربراہ عمران خان کے سخت مخالفین میں سے ہیں اورہمیشہ عمران خان کوآڑے ہاتھوں لیا ہے ، آج بھی انکا یہ بیان عمران خان کے خلاف اپنے پرانے موقف کی تائید ہے جس میں وہ عمران خان کو یہود کا ایجنٹ قرار دیتے ہوئے کہتے ہیں کہ ہم تو پہلے دن سے کہتے تھے کہ عمران خان پاکستان کا خیرخواہ نہیں ، عمران خان کی بجائے قوم کو ہمارے پیچھے چلنا چاہیے

اسلام آباد:چیئرمین پی ٹی آئی عمران خان کا کہنا ہے کہ شہبازگل کو توڑنے کے لئے ذلیل کیا گیا جس کی تفصیلات میرے پاس ہیں۔سماجی رابطے کی ویب سائٹ ٹویٹر پر اپنی ٹویٹ میں چیئرمین تحریک انصاف عمران خان کا کہنا تھا کہ تصاویر اور ویڈیوز سے واضح ہے کہ شہبازگل پر ذہنی اور جسمانی تشدد کیا گیا۔

All the pictures & videos show clearly Gill was tortured both mentally & physically incl sexual abuse – most too gruesome to relate. He was humiliated to break him down. I now have full detailed info. ICT police says it did not inflict any torture. So my question is: pic.twitter.com/iGNczYChnt

— Imran Khan (@ImranKhanPTI) August 19, 2022

پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے الزام عائد کیا ہے کہ شہباز گل پر تشدد میں جنسی زیادتی بھی شامل ہے۔

سوشل میڈیا پر اپنے بیان میں عمران خان نے کہا کہ تصاویر اور ویڈیوز میں واضح ہے کہ شہباز گل کو ذہنی اور جسمانی طور پر تشدد کا نشانہ بنایا گیا۔چیئرمین تحریک انصاف کا کہنا تھا کہ شہبازگل کو توڑنے کیلئے ذلیل کیا گیا ہے، اس حوالے سے میرے پاس مکمل تفصیلی معلومات ہیں۔

Who tortured Gill? There is a general perception in the public at large & in our minds too as to who could have carried out the gruesome torture. Remember the public will react. We will leave no stone unturned to find out those responsible & bring them to justice.

— Imran Khan (@ImranKhanPTI) August 19, 2022

عمران خان نے کہا کہ پولیس کا کہنا ہے کہ انہوں نے شہبازگل پر کوئی تشدد نہیں کیا، میرا سوال ہے کہ پھر شہبازگل پر تشدد کس نے کیا ہے۔

سابق وزیر اعظم کا کہنا تھا کہ عوام اور ہمارے ذہنوں میں سوال ہے کہ اتنا بھانک تشدد کون کرسکتا ہے، یادرکھیں عوام ردعمل دیں گے، اور ہم ذمہ داروں کو انصاف کے کٹہرے میں لانے میں کوئی کسر نہیں چھوڑیں گے۔