Tag: عمران خان

اسلام آباد:پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے 6 مئی کو میانوالی میں جلسے کا اعلان کرتے ہوئے کہا کہ حقیقی آزادی کی تحریک کا آغاز کرنے لگا ہوں، کرپٹ حکومت کو عوام پر مسلط کیا گیا۔

چیئرمین پاکستان تحریک انصاف نے میانوالی کے عوام کے نام خصوصی پیغام جاری کرتے ہوئے کہا کہ 6 مئی کو میانوالی میں عظیم الشان جلسہ عام سے خطاب کریں گے، جمعہ کے روز میں آپ کے پاس آرہا ہوں، حقیقی آزادی کی تحریک کا آغاز کرنے لگا ہوں۔

چیئرمین پاکستان تحریک انصاف عمران خان کا میانوالی کے عوام کے نام خصوصی پیغام !

6 مئی کو میانوالی میں عظیم الشان جلسہ عام سے خطاب کریں گے۔#امپورٹڈ__حکومت__نامنظور

چیئرمین پاکستان تحریک انصاف عمران خان کا میانوالی کے عوام کے نام خصوصی پیغام !

6 مئی کو میانوالی میں عظیم الشان جلسہ عام سے خطاب کریں گے۔#امپورٹڈ__حکومت__نامنظور pic.twitter.com/sRTvrvw2Yh

— PTI (@PTIofficial) May 4, 2022

سابق وزیراعظم نے مزید کہا کہ کرپٹ حکومت کو ہم پر مسلط کیا گیا، اس کے خلاف اسلام آباد لانگ مارچ کی تیاری کا آغاز کر رہے ہیں، میانوالی نے پہلی بار مجھے قومی اسمبلی کی سیٹ جتوائی تھی، آپ نے اس میں بھرپور شرکت کرنی ہے، پورے پاکستان کو پیغام دینا ہے میانوالی میرے ساتھ کھڑا ہے، سب کو بتانا ہے میانوالی امپورٹڈ حکومت نامنظور کے ساتھ کھڑا ہے۔

دوسری طرف

اسپیکر پنجاب اسمبلی چوہدری پرویز الٰہی نے کہا ہے کہ عمران خان عوام کی بہتری پر یقین رکھتے ہیں۔

گجرات میں تقریب سے خطاب  کرتے ہوئے چوہدری پرویز الٰہی نے کہا کہ عمران خان پاکستانی عوام کیلئے درد دل رکھنے والے ہے ، وہ عوام کی بہتری، دین کے فروغ کیلئے نہ صرف نیت رکھتے ہیں بلکہ فروغ پر یقین رکھتے ہیں۔

چودھری پرویز الٰہی نے کہا کہ پہلی سے پانچویں تک ناظرہ اور پانچودیں سے بارہویں تک ترجمے کے ساتھ پڑھنا شروع کر دیا ہے، جس کا فائدہ آنے والی نسلوں کو اسلامی تعلیمات سے آگاہی کی صورت میں حاصل ہو گا۔

اسلام آباد:مجھے کچھ کہنے کی ضرورت نہیں عزت دینے والا اللّٰہ ہے:اطلاعات کے مطابق عمران خان کی زیر صدارت پارٹی رہنماؤں کا اجلاس ہوا جس میں اسلام آباد مارچ پر مشاورت کی گئی۔

پی ٹی آئی میڈیا سیل کے مطابق چیئر مین پاکستان تحریک انصاف عمران خان کی زیر صدارت بنی گالہ میں پارٹی رہنماؤں کا اجلاس ہوا جس میں اسلام آباد مارچ پر مشاورت کی گئی۔

اس سے قبل سابق وزیراعظم عمران خان نے پاکستانی قوم کو عیدالفطر کی مبارکباد دیتے ہوئے کہا تھا کہ قوم کو ماہِ رمضان کی تکمیل اور عید کی مبارکباد پیش کرتا ہوں، دعاگو ہوں کہ اللّٰہ رب العزت آپ کے قیام و صیام کو شرفِ قبولیت عطا فرمائیں۔

عیدالفطر پر اپنے جاری کردہ بیان میں عمران خان نے کہا تھا کہ 1947 میں رمضان کی 27ویں بابرکت شب میں قوم کو آزادی ملی، مجھے سامراج کی سازشوں کو عملاً دیکھنے کا موقع ملا اور 7 مارچ کو امریکا میں متعین پاکستانی سفیر نے دفتر خارجہ کو خفیہ مراسلہ بھیجا۔

انہوں نے کہا تھا کہ بطور وزیراعظم اس خفیہ مراسلے کے مندرجات دیکھ کر مجھے شدید حیرت ہوئی، امریکی حکام نے سفارتی آداب بھلا کر پاکستان کی اندرونی سیاست میں مداخلت کی۔

سابق وزیراعظم کا کہنا تھا کہ امریکیوں نے تحریک عدمِ اعتماد کے ذریعے وزیراعظم کو ہٹانے کا حکم دیا، وزیراعظم کو نہ ہٹائے جانے کی صورت میں سنگین نتائج کی دھمکیاں دیں۔

چیئرمین پی ٹی آئی نے کہا تھا کہ ڈپٹی اسپیکر کی واضح رولنگ کے باوجود نہایت تیزی سے حکومت کا تختہ الٹا گیا، منتخب جمہوری وزیراعظم کو ہٹا کر مجرموں کو اقتدار سونپ دیا گیا۔

عمران خان نے مزید کہا تھا کہ پاکستان کا وقار آزادی و خود مختاری ہی سے وابستہ ہے، وقت آن پہنچا ہے کہ آپ آگے بڑھیں اور پاکستان کی حقیقی آزادی کیلئے ہمارا ساتھ دیں۔

پاکستان تحریک انصاف کے رہنما اور سابق وزیراعظم عمران خان کے معاون خصوصی شہباز گل نے کہا کہ میں خان کے ساتھ مشکل وقت میں پوری وفاداری نبھاؤں گا-

باغی ٹی وی : پی ٹی آئی رہنما شہباز گل نے سماجی رابطے کی ویب سائٹ ٹوئٹر پر ایک ویڈیو پیغام جاری کیا جس میں کہا کہ تمام مسلمانوں کو آج کے دن ڈھیروں عید مبارک میں تمام پاکستانیوں کو خوشخبری دینا چاہوں گا کہ بیرونی سازشوں کے تحت یہ جو چوروں ڈاکوؤں غداروں کی حکومت پاکستان پر مسلط کی گئی ہے بہت جلد اس سے ہماری جان چھوٹنے والی ہے-

میں آج واپس پاکستان آ رہا ہوں۔ یہ جانتے بوجھتے کہ یہ ایک بعد دوسرا کیس بنائیں گے۔ ایک میں ضمانت لیں گے تو دوسرا تیار ہوگا۔

میں انشاللہ خان کے ساتھ مشکل وقت میں پوری وفاداری نبھاؤں گا- @SHABAZGIL #الیکشن_کراو_پاکستان_بچاو pic.twitter.com/JzgExaHL1S

— PTI (@PTIofficial) May 3, 2022

شہباز گل نے کہا کہ عمران خان اسٹریٹجی بنا چکے ہیں عمران خان اسے امپلیمنٹ کر چکے ہیں میرے بارے میں کہا گیا کہ میں ملک سے باہر چلا گیا ہوں ملک میں واپس نہیں آؤں گا میرے اوپر جھوٹی سچی ایف آئی آر دی گئیں-

50 فیصد کامیابی ملی ہے، ابھی خیبر پختونخوا اور بلوچستان میں بھی جیتنا ہے ،آصف علی زرداری

ویڈیو میں رہنما تحریک انصاف نے بتایا کہ میں آج واپس پاکستان آ رہا ہوں یہ جانتے بوجھتے کہ یہ لوگ ایک بعد دوسرا کیس بنائیں گے، کیوں بنائیں گے کیونکہ یہ بیرونی سازش سے آئی ہوئے ہیں یہ مذہب کی آڑمیں ایف آئی آر درج کریں گے کسی طریقے سے ہمارے منہ بند کرنے کے لئے جھوٹے سہارے لیں گے ان کے خلاف جو احتجاج ہونے والا ہے اس کو رکوانے کے لئے یہ جھوٹے مقدمے بنائیں گے-

شہباز گل کا کہنا تھا کہ ایک میں ضمانت لیں گے تو دوسرا تیار ہو گا، لیکن پاکستان آنے کی وجہ صرف ایک ہے اور وہ یہ کہ میری ماں باجوہ اور باپ گِل ہے۔

ان کا کہنا تھا کہ پاکستان کے ہر گھرانے کی طرح ہمارے گھر میں بھی پہلی چیز وفاداری سکھائی جاتی ہے، میں خان کے ساتھ مشکل وقت میں پوری وفاداری نبھاؤں گا اس امپورٹڈ حکومت کے خلاف خان کے ساتھ وفاداری کا مطلب پاکستان کے ساتھ وفاداری ہے۔

سستا آٹا فراہمی، محکمہ خوراک پنجاب کے گندم خریداری ہدف میں 10 لاکھ ٹن کا اضافہ

سابق وزیرداخلہ شیخ رشید کا کہنا ہے کہ میں فوج سے صلح کا حامی ہوں ، لڑائی جھگڑے کی حمایت نہیں کرتا اور اب بھی چاہتا ہوں کہ ہماری صلح ہونی چاہئے اور اس کے لیے کوششیں بھی شروع کردی ہیں۔

باغی ٹی وی : غیرملکی خبررساں ادارے کو دیئے گئے انٹرویو میں شیخ رشید احمد نے کہا کہ فوج کے ساتھ تمام معاملات اچھے چل رہے تھے اور ہم سب ایک پیج پر تھے مگر اچانک ہمارے درمیان غلط فہمیاں پیدا ہوگئیں ، لیکن کچھ نہ کچھ ایسا ہوا ہے کہ ایم کیو ایم اور باپ نے ہمارا ساتھ چھوڑ دیا، آدھی ق لیگ چلی گئی، ہم سے کہیں تو غلطی ہوئی ہے۔

شیخ رشید کا کہنا تھا کہ تحریک انصاف کو اداروں کےخلاف نہیں کھڑا ہونا چاہئےہمیں اداروں کے ساتھ مل کر الیکشن کی تاریخ طے کرنی چاہئےمیں اس میں ثالثی کا کردار ادا کروں گا، لیکن اگر عمران خان کی اداروں سے جنگ ہوجاتی ہے تو اس میں کوئی شک نہیں ہونا چاہئے کہ میں عمران خان کے ساتھ چٹان کی طرح کھڑا رہوں گا کیوںکہ عمران خان کو اس جنگ میں حق بجانب سمجھتا ہوں۔

پی ٹی آئی کیجانب سے معید پیرزادہ کو 3سال 7 ماہ میں "گلوبل ویلیج سپیس ڈاٹ…

شیخ رشید نے مسجد نبویﷺ میں پیش آنے والے واقعے سے متعلق کہا کہ میں عاشق رسولﷺ ہوں اور اس فعل پر کہتا ہوں کہ یہ نہیں ہونا چاہئے تھا لیکن حقیقت یہ ہے کہ یہ لوگ جہاں بھی جائیں گے عوام اپنے جذبات کا اظہار کریں گے اور انہیں چور کہیں گے ، مدینہ میں تو شاید 5 سے 10 ہزار لوگ ہیں لیکن اگر یہ لوگ لندن چلے گئے تو ایک لاکھ افراد ان کے خلاف مظاہرہ کریں گے۔

انہوں نے کہا کہ ہمارا ایک ہی مطالبہ ہے کہ جلد از جلد صاف اور شفاف انتخابات کی تاریخ دی جائے، اگر عوام نے ساتھ دیا اور اسلام آباد آگئےتوپھر تو ہم الیکشن کی تاریخ لئے بغیر وہاں سے نہیں جائیں گے، ورنہ ہماری سیاست غرق ہوجائے گی، ہم آر یا پار ہوجائیں گے عمران خان کبھی نہیں چاہتے کہ مارشل لا لگےوہ تو انتخابات چاہتے ہیں، وہ تو اس حکومت سے بھی مذاکرات اور بات چیت کے لئے تیار ہیں لیکن شرط یہ ہےکہ اگر حکومت انتخابات کی تاریخ کےحوالےسےبات کرےاورکوئی ان کی ذمہ داری لے ورنہ عمران خان ان کی شکلیں دیکھنے کو بھی تیار نہیں-

عمران خان نے بائیڈن انتظامیہ سے پاکستان میں حکومتی تبدیلی پر وضاحت مانگ لی

شرجیل میمن نے کہا ہے کہ عمران خان بتائے کہ امریکہ کے خلاف اس نے کون سا بڑا کارنامہ کیا تھا جو ان کے خلاف بیرونی سازش ہوئی ہے-

باغی ٹی وی : وزیر اطلاعات سندھ شرجیل میمن نے عمران خان کے ٹوئٹ پر ردعمل دیتے ہوئے کہا کہ عمران خان بتائے کہ امریکہ کے خلاف اس نے کون سا بڑا کارنامہ کیا تھا جو ان کے خلاف بیرونی سازش ہوئی ہےعمران نیازی جو بائیڈن کی فون کال کا بے صبری سے انتظار کرتا رہا، بیرونی سازش کا راگ الاپنے والے سے اپنے ایم این ایز اور اتحادی جماعتیں تنگ تھی صدر ٹرمپ سے ملاقات میں یہ شخص خوشی میں اچھلا جا رہا تھا، دوسرا ورلڈ کپ جیتنے کی قوم کو نوید سنا رہا تھا۔

ایسے وزیراعظم کو لایا گیا جو امریکہ کی ساری باتیں مانے گا،عمران خان

Imran Niazi 👇Riasat e madina pic.twitter.com/R3ccRfia0D

— Sharjeel Inam Memon (@sharjeelinam) May 2, 2022

وزیر اطلاعات سندھ نے کہا کہ سب نے دیکھا کہ بھارت نے کشمیر کو ہتھیا لیا، یہ وہی شخص ہے جس نے بھارت کے عام انتخابات میں مودی کے لئے نیک خواہشات کا اظہار کیا تھا عمران نیازی نے کہا تھا کہ نریندر مودی کی جیت پاکستان کے لئے بہترین ثابت ہوگی۔

Imran Niazi’s foreign policy 👇 pic.twitter.com/xFBHTGpaGs

— Sharjeel Inam Memon (@sharjeelinam) May 2, 2022

ان کا کہنا تھا کہ عمران نیازی نے یہودی لابی کے کہنے پر لندن کے میئر کے انتخاب میں مسلمان پاکستانی محمد صادق کے بجائے زیک گولڈ سمتھ کی انتخابی مہم چلائی عمران نیازی کا مشن پاکستانیوں کو گمراہ کرنا ہے،قوم اس مکار اور عیار کو سمجھے، عمران نیازی نہ صرف ملک میں اقتصادی تباہی کا ذمہ دار ہے بلکہ اس شخص نے ملک کی خارجہ پالیسی کو شدید نقصان پہنچایا ہے سی پیک کو روکنے میں بھی عمران خان اور ان کے مشیروں کا ہاتھ رہا ہے۔

پی ٹی آئی کیجانب سے معید پیرزادہ کو 3سال 7 ماہ میں "گلوبل ویلیج سپیس ڈاٹ کام” کے ذریعے…

شرجیل میمن کا کہنا تھا کہ عمران نیازی اور ان کے حواری ملک کےلئے تباہی کا سامان ہیں، عمران نیازی نے پاکستان کے ریاستی اداروں کو اپنے نشانے پر رکھا ہوا ہے پاک فوج، عدلیہ، الیکشن کمیشن اور میڈیا کے خلاف مہم چلائی جا رہی ہے، نیازی برگیڈ نے ملک اور معاشرے کے بنیاد کھوکھلے کرنے کے لئے ہائیبرڈ وار کا آغاز کیا ہوا ہے۔

واضح رہے کہ سماجی رابطے کی ویب سائٹ ٹویٹر پر اپنے ایک پیغام میں چیئرمین پاکستان تحریک انصاف عمران خان نے بائیڈن انتظامیہ سے پاکستان میں حکومت کی تبدیلی پر وضاحت مانگ لی کہا تھا کہ حکومت گرانے کی سازش کر کے اور ایک منتخب وزیراعظم کو ہٹا کر 22 کروڑ عوام کے اوپر کٹھ پتلی وزیراعظم مسلط کر کے کیا آپ نے پاکستان میں امریکہ مخالف جذبات کو کم کیا یا انہیں بڑھاوا دیا ہے؟ہ کیا امریکی اقدام سے پاکستان میں امریکہ مخالف جذبات کو تقویت نہیں ملی؟-

عمران خان نے بائیڈن انتظامیہ سے پاکستان میں حکومتی تبدیلی پر وضاحت مانگ لی

پی ٹی آئی چئیرمین عمران خان کا کہنا ہے کہ امریکی دفاعی تجزیہ کارنے کہا کہ عمران خان کو اس لیے ہٹایا کیونکہ وہ آزاد خارجہ پالیسی چاہتا ہے-

باغی ٹی وی : پی ٹی آئی چئیرمین نے کہا کہ سب کو آگاہ کیا کہ پاکستان میں ہماری حکومت بیرونی سازش کے تحت ہٹائی گئی،میں نے پوری قوم کے سامنے مراسلہ رکھا، عمران خان مراسلہ صدرمملکت، چیف جسٹس اور اسپیکر قومی اسمبلی کو بھجوایا، سب کو واضح طور پر بتایا کہ جمہوری ملک کیخلاف سازش کی گئی،بیرونی ساز ش میں ملک کے میر صادق اور میر جعفر ملوث تھے پہلے لوگوں نے اس مراسلے کو نہیں مانا، بہت سے لوگوں نے کہا جھوٹ ہے،پاکستان کی حکومت کیخلاف سازش کی گئی، کہا گیا پاکستان کا وزیراعظم چین سے اپنے تعلقات بڑھا رہا تھا-

لاڈلوں کے مزاج کے خلاف جائیں تو ان سے گالیاں بھی کھائیں گے،شاہ اویس نورانی

انہوں نے کہا کہ تحقیقات ہوں گی تو پتہ چلے گا کن کن لوگوں نے ملک کیساتھ غداری کی، کہا گیا پاکستان کا وزیراعظم روس سے تجارت کی بات کررہا تھا اس لیے ہٹایا گیا،روس ہمیں تیل اور گندم 30فیصد کم قیمت پر دینے کو تیار تھا، واضح کیا گیا کہ ایسے وزیراعظم کو لایا گیا جو امریکہ کی ساری باتیں مانے گا،انہیں چین سے تعلقات محدود کرنے پڑیں گے،یہ روس سے تجارت نہیں کریں گے-

عمران خان نے کہا کہ امریکہ کی جنگ لڑنے کی وجہ سے ہمارے 80 ہزار لوگ شہید ہوئے، موجودہ وزیراعظم نے کہا مراسلہ جھوٹا ہے بعد میں سب مان گئے،امریکہ کی دفاعی تجزیہ کار کی آج ویڈیو سامنے آئی ہے، امریکی دفاعی تجزیہ کارنے کہا کہ وزیراعظم کو اس لیے ہٹایا کیونکہ وہ آزاد خارجہ پالیسی چاہتا ہے-

قبل ازیں سابق وزیر اعظم نے کہا تھا کہ ملک کو حقیقی آزادی و خودمختاری دلانے تک چین سے نہیں بیٹھیں گے رواں ماہ کے آخر میں اسلام آباد کی جانب ”غلامی نامنظور مارچ“ کا فیصلہ کیا ہے ۔

سابق وزیر اعظم عمران خان نے قوم کو ماہِ صیام کی تکمیل اور عیدِ سعید مبارک دیتے ہوئے پیغام میں کہا تھا کہ اللہ کی نعمتوں میں سے فکر و عمل کی آزادی سب سے بڑی نعمت ہے۔آزادی کی قدر ان کو ہوتا ہے جنہیں غلامی جیسی ذلت کا سامنا رہتا ہے 1947ء میں رمضان کی27ویں شب غلامی کی زنجیروں جکڑی قوم کو آزادی ملی۔ سامراج آزادی کے بعد بھی ہم پر بالواسطہ غلامی کے سائے کیے رکھنے پر بضد رہا۔7مارچ کو امریکہ میں پاکستانی سفیر کی جانب سے دفترِ خارجہ کو ایک مراسلہ موصول ہوا۔

فرح خان کیخلاف ریکارڈ کے حصول کیلئے نیب متحرک

انہوں نے کہا تھا کہ مراسلے میں امریکی حکام کی ہمارے سفارتی عملے سے باضابطہ ملاقات کا احوال درج تھا۔خفیہ مراسلے کے مندرجات میرے سامنے رکھے گئے تو میں حیرت زدہ رہ گیاامریکہ کس قدر ڈھٹائی سے پاکستان کی اندرونی سیاست میں کھلی مداخلت کررہا ہے امر یکا وزیراعظم کو ہٹانے کا حکم دیتے اور نہ ہٹانے پر سنگین نتائج کی دھمکیاں دیتا ہے۔سیاسی دشمنوں نے ملکر قومی اسمبلی میں منتخب وزیراعظم کیخلاف عدمِ اعتماد کی تحریک لائی۔ڈپٹی سپیکر کی رولنگ کے باوجود حکومت کاتختہ الٹ دیا گیا۔

انہوں نے کہا تھا کہ سازش کا واحد مقصد پاکستان کو غلامی کی ڈگر پر چلانا اور اس حکومت کو سزا دینا تھا۔حکومت قوم کے مفادات کو ایک آزاد خارجہ پالیسی کا مرکز بنانے کی جسارت کررہی تھی۔غلامی کا طوق گلے میں ڈال کر عروج و ترقی کی راہ پر کبھی گامزن نہیں ہوسکتےپاکستان کا وقار اس مطلق آزادی و خودمختاری ہی سے وابستہ ہے۔ملک کو حقیقی آزادی و خودمختاری دلانے تک چین سے نہیں بیٹھیں گے۔

وضح رہے کہ پاکستان تحریک انصاف نے عوامی رابطہ مہم کے لیے جلسوں کے شیڈول کا اعلان کردیا ہے چیئرمین تحریک انصاف عمران خان نے پنجاب کے 6 شہروں میں جلسوں کا اعلان کیا ہے پاکستان تحریک انصاف رواں ماہ پنجاب کے 6 شہروں میں جلسے کرے گی جن میں میانوالی، جہلم ،اٹک، سیالکوٹ، فیصل آباد اور چکوال میں جلسے کیے جائیں گے۔

عمران خان کی ویڈٰیو آنیوالی ہے،کردارکشی کی جائے گی، رہنما تحریک انصاف