عمران خان کو پنجاب میں بھی شکست نظر آنے لگی، بڑا حکم دے دیا

باغی ٹی وی کی رپورٹ کے مطابق خیبر پختونخواہ کے بلدیاتی الیکشن میں پی ٹی آئی کی شکست اور جے یو آئی کی کامیابی کے بعد وزیراعطم عمران خان کو پنجاب میں بھی شکست ابھی سے نظر آنے لگ گئی ہے، خیبر پختونخواہ جہاں دو بار پی ٹی آئی کی صوبائی حکومت بن چکی اب بلدیاتی الیکشن میں عوام نے پی ٹی آئی کو مسترد کر کے جے یو آئی کو چن لیا، پشاور کا میئر جے یو آئی کا بن گیا جبکہ مجموعی طور پر زیادہ نشستیں جے یو آئی کے پاس ہیں، وزیراعظم عمران خان نے دوسرے فیز کے الیکشن کے لئے خود سے امیدوار منتخب کرنے کا اعلان کیا ہے تو دوسری جانب پنجاب میں بھی وزیراعظم عمران خان نے ترقیاتی کام کرنے کی ہدایت کی ہے تا کہ انکو بنیاد پر پنجاب سے ووٹ لیے جا سکیں،

وزیراعظم کے حکم پر حکومت نے سیاسی حریفوں کا مقابلہ سیاسی میدان میں کرنے کے لئے بڑا منصوبہ تشکیل دے دیا ہے۔اس مقصد کے لیے پورے صوبے میں یونیورسٹیز ، کالجز اوردیگرتعلیمی اداروں کا جال بچھانے کا فیصلہ کرلیا گیا ہے ،

ذرائع کے مطابق حکومت نے پنجاب میں ن لیگ کے گڑھ میں بڑا ترقیاتی پیکیج دے دیا ہے، ان ترقیاتی منصوبوں کی منظوری13دسمبر کو لاہور اجلاس میں دی گئی، اجلاس کی صدارت وزیراعظم عمران خان نے کی تھی۔

ذرائع کا کہنا ہے کہ مجموعی طور پر 76 منصوبوں کی منظوری دی گئی ہے، جن میں یونیورسٹیاں، بڑی سڑکیں، فلائی اوورز، اسپورٹس، زراعت اور انڈسٹریل اسٹیٹ قابل ذکر ہیں، گوجرانوالہ، گجرات، سیالکوٹ، نارووال اور منڈی بہاؤالدین کو منصوبےدیئےگئے ہیں۔

ذرائع کا کہنا ہے کہ وزیراعظم کی جانب سے گوجرانوالہ ڈویژن کے لیے125ارب کے ترقیاتی پیکیج کی منظوری دی گئی ہے، سب سےزیادہ71 ارب روپےسڑکوں اورفلائی اوورز کی تعمیر پر لگیں گے، 26ارب روپے کی لاگت سے4یونیورسٹیاں تعمیر کی جائینگی، یہ یونیورسٹیاں سمبڑیال، منڈی بہاؤالدین،حافظ آباد، گوجرانوالہ میں تعمیر کی جائیں گی۔

ذرائع کے مطابق منڈی بہاؤالدین سےسرائےعالمگیرروڈ پر 10ارب روپے لگیں گے،جلالپور جٹاں سےگجرات روڈپر2 ارب روپےلاگت آئےگی اسی طرح کھاریاں ڈنگہ روڈپربھی 2 ارب خرچ ہوں گے جبکہ سیالکوٹ رنگ روڈپر15ارب روپے خرچ ہوں گے۔

ذرائع کا کہنا ہے کہ شیخوپورہ سے گوجرانوالہ روڈ پر5 ارب، مرید کےنارووال روڈ پرڈیڑھ ارب خرچ ہوگا جبکہ وزیرآباد ڈسکہ روڈپر فلائی اوور70کروڑکی لاگت سےتعمیرہوگا، نیوانڈسٹریل اسٹیٹ گجرات پرایک ارب30کروڑلگیں گے۔

ذرائع کے مطابق چاول کی پیداواربڑھانےپر1ارب89 کروڑ خرچ ہونگے، گندم پرایک ارب 10کروڑ، سرجیکل سٹی سیالکوٹ پرایک ارب 70 کروڑ، ہائی پرفارمنس کرکٹ اکیڈمی سیالکوٹ پر50کروڑلگیں گے۔بیشتر ترقیاتی منصوبے 2023اور چند آئندہ سال میں مکمل ہوں گے۔

واضح رہے کہ ان اضلاع میں پی ٹی آئی کے3، ق لیگ کے2 اور ن لیگ کے15ایم این ایزہیں، لاہور میں ہونیوالےاجلاس کی تفصیلات اور تصاویرجاری نہیں کی گئی تھیں۔

وزیراعظم عمران خان کی نااہلی کی درخواست پر فیصلہ آ گیا
باغی ٹی وی کی رپورٹ کے مطابق وزیراعظم عمران خان کی نا اہلی کیلئے سال 2018 میں دائر نپٹیشن واپس لنے کی متفرق درخواست عدالت نے منظور کر لی

اسلام آباد ہائیکورٹ کے چیف جسٹس اطہر من اللہ اور جسٹس ارباب محمد طاہر نے فیصلہ سنایا، پٹیشنر عبدالوہاب بلوچ نے عمران خان کی نا اہلی کیلئے ہائیکورٹ سے رجوع کیا تھا، اپنی درخواست میں عبدالوہاب نے کہا کہ عمران خان نے کاغذات نامزدگی میں بیٹی ٹیرن جیڈ وائٹ کو چھپایا ہے ، لہذا وہ صادق و امین نہیں رہے انہیں نا اہل قرار دیا جائے ۔

25 دسمبر سے سردی کی شدید لہر پاکستان میں داخل ہونے کی پیش گوئی،52 سالہ ریکارڈ ٹوٹنے کا امکان

2018 میں دائر کی گئی پٹیشن میں موقف اختیار کیا گیا ہے کہ عمران خان نے کاغذات نامزدگی میں بیٹی ٹیریان کو چھپایا، وہ صادق اور امین نہیں رہے، آئین کے آرٹیکل 62 ون ایف کے تحت نااہل قرار دیا جائے۔

خیال رہے کہ درخواست گزار گزشتہ عام انتخابات میں پاکستان جسٹس اینڈ ڈیموکریٹک پارٹی کے امیدوار تھے اور انہوں نے بعد میں پی ٹی آئی میں شمولیت اختیار کی اوردرخواست واپس لینےکی متفرق درخواست دائر کی۔

خیال رہے کہ جنوری 2019 میں عدالت عالیہ نے عبدالوہاب بلوچ کی جانب سے دائر کی گئی درخواستوں کو ایک ساتھ سننے کا فیصلہ کیا تھا۔

بلدیاتی انتخابات کے نتائج سے پی ٹی آئی کو کوئی پریشانی نہیں، چوہدری فواد حسین

تاہم عبدالوہاب بلوچ نے جسٹس عامر فاروق اور جسٹس میاں گل حسن اورنگزیب پر مشتمل بینچ پر اعتراض کیا تھا جس کے بعد مذکورہ دو ججز نے کیس کی سماعت سے معذرت کر لی تھی۔

بعد ازاں، جسٹس شوکت عزیز صدیقی اور جسٹس اطہر من اللہ پر مشتمل نیا بنچ تشکیل دیا گیا، تاہم جسٹس اطہر من اللہ نے سابق چیف جسٹس افتخار محمد چوہدری سے تعلق کی بنا پر کیس کی سماعت سے معذرت کرلی تھی۔

سال 2019 میں دائر پٹیشن واپس لینے کی درخواست میں کہا گیا تھا کہ عبدالوہاب بلوچ اب پاکستان تحریک انصاف میں شمولیت اختیار کر چکے ہیں اور انہوں نے عمران خان کی نااہلی کے لیے دائر تمام درخواستیں واپس لینے کا اعلان کیا ہے سندھ ہائی کورٹ سے انہوں نے اپنی پٹیشن واپس لے لی تاہم اسلام آباد ہائی کورٹ سے درخواست واپس نہیں لی۔

متفرق درخواست میں استدعا کی گئی تھی کہ عدالت درخواست گزار کی پٹیشن کو عبدالوہاب بلوچ کی پٹیشن سے الگ کرکے اس کی سماعت کے لیے بنچ تشکیل دے-

رسوائی، بدنامی اور بددعائیں سمیٹ کر وہ جا رہی ہے تبدیلی، مریم نواز کا طنزیہ ٹوئٹ

واشنگٹن:پاکستان کے دلیرانہ فیصلے: امریکا کو افغان جنگ اسکروٹنی بل سے پاکستان سے متعلق شق ختم کرنا پڑگئی ،اطلاعات کے مطابق امریکی سینیٹ نے افغان جنگ کی مکمل جانچ پڑتال سے متعلق آزاد کمیشن کے قیام کی تشکیل کا بل منظور کرلیا ہے جب کہ بل کے پرانے ورژن میں شامل پاکستان کے کردار کی تحقیقات سے متعلق شق کو بھی ختم کردیا گیا ہے۔

عالمی خبر رساں ادارے کے مطابق امریکی سینیٹ میں ایک دفاعی بل کی منظور دی گئی ہے۔ بل میں افغان جنگ اور پاکستان سمیت خطے میں دہشت گردی سے نمٹنے کے لیے کیے گئے اقدامات کی جانچ پڑتال کے لیے ایک آزاد کمیشن کے قیام کا مطالبہ کیا گیا ہے۔اس بل کی سب سے خاص بات ہے یہ کہ پرانے ورژن کے برعکس اس بل میں افغان وار میں پاکستان کے کردار کی تحقیقات سے متعلق تجویز کی شق کو ختم کردیا گیا ہے البتہ کمیشن مختلف ممالک کے افغان جنگ پر اثر انداز ہونے اور افغان جنگ کے پرامن حل میں ان کے کردار کا جائزہ لے سکتا ہے۔

اس وار کمیشن میں 16 ارکان شامل ہوں گے جن کا انتخاب ریپبلکن اور ڈیموکریٹک کے ارکان اسمبلی مساوی انداز میں کریں گے اور یہ کمیشن تین سال کے اندر اپنی رپورٹ پیش کرے گا۔کمیشن میں 2001 سے تعلق رکھنے والے کانگریس کے موجودہ اور سابق ارکان کے ساتھ ساتھ کابینہ کی سطح کے اور افغانستان کے بارے میں امریکی پالیسیوں کی منصوبہ بندی کرنے والے اعلی سطحی دفاعی عہدیداروں کو شامل نہیں کیا جائے گا۔

بل کی سمری میں کہا گیا ہے کہ دو طرفہ پینل 20 سالہ جنگ کی اسکروٹنی اور انخلا کے بعد افغانستان میں رہ جانے والے فوجی سازوسامان کا بھی احتساب بھی کرے گا اور افغانستان میں موجود امریکی شہریوں اور افغان اتحادیوں کو نکالنے کے منصوبے بھی بنائے گا۔بل میں یہ بھی کہا گیا ہے کہ کمیشن پاکستان سمیت خطے کے دیگر ممالک کے دہشت گردی سے نمٹنے کی صلاحیتوں کے انسداد دہشت گردی میں استعمال اور اقدامات کا جائزہ بھی لے گا۔

دوسری طرف دفاعی تجزیہ نگاروں کا کہنا ہے کہ پاکستان کی موجودہ سیاسی وعسکری قیادت کے دلیرانہ فیصلوں کی وجہ سے امریکہ نے یہ محسوس کرلیا ہے کہ اگراب پاکستان کے ساتھ کوئی شرارت کی گئی تو اس کا سخت جواب ملے گا اورویسے بھی امریکہ اب پاکستان کی مرضی کے بغیرافغانستان میں کوئی کردار ادا نہیں کرسکتا اس لیے امریکہ نے اپنے مفادات کو بچانے کے لیے یہ فیصلہ کیا ہے جو کہ پاکستان کی بہت بڑی کامیابی ہے