Tag: عوام

بجلی کی قیمتوں میں اضافہ ہونے پر شیری رحمان کا کہنا ہے کہ 3 دن میں 3 بار بجلی کی قیمت میں اضافہ قابل تشویش ہے۔ فروری کے بلوں میں 6 روپے فی یونٹ کا اضافہ ہوگا، کیا اس حکومت کا کوئی احتساب کرنے والا نہیں؟ پیپلز پارٹی کی حکومت میں سموسے کی قیمت میں اضافے پر عدالت نوٹس لیتی تھی، موجدہ حکومت ہر روز منی بجٹ پیش کر رہی، کیا اس نااہل حکومت کی جوابدہی نہیں بنتی؟ حکومت کی نالائقی اور نااہلی کی قیمت عوام کو ادا کرنی پڑ رہی، حکومت آئی ایم ایف کو خوش کرنے کے لئے عوام کی چیخیں نکال رہی ہے، آئی ایم ایف کی قسط حاصل کرنے کے لئے روز قیمتیں بڑھائی جا رہی ہے۔مہنگائی کی سونامی نے عوام کا جینا مشکل کر دیا ہے۔ 

لاہور 08 فروری: وزیراعلٰی ٰبلوچستان جام کمال کی پنجاب سیف سٹیز اتھارٹی ہیڈ کوارٹرز آمد ہوئی۔
آئی جی بلوچستان رائے طاہر، ایم ڈی راو سردار علی خان اور سی او او محمد کامران خان نے وزیراعلٰی کا استقبال کیا۔ایم ڈی سیف سٹیز راو سردار علی خان اور چیف آپریٹنگ آفیسر محمد کامران خان نے اتھارٹی بارے بریفنگ دی۔سی او او محمد کامران خان نے اتھارٹی بارے تفصیلی بریفنگ بھی دی۔ وزیراعلٰی کو ای چالان سسٹم بارے بھی تفصیلی بریفنگ دی گئی۔وزیراعلٰی ٰ بلوچستان نے اتھارٹی کے آپریشن اینڈ مانیٹرنگ سینٹر سے شہر بھر میں مانیٹرنگ کے عمل کا جائزہ لیا۔ وزیر اعلیٰ بلوچستان نے میڈیا سنٹر، پکار 15، ایمرجنسی 15سنٹر سمیت دیگر شعبہ جات کا بھی دورہ کیا۔ سکیورٹی ادارے لاہور میں 8000 کیمروں کی مدد سے صورتحال پر نظر رکھے ہوئے ہے۔ عوام کی جان و مال کی حفاظت کیلئے سیف سٹی اچھا منصوبہ ہے۔ بہت جلد کوئٹہ سیف سٹی منصوبے کا بھی آغاز کر دیا جائیگا.

وزیراعلٰی بلوچستان جام کمال نے مہمانوں کی یادگاری کتاب میں تاثرات بھی درج کیے. وزیراعلٰی بلوچستان کو اتھارٹی کی جانب سے یادگاری شیلڈ بھی پیش کی گئی۔کوئٹہ سیف سٹی پراجیکٹ کی ٹیم بھی یہاں آ چکی ہے اور آئی جی بلوچستان نے وزیراعلٰی کو کوئٹہ سیف سٹیز پراجیکٹ پر پیشرفت کے حوالے سے بھی بریف کی ہے ، وزیراعلٰی بلوچستان نے اتھارٹی کی ورکنگ میں گہری دلچسپی لی اور مختلف سوالات بھی کیے۔
کوئٹہ سیف سٹی منصوبے کیلئے تکنیکی معاونت کے لیے پنجاب سے ایم او یو کرنے کے خواہشمند ہیں۔ اس سال کے آخر تک کوئٹہ سیف سٹیز پراجیکٹ کام شروع کر دے گا۔ آئی جی بلوچستان رائے طاہر
۔ایم ڈی پنجاب کا کہنا ہے کہ ہر ممکن تعاون فراہم کرنے کے لیے تیار ہیں، سیف سٹیز اتھارٹی۔

بنوں میں ڈی پی او بنوں وسیم ریاض خان کا تھانہ آتمانزئی کا دورہ،وزیر سب ڈویژن کے عوام کو سروسز کی فراہمی پولیس کی اولین ترجیح ہے- پولیس جامع حکمت عملی بناکر جرائم کی روک تھام یقینی بنائیں وزیر سب ڈویژن کے نئے زیر تعمیر تھانوں میں تمام سہولیات فراہم کی جائینگی-

ڈسٹرکٹ پولیس آفیسر بنوں وسیم ریاض خان نے وزیر سب ڈویژن کے اتمانزئی تھانے کے دورہ کے موقع پر پولیس جوانوں سے خطاب کرتے ہوئے کہا کہ یہاں پر نئے تھانوں کے قیام بنیادی مقصد عوام الناس کے جان و مال کی تحفظ اور شہریوں کو سروسز کی فراہمی ہے -جس کیلئے ان تھانوں میں قابل ترین افسران تعینات کئے گئے ہیں تاکہ وہ یہاں کے عوام کو بہترین سروسز دے سکیںگے-

انہوں نے کہا کہ علاقے سے جرائم کے خاتمے کیلئے ایک منظم حکمت عملی کے ساتھ اگے جائینگے پولیس افسران علاقے کے مسائل کے حل اور جرائم کی روک تھام کیلئے حکمت عملی بنائیں گے- یہاں کے لوگوں کیساتھ حسن اخلاق سے پیش آئیں ان کے مسائل کے حل اور جان و مال کی تحفظ کا احساس دلائیں تاکہ پولیس اور عوام کے درمیاں فاصلے کم ہوں-

انہوں نے پولیس جوانوں کی حوصلہ افزائی کرتے ہوئے کہا کہ پولیس جوان جس طرح جوان مردی سے ان علاقوں میں اپنی ڈیوٹیاں سر انجام دے رہے ہیں انشاء اللہ ان علاقوں میں بہت جلد ان کوششوں کے ثمرات ملنا شروع ہو جائیں گے-

انہوں نے کہا کہ ہماری اولین ترجیح یہی ہے کہ عوام کو ایک پر امن ماحول فراہم کریں جس کیلئے اپنی تمام تر وسائل بروئے کار لائیں گے اور اپنی کاوشیں جاری رکھیں گے – اس موقع پر ڈی پی او وسیم ریاض نے پولیس اور ملازمین کے مسائل دریافت کیئے اور ان کے فوری حل کے احکامات جاری کیئے اس دوران ایس ایچ او تھانہ آتمانزئی جج علی شاہ، ایس ایچ او تھانہ احمد زئی آصف ذادہ خان، انچارج میزائل رمین اللہ خان، انچارج سیدگی حکمت اللہ خان،انچارج ٹی ڈی پی کیمپ رضوان اللہ اور او ایس آئی سب ڈویژن وزیر مشاہد ودود بھی موجود تھے-

پاکستان عوامی تحریک جنوبی پنجاب
صوبائی سیکرٹریٹ: فرسٹ فلور صدیق سکوائر گلشن مارکیٹ نیو ملتان
عوام کوبنیادی ضروریات زندگی کی سہولتیں دینا ریاست کی ذمہ داری ہے: افتخار قریشی ایڈووکیٹ
پاکستان عوامی تحریک بلدیاتی انتخابات میں بھرپور حصہ لے گی،تیاریاں زور و شور سے جاری ہیں۔
بنیادی سہولیات کی فراہمی کیلئے ترقیاتی منصوبوں کو بلدیاتی اداروں کے ذریعے عملی شکل دینا ہو گی۔
پاکستان عوامی تحریک جنوبی پنجاب کے سینئر نائب صدر کی عہدیداران سے گفتگو
03 فروری2021ء
ملتان( )
پاکستان عوامی تحریک جنوبی پنجاب کے سینئر نائب صدرافتخار قریشی ایڈووکیٹ نے کہا ہے کہ غریب کا جینا مشکل ہو گیا ہے حکومت ساری توجہ مہنگائی کم کرنے پر مرکوز کرے۔حالیہ پٹرول اورگیس کی قیمتوں میں اضافے نے عوام کا بھرکس نکال دیا ہے۔ عوام کوبنیادی ضروریات زندگی کی سہولتیں دینا ریاست کی ذمہ داری ہے،کسی بھی ملک کے عوام کا خوشحال ہونا اس ملک کی ترقی اور خوشحالی کی دلیل ہے۔ اب محض بیانات نہیں عملی اقدامات کرنے کی ضرورت ہے۔ جب تک حکومت عوام کو مہنگائی کے گرداب سے نکالنے کیلئے ٹھوس عملی اقدامات نہیں کرے گی تب تک عام آدمی کی سانسوں پر لگی گرہ نہیں کھلے گی۔ان خیالات کا اظہار انہوں نے پاکستان عوامی تحریک جنوبی پنجاب کے عہدیداران سے گفتگو کرتے ہوئے کیا۔ افتخارقریشی ایڈووکیٹ نے کہا کہ اچھی جمہوریت کے قیام اور عوام کو ملکی ترقی کے دھارے میں شامل کرنے کے لیے بلدیاتی اداروں کا قیام ناگزیر ہے۔پاکستان عوامی تحریک کا روز اول سے یہ موقف ہے کہ گراس روٹ لیول تک منتخب حکومت اورعوامی نمائندے ہونے چاہئیں۔ جب تک تحصیل اور یونین کونسل سطح پر مالی و انتظامی اختیارات منتقل نہیں کیے جاتے اس وقت تک جمہوریت کے ثمرات عوام تک نہیں پہنچیں گے، پسماندگی کے خاتمے اور بنیادی سہولیات کی وسیع تر فراہمی کیلئے ترقیاتی منصوبوں کو بلدیاتی اداروں کے ذریعے عملی شکل دینا ہو گی۔لا قانونیت کے خاتمے،سستے اور فوری انصاف کی فراہمی،بدعنوانی کے ناسور کا خاتمہ صرف گفتگو اور بیانات تک محدود نہیں رہنا چاہیے بلکہ اس کیلئے ٹھوس اور عملی اقدامات کو یقینی بنانا ہو گا تا کہ فلاحی ریاست کے تصور کو صحیح معنوں میں عملی شکل دی جا سکے۔انہوں نے کہاکہ پاکستان عوامی تحریک بلدیاتی انتخابات میں بھرپور حصہ لے گی اس کے لئے حکمت عملی وضع کر لی گئی ہے۔بلدیاتی انتخابات کی تیاریاں بھی زور و شور سے جاری ہیں۔ دنیا بھر کے جمہوری ملکوں میں مالی معاملات بلدیاتی ٹاؤن اور لوکل باڈیز کے پاس ہوتے ہیں صرف پاکستان کی جمہوریت میں پارلیمنٹرینز کو ڈویلپمنٹ کے فنڈ دئیے جاتے ہیں سارے فنڈز بلدیاتی اداروں کے پاس ہونے چاہئیں۔اس موقع پرچوہدری علی رضا نت،ملک عبدالرشید،چوہدری شاہد ارائیں،میجر محمد اقبال چغتائی،ضیاء الرحمن سکھیرا ایڈووکیٹ،ملک بشیر اعوان ایڈووکیٹ،چوہدری اقبال یوسف،گامن خان ایڈووکیٹ،مہر شعبان ورک،رانا قیصر علی،اصغر علی چانڈیہ،ظفرآفتاب بھٹی اور دیگر موجود تھے۔
راؤ محمد عارف رضوی
مرکزی میڈیا کوارڈینیٹر پاکستان عوامی تحریک برائے جنوبی پنجاب