Tag: فضا علی

ڈاکٹر عمر عادل حالیہ دنوں میں وہ اداکارہ نرگس کے حوالے سے اپنے بیان کی وجہ سے خبروں کی زینت بنے ہوئے ہیں،میزبان و اداکارہ فضا علی کے شو میں انہوں نے اپنے بیان کی وضاحت پیش کی۔

میزبان فضا علی نے شو کے دوران ڈاکٹر عمر عادل سے نرگس کے رقص کو روحانیت سے جوڑنے کے حوالے سے سوال کیا اور حیرت کا اظہار کرتے ہوئے کہا کہ ایک پڑھے لکھے شخص کی جانب سے ایسا بیان کیسے دیا جا سکتا ہے اس پر ڈاکٹر عمر عادل نے مؤقف اختیار کیا کہ وہ ایک مہذب انسان ہیں اور ان کا مطلب یہ ہرگز نہیں تھا کہ تھیٹر میں ہونے والے تمام رقص درست ہیں ان کے مطابق وہ صرف نرگس کے حوالے سے بات کر رہے تھے اور انہوں نے اس کے انداز میں روحانیت محسوس کی۔

انہوں نے کہا کہ وہ ہر رنگ اور ہر وجود میں روحانیت دیکھنے کی صلاحیت رکھتے ہیں اور اگر کوئی شخص ایسا محسوس نہیں کر سکتا تو یہ اس کی سوچ کا فرق ہے اور آپ نے وہ سنا جو آپ سننا چاہتی ہیں، میں تو اپنی بات پر قائم ہوں کہ میں نے جو پرفارمنس دیکھی وہ عمدہ تھیں اور مجھے خوبصورت چیز دیکھ کر خدا یاد آتا ہے، رقص کرنے والی خواتین کو موردِ الزام ٹھہرانے کے بجائے اصل ذمہ داری ان افراد پر عائد ہوتی ہے جو ایسے پروگرامز میں شرکت کرتے ہیں مجھے اپنی رائے کے اظہار کا حق حاصل ہے اور میں نے صرف اپنی ذاتی رائے پیش کی ہے۔

واضح رہے کہ ڈاکٹر عمر عادل نے نرگس کی پرفارمنس کی تعریف کرتے ہوئے کہا تھا کہ کہتے ہیں ڈانس میں فحاشی نہیں ہوتی آپ کی نظر میں فحاشی ہو گی میں بہت گناہ گار انسان ہوں لیکن نرگس کا ڈانس دیکھ کر آنسو آ جاتے تھے وہ پرفارمنس ہی اس قسم کی دیتی تھیں، حسین چیز میں رب دکھنا چاہیے، ان کے گیتوں کے بول جو ہمیں سمجھ آتے ہیں آپ اپنی توجہ درست سمت میں رکھیں، جس پر کئی صارفین نے ڈاکٹر عمر عادل کے بیان پر تنقید کی۔

اداکارہ اور میزبان فضا علی کے رمضان ٹرانسمیشن سے متعلق پروگرام کی ایک مبینہ آڈیو سوشل میڈیا پر لیک ہو گئی، جس کے بعد صارفین نے شو کو ’اسکرپٹڈ‘ قرار دینا شروع کر دیا۔

سوشل میڈیا پر وائرل ہونے والی آڈیو میں مبینہ طور پر فضا علی کو پروگرام کے موضوعات اور مہمانوں کے ردعمل پر گفتگو کرتے ہوئے سنا جا سکتا ہے،آڈیو میں ایک موقع پر فضا علی کہتی ہیں کہ موضوع ’ماں‘ رکھنے سے پروگرام زیادہ توجہ حاصل کرے گا اور اس پر زیادہ ردعمل آئے گا اسی دوران ایک اور آواز یہ بھی کہتی ہے کہ اس موضوع پر میمز بھی زیادہ بنیں گی اور پروگرام وائرل ہوگا جبکہ فضا علی کی جانب سے پروگرام میں شریک ڈاکٹر کو زبردستی ہمدردی کے لیے اٹھانے کا ذکر بھی کیا گیا تھا آڈیو کے ایک اور حصے میں مبینہ طور پر یہ دعویٰ بھی سامنے آیا کہ پروگرام میں شریک ڈاکٹر کو ڈاکٹر نبیہا علی خان سے ایک روز قبل پہلی بار ملوایا گیا تھا اور وہ صورتحال سے مکمل طور پر آگاہ نہیں تھے-

ویڈیو وائرل ہونے بعد سوشل میڈیا صارفین کی بڑی تعداد نےسے ریٹنگ یا توجہ حاصل کرنے کی کوشش قرار دیا کچھ صارفین نے پروگرام کو مکمل طور پر اسکرپٹڈ قرار دیتے ہوئے اسے ناظرین کے جذبات سے کھیلنے کی کوشش کہا، اسی پروگرام میں بطور مہمان شریک ماہرِ نفسیات ڈاکٹر کاشف فراز نے حال ہی میں وضاحت دیتے ہوئے کہا کہ وہ نہ تو کسی پارٹی سے تعلق رکھتے ہیں اور نہ ہی کسی پلاننگ کا حصہ ہیں، اور نہ ہی پروگرام میں شریک افراد کو وہ ذاتی طور پر جانتے ہیں۔

بھارت کی سیمی فائنل تک رسائی : زمبابوے کیخلاف میچ میں ’خاص اسپرے‘ کیا جائے گا،بھارتی اخبار

ڈاکٹر کاشف کا یہ بھی کہنا ہے کہ وہ کسی بھی پروگرام میں شرکت کے لیے معاوضہ نہیں لیتے اور صرف اپنے پیشہ ورانہ تجربے کی بنیاد پر گفتگو کرتے ہیں، وہ بغیر تحقیق کسی معاملے پر رائے دینے سے گریز کرتے ہیں اور ان کا مقصد کسی تنازع کا حصہ بننا یا ریٹنگ بڑھانے کا ذریعہ بننا نہیں تھا،انہوں نے قرآنی آیات کا حوالہ بھی دیا جس میں اللہ تعالیٰ کی جانب سے پھیلائی ہوئی باتوں کو سچا ماننے سے پہلے ان کی تحقیق کر نے کا حکم دیا گیا ہے-

امریکی خفیہ ایجنسی نے ایرانی جاسوس بھرتی کرنے کے لیے اشتہار دے دیا

دوسری جانب ڈاکٹر نبیہا علی خان نے بھی مبینہ آڈیو پر ردعمل دیتے ہوئے کہا کہ یہ کلپس پرانی رمضان ٹرانسمیشن سے لیے گئے ہیں اور انہیں سیاق و سباق سے ہٹ کر پیش کیا جا رہا ہے مختلف ویڈیوز اور آڈیوز کو جوڑ کر ایک خاص تاثر دینے کی کوشش کی گئی ہے، جو حقیقت کی مکمل عکاسی نہیں کرتا، فضا علی ایک مخلص اور ہمدرد انسان ہیں اور ان کے جذباتی ردعمل کو غلط انداز میں پیش کیا گیا، ڈاکٹر نبیہا نے اس معاملے پر تنقید کرنے والوں کو بھی محتاط رہنے کا مشورہ دیا۔

دوسری جانب ابھی تک فضا علی کی جانب سے اس مبینہ آڈیو لیک پر کوئی باضابطہ تفصیلی بیان سامنے نہیں آیا-

کراچی کے حالات پر اہم اجلاس: صدر زرداری نے وزیراعلیٰ سندھ اور میئر کراچی کو محسن نقوی کی مثال دیدی