Tag: فیروز خان

وکیل کی فیروز خان کو اپنے بیٹے سے گھرمیں ملنے کی پیشکش

اداکار فیروز خان اوران کی سابقہ اہلیہ علیزے کے درمیان بچوں کی حوالگی اور اخراجات کے کیس میں بچوں کے میڈیکل سرٹیفکیٹ پیش کردیے گئے، علیزے پر تشدد سے متعلق کاغذات کی تصدیق پرسماعت 4 فروری کو ہوگی۔ فیروز خان فیملی کورٹ شرقی میں پیش ہوئے جہاں گزشتہ سماعت میں بچوں کو والد سے نہ ملوانے پرعدالت کی جانب سے طلب کیے گئے میڈیکل سرٹیفکیٹس پیش کیے گئے۔

آج سماعت کے دوران علیزے کے وکیل کی جانب سے عدالت میں کہا گیا کہ فیروز خان چاہیں تو بچوں سے عدالت کے بجائے اپنے گھر میں مل سکتے ہیں۔ علیزے کے وکیل بیرسٹرقائم شاہ نے کہا کہ فیروز خان بیٹے سلطان کو عدالت میں ملاقات والے روزصبح گھر سے لے جا سکتے ہیں، اس حوالے سے فیروز خان کو پہلے بھی پیشکش کی تھی۔ علیزے کے وکیل نے الزام عائد کیا کہ لگتا ہے فیروز خان اپنے بچوں سے ملنے کیلئے سنجیدہ نہیں ہیں۔

عدالت نے درخواستوں پر مزید سماعت 4 فروری تک ملتوی کردی۔ عدالت نے فیروزخان کو بیٹے سلطان کیلئے 50 اور بیٹی فاطمہ کیلئے 30 ہزار روپے ماہانہ اخراجات دینے کا حکم بھی دے رکھا ہے جو ہر ماہ کی 14 تاریخ سے پہلے ادا کرنے ہوں گے۔ فیروز اورعلیزے کے درمیان علیحدگی ہو چکی ہے اور اداکار نے بیٹے سلطان اور بیٹی فاطمہ کی حوالگی کی درخواست دائر کررکھی ہے۔

 ماحولیاتی منظوری کے بغیر مارگلہ ایونیو کی تعمیر کیس پر فیصلہ محفوظ 

جو نقشے عدالت میں پیش کئے گئے وہ سب جعلی،یہ سب ملے ہوئے ہیں، مارگلہ ہلز کیس میں چیف جسٹس کے ریمارکس

نور مقدم قتل کیس، ظاہر جعفر پر ایک اور مقدمہ درج

مارگلہ کی پہاڑیوں پر تعمیرات پر پابندی عائد

اداکار فیروز خان کی شخصیت کسی کو آج تک سمجھ نہیں آسکی ، وہ اپنے مزاج کے مطابق بات کرتے ہیں ، بدتمیزی اور غصہ ان کا خاصا ہے. اداکار دوغلی شخصیت کا مالک ہے. فیروز نے نیوائیر سے قبل اپنے سوشل میڈیا اکائونٹ پر مولانا طارق جمیل کے ایک بیان کا کلپ جاری کیا جس میں وہ کہتے ہوئے نظر آرہے ہیں‌کہ نئے سال کی خوشی میں لڑکے اور لڑکیاں‌مل کر ڈانس کریں پارٹی کریں یہ مناسب نہیں ہے. فیروز خآن نے اپنے مداحوں سے کہا کہ مولانا طارق جمیل کے اس بیان کو جتنا ہو سکے شئیر کیجیے تاکہ نیو ائیر پر ایسی چیز نہ ہو. لیکن بعد میں فیروز خآن کی

نیو ائیر مناتے اور پارٹی میں ڈانس کرتے ہوئے کی وڈیوز سامنے آئیں جس کے بعد اداکار کی سوشل میڈیا صارفین کے ہاتھوں شامت آ گئی. سوشل میڈیا صارفین نے کہا کہ فیروز خآن دوغلی شخصیت کے مالک ہیں جو کام وہ خود نہیں‌کرنا چاہتے وہ اس سے دوسروں کو منع کر رہے تھے. فیروز خان کو شدید تنقید کا نشانہ بنایا جا رہا ہے لیکن انہوں نے کسی بھی صارف کی تنقید کا جواب نہیں دیا. یاد رہے کہ اپنی اہلیہ پر تشدد کے الزامات کے بعد فیروز کی پہلے ہی بہت زیادہ فین فالونگ کم ہو چکی ہے.

اداکار فیروز خان کیا سابقہ اہلیہ علیزے سلطان نے حال ہی میں اپنی چند تصاویر سوشل میڈیا پر شئیر کی ہیں جن میں ان کو ماڈلنگ کرتے ہوئے دیکھا جا سکتا ہے. تصاویر میں وہ کافی خوبصورت لگ رہی ہیں اور ایسا لگ رہا ہے کہ انہوں نے کسی برینڈ کے لئے ماڈلنگ کی ہے. علیزے نے اپنی تصاویر کو متعلقہ برینڈ کے ساتھ ٹیگ بھی کیا ہے. ان کی ان تصاویر کے بعد سوشل میڈیا پر تبصرے کئے جا رہے ہیں کہ شاید انہوں نے ماڈلنگ شروع کر دی ہے . تاہم علیزے سلطان نے ماڈلنگ کی دنیا میں باقاعدہ قدم رکھنے کا اعلان تو نہیں‌کیا لیکن ان تصاویر کو دیکھ کرکہا جا سکتا ہےکہ علیزے شاید مستقبل میں ماڈلنگ کرنے کا ارادہ رکھتی ہیں.

یاد رہے کہ علیزے سلطان اور فیروز خان کی رواں برس طلاق ہوئی ہے ان کے دو بچے ہیں جن کی حوالگی کا کیس فی الحال عدالت میں چل رہا ہے. عدالت نے بچوں کے اخراجات کے ھوالے عدالت نے فیروز خان کو حکم دیا ہے کہ وہ 80 ہزار روپے ماہانہ ادا کریں گے اور پیسے ہر ماہ 14 تاریخ کو دئیے جانا لازمی ہو گا . فیروز خان کے ناقدین نے عدالت کے اس فیصلے کو بہت سراہا ہے کہا ہے کہ فیروز خان کو بطور باپ اپنی ذمہ داریاں نبھانی چاہیں.

اداکار فیروز خان جنہوں نے حال ہی میں اپنے بیٹے کے ساتھ ڈرائیو کرتے ہوئے اپنی ایک تصویر سوشل میڈیا پر شئیر کی تھی اس پر وسیم اکرم کی اہلیہ شنیرا نے ان کو آڑھے ہاتھوں لیتے ہوئے شدید تنقید کا نشانہ بنایا اور کہاکہ آپ کی یہ حرکت بچے کی جان بھی لے سکتی ہے اسکو مشکل میں ڈال سکتی ہے. آپ کو ایک ذمہ دار باپ ہونے کا ثبوت دینا چاہیے. اس پر فیروز خان نے ان سے کہا تھا کہ میں ڈرائیونگ کے معاملات آپ سے بہتر جانتا ہوں. شنیز اکرم اور فیروز خان کی یہ بحث سوشل میڈیا پر ابھی جاری ہی تھی کہ اداکار عمران اشرف نے اپنے بیٹے کے ساتھ ڈرائیو کے دوران لی گئی ایک تصویر شئیر کی. اس پر شنیرا نے کہا کہ اب لوگ آپ (فیروز خان) سے ہمدردی میں آپ کی نقل کر رہے ہیں، براہِ مہربانی تسلیم کیجیے کہ یہ غلط ہے یا کہیے کہ چھوٹے بچوں کی جان

خطرے میں ہے. اس پر عمران اشرف آئے میدان میں اور کہاکہ بھابھی آپ مجھے غلط نہ سمجھیں اور میرا آپ کی اور فیروز خان کی بحث سے بالکل بھی کوئی تعلق واسطہ نہیں‌ہے میں اپنی زندگی کے برے ترین فیز سے گزر رہاہوں میں نے صرف اپنے بیٹے کی محبت میں تصویر لگائی ہے مجھے کسی بھی قسم کے تنازع اور بحث مباحثے سے دور رکھیں. آپ ہماری بھابھی ہیں ہمارے مسائل کو سمجھیں.

اپنی سابقہ اہلیہ پر تشدد کے الزامات میں گھرے اور شدید تنقید کی زد میں آئے اداکار فیروز خان نے اپنا یوٹیوب چینل بنا لیا ہے اور یہ چینل انہوں نے جب بنایا اس کا اعلان بھی کیا تھا اور کہا تھا کہ اب وہ اس چینل پر مسلسل نظر اتے رہیں گے. اب فیروز خان اپنے یوٹوب چینل پر متحرک ہو گئے ہیں اور انہوں نے اپنے پہلا میوزک ٹریک اس پر شئیر کیا ہے. انہوں نے یہ بھی کہا ہے کہ وہ اپنا وی لاگ بہت جلد شئیر کریں گے،. فیروز خان کے مداح اس اعلان سے کافی خوش ہیں دوسرے طرف فیروز خان پر شدید تنقید بھی ہورہی ہے کچھ سوشل میڈیا صارفین کا کہنا ہے کہ اب آپ کو کام تو ملنا نہیں ہے یہی کچھ کریں گے اور جو بھی کرتے رہیں ، ہم آپ کو دیکھنے میں دلچپسی نہیں رکھتے. اطلاعات کے مطابق فیروز خان یوٹیوب چینل

پر اس لئے بھی زیادہ متحرک ہو رہے ہیں تاکہ وہ شوبز کی دنیا میں زندہ رہیں اور لوگوں کو نظر آتے رہیں کیونکہ جب سے ان پر گھریلو تشدد کے الزامات لگے ہیں ان کے ہاتھ سے بہت سارے پراجیکٹس چلے گئے ہیں. نوبت یہاں تک پہنچ گئی ہے کہ بہت ساری ہیروئنز نے فیروز خان کے ساتھ کام کرنے سے انکار کر دیا ہے.

اداکار فیروز خان جو اس وقت ہیں شدید تنقید کی زد میں کیونکہ ان کی اہلیہ نے ان کے خلاف تشدد کے ثبوت عدالت میں‌پیش کر دئیے ہیں . تنقید اتنی سخت رہی کہ اداکار اپنی فلم ٹچ بٹن کی پرموشن کا حصہ بھی نہ بنے کیونکہ وہ نہیں چاہتے تھے کہ ان سے اس ھوالے سے کوئی سوال ہو . تاہم علیزے سلطان جو کہ ان کی سابقہ اہلیہ ہیں انہوں نے عدالت میں بچوں‌کا خرچ دو لاکھ روپے ماہانہ کے لئے دعوی دائر کر رکھا ہے اس کیس کی سماعت مسلسل ہو رہی ہے. حالیہ سماعت کے بعد فیروز خان کے وکیل نے کہا ہے کہ اداکار کے مالی حالات ٹھیک نہیں ہیں وہ بیس ہزار

سے زیادہ نہیں سکتے . دوسری طرف اہلیہ نے دو لاکھ روپے ماہانہ کا دعوی کررکھا ہے اب دیکھنا یہ کہ عدالت کتنے روپے ماہانہ خرچ مقرر کررہی ہے کیونکہ فیروز خان کا شمار اچھا خاصا کمانے والے ایکٹرز میں ہوتاہے . یاد رہے کہ فیروز خان کے دو بچے ہیں جو ماں کے ساتھ ہی رہائش پذیر ہیں تاہم عدالت نے فیروزخان کو ان سے ملنے کےلئے مہینے میں دو بار اجازت دی ہے لیکن ملاقات سے پہلے انہیں اپنا پاسپورٹ‌عدالت میں‌جمع کروانا ہو گا .

اداکار فیروز خان جو عدالت میں گھریلو تشدد کا کیس بھگت رہے ہیں انہیں عدالت نے کہہ دیا ہے کہ وہ اپنی آمدنی کی تفصیلات عدالت میں‌ جمع کروائیں. کراچی کی فیملی کورٹ شرقی نے بچوں سے ملاقات اور اخراجات سے متعلق فیروز خان کی درخواست پرآمدنی کے حوالے سے جواب طلب کرلیا ہے۔کراچی سٹی کورٹ میں فیملی کورٹ شرقی کے روبرو فیروز خان کی بچوں سے ملاقات اور اخراجات سے متعلق کی درخواست پر سماعت ہوئی۔اس سے قبل فیروز خان کے وکیل نے عدالت میں بچوں کو ماہانہ خرچ دینے کےلئے جو رقم لکھ کر دی تھی اسے رد کر دیا گیا

ہے اور عدالت اب اداکار کی آمدنی کی تفصیلات دیکھتے ہوئے بچوں‌کے خرچ کا تعین کریگی. دوسری طرف فیروز خان کی سابقہ اہلیہ علیزےکے حوالے ان کے وکیل کا کہنا ہےکہ میرے کلائنٹ نے علیزے کو حق مہر کے چیک دے دئیے تھے. تاہم عدالت نے سماعت چھ دسمبر تک ملتوی کر دی ہے. یاد رہے کہ فیروز خان کو اس وقت سوشل میڈیا پر شدید تنقید کا سامنا ہے اس قدر تنقید کا سامنا ہے کہ وہ اپنی فلم ٹچ بٹن کی پرموشن کا بھی حصہ نہیں بنے. دیکھنا یہ ہےکہ فیروز خان کے خلاف یہ کیس کیا موڑ لیتا ہے کیونکہ اداکار کے خلاف مار پیٹ کے ثبوت عدالت میں‌جمع ہو چکے ہیں.

چھوٹی سکرین کی بڑی اداکارہ جنہوں نے اداکار فیروز خان کے ساتھ کام کرنے سے انکار کرنے کی وجہ بتاتے ہوئے حالیہ انٹرویو میں کہا ہے کہ میں فیروز خان کے ساتھ کام کرکے ریلیکس محسوس نہیں‌کرتی تھی اس لئے میں نے ان کے ساتھ کام کرنے کا فیصلہ پہلے ہی کر لیا تھا اور مجھے اس فیصلے پر کوئی پچھتاوا نہیں ہے جس کو ان کے ساتھ کام کرنا ہے وہ کرے میں نہیں کرنا چاہتی جب مجھے اس کے ساتھ کام کرکے ذہنی سکون نہیں‌ملتا میں کیوں کام کروں. جس کو میرے فیصلے پر اعتراض ہے رہے میں اپنی مرضی کی مالک ہوں. یہاں تک کہ میں اور میرے شوہر یاسر‌حسین ایک دوسرے کے فیصلوں پر اثر انداز نہیں ہوتے وہ اپنی رائے اور مرضی کے مطابق بات کرتے ہیں اور میں اپنی مرضی اور موڈ کے مطابق بیان دیتی ہوں یا

فیصلے کرتی ہوں . انہوں نے کہا کہ مجھے فی الحال فلموں کی آفر نہیں آئی اور بھارت سے تو بالکل بھی فلموں کی آفر نہیں آئی میں بلاوجہ جھوٹ نہیں بول سکتی کہ مجھے آفر آئی تھی لیکن میں نے کام نہیں‌کیا. مجھے میرے ملک نے بہت عزت دی ہے لیکن یہ بات بھی ساتھ ہے کہ فنکار اور فن کی کوئی سرحد نہیں ہوتی. یاد رہے کہ گھریلو تشدد کے الزامات کے بعد اقرا عزیز نے فیروز خان کے ساتھ کام کرنے سے انکار کر دیا تھا اور حالیہ انٹرویو میں اس فیصلے کی وجہ بھی بتا دی ہے.

ایمان علی اور فیروز خان جو کہ فلم ٹچ بٹن میں مرکزی کرداروں میں نظر آرہے ہیں وہ دونوں فلم کی پرموشن سے غائب ہیں. ایمان علی کراچی میں ایک آدھ جگہ فلم کی پرموشن کے لئے دکھائی دیں‌ لیکن وہ اس کے بعد فلم کی پرموشن سے مکمل غائب ہیں. فیروز خان تو مکمل طور پر اس فلم کی پرموشن سے غائب ہیں اور وہ تو کہیں کسی پلیٹ فارم پر اس فلم کی بات کرتے ہوئے بھی دکھائی نہیں دے رہے . ایمان علی نے تو ایک یوٹیوب چینل کو انٹرویو دیتے ہوئے کہا ہے کہ میں نے فلم میں‌کام کرنا تھا کر لیا اس کے علاوہ میں کسی سے زیادہ بات کرنا پسند نہیں کرتی.

ایمان علی کے اس بیان کے بعد ان پر کافی تنقید کی جا رہی ہے. دوسری طرف ایسا لگ رہا ہے کہ جیسے فیروز خان اس فلم کو اون نہیں کر رہے کیونکہ وہ اپنے گھریلو معاملے کی وجہ سے پریشان دکھائی دیتے ہیں گمان یہ کیا جا رہا ہے کہ جیسے وہ اس لئے فلم کی پرموشن کا حصہ نہیں بن رہے کیونکہ وہ جہان بھی جائیں گے ان سے انکے ذاتی معاملے کے ھوالے سے پوچھ گچھ ہو گی اور سوال ہوں گے جن کے شاید وہ جواب دینا نہیں چاہتے. یوں فلم ٹچ بٹن کی پرموشن اکیلے عروہ اور فرحان ہی کرتے ہوئے دکھائی دے رہے ہیں.