Tag: فیفا ورلڈ کپ

وفاقی وزیر برائے اطلاعات و نشریات عطا اللہ تارڑ نے فیفا ورلڈ کپ 2026 کی پاکستان میں کامیاب اور خصوصی نشریات پر پاکستان ٹیلی ویژن (پی ٹی وی) اسپورٹس کی پوری ٹیم اور انتظامیہ کو شاندار الفاظ میں خراج تحسین پیش کیا ہے۔

سماجی رابطے کی ویب سائٹ ‘ایکس’پر جاری اپنے ایک خصوصی پیغام میں وفاقی وزیر نے کہا کہ ’الحمدللہ، پی ٹی وی اسپورٹس پاکستان میں فیفا ورلڈ کپ 2026 کا واحد باضابطہ براڈکاسٹر رہا ہے اور اس نے ملک بھر کے فٹ بال شائقین کے دل جیت لیے ہیں،پی ٹی وی اسپورٹس کی انتظامیہ اور ٹیم نے انتہائی شاندار کام کا مظاہرہ کیا ہے، یہ عالمی ایونٹ نہ صرف عوامی سطح پر بے حد پسند کیا گیا بلکہ یہ ادارہ جاتی سطح پر بھی ایک انتہائی ’منافع بخش منصوبہ‘ ثا بت ہوا ہے،فٹ بال کی تاریخ میں پہلی بار پاکستان کے قومی کھیلوں کے چینل نے پریمیم نشریات کے ذریعے ٹی وی ریٹنگز کے تمام پرانے ریکارڈ توڑ دیے ہیں اور اشتہارات کی مد میں بھاری ریونیو حاصل کیا ہے۔

عطا اللہ تارڑ نے پی ٹی وی اسپورٹس کی آن اسکرین ٹیم، اینکرز اور تبصرہ نگاروں کی کارکردگی کو سراہتے ہوئے کہا کہ ایک شاندار شو پیش کرنے پر آن اسکرین ٹیم کو داد دیتا ہوں، مجھے آپ سب پر فخر ہے! پاکستان کے عوام تک اس ورلڈ کپ کو اس خوبصورت انداز میں پہنچانے پر آپ کا شکریہ،ٹی وی اسکرینز کے ساتھ ساتھ اس بار پی ٹی وی اسپورٹس نے ڈیجیٹل پلیٹ فارمز پر بھی ‘ڈیجیٹل انگیجمنٹ’ کے نئے اور جدید ترین بینچ مارکس (معیار) قائم کیے ہیں، جس کی وجہ سے کروڑوں نوجوانوں نے لائیو اسٹریمنگ کے ذریعے میچز سے لطف اٹھایا، امید ہے کہ پی ٹی وی اسپورٹس مستقبل میں بھی اسی لگن اور پیشہ ورانہ مہارت کو برقرار رکھے گا-

واضح رہے کہ فیفا ورلڈ کپ 2026 کی پاکستان میں خصوصی لائیو کوریج قومی اسپورٹس چینل کے لیے ایک بہت بڑا تاریخی سنگ میل بن چکی ہےملک میں کرکٹ کے ساتھ ساتھ فٹ بال کی بڑھتی ہوئی مقبولیت کو دیکھتے ہوئے پی ٹی وی نے اس بار جدید ترین ایچ ڈی ٹیکنالوجی، بین الاقوامی معیار کے اسٹوڈیو سیٹ اپ اور ماہرانہ تجزیوں کا اہتمام کیا تھا۔

فیفا ورلڈ کپ2026 کی فاتح ٹیم کو 5 کروڑ ڈالر جبکہ رنر اپ ٹیم کو3 کروڑ 30 لاکھ امریکی ڈالر کی انعامی رقم ملے گی۔

امریکا، کینیڈا اور میکسیکو میں مشترکہ طور پر منعقد ہونے والے فیفا ورلڈ کپ 2026 میں تیسری پوزیشن کے میچ میں انگلینڈ نے فرانس کو 4-6 سے شکست دی اس کامیابی کے ساتھ انگلینڈ کو 2 کروڑ 90 لاکھ ڈالر کی انعامی رقم ملے گی، جبکہ چوتھی پوزیشن پر رہنے والی فرانس کی ٹیم کو 2 کروڑ 70 لاکھ ڈالر دیے جائیں گے۔

فیفا کی جانب سے دسمبر 2025 میں اعلان کیا گیا تھا کہ 48 ٹیموں پر مشتمل تاریخ کے سب سے بڑے ورلڈ کپ کے لیے انعامی رقم کا مجموعی فنڈ بھی ریکارڈ 65 کروڑ 50 لاکھ ڈالر رکھا گیا ہے، اس رقم کو تمام شریک 48 ٹیموں میں ان کی کارکردگی کے مطابق تقسیم کیا جائے گا، اب ٹورنامنٹ میں صرف فائنل میچ باقی ہے، جہاں اسپین اور دفاعی چیمپئن ارجنٹینا کی ٹیمیں آمنے سامنے ہوں گی، ورلڈ کپ جیتنے والی ٹیم کو 5 کروڑ ڈالر جبکہ رنر اپ کو 3 کروڑ 30 لاکھ ڈالر کی انعا می رقم ملے گی۔

کوارٹر فائنل تک رسائی حاصل کرنے والی ناروے، بیلجیئم، مراکش اور سوئٹزرلینڈ کو ایک کروڑ 90 لاکھ ڈالر فی ٹیم دیے جائیں گے9ویں سے 16ویں نمبر تک رہنے والی ٹیموں، جن میں میکسیکو، کولمبیا، برازیل، امریکا، پرتگال، کینیڈا، مصر اور پیراگوئے شامل ہیں، کو ایک کروڑ 50 لاکھ ڈالر فی ٹیم ملیں گے،17ویں سے 32ویں پوزیشن تک رہنے والی ٹیموں کو ایک کروڑ 10 لاکھ ڈالر جبکہ33ویں سے 48ویں نمبر تک رہنے والی ٹیموں کو 90 لاکھ ڈالر انعام دیا جائے گا،جبکہ ٹورنامنٹ میں شریک ہر ٹیم کو مقابلوں کے آغاز سے قبل تیاریوں کے اخراجات کے لیے اضافی 15 لاکھ ڈالر بھی فراہم کیے گئے۔

واضح رہے کہ 2022 کے فیفا ورلڈ کپ میں ارجنٹینا نے چیمپئن بننے پر 4 کروڑ 20 لاکھ ڈالر حاصل کیے تھے، جبکہ 2018 میں فرانس کو عالمی چیمپئن بننے پر 3 کروڑ 80 لاکھ ڈالر کی انعامی رقم ملی تھی، 2026 میں فاتح ٹیم کے لیے مقرر کردہ 5 کروڑ ڈالر ورلڈ کپ کی تاریخ کی سب سے بڑی انعامی رقم ہے، جو فیفا کی بڑ ھتی ہوئی مالی استعداد اور ٹورنامنٹ کی عالمی مقبولیت کی عکاسی کرتی ہے-

فیفا ورلڈکپ 2026 کے دونوں سیمی فائنلز کے اختتام کے بعد سوشل میڈیا پر پانچ سال پرانی ایک پوسٹ دوبارہ وائرل ہوگئی ،جس میں فاتح ٹیم کی پیشگوئی کی گئی ہے-

ورلڈکپ کے پہلے سیمی فائنل میں اسپین نے شاندار کھیل کا مظاہرہ کرتے ہوئے فرانس کو صفر کے مقابلے میں دو گول سے شکست دے کر فیصلہ کن معرکے میں جگہ بنائی، جبکہ دوسرے سیمی فائنل میں دفاعی چیمپئن ارجنٹینا نے انگلینڈ کو ایک کے مقابلے میں دو گول سے ہرا کر مسلسل دوسری مرتبہ فائنل میں رسائی حاصل کی۔

دونوں ٹیموں کے فائنل میں پہنچنے کے فوراً بعد سوشل میڈیا پلیٹ فارم ایکس پر جولائی 2021 میں کی گئی ایک پوسٹ تیزی سے وائرل ہونے لگی، جس میں ایک صارف نے دعویٰ کیا تھا کہ فیفا ورلڈکپ 2026 کا فائنل ارجنٹائن اور اسپین کے درمیان کھیلا جائے گا اور ارجنٹائن سنسنی خیز مقابلے کے بعد اسپین کو 2 کے مقابلے میں 3 گول سے شکست دے کر عالمی ٹائٹل اپنے نام کرے گا۔

سیمی فائنلز کے نتائج سامنے آنے کے بعد صارفین نے اس پرانی پوسٹ کے اسکرین شاٹس شیئر کرنا شروع کر دیے، جس کے بعد یہ مختلف سوشل میڈیا پلیٹ فارمز پر تیزی سے وائرل ہوگئی کئی صارفین نےاسے حیران کن قرار دیا، جبکہ بعض نے اسے محض اتفاق یا اندازہ قرار دیتے ہوئے کہا کہ اصل فیصلہ تو فائنل کے میدان میں ہوگا کچھ صارفین کا کہنا ہے کہ اگر فائنل کا نتیجہ بھی اسی پیشگوئی کے مطابق آیا تو یہ سوشل میڈیا کی تاریخ کی یادگار پیشگوئیوں میں شمار ہوگی، جبکہ دیگر کا مؤقف ہے کہ فٹبال میں آخری لمحے تک کچھ بھی یقینی نہیں ہوتا۔

دوسری جانب فٹبال ماہرین کا کہنا ہے کہ ارجنٹینا اور اسپین دونوں اس وقت شاندار فارم میں ہیں ارجنٹینا اپنی عالمی چیمپئن شپ کا دفاع کرنے کے لیے پرعزم ہے، جبکہ اسپین کئی برس بعد دوبارہ عالمی اعزاز حاصل کرنے کے خواب کو حقیقت میں بدلنے کی کوشش کرے گا۔

اسرائیلی وزیراعظم بنجمن نیتن یاہو نے فٹبال ورلڈ کپ کے فائنل سے قبل ارجنٹینا کے لیے اپنی حمایت کا اعلان کر دیا ہے۔

رپورٹس کے مطابق اسرائیل میں تعینات ارجنٹینا کے سفیر نے ورلڈ کپ فائنل کے موقع پر نیتن یاہو کو ارجنٹینا کی فٹبال جرسی پیش کی، جس پر اسرائیلی وز یراعظم نے ارجنٹینا کی ٹیم کے لیے نیک خواہشات کا اظہار کیا کہا کہ وہ ورلڈ کپ فائنل میں ارجنٹینا کو سپورٹ کر رہے ہیں اور ان کے ارجنٹینا کے صدر جاو یئر میلی کے ساتھ بہترین تعلقات ہیں انہوں نے ارجنٹینا اور اسرائیل کے درمیان دوستانہ تعلقات کا بھی ذکر کیا اور کہا کہ دونوں ممالک کے درمیان قریبی روابط موجود ہیں۔

واضح رہے کہ ورلڈ کپ فائنل میں ارجنٹینا اور اسپین کے درمیان مقابلے کو دنیا بھر میں فٹبال کے شائقین بڑی دلچسپی سے دیکھ رہے ہیں، جبکہ لاطینی امریکا میں بھی ارجنٹینا کی حمایت اور مخالفت دونوں طرح کے جذبات سامنے آ رہے ہیں۔

امریکا میں جاری فیفا ورلڈ کپ اپنے چوتھے ہفتے میں داخل ہو چکا ہے،ناک آؤٹ مرحلے کے راؤنڈ آف 16 کے مقابلے جاری ہیں-

امریکا میں جاری فیفا ورلڈ کپ اپنے چوتھے ہفتے میں داخل ہو چکا ہے،ناک آؤٹ مرحلے کے راؤنڈ آف 16 کے مقابلے جاری ہیں، جن کے دوسرے روز تک 4 ٹیموں نے کامیابی حاصل کرتے ہوئے کوارٹر فائنل میں اپنی جگہ پکی کر لی ہے اب تک کوارٹر فائنل میں پہنچنے والی ٹیموں میں مراکش، فرانس، نارو ے اور انگلینڈ شامل ہیں۔

اب راؤنڈ آف 16 کے چار اہم مقابلے باقی ہیں 6 جولائی کو امریکا کے شہر ڈلاس میں پرتگال اور اسپین کی ٹیمیں مدمقابل ہوں گی، جبکہ اسی روز سیئٹل میں امریکا اور بیلجیئم کے درمیان میچ کھیلا جائے گا 7 جولائی کو کینیڈا کے شہر وینکوور میں سوئٹزرلینڈ اور کولمبیا کی ٹیموں کا مقابلہ ہوگا، جبکہ اسی روز امریکا کے شہر اٹلانٹا میں ارجنٹینا اور مصر آمنے سامنے ہوں گے ان مقابلوں کے فاتحین کوارٹر فائنل میں جگہ بنائیں گے۔

کوارٹر فائنل مرحلے کا آغاز 9 جولائی سے ہوگا پہلے میچ میں فرانس اور مراکش کی ٹیمیں بوسٹن میں ایک دوسرے کے مدمقابل ہوں گی 10 جولائی کو لاس اینجلس میں امریکا یا بیلجیئم کی فاتح ٹیم کا مقابلہ پرتگال یا اسپین کی فاتح ٹیم سے ہوگا 11 جولائی کو میامی میں ناروے اور انگلینڈ کے درمیان کوارٹر فائنل کھیلا جائے گا، جبکہ آخری کوارٹر فائنل 12 جولائی کو کنساس سٹی میں ہوگا، جہاں ارجنٹینا یا مصر کی فاتح ٹیم کا مقابلہ سوئٹزرلینڈ یا کولمبیا کی فاتح ٹیم سے ہوگا۔

ورلڈ کپ کے اس مرحلے میں کامیابی حاصل کرنے والی ٹیمیں سیمی فائنل میں جگہ بنائیں گی، جبکہ شکست کھانے والی ٹیموں کا ٹائٹل جیتنے کا سفر اختتام پذیر ہو جائے گا۔

فٹبال ورلڈکپ میں کانگو نے پہلی بار ناک آؤٹ مرحلے میں کوالیفائی کرکے تاریخ رقم کردی۔

آخری گروپ میچ میں کانگو نے اُزبکستان کو ایک کے مقابلے میں تین گول سے شکست دی اور اس طرح میگا ایونٹ میں پہلی بار ناک آؤٹ مرحلے میں کوالیفائی کرلیا اب کانگو کا راؤنڈ آف 32 میں انگلینڈ سے مقابلہ ہوگا دوسری جانب کولمبیا اور پُرتگال کے درمیان مقابلہ بغیر کسی گول کے برابر رہا، اگلے مرحلے میں کولمبیا کا میچ گھانا سے ہوگا، جب کہ پُرتگال کو کروشیا سے مقابلہ کرنا ہوگا۔

گروپ ‘کے’ میں کولمبیا اور پرتگال کے درمیان میامی میں کھیلا گیا مقابلہ بغیر کسی گول کے برابر رہا، تاہم دونوں ٹیمیں اگلے مرحلے کے لیے کوالیفائی کرنے میں کامیاب رہیں، کولمبیا نے زیادہ تر وقت کھیل پر برتری برقرار رکھی اور متعدد مواقع بھی بنائے، مگر انہیں گول میں تبدیل نہ کرسکی،آخری لمحات میں ڈیوسن سانچیز کا گول وی اے آر کے ذریعے آف سائیڈ قرار دے دیا گیا، جبکہ پرتگال کے کرسٹیانو رونالڈو بھی پورے میچ میں خاطر خواہ اثر نہ چھوڑ سکے۔

فیفا نے ورلڈ کپ میچز کے دوران اسٹیڈیم کے اندر صرف ایران کا موجودہ اور سرکاری قومی پرچم لہرانے کی اجازت دی ہے –

ورلڈ کپ ضوابط کے تحت فیفا نے یہ واضح کر دیا ہے کہ کھیل کے میدانوں میں صرف رکن ممالک کے تسلیم شدہ سرکاری جھنڈے ہی لائے جا سکتے ہیں اس فیصلے کے باعث لاس اینجلس کے سوفائی اسٹیڈیم میں کھیلے گئے میچ کے دوران ایران کے سابق شاہی دور کا پرچم لہرانے کی ممانعت تھی، کیونکہ سیکیورٹی انتظامیہ کی جانب سے ایسے بینرز اور لباس پر سختی برتنے کی ہدایات جاری کی گئی ہیں۔

عالمی میڈیا کے مطابق اسٹیڈیم میں سیکیورٹی عملے نے کچھ ایسے شائقین کو روکا جنہوں نے پرانے جھنڈے والی ٹی شرٹس پہن رکھی تھیں اور متبادل لباس نہ ہونے پر انہیں شرٹس الٹی کر کے پہننے کی ہدایت کی گئی تاہم، ایک بار جب شائقین اسٹیڈیم کے اندر داخل ہو گئے، تو انتظامیہ اس پابندی پر سختی سے عمل درآمد کروانے میں ناکام رہی اورمیچ کے دورا ن یہ جھنڈے بھی لہرائے گئے۔

واضح رہے کہ ایران کے سابق دور سے منسلک علامتی پرچم موجودہ سرکاری پرچم سے مختلف ہے، اس میں ’شیر اور سورج‘ کا نشان شامل ہے جو 1979ء کے انقلاب سے قبل کے دور کی علامت سمجھا جاتا ہے فیفا کا مؤقف ہے کہ وہ کھیل کے میدانوں کو کسی بھی قسم کے سیاسی احتجاج یا تنازعات سے دور رکھنا چاہتی ہے، اسی لیے اسٹیڈیم کے اندر صرف موجودہ ایرانی حکومت کا سرکاری پرچم ہی جائز تصور ہوگا اور ضوابط کی خلاف ورزی کرنے والوں کو روکا جائے گا۔