Tag: فیفا

امریکا اور ایران کے درمیان امن معاہدے کے اعلان کے چند گھنٹوں بعد ایرانی قومی فٹبال ٹیم فیفا ورلڈ کپ 2026 میں اپنے پہلے میچ کے لیےٹیم لاس اینجلس پہنچ گئی جہاں وہ آج پیر کو نیوزی لینڈ کے خلاف اپنی مہم کا آغاز کرے گی-

ایرانی قومی فٹبال ٹیم اتوار کو فیفا ورلڈ کپ کے سلسلے میں پہلی بار امریکا پہنچ گئی ٹیم لاس اینجلس انٹرنیشنل ایئرپورٹ پر اتری اور اسی روز پریس کانفرنس بھی کی، جبکہ اسی دن امریکا اور ایران کے درمیان امن معاہدے کے اعلان نے اس آمد کو مزید اہم بنا دیا،جبکہ یہ 1930 میں ورلڈ کپ کے آغاز کے بعد پہلا موقع ہے کہ کسی میزبان ملک نے ایسے ملک کی میزبانی کی ہو جس کے ساتھ وہ حالیہ جنگ میں شامل رہا ہو۔

ایرانی اسکواڈ میکسیکو کے شہر تیجوانا سے مختصر پرواز کے ذریعے لاس اینجلس پہنچا روانگی کے وقت ہوٹل کے باہر موجود شائقین نے ٹیم کو بھرپور انداز میں رخصت کیا ایران اپنا پہلا گروپ میچ پیر کو لاس اینجلس اسٹیڈیم میں نیوزی لینڈ کے خلاف کھیلے گا۔

ایران کے ہیڈ کوچ امیر قلعہ نویی نے پریس کانفرنس میں مترجم کے ذریعے گفتگو کرتے ہوئے کہا کہ انہیں عظیم، باوقار اور مضبوط ایرانی قوم کی نمائندگی پر فخر ہے مجھے امید ہے کہ فٹبال خوشی اور تفریح کا ذریعہ بنے گا اور مختلف ثقافتوں اور ممالک کو ایک دوسرے کے قریب لانے میں مدد دے گا۔“

ایران نے گزشتہ ماہ اپنے ورلڈ کپ بیس کیمپ کو امریکی ریاست ایریزونا کے ایک اسپورٹس کمپلیکس سے میکسیکو منتقل کر دیا تھا یہ فیصلہ اس وقت کیا گیا جب امریکا اور اسرائیل نے فروری کے آخر میں ایران پر مشترکہ حملے شروع کیے تھےاب ایرانی ٹیم کو اپنے تینوں گروپ میچز کے لیے میکسیکو سے امریکا آنا جانا پڑے گا امیر قلعی نویی کے مطابق مسلسل سفر اور ایرانی فٹبال فیڈریشن کے بعض ارکان کو امریکی ویزے جاری نہ کیے جانے سے ٹیم متاثر ہوئی ہے۔

دوسری جانب امریکی صدر ڈونلڈ ٹرمپ اور پاکستانی وزیراعظم شہباز شریف نے سوشل میڈیا پر بتایا کہ امریکا اور ایران کے درمیان جنگ کے خاتمے کا معاہدہ آئندہ جمعہ کو سوئٹزرلینڈ میں ایک سرکاری تقریب کے دوران دستخط کیا جائے گا۔

اس سے قبل تیجوانا میں ایرانی ٹیم کے ہوٹل کے باہر بڑی تعداد میں شائقین جمع ہوئے انہوں نے ”ٹیم ملی“ کے نعرے لگائے اور کھلاڑیوں کا بھرپور استقبال کیا کئی کھلاڑیوں نے شائقین کی جانب ہاتھ ہلایا جبکہ وفد کے بعض ارکان نے اپنے موبائل فونز سے اس منظر کی ویڈیوز بھی بنائیں ایک مداح نے زرد رنگ کا بینر اٹھا رکھا تھا جس پر لکھا تھا کہ ایران، تم کبھی تنہا نہیں چلو گے، میکسیکو تمہارے ساتھ ہے،شائقین نے ہسپانوی زبان میں نعرہ لگایا، ایران، بھائی! اب تم میکسیکن ہو۔

ایرانی فٹبال فیڈریشن کے صدر مہدی تاج بھی ہوٹل کے باہر موجود تھے اور جب ٹیم کی بس روانہ ہوئی تو متعدد شائقین کافی دور تک اس کے ساتھ ساتھ چلتے رہےتیجوانا میں ایرانی کمیونٹی کی تعداد تقریباً 20 افراد پر مشتمل ہے، جبکہ لاس اینجلس ایران سے باہر دنیا کی سب سے بڑی ایرانی کمیونٹی کا مرکز سمجھا جاتا ہے لاس اینجلس میں دسیوں ہزار ایرانی نژاد امریکی آباد ہیں اور شہر میں ایرانی تارکین وطن کی ایک نمایاں آبادی موجود ہے جسے اکثر ”تہرانجلس“ کہا جاتا ہے۔

عراق کی قومی فٹبال ٹیم 40 سال بعد پہلی بار ورلڈ کپ میں شرکت کےلئےامریکی ریاست ’ویسٹ ورجینیا‘ پہنچ گئی۔

ٹیم کی قیادت کوچ گراہم آرنالڈ کر رہے ہیں ٹیم نے ویسٹ ورجینیا میں اپنے بیس کیمپ میں پہنچ کر ٹریننگ شروع کر دی ہے، کھلاڑیوں نے بھرپور پریکٹس سیشن کیا،گروپ آئی میں موجود عراقی فٹبال ٹیم ورلڈ کپ میں اپنا پہلا میچ 16 جون کو ناروے کے خلاف کھیلے گی گروپ میں عراق کے ساتھ عالمی چیمپئن فرنس اور سینیگال کی ٹیمیں بھی شامل ہیں، جس کے باعث گروپ مرحلہ انتہائی سخت قرار دیا جا رہا ہے۔

واضح رہے کہ عراق اس سے قبل صرف ایک بار 1986 میں میکسیکو میں ہونے والے ورلڈ کپ میں شریک ہوا تھا جہاں اسے اپنے گروپ کے تمام میچز میں شکست کا سامنا کرنا پڑا تھا۔

فیفا نے افغان خواتین فٹبال ٹیم کو انٹرنیشنل میچز کھیلنے کی اجازت دے دی،یہ ٹیم زیادہ تر افغان مہاجر خواتین پر مشتمل ہے جسے اب عالمی سطح پر باقاعدہ شرکت کی اجازت مل گئی ہے۔

فیفا کے مطابق ’افغان ویمن یونائیٹڈ ٹیم‘ کو افغانستان کی آفیشل قومی خواتین ٹیم کا درجہ دے دیا گیا ہے جو پہلی بار باضابطہ طور پر عالمی مقابلوں میں حصہ لے گی۔

فیفا نے اس فیصلے کے لیے اپنے خصوصی اختیارات استعمال کیے ہیں جو غیر معمولی حالات میں ٹیموں کی رجسٹریشن کی اجازت دیتے ہیں یہ اقدام افغان خواتین کھلاڑیوں کے لیے ایک بڑی پیش رفت قرار دیا جا رہا ہے جو طویل عرصے سے بین الاقوامی سطح پر نمائندگی کی منتظر تھیں۔

دوسری جانب آئیوری کوسٹ میں پاکستان کی خواتین فٹبال ٹیم نے شاندار کارکردگی کا مظاہرہ کیا۔ فیفا سیریز میں پاکستانی ٹیم نے اختتامی میچ میں میزبان ٹیم کو دو صفر سے ہرا کر تیسری پوزیشن حاصل کرلی ہے۔

ترکیہ نے 24 سال بعد فیفا ورلڈکپ کے لیے کوالیفائی کر لیا۔

ترکیہ نے منگل کو پلے آف فائنل میں کوسوو کے خلاف کھیلے گئے میچ میں 1-0 سے یادگار فتح حاصل کی، جس کے ساتھ ہی ورلڈ کپ کے لیے کولیفائی کر لیا، ترکیہ آخری بار 2002 میں فیفا ورلڈکپ میں شرکت کر چکا تھا اور اب 24 سال بعد دوبارہ فٹ بال کے سب سے بڑے ایونٹ کے لیے کوالیفائی کر لیا ترکیہ کے شائقین نے اس تاریخی کامیابی پر جشن منایا اور ٹیم کی کارکردگی کو سراہا –

اس سے قبل عراق نے انٹر کنفیڈریشن پلے آف میں بولیویا کو 1-2 سے شکست دے کر 40 سال بعد فیفا ورلڈ کپ کے لیے کوالیفائی کیا، عراق اس سے قبل صرف ایک بار 1986 میں میکسیکو میں ہونے والے ورلڈ کپ میں شریک ہوا تھا جہاں اسے اپنے گروپ کے تمام میچز میں شکست کا سامنا کرنا پڑا تھا۔

انٹرنیشنل فیڈریشن آف ایسوسی ایشن فٹ بال (فیفا) نے فٹ بال ٹیموں کی نئی رینکنگ جاری کردی ہے-

رینکنگ کی تازہ فہرست کے مطابق پاکستان دو درجے اوپر جبکہ بھارت ایک درجے نیچے چلا گیا ہے،اسپین نے ارجنٹینا کو پیچھے چھوڑتے ہوئے دنیا کی نمبر ون ٹیم کا اعزاز حاصل کیا ہےا سپین کے حصے میں یہ اعزاز گزشتہ 11 سالوں کے دوران پہلی مرتبہ آیا ہے،اس سے قبل اسپین دوسرے جبکہ ارجنٹیا پہلے نمبر پر تھا جو تنزلی کا شکار ہو کر اب تیسرے نمبر پر پہنچ چکا ہے۔

https://x.com/FIFAWorldCup/status/1968586486703603935

فہرست میں دوسری پوزیشن فرانس کی ہے جو پہلے تیسرے نمبر پر تھافیفا کی رینکنگ میں انگلینڈ چوتھی، پرتگال پانچویں، برازیل چھٹی، نیدرلینڈز ساتویں، بیلجیئم آٹھویں، کوشیا نویں، جبکہ اٹلی دسویں پوزیشن پر ہیں،تنزلی کا شکار ہونے والی بڑی ٹیموں میں ارجنٹینا، برازیل، اور جرمنی شامل ہیں، جرمنی 3 نمبر کھو کر ٹاپ 10 کی کیٹیگری سے ہی باہر ہو چکا ہے۔

پاکستان کی فٹ بال ٹیم کی پوزیشن میں دو درجے بہتری آئی ہے۔ نئی رینکنگ میں قومی ٹیم 201 سے ترقی پاتے ہوئے 199 نمبر پر آ گئی ہےجہاں پاکستان کی پوزیشن میں دو درجے بہتری آئی ہے، وہیں بھارت ایک درجے نیچے چلا گیا ہے گزشتہ رینکنگ میں بھارت 133ویں نمبر پر تھا جبکہ نئی رینکنگ میں اس کی پوزیشن 134 ہے تنزلی کی بنیادی وجہ یہ ہے کہ اس دوران بھارت صرف ایک ہی میچ جیت پایا ہے۔

فٹبال کی عالمی تنظیم فیفا نے ویمن فٹبال کی نئی عالمی رینکنگ جاری کردی ہے۔

پاکستان ویمن فٹبال ٹیم کی عالمی رینکنگ میں 3 درجہ ترقی ہوئی، پاکستان ویمن فٹبال ٹیم 154 ویں پوزیشن پر آگئی، ٹیم اس سے پہلے 157 ویں نمبر پر تھی، پاکستان کے ریٹنگ پوائنٹس 950 سے بڑھ کر 1007 ہوگئے،فیفا ویمن فٹبال رینکنگ میں سپین نے پہلی پوزیشن، امریکی ٹیم ایک درجہ تنزلی کے بعد دوسرے نمبر، سویڈن کی تین درجہ ترقی کے بعد تیسری پوزیشن اور انگلینڈ ایک درجہ ترقی سے چوتھے نمبر پر پہنچ گیا۔

وزیراعلیٰ پنجاب سے امریکہ کے لاہور میں تعینات نئے قونصل جنرل اسٹیٹسن سینڈرز کی ملاقات

کراچی : لانڈھی ایکسپورٹ پروسسنگ زون کی فیکٹری میں آتشزدگی ، 5 منزلہ عمارت منہدم ، 7 افراد زخمی

راولپنڈی:غیرت کے نام قتل،جرگے کے سربراہ کےسننی خیز انکشافات