Baaghi TV

Tag: فیفا

  • فیفا نے پاکستان کی انٹرنیشنل رکنیت بحال کر دی

    فیفا نے پاکستان کی انٹرنیشنل رکنیت بحال کر دی

    یورو کونسل آف فیفا نے پاکستان کی انٹرنیشنل رکنیت بحال کردی۔

    باغی ٹی وی :تفصیلات کے مطابق پابندی ہٹنے کے بعد پاکستانی ٹیموں پر انٹرنیشنل فٹبال کے دروازے کھل گئے جب کہ ملکی سطح پر فٹبال سرگرمیوں کا سلسلہ بھی بحال ہوگا فیفا کی نارملائزیشن کمیٹی الیکشن کیلئے پیشرفت کرے گی۔

    اس ضمن میں چیئرمین نارملائزیشن کمیٹی ہارون ملک نے کہا ہے کہ این سی کی انتھک محنت اور فٹبال فیملی کی دعائیں رنگ لے آئیں فٹبال کی بحالی، پی ایف ایف الیکشنز کا انعقاد اور اثاثہ جات کی واپسی اولین ترجیح ہو گی۔

    یاد رہے کہ پاکستان فٹبال پر عائد پابندیاں ختم کرنے کا فیصلہ 29 جون کو ہونیوالے اجلاس میں نارملائزیشن کمیٹی کو پی ایف ایف ہاؤس اور اختیارات واپس ملنے پر کیا گیا۔

    قبل ازیں فیفا نے فٹبال ورلڈ 2026 کے میزبان شہروں کا اعلان کر دیا ہے، فٹبال ورلڈ کپ 2026 امریکا کینیڈا اورمیکسیکو میں ہو گا 2026 کا فیفا ورلڈ کپ 16 شہروں میں 80 گیمز ہوں گی، جن میں سے 60 امریکا میں کھیلےجائیں گے میں امریکا میں 11، میکسیکو کے 3، اور کینیڈا کے 2 شہر شامل ہیں، 1998 کے بعد یہ پہلا موقع ہوگا کہ ٹورنامنٹ 32 ٹیموں کے فارمیٹ کےبجائے 48 ٹیموں کے ساتھ کھیلا جائے گا جبکہ پہلی بار ہی ٹورنامنٹ تین میزبان ممالک میں منعقد کیا جائے گا امریکا، کینیڈا اور میکسیکو کو 2018 میں 2026 کے فٹبال ورلڈکپ کی میزبانی کیلئے منتخب کیا گیا تھا۔

    خیال رہے کہ اس سے قبل امریکا نے 1994 میں ورلڈ کپ کی میزبانی کی تھی جبکہ میکسیکو 1970 اور 1986 میں ٹورنامنٹ کی میزبانی کرچکا ہے فیفا ورلڈکپ 2022 کا آغاز 21 نومبرسے ہوگا، روزانہ گروپ مرحلے کے 4 میچزکھیلےجائیں گے، ورلڈکپ کا فائنل 18 دسمبر 2022 کو لوسیل اسٹیڈیم میں ہوگا۔

  • پاکستان فٹبال کے مستقبل پر چھائے خدشات کے بادل چھٹ گئے

    پاکستان فٹبال کے مستقبل پر چھائے خدشات کے بادل چھٹ گئے

    فیفا کی نامزد نارملائزیشن کمیٹی کے چیئرمین ہارون ملک نے کہا ہے کہ فیفا ہاؤس کا چارج ملنے سے پاکستان فٹبال کے مستقبل پر چھائے خدشات کے بادل چھٹ گئے ہیں۔ اپنے مینڈیٹ سے انصاف کرتے ہوئے پی ایف ایف کے صاف اور شفاف انتخابات یقینی بنائیں گے۔پاکستان میں فٹبال کے تمام اسٹیک ہولڈرز ہمارے لیے محترم ہیں،فیفا چارٹر کے مطابق غیر جانبدار رہتے ہوئے اپنا کردار ادا کریں گے۔

    فیفا ہاﺅس، پی ایف ایف سیکریٹریٹ میں نارملائزیشن کمیٹی کے اراکین شاہد نیاز کھوکھر، سعود ہاشمی اور بیرسٹر حارث عظمت کے ہمراہ پریس کانفرنس کرتے ہوئے انہوں نے کہا کہ نارملائزیشن کمیٹی کو آئینی ذمہ داریاں ادا کرنے سے روکے جانے پر پاکستان فٹبال کو ناقابل تلافی نقصان پہنچا، ایسا نہ ہوا ہوتا تو آج ملک میں یہ کھیل درست سمت میں گامزن ہوتا مگر خوشی کی بات ہے کہ بالآخر حکومت اور اسٹیک ہولڈرز نے حالات کی نزاکت کو سمجھتے ہوئے بحران صورتحال سے نکلنے کا راستہ تلاش کرلیا، اس ضمن میں وزیر اعظم عمران خان اور وزارت برائے بین الصوبائی رابطہ امور کی وزیر ڈاکٹر فہمیدہ مرزا اور میڈیا نے اہم کردار ادا کیا، سارے معاملے میں فیفا نے بھی صبروتحمل کا مظاہرہ کرتے ہوئے کوئی انتہائی قدم اٹھانے سے گریز کیا۔

    ہارون ملک نے کہا کہ فیفا ہاﺅس کا چارج ملنے کے بعد پاکستانی کی عالمی فٹبال میں تنہائی ختم ہونے کا وقت زیادہ دور نہیں، ماضی میں کلبز کے اہم ترین شعبے کو سیاسی مصلحتوں کا شکار کیا گیا، فٹبال کو جدید تقاضوں سے ہم آہنگ کرنے کیلیے کوئی سسٹم ہی نہیں بن سکا۔نارملائزیشن کمیٹی کو ان معاملات میں سدھار لاکر صاف شفاف انتخابات کروانے کا مینڈیٹ ملا ہے۔ پاکستان میں فٹبال کے تمام اسٹیک ہولڈرز ہمارے لئے محترم اور فٹبالرز ہمارا اثاثہ ہیں،فیفا ہاﺅس کے دروازے سب کیلئے کھلے ہیں، ہر مثبت تجویز کا خیر مقدم کریں گے لیکن فیفا چارٹر کو پیش نظر رکھتے ہوئے نارملائزیشن کمیٹی مکمل طور پر غیر جانبدار رہتے ہوئے اپنا کردار ادا کرے گی،اس دوران پاکستانی ٹیموں کی انٹرنیشنل ایونٹس میں شرکت یقینی بنائیں گے۔ فٹبال ہیڈ کوارٹرز کا چارج منتخب باڈی کے سپرد کرنے سے قبل کلبز رجسٹریشن سمیت ایک سسٹم چھوڑ کر جانا چاہتے ہیں، اس ضمن میں فٹبال برادری اور میڈیا کے تعاون کی ضرورت ہوگی۔اس موقع پر کمیٹی کے دیگر اراکین نے فیفا چارٹر کے مطابق اپنی ذمہ داریاں پوری دیانتداری سے ادا کرنے کا عزم ظاہر کیا۔

    فیفا نے پاکستان کی رکنیت معطل کر دی

  • یوکرین پر حملہ: فیفا نے روس پر فٹبال کے عالمی ورلڈکپ میں شرکت پر پابندی لگادی

    یوکرین پر حملہ: فیفا نے روس پر فٹبال کے عالمی ورلڈکپ میں شرکت پر پابندی لگادی

    یوکرین میں جنگی کارروائیوں کے بعد فیفا نے بھی روس پر فٹبال کے عالمی ورلڈکپ میں شرکت پر پابندی لگادی۔

    باغی ٹی وی :روس اور یوکرین کے درمیان 5 روز سے جنگ جاری ہے اور روسی افواج نے یوکرینی دارالحکومت کیف سمیت کئی شہروں کا محاصرہ کر رکھا ہے امریکا، برطانیہ اور یورپ سمیت کئی ممالک نے روسی صدر، بینکوں اور اداروں پر مالی پابندیاں عائد کی ہیں۔

    اب فیفا نے بھی روس پر فٹبال کے عالمی ورلڈکپ میں شرکت پر پابندی لگادی ہے-

    برطانوی خبر رساں ادارے ڈیلی میل کی رپورٹ کے مطابق فٹبال کی عالمی تنظیم فیفا نے نےہرقسم کے مقابلوں میں روس کے حصہ لینے پر پابندی عائد کردی ہے جبکہ فیفا اور دی یونین آف یورپین فٹبال ایسوسی ایشن (یوئیفا) نے مشترکہ اعلان کرتے ہوئے کہا ہے کہ روس کسی بھی قسم کےفٹبال مقابلوں میں شرکت نہیں کرسکے گا۔


    دوسری جانب روس کی قومی فٹبال ٹیم نے 24 مارچ کو قطر 2022 ورلڈکپ کے پلے آف مرحلے کے لیے پولینڈ کے ساتھ کھیلنا تھا تاہم روسی فٹبال فیڈریشن کی جانب سے اب تک کوئی اعلامیہ جاری نہیں کیا گیا ہے۔

    اس کے علاہ یوئیفا نے روسی توانائی کمپنی گیزپروم کے ساتھ اسپانسر شپ کا معاہدہ بھی منسوخ کردیا ہے، جو 2012 سے جاری تھا جس کی قیمت تقریباً 40 ملین یورو فی سیزن بتائی جارہی ہے۔

    اس سے قبل یوئیفا چیمپئن شپ 2021-22 کے فائنل کی میزبانی روس سے واپس لے لی گئی تھی جبکہ یوکرین کے ہمسایہ ملک پولینڈ نے روس کی جانب سے یوکرین میں فوجی کارروائی کے خلاف روس سے فٹ بال ورلڈکپ کا کوالیفائر میچ کھیلنے سے انکار کردیا تھا۔

    جبکہ برطانوی خبر رساں ایجنسی رائٹرز کے مطابق اتوار کے روز فیفا کی گورننگ باڈی نے روس کے یوکرین پر حملے کے بعد متعدد پابندیوں کا اعلان کرتے ہوئےکہا تھا کہ روس میں کوئی بھی بین الاقوامی فٹ بال میچ نہیں کھیلا جائے گا۔

    خبررساں ایجنسی کے مطابق فیفا نے اپنے بیان میں کہا ہے کہ روس کی قومی فٹبال ٹیم روس کے بجائےفٹبال یونین آف روس(Football Union of Russia )کے طور پر میچز کھیلے گی جبکہ یہ میچز شائقین کے بغیر نیوٹرل مقام پر کھیلیں جائیں گے۔

    علاوہ ازیں فیفا نے بین الاقوامی میچز میں روسی پرچم اور ترانے کے استعمال پر پابندی عائد کی تھی اور کہا تھا کہ روس میں کوئی بھی بین الاقوامی فٹ بال میچ نہیں کھیلا جائے گا۔

    جبکہ انٹرنیشنل جوڈو فیڈریشن (آئی جے ایف) نے روس کے صدر ولادیمیر پیوٹن سے اعزازی صدارت کا عہدہ بھی چھین لیا ہے انٹرنیشنل جوڈو فیڈریشن کی جانب سے جاری بیان کے مطابق یوکرین پر حملے کے بعد ولادیمیر پیوٹن کو فیڈریشن کی اعزازی صدارت اور سفیر کے عہدے سے ہٹا دیا ہے۔

    خیال رہے کہ روسی صدر بلیک بیلٹ جوڈو ماسٹر ہیں اور 2019 میں بھی ٹیم کے ساتھ ٹریننگ سیشن میں حصہ لیا تھا۔

  • چین کے قومی ترانے پر شور، فیفا کا ہانگ کانگ فٹ بال ٹیم پر جرمانہ

    چین کے قومی ترانے پر شور، فیفا کا ہانگ کانگ فٹ بال ٹیم پر جرمانہ

    ہانگ کانگ : چین کے قومی ترانے پر شور کیوں‌، ہانگ کانگ فٹ بال فیڈریشن پر سخت جرمانہ کردیا گیا ، اطلاعات کے مطابق فٹ بال کی عالمی گورننگ باڈی (فیفا) نے ایران کے خلاف ورلڈ کپ کوالیفائر میچ کے دوران چین کے قومی ترانہ بجنے پر ناراضی کا اظہار کرنے پر ہانگ کانگ کی فٹ بال فیڈریش پر 15 ہزار سوئس فرینک جرمانہ کردیا۔

    اب سعودی خواتین سرحدوں کی حفاظت کریں گی ، محمد بن سلمان کا انوکھا فیصلہ

    فیفا کی ڈسپلنری کمیشن نے ہانگ کانگ کے شائقین کی جانب سے چین کے قومی ترانے کے دوران شور شرابا کرنے اور اظہار ناراضی کو نامناسب قرار دیتے ہوئے 15 ہزار سوئس فرینک (13 ہزار 700 یورو) جرمانہ عائد کردیا۔فیفا نے خبردار کیا ہے کہ اگر آئندہ ایسا ہواتو پابندی بھی لگ سکتی ہے

    آزادی نہیں فسادی مارچ ،توڑ پھوڑ کے منصوبے ، ریاست کے خلاف شرارت ہے ، شوکت یوسفزئی

    خیال رہے کہ ایران کے خلاف میچ میں ہانگ کانگ نے اپنی ٹیم میدان میں اتاری تھی لیکن چین سے منسلک ہونے کے باعث میچ سے قبل چین کا ہی قومی ترانہ بجایا گیا تھا۔ہانگ کانگ میں چین کے خلاف جاری احتجاج کے دوران 10 ستمبر کو ایران کے خلاف ورلڈ کپ کوالیفائر میچ کھیلا گیا تھا جہاں میدان میں موجود شائقین نے شور شرابہ کیا تھا۔

    اقوام متحدہ بھی کنگال، پیسےمک گئے ،سیکرٹری جنرل نے پردہ چاک کردیا

  • پاکستان میں فٹبال معاملات پر نارملائزیشن کمیٹی کا اعلان ، یہ کمیٹی فیفا نے بنائی

    پاکستان میں فٹبال معاملات پر نارملائزیشن کمیٹی کا اعلان ، یہ کمیٹی فیفا نے بنائی

    کراچی : پاکستان میں فٹبال کے معاملات چلانے اور فٹبال فیڈریشن میں نئے انتخابات کرانے کے لیے پانچ رکنی نارملائزیشن کمیٹی کا اعلان کردیا گیا ہے، کمیٹی کے چیئرمین حمزہ خان ہوں گے جو کہ فٹبالر رہ چکے ہیں۔

    فیفا کی طرف سے مزید شامل کیے جانے والوں میں‌ پی ایف ایف کے سابق سیکریٹری کرنل مجاہد ترین، جھنگ ڈسٹرکٹ فٹبال ایسوسی ایشن سے تعلق رکھنے والے منیر احمد سندھانہ، سکندر خٹک اور سید حسن نجیب شاہ بھی کمیٹی میں شامل ہیں۔

    پاکستان فٹبال فیڈریشن کو ہدایت دے دی گئی ہے کہ وہ 20 ستمبر سے قبل پاکستان فٹبال فیڈریشن کے دفاتر اور تمام بینک اکاؤنٹس نارملائزیشن کمیٹی کے حوالے کردے۔