Tag: قصوریات

قصور

ڈسٹرکٹ پریس کلب قصور کے عہدیداران،ایگزیکٹو،کونسل ممبران کی طرف سے قوم کو یوم دفاع پاکستان کی مبارک،قوم ماضی کی طرح مسلح افواج و اپنے اداروں کیساتھ ہے،ڈی پی سی کا مشترکہ اعلامیہ

تفصیلات کے مطابق ڈسٹرکٹ پریس کلب قصور کے عہدیداران،ایگزیکٹو ممبران و کونسل ممبر نے اپنے مشترکہ اعلامیہ میں قوم کو یوم دفاع پاکستان کی مبارک باد پیش کی ہے اور کہا ہے کہ پوری قوم ماضی کی طرح اب بھی متحد ہے اور اپنی افواج پاکستان و دیگر ریاستی اداروں کے ساتھ ہے
اعلامیہ میں بانی پریس کلب سردار شریف سوہڈل،ڈسٹرکٹ پریذیڈنٹ ظفر اقبال چوہدری،نائب صدر قصور رانا عدنان بوبی سیکریٹری جنرل سید تنویر حسین شاہ،سیکریٹری فنانس سید عابد بخاری کونسل ممبران غنی محمود قصوری،سردار سعید سوہڈل،عمران نجفی،ڈاکٹر آصف حنیف،کامران اشرف و دیگر نے قوم کو مبادکباد پیش کرنے کے ساتھ امید کی کہ قوم اب بھی متحد ہی رہے گی اور دشمن کے پروپیکینڈے کو ناکام بناتی رہے گی جس کیلئے صحافی برادری کو خاص کردار ادا کرنا پڑے گا
خدانخواستہ اگر اب کبھی دشمن نے ارض پاک کی جانب میلی نگاہ سے دیکھنے کی جرات کی تو ماضی کی طرف مسلح افواج کے ساتھ مل کر دشمن کا مقابلہ کیا جائے گا اور دشمن کو اس کی اوقات یاد دلائی جائے نیز شہدا 1965 کے لئے خاص دعا کی گئی

قصور
ڈی پی اور کے حکم پر جرائم پیشہ عناصر کے خلاف کاروائیاں تیز،تھانہ کھڈیاں نے 11 چوری شدہ موٹر سائیکل برآمد اور گینگ کے تین ملزمان گرفتار کر لئے

تفصیلات کے مطابق ڈی پی او قصور عمران کشور کی خصوصی ہدایات پر عمل کرتے ہوئے قصور پولیس نے جرائم پیشہ عناصر کے خلاف کاروائیاں تیز کر دی ہیں
تھانہ کھڈیاں کے ایس ایچ او عمران آصف اور ان کی ٹیم نے کاروائی کرتے ہوئے کھڈیاں و گردونواح سے چوری ہوئی 11 موٹر سائیکل برآمد کر لیں اور گینگ کو بھی گرفتار کر لیا
ملزمان سے تفتیش کی جا رہی ہے جس میں مذید وارداتوں کا انکشاف متوقع ہے
ڈی پی او قصور عمران کشور نے تھانہ الہ آباد کو کامیاب کاروائی پر شاباش دی اور جرائم پیشہ عناصر کے خلاف کاروائیاں مذید تیز کرنے کا کہا

قصور
کشمیری و پاکستانی قوم کے دلوں کی دھڑکن ،تحریک أزادی کشمیر کے روح رواں مرد مجاھد سید علی شاہ گیلانی کی وفات پر اہلیان قصور کا اظہار غم،بھارت سے ان کی خواہش کے مطابق قبرستان شہداء میں تدفین کا مطالبہ

تفصیلات کے مطابق تحریک آزادی کشمیر کے روح رواں،کشمری و پاکستانی عوام کے دلوں کی دھڑکن عظیم مرد مجاھد سید علی شاہ گیلانی کی وفات پر اہلیان قصور نے گہرے غم کا اظہار کیا ہے اور ان کی مغفرت اور درجات کی بلندی کے لئے دعا کی ہے
اہلیان قصور ، سول سوسائٹی،وکلا برادری،سیاسی و صحافی برادری نے بھارت سے مطالبہ کیا ہے کہ مرحوم کو ان کی وصیت کے مطابق سرینگر کے قبرستان شہداء میں دفن کیا جائے اور ان کی نماز جنازہ میں شرکت کرنے والے کشمیریوں کو روکنے سے گریز کیا جائے

قصور
جاز کمپنی سیلولر کسٹمرز کیساتھ واپڈہ،جگہ مالکان و ٹاور سیکیورٹی گارڈز کو چونا لگانے لگی،راؤ خانوالا میں جاز ٹاور کا بل بجلی مبلغ 92 لاکھ مئی 2021 سے پے نہیں کیا،واپڈہ ،جگہ کا کرایہ اور سیکیورٹی گارڈز کی تنخواہیں ہڑپ کرنے کے لئے پہلے ٹاور کو چھوڑ کر نیا ٹاور لگانے کا عندیہ دے دیا،متاثرہ افراد کا وزیراعظم پاکستان و وزیر اعلی پنجاب سے نوٹس کا مطالبہ

تفصیلات کے مطابق پاکستان غیر ملکی سیلولر کمپنی جاز نے پاکستانی محکمہ واپڈہ،ٹاور لگے زمین مالکان اور سیکیورٹی گارڈز کو شدید پریشان کر رکھا ہے
قصور کے نواحی قصبہ راؤ خان والا میں لگے جاز ٹاور کا بل بجلی مبلغ 9190552 روپیہ ادا نہیں کیا جو کہ ماہ مئی سے ادا نہیں کیا جا رہا ہے مذید چار سال سے کمپنی کے ٹاور لگے زمین مالکان کو زمین کا کرایہ نہیں دیا گیا جو کہ تقریباً 30 لاکھ روپیہ بنتا ہے جبکہ اسی عرصہ سے ٹاور کے دونوں سیکیورٹی گارڈز بھی تنخواہوں سے محروم ہیں جس کا تقاضہ کئی بار کیا جا چکا ہے
گزشتہ سال زمین مالکان نے عدالت سے ستے آرڈر بھی لیا تھا جس پر کمپنی نے ٹاور بند کر دیا تھا تاہم بجلی کا بل ادا کر کے دوبارہ ٹاور چلا لیا مگر زمین مالکان و گارڈز کو تسلیوں کے علاوہ کچھ نا ملا
اب جبکہ 92 لاکھ محکمہ واپڈا 40 لاکھ کے قریب زمین مالکان و سیکیورٹی گارڈز کے بقایا جات رہتے ہیں تو کمال عیاری کا مظاہرہ کرتے ہوئے غیر ملکی کمپنی جاز نے نیا ٹاور لگانے کا فیصلہ کیا ہے جس کے باعث قومی رقم بجلی والی محکمہ واپڈا کی اور پاکستانی شہریوں ،زمین مالکان و سیکیورٹی گارڈز کی رقم ڈوب جائے گی
متاثرہ افراد نے وزیراعظم پاکستان و وزیر اعلی پنجاب سے نوٹس لے کر جاز کمپنی کے خلاف کاروائی کرنے کا مطالبہ کیا ہے

قصور
پورا شہر ڈاکوؤں کے رحم و کرم پر ،دن دیہاڑے قصور بائی پر واردات،ڈاکو نوجوان کو گولی مار کر موٹر سائیکل،نقدی و قیمتی موبائل فون لے اڑے

تفصیلات کے مطابق کئی ماہ سے شہر قصور میں ڈاکو راج قائم ہے
جگہ جگہ وارداتیں ہو رہی ہیں جس سے شہریوں کا جینا حرام ہو گیا ہے
کل دوپہر ایک بجے ڈاکو قصور بائی پاس نزد بھٹی ہسپتال پر شہری نوید سے سی جی ون ٹو فائیو موٹر سائیکل ،قمیتی موبائل فون و نقدی 5 ہزار روپیہ چھین کر لے گئے اور مزاحمت کرنے پر نوید کو کاربین کا فائر مارا جو کہ اس کی دائیں ٹانگ میں لگا جس سے نوید شدید زخمی ہو گیا جس کا علاج ہسپتال میں جاری ہے

بڑھتی ہوئی وارداتوں کے پر اہلیان قصور سخت پریشان ہیں اور قصور پولیس سے امن و امان کی بحالی کی بھیک مانگ رہے ہیں تاکہ سکون کی زندگی گزار سکیں

قصور
اس دور میں بھی قصور کے تمام دیہات میں جوہڑ موجود،سرکار بلند و بالا دعوے کرنے میں مصروف،سڑکیں تو کجا گورنمنٹ دیہات کے قریب سے گزرنے والے گندے نالوں میں سیوریج کا پانی نا لیجا سکی

تفصیلات کے مطابق قصور ضلع بھر کے تمام دیہات میں اس موجودہ دور میں بھی جوہڑ موجود ہیں جہاں سارے گاؤں کا پانی سارا سال جمع رہتا ہے اور مکھیاں مچھر اس گندے پانی پر افزائش پاتے ہیں جبکہ دوسری طرف سرکار سالانہ اربوں روپیہ خرچ کرکے ڈینگی مچھر کے سدباب کا سوچتی ہے مگر حیرت کی بات ڈینگی افزائش کے سب سے بڑے سبب جوہڑوں کو ختم نہیں کیا جا رہا
ہر گاؤں دیہات بستی کے قریب سے گندے نالے گزرتے ہیں مگر سرکار کو اتنی توفیق نہیں کہ دیہاتوں کے سیوریج کا پانی ان نالوں میں ڈال دیا جائے
سرکار دعوے کرنے تک محدود ہے جبکہ اس دور میں بھی جوہڑوں کی بدولت لوگ مختلف بیماریوں کا شکار ہو رہے ہیں
لوگوں نے سرکار سے رحم کی اپیل کی ہے تاکہ ان کو جوہڑوں کے ختم ہونے اور سیوریج کا پانی نالوں میں جانے سے جدید دور کا احساس ہو اور وہ بھی بدبو سے پاک فضا میں سانس لے سکیں

قصور
اچھی کار کردگی دکھاؤ گے تو محکمہ میں رہو گے معاشرے میں امن دشمن عناصر کے خلاف مزیدگھیرا تنگ کردیا جائے ۔ ڈی پی او قصور عمران کشور

تفصیلات کے مطابق گذشتہ روز ضلع بھر کے ایس ایچ اوز کو طلب کرکے ڈسٹرکٹ پولیس آفیسر نے ضلع بھر کی صورت حال پر بریفنگ لی
اس موقع پر ڈی پی او قصور عمران کشور کا کہنا تھا کہ امن دشمن عناصر کے خلاف مزید کارروائیوں عمل بڑھایا جائے اچھی کار کردگی نا دکھانے والے کسی بھی رعائیت کے مستحق نہیں ہونگے عوام کی جان و مال کی حفاظت کرنا ہماری اولین ترجیحات میں شامل ہوگا ہر تھانہ کے اندر ایک ذمہ دار پولیس ملازم ہے جسکا فرض ہوتا ہے علاقہ میں کڑی نظر رکھے تاکہ امن دشمنوں کا قلع قمع کیا جائے مزید ڈی پی او قصور نے سختی سے احکامات جاری کیئے کہ کوتاہی اور غفلت برتنے والے ہمارے درمیان نہیں ہونگے

قصور
بے روز گار نوجوان نے زندگی کا خاتمہ کر لیا

تفصیلات کے مطابق تھانہ سٹی اے ڈویژن کے علاقہ غوثیہ کالونی قصور نزد سردار میرج ہال کے رہائشی 35 سالہ نوجوان شکیل احمد ولد بشیر احمد نے گلے میں پھندا ڈال کر اپنی زندگی کا خاتمہ کر لیا
واقعہ کی اطلاع پاکر پولیس نے موقع پر پہنچ کر ریسکیو 1122 کی موجودگی میں لاش کو پھندا سے اتار کر ہسپتال پہنچایا
ابتدائی طور پر پتہ چلا ہے کہ شکیل احمد کافی عرصہ سے بے روزگار تھا اور اسی پریشانی کے باعث زندگی کا خاتمہ کر لیا
پولیس نے جائے وقوعہ سے شواہد اکھٹے کر لئے ہیں اور مذید تفتیش کا آغاز شروع کر دیا ہے

قصور
بابا بلہے شاہ کے عرس کی تقریبات 3 روزہ کی بجائے ایک روزہ ہونگیں،کل ایک روزہ عرس تقریب ہو گی،ضلع بھر میں سرکاری چھٹی ہوگی،ڈپٹی کمشنر قصور آسیہ گل

تفصیلات کے مطابق قصور میں بابا بلہے شاہ کی عرس تقریبات کو کرونا وباء اور سیکیورٹی وجوہات کی بنا پر محدود کر دیا گیا ہے
ہر سال تین روزہ تقریبات منعقد کی جاتی تھیں تاہم اس بار کل 26 اگست کو ایک روز تقریب ہی ہو گی جس میں کرونا ویکسین لگوائے گئے افراد کو ہی شرکت کرنے دی جائے گی اور کرونا ایس او پیز پر عملدرآمد کرنا لازم ہوگا
عرس تقریبات انتہائی سادگی سے ادا کی جائیگی گیں اور باقی دو دن دربار کو بند رکھا جائے گا
دپٹی کمشنر قصور آسیہ گل نے دربار بابا بلہے شاہ پر سیکیورٹی انتظامات کا جائزہ لیا
کل عرس کی بدولت پورے ضلع میں سرکاری چھٹی ہو گی

قصور
پتوکی میں کسان پریشان ،پریشانی کے ازالے کیلئے استدعا
تفصیلات کے مطابق قصور پتوکی ہے علاقے تھانہ سرائے مغل کی حدود میں شیخم کے بااثر زمینداروں کا سرکاری پانی پر قبضہ
جس پر مقامی کسانوں کا محکمہ زراعت کے افسران اور اورسیز سے باربار رابطے کے باوجود بھی افسران کاروائی کرنے سے گریزاں
باوثوق ذارئع کے مطابق شیخم کے بااثر زمینداروں نے ویرڈ مینڈر کا پانی نہر میں کوڑا کرکٹ اور ریت کے توڑے پھینک کر پانی بند کرکے اپنی زمینوں کو سیراب کرنے لگے
اورسیز میاں عامر کی ملی بھگت سے درجنوں دیہاتوں کا پانی عرصہ تقریباً دو سال سے بند کیا ہوا ہے
موضعات گوپےرا ،اعوان چک 39،چک38،ںیاز بیگ،ہنجرائےکلاں،جھورو،کے سینکڑوں کسان پریشان اور سراپا احتجاج ہیں اور
کسانوں نے احتجاج کرتے ہوئے صوبائی وزیر آبپاشی محسن لغاری، وزیر اعلیٰ پنجاب،وزیراعظم عمران خاں سے اپیل کی کہ ہمارے حق کا پانی ہمیں دیا جائے تاکہ ہماری زمینیں بھی سیراب ہوسکیں