قصور
کھڈیاں خاص قصور نول فیڈر کی بجلی گزشتہ کئی گھنٹوں سے بند ،مریضوں کی زندگیاں داؤ پر
تفصیلات کے مطابق کھڈیاں خاص قصور و گردونواح میں بجلی کی غیر اعلانیہ بندش سے درجنوں دیہات کے ھزاروں لوگ پانی سے محروم ہو چکے ہیں
جبکہ نول فیڈر بند ہونے سے رورل ہیلتھ سنٹر کھڈیاں خاص میں داخل مریضوں کی زندگیاں بھی داؤ پر لگ گئیں ہیں
لوگ پانی کی بوند بوند کو ترس گئے ہیں
شہریوں نے واپڈا حکام سے فوری بجلی کی بحالی کا مطالبہ کیا ہے
قصور
سائلین کے مسائل بروقت حل کرنے کیلئے ڈی پی او قصور عمران کشورکا کھلی کچہری کا انعقاد خوش آئند اقدام ہے۔عوام کے جان و مال کے تحفظ کیلئے ڈی پی او قصور کی رات گئے گشت اور متعدد ناکوں و تھانوں کی چیکنگ سے جرائم کی شرح میں کمی واقع ہو رہی ہے ان خیالات کا اظہار تاجر رہنماؤں حاجی محمد سعید حاجی علی شیر کمبوہ حاجی محمد امین اشفاق چوہدری خالد چوہدری چوہدری بابر چیمہ و دیگر نے میڈیا سے گفتگو کرتے ہوئے کیا انکا مزید کہنا تھا کہ عمران کشور انصاف پسند اور فرض شناس آفیسر ہیں انکی تعیناتی سے جہاں ضلع میں چوری وڈکیتی کی وارداتوں میں کمی آئی ہے وہاں عوام کے جان و مال کے تحفظ کو بھی تقویت ملی ہے علاقہ سے جرائم کے خاتمے کیلئے تاجر برادری ان سے چار قدم آگے نظرآئے گی اور ہر طرح کے تعاون کیلئے ہمہ وقت تیار ہے
قصور
محکمہ ماحولیات و ضلعی گورنمنٹ کی اناہلی سے بھٹہ مالکان وارننگ کے باوجود زگ زیگ سسٹم نا لکا سکے،اینٹوں کی قیمت ریکارڈ سطح پر پہنچ گئی،اہلکاران حصے وصول کرکے خاموش
تفصیلات کے مطابق پنجاب گورنمنٹ کی طرف سے تمام بھٹہ خشت میں زگ زیگ سسٹم لگانے کی ہدایت کی گئی تھی جس کے تحت بھٹہ کی چمنی سے نکلنے والا دھواں زگ زیگ سسٹم سے ہو کر گزرتا ہے اور پانی و دیگر پراسیس سے دھواں انتہائی کم خطرناک تہ جاتا ہے
مگر ضلعی انتظامیہ قصور و محکمہ ماحولیات قصور کی نااہلی سے محض 2 فیصد سے بھی کم بھٹہ مالکان نے زگ زیگ سسٹم لگایا ہے اور پرانی طریقے سے ہی بھٹہ خشت کا دھواں چمنی سے نکالا جا رہا ہے جس سے فضائی آلودگی کے سبب لوگوں میں کئی طرح کی امراض جنم لے رہی ہیں جبکہ بھٹہ مالکان نے 7800 روپیہ سرکاری ریٹ والی درجہ اول اینٹ 12000 روپیہ میں فروخت کرنا شروع کر دی ہے
ساری صورتحال کا محکمہ ماحولیات و ڈسٹرکٹ گورنمنٹ کو علم ہے مگر اپنا حصہ لینے پر کبوتر کی طرح آنکھیں بند کئے ہوئے ہیں
لوگوں نے وزیراعلی پنجاب سے نوٹس لے کر سخت کاروائی کا مطالبہ کیا ہے
قصور
نواحی گاؤں میں کالونی مالک نے شاملاٹ جگہ پٹواری سے ساز باز کرکے خریدی اور اب کالونی سے گزرنے والا اہل دیہہ کا نالا بند کر دیا جس سے گاؤں کے کئی محلے جوہڑ میں تبدیل ہو گئے
تفصیلات کے مطابق قصور کے نواحی گاؤں میں کالونی مالک نے ظلم کی انتہاہ کرتے ہوئے سرکاری نالہ بند کر دیا جس سے گاؤں جوہڑ میں تبدیل ہو گیا سفاری گارڈن اوراڑہ نو کے مالک شیخ امجد منظور سکنہ لاہور نے 2015 میں پٹواری سے ساز باز ہو کر 35 کنال اور 11 مرلے جگہ خریدی جبکہ باقی 5 ایکڑ جگہ شاملاٹ پر قبضہ کر لیا اور کالونی بنا لی جس کی چار دیواری وغیرہ بھی کر لی ہے او کالونی سے ایک سرکاری نالہ دیہہ کی نکاسی آب کیلئے گزرتا تھا جو کو کالونی مالک نے 1 اپریل کو بند کر دیا جس کے باعث گاؤں کا پانی گاؤں میں جمع ہونا شروع ہو گیا اور محلہ مرزا اعظم بیگ،محلہ یونین کونسل دفتر،محلہ صابر ڈوگر و محلہ حاجی بشیر ڈوگر زیر آب آ گئے ہیں اور لوگوں کا گھروں سے نکلنا ناممکن ہو گیا ہے اس بابت اہل دیہہ نے ڈی سی قصور و ٹی ایم او کو درخواست دی جن کے حکم پر عمل کرتے ہوئے انکروچمنٹ انسپیکٹر فقیر حسین نے موقع دیکھا اور تین روز کے اندر اندر اہل دیہہ کیساتھ انصاف کرنے کی یقین دہانی کروائی
اہل دیہہ نے ڈی سی قصور سے نوٹس لے کر سخت کاروائی کا مطالبہ کیا ہے 
قصور
ڈاکٹر رابعہ ریاست کوایڈیشنل ڈپٹی کمشنر قصور تعینات کردیا گیا
تفصیلات کے مطابق ڈاکٹر رابعہ ریاست کو ایڈیشنل ڈپٹی کمشنر قصور تعینات کر دیا گیا ہے ان کا تعلق 41 کامن سے ہے جنہوں نے کریسنٹ ماڈل سکول لاہور سے میٹرک لاہور بورڈ سے تیسری پوزیشن حاصل کی، اس کے بعد کینئیرڈ کالج لاہور سے ایف ایس سی مکمل کی اور علامہ اقبال میڈیکل کالج لاہور سے ایم بی بی ایس کیا،
2013 میں بطور اسسٹنٹ کمشنر بھرتی ہوئیں، سی ایس ایس کے امتحان میں تیریویں پوزیشن حاصل کی اورلڑکیوں میں چوتھی امتیازی پوزیشن حاصل کی، اے یو سی ٹی لاہور تعینات رہئیں، بعد ازاں بطور اسسٹنٹ کمشنر شیخوپورہ سٹی، اسسٹنٹ کمشنر کامونکی اور اس سے قبل بطور ایڈیشنل ڈپٹی کمشنر فنانس اینڈ پلاننگ قصور تعینات رہیں اور پھر ایڈیشنل ڈپٹی کمشنر جنرل گوجرانوالہ میں اپنے فرائض سرانجام دینے کے بعد اب دوبارہ بطور ایڈیشنل ڈپٹی کمشنر ریونیو قصور جیسے عہدے پر قصور تعینات ہوئیں ہیں
قصور
تھانہ کھڈیاں پولیس کی طرف سے خاتون کو تشدد بنانے کا معاملہ، ڈی پی او قصور کا فوری ایکشن، سب انسپکٹر محمد جمیل معطل اور مقدمہ بھی درج
سوشل میڈیا پر ایک ویڈیو وائرل ہوئی جس میں تھانہ کھڈیاں پولیس کے سب انسپکٹر جمیل نے خاتون کو تشدد کا نشانہ بنایا، ڈی پی او قصور عمران کشور نے فوری نوٹس لیتے ہوئے سب انسپکٹر جمیل کو معطل کر کے انکوائری کرنے کے احکامات جاری کیے،
انکوائری کے مطابق پولیس کو 15 پر اطلاع موصول ہوئی کہ بستی غوث صابری میں پر مدرسہ جامعہ عائشہ صدیقہ پر غیر قانونی قبضہ کیا جا رہا ہے ، 15 کی کال بالکل درست تھی جو پولیس نے قبضہ واگزار کروایا۔
خاتون خدیجہ بی بی مالک مدرسہ کی سابقہ بیوی ہے۔ 3 اپریل کی رات خدیجہ بی بی ہمراہ 10/12 کس خواتین مدرسہ کا تالہ توڑ کر اندر داخل ہوئیں اور مالک مدرسہ حافظ اکرم کی غیر موجودگی میں غیر قانونی قبضہ کرنے کی کوشش کی تھی
پولیس ریسپونڈ ٹیم کیساتھ دو لیڈی کانسٹیبل تھیں لیکن انہوں نے ریڈ کے دوران ایس او پی کو فالو نہیں کیا 
ویڈیو میں دکھائی دینے والا سب انسپکٹر جمیل نے خدیجہ بی بی کو تشدد کا نشانہ بنایا جس کا یہ فعل غلط اور غیر قانونی پایا گیا ہے جس کو ناصرف معطل کر دیا گیا بلکہ زیر دفعہ 354/155C ت پ کے تحت مقدمہ بھی درج کر لیا گیا۔
قصور
ضلعی انتظامیہ کرونا ایس او پیز پر عمل درآمد کو یقینی بنانے کیلئے متحرک ہو گئی،متحدد سیل و جرمانے
تفصیلات کے مطابق قصور ضلع بھر میں کرونا ایس او پیز پر عملدرآمد نہ کرنے والوں کیخلاف کاروائیاں جاری ہیں جس کے لئے اسسٹنٹ کمشنر اورنگزیب سدھو نے کرونا ایس او پیز کی خلاف ورزی پر تحصیل قصور میں 4 دوکانوں و 2 شادی ہالز کو مصطفی آباد للیانی میں ایس او پیز کی خلاف ورزی کرنے پر سیل کر دیا اور کہا کہ یہ کاروائیاں پہلے سے تیز کر دی گئی ہیں کیونکہ وباء کا پھیلاؤ تیز ہو رہا ہے
ڈپٹی کمشنر قصور آسیہ گل کا کہنا ہے کہ عوام اور تاجر برادری کرونا ایس او پیز پر عمل درآمد کو یقینی بنائے اور ماسک کا استعمال لازمی کریں ،غیر ضروری گھروں سے باہر نہ نکلیں تاکہ وباء سے بچا جا سکے
قصور
پتوکی میں ٹھیکیدار کی نااہلی کے سبب گلی نمبر 8 ملک پورہ میں واٹر سپلائی کی مین پائپ لائن توڑ دی
تفصیلات کے مطابق گلی نمبر 8 قبرستان والی ملک پورہ پتوکی جہاں تعمیراتی کام جاری ہے میں دوران تعمیرات سیوریج کھال کنکشن ٹھیکیدار کی نااہلی کے سبب واٹر سپلائی کی مین پائپ لائن کرین سے کھدائی کرتے ہوئے ٹوٹ گئی جس سے شہر بھر کی سپلائی بند ہو گئی ہے لوگوں نے کہا ہے کہ حکام فوری نوٹس لیں
اطلاعات کے مطابق کچھ روز قبل واٹر سپلائی حکام ٹھیکیدار کو گلی میں مین سپلائی پائپ موجودگی اور نشاندہی بتا کے گئے ہیں
قصور
دیپال قصور روڈ پر واقع مشہور قصبے الہ آباد ٹھینک موڑ کی حالت نا سنور سکی،سیوریج سسٹم خراب ہونے سے مین شاہراہ پر ہر وقت پانی کھڑا رہنا معمول شہریوں کے ساتھ ٹرانسپورٹرز بھی پریشان
تفصیلات کے مطابق دیپال پور قصور روڈ پر واقع تحصیل چونیاں کے قصبے الہ آباد ٹھینک موڑ کی حالت نا سنور سکی سارے قصبے کا سیوریج سسٹم ناکارہ ہے جس سے شہریوں کے گھروں و شاہراہوں پر پانی کھڑا رہتا ہے قصور دیپالپور روڈ پر خاص طور پر پانی ہر وقت کھڑا رہتا ہے جس کے باعث مقامی شہریوں کے ساتھ ٹرانسپورٹرز بھی سچت پریشان ہیں کیونکہ پانی کھڑا رہنے سے گاڑیوں کے گزرنے میں مشکلات کا سامنا کرنا پڑتا ہے اور آئے روز گاڑیاں خراب ہو جاتی ہے
شہریوں نے نئے تعینات ہونے والے اسسٹنٹ کمشنر سے نکاسی آب الہ آباد کی بہتری کیلئے استدعا کی ہے
قصور
رجسٹری برانچ میں کرپٹ مافیا کا راج کچھ دنوں پہلے ڈپٹی کمشنر قصور نے رجسٹری محرر شیخ بلال احمد دفتر میں لیٹ آنے کی وجہ سے معطل کر دیا گیا جس کے بعد رجسٹری محرر لیاقت بانڈے کو لگا دیا جس نے آتے ہی کرپشن کا راج کرنا شروع کر دیا تمام رجسٹری پاس کرانے کی اپنے ریٹ مقرر کر رکھے ہیں کھلے عام دفتر میں رشوت جاری ہے ہر رجسٹری کے پانچ ہزار روپیہ اور کمرشل کے الگ الگ ریٹ مقرر کر رکھے ہیں ڈپٹی کمشنر قصور کو چاہیے کہ کرپٹ مافیا کے خلاف فی الفور ایکشن لیں تاکہ رجسٹری کی برانچ میں کرپشن ختم ہو سکے ایماندار دیانتدار رجسٹر لگایا جائے عوامی سماجی و دینی حلقوں وہ شہریوں نے میڈیا کے نمائندوں کو بتایا رجسٹری برانچ میں روزانہ کی بنیاد پر لاکھوں روپے کی کرپشن ہوتی ہے جو رجسٹری پاس کرانے کی رقم نہ دے اس کی رجسٹر پاس نہیں کی جاتی یا تو کوئی نہ کوئی اعتراض لگا دیا جاتا ہے جس کی وجہ سے مواد کو مجبورا پیسے دے کر اپنی رجسٹریشن پاس کرنی ہوتی ہیں اور عوام کا یہ بھی کہنا تھا لیاقت بانڈے پہلے بھی رجسٹری محرر رہ چکے ہیں اور کرپشن کی بنا پر کئی مقدمات اینٹی کرپشن میں درج ہیں اور کی دراز سے زیر سماعت چل رہی ہیں کرپٹ مافیا نے آتے ہیں کھلم کھلا رشوت شروع کر دی ہے ضلعی انتظامیہ کے چند قدم آگے رشوت کا بازار گرم ہے مگر کوئی پوچھنے والا نہیں عوام نے مطالبہ کیا ہے وزیر اعلی پنجاب ایکشن ٹیم بنا کر کرپٹ مافیا کے خلاف کارروائی کریں تو پھر ہیں نظام چل سکتا ہے