Tag: قصوریات

قصور
پتوکی میں حبیب آباد جی ٹی روڈ پر حادثہ،نوجوان زخنی
تفصیلات کے مطابق قصور کی تحصیل پتوکی کے قصبے حبیب آباد میں جی ٹی روڈ نزد لنک نہر پر کوئلے سے بھرے ٹرک نے رائیونڈ سے حبیب آباد جاتے ہوئے رکشہ ڈرائیور شکیل نامی کو ٹکر مار دی جس سے مذکورہ شخص زخمی ہوگیا اور اس غریب کے رکشہ کا کافی نقصان ہوگیا تاہم ٹرک ڈرائیور ٹرک چھوڑ کر فرار ہو گیا زخمی کو ریسکیو ٹیم نے ہسپتال منتقل کیا جہاں اس کا علاج جاری ہے
چونیاں پولیس نے موقع پر پہنچ کر کاروائی کا آغاز کر دیا

قصور
عرس صدر دیوان پر سرعام بجلی چوری،دکانداروں کو سمجھانے پر بھی کوئی بات نا بنی،انتظامیہ خاموش تماشائی

تفصیلات کے مطابق قصور شہر میں مین فیروز پور روڈ پر دو روز قبل شروع ہونے والا عرس حضرت بابا شاہ صدر دیوان پررونق طور پر جاری ہے جس میں تمام دکاندار سرعام بجلی چوری کر رہے ہیں جنہیں پوچھنے والا کوئی نہیں دکانداروں کو لوگوں نے سمجھایا بھی ہے کہ آپ بجلی چوری کی بجائے جنریٹر،بیٹری کا استعمال کریں تاہم دکانداروں نے کوئی بات نا مانی جبکہ ہر دکاندار نے انرجی سیور،ایل ای ڈی بلب کی بجائے پرانے 100 سے 200 واٹ کے بلب لگا رکھے ہیں
حالانکہ دربار کا ذاتی میٹر بھی موجود ہے مگر پھر بھی ارد گرد کی لائٹنگ اور دکانداروں نے اپنی ضرورت سرکاری کھاتے سے پوری کرنا شروع کی ہے جس سے واپڈا کو تو فرق نہیں کیونکہ وہ چوری شدہ یونٹ اسی علاقے میں یونٹ قیمت میں اضافے سے پوری کر لیتے ہیں
دکانداروں کی بجلی چوری سے اہل علاقہ کو زائد بل پڑنے کا خدشہ ہے لہذہ انتظامیہ نوٹس لیتے ہوئے کاروائی کرے

قصور
پتوکی کے شہریوں کیلئے میٹھا پانی خواب بن گیا۔واٹر سپلائی کے قدیم پائپ زنگ آلود ہونے کی وجہ سے ٹوٹ پھوٹ کا شکار کئی جگہوں سے واٹر سپلائی کے پانی میں سیوریج کا گندا پانی مکس ، شہری مضر صحت پانی پینے پر مجبور کوئی پرسان حال نہیں اعلیٰ حکام نوٹس لیں

تفصیلات کے مطابق پتوکی شہر اور گردونواح کا سب سے اہم اور درینہ مسئلہ میٹھے پانی کا ہے لیکن منتخب نمائندوں نے تقریباً ساٹھ سال سے اہم مسئلہ کو نظر انداز کئے رکھا ہے اس اہم مسئلے پر ہر آنے والی حکومت نے پتوکی کے عوام سے وعدہ کیا لیکن اس مسئلہ کے حل پر کوئی توجہ نہیں دی۔پتوکی کی عوام سے گزشتہ پچاس سال سے پینے کا میٹھا پانی شہر کے گردونواح سے موٹر سائیکلوں، رکشوں اور ویگنوں پر روزانہ لاتے دکھائی دیتے ہیں۔ مضر صحت پانی رہنے سے شہری ہیپاٹائٹس اور دیگرموذی امراض میں مبتلا ہونے لگے شہریوں نے صحافیوں سے گفتگو کرتے ہوئے کیا کہ حکومت وقت کو سب سے پہلے پینے کے صاف پانی پر توجہ دینی چاہئے تاکہ عوام الناس موذی امراض سے بچ سکیں۔عوامی سماجی اور صحافتی حلقوں نے ڈی سی قصور ، پنجاب حکومت سے مطالبہ کیا ہے کہ پتوکی میں واٹر سپلائی کا منصوبہ جلد ازجلد تکمیل کیا جائے۔تاکہ شہریوں کو صاف اور شفاف پانی پینے کو میسر آسکے

قصور
کھڈیاں میں پولیس مقابلہ ڈاکو ساتھیوں کی گولی لگنے سے زخمی 3 فرار ملزمان ویرم روڈ پر ناکہ لگا کر لوٹ مار کر رہے تھے پولیس کو دیکھ کر فرار، تعاقب پر فائرنگ کر دی
تفصیلات کے مطابق پیٹرولنگ آفیسر آمین خاں کو لوگوں نے اطلاع دی کہ ڈاکو ویرم روڈ پر لوٹ رہے ہیں پیٹرولنگ آفیسر نے فوری طور پر تھانہ کھڈیاںبکو کال کی تو ایس ایچ او تھانہ کھڈیاں عامر سلیم پولیس نفری کے ہمراہ موقع پر پہنچ گئے ۔ڈاکو وں نے پولیس پارٹی پر فائرنگ شروع کر دی ۔پولیس نے بھی حفاظتی اقدامات کے تحت جوابی فائرنگ کر دی دوران فائرنگ ڈاکوؤں کی فائرنگ کی زد میں آ کر ایک ساتھی زخمی ہو گیا جبکہ 3 ڈاکو رات کی تاریکی کا فائدہ اٹھاتے ہوئے فرار ہونے میں کامیاب ہو گئے ۔پولیس نے چھینی گئی موٹرسائیکل، پسٹل، رائفل قبضہ میں لے لیا ۔ذخمی ہونے والے ڈاکو کی شناخت عمران عرف مانی سکنہ دیو کھارا سے ہوئی ہے ۔ڈی پی او قصور نے ایس ایچ او عامر سلیم اور پولیس نفری فرض کی ادائیگی کرنے پر شاباش دی

قصور
کل قاتل ڈور سے جانبحق ہونے والے پروفیسر آفتاب احمد کی نماز جنازہ رات 8 بجے کنگن پور ریلوے اسٹیشن گراؤنڈ میں ادا کر دی گئی

تفصیلات کے مطابق کل لاہور کینال روڈ اوور ہیڈ برج پر کالج جاتے ہوئے ڈور پھرنے سے موٹر سائیکل سوار قصور کنگن پور محلہ موتی کے رہائشی پی ایچ ڈی سکالر پروفیسر آفتاب احمد کی وفات ہو گئی تھی جن کی نماز جنازہ کل رات 8 بجے کنگن پور ریلوے اسٹیشن گراؤنڈ میں ادا کر دی گئی اس موقع پر ہر آنکھ اشک بار تھی
نماز جنازہ میں ہزاروں لوگوں نے شرکت کی اور گورنمنٹ سے پتنگ بازی کے خلاف کاروائی سخت کرنے کا مطالبہ کیا تاکہ انسانی جانیں قاتل دوڑ کی بھینٹ نا چرھ سکیں
مرحوم کنگن پور قصور کے رہائشی تھے اور گورنمنٹ دیال سنگھ کالج لاہور میں تعینات تھے اور موٹر سائیکل پر جا رہے تھے کہ کینال روڈ پر ان کے گلے پر ڈور پھر گئی جس سے ان کی جان چلی گئی

قصور
میونسپل کمیٹی انتظامیہ صفائی ستھرائی میں اپنی بہترین خدمات سر انجام دے رہی ہے پتوکی میونسپل کمیٹی کی انتظامیہ محدود وسائل اور اسٹاف کی کمی ہونے کے باوجود بھی شہر صبح سویرے روزانہ کی بنیاد پر صفائی کی خود نگرانی کرتا ہوں اور شہر میں موجود ففلتھ ڈپو میں سے روزانہ کی بنیاد پر کوڑا کرکٹ اٹھاتے ہیں تاکہ شہر میں صفائی ستھرائی کا ماحول بہترین ہو شہر کا حقیقی حسن بحال ہو چیف آفیسر کی قیادت میں شہر میں صفائی ستھرائی میں اپنی بہترین خدمات سر انجام دے رہے ہیں شہر کی خوبصورتی کیلئے دن رات کوشاں ہیں انہوں نے مزید کہا کہ ہماری ٹیم کم وسائل اسٹاف کی کمی کے باوجود بھی عوام کو صفائی ستھرائی کی بہترین خدمات سر انجام کی کوشش کر رہی ہے

قصور
سٹی ٹریفک پولیس ٹریفک کنٹرول کرنے میں ناکام، کھارا چونگی پر غلط سمت سے آنے والی گاڑی نے ٹکر مار کر موٹر سائیکل سوار کی ٹانگ توڑ دی

تفصیلات کے مطابق سٹی ٹریفک پولیس قصور نظام ٹریفک کنٹرول کرنے میں مکمل طور پر ناکام ہو چکی ہے اگر کوئی موٹر سائیکل سوار ذرا سی غلطی کرنے تو فوری چالان کیا جاتا ہے جبکہ بارعب گاڑیوں کو خلاف ورزی کرنے پر یکسر نظر انداز کیا جاتا ہے
کھارا چونگی قصور پر غلط سمت سے آنے والی ٹویوٹا کرولا گاڑی نمبر ایل ڈبلیو او 203 نے موٹر سائیکل سوار نوجوان کو شدید ٹکر ماری جس سے موٹر سائیکل سوار کی ٹانگ ٹوٹ گئی جسے ریسکیو ٹیم نے ہسپتال پہنچایا جہاں اس کا علاج جاری ہے حالانکہ نوجوان درست سمت پر جا رہا تھا
قصور میں بڑھتی ہوئے ٹریفک حادثات کی وجہ سٹی ٹریفک پولیس کی عدم دلچسپی ہے جس پر شہریوں نے ڈی پی او قصور سے نوٹس لینے کا مطالبہ کیا ہے

قصور
آلہ آباد کے واحد سرکاری ماڈل ہسپتال میں انتہائی زہریلے کوڑے کو ہسپتال انتظامیہ نے آگ لگا دی ۔اگ کے دھواں سے مزید موذی بیماریاں پھوٹنے کا خدشہ ۔کئ سالوں ہسپتال میں تعینات ایس ایم او ڈاکٹر رشید احمد بھٹی زہریلے کوڑے کو آگ لگانے سے لا علم ڈی سی قصور ہسپتال میں زہریلے کوڑے کو آگ لگانے نوٹس لیں اور ذمہ داران کے خلاف کارروائی کریں اہل علاقہ کا مطالبہ

تفصیلات کے مطابق میونسپل کمیٹی آلہ آباد کے واحد ماڈ لںسرکاری ہسپتال میں ہسپتال انتظامیہ نے غیر ذمہ داری کا مظاہرہ کرتے ہوئے ہسپتال میں استعمال ہونے والی ادویات سرنج وغیرہ ہسپتال میں ہی کٹھا کرکے اس کو آگ لگا دی جو کہ محکمہ ماحولیات ،محکنہ صحت کے مطابق جرم ہے اور اس سے ماحول آلودہ ہونے کے ساتھ ساتھ موذی بیماریاں بھی پھیل سکتی ہیں ہسپتال میں کئی سالوں سے تعینات ایس ایم او ڈاکٹر رشید احمد بھٹی نے زہریلے کوڑے کو آگ لگائے جانے سے لا علمی کا اظہار کیا ہے جس پر اہل علاقہ نے ڈی سی قصور اور سی او محکمہ ہیلتھ سے نوٹس لینے کا مطالبہ کیا ہے

قصور
پتوکی شہر بھر میں ناقص ملاوٹ شدہ دودھ اور دہی کی فروخت جاری دوکاندار انسانی جانوں سے کھیلنے لگے کو ئی پرسان حال نہیں انتظامیہ خواب خرگوش کے مزے لیکر سو رہی ھے عوام کو ظالموں کے سپرد مرنے کیلیے چھوڑ دیا تفصیلات کے مطابق پتو کی شہر بھر میں دکاندار انسانی جانوں سے کھیلنے لگے رات و رات امیر بننے کے چکر میں ملاوٹ شدہ کیمیکل پوڈر والا دودھ ڈرموں میں بھر کر شہر لایا جاتا ہے۔ محلوں اور گلیوں میں من پسند کی قیمت پر فروخت کیا جاتا ہے۔ باہر سے آنے والے ملاوٹ شدہ کیمیکل دودھ کو خالص بتا کر من پسند قیمت میں فروخت کیا جاتاہے۔ شہر بھر میں مضر صحت دودھ کی سپلائی جاری پنجاب فوڈ اتھارٹی پتوکی شہرملاوٹ شدہ دودھ کی سپلائی روکنے میں ناکام پتوکی شہر کو ملاوٹ شدہ دودھ سے کب پاک کیا جائے گا۔ اس کا جواب کسی بھی متعلقہ محکمے کے پاس نہیں شہروں نے پتوکی اسسٹنٹ کمشنر پتوکی اور ڈی سی قصور سے اس ناقص دودھ دہی فروخت کرنے والے ان ظالم لوگو ں کے خلاف کارروائی کا مطالبہ کیا۔ اور انتظامیہ سے خاص طور پر اے سی پتوکی اور ڈی سی قصور سے اپیل کی ھے کہ ہماری ان ظالم ملاوٹ مافیا سے جان خلاصی کرائی جائے اور ان کے خلاف قانونی کارروائی کی جائے