Tag: قصوریات

قصور
چونیاں کے شہر ہنگن پور میں ن لیگی راہنما کی آمد
چونیاں کے شہر کنگن پور میں چوہدری احسن اقبال مرکزی رہنماء مسلم لیگ ن اور عطاءاللہ تارڑ رہنماء پنجاب کی آمد ہوئی چوہدری احسن اقبال اور عطاء اللہ تارڑ کا ن لیگی کارکنان نے بھرپور استقبال کیا ن لیگی رہنماؤں کی آمد پر کارکنوں نے نواز شریف مریم نواز کے حق اور عمران خاں کے خلاف نعرے بازی کی ن لیگی کارکنوں نے رہنماؤں کی آمد پر ڈھول کی تھاپ پر بھنگڑے ڈالے
احسن اقبال اور عطاء اللہ تارڑ چوہدری احسن رضا خاں سابقہ ایم پی اے کی اسیری پر اظہار یکجہتی کے لئے کنگن پور پہنچے تھے
چوہدری احسن اقبال نے ن لیگی ورکروں سے خطاب کرتے ہوئے عمران خاں کی حکومت کی مہنگائی اور عوام دشمن پالیسیوں پر کڑی تنقید کی چوہدری احسن اقبال نے اپنے خطاب میں اپنی حکومت کے منصوبوں اور ملکی ترقیاتی کاموں کو ملکی سنہرا دور قرار دیا پی ڈی ایم اے کے پلیٹ فارم سے سیلیکٹڈ حکومت کو گھر بھیج کر دم لیں گے پاکستان کے پاسپورٹ اور کرنسی کو قدر دلوانے کی بجائے بے حال کردیا ہے
ن لیگی کارکنوں کو خوشخبری دینا چاہتا ہوں کہ جلد ہی عمران خاں کی حکومت کو گھر جاتے دیکھیں گے
۔عمران حکومت کی پالیسیاں کشمیر کو پلیٹ میں رکھ کر دشمنوں کے حوالے کر دینے کے مترادف ہیں اور حکومت نے پاکستان کے کسانوں اور مزدوروں کو بد حال کر دیا اور ملک کو دوبارہ اندھیروں میں دھکیلا جارہا ہے
پنجاب میں عثمان بزدار کی حکومت کی کارکردگی کی مثال آئی فون لیکر نوکیا 3310 دے دیا گیا والی ہے

قصور
الہ آباد کے نواحی گاؤں بھاگیوال کی چھ دن کی نومولود بچی کو زمین کھا گئی یا آسمان نگل گیا
نواحی گاؤں بھاگیوال سے چھ دن کی نومولود بچی کو اغواء ہوئے چار ماہ گزر گئے ابھی تک کوئی سراغ نہ مل سکا۔ والدین غم سے نڈھال، اہل علاقہ نےپولیس کی کارکردگی پر سوال اٹھا دیے
تفصیلات کے مطابق الہ آباد کے نواحی گاؤں بھاگیوال سے چارماہ پہلے اغواء ہونے والی نومولود ںچی کا تاحال کوئی سراغ نہ مل سکا محمد عباس کی چھ دن کی بیٹی کو دو نامعلوم مرد اور عورت نے اغواء کر لیا تھا پولیس نے ایف آئی آر تو درج کر لی مگر آج تک بچی کا کچھ پتا نہ چل سک ۔میڈیا پر خبریں نشر ہونے کے بعد پولیس چند دن تک حرکت میں آئی لیکن بچی کا کوئی سراغ نہ مل سکا بچی کے والد محمد عباس کا کہنا ہے کہ پولیس مجھے کہتی ہے کہ آپ معاوضہ لے کر خاموش ہو جائیں جبکہ قصور شہر کوٹ فتح دین کے رہائشی عبدالرحمن کا ایک دن کا بچہ 30 اگست کو ڈی ایچ کیو قصور سے اغواء ہوا تھا جسے ابھی تک پولیس بازیاب کروانے میں ناکام ہے
اغواء ہونے والے بچوں کے والدین غم سے نڈھال ہو چکے ہیں اور ان والدین نے پولیس کی کارکردگی پر سوالات اٹھا دئیے ہیں وزیر اعلیٰ پنجاب اور آئی جی پنجاب سے اپیل کی ہے نوٹس لیا جائے اور ہماری بچوں کو بازیاب کروایا جائے

قصور
چند روز قبل ہونے والے پولیس مقابلے کو لواحقین نے جعلی قرار دے دیا ،میڈیا سے گفتگو کرتے کہا کہ قصور پولیس بھی اسلام آباد پولیس کے نقش قدم پر چل رہی ہے
تفصیلات کے مطابق قصور پولیس بھی اسلام آباد پولیس کے نقش قدم پر’چونیاں تھانہ سٹی چونیاں کی حدود گاوں ڈھوس کے قریب ہونے والے پولیس مقابلہ کا ڈراپ سین ورثاء نے مقابلہ کو جعلی قرار دے دیا،پولیس کے مطابق ایک ڈاکو اپنے ہی ساتھیوں کی فائرنگ سے ہلاک اور ایک زخمی حالت میں فرار ہو گیا تھا اور دونوں ڈاکو پولیس کانسٹیبل کے مقدمہ میں گرفتار تھے،ورثاء نے لاہور ہائی کورٹ میں 22AB کی رٹ دائر کر دی ورثاء کا کہنا ہے کہ پولیس نے اشفاق کو قتل جبکہ غلام رسول کو خود ہی غائب کر دیا ہے ہمیں خدشہ ہے اسے بھی مار دیا جائے گا تفصیلات کے مطابق چونیاں تھانہ سٹی پولیس نے ظلم کی انتہا کر دی نواحی گاوں کوڑے سیال کے متعدد رہائشیوں نے مشترکہ پریس کانفرنس کے دوران میڈیا کو بتایا کہ پولیس تھانہ الہ آباد نے ہمارے گاوں کے نوجوانوں اشفاق اور غلام رسول کو گندم چوری کے الزام میں گرفتار کیا اور پولیس تھانہ سٹی چونیاں کے حوالہ کر دیا پتہ کرنے پر پولیس تھانہ سٹی چونیاں نے ورثاء کو بتایا کہ آپ کے بچوں نے پولیس کانسٹیبل صغیر عباس کو شہید کیا ہے ورثاء نے فوری سیشن جج چونیاں کے ہاں رٹ دائر کی کہ پولیس آئی جی کو نوٹس پر کانسٹیبل کے مقدمہ میں ناجائز ہمارے لڑکوں کو پھنسا رہی ہے اور جعلی پولیس مقابلہ میں پار کرنا چاہتی ہے تو پولیس نے جج کے سامنے 70 ہزار روپے برآمدگی شو کروا کر ملزمان کا چودہ روزہ ریمانڈ حاصل کر لیا اور عدالت کو یقین دہانی کروائی کہ ایسی کوئی بات نہیں ہے 12 تاریخ کی رات پولیس کے مطابق پولیس ملزمان کو لے کر جا رہی تھی ساتھی ڈاکوؤں نے فائرنگ کر دی جس سے اشفاق ہلاک ہو گیا اور غلام رسول زخمی حالت میں فرار ہو گیا فوری گاوں میں دو سو کے قریب اہلکاروں کو تعینات کر کے خفیہ طریقے دے اشفاق کی تدفین کر دی ورثاء نے لاہور ہائی کورٹ میں رٹ دائر کی ہے پولیس نے جعلی پولیس مقابلہ کر کےاشفاق کو قتل کر دیا یے اور غلام رسول کو خود ہی غائب کر دیا ہے خدشہ ہے کہ اسے بھی مار دیا جائے گا ورثاء نے اپنے وکیل کے ہمراہ پریس کانفرنس میں کہا کہ اگر انہیں انصاف نہ ملا تو وہ وزیر اعلی ہاوس اور گورنر ہاوس کے سامنے دھرنا دیں گے انہوں نے چیف جسٹس سے فوری نوٹس اور آئی جی پنجاب سے اس سارے معاملہ پر جے آئی ٹی تشکیل دینے کا مطالبہ کیا ہے

قصور
تھانہ صدر پتوکی کے ایس ایچ او حافظ عاطف نذیر اکی کاروائی میں ناجائز اسلحہ رکھنے والے دو ملزمان رنگے ہاتھوں گرفتار، اسلحہ بر آمد مقدمہ درج
تفصیلات کے مطابق ڈی پی او قصور کی ہدایت اور ڈی ایس پی سرکل پتوکی کے حکم پر تھانہ صدر پتوکی کے ایس ایچ او حافظ عاطف نذیر نے اپنی ٹیم کے ہمراہ اپنے تھانہ کی حدود میں جرائم پیشہ عناصر کیخلاف کریک ڈاؤن کیا جس میں مختلف دیہاتوں سے دو ملزمان یاسر ولد رفیق اور حمزہ ولد ریاض کو رنگے ہاتھوں گرفتار کر کے انکے قبضہ سے 223بور رائفل ،دو عددپسٹل 9MMاور درجنوں گولیاں بر آمد کر لیں دونوں ملزمان کیخلاف مقدمہ درج کر کے انہیں سلاخوں کے پیچھے دھکیل دیا گیا ، ایس ایچ او حافظ عاطف نذیر کا کہنا تھا کہ جرائم پیشہ عناصر معاشرے میں ناسور کی مانند ہیں جن سے آہنے ہاتھوں نمٹا جا رہا ہے ہر وہ شخص جیل کی ہوا ضرور کھائے گا جو کرائم سے وابسطہ ہے میں میڈیا کے توسط کریمینل لوگوں کو یہ پیغام پہنچا رہا ہوں کہ جلد از جلد وہ اپنا قبلہ درست کر لیں ورنہ انہیں قانونی شکنجے سے کوئی بھی نہیں بچا سکے گا

قصور
پرسوں ہوئی وارداتوں کے باوجود پیٹرولنگ پولیس چک ڈھڈہ قصور کا گشت نا بڑھ سکا ، لوگ غیر محفوظ
تفصیلات کے مطابق جمعرات کو قصور رائیونڈ نلکا سٹاپ پر صبح 5 بجے ڈاکوؤں نے فیکٹری کی بسوں اور موٹر سائیکل سواروں کو ناکہ لگا کر ایک گھنٹہ تک لوٹا تھا جس پر لٹنے والوں نے پولیس کے خلاف احتجاج کرتے ہوئے رائیونڈ قصور روڈ کو بند کئے رکھا تھا
اس واردات کے بعد بھی پیٹرولنگ پولیس چک ڈھڈہ رائیونڈ قصور روڈ کی پیٹرولنگ کا دائرہ کار نا بڑھ سکا ہے پولیس گشت پارٹی دن کو منہ دکھلا کر سرشام ہی غائب ہو جاتی ہے جس سے ڈاکوؤں کو لوگوں کو لوٹنے کا موقع ملتا ہے
پولیس کے عدم گشت کے باعث لوگ خود کو غیر محفوظ کر رہے ہیں اور ڈی پی او قصور سے پیٹرولنگ پولیس کا گشت بڑھانے کا مطالبہ کر رہے ہیں

قصور
الہ آباد گیلانی ہاؤس میں ایک روزہ فری میڈیکل کیمپ کا انعقاد کیا گیا سیکنڑوں افراد نے اس میڈیکل کیمپ سے استعفادہ حاصل کیا فری میڈیکل کیمپ میں بہترین نظم و ضبط دیکھنے کو آیا اہلیان علاقہ نے انتظامیہ کو خراج تحسین پیش کیا
تفصیلات کے مطابق گیلانی ہاؤس بھاگیوال ٹبہ میں معروف قانون دان سردار اعجاز حسین ڈوگر ایڈووکیٹ، سردار محمد حسین ڈوگر ایڈووکیٹ، سردار سجاد ڈوگر اور سید ابرار حسین گیلانی کے اشتراک سے ایک روزہ میڈیکل کیمپ کا انعقاد کیا گیا جس میں میڈیکل شعبہ جات کے ڈاکٹر اور پیرا میڈیکل سٹاف نے اپنی خدمات سر انجام دیں دن بھر مرد ،خواتین اور بچوں سمیت سینکڑوں مریضوں کا فری میڈیکل چیک اپ، ٹیسٹ اور فری ادو یات فراہم کیں مہنگائی کے اس دور میں اس قسم کے میڈیکل کیمپ کے انعقاد پر تحصیل بھر سے سیاسی و سماجی،مذہبی اور اہلیان علاقہ کی طرف سے پوری ٹیم کو خراج تحسین پیش کیا گیا اور اس امید کا اظہار کیا گیا کہ یہ سلسلہ جاری رہے گا۔ اہلیان علاقہ نے مخیر حضرات سے اپیل بھی کی کہ وہ فری میڈیکل کیمپ میں اپنا حصہ ضرور ڈالا کریں تاکہ اس سے مستحق افراد کا علاج معالجہ اور فری ادویات مہیا ہو سکیں اور سلسلہ جاری و ساری رہ سکے

قصور
مرکزی پریس کلب الہ آباد کے لیگل ایڈوائزر معروف قانون دان محمد ضیاء الحق ایڈووکیٹ کو صدر چونیاں بار منتخب ہونے پر مبارکباد تفصیلات کے مطابق مرکزی پریس کلب الہ آباد کے عہدیداران فیاض احمد دھون، مہر محمد اسماعیل جاوید، ملک محمد اکرم اور چوہدری محبوب احمد وغیرہ نے گزشتہ روز نو منتخب صدر بار ایسوسی ایشن چونیاں محمد ضیاء الحق ایڈووکیٹ سے ملاقات کی اور الیکشن جیتنے پر مبارکباد پیش کی اور نیک خواہشات کا اظہار کیا اور امید ظاہر کی کہ وہ وکلاء برادری کے حقوق اور غریب سائلین کو انصاف کی فراہمی میں کردار ادا کریں گے محمد ضیاء الحق ایڈووکیٹ نے اس موقع پر تمام صحافی برادری کا شکریہ ادا کیا اور ملاقات کے لئے آنے والے وفود کی بہترین تواضع کی گئی محمد ضیاء الحق ایڈووکیٹ نے میڈیا وفد کو اپنے مکمل تعاون کی یقین دھانی کرواتے ہوئے کہا کہ بار اور میڈیا لازم اور ملزوم ہیں میڈیا نے عدلیہ کی آزادی کے لئے وکلاء کی تحریک کی کامیابی کے لئے کلیدی کردار ادا کیا

قصور
تھانہ صدر کی حدود کھارا میں معمر بزرگ کو سردی سے بچانے کے لئے گھر والوں نے چارپائی کے نیچے آگ جلائی جو کہ بزرگ کو لگ گئی جس سے بزرگ کی موت واقع ہو گئی
تفصیلات کے مطابق قصور تھانہ صدر کی حدود کھارا اڈہ بھلو والا میں انتہائی ضعیف و معمر بزرگ جمعہ خان میئو کو اس کے گھر والوں نے سردی کی شدت سے بچانے کیلئے اس کی چارپائی کے نیچے آگ جلائی جو کہ بزرگ کے کپڑوں کو لگ گئی جس سے اس کی موت واقع ہو گئی
وقوعہ آج صبح کو اس وقت پیش آیا جب جمعہ خان اپنی بیٹھک میں لیٹا ہوا تھا اور اس نے اپنے لواحقین کو سردی سے بچنے کے لئے اپنی چارپائی کے نیچے آگ جلانے کو کہا
لواحقین آگ جلا کر کام کاج میں مصروف ہو گئے تھے اس سے قبل بھی اس طرح آگ چارپائی کے نیچے جلانا روز کا معول تھا
تاہم کام کاج میں مصروف ہونے کے باعث وہ بزرگ کو دیکھنے نا آئے کیونکہ بیٹھک گھر سے تھوڑے فاصلے پر ہے
بزرگ کا جنازہ بعد نماز عصر ادا کیا جائے گا

قصور
کھڈیاں خاص میں مسلم لیگ ن کے عہدے داران میں عشائیہ دیا گیا
تفصیلات کے مطابق کھڈیاں خاص قصور میں یسین گارڈن کے چیف ایگزیکٹو سابقہ کونسلر کھڈیاں خاص نے ملک محمد احمد خاں ایم پی اے اور نائب صدر پنجاب پاکستان مسلم لیگ ن کو بہترین عشائیہ دیا اس موقع پر کھڈیاں خاص کے سیاسی سماجی و کاروباری شخصیات نے شرکت کی جس میں سیٹھ بنیامین۔ میاں عبدالرحیم خالد ۔عبدالرحمن شاہ کاظمی ۔ محمود احمد قیصر۔ رانا ریاض جوئیہ صدر غلہ منڈی کھڈیاں۔رانا ارشاد علی خاں مسلم لیگ صدر سٹی کھڈیاں۔ ملک اسد نزیر بلوچ۔ میاں جہانزیب بھولا۔ محمد سلیم بھٹی۔ چوہدری عمران طور عرف کالو بوس۔ اور دیگر شحضیات نے کی

قصور پولیس میں تقرر و تبادلے کئے گئے
تبادلے ڈی پی او قصور عمران کشور نے کئے

تفصیلات کے مطابق قصور میں پولیس کے تقرر و تبادلے کئے گئے ہیں ڈی پی او قصور عمران کشور نے دو ایس ایچ اوز کے تقرر و تبادلے کے احکامات جاری کر دئیے جن میں انسپکٹر عامر سلیم ڈسٹرکٹ پولیس لائن سے ایس ایچ او تھانہ کھڈیاں قصور تعینات،انسپکٹر ملک محمد شمشیر ڈسٹرکٹ پولیس لائن سے ایس ایچ او تھانہ الہ آباد تعینات، انسپکٹر محمد سکندر تھانہ کھڈیاں سے انچارج سکیورٹی ڈی پی او آفس تعینات،سب انسپکٹر ظہیر عالم شاہ کو تھانہ الہ آباد سے معطل کر کے ڈسٹرکٹ پولیس لائن میں تعینات کرنے کے احکامات جاری کئے گئے ہیں