Tag: قصوریات

قصور
شہر و گردونواح میں کئی گھنٹوں کی عذاب ناک لوڈشیڈنگ نے لوگوں کی زندگی اجیرن بنا دی ہے
لوگوں کے کاروبار ٹھپ
تفصیلات کے مطابق قصور اور گردونواح میں لوڈشیڈنگ معمول بن گئی ہے جس سے لوگوں کے کاروبار ٹھپ ہو کر رہ گئے ہیں جبکہ ہفتہ میں دو دن 10 گھنٹے کی شیڈول لوڈشیڈنگ سے بھی کاروبار شدید متاثر ہوا ہے
چراغشاہ، شیخ بھاگو، بلھے شاہ، دین گڑھ، سٹی، نیاز نگر سمیت دیگر فیڈرز بند رہنے لگ گئے
نیز شہر کے متعدد ٹرانسفارمر بھی خراب ہونے کے باعث بھی بجلی بند رہنا معمول بن گیا ہے
اور واپڈا اہلکاران خراب ٹرانسفارمر کے نام پر 10 سے 15 ہزار روپے اہل علاقہ سے اکھٹے کر کے مرمت کروائی لیتے ہیں

قصور
ایس ایچ او الہ آباد محسن سندھو کی پولیس چوکی تلونڈی میں سیاسی و سماجی شخصیات کے ساتھ پریس کانفرنس شہر میں امن و امان کے حوالے سے گفتگو

تفصیلات کے مطابق الہ آباد تھانہ کی حدود میں آئے روز چوری،راہزنی کی وارداتوں میں شدت سے اضافہ ہو گیا ہے جس سے شہریوں میں خوف و ہراس پایا جانے لگا اس بابت ایس ایچ او تھانہ الہ آباد محسن علی سندھو کی شہریوں کے ساتھ امن و امان کے حوالہ سے پریس کانفرنس کا انعقاد کیا گیا جس میں لوگوں نے شرکت کی جبکہ ایس ایچ او محسن علی سندھو نے عوام سے تعاون کی اپیل کرتے ہوئے کہا کہ آپ جگہ جگہ ٹھیکری پہرے لگانے پر ہمارا ساتھ دیں اور جرائم پیشہ عناصر کو پکڑنے میں ہمارا تعاون کریں ان شاء اللہ جلد علاقہ کو امن کا گہوارہ بنائیں گے اس موقع پر علاقہ کے معزز شخصیات سردار زبیر احمد خاں ، محمود تاج ڈوگر، اشرف خاں ایڈووکیٹ ، پرویز مہدی ،سردار شوکت ممبر ، جمیل بھٹہ ، محمد ظفر اقبال حاجی ارشد ویری، رشید وہابی و دیگر نے پولیس کے ساتھ تعاون کی یقین دہانی کروائی

قصور
تھانہ گنڈاسنگھ پولیس اور ستلج رینجرز اہلکاران کی مشترکہ کاروائی بھاری منشیات برآمد

تفصیلات کے مطابق تھانہ گنڈہ سنگھ قصور اور ستلج رینجرز نے مشترکہ کاروائی کرتی ہوئے 3 ملزمان کو انڈین شراب سمیت پکڑ کر حوالات میں بند کردیا گیا جبکہ ملزمان کی شناخت اقبال ، افتخار اور نوید کے ناموں سے ہوئی ہے تینوں کا تعلق قصور کے علاقہ چونیاں سے ہے
ملزمان انڈین شراب کی بوتلیں لے کر چوک حسین خانوالا سے پیدل آ رہے تھے ملک نصیر احمد اے ایس آئی اور رینجرز کے اہلکاران نے روک لیا اور تلاشی کے دوران انڈین شراب کی بوتلیں برآمد ہوئیں تو ملزمان کو حراست میں لیا گیا پولیس نے ملزمان کے خلاف مقدمہ درج کر لیا ہے

قصور
ضلع قصور میں بھی سرکاری ملازمین کا بے نظیر انکم سپورٹ پروگرام کے تحت امداد حاصل کرنےانکشاف
تفصیلات کے مطابق بے نظیر انکم سپورٹ پروگرام سے سرکاری ملازمین کی مالی امداد حاصل کرنے کا معاملہ سامنے آیا ہے جس پر
ایف آئی اے نے بطور ڈیٹا کلکٹر فارم پر دستخط کرنے والے افسران کو طلب کر لیا ہے
چونیاں کی رہائشی افسر خالدہ حفیظ کو ملنے والا نوٹس میڈیا کے سامنے آ گیا جس میں طلبی نوٹس میں خالدہ حفیظ کو ایف آئی اے جوائنٹ انویسٹیگیشن ٹیم کے سامنے پیش ہونے کی ہدایت
کی گئی ہے

قصور
فرائض میں غفلت،ناقص تفتیش،کرپشن اور اختیارات سے تجاوز کرنے پر 4 پولیس اہلکاروں کو نوکری سے برخاستگی جبکہ 26 کو مختلف محکمانہ سزائیں
تفصیلات کے مطابق ڈی پی او قصور نے خود احتسابی پر عملی کاروائی کرتے ہوئے گزشتہ روز ڈسٹرکٹ پولیس لائن قصور میں اردل روم کے دوران شوکاز نوٹسز کے فیصلے سناتے ہوئے افسران و اہلکاروں کو مختلف سزائیں دیں انہوں نے کرپشن، فرائض میں غفلت برتنے اورمسلسل غیر حاضری پر دو سب انسپکٹر دوکانسٹیبل کو نوکری سے برخاست کردیا، ناقص تفتیش،کرپشن اور فرائض میں غفلت برتنے پر تین انسپکٹراورچارسب انسپکٹر کو رینک کی ریورشن اور تنخواہ کی کٹوتی کی سزائیں دیں، اسی طرح فرائض میں غفلت برتنے،موثر گشت نہ کرنے،ناقص کارکردگی،ڈیوٹی سے غیر حاضری اور ناقص تفتیش مقدمہ کرنے پر19اہلکاروں کو سروس کی ضبطگی،جرمانوں اورانکریمنٹ سٹاپ سمیت مختلف سزائیں دیں۔ڈی پی اوقصور نے کہا کہ پولیس میں بددیانت، نا اہل اور کام چور اہلکاروں کی کوئی گنجائش نہیں اور جس کسی نے بھی اختیارات سے تجاوز کیایا کوئی خلاف قانون کا م کیا وہ خود کو کسی رعایت کا مستحق نہ سمجھے جبکہ اچھی کارکردگی پر پولیس افسران واہلکاروں کو انعامات سے بھی نوازا جائے گا۔

قصور
پتوکی ہلہ بائی پاس پر اوور ہیڈ برج بنے سال گزر گیا مگر کروڑوں روپیہ کی لاگت سے تعمیر ہونے والا پل تاحال لوگوں کے لئے بے سود ،پل کو دونوں جانب سے کانٹے اور جھاڑیاں لگا کر بند کر رکھا ہے
تفصیلات کے مطابق جی ٹی روڈ پتوکی ہلہ بائی پاس پر آئے روز حادثات پیش آتے تھے جنہیں دور کرنے کیلئے گورنمنٹ نے لوگوں کی سہولت کے پیش نطر کروڑوں روپیہ سے پل بنا دیا مگر پل بننے کے باوجود عوام کو سہولت دینے سے قاصر ہے حالانکہ ایک سال سے زائد عرصہ پل بنے بیت گیا مگر پل مکمل ہونے کے باوجود ٹریفک کیلئے کھولا نا جا سکا پل مکمل ہونے کے باوجود دونوں طرف سے جھاڑیاں اور کانٹے لگا کر بند کر دیا گیا ہے جس سے لوگوں کو جی ٹی روڈ سے ہی گزرنا پڑتا ہے اور اب تک اسی بائی پاس پر لوگوں کے پیدل گزرنے سے کئی حادثات واقع ہو چکے ہیں
لوگوں نے حکام بالا سے نوٹس لے کر اس پل کو جلد سے جلد عوامی گزر گاہ کیلئے کارگر بنانے کی درخواست کی ہے

قصور
آوارہ کتوں نے لاکھوں روپے قربابی کے درجنوں بکرے چیر پھاڑ دیئے تمام بکرے ہلاک علاقہ بھر میں شدید خوف و ہراس اسسٹنٹ کمشنر چونیاں عدنان بدر سے سدباب کا مطالبہ
تفصیلات کے مطابق تلونڈی کے معروف زمیندار محسن تہاڑیہ اور وحید تہاڑیہ نے قربانے کے بکرے پال رکھے تھے جنہیں رات کی تاریکی میں آوارہ کتوں نے چیر پھاڑ ڈالا اور تمام بکرے ہلاک ہو گئے یاد رہے آوارہ کتوں کی تلفی کے اختیارات یونین کونسلز و میونسپل کمیٹیز سطح پر منتقل ہو چکے ہیں اور شہریوں کا کہنا ہے کہ مقامی انتظامیہ اگر آوارہ کتے تلف کرتی تو یہ دلخراش واقع پیش نہ آتا علاقہ بھر میں اس واقع کے بعد شدید خوف و ہراس پایا جا رہا ہے شہریوں نے اسسٹنٹ کمشنر چونیاں عدنان بدر سے کتوں کے سدباب کا مطالبہ کیا ہے

قصور
سپیشل برانچ کی نشاندہی پر انتظامیہ کی بڑی کاروائی جعلی بوتلیں بنانے والی فیکٹری پکڑی گئی
تفصیلات کے مطابق کل سپیشل برانچ مصطفیٰ آباد للیانی کی نشاندہی پر انتظامیہ نے جعلی بوتلیں بنانے والے کارخانے پر چھاپہ اور بھاری تعداد میں جعلی مشروب کی بوتلیں اور مشینری قبضہ میں لے لی
نیواں تھہ کے رہائشی محمد حیات نے بوتل بنانے کا غیرقانونی کارخانہ لگا رکھا تھا اور بوتلوں پر مختلف کمپنیوں کے جعلی لیبل لگا کر مشروب تیار کیا جاتا اور یہ مضر صحت مشروب قصور شہر سمیت دیگر علاقوں میں فروخت کیا جا رہا تھا
سپیشل برانچ کی نشاندھی پر نائب تحصیلدار نے ملازمین کے ہمراہ کاروائی کرکے کارخانہ سیل کر دیا اور کام کرنے والوں کو گرفتار کر لیا

قصور
گزشتہ رات تیز بارش و آندھی سے درخت اکھڑ گئے شام سے ہی بجلی غائب ،شہری پریشان
تفصیلات کے مطابق کل سے مون سون برسات کے آغاز سے ہی قصور میں شام کے وقت تیز آندھی چلی اور ساتھ شدید ترین برسات بھی تھی جس سے کئی مقامات پر درخت گر گئے جس سے راستے بلاک ہو گئے مقامی لوگوں نے اپنی مدد آپ کے تحت راستے صاف کئے جبکہ رات سے ہی بجی تاحال غائب ہے جس سے شہری پانی کی بوند بوند کو ترس گئے ہیں تیز بارش سے شہر کی سڑکیں تالاب کا منظر پیش کرتی رہیں جبکہ گاؤں دیہات میں سڑکیں اب بھی جوہڑوں کا منظر پیش کر رہی ہیں سب سے زیادہ ابتر حالت رائیونڈ قصور روڈ کی ہے جہاں سڑک پر بڑے بڑے گڑھوں کی بدولت پانی کھڑا ہے اور لوگوں کی گاڑیاں پانی سے گزرتے ہوئے بند ہو رہی ہیں

قصور
مون سون بارشوں کے باعث بھارت کی آبی جارحیت بھی بڑھنا شروع ہو گئی جس سے دریائے ستلج میں سیلاب کا خدشہ
تفصیلات کے مطابق دریائے ستلج گنڈہ سنگھ بارڈد قصور میں قبل از وقت پانی کی سطح بلند ہونا شروع ہو گئی ہے جس سے سیلاب آنے کا خدشہ ہے
چندا سنگھ کے قریب دریائے ستلج کا کٹاؤ خطرناک صورتحال اختیار کرگیا اور ایسا انڈیا کی طرف سے پانی چھوڑے جانے پر ہو رہا ہے مسلسل اضافے سے سیلاب کا خدشہ بڑھ گیا ہے جس سے لوگوں کی ہزاروں ایکڑ فصلیں زیر آب آ جائینگی اور اربوں روپیہ کا نقصان ہو گا
تاہم علاقہ مکینوں کی طرف سے ابھی تک کوئی نقل مکانی دیکھنے میں نہیں آئی