قصور
پیٹرول کی طرح چینی بھی سستی ہونے پر غائب ہوگئی شہر میں مجود دوکانداروں نے پیٹرول 100 روپے فی لیٹر اور چینی 85 روپے کر دی مگر پھر بھی گمشدہ چینی کی تلاش میں قصور کے شہری سخت گرمی اور کرونا وائرس کے خطرات اٹھاتے ہوئے ایک جگہ سے دوسری جگہ دھکے کھاتے پھر رہے ہیں
تفصیلات کے مطابق سپریم کورٹ کے حکم پر چینی کی قیمت فی کلو 70 روپے مقرر کی تو اسے بھی غائب کرکے عوام کی مشکلات میں مزید اضافہ کردیا گیا ہے عوام پہلے ہی آٹے اور چینی کے حصول کیلئے دربدر کی ٹھوکریں کھار رہے ہیں اب مافیا نے چینی بھی غائب کر دی مگر حکومت اور انتظامیہ دیگر مافیا کی طرح چینی مافیا کے سامنے بھی بے بس نظر آرہی ہے جبکہ گمشدہ چینی کی تلاش میں قصور کے شہری سخت گرمی اور کرونا وائرس کے خطرات اٹھاتے ہوئے ایک جگہ سے دوسری جگہ دھکے کھاتے پھر رہے ہیں مگر ضلعی انتظامیہ حسب روایت دیگر مسائل کی طرح اس مسئلے پر بھی خاموش تماشائی کا کردار ادا کر رہی ہے۔ تاجروں کا کہنا ہے کہ چینی کی سپلائی نہ ہونے سے چینی کی قلت کا سامنا ہے، حکومت سپلائی کو یقینی بنائے تو ہم چینی فروخت کریں گے۔ چینی کی تلاش میں دھکے کھاتی عوام کا کہنا ہے کہ پاکستان کے شہری یہ بات اچھی طرح سمجھ چکے ہیں کہ پاکستان میں کسی بھی چیز کے سستی ہونے کا اب مطلب ہے کہ یہ چیز غائب اور عوام کی پہنچ سے دور ہو جائے گی۔ مگر یہ بات ہمارے حکمرانوں کو سمجھ نہیں آرہی، وہ سستی ہونیوالی چیز کی دستیابی کو یقینی بنانے میں بری طرح ناکام ہو چکے ہیں اور پاکستانیوں کو مافیاز کے رحم و کرم پر چھوڑ دیا گیا ہے۔ پہلے آٹا اور پٹرول غائب ہوئے، اب سپریم کورٹ کے حکم پر چینی کی قیمت 70 روپے فی کلو مقرر کی گئی تو وہ بھی غائب کر کے عوام کی مشکلات میں مزید اضافہ کر دیا گیا۔ حکومت مافیاز کے ساتھ جنگ لڑے یا صلح کرے۔ عوام کو اس سے کوئی مطلب نہیں، ان کا صرف یہی مطالبہ ہے کہ چینی کی فراہمی کو یقینی بنایا جائے۔ اور اگر اشیائے خوردونوش سستی کرکے غائب ہی کرنی ہیں تو حکومت ہم پر یہ مہربانی نہ کرے۔ خواب خرگوش سے بیدار ہو کیونکہ عوام اب مزید کسی بحران کے متحمل نہیں ہو سکتے۔شہریوں نے ضلعی انتظامیہ اور وزیر اعلیٰ پنجاب سے مطالبہ کیا ہے کہ خاموش تماشائی بننے کی بجائے ذمہ داری کا مظاہرہ کرتے ہوئے قصور میں چینی کی فراہمی کو یقینی بنایا جائے۔
Tag: قصوریات
-
چینی بھی ناپید
-
آٹا،چینی،پیٹرول کے بعد اہم دوائی کا بحران
قصور
پیٹرول،آٹا،چینی کے بعد ایک بار پھر ادویات کا بحران Dexamethasone نامی سٹیرائڈز گولی کا کرونا میں معاون ثابت ہونے پر مارکیٹ سے غائب
تفصیلات کے مطابق دو روز قبل ایک بات سامنے آئی کے Dexamethasone , دیکسامیٹھاسون نامی سٹیرائڈز گولی کرونا کے مریضوں میں سانس کی بحالی کے لئے معاون ہے اس بات کا پتہ چلتے ہی میڈیکل سٹور اور ہول سیل ڈیلروں نے Chloroquine کی طرح اسے بھی مارکیٹ سے غائب کر دیا ہے 75 پیسے کی یہ گولی اب کم و بیش 3 سے 4 روپیہ میں بیچی جائے گی یاد رہے چند دنوں سے Metronidazole کمپوزیشن والی فلائیجل نامی گولی بھی نہیں مل رہی چونکہ یہ گولی آنتوں و پیٹ کی سوجن میں معاون ہے اور گرمی کے باعث دست اسہال ہر کسی کو لگ رہے ہیں اسی لئے فارماسیویکل ڈیلروں نے سٹاک کر لی کہ اب اپنی مرضی کے نرخوں پر فروخت کرینگے
آٹا ،چینی ،پیٹرول اور دیگر اشیاء ضرورت کے مصنوعی بحران کے بعد ادویات کے بحران پر لوگ سخت پریشان ہیں
لوگوں کا کہنا ہے کہ گورنمنٹ بحرانوں پر قابو پانے میں مکمل ناکام اور غیر سنجیدہ ہے چونکہ آٹے کے بحران میں حکمران پارٹی کے لوگ ہی ملوث پائے گئے ہیں اس لئے امکان یہی ہے کہ ادویات کے بحران میں بھی انہی لوگوں کا پورا ہاتھ ہوگا -
راجباہ سے لاش برآمد
قصور
پتوکی کے علاقے گہلن نہر کی قریبی راجباہ سے جواں سالہ شخص کی لاش برآمد لوگوں میں خوف و ہراس
تفصیلات کے مطابق پتوکی کے علاقے گہلن پھاٹک کے قریب واقع چھوٹی نہر سے پینتیس سالہ عالم نامی شخص کی لاش برآمد ہوئی ہے جسے پولیس تھانہ صدر پتوکی نے قبضہ میں لیکر پوسٹ مارٹم کے لئے پتوکی ہسپتال منتقل کردیا ہے پولیس کے مطابق عالم کے جسم پر کوئی ظاہری چوٹ یا نشان نہیں ہے تاہم پوسٹ مارٹم کی رپورٹ پر ہی اصل حقائق سامنے آئیں گے -
ڈاکٹر اور پیرا میڈیکس سٹاف کرونا کا شکار
قصور
پاکستان پیپلز پارٹی پنجاب کے جنرل سیکرٹری چوہدری منظور احمد نے قصور میں کرونا کی صورتحال پر تشویش کا اظہار کرتے ہوئے کہا ہے کہ ڈسٹرکٹ ہسپتال قصور کے ڈاکٹروں اور پیرا میڈک سٹاف کی بڑی تعداد کرونا کا شکار ہوگئی جبکہ ہسپتال کا لیبارٹری سٹاف اور ان کا خاندان بھی بڑے پیمانے پر کرونا کا شکار ہو چکا ہے اسی طرح پتھالوجی شعبہ کے سربراہ ڈاکٹر عدیل اور انکے رفقاء بھی کرونا کا شکار ہوچکے ہیں انستھیزیا شعبہ کے سربراہ ڈاکٹر عبدالماجد اور انکے ساتھیوں کا کرونا ٹیسٹ بھی مثبت آیا ہ گائنی وارڈ کی ڈاکٹر عقیلہ اور انکی 10ساتھی بھی کرونا کا شکار ہو چکی ہیں گائنی سمیت دونوں اپریشن تھیٹر بند کر دئیے گئے ہیں کورونا وارڈ، دل وارڈ کے اوپر بنائی گئی ہے جس سے دل کے مریض بھی متاثر ہو سکتے ہیں ہسپتال آنے والے 10 میں سے دو یا تین لوگ کرونا کا شکار ہیں جبکہ ہسپتال کا پورا عملہ خوف میں مبتلا ہے اور پنجاب حکومت سب اچھا کا راگ الاپ رہی ہے ڈاکٹروں کی بڑی تعداد کا کرونا سے متاثر ہونے سے اندازہ لگایا جا سکتا ہے کہ کرونا کے حوالے سے قصور شہر کے حالات کیا ہیں
میں مطالبہ کرتا ہوں کہ تمام ڈاکٹرز اور پیرامیڈکس کو حفاظتی لباس دیئے جائیں قصور شہر کا سب سے بڑا نجی ہسپتال کا عملہ بھی کرونا کا شکار ہو چکا ہے میں قصور کے شہریوں کو درد مندانہ اپیل کرتا ہوں کہ اگر حکمران سنجیدہ نہی لے رہے تو آپ ہی سنجیدہ ہو جائیں تاکہ اس وبا سے بچا جا سکے -
سانحات قصور تھم نا سکے
قصور میں ایک بار پھر خون کی ہولی نفیس کالونی قصور سے تین روز قبل لاپتہ ہونے والے سات سالہ بچے کی لاش محلے کی پرائیویٹ پارکنگ سے کل دوپہر کو برآمد ہو گئی شبہ ہے کہ بچے کو بد فعلی کے بعد قتل کیا گیا ہے
تفصیلات کے مطابق تین روز قبل نفیس کالونی قصور کے رہائشی محنت کش غلام رسول کا سات سالہ بیٹا محمد بوٹا اچانک غائب ہو گیا تھا جس پر بچے کے والد اور اہل خانہ تلاش کرتے رہے اور ورثاء نے بچے کی گمشدگی کا پرچہ مقامی تھانے میں کروایا تھا تاہم مقامی پولیس نے بچے کی گمشدگی کا مقدمہ تو درج کرلیا مگر بچے کی تلاش شروع نا کی گزشتہ روز محلے کی ایک پرائیوٹ پارکنگ سٹینڈ میں موجود ایک کار سے بدبو آنے پر کار سے بچے کی لاش برآمد ہوگئی پولیس کا کہنا ہے کہ پوسٹمارٹم رپورٹ آنے کے بعد حتمی رائے دی جائے گی کہ بچے کے ساتھ جنسی زیادتی ہوئی ہے کہ نہیں
پولیس کی انویسٹی گیشن ٹیم کرائم سین نے پہنچ کر شواہد اکٹھے کرلئے تھے اور لاش کو پورسٹمارٹم کیلئے ڈسٹرکٹ ہیڈکوارٹر ہسپتال قصور منتقل کر دیا تھا -
کرونا کا پھیلاؤ تیز لوگ پرہیز سے گریزاں
قصور
کوٹ رادھاکشن میں درجنوں مقدمات اور جرمانوں کے باوجود کورونا ایس او پیز پر عمل درآمد نہ ہونے کی وجہ سے مریضوں کی تعداد میں تیزی سے اضافہ ہونے لگا ہسپتال مریضوں سے بھرنے لگے شادی تقریبات اور دیگر تقریبات بھی جاری سوشل ڈسٹینس برقرار رکھنا نہ ممکن ہو گیا تفصیلات کے مطابق شہر اور گردونواح میں کورونا ایس او پیز پر عمل درآمد نہ ہونے کی وجہ سے مریضوں کی تعداد میں تیزی سے اضافہ ہونے لگا ہے کورونا کے حوالے سے معلومات رکھنے والوں کو تشویش میں مبتلا کر دیا شہر میں موجود ہسپتالوں میں مریضوں کا رش بڑھ گیا جبکہ لوگ ٹیسٹ مثبت نہ آ جائے اسی لئے کورونا ٹیسٹ کروانے سے گریزاں ہیں اور کھلے عام گھومنے پھرنے میں مشغول ہیں جس سے دیگر افراد میں بھی کورونا منتقل ہونے لگا ہے ماسک کا استعمال بہت کم کیا جا رہا ہے اور دیگر ایس او پیز پر بھی عمل نہیں کیا جا رہا ہے سبزی منڈی بینک ہسپتال اور دیگر کاروباری مراکز کورونا کو پھیلانے کے بڑے سبب بن چکے ہیں اسکے ساتھ شادی تقریبات اور دیگر تقریبات کا سلسلہ بھی جاری ہے جہاں پر سوشل ڈسٹینس برقرار رکھنا تقریبا ناممکن ہے اور انتظامیہ اس حوالے سے کسی قسم کی کاروائی سے گریزاں ہے جب کہ لوگ آج بھی کورونا کے مرض کو مذاق سمجھتے ہیں اگر یہی صورتحال رہی تو شہر اور گردونواح میں مریضوں کا سیلاب آ جائے گا جس کے تدارک کی اشد ضرورت ہے -
پیٹرول بحران جاری
قصور
کوٹ رادھاکشن میں بھی پیٹرول کا مصنوعی بحران جاری لوگ انتہائی پریشان انتظامیہ بے بستفصیلات کے مطابق ملک بھر کی طرح کوٹرادھاکشن میں بھی پیٹرول کا مصنوعی بحران جاری ہے مختلف مقامات پر 120 روپے سے لےکر 150 روپے تک بلیک میں پیٹرول کی فروخت جاری ہے جس سے شہری انتہائی پریشان یں جبکہ انتظامیہ خاموش تماشائی بنی ہوئی ہے
لوگوں کی جانب سے بلیک میں پیٹرول کی فروخت کرنے والوں کی نشاندہی کرنے کے باوجود انتظامیہ نے تاحال کوئی کاروائی نہیں کی
پیٹرول پمپوں والے مبینہ طور پر 90 روپے میں ﺫخیرہ اندوزوں کو پیٹرول فروخت کر رہے ہیں جبکہ عوام کو پیٹرول کی پیچھے سے ترسیل نا ہونے کا بہانہ لگا کر ٹرخا دیا جاتا ہے
لوگوں کا کہنا ہے کہ سول انتظامیہ پیٹرول کے مصنوعی بحران پیدا کرنے والوں کے خلاف کاروائی کرنے میں مکمل ناکام ہو چکی ہے -
گھر گھر سروے کا آغاز
قصور
این ایس ای آر گھر گھر قومی خوشحالی سروے کا آغاز ٹیمیں یونین کونسل کی سطح پر کام کرینگیں
تفصیلات کے مطابق ضلع قصور میں این ایس ای آر کے تحت گھر گھر جا کر قومی خوشحالی سروے کا آغاز کر دیا گیا ہے ٹیمیں یونین کونسل کی سطح پر گھر گھر جا کر سروے کرینگیں اور گھر کے سربراہ کے کوائف کے علاوہ دیگر افراد کے کوائف جمع کرینگیں جس کا مقصد لوگوں کی ضروریات زندگی کا اعدادوشمار اکھٹا کرنا ہے تاکہ سرکاری منصوبہ جات بناتے وقت معاونت حاصل ہوسکے -
ڈی پی او نےعوامی شکایت پر ایک اور اہلکار کو معطل کردیا
قصور
ڈی پی او قصور کا پھولنگر کی پولیس کے حوالے سے دل جیتنے والے قدم لوگوں میں خوشی کی لہر تفصیلات کے مطابق ڈی پی او قصور زاہد نواز مروت نے لوگوں کے دل جیت لئے جیسے سابقہ ایس ایچ او پھولنگر لطیف گجر کومعطل کر کے چارج شیٹ کیا تھا اسی طرح اب محمد اسلم کو معطل کر کے انکوائری لگوا دی ہے محمد اسلم پر لوگوں کو ڈرانے دھمکانے اور رشوت خوری کے الزامات ہیں
لوگوں کا کہنا ہے کہ اس سے محمکہ پولیس پر عوام کا اعتماد بڑھے گا -
کم۔پیمانے،مرضی کے ریٹ
قصور
تحصیل انتظامیہ چونیاں نے پٹرول پمپوں کی چیکنگ کی
تفصیلات کے مطابق اسسٹنٹ کمشنر چونیاں عدنان بدر نے پیٹرول کی مصنوعی قلت اور فی لیٹر کم پیمانہ ہونے پر کاروائی کی جس میں مجموعی طور پر 30 ہزار روپے کے جرمانے بھی عائد کئے گئے جبکہ 20 پٹرول پمپوں کی چیکنگ کو یقینی بنایا جس میں سے ایک پیٹرول پمپ پر پیٹرول فروخت نہیں کیا جا رہا تھا اس پر اسسٹنٹ کمشنر چونیاں عدنان بدر نے فوری کاروائی کرتے ہوئے پیٹرول کی سپلائی کو بحال کروایا اور ساتھ 10 ہزار روپے کا جرمانہ بھی عائد کیا
ایک اور پمپ کو فی لیٹر کم پیمانہ ہونے اور پیٹرول کو 81 روپے میں فروخت کرنے پر سیل کر کے مینجر کوگرفتار کروایا کر
20 ہزار روپے جرمانہ بھی عائد کیا گیا
اے سی چونیاں کا کہنا ہے کہ پیٹرول کی مصنوعی قلت پر کسی قسم کی رعایت نہیں برتی جائے گی ہم ڈپٹی کمشنر قصو منظر علی جاوید کی ہدایت پر کاروائی کر رہے ہیں