Tag: قصوریات

قصور
کوٹ رادھا کشن پولیس کی کاراوائی مزاحمت پر تاجر کو قتل کرنے والے بین الاضلاعی خطرناک ڈکیت گینگ کے تین ارکان گرفتار

تفصیلات کے مطابق کوٹرادھاکشن پولیس کی بڑی کاروائی میں ڈکیتی معہ قتل، شاپ رابری، ہاؤس ڈکیتی اور راہزنی کی ڈیڑھ درجن کے قریب وارداتوں میں ملوث خطرناک ڈکیت گینگ کے تین ارکان گرفتار کر لئے گئے ہیں
ملزمان موٹرسائیکل پر سوار ہو کرضلع قصور اور لاہور میں سٹریٹ کرائم اور شاپ رابری کی وارداتوں کے دوران موبائل فون اور نقدی چھیننے کی وارداتیں کرتے تھے ملزمان کے قبضہ سے 16عدد موبائل فون، موٹرسائیکل اور تین عدد پسٹل برآمد ہوئے ہیں
ملزمان بلال عرف بلالی، شہزاد اور جاوید اوڑھ نے پچھلے سال 22دسمبر کو تھانہ نواب ٹاؤن لاہور کے علاقہ میں ڈکیتی مزاحمت پر موبائل شاپ کے مالک علی عباس کو فائرنگ کرکے قتل کردیا تھا جبکہ اس قبل ملزمان نے سال 2012 میں تھانہ کوٹرادھاکشن کے علاقہ میں ہاؤس ڈکیتی کی واردات کی تھی جس میں اشتہاری چلے آرہے تھے.
خطرناک ملزمان کی گرفتاری پر ڈی پی اوقصور زاہدنواز مروت کی ایس ایچ او کوٹرادھاکشن رائے ناصر اور انکی ٹیم کو شاباش دی ہے

قصور
نیو بس ٹرمینل چونیاں کی آڑ میں تحصیل میونسپل ایڈمنسٹریشن چونیاں کا غریب شہریوں کیساتھ لاکھوں روپے کا فراڈ سوالیہ نشان بن چُکا ھے کروڑوں روپے کی لاگت سے تعمیر ہونے والا نیو بس ٹرمینل بھوت بنگلے کا منظر پیش کر رہا ھے۔ ناقص میٹریل سے بنی دُکانوں کے فرش،دیواریں اور لینٹر پھٹ چُکے ھیں۔ سابقہ چٸیرمین چونیاں، ڈی سی قصور ، اے سی چونیاں ودیگر اعلٰی افسران کی نیو بس ٹرمینل پہ بے حسی نے عوام کو مایوس کر دیا۔ تحصیل میونسپل کمیٹی چونیاں نے دُکانوں کی الاٹمنٹ کا ڈرامہ رچا کے لوگوں سے لاکھوں روپے کا فراڈ کیا ھے جس کو تقریبًا 5 سال سے زاٸد کا عرصہ ھو چُکا ھے۔ چونیاں و گِرد و نواح کے صحافیوں نے اِس ایشو کو بارہا الیکٹرونک اور پرنٹ میڈیا پہ اُجاگر کیا لیکن انتظامیہ کے سر پہ جوُں تک نہیں رینگی۔ اسسٹنٹ کمِشنر چونیاں عدنان بدر کی آمد پر شہریوں کو اُمید کی کِرن نظر آٸی تھی کہ اب شاٸد اِس معاملے کا کوٸی بہتر حل ضرور نکلے گا۔ بدقسمتی سے عدنان بدر صاحب نے بھی سابقہ افسران کی روایت کو برقرار رکھتے ھوٸے نیوبس ٹرمینل کی بحالی کو اللّہ تعالٰی کے سپُرد کر دیا۔ دُکانوں کی الاٹمنٹ کے نام پر شہریوں سے لٸے گٸے لاکھوں روپے کا کوٸی والی وارث نہیں۔۔
لوگوں نے عدنان بدر صاحب کے متعدد اچھے کاموں کو دیکھتے ھوٸے ل اِس ایشو پر بھی اچھی اُمیدیں لگاٸی ہیں کہ خدارا اس معاملے پر خصوصی توجہ دیتے ھوٸے کوٸی مثبت حل نکالیں یا پھر شہریوں سے الاٹمنٹ کے وقت لی گٸی رقم واپس کروا دیں۔

قصور
ٹرانسپورٹرز نے حکومت سے تعاون کی اپیل کر دی قصور سے رائیونڈ ٹویوٹا ہائی ایس وین کا آنے جانے کا خرچ 900 روپیہ جبکہ گورنمنٹ کے مقرر کردہ کرایہ اور ایس او پیز پر سواریاں بٹھا کر ٹوٹل کرایہ 880
تفصیلات کے مطابق ٹرانسپورٹرز نے گورنمنٹ سے مدد مانگ لی ہے ایس او پیز اور 20 پرسنٹ کرایہ میں کمی کیساتھ ٹرانسپورٹرز سخت پریشان ہیں ٹرانسپورٹرز نے نمائندہ باغی ٹی وی سے گفتگو کرتے ہوئے بتایا کہ ہم رائیونڈ سے قصور کا کرایہ 50 روپیہ لیتے تھے جبکہ 22 سواریاں بٹھاتے تھے اب گورنمنٹ کے جاری کردہ ایس او پیز کے مطابق 50 فیصد سواریاں کم بٹھانی ہیں اور کرایہ 20 فیصد کم لینا ہے تو اس لحاظ سے رائیونڈ سے قصور آنے جانے میں گاڑی کا فیول 800 روپیہ اور 100 روپیہ اڈہ پرچی کا ہو گا جبکہ فی سواری سے 40 روپیہ کرایہ لینا ہوگا تو کل رقم ہمیں سواریوں سے 880 روپیہ ملے گی جبکہ صرف فیول اور اڈہ فیس کی مد میں 900 روپیہ خرچ ہوگا باقی گاڑی کی مرمت اور کنڈیکٹر ڈرائیور کی دیہاڑی الگ سے ہو گی لہذہ گورنمنٹ ہم پر رحم کرتے ہوئے اڈہ فیس معاف کرکے ساتھ تھوڑی بہت مالی معاونت کرے تب ہمارے گھروں کے چولہے جلینگے ورنہ ہم گاڑیاں روڈ پر نہیں لا سکتے

قصور
چونیاں کے نواحی گاؤں کیتن خورد میں زمین کے تنازعہ پر دو گروپوں میں تصادم
تفصیلات کے مطابق چونیاں کے نواحی گاؤں کیتن خورد میں زمین کے تنازعہ پر مخالفین نے ایک دوسرے پر ڈنڈے چلا دیئے ڈنڈے چلنے سے دو خواتین سمیت نو افراد زخمی ھو گئے لوگوں نے لڑائی کی اطلاع پولیس کو دی پولس نے موقع پر پہنچ کر قابو پایا اور زخمیوں کو بذریعہ ریسکیوں 1122 ہسپتال منتقل کیا پولیس کے پہنچنے پر دونوں پارٹیوں کے افراد بھاگ نکلے پولیس نے مقدمہ درج کرکے تفتیش شروع کردی ہے

قصور
چونیاں کے نواحی دربار شیخ علم دین میں المحسن رائس ملز کے مالک اور ضلع قصور رائس ملز ایسوسی ایشن کے صدر ملک محسن نذیر نے مشکل کی اس گھڑی میں انسانیت کی خدمت کر کے یہ ثابت کیا کہ اس دنیا میں ایسے درد دل رکھنے والے افراد بھی موجود ہیں جو غریبوں کا خیال رکھتے ہیں
گزشتہ دنوں ضلع قصور کی تمام رائس ملز مالکان کا ہنگامی اجلاس زیر صدارت اسسٹنٹ کمشنر چونیاں اور ملک محسن نذیر منعقد ہوا جس میں فیصلہ کیا گیا کہ مستحق افراد کو رائس ملز ایسوسی ایشن کی جانب سے رمضان کے مہینے میں اللہ تعالیٰ کی خوشنودی حاصل کرنے کے لیے غریب اور متوسط طبقے کے افراد کو راشن دیا جائے راشن دینے حوالے سے تقریباً پچاس لاکھ روپے کا رائس ملز ایسوسی ایشن کے طرف سے فنڈ اکٹھا کیا گیا فنڈ اکٹھا کرنے کا مقصد رمضان کے مقدس مہنے میں مستحق خاندانوں کے گھروں میں فی گھر 3 ہزار روپے کا راشن بیگ تیار کر کے بھیجا گیا جس میں چاول آٹا گھی چینی چاے مرچ دالیں شامل ہوں
جس کی سربراہی اسسٹنٹ کمشنر چونیاں عدنان بدر کی نگرانی میں کی گئی جس میں اسسٹنٹ کمشنر عدنان بدر صاحب نےاپنے طور پر راشن پہنچانے کے حوالے سے مختلف ٹیمیں تشکیل دی ان ٹیموں کا مقصد اللہ تعالیٰ کی خوشنودی حاصل کرنے کے لیے مستحقین کو تلاش کرنا اور ان تک یہ راشن پہنچانا اور الحمدللہ یہ راشن مستحق افراد میں شفاف طریقے سے راشن تقیسم کرنے کاسلسلہ جاری ہے

قصور
54 دنوں بعد سڑکوں اور چہروں پر کچھ کچھ رونق کچھ پریشان
تفصیلات کے مطابق ملک بھر کی طرح قصور میں بھی 24 مارچ سے پبلک ٹرانسپورٹ مکمل طور پر بند تھی تاہم آج سے پبلک ٹرانسپورٹ روڈ پر آنے کی اجازت ملی ہے تقریبا 54 دنوں سے پبلک ٹرانسپورٹ بند تھی ٹرانسپورٹ کے چلائے جانے پر کچھ تو خوش ہیں جبکہ کچھ ٹرانسپورٹرز کافی پریشان بھی ہیں کیونکہ گورنمنٹ کی طرف سے جاری کردہ سوشل ڈسٹنسنگ پر عمل درآمد کرتے ہوئے ہی گاڑیاں چلائی جا سکیں گی اس تناظر میں بہت سے ٹرانسپورٹرز اس لئے ہریشان ہیں کے زیادہ فاصلے پر سواریاں بٹھانے سے ڈیزل کا بھی خرچ مشکل سے پورا ہو گا اوپر سے کنڈیکٹر،ڈرائیور کی دیہاڑی اور اڈا فیس الگ سے ہے اسے لئے قصور میں ابھی تک بہت کم ٹرانسپورٹ شروع ہوئی ہے مگر چند ٹرانسپورٹرز جن کی ذاتی گاڑیاں ہیں ان کا کہنا ہے کہ اتنے دنوں سے بے روزگار تھے کچھ نا کچھ تو بچے گا ہی جس سے گھر کا چولہا چلتا رہے گا

قصور میں موٹر سائیکل چور گینگ کے 3 ارکان گرفتار کر لئے گئے کئی موٹر سائیکلیں برآمد
تفصیلات کے مطابق ڈی پی او قصور زاہد نواز مروت کی خصوصی ہدایات پر سی آئی اے قصور پولیس کی کاروائی پر
موٹرسائیکل چوری کی متعدد وارداتوں میں ملوث ذیشان عرف شانی موٹرسائیکل چور گینگ کے تین ارکان کو گرفتار کر کےملزمان کے قبضہ سے چوری شدہ 4 موٹرسائیکل اور ناجائز اسلحہ برآمد کر لیا گیا ہے
ملزمان ذیشان عرف شانی، صدام اور بابر عرف بھولی نے موٹرسائیکل چور گینگ قائم کیا ہوا تھا
ملزمان شہر قصور اور اسکے گردونواح میں پبلک مقامات پر موٹرسائیکل چوری کرتے تھے ملزمان سے مذید تفتیش جاری ہے

قصور
کھڈیاں خاص کے نواحی گاؤں کنھگرانوالہ اور ہمیے والا سے ملحقہ نہر محکمہ انہار کی نااہلی کی وجہ سے پانی کے تیز بہاؤکے باعث ٹوٹ گئی جس سے سینکڑوں ایکڑ فصلیں زیر آب آگئں
تفصیلات کے مطاب کھڈیاں خاص کے نواح کھنگرانوالہ اور ہیمے والس سے ملحقہ نہر محکمہ انہار کی غفلت اور نااہلی کی وجہ سے پانی کے تیز بہاؤ کی وجہ سے اچانک ٹوٹ گئی جس سے سینکڑوں ایکڑ فصلیں زیر آب آگئی ہیں جس بات کرتے ہوئے
متاثرہ کسانوں کا کہنا تھا کہ نہر کا کنارہ رات 8 بجے ٹوٹ گیا تجا مگر اب تک محکمہ انہار کا کوئی آفسر نہ آیا محکمہ انہار کے ملازمین عوام کے ٹیکسز سے گھروں میں بیٹھے تنخواہیں لے رہے ہیں اور ہمارا لاکھوں کا نقصان ان کی بدولت ہو گیا ہے لہذہ محکمہ انہار کے ملازمین کو نوکری سے برخاست
کیا جائے اور ہمارے نقصان کا ازالہ کیا جائے

قصور
متعکفین سخت پریشان مساجد انتظامیہ کی جانب سے اعتکاف کرنے کی اجازت نا ملی زیادہ تر لوگوں نے گزشتہ طاق رات بھی گھر میں ہی گزاری
تفصیلات کے مطابق گورنمنٹ کی جانب سے مساجد میں ایس او پیز پر عمل درامد کروانے کیلئے امام مساجد صاحبان نے متعکفین کو مسجد میں اعتکاف کی اجازت نہیں دی جس پر نیت اعتکاف کرکے مساجد کا رخ کرنے والے سخت مایوس اور پریشان ہوئے ضلع بھر کی چند ایک مساجد میں ہی ایک سے دو متتعکف ہی اعتکاف کر رہے ہیں ورنہ لوگ گھروں میں ہی اعتکاف بیٹھ گئے ہیں جبکہ دوسری جانب مساجد انتظامیہ کا کہنا ہے کہ گورنمنٹ کی طرف سے مساجد میں ایس او پیز کو یقینی بنانے کیلئے ہم پر بہت پریشر ہے اس لئے متعکفین کو مسجد میں اعتکاف کی اجازت نہیں دی گئی جبکہ لوگوں کا کہنا ہے کہ لوگ مساجد میں وضو کرکے منہ ہاتھ صابن سے دھو کر داخل ہوتے ہیں پھر بھی مساجد میں سخت پابندیاں ہیں جبکہ منڈیوں،مارکیٹوں اور گلیوں بازاروں میں لوگ ایک دوسرے کیساتھ جڑے ہوئے ہوتے ہیں وہاں کوئی ایس او پیز لاگوں نہیں ہوتے لہذہ گورنمنٹ مساجد کی بجائے ان جگہوں پر زیادہ توجہ دے مساجد سے شفاء ملتی ہے بیماری نہیں