Baaghi TV

Tag: قصوریات

  • اسسٹنٹ ڈائریکٹر اوقاف کرپشن کا بےتاج بادشاہ ،شہری کے نام پر سینکڑوں کنال جگہ حاصل کر لی

    اسسٹنٹ ڈائریکٹر اوقاف کرپشن کا بےتاج بادشاہ ،شہری کے نام پر سینکڑوں کنال جگہ حاصل کر لی

    قصور
    اسسٹنٹ ڈائریکٹر اوقاف کرپشن کا ماسٹر مائنڈ،کبھی ذمہ داریاں تو کبھی انکوائریاں،شہری کے نام پر جعلی طریقے سے سینکڑوں کنال زرعی زمین ٹھیکہ پر حاصل کرکے کاشت کاری جاری،متاثرہ شہری کی وزیر اعلی سے نوٹس کی اپیل

    تفصیلات کے مطابق اسسٹنٹ ڈائریکٹر محکمہ اوقاف
    حافظ جاوید شوکت کرپشن کا بے تاج بادشاہ نکلا
    اسسٹنٹ ڈائریکٹر محکمہ اوقاف حالیہ تعینات ڈی جی اوقات لاہور نے اپنے عہدے کا ناجائز فائدہ اٹھاتے ہوئے شہری عبدالحمید ولد محمد عنایت رہائشی موضع کھارا کے نام کا شناختی کارڈ، جعلی سائن انگھوٹے لگا کر تکیہ گلاب شاہ کھارا 129 کنال 2023-204 مالی سال اور 24 سے 25 جبکہ دربار بلہے شاہ کا زرعی رقبہ 71 کنال 5 مرلے 2024 سے 2025 تک لیز، ٹھیکہ پر حاصل کرکے کاشت کاری شروع کر رکھی ہے عبدالحمید کو پتہ چلنے پر اس نے سارے وقوعہ کی درخواست 26 جون 24 کو اینٹی کرپشن قصور کو دی جس پر کوئی کاروائی نا ہوئی تو 20 اگست 24 کو وزیر اعلی کمپلین سیل میں درخواست دی گئی اور مؤقف اختیار کیا کہ میرے نام پر جعلی طریقے سے زمین ٹھیکہ پر حاصل کی گئی ہے جس کا مجھے علم نہیں
    مذید اس بابت سیکریٹری اوقاف کو 20 اگست کو درخواست دی گئی جو کہ تاحال بغیر کاروائی کے پڑی ہے
    مجبوری میں مذکورہ شحض نے 22 اکتوبر 2024 کو عدالت اینٹی کرپشن میں رجوع کیا اور ڈی ایس پی قصور سٹی سرکل میں 22 اگست 24 کو درخواست دی تاہم ابھی تک اتنے ماہ گزرنے کے کوئی کاروائی عمل میں نہیں لائی گئی اور نا ہی اسسٹنٹ ڈائریکٹر اوقاف حافظ جاوید کو عہدے سے ہٹایا گیا اور نا ہی متاثرہ شہری کی کوئی شنوائی ہوئی جس سے اسسٹنٹ ڈائریکٹر کے بااثر ہونے کا اندازہ ہوتا ہے
    اس سے قبل حافظ جاوید بطور اسسٹنٹ ڈائریکٹر سنہ 2022 میں معطل بھی رہا ہے
    اور اس کے خلاف بہت بار درخواستیں بھی محکمہ کو ملی ہیں جبکہ 2023 میں بھی انکوائریاں چلتی رہی ہیں
    تاحال اپنے اثرورسوخ کے باعث بچ نکلتا ہے
    متاثرہ شحض عبدالحمید نے وزیراعلی پنجاب ،سیکریٹری اوقاف،ڈی جی اینٹی کرپشن سے ازخود نوٹس لے کر کاروائی کا مطالبہ کیا ہے

  • ڈاکٹر عبد القدوس کھولھر کا صدر و وزیراعظم کو خط

    ڈاکٹر عبد القدوس کھولھر کا صدر و وزیراعظم کو خط

    قصور
    ورلڈ میڈیکل ایسوسی ایشن کے ایسوسی ایٹ رکن ڈاکٹر عبدالقدوس کھوکھر نے آئین پاکستان میں درود و سلام "صَلَّى ٱللّٰهُ عَلَيْهِ وَسَلَّمَ کے مفہوم کے نا مکمل ترجمے میں آئینی ترمیم کے ذریعے درستگی کے لیے پاکستانی صدر، وزیراعظم، چیئرمین سینیٹ، سپیکر قومی اسمبلی اور وفاقی وزیر قانون و انصاف کو خطوط لکھ دیئے

    تفصیلات کے مطابق برطانیہ کی رائل سوسائٹی آف آرٹس کے فیلو اور ورلڈ میڈیکل ایسوسی ایشن کے ایسوسی ایٹ رکن ڈاکٹر عبدالقدوس کھوکھر نے آئین پاکستان میں درود و سلام "صَلَّى ٱللّٰهُ عَلَيْهِ وَسَلَّمَ کے مفہوم کے نا مکمل انگریزی زبان میں ترجمے میں آئینی ترمیم کے ذریعے درستگی کے لئے پاکستانی صدر، وزیراعظم، چیئرمین سینیٹ، سپیکر قومی اسمبلی اور وفاقی وزیر قانون و انصاف کو خطوط لکھ دیئے ہیں
    ان کے موقف کے مطابق، درود و سلام کا جو ترجمہ آئین پاکستان کے انگریزی متن میں دیا گیا ہے اس کی عبارت کچھ یوں ہے
    Peace be upon him
    جبکہ اس ترجمے میں لفظ اللّٰہ موجود نہیں ہے
    مذید یہ کہ پیغمبر اول و آخر، نبی رحمت حضرت محمد (صلی اللہ علیہ وآلہ واصحابہ وسلم) پر درود (blessing) موجود نہیں ہے
    ان کا خطوط کے ذریعے تجویز کردہ ترجمہ کچھ یوں ہے
    May Alla’s blessing and Peace be upon him

  • لائن حاضر پولیس اہلکاروں کی بدمعاشیاں،گھروں میں جا کر تشدد

    لائن حاضر پولیس اہلکاروں کی بدمعاشیاں،گھروں میں جا کر تشدد

    قصور
    لائن حاضر ہونے والے پولیس کے شیر جوان لوگوں کے گھروں میں جا کر توڑ پھوڑ کرکے بلیک میل کرنے لگے،آئی جی پنجاب سے نوٹس کی اپیل

    تفصیلات کے مطابق قصور پولیس کے لائن حاضر شیر جوانوں نے لائن حاضر ہونے کے باوجود شہریوں کے گھروں میں جا کر توڑ پھوڑ،مار پیٹ اور تشدد کیا جس پر شہریوں میں سخت تشویش پائی جا رہی ہے

    گزشتہ رات قصور پولیس سے لائن حاضر ہونے والے اہلکار حاکم علی نے اپنے دو سے تین کس نامعلوم ساتھیوں کے ہمراہ پولیس وردیوں میں امام شاہ کے رہائشی پرویز ولد صوبے خان کے گھر پر یلغار کی اور گھر کے دروازے سمیت گھر میں پڑا سارا سامان بشمول ایل سی ڈی،کیمرے اور فرنیچر وغیرہ توڑ دیا اور گھر سے کچھ سامان اٹھایا اور دھمکیاں لگاتے ہوئے چلا گیا جس پر شہریوں میں سخت تشویش پائی جا رہی ہے
    شہریوں کا کہنا ہے کہ اس طرح لائن حاضر پولیس اہلکار قصور پولیس کی عزت خراب کر رہے ہیں جنہیں فوری طور پر روکا جائے
    متاثرہ خاندان نے ڈی پی او قصور اور آئی جی پنجاب سے انصاف کیساتھ لائن حاضر اہلکاروں کی غنڈہ گردی پر سخت سزا کا مطالبہ کیا پے

  • موسم سرما کی چھٹیاں ختم،افواہیں دم توڑ گئیں،سردی و دھند کی شدت میں مذید اضافہ

    قصور
    بچوں کی موسم سرما کی چھٹیاں ختم،چھٹیاں بڑھنے کی افواہیں دم توڑ گئیں،سردی و دھند کی شدت میں مذید اضافہ

    تفصیلات کے مطابق آج بروز 13 جنوری 2025 سے سکولوں کے طلباء کی موسم سرما کی تعطیلات باضابطہ طور پر ختم ہو گئیں ہیں اور سرکاری سکولوں میں بچوں کی حاضری شروع ہو چکی ہے
    اس سے قبل بہت کم پرائیویٹ سکولوں نے چھٹیاں کیں تھیں زیادہ تر پرائیویٹ سکولوں میں بچوں کو عام کپڑوں میں سکول حاضر ہونے کا پابند میا گیا تھا
    شدید سرد موسم کی وجہ سے تعطیلات میں توسیع کی افواہوں نے جنم لیا تھا جو کہ دم توڑ گئیں تمام افواہیں فیک نکلیں
    موسم کی خرابی کے باعث چھٹیاں 18 جنوری 2025 تک بڑھانے کی افواہیں گردش کر رہی تھیں جس پر سیکرٹری تعلیم خالد نذیر وٹو نے طلباء کی موسم سرما کی تعطیلات میں توسیع کی خبروں کو مسترد کرتے ہوئے کہا کہ چھٹیوں میں توسیع کے حوالے سے آن لائن شیئر کئے جانے والے نوٹیفکیشن جعلی ہیں
    اب جبکہ چھٹیاں ختم ہو چکی ہیں تو موسم پہلے سے مذید سرد ہو چکا ہے اور قصور و گردونواح میں دھند بھی بڑھ گئی ہے جس پر بچوں کو سکول جانے میں مشکلات کا سامنا پیش آیا

  • باغی ٹی وی کی 13 ویں سالگرہ،فارما لنک قصور کا خراج تحسین و مبارکباد

    باغی ٹی وی کی 13 ویں سالگرہ،فارما لنک قصور کا خراج تحسین و مبارکباد

    قصور
    باغی ٹی وی کی 13 ویں سالگرہ کے موقع پر بیورو چیف باغی ٹی وی قصور غنی محمود قصوری اور قصور کی معروف ہول سیل میڈیسن سپلائر کمپنی فارما لنک قصور نے باغی ٹی وی کو خراج تحسین پیش کیا اور نیک تمناؤں کا اظہار کیا

    تفصیلات کے مطابق آج باغی ٹی وی کی 13 ویں سالگرہ کے موقع پر قصور میں باغی ٹی وی کے بیورو چیف قصور غنی محمود قصوری اور قصور کی معروف میڈیسن ہول سیل سپلائر کمپنی فارما لنک نے باغی ٹی وی چینل کو عمدہ اور اعلی صحافتی خدمات ادا کرنے پر خراج تحسین پیش کیا

    غنی محمود قصوری بیورو چیف قصور نے باغی ٹی وی کے سی او سینئیر اینکر پرسن پاکستان مبشر لقمان،باغی ٹی وی کے انچارج نمائندگان ممتاز اعوان اور ڈاکٹر غلام مصطفی بڈانی سمیت باغی ٹی وی کی پوری ٹیم کو مبارکباد پیش کی اور دعا کی اللہ تعالی باغی ٹی وی کو دن دگنی رات چوگنی ترقی عطا فرمائے
    اس موقع پر فارما لنک قصور کے اونر حاجی قاسم نثار بھٹی،حامد یعقوب بھٹی اور ان کی ٹیم حمزہ ظہور بھٹی،فائز شجاع بھٹی،زین اشرف جوئیہ ایڈووکیٹ،رضا اشرف جوئیہ،میاں قربان انصاری،میاں حسیب انصاری،ارتضی سندھو،میاں ناصر انصاری،محمد ارسلان اور ظفر اقبال نے باغی ٹی وی کیلئے نیک تمناؤں کا اظہار کیا اور مبارکباد پیش کرتے ہوئے امید ظاہر کی کہ باغی ٹی وی کی پوری ٹیم حق اور سچ کی صحافت کرے گی اور مظلوم کی آواز بن کر سماج دشمن عناصر کے خلاف آہنی دیوار ثابت ہو گی

  • 22 سالہ نوجوان کی شہہ رگ کٹی لاش،قتل یا خود کشی معمہ حل نا ہو سکا

    22 سالہ نوجوان کی شہہ رگ کٹی لاش،قتل یا خود کشی معمہ حل نا ہو سکا

    قصور
    قتل یا خودکشی تھانہ صدر قصور کے علاقے میں پیش آئے واقعہ کا تعین نا ہو سکا، پولیس مصروف تفتیش،رات 11 بجے نوجوان کو سپرد خاک کر دیا گیا

    تفصیلات کے مطابق گزشتہ دن تھانہ صدر قصور کی حدود کھارا میں تقریباً صبح 8 بجے دن مقامی رہائشی نوجوان عدیل ولد سلیم انصاری بعمر 22 سال کو اپنے گھر میں بستر پر شہہ رگ کٹی کیساتھ پایا گیا جس کی چند سانسیں باقی تھیں
    فوری طور پر پولیس تھانہ صدر قصور کو مطلع کیا گیا جس نے ریسکیو 1122 کے ذریعے نوجوان کو بلہے شاہ ہسپتال قصور پہنچایا جہاں اس کی موت کی تصدیق ہو گئی
    پولیس نے لاش قبضہ میں لے کر جائے وقوعہ پر کرائم سین کو طلب کیا جس نے شواہد اکھٹے کئے اور بیانات قلم بند کئے
    پوسٹ مارٹم کے بعد تقریباً رات دس بجے لاش ورثاء کے حوالے کی گئی اور رات گیاراں بجے نوجوان عدیل کو نماز جنازہ کے بعد سپرد خاک کر دیا گیا
    تاہم ابھی تک یہ معمہ حل نہیں ہو سکا کہ یہ قتل کی واردات ہے کہ خودکشی کی
    پولیس تھانہ صدر مصروف کاروائی ہے

  • دیسی گھی کی مٹھائیوں اور دریائی مچھلی کے نام پر لوگوں کی جیبوں پر ڈاکہ

    دیسی گھی کی مٹھائیوں اور دریائی مچھلی کے نام پر لوگوں کی جیبوں پر ڈاکہ

    قصور
    دیسی گھی کی مٹھائی،قصوری مچھلی کے نام پر فراڈ،چکن کی قیمتوں میں کمی کے باوجود ہوٹل مالکان کی من مانی،شہر قصور میں آنے والے زائرین و سیاح حضرات کو لوٹنے لگے

    تفصیلات کے مطابق قصور شہر میں آنے والے سیاحوں اور دربار بابا بلہے شاہ پر آنے والے زائرین کو قصور کے کچھ نام نہاد دکاندار بڑی بیدردی سے لوٹ رہے ہیں
    دیسی گھی کی مٹھائیوں کے نام پر ڈالڈہ گھی اور سینٹ ملا کر دیسی گھی کا نام دے کر لوگوں کو مٹھائیاں بیچی جا رہی ہیں اسی طرح قصوری مچھلی جو کہ قصور کے دریا ستلج کے نام سے منسوب کرکے بیچتے ہیں،حقیقتا فارمی مچھلی ہوتی ہے جسے لوگوں کو بے وقوف بنا کر مہنگا بیچا جاتا ہے اور قصور شہر کا نام بدنام کیا جا رہا ہے
    اسی طرح چکن کی قیمتوں میں اضافے کے پیش نظر ہوٹل مالکان نے کڑاھی گوشت و باربی کیو وغیرہ کی قیمتوں میں بے تحاشہ اضافہ کیا تاہم اب چکن کی قیمتوں میں کافی کمی کے باوجود کسی نے بھی کڑاھی گوشت و دیگر چکن آئٹمز کی قیمتوں میں کمی نہیں کی جو کہ سراسر زیادتی ہے
    شہریوں نے کمشنر قصور،ڈپٹی کمشنر قصور سے فوری نوٹس لے کر کاروائی کا مطالبہ کیا ہے

  • صاف ستھرا پروگرام ناکام ،قوم کے اربوں روپیہ برباد

    صاف ستھرا پروگرام ناکام ،قوم کے اربوں روپیہ برباد

    قصور
    پنجاب حکومت کا صاف ستھرا پنجاب پروگرام ناکام ہو گیا، سینما موڑ عیدے شاہ روڈ نزد عیدے شاہ قبرستان سمیت شہر بھر میں کوڑے کرکٹ کے ڈھیر لگ گئے، بدبو اور تعفن کے باعث علاقہ مکینوں کا جینا محال ہو گیا، شہریوں نے وزیر اعلیٰ پنجاب، صوبائی وزیر بلدیات، چیف سیکرٹری پنجاب اور ڈپٹی کمشنر قصور سے فوری نوٹس لے کر شہر میں صفائی ستھرائی کے نظام کو بہتر بنانے اور ذمہ داران کے خلاف سخت کارروائی کا مطالبہ کیا ہے

    تفصیلات کے مطابق حکومت پنجاب کا صاف ستھرا پنجاب پروگرام متعلقہ ٹھیکیداروں کی نااہلی اور غفلت کے باعث ناکام ہو گیا ہے
    شہر بھر میں صفائی ستھرائی کا نظام بہتر ہونے کی بجائے مزید ابتر ہو گیا ہے جس کے باعث پورے شہر سمیت مشتاق کالونی عیدے شاہ روڈ و دیگر ملحقہ آبادیوں میں جگہ جگہ کوڑے کرکٹ کے ڈھیر لگ گئے ہیں جنہیں باقاعدگی سے اٹھایا نہیں جا رہا
    علاقہ مکینوں کو ان گندگی کے ڈھیروں سے بدبو اور تعفن کے باعث پریشانی کا سامنا ہے اور علاقہ میں مہلک امراض کے پھیلنے کا خدشہ ہے
    عیدے شاہ روڈ میں کوڑے کرکٹ کا ڈھیر لگا رہتا ہے جسے اٹھانے کی زحمت گوارا نہیں کی جاتی
    شہریوں کا کہنا ہے کہ صفائی ستھرائی کے نظام میں بہتری آنے کی بجائے مذید ابتر ہوا ہے کیونکہ ان کو کوئی پوچھنے والا نہیں ہے جس نے شہر کو صاف ستھرا کرنے کی بجائے شہر کو کوڑے کرکٹ کے ڈھیروں میں تبدیل کر دیا ہے اسی طرح نالوں اور نالیوں کی صفائی بھی نہیں کی جا رہی اور سیوریج کا پانی نالوں اور نالیوں سے ابل کر سڑکوں اور گلیوں میں آجاتا ہے اور پھر گھروں میں داخل ہو رہا ہے
    صاف ستھرا پنجاب پروگرام صرف ایک تشہیری مہم ثابت ہوا ہے جس پر عوام کا اربوں روپیہ ضائع کیا جا رہا ہے شہریوں نے وزیر اعلیٰ پنجاب، صوبائی وزیر بلدیات، چیف سیکرٹری پنجاب اور ڈپٹی کمشنر قصور سے فوری نوٹس لے کر شہر میں صفائی ستھرائی کے نظام کو بہتر بنانے اور ذمہ داران کے خلاف سخت کارروائی کا مطالبہ کیا ہے

  • پولیس نے شاملات جگہ پر قبضہ کروانے کی کوشش کی،اہلیان علاقہ کا ڈی پی او سے نوٹس کا مطالبہ

    پولیس نے شاملات جگہ پر قبضہ کروانے کی کوشش کی،اہلیان علاقہ کا ڈی پی او سے نوٹس کا مطالبہ

    قصور
    پولیس کی موجودگی میں شاملاٹ جگہ پر قبضہ کی کوشش ناکام،اہلیان علاقہ کا ڈی ہی او قصور سے نوٹس لینے کا مطالبہ

    تفصیلات کے مطابق گزشتہ دن تھانہ راجہ جنگ کی حدود میں واقع موضع رام تھمن میں متعلقہ پولیس نے گاؤں کے چند لوگوں ساتھ مل کر شاملاٹ جگہ پر قبضہ کروانا چاہا جہاں کبھی کنواں ہوتا تھا اور جو جگہ گاؤں والوں نے خوشی اور غمی کے لئے مختص کی ہوئی تھی عدالتی احکامات کے باوجود قبضہ کروانے کیلئے اے ایس آئی آصف و دیگر نفری پہنچی تو اہلیان علاقہ نے متعلقہ پٹواری اور تحصیلدار کو بلایا جنہوں نے پولیس کو بتایا کہ ابھی کورٹ آرڈز کے مطابق یہ جگہ شاملاٹ ہے اور کوئی بھی اس پر قبضہ نہیں کر سکتا
    اہلیان علاقہ نے پولیس کی موجودگی میں جگہ پر قبضہ کرنے کی ویڈیو سوشل میڈیا پر وائرل کر دی اور ڈی پی او قصور سے ایکشن لینے کا مطالبہ کیا

  • پاسپورٹ آفس رشوت کا گڑھ،بغیر رشوت کام ہونا ناممکن

    قصور
    پاسپورٹ آفس قصور رشوت کا گڑھ، آفس کے سیکیورٹی گارڈز رشوت لینے میں ہراول دستے کا کردار ادا کر رہے ہیں،سالوں سے میڈیا و سوشل میڈیا پر سیکیورٹی گارڈز کی رشوت لینے کی سینکڑوں بار ویڈیوز وائرل ہوئیں تاہم سیکیورٹی عملے اور پاسپورٹ آفس عملے کے خلاف کاروائی نا ہو سکی،قصور کی عوام کا وزیر اعلی پنجاب سے نوٹس کا مطالبہ

    تفصیلات کے مطابق قصور پاسپورٹ آفس رشوت کا گڑھ بن چکا ہے جہاں بغیر رشوت کے کام ہونا کسی معجزے سے کم نہیں
    پاسپورٹ آفس کا سیکیورٹی عملہ رشوت لینے میں ہراول دستے کا کردار ادا کرتا ہے اور بغیر کسی ڈر اور خوف کے لوگوں سے رشوت وصول کرتا ہے جبکہ پاسپورٹ آفس کے قیام سے ابتک سینکڑوں بار سیکیورٹی عملہ کی رشوت لیتے ہوئے ویڈیوز میڈیا و سوشل میڈیا پر وائرل ہوئی ہیں تاہم کسی بھی سکیورٹی گارڈ و پاسپورٹ عملے کے خلاف کوئی بھی کاروائی نہیں ہو سکی جس سے ان کے بااثر ہونے کا اندازہ لگایا جا سکتا ہے
    ایک ویڈیو میں قصور پاسپورٹ آفس میں سیکیورٹی گارڈ کو 14000 بطور رشوت میں ایک عورت ساتھ ڈیل کرتے دیکھا اور سنا جا سکتا ہے تاہم کوئی کاروائی عمل میں نہیں لائی گئی اور شاید ہو گی بھی نہیں کیونکہ یہ معمول کا کام بن چکا ہے
    سیکیورٹی عملہ و پاسپورٹ آفس عملہ آفس بننے سے ابتک بڑے ڈھرلے سے بغیر کسی ڈر اور خوف کے رشوت لے رہا ہے کیونکہ سینکڑوں بار میڈیا پر ویڈیوز آنے پر بھی ایک معمولی سیکیورٹی گارڈ تبدیل نہیں کیا گیا تو دیگر عملے کے خلاف کیا کارروائی ہو گی
    شہریوں نے وزیر اعلی پنجاب سے نوٹس لے کر پاسپورٹ آفس کے سارے راشی عملے سے جان چھڑوانے کا مطالبہ کیا ہے