Tag: قصوریات

قصور

مزدور آج کے دور میں بھی اپنے حق سے محروم،کم سے کم تنخواہ 35 ہزار کی بجائے 18 سے 25 ہزار،مزدور طبقہ سخت پریشان

تفصیلات کے مطابق سابقہ گورنمنٹ نے چند ماہ قبل کم سے کم تنخواہ 35 ہزار ماہورا کا نوٹیفکیشن جاری کیا تھا تاہم اتنے ماہ گزرنے کے باوجود اس پہ عملدرآمد نہیں ہو رہا
قصور کے ارد گرد مختلف قسم کی فیکٹریاں ابھی تک نئے بھرتی ہونے والے ورکروں اور ہیلپروں کو 18 سے 25 ہزار ماہوار تنخواہ دے رہی ہیں مذید ستم ظریفی یہ کہ مزدوروں کو کئی کئی ماہ تنخواہیں نہیں دی جاتی جس کے باعث مہنگائی کے مارے مزدور فاقوں پہ مجبور ہیں
واضح رہے کہ زیادہ تر انڈسٹری آئی ایس او رجسٹرڈ نہیں اس لئے وہاں انڈسٹری مالکان کی چلتی ہے اور ان فیکٹریوں میں نا تو مزدور کو صحت کی سہولیات میسر ہیں نا ہی بچوں کیلئے تعلیم کی سہولیات
مذید ستم یہ کہ ان فیکٹریوں میں مزدور کو یونین بھی نہیں بنانے دی جاتی جس کے باعث مزدور آج بھی اپنے حق سے محروم ہے
بعض فیکٹریوں میں آٹھ گھنٹے کی بجائے باراں گھنٹے تک کام لیا جاتا ہے اور اوور ٹائم نہیں دیا جاتا اور نا ہی سالانہ بونس
مزدوروں نے موجودہ حکومت سے ایسی انڈسٹری مالکان کے خلاف سخت کاروائی کا مطالبہ کیا ہے

قصور
ضلع بھر کے بیشتر شہروں دیہاتوں میں سٹریٹ لائٹس کا نام و نشان تک نہیں،لوگوں نے اپنی مدد آپکے تحت گلیوں بازاروں کو روشن کر رکھا تھا،بجلی مہنگی،لوگوں نے باعث مجبوری سٹریٹ لائٹس جلانا چھوڑ دیں،چوری ڈکیتی میں اضافہ

تفصیلات کے مطابق ضلع قصور کے بیشتر شہروں و دیہاتوں میں سٹریٹ لائٹس کا نام و نشان ہی نہیں ہے خاص کر ضلع قصور کا کوئی ہی گاؤں ہو گا جہاں سرکاری سٹریٹ لائٹس لگی ہو وگرنہ گاؤں دیہات مکمل طور پہ سرکاری سٹریٹ لائٹس سے محروم ہیں
ان گلیوں بازاروں کو رات کی تاریکی میں روشن رکھنے کے لئے شہریوں نے اپنی مدد آپ کے تحت سٹریٹ لائٹس لگا رکھی تھیں اور اپنے گھروں و دکانوں کے میٹروں سے سٹریٹ لائٹس جلاتے تھے تاہم بجلی اب اس قدر مہنگی ہو گئی کہ لوگ بل ادا نہیں کر پا رہے اور اب مجبور ہو کر لوگوں نے سٹریٹ لائٹس بند کر دی ہیں جس سے روشن گلیاں بازار تاریکی میں ڈوب جاتے ہیں اور اسی تاریکی و اندھیرے کے باعث چوریوں ڈکیتیوں کی وارداتوں میں نمایا اضافہ ہوا ہے
شہریوں نے اپیل کی ہے کہ کم از کم سٹریٹ لائٹس کی سہولت تو سرکاری طور پہ دی جائے

قصور
ٹی ایچ کیو چونیاں میں انسانیت کی تذلیل کا انوکھا واقعہ،لاوارث بے سہارا مریض کو ہسپتال سے باہر سڑک پہ پھینک دیا گیا،ویڈیو وائرل،عملہ مریض کو پھینکتے وقت مسکراتا رہا،عوامی غم و غصہ شدید

تفصیلات کے مطابق ضلع قصور کی تحصیل چونیاں کے ٹی ایچ کیو ہسپتال میں انسانیت کی تذلیل کا انوکھا واقعہ پیش آیا ہے جس کی ویڈیو سوشل میڈیا پہ وائرل ہوئی ہے
ایک لاوارث زیر علاج شحض کو ورثاء نا آنے پہ ہسپتال عملہ نے ہسپتال سے باہر سڑک پہ پھینک دیا اور پھینکنے والا عملہ مسکرا بھی رہا ہے
ویڈیو سوشل میڈیا پہ وائرل ہونے سے پورے ملک میں اس واقعہ پہ غم و غصہ پایا جا رہا ہے اور لوگوں نے ڈپٹی کمشنر قصور،وزیر اعلی پنجاب سے ازخود نوٹس لے کر ذمہ داران ڈاکٹروں و عملے کے خلاف سخت سے سخت کاروائی کا مطالبہ کیا ہے اور متاثرہ لاوارث شحض کے فوری علاج کا مطالبہ بھی کیا ہے

قصور
6 ستمبر یوم دفاع پاکستان کے موقع پہ سرکاری اداروں میں تقاریب،شہداء کو خراج تحسین،دعائے مغفرت و درجات کی بلندی کی دعائیں

تفصیلات کے مطابق ملک بھر کی طرح آج ضلع قصور میں بھی 6 ستمبر یوم دفاع پاکستان ملی جوش و جذبے سے منایا جا رہا ہے
سرکاری دفاتر ،سکولوں کالجوں میں شہداء 65 کو خراج تحسین پیش کیا جا رہا ہے اور ان کی درجات کی بلندی کی دعائیں بھی کی جا رہی ہیں
سرکاری افسران سمیت عام عوام نے بھی گنج شہداء مصطفی آباد للیانی میں شہداء کی قبروں پہ حاضری دی اور ان کے درجات کی بلندی کی دعا کی
شہریوں کا کہنا ہے کہ جنگ 1965 کے شہداء و غازیان کا اہلیان پاکستان پہ بہت بڑا احسان ہے کہ جنہوں نے دشمن کو ناکوں چنے چبوائے اور ان کے عزائم کو خاک میں ملایا اور ان شاءاللہ مستقبل میں بھی کبھی دشمن نے ایسی جرات کی تو ہماری عوام اپنی عوام کیستاھ مل کر دشمن کو سبق سکھائے گی جس کی حالیہ مثال 27 فروری 2019 ہے

قصور
خاتون منشیات فروش گرفتار،منشیات برآمد ،مقدمہ درج

تفصیلات کے مطابق ڈی پی قصور طارق عزیز سندھو کی منشیات فروش پر گرفت کسنے کی خصوصی ہدایت
پر عمل کرتے ہوئے قصور پولیس نے منشیات فروشوں کے خلاف کریک ڈاؤن تیز کر دیا ہے
ڈی ایس پی سی آئی اے قصور سلیم اللہ لاشاری کی سربراہی میں سب انسپکٹر ساجد محمود نے خاتون منشیات فروش ملزمہ کو گرفتار کر لیا
کوٹ غلام محمد قصور کی ملزمہ بلقیس بی بی عرف بھٹنی عرصہ دراز سے منشیات فروشی کا کام کر رہی تھی
گرفتار ملزمہ کے قبضہ سے 1600 گرام چرس، 200 گرام ہیروئن اور 40000 روپے نقدی رقم برآمد ہوئی ہے جسے قبضہ میں لے کر مقدمہ درج کر لیا گیا ہے
ملزمہ شہر قصور میں منشیات فروشی کا مکروہ دھندہ کرتی تھی

قصور
اردل روم میں
ڈی پی او قصور طارق عزیز سندھو کا سخت ایکشن
اردل روم میں 22 اہلکاروں کو مختلف سزائیں دی گئیں
ڈی پی او قصور طارق عزیز سندھو نے گزشتہ دن اپنے آفس میں اردل روم کا انعقاد کیا
جس میں ضلع بھر سے پولیس اہلکاروں نے فزیکل اور آن لائن ویڈیو لنک کے ذریعے شرکت کی
ڈیوٹی سے غیر حاضری پر 2 کانسٹیبلز اور 3 لیڈی کانسٹیبلز کو ایک سال سروس ضبطگی، ایک ٹریفک وارڈن کو جرمانہ جبکہ 9 اہلکاروں کو سنشور کی سزائیں
دی گئیں ناقص کارکردگی پر تین ASI کی ایک سال سروس ضبطگی اور سنشور کی سزائیں دیں گئیں
ناقص تفتیش پر چار سب انسپکٹر کو ایک سال سروس ضبطگی اور ایک سال انکریمنٹ سٹاپ کی سزائیں دی گئی
ڈی پی او نے کہا کہ نااہل، کام چور اور بددیانت اہلکاروں کی محکمہ میں کوئی گنجائش نہیں

قصور
جماعت اسلامی کی کال پہ شٹر ڈاؤن پہیہ جام ہڑتال،تمام مکتبہ فکر کے لوگوں کا ساتھ دینے کا فیصلہ

تفصیلات کے مطابق جماعت اسلامی پاکستان کی طرف سے بڑھتی ہوئی مہنگائی ، بجلی کے بلوں اور پیٹرول پر ناجائز ٹیکسوں کے خلاف آج بروز ہفتہ بتاریخ 2 ستمبر کو ملک گیر پہیہ جام اور شٹر ڈاون ہڑتال ہے
اس ہڑتال کی قصور میں تاجر برادری نے مکمل حمایت کی ہے اور ٹرانسپورٹ بند رکھنے کا عزم کیا ہے
اور گورنمنٹ سے مہنگائی کو کم کرنے کا مطالبہ کیا ہے
جماعت اسلامی کے زیر سایہ دیگر جماعتوں کے ساتھ مل کر آج
دن 11 بجے مسجد نور چوک قصور شہر
سے پر امن ریلی نکالی جائے گی جس میں تمام سیاسی و مذہبی جماعتوں کے قائدین خطاب فرمائیں گے
شہر بھر کی تاجر برادری ،وکلا،صحافی، علماء کرام و ہر مکتبہ فکر کے لوگوں سمیت عام شہریوں نے ریلی میں شرکت کا اعلان کیا ہے اور گورنمنٹ سے ہوش کے ناخن لینے کی اپیل کی ہے اور مطالبہ کیا ہے کہ اشرافیہ کی عیاشیاں ختم کرکے مہنگائی کو کم کیا جائے بصورت دیگر حکمران برے انجام کے لئے تیار رہیں

قصور
پیٹرولیم مصنوعات میں اضافہ ہوتے ہی چینی،سبزیاں،پھل گوشت و دیگر ضروریات زندگی کی قیمتوں میں تاریخی اضافہ،لوگ چوری ڈکیتی و دیگر جرائم کرنے پہ مجبور،حکمران عیاشیوں میں مگن،عوامی غم و غصہ کسی بھی وقت خانہ جنگی میں بدل سکتا ہے،حکمرانی کرنے والے ہوشیار رہیں

تفصیلات کے مطابق 2018 سے بے قابو ہونے والے مہنگائی کے جن نے غریبوں کا جینا نا صرف مشکل بلکل ناممکن بنا دیا ہے
آئے روز کی طرح گزشتہ شب بھی رات کی تاریکی میں گورنمنٹ کی طرف سے عوام پہ پیٹرول بم چلایا گیا ہے
پیٹرولیم مصنوعات کی قیمتوں میں اضافے کے ساتھ ہی چینی،گھی،دالیں،آٹا،سبزیاں ،پھل و دیگر ضروریات زندگی کی قیمتوں میں بے تحاشہ اضافہ ہو گیا ہے جس کے باعث اب یہ چیزیں غریب لوگوں کی پہنچ سے بہت دور چلی گئی ہیں اور لوگ مجبور ہو کر جرائم کی طرف جا رہے ہیں جس کا سارا وبال 2018 سے مہنگائی کو ٹاپ گئیر لگانے والی عمران گورنمنٹ ،شہباز گورنمنٹ اور اب نگران کاکڑ گورنمنٹ کو جاتا ہے کہ جنہوں نے نا تو اپنی کابینہ کم کی نا ہی مراعات بلکہ ان میں مذید اضافہ کیا اور مہنگائی کے بوجھ تلے عوام کو مارا
اس وقت عوامی غم و غصہ اس انتہاء کو پہنچ چکا ہے کہ خدانخواستہ کسی بھی وقت ملک میں خانہ جنگی چھڑ سکتی ہے کیونکہ اب لوگوں میں برداشت ختم ہو چکی ہے
لوگ زندہ رہنے کے لئے غیر قانونی کاموں کا سہارا لینے پہ مجبور ہو چکے ہیں
جب سے مہنگائی نے زور پکڑا ہے لوگ چوریوں ڈکیتیوں پہ مجبور ہو کر جرم کر رہے ہیں
عوامی رائے کے مطابق
حکمرانوں کی عیاشیوں نے جینا دو بھر کر دیا ہے جس کے خطرناک نتائج نکل سکتے ہیں اور عوام پہ حکمرانی کرنے والے زیر عتاب آ سکتے ہیں لہٰذہ اشرافیہ اپنی عیاشیاں ختم کرکے عوام کو ریلیف دے ورنہ تیار رہے

قصور
مقامی صحافی کے کزن کیساتھ ہوئی ڈکیتی کی واردات کے ملزمان پکڑے گئے، موٹر سائیکل و نقدی بھی برآمد ہوئی تاہم متاثرہ شہری کو کچھ واپس نا ملا،پولیس ٹال مٹول سے کام لینے لگی،ڈی پی او قصور سے انصاف کی اپیل

تفصیلات کے مطابق مقامی صحافی میاں خلیل صدیق کے کزن کیساتھ چند ماہ قبل واردات ہوئی جس کی ایف آئی آر درج ہے اور ملزمان پکڑے بھی جا چکے ہیں اور مال مسروقہ بھی برآمد ہو گیا تاہم پولیس مال مسروقہ دینے سے انکاری ہے

ابتسام ولد احمد علی قوم آرائیں سکنہ کوٹ غلام محمد قصور 6/2/23 کو کاروبار کے سلسلے میں موضع نول گاؤں سے قصور کی جانب جا رہا تھا کہ کھارا موڑ کے نزدیک ڈاکوؤں نے اسلحہ کے زور پہ 50000 سے زائد نقدی اور موٹر سائیکل چھین لی اور فرار ہو گئے جس کی اطلاع تھانہ صدر کو دی گئی اور ایف آئی آر درج کروائی گئی
ایف آئی آر درج ہونے کے بعد ملزمان پکڑے گئے جنہوں نے واردات کا اقرار بھی کیا اور موٹر سائیکل و نقدی برآمد کروائی تاہم ابھی تک پولیس کی جانب سے متاثرہ شہری کو نا تو موٹر سائیکل ملی ہے نا ہی رقم ملی ہے جبکہ متاثرہ شخص کی طرف سے بار بار مطالبے پہ ٹال مٹول سے کام لیا جا رہا ہے
تھانہ صدر قصور رابطہ کرنے پہ تفتیشی افسر تنویر کہتا ہے کہ ایس ایچ او میاں جسیم نے رقم و موٹر سائیکل برآمد کرلی ہے اور وہ دے گا جبکہ ایس ایچ او کہتا ہے کہ موٹر سائیکل و نقدی تفتیشی دے گا
اس ساری صورتحال پہ متاثرہ شہری سخت پریشان ہے
متاثرہ شہری نے ڈی پی او قصور سے انصاف کی اپیل کی ہے