Tag: قصوریات

قصور
بجلی جانے کے ساتھ ساتھ موبائل انٹرنیٹ کی بھی چھٹی، زیادہ تر دیہی علاقوں میں بجلی جاتے ہی انٹرنیٹ سروس معطل ہو جاتی ہے،سیلولر کمپنیاں بے لگام،پی ٹی اے خاموش تماشائی،صارفین پریشان

تفصیلات کے مطابق جہاں عوام پاکستان کو ہر محکمے نے تنگ کرکے رکھا ہے وہاں پرائیویٹ کمپنیاں بھی عوام پاکستان کو خوب رگڑتی ہیں
سہولیات کے نام پہ لوگوں سے فراڈ کیا جاتا ہے اور ساری توجہ عوام کی جیب سے پیسہ نکلوانے پہ مرکوز رکھی جاتی ہے
قصور ضلع بھر میں جہاں عوام بار بار کی لوڈشیڈنگ سے تنگ ہے وہیں بیشتر علاقوں بالخصوص دیہی علاقوں میں لوگ موبائل فون انٹرنیٹ سروس سے بھی بہت تنگ ہیں
بجلی جاتے ہی انٹرنیٹ سروس معطل ہو جاتی ہے
لوگوں نے بارہا کمپنیوں کو شکایت بھی کی ہے مگر سیلولر کمپنیوں کے کان پہ جو تک نہیں رینگتی جبکہ ساری صورتحال سے باخبر قومی ادارہ پی ٹی اے بھی خاموش تماشائی بنا بیٹھا ہے
صارفین نے پی ٹی اے سے درخواست کی ہے کہ خدارا کمپنیوں کو پابند کیا جائے کہ صارفین کو انٹرنیٹ کی مکمل سہولت دی جائے جو کہ ان کا حق ہے کیونکہ کمپنیاں پیکجز کی مد میں پیسے کاٹتی ہیں مفت میں انٹرنیٹ سروس مہیا نہیں کرتیں

قصور
لوڈڈ ٹریکٹر ٹرالیاں لوگوں کیلئے موت کا پیغام، کل ایک اور حادثے میں ٹریکٹر ٹرالی سے رکشہ ٹکرانے سے رکشہ ڈرائیور جانبحق،بچے زخمی،ضلعی انتظامیہ سے لوڈڈ ٹریکٹر ٹرالیوں کا روڈ پہ آنے کا ٹائم شیڈول بنانے کا مطالبہ

تفصیلات کے مطابق قصور کی تحصیل کوٹ رادھاکشن کے نواحی علاقہ ہٹڑیاں چوک کے قریب کل لوڈڈ ٹریکٹر ٹرالی نے سکول کے کو ٹکر مار کر کچل ڈالا جس سے رکشہ ڈرائیور خادم موقع پہ ہی جانبحق ہو گیا اور 5 بچے شدید زخمی ہوئے جنہیں علاج کیلئے ٹی ایچ کیو منتقل کیا گیا جبکہ حادثہ کے بعد
ٹریکٹر ٹرالی کا ڈرائیور وقوعہ سے فرار ہونے میں کامیاب ہو گیا
زخمی بچوں احتشام،زاھدہ،اقرا، نور فاطمہ اور حسنین کا ہسپتال میں علاج جاری ہے
کوٹ رادھا کشن پولیس نے ٹریکٹر ٹرالی قبضہ میں لیکر ڈرائیور کی تلاش شروع کر دی ہے
قصور ضلع بھر کی سڑکوں پہ دن رات لوڈڈ ٹریکٹر ٹرالیاں دندناتی پھرتی ہیں جن کا کوئی ٹائم شیڈول نہیں
ان ٹریکٹر ٹرالیوں کے ساتھ ابتک کئی حادثات رونما ہونے سے کی افراد جانبحق ہو چکے ہیں
شہریوں نے ضلعی انتظامیہ سے مطالبہ کیا ہے کہ ان ٹریکٹر ٹرالیوں کا ٹائم شیڈول بنایا جائے تاکہ لوگ حادثات سے بچ سکیں

قصور
خون سفید ہو گیا،گزشتہ ماہ قتل ہونے والے 42 سالہ شحض کا قاتل سگا بیٹا اور سگا بھائی ہی نکلا،ملزمان کا اعتراف جرم

تفصیلات کے مطابق خون سفید ہونے کی واضع نشانی عملی طور پہ قصور کے علاقے میں دیکھنے کو ملی
قصور کی تحصیل چونیاں کے تھانہ چھانگا مانگا کی حدود چکوکی سے 29 نومبر کو 42 سالہ جاوید اقبال کی لاش برآمد ہوئی جسے نامعلوم افراد نے قتل کر کے پھینک دیا تھا
واقعہ کی اطلاع پا کر ایس ایچ او تھانہ چھانگا مانگا افتخار حسین نے لاش کو قبضہ میں لے کر قانونی کاروائی کا آغاز کیا اور تفتیش کا دائرہ کار بڑھاتے ہوئے مقتول کے سگے بیٹے شاہد اور بھائی حسیب کو شامل تفتیش کیا تو پتہ چلا کہ ملزمان نے جائیداد کی خاطر جاوید اقبال کو قتل کیا ہے
ملزمان نے اپنے جرم کا اعتراف کر لیا
قلیل وقت میں اندھے قتل کا سراغ لگانے پر ڈی پی او قصور سید عمران کرامت نے ایس ایچ او تھانہ چھانگا مانگا اور ان کی ٹیم کو شاباش دی

قصور
ٹی ایچ کیو ہسپتال چونیاں میں ہڑتال ختم کر دی گئی،تمام معمالات طے پا گئے
تفصیلات کے مطابق،عوام کی خدمت شروع
چونیاں ٹی ایچ کیو ہسپتال میں او پی ڈی بند کا معاملہ سی ای او ہیلتھ قصور ڈاکٹر اظہر نقوی اور سیکرٹری ہیلتھ ڈاکٹر ارشاد کی مداخلت پر چونیاں کے تاجروں اور شہریوں کے احتجاج کی کال کے بعد تمام ہسپتال کی او پی ڈی کھول دی گئی
سیکرٹری ہیلتھ سے تاجروں اور شہریوں نے پرزور مطالبہ کیا ہے کے ایم ایس کو فل فور ہٹایا جائے کیونکہ یہ 17 گریڈ کا ملازم ہے یہاں پر جو دوسرے ڈاکٹر ہیں وہ 18 گریٹ کے ہیں وہ اس کی بات کو فالو نہیں کرتے اس لیے آئے روز اس طرح کے معاملات سامنے آرہے ہیں اور اس کے خلاف جنسی ہراسمنٹ کی لاتعداد ایپلیکیشن ہے جن میں گنہگار بھی ثابت ہو چکا ہے مقامی عدالت کے فیصلے ہو چکے ہیں

قصور
سردی کی امد سے بیماریوں میں اضافہ،ادویات ساز کمپنیوں نے ادویات کی قیمتوں میں پھر اضافہ کر دیا،بیشتر ادویات مارکیٹ سے غائب،گورنمنٹ خاموش تماشائی

تفصیلات کے مطابق سابق گورنمنٹ کی طرح موجودہ گورنمنٹ کے پاس بھی محض دعوے ہی ہیں عملی کام نامی کوئی چیز نہیں
ہر روز نئے سے نیا دعویٰ کیا جاتا ہے جو کہ ریٹ کا گھروندا ثابت ہوتا ہے ملک بھر کی طرح شہر قصور میں بھی
سردی میں اضافہ ہوتے ہی شہریوں میں الرجی، نزلہ،زکام اور بخار جیسی بیماریوں میں اضافہ ہو گیا ہے
جس سے ادویات کی مانگ میں اضافہ ہوا ہے اور اسی بات کا فائدہ اٹھا کر بلیک مارکیٹنگ مافیا نے ادویات نایاب کرکے ادویات کی قیمتوں میں کئی فیصد تک اضافہ کر دیا ہے جس سے مہنگائی کے مارے لوگ مذید پریشان ہو گئے ہیں
بیشتر ادویات مارکیٹ سے غائب کر دی گئی ہیں
ڈریپ،پرائس کنٹرول مینجمنٹ جیسے ادارے چپ سادھ کر خاموش تماشائی بنے بیٹھے ہیں اور ادویات ساز کمپنیوں کو عوام کو لوٹنے کی کھلی چھٹی دے رکھی ہے

قصور
غرباء کیلئے گورنمنٹ کی طرف سے دیا جانے والا
سبسڈائزڈ آٹا بلیک میں فروخت ہونے لگا،شہری سخت پریشان، ضلعی انتظامیہ سے نوٹس کی درخواست

تفصیلات کے مطابق قصور ضلع بھر میں پنجاب گورنمنٹ کی طرف سے غرباء کیلئے دیا جانے والا سبسڈائزڈ آٹا نایاب ہو گیا ہے جو کہ حقداران غرباء کی بجائے عام دکانوں پہ من مانی قیمتوں پہ فروخت ہو رہا ہے
پنجاب گورنمنٹ کی طرف سے 10 کلوگرام کے سرکاری سبسڈائزڈ آٹے کے تھیلے کی قیمت 648 روپیہ مقرر ہے جو کہ غریبوں کو ملنا نصیب ہی نہیں ہوتا اور انہی غرباء کو اپنے گلی محلے کی دکانوں سے 900 روپیہ فی تھیلہ خریدنا پڑتا ہے
ضلعی انتظامیہ قصور کی طرف سے بارہا دعوے کئے گئے کہ سستا آٹا فراہم کیا جا رہا مگر عملاً بات فوٹو سیشن تک ہی محدود ہے
شہریوں نے ڈپٹی کمشنر قصور سے استدعا کی ہے کہ سستا آٹا حقداران غرباء کو مہیا کیا جائے اور سرکاری آٹا من کانے نرخوں پہ بیچنے والوں کے خلاف کاروائی کی جائے

قصور
حکومت کوئی بھی ہو فنڈ جاری ہوا ہے تو کام ہونا چاہیے سابقہ حکومت کی فنڈ جاری کروانے پر مہربانی لیکن موجودہ حکومتی نمائندے بھی کام کروا کر شکریہ کا موقعہ دیں اہلیان مصطفی آباد للیانی قصور

عید الفطر کی نماز کہ بعد مصطفی آباد للیانی کے قبرستان کی چار دیواری کے لیے کیے گئے اعلانات پر کسی قسم کا کوئی عمل درآمد نہ ہو سکا ما سوائے بنیادوں کی کھدائی کے
مصطفی آباد للیانی میں قبرستان کی چار دیواری کا معاملہ ابھی تک بھی حل نہ ہوسکا ہے چند ماہ قبل مصطفی آباد کے قبرستان کی انتظامیہ اور چند سیاستدانوں نے اس کا سنگ بنیاد رکھا اور ساتھ ہی قبرستان کی چار دیواری کا افتتاح بھی کیا لیکن بدقسمتی سے وہ افتتاح اور سنگ بنیاد صرف تصویر کشی کی حد تک رہا حکومت کوئی بھی ہو اگر ایک دفعہ قبرستان کی چار دیواری کا فنڈ جاری ہوچکا ہے تو اس پر قبرستان میں کام ہونا چاہیے مصطفی آباد کی عوام کا مطالبہ ہے کہ جلد سے جلد ترجیحی بنیادوں پہ کام شروع کروا جائے

قصور
چند روز قبل لاپتہ ہونے والا بچہ پولیس نے ساہیوال سے ڈھونڈ کر ورثاء کے حوالے کر دیا

تفصیلات کے مطابق چار دن قبل 11 سالہ علی حیدر کے والد نے تھانہ پتوکی صدر میں اطلاع دی کہ اسکا بیٹا گھر سے غائب ہے اور ڈھونڈنے کے باوجود نہیں ملا
غرضیکہ تمام رشتہ داروں سے پوچھ تاچھ کر لی ہے مگر کوئی سراغ نہیں ملا جس پہ تھانہ پتوکی قصور نے ایف آئی آر نمبری 786/22 درج کرکے کاروائی کا آغاز کر دیا اور محض تین دن میں علی حیدر کو ساہیوال سے برآمد کرکے والدین کے حوالے کر دیا

پولیس نے جدید ٹیکنالوجی استعمال کرتے ہوئے علی حیدر کو ڈھونڈا جس نے پولیس کو بتایا کہ اسے کسی نے اغواء نہیں کیا بلکہ خود ہی ساہیوال پہنچا ہے

علی حیدر کے والدین و اہلیان علاقہ نے پولیس کا شکریہ ادا کیا