Tag: قصوریات

قصور
میونسپل کمیٹی قصور کی ملی بگھت اور نااہلیت نے شہریوں کا جینا دوبھر کردیا ہے جگہ جگہ کھڑا گندہ پانی شہریوں کے لیے وبال جان بن گیا ہے، تعفن سے ڈینگی وائرس جیسی مزید خطرناک ترین بیماریاں پیدا ہوئے کے خدشات ہیں
قصور شہر میں کوڑا کرکٹ اور گندگی کے ڈھیر تمام ذمہ داروں اور بلدیہ قصور کی نا اہلی کا منہ بولتا ثبوت ہے
قصور شہر میں کوڑا کرکٹ اور اور گندگی کے ڈھیر بلدیہ ایڈمنسٹریشن اور ان کے ساتھ ذمہ داروں کی نا اہلی کا منہ بولتا ثبوت ہیں
ان خیالات کا اظہار قصور شہر کے معروف سیاستدان اور سماجی کارکن ڈاکٹر محمد ریاض سوھڈل نے میڈیا نمائندوں کے ساتھ گفتگو کے دوران نے کیا
ان کا مذید کہنا تھا کہ جب تک بلدیاتی الیکشن کا انعقاد نہیں کیا جاتا اور اختیارات نچلی سطح پر منتقل نہیں ہو جاتے قصور شہر کا حال مزید بدترین ہو جائے گا
اور گلی محلوں میں پھیلا ہوا کوڑا کرکٹ اور صفائی کا انتظام بہتر نہیں ہو جاتا بیماریوں کا باعث بنے گا
موجودہ قصور شہر کے سیاستدانوں کی کارکردگی صرف فوٹو سیشن اور دکھاوے پر مبنی ہے قصور شہر کو ایک عوامی نمائندے کی ضرورت ہے عوام کو پچھلے بیس سالوں سے لولی پاپ اور کھوکھلے نعروں سے بیوقوف بنایا جا رہا ہے لیکن اب وقت ہے قصور کی باشعور عوام شعور دینے کا
اب عوام کو مذید بیوقوف نہیں بنایا جا سکتا کبھی برادری کا جھانسا دے کر اور کبھی جذباتی بلیک میلنگ اب یہ سب کچھ نہیں چلے گا
قصور کی عوام اب بالکل جاگ چکی ہے ان موجودہ مداریوں کی ڈگڈیوں کا ڈرامہ نہیں چلنے والا قصور ایک قدیم ضلع ہے اس کی چار تحصیلوں پر غور کیا جائے تو بھی ہمارے شہر قصور کی طرح یتیموں مسکینوں میں شامل ہے تحصیل کوٹ رادھا کشن میں بھی جگہ جگہ گندگی کے ڈھیر نظر آتے ہیں ظاہر سی بات ہے جب قصور شہر ایک ضلع میں میونسپل کمیٹی کی انتظامیہ ناکام رہی ہے تو اس کی تحصیلیں میں کیا حال ہو گا میں وزیراعظم پاکستان میاں شہباز شریف اور وزیر اعلیٰ پنجاب اور سیکرٹری ہیلتھ پنجاب ڈی سی او قصور سے اپیل کرتا ہوں کہ میونسپل کارپوریشن انتظامیہ کی درستگی ضروری ہے جس طرح اپنے مزاج اور اخلاق کی ضرورت ہے مین بازاروں کے راستے صاف کرنے سے شہر کی صفائی نہیں ہو جاتی شہر کے محلہ کی گلیوں میں جانا پڑتا ہے لہذہ ادارہ صفائی کام کرے دکھلاوا نہیں

قصور
ماڈل بازار ،منگل،جمعہ اور اتوار شہریوں کے لئے وبال جان، ٹریفک جام گزرنا محال،شہری پریشان

تفصیلات کے مطابق قصور پرانا لاڑی اڈا میں واقع ماڈل بازار جہاں شہریوں کے لئے بچت کی ایک صورت ہے وہاں شہریوں کے لئے وبال جان بھی بن چکا ہے
انتظامیہ کی نااہلی کے باعث ماڈل بازار کے باہر سڑک پہ تجاوزات سے ٹریفک گھنٹوں جام رہتی ہے جس کے باعث شہریوں کو شدید مشکلات کا سامنا کرنا پڑتا ہے بروز
منگل،جمعہ اور اتوار ماڈل بازار میں لگی دکانوں کے باعث شہری سستے بازار کا رخ کرتے ہیں اور بہت سے دکاندار اپنی دکانیں ماڈل بازار میں لگاتے ہیں مگر انتظامیہ کی نااہلی سے ریڑھی والے سڑک پہ ریڑھیاں لگا لیتے ہیں اور رکشہ والے سڑک کے وسط میں رکشے کھڑے کرتے ہیں جس کے باعث ٹریفک جام ہو جاتی ہے اور گزرنے والوں کو مشکل اٹھانی پڑتی ہے
شہریوں نے ڈپٹی کمشنر قصور سے ازخود نوٹس لینے کی اپیل کی ہے

قصور
ڈی پی او صاحب قصور سید عمران کرامت بخاری اور ایس ڈی پی او چونیاں سرکل فتح احمد کاھلوں کی خصوصی ہدایت پر جعلی کرنسی گینگ گرفتار

تفصیلات کے مطابق ڈی پی او قصور کی ہدایات پر عمل کرتے ہوئے ایس ایچ او تھانہ کنگن پور نے جعلی کرنسی بنانے والے ملزمان سرفراز عرف ڈان سکنہ بستی قطب شاہ اور اسکے ساتھی ملزم عثمان سکنہ اٹاری آکیکے کو گرفتار کر لیا
ملزمان نے عرصہ دراز سے علاقہ میں جعلی کرنسی کا کالا دھندا شروع کر رکھا تھا
جس کے سبب کئ دکانداروں اور سادہ لوح شہریوں کے ساتھ بذریعہ جعلی کرنسی ھاتھ ھونے کی شکایات تھیں
مگر یہ ملزمان اس قدر چالاک, ھوشیار تھے کہ ان کے بارے کبھی کسی کو شک تک نہ ھو سکا
اس سنگین صورتحال کو ایک چیلنج سمجھ کر اس پر مسلسل محنت کے بعد اس گینگ کو رنگے ھاتھوں گرفتار کر کے انکے قبضہ سے تقریبا ایک لاکھ روپے کی جعلی کرنسی برآمدکر کے مقدمہ درج کر دیا گیا ھے
ملزمان سے مزید تفتیش جاری ہے
عرصہ دراز سے اس دھندہ میں ملوث ملزمان کی گرفتاری پر اہل علاقہ بالخصوص تاجر برادری نے سکھ کا سانس لیا ھے
جبکہ ایس ایچ او کا کہنا ہے کہ علاقہ کو منشیات فروشوں، ڈاکوؤں، رسہ گیروں اور جرائم پیشہ افراد سے پاک کرنے کی مہم جاری و ساری ھے عوام کنگن پور کو جرائم سے پاک کرنے میں پولیس کی مدد کریں تاکہ جرائم پیشہ عناصر کے خلاف بلا امتیاز سخت کارروائیوں میں آپ سب کا تعاون درکار ھے سکے

قصور
بابائے صحافت حافظ محمد شریف اشرف کی نماز جنازہ ادا کر دی گئی،صحافیوں،وکلا، سیاسی و سول سوسائٹی کے نمائندوں سمیت ہزاروں افراد کی شرکت

تفصیلات کے مطابق بابائے صحافت قصور،سابق صدر ڈسٹرکٹ پریس کلب قصور معروف سماجی راہنما،بزرگ صحافی حافظ محمد شریف اشرف کل بروز منگل وفات پا گئے تھے جن کی نماز جنازہ آج ان کے آبائی گاؤں گہلن ہٹھاڑ نزد الہ آباد تحصیل چونیاں میں ادا کر دی گئی ہے
ان کی نماز جنازہ گورنمنٹ ہائی سکول گہلن ہٹھاڑ میں ادا کی گئی جس میں وکلاء ،صحافی،سیاسی و سول سوسائٹی کے نمائندوں سمیت ہزاروں افراد نے شرکت کی
اس موقع پہ ہر آنکھ اشکبار تھی اور مرحوم کیلئے مغفرت و بلندی درجات کیلئے دعا گو تھی

قصور
کل روڈ ایکسیڈنٹ میں جانبحق ہونے والے اے سی تحصیل کوٹ رادھا کشن قصور کی نماز جنازہ میں قصور کے شہریوں نے شرکت کی اور دعائے مغفرت کی

تفصیلات کے مطابق کل غنی گیس ملز نزد بائی پاس پھولنگر قصور کے قریب روڈ ایکسیڈنٹ میں جانبحق ہونے والے اے سی تحصیل کوٹ رادھا کشن راجہ قاسم محبوب جنجوعہ کی نماز جنازہ جی او آر 6 لاہور میں ادا کی گئی جس میں ڈی سی قصور فیاض موہل،صوبائی وزیر سردار آصف نکئی سمیت قصور کے کثیر تعداد شہریوں نے شرکت کی
اے سی قاسم محبوب اپنی سرکاری گاڑی ویگو نمبر ایل ای جی 492 پہ پتوکی کی جانب جا رہے تھے کہ کیری ڈبہ کیساتھ حادثہ کا شکار ہوئے انہیں فوری طور پہ پھولنگر منتقل کیا گیا تاہم جانبر ناہو سکے
لاہور میں ان کی نماز جنازہ ادا کرنے کے بعد میت موضع جھگیاں ضلع خوشاب روانہ کر دی گئی

قصور
ضلع بھر کے ٹرانسپورٹرز کی من مانیاں جاری،آئے دن کرایوں میں اضافہ،گورنمنٹ کرایہ نامہ محض دکھاوا

تفصیلات کے مطابق قصور ضلع بھر میں ٹرانسپورٹرز کی من مانیاں جاری ہیں جس سے مہنگائی کے مارے لوگ مذید پریشان ہو کر رہ گئے ہیں
ٹرانسپورٹرز آئے روز کرایوں میں اضافہ کرتے جا رہے ہیں اور نان سٹاپ گاڑیوں کا کہہ کر جگہ جگہ سٹاپ کرکے لوگوں کو پریشان کیا جاتا ہے
قصور سے رائیونڈ کا کرایہ 70 سے 80 روپیہ فی سواری وصول کیا جاتا ہے جبکہ قصور سے بعد تقریباً کل سفر کے نصف آنے والے سٹاپس جبومیل،راؤخانوالہ سے نصف کرایہ لینے کی بجائے 50 روپیہ وصول کیا جاتا ہے
گورنمنٹ کی جانب سے جاری کردہ کرایہ نامہ محض دکھلاوا ہی ہے جبکہ آر ڈی سیکریٹری و ضلعی انتظامیہ کی طرف سے لوگوں کی جانب سے بارہا شکایات کرنے کے باوجود کبھی نوٹس نہیں لیا گیا جس سے ٹرانسپورٹرز اپنی من مانیوں میں پختہ ہو گئے ہیں

لوگوں کا کہنا ہے کہ ڈی سی قصور ازخود نوٹس لے کر کاروائی عمل میں لائیں

قصور
منشیات فروش رنگے ہاتھوں گرفتار

تفصیلات کے مطابق قصور کی تحصیل چونیاں کے شہر کنگن پور میں
بدنام زمانہ ریکارڈ یافتہ منشیات فروش طفیل عرف طوطی ڈوگر 1245 گرام چرس سمیت گرفتار ہوا ہے
ایس ایچ او تھانہ کنگن پور عابد محمود چھینہ نے میڈیا نمائندوں سے بات کرتے ہوئے بتایا کہملزم طفیل عرف طوطی عرصہ دراز سے منشیات فروشی کے دھندہ میں ملوث تھا جس کے سبب علاقہ کے ہزاروں نوجوانوں کی زندگیاں نشہ کی لت کے سبب برباد ہو گئیں
ملزم کی گرفتاری پر اہل علاقہ نے سکھ کا سانس لیا ھے اور اس سے قبل بھی علاقہ کے کئی منشیات فروشوں کو رنگے ھاتھوں گرفتار کیا گیا

علاقہ کو منشیات فروشوں سے پاک کرنے کا مشن جاری ھے اور جرائم پیشہ عناصر کے خلاف بلا امتیاز سخت کارروائیاں جاری رھیں گیں

قصور
مغوی،گم شدہ 35 سالہ عورت کی تلاش جاری،تھانہ صدر قصور نے ڈی پی او قصور و ہائیکورٹ لاہور کے حکم پہ تلاش کا عمل تیز کر دیا

تفصیلات کے مطابق مورخہ 10/10/22 کو سعید آباد کالونی پیرو والہ روڈ قصور پہ عارضی سکونت اختیار کئے مہوش بی بی دختر غلام میراں لاپتہ ہوئی جس کی تلاش کی گئی مگر پتہ نا چلا کہ مذکورہ عورت اغواء ہوئی ہے کہ گم
مذکورہ عورت کوٹ عبدالمالک ضلع شیخوپورہ کی رہائشی ہے اور قصور میں عارضی مقیم تھی ورثا نے ہائیکورٹ لاہور میں کیس دائر کیا جس کے تحت لاہور ہائیکورٹ نے ڈی پی او قصور و تھانہ صدر قصور کو تحریری حکم جاری کیا کہ تمام ریکارڈ چیک کئے جائیں اور عورت کی برآمدگی کو یقینی بنایا جائے
تھانہ صدر قصور نے مذکورہ عورت کی تلاش شروع کر دی ہے