Tag: قصوریات

قصور
ٹی ایچ کیو ہسپتال چونیاں میں ہڑتال ختم کر دی گئی،تمام معمالات طے پا گئے
تفصیلات کے مطابق،عوام کی خدمت شروع
چونیاں ٹی ایچ کیو ہسپتال میں او پی ڈی بند کا معاملہ سی ای او ہیلتھ قصور ڈاکٹر اظہر نقوی اور سیکرٹری ہیلتھ ڈاکٹر ارشاد کی مداخلت پر چونیاں کے تاجروں اور شہریوں کے احتجاج کی کال کے بعد تمام ہسپتال کی او پی ڈی کھول دی گئی
سیکرٹری ہیلتھ سے تاجروں اور شہریوں نے پرزور مطالبہ کیا ہے کے ایم ایس کو فل فور ہٹایا جائے کیونکہ یہ 17 گریڈ کا ملازم ہے یہاں پر جو دوسرے ڈاکٹر ہیں وہ 18 گریٹ کے ہیں وہ اس کی بات کو فالو نہیں کرتے اس لیے آئے روز اس طرح کے معاملات سامنے آرہے ہیں اور اس کے خلاف جنسی ہراسمنٹ کی لاتعداد ایپلیکیشن ہے جن میں گنہگار بھی ثابت ہو چکا ہے مقامی عدالت کے فیصلے ہو چکے ہیں

قصور
سردی کی امد سے بیماریوں میں اضافہ،ادویات ساز کمپنیوں نے ادویات کی قیمتوں میں پھر اضافہ کر دیا،بیشتر ادویات مارکیٹ سے غائب،گورنمنٹ خاموش تماشائی

تفصیلات کے مطابق سابق گورنمنٹ کی طرح موجودہ گورنمنٹ کے پاس بھی محض دعوے ہی ہیں عملی کام نامی کوئی چیز نہیں
ہر روز نئے سے نیا دعویٰ کیا جاتا ہے جو کہ ریٹ کا گھروندا ثابت ہوتا ہے ملک بھر کی طرح شہر قصور میں بھی
سردی میں اضافہ ہوتے ہی شہریوں میں الرجی، نزلہ،زکام اور بخار جیسی بیماریوں میں اضافہ ہو گیا ہے
جس سے ادویات کی مانگ میں اضافہ ہوا ہے اور اسی بات کا فائدہ اٹھا کر بلیک مارکیٹنگ مافیا نے ادویات نایاب کرکے ادویات کی قیمتوں میں کئی فیصد تک اضافہ کر دیا ہے جس سے مہنگائی کے مارے لوگ مذید پریشان ہو گئے ہیں
بیشتر ادویات مارکیٹ سے غائب کر دی گئی ہیں
ڈریپ،پرائس کنٹرول مینجمنٹ جیسے ادارے چپ سادھ کر خاموش تماشائی بنے بیٹھے ہیں اور ادویات ساز کمپنیوں کو عوام کو لوٹنے کی کھلی چھٹی دے رکھی ہے

قصور
غرباء کیلئے گورنمنٹ کی طرف سے دیا جانے والا
سبسڈائزڈ آٹا بلیک میں فروخت ہونے لگا،شہری سخت پریشان، ضلعی انتظامیہ سے نوٹس کی درخواست

تفصیلات کے مطابق قصور ضلع بھر میں پنجاب گورنمنٹ کی طرف سے غرباء کیلئے دیا جانے والا سبسڈائزڈ آٹا نایاب ہو گیا ہے جو کہ حقداران غرباء کی بجائے عام دکانوں پہ من مانی قیمتوں پہ فروخت ہو رہا ہے
پنجاب گورنمنٹ کی طرف سے 10 کلوگرام کے سرکاری سبسڈائزڈ آٹے کے تھیلے کی قیمت 648 روپیہ مقرر ہے جو کہ غریبوں کو ملنا نصیب ہی نہیں ہوتا اور انہی غرباء کو اپنے گلی محلے کی دکانوں سے 900 روپیہ فی تھیلہ خریدنا پڑتا ہے
ضلعی انتظامیہ قصور کی طرف سے بارہا دعوے کئے گئے کہ سستا آٹا فراہم کیا جا رہا مگر عملاً بات فوٹو سیشن تک ہی محدود ہے
شہریوں نے ڈپٹی کمشنر قصور سے استدعا کی ہے کہ سستا آٹا حقداران غرباء کو مہیا کیا جائے اور سرکاری آٹا من کانے نرخوں پہ بیچنے والوں کے خلاف کاروائی کی جائے

قصور
حکومت کوئی بھی ہو فنڈ جاری ہوا ہے تو کام ہونا چاہیے سابقہ حکومت کی فنڈ جاری کروانے پر مہربانی لیکن موجودہ حکومتی نمائندے بھی کام کروا کر شکریہ کا موقعہ دیں اہلیان مصطفی آباد للیانی قصور

عید الفطر کی نماز کہ بعد مصطفی آباد للیانی کے قبرستان کی چار دیواری کے لیے کیے گئے اعلانات پر کسی قسم کا کوئی عمل درآمد نہ ہو سکا ما سوائے بنیادوں کی کھدائی کے
مصطفی آباد للیانی میں قبرستان کی چار دیواری کا معاملہ ابھی تک بھی حل نہ ہوسکا ہے چند ماہ قبل مصطفی آباد کے قبرستان کی انتظامیہ اور چند سیاستدانوں نے اس کا سنگ بنیاد رکھا اور ساتھ ہی قبرستان کی چار دیواری کا افتتاح بھی کیا لیکن بدقسمتی سے وہ افتتاح اور سنگ بنیاد صرف تصویر کشی کی حد تک رہا حکومت کوئی بھی ہو اگر ایک دفعہ قبرستان کی چار دیواری کا فنڈ جاری ہوچکا ہے تو اس پر قبرستان میں کام ہونا چاہیے مصطفی آباد کی عوام کا مطالبہ ہے کہ جلد سے جلد ترجیحی بنیادوں پہ کام شروع کروا جائے

قصور
چند روز قبل لاپتہ ہونے والا بچہ پولیس نے ساہیوال سے ڈھونڈ کر ورثاء کے حوالے کر دیا

تفصیلات کے مطابق چار دن قبل 11 سالہ علی حیدر کے والد نے تھانہ پتوکی صدر میں اطلاع دی کہ اسکا بیٹا گھر سے غائب ہے اور ڈھونڈنے کے باوجود نہیں ملا
غرضیکہ تمام رشتہ داروں سے پوچھ تاچھ کر لی ہے مگر کوئی سراغ نہیں ملا جس پہ تھانہ پتوکی قصور نے ایف آئی آر نمبری 786/22 درج کرکے کاروائی کا آغاز کر دیا اور محض تین دن میں علی حیدر کو ساہیوال سے برآمد کرکے والدین کے حوالے کر دیا

پولیس نے جدید ٹیکنالوجی استعمال کرتے ہوئے علی حیدر کو ڈھونڈا جس نے پولیس کو بتایا کہ اسے کسی نے اغواء نہیں کیا بلکہ خود ہی ساہیوال پہنچا ہے

علی حیدر کے والدین و اہلیان علاقہ نے پولیس کا شکریہ ادا کیا

قصور
ضلع قصور شدید دھند کی لپٹ میں،چورو ڈکیتی کی وارداتوں کیساتھ ایکسیڈنٹ میں بھی اضافہ،پیٹرولنگ میں اضافے کی درخواست

تفصیلات کے مطابق ضلع قصور شدید دھند کی لپٹ میں جس کے باعث سردی میں اضافے کیساتھ ساتھ چوری ڈکیتی کی وارداتوں میں اضافہ کیساتھ ایکسیڈنٹ میں بھی اضافہ ہو گیا ہے
آج صبح سویرے دو موٹر سائیکل سوار قصور رائیونڈ روڈ بمقام کھارا موڑ پہ مزدا و ٹرالی سے ٹکرا کر شدید زخمی ہو گئے
شدید دھند کے باعث حد نگاہ چند میٹر ہی رہ گئی ہے جس کے باعث ایکسیڈنٹ میں کافی اضافہ ہوا ہے نیز دھند کے باعث چوری ڈکیتی کی وارداتوں میں خاصا اضافہ ہوا ہے
شہریوں نے ڈی پی او قصور سے پیٹرولنگ بڑھانے کی استدعا کی ہے تاکہ لوگ محفوظ ہو کر سڑکوں پہ سفر کر سکیں

قصور
منشیات فروشوں،سماج دشمن عناصر کے خلاف قصور پولیس کی کاروائیاں تیز،ناجائز اسلحہ کیساتھ سوشل میڈیا پہ ویڈیوز لگانے والے گرفتار

تفصیلات کے مطابق ڈسٹرکٹ پولیس آفیسر سید عمران کرامت بخاری کی ہدایت پر عمل کرتے ہوئے قصور پولیس نے سماج دشمن عناصر کے خلاف کاروائیاں تیز کر دی ہیں جس کے تحت سوشل میڈیا پہ اسلحہ کی نمائش کرنے پہ انچارج سی آئی اے ملک طارق نے تین ملزمان کو حراست میں لیا ہے اور ملزمان سے ناجائز اسلحہ برآمد کرکے الگ الگ مقدمات درج کئے گئے ہیں
منشیات فروشوں کے خلاف کاروائی کرتے ہوئے ایس ایچ او تھانہ تھ شیخم طارق محمود ڈوگر نے بدنام زمانہ منشیات فروش اشفاق عرف شاقی کو گرفتار کرکے ملزم کے قبضہ سے ڈیڑھ کلوگرام چرس برآمد کرکے مقدمہ درج کر لیا ہے

قصور
لیسکو واپڈا قصور نے کم یونٹ استعمال کرنے والے صارفین کو تنگ کرنا شروع کر دیا،پہلے میٹروں کو خراب قرار دے کر نئے میٹر لگائے جانے لگے،ہزاروں روپیہ بل زائد ڈالا جانے لگا ،لوگ سخت پریشان

تفصیلات کے مطابق مہنگائی کی ماری عوام کو مارنے کی خاطر لیسکو واپڈا قصور نے کمر کس لی ہے
مہنگی بجلی ہونے کے باعث بچت کرنے کی خاظر
سولر سسٹم لگوانے اور دیگر گھریلوں الیکٹرونکس اشیاء بند کرکے بچت کرنے والے شہریوں کو لیسکو واپڈا قصور نے سبق سکھانا شروع کر دیا کہ ہماری بجلی ہماری مرضی
جن شہریوں کے یونٹ کم استعمال ہو رہے ہیں ان کے میٹروں کو خراب قرار دے کر نئے میٹر لگائے جا رہے ہیں اور سابقہ میٹر ریڈنگ دیکھ کر اپنی مرضی کا بل ڈالا جا رہا ہے شہریوں نے واپڈا حکام کو کہا کہ ہمارے سولر سسٹم چیک کریں نیز ہم نے بچت کی خاطر الیکٹرک کیٹل،مائیکرو ویو اوون و دیگر الیکٹرونکس چیزوں کا استعمال ختم کر دیا ہے کیونکہ بجلی بہت مہنگی ہے اور زیادہ یونٹس استعمال ہونے پہ بل بہت بڑھ جاتا ہے مگر اس کے باوجود واپڈا حکام ماننے کو تیار نہیں اور لوگوں کے میٹر خراب قرار دے کر تبدیل کرکے لوگوں کو اپنی مرضی کا بل ڈالا جا رہا ہے

قصور
گزشتہ دن ڈی پی او قصور سید عمران کرامت نے پتوکی کا دورہ کیا،عوامی مسائل سنے اور احکامات جاری کئے

تفصیلات کے مطابق
ڈی پی او قصور سید عمران کرامت بخاری نے گزشتہ دن تحصیل پتوکی کا دورہ کیا اور امن وامان کی صورتحال کا جائزہ لیا
ڈی پی او قصور نے
ڈی ایس پی آفس پتوکی میں سرکل کے ایس ایچ اوز کیساتھ کرائم میٹنگ کی اور اہم ایشوز کو زیر بحث لایا گیا
ڈی ایس پی آفس پتوکی آمد پر تاجروں اور شہریوں نے ڈی پی او قصور کا زبردست استقبال کیا اور پھولوں کی پتیاں نچھاور کیں جبکہ تاجروں، صحافیوں، وکلا، شہری و سماجی حلقوں نے سانحہ پتوکی میں ملوث ملزمان کی گرفتاری پر قصور پولیس کو خراج تحسین پیش کیا
ڈی پی او سید عمران کرامت بخاری نے ڈی ایس پی آفس پتوکی میں کھلی کچہری کا انعقاد کیا اور شہریوں کے مسائل کو سنا
ڈی پی اوسید عمران کرامت بخاری نے شہریوں کی شکایات پر موقعہ پر ہی احکامات جاری کیے جبکہ میڈیا نمائندگان سے بات چیت کرتے ہوئے انہوں نے کہا کہ مجھے شہریوں کا تحفظ چاہیے
پولیس افسران بغیر اونچ نیچ دیکھے غریبوں کو انصاف دیں اور عوام کا سہارا بنیں
سرکل افسران اور ایس ایچ اوز خود فیلڈ میں جا کر بدمعاشوں، غنڈوں اور جرائم پیشہ ملزمان کے خلاف کاروائیاں کریں فرض میں غفلت کسی صورت برداشت نہیں کی جائے