Tag: قصوریات

ضلع بھر میں یوم پاکستان کے حوالے سے پروگرام

قصور
یوم پاکستان کے حوالے سے ضلع بھر کے تمام شہروں،گاؤں دیہات میں پروگرام،پروگراموں میں لوگوں کی شوق و ولولے سے بھرپور شرکت

تفصیلات کے مطابق ملک بھر کی طرح ضلع قصور میں بھی یوم پاکستان، قرار داد پاکستان 23 مارچ 1940 کو پیش کردہ دو قومی نظریہ کے حق میں ضلع قصور کے تمام چھوٹے بڑے شہروں اور گاؤں دیہات میں جلسے اور پروگرام کئے جا رہے ہیں جن میں لوگوں کی بڑی تعداد شوق اور ولولہ سے شرکت کر رہی ہے
مذہبی و سیاسی جماعتوں کے ان پروگراموں میں شرکاء کا عزم ہے کہ علامہ اقبال رحمتہ اللہ علیہ اور قائد اعظم محمد علی جناح و رفقاء کی قربانیوں سے حاصل کئے گئے اس ارض پاک کیلئے ہر طرح کی قربانیاں دینے سے دریغ نہیں کیا جائے گا اور اپنی افواج پاکستان و دیگر اداروں سے ملک کر دشمن کا ہر محاذ پر مقابلہ کیا جائے گا

مارچ 23, 2022
پتوکی میں انسانیت سوز وقوعہ پر ڈی پی او کی یقین دہانی

قصور
گزشتہ شام تحصیل پتوکی میں شادی کی تقریب کے دوران باراتیوں کی طرف سے محنت کش پاپڑ فروش کو تلخ کلامی پر جانبحق کرنے پر ڈی او قصور کا ازخود نوٹس،جلد لواحقین کو انصاف دلوانے کی یقین دہانی

تفصیلات کے مطابق گزشتہ شام قصور کی تحصیل پتوکی میں الجنت میرج ہال پتوکی میں آصف ولد نور دین کی بارات میں تحصیل قصور قصبہ کھڈیاں کا رہائشی اشرف عرف سلطان پاپڑ فروش پاپڑ بیچنے گیا تو پاپڑ فروش محنت کش کو تلخ کلامی پر 5 سے 6 باراتیوں نے مار مار کر جانبحق کر دیا اور ساری بارات تماشہ دیکھتی رہی
نیز لاش کی تذلیل یہ کی گئی کہ سلطان پاپڑ فروش کی لاش کی شادی ہال میں موجودگی پر بھی ساری بارات کھانا کھاتی رہی
وقوعہ کہ اطلاع پا کر ڈی ایس پی پتوکی سمیت مقامی پولیس فوری موقعہ پر پہنچی اور لاش کو ہسپتال منتقل کیا اور ہوٹل کے مینجر وقاص کو حراست میں لے لیا ہے جس سے تفتیش جاری ہے
پولیس نے مقتول کے برادر نسبتی کی مدعیت میں مقدمہ درج کر لیا ہے
جبکہ ڈی پی او قصور محمد صہیب اشرف کا کہنا ہے کہ ان شاءاللہ شفاف تحقیقات کے بعد اصل حقائق دیکھتے ہوئے انصاف کی فراہمی کو یقینی بنایا جائے گا

مارچ 22, 2022
الاصلاح ویلفئیر سوسائٹی مستوال کا جذبہ بے مثال

قصور
الاصلاح ویلفئیر سوسائٹی مستوال کا قابل فخر کارنامہ،قبرستان میں اپنی مدد آپ کے تحت سینکڑوں درخت لگوا کا چھاؤں کا بندوست کیا،بیوہ غرباء کی مدد بھی جاری

تفصیلات کے مطابق قصور کی تحصیل چونیاں کے گاؤں مستوال کے مقامی قبرستان میں نا تو چار دیواری ہے نا ہی پانی کا انتظام اور نا ہی دھوپ سے بچنے کیلئے سایہ
اس ساری صورتحال کو دیکھتے ہوئے الاصلاح ویلفئیر سوسائٹی مستوال نے جذبہ خدمت انسانیت کی اچھی مثال قائم کرتے ہوئے اپنی مدد آپ کے تحت قبرسان میں سینکڑوں درخت لگوا دیئے تاکہ سخت گرمی میں جنازہ پڑھنے والوں کو گرمی کی بدولت پریشانی کا سامنا نا کرنا پڑے
نیز مقامی لوگوں پر مشتمل مقامی تعاون سے چلنے والی اس سوسائٹی نے یتیموں کی کفالت اور بیوگان و غرباء کی مدد کا فریضہ بھی اٹھا رکھا ہے جس پر اہلیانِ علاقہ اس سوسائٹی کیلئے نیک خواہشات کا اظہار کرتے ہیں

مارچ 21, 2022
کرونا ویکسینیشن کی نئی دوز نیا کارڈ نئی فیس

قصور
کرونا ویکسین لگوائے پہلی دوسری دوز کے ویکسینیشن کارڈ بنوانے والے لوگ تیسری بوسٹر دوز لگوانے کے بعد ایک بار پھر سرکار کو 100 روپیہ دینے پر پریشان،چوتھی دوز کی تیاری کی صدائیں بھی آنے لگیں

تفصیلات کے مطابق گورنمنٹ نے کرونا ویکسینیشن کارڈ بنوانا لازم تو قرار دیا ہے مگر یہ خیال نہیں رکھا گیا کہ جن لوگوں نے پہلی اور دوسری دوز لگوا لی اور کارڈ بنوا لئے سرکار کو 100 روپیہ اور دکاندار کو بھی 100 روپیہ دے دیئے اب وہ تیسری بوسٹر دوز پر کیسے ایک بار پھر سرکار کو 100 روپیہ اور دکاندار کو کارڈ کا 100 روپیہ دینے پر خوش ہونگے ؟
واضع رہے کہ گورنمنٹ کی سختی کے باعث لوگوں نے فوری کرونا ویکسینیشن کارڈ بنوا لئے تھے تاکہ بینک،ریلوے سفر،موٹروے سفر اور دیگر پبلک مقامات پر آنے جانے میں دقت نا ہو مگر گورنمنٹ نے تیسری بوسٹر دوز کا اعلان کر دیا تو بیچارے شہریوں نے پھر تیسری بوسٹر ڈوز لگوا لی تو پتہ چلا کہ تیسری دوز کا نئے سرے سے کارڈ بنے گا جس کی سرکاری فیس 100 روپیہ ادا کرنا لازم ہے نیز اس سرکاری فیس کے علاوہ دکاندرا سے پی وی سی کارڈ بنوانے کیلئے مذید 100 روپیہ دینا بھی لازم ہے
لوگوں کا کہنا ہے کہ اب چوتھی بوسٹر دوز کی آوازیں آتی بھی سنائی دے رہی ہیں لہذہ اب ہم ہر بار سرکار کو 100 روپیہ نئے سرے سے دیتے رہینگے ؟
شہریوں کا کہنا ہے کہ سرکار غریب اور مہنگائی کی ماری عوام پر رحم کھائے اور سرکاری فیس ختم کرے

مارچ 19, 2022
الواسع ویلفیئر سوسائٹی کے زیر اہتمام تقریب تقسیم انعامات

قصور
الواسع ویلفیئر سوسائٹی کیولری گراؤنڈ لاہور میں تقسیم انعامات کی تقریب،شہر قصور سے لوگوں کی شرکت،

تفصیلات کے مطابق کل مورخہ 17 مارچ کو الواسع ویلفیئر سوسائٹی کیولری گراؤنڈ لاہور کے زیر اہتمام رمادا ہوٹل میں تقسیم انعامات کی تقریب کا اہتمام کیا گیا جس میں شہر قصور سے عاصم مجید،
تقریب کے مہمان خصوصی ڈاکٹر سبیع السلام سمیت کئی نامور شخصیات نے بھی شرکت کی
تقریب میں الواسع ویلفیئر سوسائٹی کے تحت ہونے والے کئی فلاحی کاموں پر روشنی ڈالی گئی جن میں خاص طور پر یتیم بچوں کی بہترین کفالت ، تعلیم و تربیت اور جسمانی مضبوطی کا عملی مظاہرہ بھی کیا گیا
اس موقع پر کئی شخصیات نے الواسع ویلفیئر سوسائٹی کا حصہ بننے کی خواہش کا اظہار کیا اور اس تنظیم کو ملک کے دیگر شہروں میں بھی منظم کرنے کا اظہار کیا
تقریب کے شرکاء نے کہا کہ اس کامیاب تقریب پر ہم پوری ٹیم کو مبارکباد پیش کرتے ہیں
اور دعا گو ہیں کہ اللہ پاک اس ادارے کو دن دوگنی اور رات چوگنی ترقی دے

مارچ 18, 2022
آغاز موسم گرما،بدترین لوڈشیڈنگ،وزیر اعلی سے نوٹس کی اپیل

قصور
آغاز موسم گرما، لیسکو واپڈا قصور نے لوگوں کا جینا حرام کر دیا،دن کے بیشتر گھنٹے بیشتر فیڈروں میں شدید لوڈشیڈنگ ،شہری سخت پریشان

تفصیلات کے مطابق ملک بھر کی طرح قصور میں بھی گرمی کا آغاز ہو چکا ہے اور آغاز گرمی سے ہی درجہ حرارت کافی تیز ہے جس کے باعث شہریوں کو دن اور رات پنکھے چلانے کی ضرورت پیش آ رہی ہے مگر لیسکو واپڈا قصور نے شہریوں کا جینا دو بھر کرکے رکھ دیا ہے
سارا سارا دن ضلع کے بیشتر حصوں میں بیشتر فیڈروں سے لوڈشیڈنگ کی جا رہی ہے جس سے شہری شدید پریشان ہو گئے ہیں
پنکھے کی ہوا کے ساتھ ساتھ شہری پانی کی بوند بوند کو بھی ترس گئے ہیں
شہریوں کا کہنا ہے کہ ابھی تو گرمی کا آغاز ہے اور درجہ حرارت قابل برداشت ہے مگر درجہ حرارت بڑھتے اور ماہ رمضان شروع ہوتے ہی ناجانے کیا کیا جائے گا
شہریوں نے بدترین لوڈشیڈنگ کے خلاف وزیراعلی پنجاب سے نوٹس لینے کی اپیل کی ہے

مارچ 17, 2022
سڑکوں کی مرمت نا ہونے تک احتجاج جاری رہے گا ،سردار فیصل

قصور
سڑکوں کی مرمت نا ہونے تک احتجاج جاری رہے گا،سردار فیصل اورنگزیب صدر عوام دوست اتحاد قصور و امیدوار برائے ڈپٹی میئر تحصیل قصور

تفصیلات کے مطابق قصور کے معروف سیاستدان سردار فیصل اورنگزیب صدر عوام دوست اتحاد قصور اور امیدوار برائے ڈپٹی میئر تحصیل قصور نے کہا ہے کہ ضلع بھر کی تمام سڑکیں ٹوٹ پھوٹ کا شکار ہیں جس کے باعث لوگوں کو سخت مشکلات کا سامنا کرنا پڑتا ہے اور موجودہ دور حکومت میں دیگر ترقیاتی کاموں کی طرح سڑکوں کی تعمیر و مرمت بھی نہیں کی گئی جس سے موجودہ گورنمنٹ کی سخت نااہلی عیاں ہوتی ہے
سڑکیں ٹوٹی ہونے کے باعث کسانوں کی سبزیاں و پھل منڈی تک وقت پر نہیں پہنچ پاتے جس سے کسانوں کو سخت خسارے کا سامنا کرنا پڑتا ہے لہذہ گورنمنٹ لوگوں اور کسانوں پر رحم کرے اور فی الفور گنڈا سنگھ تا حسین خانوالا ،کچہری چوک تا موضع سہجرہ اور کمال چشتی موڑ تا الہ آباد شہر تک سڑکوں کی مرمت کروائے بصورت دیگر سڑکوں کی مرمت نا ہونے تک احتجاج جاری رہے گا
تحریک اللہ اکبر پاکستان کے ٹکٹ ہولڈر سردار فیصل نے کہا کہ ہماری سیاست خدمت انسانیت ہے ہمارے نوجوان ہسپتالوں میں لوگوں کو خون اور کھانا فی سبیل اللہ مہیا کر رہے ہیں جبکہ ہماری جماعت بیوہ عورتوں کو راشن اور دیگر ضروریات زندگی فی سبیل اللہ مہیا کر رہی ہے اور یہ سلسلہ جاری رہے گا اور ہم اقتدار میں آکر نوجوانوں کو پڑھنے کے خاص مواقع فراہم کرینگے تاکہ نوجوان نسل پڑھ لکھ کر ملک کا قیمتی اثاثہ ثابت ہو
انہوں نے کہا کہ ہمارا مقصد نوجوان نسل کو نشہ اور بے راہروی سے بچا کر اسلام کی طرف لانا ہے تاکہ وہ اپنے خاندان کے اچھے کفیل بن کر مملکت پاکستان کے ذمہ دار شہری بن سکیں

مارچ 16, 2022
سرکاری گرین بیلٹ کو پارکنگ اسٹینڈ بنا لیا

قصور
ضلعی انتظامیہ کی نااہلی یا ملی بھگت،نیو بس ٹرمینل کے قریب میرج ہالوں نے گرین بیلٹ کو ذاتی ملکیت سمجھ کر پارکنگ اسٹینڈ بنا لیا،عوام سخت پریشان،ڈی سی قصور سے نوٹس کی اپیل

تفصیلات کے مطابق قصور نیو بس ٹرمینل کے سامنے فیروز پور روڈ کے گرین بیلٹ کو میرج ہال انتظامیہ نے پارکنگ اسٹینڈ بنا لیا ہے جس کے باعث گرین بیلٹ کے پودے و درخت تباہ ہو گئے ہیں اور عوام کو گزرنے میں بھی دقت کا سامنا کرنا پڑتا ہے
جبکہ اس ساری صورتحال پر ضلعی انتظامیہ نے آنکھوں پر پٹی باندھ رکھی ہے جس کے باعث لوگ سوچنے پر مجبور ہیں کہ یہ سب کچھ انتظامیہ کی ملی بھگت سے ہو رہا ہے

شہریوں نے ڈپٹی کمشنر قصور سے سرکاری اراضی کو نجی استعمال کے خلاف نوٹس لے کر فوری کارروائی کا مطالبہ کیا ہے

مارچ 15, 2022
معروف سوشل میڈیا ایکٹیویسٹ کے والد کی نماز جنازہ

قصور
معروف سوشل میڈیا ایکٹیویسٹ و سماجی کارکن الہ آباد قصور ساجد مقبول کے والد محمد مقبول مرحوم کی نماز جنازہ موضع مستووال میں ادا کر دی گئی

تفصیلات کے مطابق قصور کی تحصیل چونیاں کے قصبہ الہ آباد کے معروف سوشل میڈیا ایکٹیویسٹ و سماجی کارکن ساجد مقبول کے والد محمد مقبول قضائے الہیٰ سے وفات پا گئے تھے جن کی نماز جنازہ آج صبح 11 بجے الہ آباد کے قریبی گاؤں مستوال میں مولانا عبدالجبار مدرس و معلم جامع مسجد حفصہ الہ آباد نے مستوال کے قبرستان میں پڑھائی
مرحوم کی نماز جنازہ میں دور دراز سے لوگوں نے شرکت کی
مرحوم انتہائی دیندار اور شریف النفس انسان تھے ان کی وفات پر پورے علاقے کے لوگوں کی آنکھیں پرنم ہیں اور لوگ مرحوم کی مغفرت کیلئے دعاگو ہیں

مارچ 14, 2022
سانحہ میانوالی انتہائی قابل مذمت ہے،علامہ احسان اکبر ظہیری

قصور
بیٹیاں اللہ کی رحمت اور جہنم سے ڈھال ہیں،سانحہ میانوالی انتہائی قابل مذمت ہے ،قوم ماہ شعبان میں زیادہ سے زیادہ عبادات کرے،علامہ احسان اکبر ظہیری

تفصیلات کے مطابق الہ آباد قصور کے معروف نوجوان عالم دین علامہ احسان اکبر ظہیری فاضل کنگ سعود یونیورسٹی سعودی عربیہ نے سانحہ میانوالی کی مذمت کرتے ہوئے کہا کہ بیٹیاں تو اللہ کی رحمت اور جہنم سے ڈھال ہیں
میانوالی میں نومولود بچی کو قتل کرنے والے ملزم باپ کو سخت سے سخت سزا دی جائے تاکہ آئندہ کوئی درندہ ایسی جرآت نا کر سکے
علامہ احسان اکبر ظہیری نے ماہ شعبان کی حرمت بیان کرتے ہوئے کہا کہ یہ بہت زیادہ برکتوں اور اجر و ثواب والا مہینہ ہے پوری قوم کو اس مہینے میں زیادہ سے زیادہ عبادات کرنی چائیے تاکہ ہم پر اللہ کا خاص فضل و کرم نازل ہو
نیز انہوں نے کہا کہ مملکت خداداد پاکستان ناقابل تسخیر ہے یہ ملک قیامت تک قائم رہے گا عالم کفر اس کے خلاف جو بھی کوششیں کرلے ان شاءاللہ ناکامی اس کا مقدر ٹھہرے گی
نیز انہوں نے کہا کہ ہر پاکستانی شہری کو بنائے گئے ریاستی قانون کا احترام کرنا چائیے تاکہ معاشرے میں امن و امان اور بھائی چارے کی فضاء قائم رہے
ان کا کہنا ہے کہ آنے والا ماہ مقدس رمضان بہت برکتوں اور عظمتوں والا ہے جس میں ہر فعل کا ثواب کئی گنا بڑھ جاتا ہے لہذہ گورنمنٹ عوام کو اس ماہ کیلئے خاص ریلیف دے اور ذخیرہ اندوزی کرکے لوگوں کو پریشان کرنے والوں کو قانون کے مطابق سزا دے

مارچ 12, 2022