Tag: قصوریات

قصور
ڈسٹرکٹ پریس کلب قصور کا کرناٹک میں حجاب پر پابندی پر اظہار افسوس اور ظالموں کے سامنے کلمہ حق کہنے والی مسکان خان کو داد تحسین

تفصیلات کے مطابق ڈسٹرکٹ پریس کلب قصور کے بانی سردار شریف سوہڈل،ڈاکٹر فضل رحیم،ڈسٹرکٹ پریذیڈنٹ ظفر اقبال چوہدری،فنانس سیکریٹری سید عابد حسین شاہ بخاری،سیکریٹری جنرل سید تنویر حسین شاہ،ڈسٹرکٹ وائس پریزیڈنٹ رانا عدنان خان بوبی،کونسل ممبران غنی محمود قصوری،سردار سعید سوہڈل،محمد غلام رسول،ڈاکٹر ظفر اقبال،ڈاکٹر آصف حنیف،عامر تقوی،ماجد فاروق انجم،عبدالرحمن وہابی،فیض ملک,عرفان سندھو،حافظ شریف اشرف،عمران نجفی،حسن نظامی،اکرم شہکی،کامران اشرف و ڈسٹرکٹ پریس کلب کے 500 ممبران نے اپنا مشترکہ مذمتی بیان جاری کرتے ہوا کہا کہ انڈین کرناٹک گورنمنٹ کی طرف سے حجاب پر پابندی لگانا انتہائی افسوسناک اور قابل مذمت ہے جس کی جتنی مذمت کی جائے اتنی ہی کم ہے
ممبران نے مطالبہ کیا کہ انٹرنیشنل لیول پر اس مسئلہ کو اٹھایا جائے اور حجاب پر لگائی گئی اس پابندی کو ختم کروایا جائے کیونکہ حجاب نا صرف مسلمانوں کی ایک رسم ہے بلکہ ایک عبادت بھی ہے
نیز ہندو انتہاہ پسندوں کے سامنے کلمہ حق بیان کرنے والی مسلم طالبہ مسکان خان کو داد تحسین پیش کی گئی

قصور
بلہے شاہ پیکجز قصور میں بدھ کی شام لگنے والی آگ پر قابو پا لیا گیا،ڈی جی ریسکیو پنجاب ڈاکٹر رضوان نصیر ، ڈسٹرکٹ آفیسر ریسکیو قصور انجینئر سلطان محمود نے خود نگرانی کی،علاقہ کلئیر

تفصیلات کے مطابق قصور میں ایشیاء کی سب سے بڑی مل بلہے شاہ پیکجز مل قصور میں بدھ کی شام کو لگنے والی شدید آگ پر قابو پا لیا گیا ہے
ریسکیو 1122 کے فائر فائٹرز نے بڑی محنت اور لگن سے اپنی جان خطرے میں ڈال کر بڑے منظم طریقے سے مل کے ڈیزل سٹور اور ایل پی جی لائین کو محفوظ کیا اور آگ کو مذید پھیلنے سے روکا خدانخواستہ اگر آگ ڈیزل سٹور یا ایل پی جی لائن کو پکڑ لیتی تو بہت بڑی تباہی کا سامنا کرنا پڑنا تھا
اس سارے ریسکیو آپریشن کی نگرانی ڈی جی ریسکیو پنجاب ڈاکٹر رضوان نصیر اور ڈسٹرکٹ آفیسر ریسکیو 1122 قصور انجینئر سلطان محمود نے خود کی ریسکیو آپریشن کے دوران ضلعی انتظامیہ اور دیگر رفاعی فلاحی تنظیمیں بھی موجود رہیں
فائر فائٹننگ کے بعد اب کولنگ کا عمل تاحال جاری ہے تاہم پورا علاقہ خطرے سے پاک ہو گیا ہے

قصور
براعظم ایشیاء کی سب سے بڑی مل بلہے شاہ پیکجز بمقام حویلی پھاڑیانولی حدود تھانہ تھ شیخم میں گزشتہ شام لگنے والی آگ تاحال برقرار،2 افراد کے جھلس کر فوت ہونے کی اطلاع،دیگر درجنوں ملازم مذید جھلسنے کی بھی اطلاع،ریسکیو آپریشن جاری،تحریک اللہ اکبر پاکستان سٹی قصور کے کارکنان بھی ریسکیو آپریشن میں پیش پیش

تفصیلات کے مطابق قصور کے علاقےحویلی پھاڑیانولی حدود تھانہ تھ شیخم میں واقع براعظم ایشیاء کی سب سے بڑی مل بلہے شاہ پیکجز مل میں کل شام ساڑھے چھ بجے کے قریب وئیر ہاؤس نمبر 1_2_3 میں شدید آگ بھڑک اٹھی
آگ لگنے کی وجہ وئیر ہاؤس کا خراب لفٹر بنا جسے مرمت کرکے اسٹارٹ کیا گیا تو لفٹر کو آگ لگنے سے وئیر ہاؤس کے شیڈ کو آگ لگ گئی جس سے وئیر ہاؤس میں پڑے سلنڈر پھٹ گئے اور دیکھتے ہی دیکھتے آگ نے شدت اختیار کر لی جسے کئی میلوں دور سے بھی دیکھا گیا
اطلاع پا کر ریسکیو 1122 کی گاڑیاں اور ضلعی انتظامیہ موقع پر پہنچ گئی نیز دیگر این جی اوز بھی آگ بجھانے کا کام کر رہی ہیں جن میں تحریک اللہ اکبر پاکستان سٹی قصور کے کارکنان پیش پیش ہیں
آگ لگنے کے وقت مل میں ہزاروں ملازمین موجود تھے
باوثوق ذرائع سے جھلس کر دو افراد کے جانبحق ہونے کی اطلاع ہے جن میں سے ایک کا تعلق کوٹ رادھا کشن اور دوسرے کا تعلق لاہور سے ہے
نیز درجنوں مذید افراد بھی جھلس گئے ہیں
آگ کی شدت کچھ کم ہوئی ہے تاہم آگ پر ابھی تک قابو نہیں پایا جا سکا اور معتبر ذرائع کا کہنا ہے کہ یہ آگ اگلے دو روز تک بمشکل کنٹرول کی جا سکے گی

قصور
تمام سیاسی و مذہبی جماعتیں مظلوم کشمیریوں سے اظہار یکجہتی کیلئے کل ضلع بھر میں مشترکہ پروگرام کرینگے، بھارت کی طرف سے کشمیر کی خصوصی حیثیت ختم کئے 914 دن ہو گئے

تفصیلات کے مطابق قصور ضلع بھر میں یوم یکجہتی کشمیر 5 فروری بھرپور طریقے سے منایا جائے گا
ضلع بھر کی تمام سیاسی و مذہبی تنظیمیں ایک ہو کر پورے ضلع میں کشمیریوں کے حقوق کیلئے بھارت کے خلاف پروگرام کرینگی
قصور،نور پور،الہ آباد کھڈیاں،پتوکی،چونیاں،کوٹ رادہاکشن،پھولنگر،کنگن پور و دیگر ضلع بھر کے تمام گاؤں دیہات،قصبوں و شہروں میں تمام جماعتیں یک جان ہو کر کشمیریوں سے اظہار یکجہتی کرینگی
پورے ضلع بھر میں کشمیریوں کی حمایت پر مبنی بینرز لگ گئے ہیں جس میں بھارت کی فوجوں کی واپسی اور مقبوضہ کشمیر کی خصوصی حیثیت کی بحالی کا مطالبہ کیا گیا ہے
واضع رہے کہ بھارت کی طرف سے ریاست مقبوضہ کشمیر کی خصوصی حیثیت کو ختم کرتے ہوئے آرٹیکل 370 اے کو 5 اگست 2019 کو منسوخ کیا گیا تھا

قصور
‏پٹرول ڈالنے والی مشینوں میں مقدار کو ریموٹ کنٹرول سے کم کیا جانے والا آلہ شرقپور میں پکڑا گیا،قصور میں بھی کاراوئیاں کی جائیں تو سینکڑوں پیٹرول پمپوں سے یہ آلے برآمد ہونگے، شہریوں کی ڈی سی قصور سے پیٹرول پمپوں کی خفیہ نگرانی کروانے کا مطالبہ
تفصیلات کے مطابق پرائس کنٹرول مجسٹریٹ شرقپور شریف نے کاروائی کے دوران پیٹرول پمپ سے سیل مین سے ریموٹ کنٹرول آلہ برآمد کیا جو پیٹرول پمپ کی مشین کو کنٹرول کرتا تھا
جیب میں رکھے ریموٹ سے پیٹرول و ڈیزل کی مقدار پوری و کم کی جا سکتی ہے
چیکنگ آفیسر نے یہ اعلی گزشتہ دنوں خفیہ اطلاع پر حراست میں لیا اور پیٹرول پمپ کے خلاف کارروائی کی
ضلع قصور کے بیشتر پمپوں پر بھی شہریوں نے پیٹرول کی کم مقدار کے ملنے کی متعدد بار شکایات کی ہیں
یقیناً یہ طریقہ کار قصور میں بھی آزمایا جا رہا ہے اور لوگوں کو لوٹا جا رہا ہے جس پر شہریوں نے ڈپٹی کمشنر قصور،چاروں تحصیلوں کے پرائس کنٹرول مجسٹریٹ صاحبان سے استدعا کی ہے کہ پیٹرول پمپوں کی خفیہ مانیٹرنگ کی جائے اور کم مقدار پیٹرول ڈالنے والے پمپوں کے خلاف کاروائی کی جائے جن سے یہ آلے لازمی برآمد ہونگے

قصور
محکمہ ہیلتھ ،پنجاب رورل سپورٹ پروگرام ( پی آر ایس پی) کے تحت بھرتی ہونے والے ایل ایچ ڈبلیو،نائب قاصد،چوکیدار،ہیلتھ ٹیکنیشن،ڈاکٹرز،ایل ایچ وی ،مالی سویپر اور ڈسپنسر وغیرہ عرصہ 18 سال سے انصاف کے متلاشی،18 سال سے ریگولر نہیں کیا گیا،ہر سال کنٹریکٹ بڑھا دیا جاتا ہے

تفصیلات کے مطابق محکمہ ہیلتھ میں پی آر ایس پی پروگرام ( پنجاب رورل سپورٹ پروگرام) 2004 میں بنایا گیا تھا جس میں ڈاکٹرز،ایل ایچ ڈبلیو،ایل ایل وی،ہیلتھ ٹیکنیشن،ڈسپنسر،مالی چوکیداروں کو بھرتی کیا گیا
پی آر ایس پی کا یہ پروگرام 2004 سے 2016 تک جاری رہا تاہم سابقہ دور حکومت نے 2016 میں اسے پروگرام کی بجائے کمپنی قرار دے دیا
2004 سے ابتک 18 سال سے اس پروگرام کے تحت بھرتی ہونے والوں کو نا تو ریگولر کیا گیا ہے اور نا ہی دیگر مراعات دی گئی ہیں بلکہ پروگرام کو کمپنی قرار دیا گیا ہے
کمپنی ایکٹ کے تحت جو ملازم تین سال مسلسل نوکری کر لے اسے ریگولر کیا جانا لازم ہے مگر ابھی تک کسی کو بھی ریگولر نہیں کیا گیا
اپنے ساتھ ہوئی اس نا انصافی کی آواز جب پی آر ایس پی ملازمین نے سیکریٹری ہیلتھ پنجاب تک پہنچائی تو سیکریٹری ہیلتھ نے کہا کہ میں اس معاملہ میں کچھ نہیں کر سکتا آپ وزیراعلی پنجاب سے رابطہ کریں
پی آر ایس پی ملازمین نے وزیراعلی پنجاب سے استدعا کی ہے کہ انہیں ریگولر کیا جائے اور مراعات دی جائیں

قصور
میڈیسن و سرجیکل پراڈکٹس پر گورنمنٹ کی طرف سے 20 فیصد تک جی ایس ٹی لگنے سے مہنگائی کا نیا طوفان،میڈیسن و سرجیکل پراڈکٹس کی قیمتیں بڑھ گئیں،سرنجیں نایاب

تفصیلات کے مطابق گورنمنٹ کی طرف سے شعبہ میڈیسن اور سرجیکل پر 17 سے 20 فیصد ٹیکس لگنے سے مہنگائی کا نیا طوفان آ گیا ہے
گورنمنٹ کی طرف سے فائلرز پر سیل ٹیکس 17 فیصد لگایا گیا ہے اور نان سیل فائلرز پر 20 فیصد جس کے باعث ادویات و سرجیکل پراڈکٹس مذید مہنگی ہو گئی ہیں اور سرنجز کی شدید قلت ہو گئی ہے 100 سرنج کی پیکنگ 400 روپیہ سے بڑھ کر 800 روپیہ کر دی گئی ہے
لوگوں کا کہنا ہے کہ موجودہ گورنمنٹ نے اپنے پورے دور حکومت میں سوائے نئے ٹیکس لگانے کے اور کچھ بھی نہیں کیا جس کے باعث مہنگائی بڑھتی ہی جا رہی ہے