قصور: تھانہ چھانگا مانگا پولیس نے انٹیلی جنس معلومات پرسرچ آپریشن کرکے 15 ملزمان کو گرفتار کر لیا۔
باغی ٹی وی : پولیس کے مطابق ملزمان کے قبضہ سے ساڑھے تین کلوگرام چرس، 200 لیٹر شراب اور اسلحہ برآمد ہوا ہے گرفتار ملزمان میں 2 ڈاکو، 5 منشیات فروش اور 8 عدالتی مفروران شامل ہیں۔
گھر کے گیٹ پر شہری کو لوٹنے والے ملزمان گرفتار
پولیس کا کہنا ہے کہ سرچ آپریشن میں ڈرون کیمروں کا استعمال کیا گیا تاکہ پتنگ بازوں کی حوصلہ شکنی کی جا سکے۔ سرچ آپریشن کے دوران 55 گھروں اور 125 افراد کو چیک کیا گیا۔ سرچ آپریشن کا مقصد جرائم پیشہ ملزمان کی گرفتاری اور پتنگ بازی کا انسداد تھا۔
سرگودھا سے 151 لڑکیاں بازیاب،21 قحبہ خانوں سے ملیں،ڈی پی او کا سپریم کورٹ میں بیان
قصورپھرقصوروار:کوٹ رادھاکشن انسانیت سوز واقعہ چھابڑی فروش پر با اثر افراد کا تشدد
دوسری جانب کراچی میں کورنگی پولیس نے سیکٹر 35 اے زمان ٹاؤن میں مبینہ مقابلے کے دوران 2 ڈاکوؤں کو زخمی حالت میں خاتون ساتھی سمیت گرفتار کرلیا اس حوالے سے ایس ایچ او کورنگی زاہد لودھی نے بتایا کہ ڈاکوؤں کی شناخت عمران، قاسم اور فرزآنہ کے نام سے ہوئی ہے جن کے قبضے سے 2 ٹی ٹی پستول، نقدی اور ایک موٹر سائیکل برآمد ہوئی ہے جس کے بارے میں سی پی ایل سی سے معلومات حاصل کی جا رہی ہےگرفتار خاتون زخمی ملزم عمران کی بہن ہے جو کہ سرجانی ٹاؤن کے رہائشی ہے، عمران اس سے قبل بھی متعدد بار گرفتار ہو کر جیل جا چکا ہے، دوسرا زخمی ڈکیت قاسم کورنگی ڈھائی نمبر کا رہائشی ہے ڈاکوؤں کا یہ گروپ اسٹریٹ کرائمز کے علاوہ گھروں میں گھس کر بھی ڈکیتی کی وارداتیں کرتا تھا۔
برہنہ پریڈ،اجتماعی زیادتی کیس،حلیم عادل شیخ متاثرہ بچیوں سے ملنے پہنچ گئے
قبل ازیں پولیس نے خاور مانیکا کے بیٹے موسی خاور سمیت تین افراد سے شراب برآمد کرکے مقدمہ درج کرلیا تھانہ غالب مارکیٹ لاہور میں درج مقدمے کے متن کے مطابق کار سوار ملزمان کو ظہورالہٰی روڈ پر روکا گیا جن کے قبضے سے ایک بوتل شراب اور دو کین بیئر برآمد ہوئی۔ پولیس کے مطابق گاڑی میں تین افراد سوار تھے جن کی شناخت پاکپتن کے موسیٰ ولد خاور، محمد احمد ولد احمد رضا اور لاہور سے تعلق رکھنے والےاحمد شہریار ولد اعجازسوار تھے اور تینوں ہی شراب کے نشے میں دھت تھے۔ تینوں افراد کا سروسز ہسپتال میں چیک اپ کروایا گیا جہاں ڈاکٹر نے شراب نوشی کی تصدیق کی جس کے بعد پولیس نے مقدمہ درج کرلیا۔
تاہم بعد ازاں قصور ڈی پی آر ٹو آئی جی اسامہ نےتصدیق کی کہ موسی خاور مانیکا کا بیٹا ہے وہ فرنٹ سیٹ پر بیٹھا تھا اس نے شراب نہیں پی ہوئی تھی ایف آئی آر میں وقوعہ بیان کیاگیاہے پچھلی سیٹ پر بیٹھے شہر یار سے شراب برآمد ہوئی اوراس نے شراب پی ہوئی تھی اس لئےشہر یار کو ہی عدالت پیش کیا گیا باقی دو افراد کو چھوڑ دیا۔
