Tag: لالی وڈ

اداکارہ مشی خان جو کہ سوشل میڈیا پر کافی ایکٹیو رہتی ہیں انہوں نے اپنے انسٹاگرام پر اپنی ایک وڈیو جاری کی ہے جس میں انہوں نے لاہور میں کتوں پر ہونے والے ظلم پر افسوس کا اظہار کیا ہے. مشی خان اس وڈیو میں کہہ رہی ہیں کہ ” میں اس وقت جس طرح سے خاموش بیٹھی ہوئی اور اپنے غصے کو دبا کر بیٹھی ہوئی ہوں اس کا اندازہ کوئی نہیں لگا سکتا. لاہور میں نوری بٹ صاحبہ کے ڈاگ شیلٹر ہوم میں کچھ لوگ گھسے اورشیلٹر ہوم کی دیوار توڑ دی . اندر موجود کتے اور کتے کے چھوٹے چھوٹے بچوں کو ڈنڈے اور پتھر دیکر مار دیا یہاں تک کہ ان کو پھانسی بھی دی گئی یہ کتے یہاں خاموشی سے رہتے تھے کسی کو کچھ نہیں تھے لیکن ان پر اتنا ظلم کیا گیا. کاش مجھے وہ لوگ مل جائیں جنہوں نے بے زبان جانوروں پر

اس قدر ظلم کیا ہے مجھے یہ لوگ ایک بار مل جائیں سہی میں ان کو رسیوں سے باندھ کر ماروں ان کو پھانسی دوں.میرا خون بہت زیادہ خول رہا ہے ایسا ظلم کرنے والوں کو اللہ موت دے اور سسکیوں والی موت دے. جس ملک میں اتنا ظلم ہوتا ہو وہاں کیا کسی کا اچھا ہو گا. مت کریں ایسا، ایسا کرنے والوں پر اللہ کا عذاب آئیگا خدا کا خوف کھائیں. یوں مشی خان نے کتوں کو بے ردردی سے موت کے گھاٹ اتارنے پر غصے کا کیا اظہار.

گلوکارہ آئمہ بیگ جن کی حال ہی میں شہباز شگری کے ساتھ منگنی ختم ہوئی ہے، کہتی ہیں کہ مجھے اداکاری کی متعدد مرتبہ آفرز آچکی ہیں‌لیکن اداکاری میری ترجیحات میں نہیں ہے میری ترجیحات میں گلوکاری ہے، اس لئے میری پہلی توجہ گلوکاری ہے. لیکن اسکا مطلب یہ نہیں ہے کہ میں کبھی اداکاری کروں گی ہی نہیں، ہو سکتا ہے کبھی اداکاری کر ہی لوں لیکن ابھی ایسا کوئی ارادہ نہیں ہے. آئمہ بیگ نے مزید کہا کہ زندگی میں انسان کو وہی کرنا چاہیے جس میں اسکو اطمینان محسوس ہو، وہ کام کبھی نہ کریں جس سے آپ اطمینان محسوس نہیں کرتے. میں‌نے

ہمیشہ زندگی میں وہ کیا ہے جس سے میں مطمئن رہوں. یاد رہے کہ آئمہ بیگ کی ماڈل و اداکار شہباز شگری کے ساتھ منگنی ہوئی تھی دونوں شادی کے بندھن میں بندھنا چاہتے تھے ، بظاہر تو ایک دوسرے کے ساتھ کافی خوش دکھائی دیتے تھے لیکن ایسا ہو نہ سکا ، تاہم اب دونوں کے راستے جدا ہو چکے ہیں. اس حوالے سے دونوں نے کھل کو کوئی بیان نہیں دیا نہ ہی ایسا کرنے کی وجوہات بیان کی ہیں. آئمہ بیگ کی آواز میں گائے ہوئے گیت مہوش حیات سمیت سوہائے علی آبرو پر پکچرائز ہو چکے ہیں. آئمہ نے ساحر علی بگا جیسے میوزیشنز کے ساتھ بھی گایا ہے.

پنجابی فلموں کے نامور اداکار اور سلطان راہی کے بیٹے حیدر سلطان نے اپنے حالیہ انٹرویو میں کہا ہے کہ فلم انڈسٹری کو چلانے کےلئے نئے اور جوان خون کی ضرورت ہے اسی میں فلم انڈسٹری کی بقاء ہے. ہمیں نئے لوگوں‌کو چانس دینا ہوگا تبہی انڈسٹری آگے بڑھ سکے گی. انہوں نے پرڈیوسرز اور ہدایتکاروں سے کہا کہ ان کو نئے لوگوں‌کو متعارف کروانے کا رسک لینا پڑے گا جیسا کہ کسی دور میں ہوتا آیا ہے. اگر ہم نئے لوگوں کو چانس نہیں دیں گے تو نئی کھیپ کیسے تیار ہو گی. حیدر سلطان نے مزید کہا کہ جو دنیا سے چلا جاتا ہے اس جیسا کوئی دوسرا نہیں آتا اسی طرح سے جو انڈسٹری کو چھوڑ جاتے

ہیں کسی بھی وجہ سے ان کا خلاء کبھی پورا نہیں ہوسکتا. حیدر سلطان مزید یہ بھی کہتے ہیں کہ کراچی ڈرامہ انڈسٹری میں جس طرح نئے لڑکے لڑکیاں آئے ہیں اسی طرح سے ہمیں فلم انڈسٹری میں بھی نئے لڑکے لڑکیاں لانی چاہیں. یاد رہے کہ حیدر سلطان راہی پنجابی فلموں میں ہی کام کرتے ہیں اور وہ آج تک گنڈاسہ کلچر سے باہر نہیں آئے رواں برس ان کی ایک فلم اشہتاری گجر ریلیز ہوئی اس میں بھی انکو گنڈاسہ پکڑے ہوئے دیکھا جا سکتا ہے. حیدر سلطان راہی کے دعوے کے مطابق ان کی فلم کو پنجاب کے سرکٹ میں بہت پسند کیا گیا اور سپر ہٹ ہوئی .

ڈرامہ کوئین وینا ملک نے حال ہی میں کہا ہے کہ میں ایک مضبوط عورت ہوں اور مشکل سے مشکل حالات میں ، میں نے ثابت کیا ہے کہ میں ایک امضبوط عورت ہوں. میں نے زندگی میں زندگی بہت مشکل مشکل وقت دیکھے ہیں لیکن ہمت اور حوصلے کا دامن ہاتھ سے نہیں جانے دیا. میں سمجھتی ہوں کہ جب عورت نے گھر سے باہر کام کرنے کےلئے نکلنا ہو تو اسکو اپنے اعصاب مضبوط کرنے پڑتے ہیں اسکو ایک مضبوط عورت بن کر دکھانا ہوتا ہے تاکہ وہ دنیا کا سامنا کرسکے. وینا ملک نے خواتین کو

حوصلہ دینے کےلئے کہا کہ آپ حالات سے مت گھبرائیں اور اپنے حقوق کو کبھی نہ چھوڑیں . وینا ملک نے مزید یہ بھی کہا کہ میں‌ نے اپنے کیرئیر میں بہت ساری شخصیات کی ؛پیروڈی کی ، یقینا پیروڈی کرنا کوئی آسان کام نہیں ہوتا لیکن مجھے بے حد پذیرائی ملی بلکہ جن کی پیروڈی کرتی تھی وہ جب ملتے تو بہت عزت دیتے اور پیار سے ملتے. وینا نے کہا کہ ایک آرٹسٹ کے لئے اس سے بڑھ کر اور کیا ہوسکتا ہے کہ اس کے کام کو سراہا جائے .یاد رہے کہ وینا ملک سوشل میڈیا پر کافی متحرک رہتی ہیں اور عمران خان کی خاصی سپورٹ کرتی ہیں. کہا یہ بھی جاتا ہے کہ وینا ملک کا اکائونٹ وہ خود نہیں چلاتیں ان کا اکائونٹ کوئی اور چلاتا ہے.

اداکارہ ماہرہ خان جن کی اداکاری پر کئی بار کئی شخصیات سوال اٹھا چکی ہیں، فردوس جمال بھی ان میں سے ایک ہیں انہوں نے ماضی میں ماہرہ خان کے حوالے سے سخت قسم کے بیانات دئیے. جب ان پر بہت زیادہ تنقید ہوئی یہاں تک کہ ان کا ہم ٹی وی نے بائیکاٹ کر دیا اور ان کے بیٹے کو بھی کام حاصل کرنے میں دشواریاں پیش آئیں تو فردوس جمال کو اپنا بیان واپس لینا پڑا اور کہنا پڑا کہ ان کا وہ مقصد نہیں تھا جو سمجھا جا رہا ہے. ایکبار پھر سینئر اداکار فردوس جمال نے ماضی میں ماہرہ خان کے متعلق دئیے بیان کے بارے میں بات کی ہے ان کا کہنا ہے میں‌ نے

کبھی ماہرہ خان کو بوڑھی نہیں کہا، ہاں یہ میری رائے ضرور ہے کہ ماہرہ خان ہیروئنز کے کرداروں میں اچھی نہیں لگتیں ، بس یہی تب بھی کہا تھا، ماہرہ خان کو اپنی عمر کے حساب سے کردار کرنے چاہیں. فردوس جمال نے کہا کہ ماہرہ خان بوڑھی نہیں ہیں‌لیکن ہیروئنز کےکرداروں‌میں بھی نہیں جچتی. فردوس جمال نے ماضی میں جب اس قسم کا بیان دیا تھا ان کے ساتھی فنکاروں نے ہی انکا بائیکاٹ کر دیا تھا. یاد رہے کہ فردوس جمال کی ڈرامہ انڈسٹری کے لئے بہت زیادہ خدمات ہیں انہیں ان کے خدمات کے اعتراف میں متعدد مرتبہ ایوارڈز سے بھی نوازا جا چکا ہے. تاہم وہ اپنے مزاج کے انسان ہیں جو دل میں آتا ہے بول دیتے ہیں.

لالی وڈ اداکارہ ریشم نے حال ہی میں جیو نیوز کے شو ہنسنا منع میں شرکت کی ہے، شو میں ان کے ساتھ اداکار وسیم عباس بھی موجود تھے. میزبان نے ان سے مختلف سوالات پوچھے ایک سوال کے جواب میں ریشم نے کہا کہ میرے پاسپورٹ پر میری عمر سات سال زیادہ لکھی ہوئی ہے ، زیادہ اس لئے لکھی گئی عمر کیونکہ مجھے عمرہ کی ادائیگی کرنی تھی اور میری عمر کم تھی اسلئے عمر بڑھا کر لکھی گئی تاکہ مجھے ویزہ مل سکے اور میں عمرہ کی ادائیگی کر سکوں.مجھے آج تک لوگ کہتے ہیں کہ میری عمر بہت زیادہ ہے ٹھیک ہیں کہتے رہیں مجھے اس چیز سے بالکل بھی فرق

نہیں‌ پڑتا. مجھے اللہ کے گھر جانا تھا چلی گئی وہاں دعا کی کہ اللہ مجھے ہمیشہ اپنا محتاج رکھنا اور اللہ نے میری سن لی. میزبان نے کہا کہ آپ کے پاس موقع تھا پیرس سیٹل ہونے کا لیکن آپ نے لاہور کو ترجیح دی کیا یہ سچ ہے؟ تو ریشم نےکہا کہ جی ہاں ایسا ہی ہے میں نے لاہور کو ترجیح دی پیرس میں رہنا میرا خواب نہیں تھا. ریشم نے کہا کہ میری ایک عادت ہے کہ میں یہ دیکھتی ہوں کہ اگلے کا دل کتنا بڑا ہے اگر کسی کی جیب میں‌پانچ سو روپے ہیں بے شک وہ مجھ پہ خرچ نہ کرے لیکن اس کا دل بڑا ہونا چاہیے.
ریشم کی اس شو میں کی گئی گفتگو کافی وائرل ہو رہی ہے اور ایک بار پھر یہ بحث چھڑ گئی ہے کہ لڑکیاں اپنی عمر کیوں چھپاتی ہیں.

سینئر اداکارہ صائمہ نور نے حال ہی میں ایک انٹرویو دیا ہے انہوں نے اس میں کہا ہے کہ پاکستان فلمی صنعت کی بحالی کے لئے جو کوششیں ہو رہی ہیں وہ حوصلہ افزاء ضرور ہیں اور مجھے خوشی بہت زیادہ ہے اس چیز کی لیکن میں سمجھتی ہوں کہ یہ کوششیں آج سے دس سال پہلے شروع ہوجانی چاہیں تھیں. انہوں نے یہ بھی کہا کہ پاکستان میں بہت زیادہ ٹیلنٹ ہے اور پاکستانی فنکاروں نے اپنی صلاحیتوں کا لوہا ہر جگہ ہر سطح پر منوایا ہے. صائمہ نور نے مزید کہا کہ ہمیں اپنے فنکاروں کی عزت کرنی چاہیے.صائمہ نور نے ایک سوال کے جواب میں یہ بھی کہا کہ یہ تاثر بالکل

غلط ہے کہ میں نے فلموں سے کنارہ کشی اخیتار کی ہے میری اسی سال فلم تیرے باجرے دی راکھی ریلیز ہوئی ہے اور اب بھی مجھے کوئی اچھا
پراجیکٹ ملا تو میں ضرور کروں گی. میں اپنے مداحوں کے لئے کام کرتی ہوں اور میری کوشش ہوتی ہے کہ ایسا کام کروں جو انہیں‌پسند بھی آئے. صائمہ نور نے کہا کہ موجودہ دور کے تمام اداکار اچھا کام کررہے ہیں میں جب ان کا کام دیکھتی ہوں تو خوشی ہوتی ہے. میں نے ڈراموں میں بھی کام کیا ہے ڈراموں میں کام کرنے کا تجربہ اچھا رہا ہے اگر میرے پاس ڈرامے کا کوئی اچھا سکرپٹ آیا تو یقینا کروں گی.

اداکارہ ریشم جو اکثر سوشل میڈیا پر اپنی ایسی وڈیوز شئیر کرتی رہتی ہیں کہ جن میں وہ کبھی نیاز دلا رہی ہوتی ہیں کبھی کوئی دیگ بنا رہی ہوتی ہیں کبھی کسی کی مدد کررہی ہوتی ہیں. ایک ایسی ہی وڈیو ان کی جانب سے حال ہی میں سوشل میڈیا پر جاری کی گئی جس میں وہ دریا کے کنارے اپنی گاڑی روک کر باہر نکلتی ہیں اور باہر نکل کر وہ مچھلیوں کے کھانے کےلئے گوشت اور ڈبل روٹی پھینکتی ہیں ان کے اس عمل کی تو تعریف ہورہی ہے لیکن انہوں نے جو گوشت اور گوشت کے پلاسٹک کے تھیلے دریا میں خوراک پھینکنے کے ساتھ ہی پھینک دئیے اس پر بہت زیادہ تنقید ہو رہی ہے اور کہا جا رہا ہے کہ اداکارہ ماحولیاتی اور آبی آلودگی سے بے خبر ہیں شاید ان کو پتہ ہی نہیں کہ آبی اور

ماحولیاتی آلودگی کیا ہوتی ہے. سوشل میڈیا پر ریشم پر شدید تنقید کی جا رہی ہے تاہم ریشم کی جانب سے اس ھوالے سے نہ معذرت اور نہ ہی کوئی رد عمل سامنے آیا ہے . لیکن جنہوں نے بھی وڈیو دیکھی ہے وہ اداکارہ پر تنقید کے نشتر برسا رہے ہیں. ناقدین کا کہنا ہےکہ صرف ریشم ہی نہیں بلکہ ہمارے ہاں ہر دوسرا انسان اس طرح کے کام کرتا پایا جاتا ہے جو کہ نہایت ہی غلط ہے لوگوں کو شعور اور آگاہی دئیے جانے کی اشد ضرورت ہے.

تنازعات میں گھری رہنے والی وینا ملک جو ایک عرصہ سے سوشل میڈیا پر کافی متحرک رہتی ہیں انہوں نے حال ہی میں ایک انٹرویو دیا ہے اس میں انہوں نے خواتین کے حوالے سے بات کی ہے کہ ان کا کہنا ہے کہ مردوں کی تربیت ایسی ہونی چاہیے کہ وہ عورت کی عزت کو اپنا اولین فرض سمجھیں، دوسری طرف خواتین کی تربیت ایسی ہونی چاہیے کہ ان کو پتا ہونا چاہیے کہ ان کے حقوق کیا ہیں اور ان حقوق کو حاصل کرنے کے لئے انہیں کیا کرنا ہے. وینا ملک نے ایک سوال کے جواب میں کہاکہ نہ کوئی فلم خواتین سے برا سلوک کرنے کی ترغیب دیتی ہیں اور نہ ہی کوئی فیشن اسکی بے توقیری کرنے کی ترغیب دیتا ہے. یہ سب مرد کے خود کا ذہنی خلل ہوتا ہے. اصل بات یہ ہے کہ مرد کی بچپن سے ہی

تربیت خواتین کے حوالے سے اس طرح کی جانی چاہیے کہ وہ عورت چاہے اور اسکے گھر کی ہو یا باہر کی اسکو عزت کی نظر دیکھے اور اسکے ساتھ حسن سلوک کرے اسکو اپنے فیصلوں میں آزاد رکھے. وینا ملک نے مزید یہ بھی کہا کہ اگر مردوں کو اپنی مرضی کی زندگی جینے کا حق حاصل ہے ایسے ہی عورتوں کو بھی ان کی مرضی کی زندگی جینے کا حق حاصل ہے. صرف پاکستان ہی نہیں‌امریکہ جیسے ترقی یافتہ ملک میں بھی خاتون کی بے توقیری ہوتی ہے جو کہ نہیں ہونی چاہیے .

لالی وڈ کے سپر سٹار شان شاہد جن کے مداح ان کی فلم ضرار کی ریلیز کا بے چینی سے انتظار کررہے ہیں وہ ایک بار پھر مایوس ہو گئے ہیں کیونکہ فلم اس ماہ ریلیز نہیں‌کی جا رہی بلکہ فلم کی ریلیز کی تاریخ تبدیل کرکے اسکو نومبر کے مہینے تک لیجایا گیا ہے. اس بار جب فلم کی ریلیز 23 ستمبر کو کرنے کا اعلان کیا گیا تو کہا گیا تھا کہ یہ فائنل ڈیٹ ہے لیکن ایسا نہیں ہوا. فلم ضرار کی ریلیز آخر کیوں روکی گئی ہے اس حوالے سے شان شاہد نے کہا ہے کہ ہر طرف سیلاب ہے پانی ہی پانی ہے لوگ مررہے ہیں بے گھر ہیں بے آسرا ء ہیں ہر طرف پریشانی کا سماں ہے ایسے

میں ، میں ان کے لئے ڈونیشنز جمع کرتا پھر رہا ہوں کبھی یہاں ہوتا ہوں تو کبھی وہاں اس لئے فلم کی ریلیز کی جو تاریخ رکھی گئی اس پر میں پرموشنز کے لئے دستیاب نہیں‌ ہوں گا. میرے لئے اس وقت سب سے زیادہ اہم سیلاب زدگان کےلئے عطیات اکٹھا کرنا ہے اس لئے ہم نے سوچا کہ فلم کی ریلیز کی تاریخ کو مزید آگے لیجایا جائے.یاد رہے کہ فلم ضرار کی ریلیز کا بے چینی سے انتظار کی جا رہا ہے کیونکہ یہ اپنی نوعیت کی حساس موضوع پر بننے والی غالبا پہلی فلم ہے اسکو لکھا اور ڈائریکٹ بھی شان شاہد نے خود کیا ہے.