Tag: لالی وڈ

لالی وڈ اداکار شان شاہد کی فلم ضرار کی ایک بار پھر سے ریلیز ڈیٹ تبدیل کر دی گئی ہے. فلم کی فائنل ریلیز ڈیٹ 23 ستمبر رکھی گئی تھی ڈسٹری بیوٹرز ریلیز کی تمام تر تیاریاں کررہے تھے فلم کا پوسٹر بھی تیار کروا رہے تھے کہ اچانک پتا چلا فلم کی ریلیز کی تاریخ آگے چلی گئی ہے . اور کہا جا رہا ہے کہ اب فلم اکتوبر کے مہینے میں ریلیز کی جائیگی. فلم ضرار جس کا ٹریلر بھی وقفے وقفے سے کئی بار جاری ہو چکا ہے، اور ریلیز کی تاریخیں کئی بار فائنل کی جا چکی ہیں لیکن جیسے ہی ریلیز کی ڈیٹ قریب آتی ہے پھر کوئی نہ کوئی تبدیلی آجاتی ہے.حساس موضوع پر بنائی گئی اس فلم کی خاص بات یہ ہے کہ یہ اردو اور انگلش زبان میں ہے اس کے علاوہ اس میں کئی فارنرز نے بھی کام کیا ہے. پرڈیوسرز کے دعوے

کے مطابق فلم کا بجٹ 120 ملین ہے. فلم میں شان کے علاوہ کرن ملک ، ندیم بیگ ، نئیر اعجاز ، شفقت چیمہ اور رشید نز مرحوم اہم کردار کررہے ہیں. شفقت چیمہ اس میں ایک ہندو کر کردار کررہے ہیں جبکہ کرن ملک ایک صحافی، عدنان بٹ را کے ایجنٹ کا اور ندیم بیگ میجر جنرل مجتبی کا کردار ادا کررہے ہیں. تازہ اطلاعات یہی ہیں‌کہ فلم 25 نومبر 2022 کو ریلیز کی جائیگی فلم کو پاکستان کے علاوہ یوکے ،آسٹریلیا اور یو ایس اے میں بھی ریلیز کئے جانے کا امکان ہے.

پاکستان کی خوبصورت اور باصلاحیت اداکارہ ریشم نے حال ہی میں ایک انٹرویو دیا ہے انہوں نے کہا ہے کہ اب جو فلمیں بن رہی ہیں ان میں ٹی وی اور سٹیج کے فنکاروں کو بھی موقع ملنا چاہیے. ٹی وی اور سٹیج میں بہت سارے ایسے باصلاحیت اداکار ہیں جن کو فلموں میں کام کرنے کا موقع نہیں دیا جاتا. ریشم نے کہا کہ میں نے کام کے معاملے میں کبھی بھی کمپرومائز نہیں کیا ہمیشہ معیاری کام کیا ہے یہ یہی وجہ ہےکہ میرے پرستار مجھ سے پیار کرتے ہیں. ایک سوال کے جواب میں انہوں نے کہا کہ میری خواہش ہے کہ پاکستان فلم انڈسٹری ایک بار پھر پھلے پھولے اور

یہاں کی رونقیں ایک بار پھر سے بحال ہوں. جس طرح سے فلمیں بن رہی ہیں اس کو دیکھ کر لگتا ہے کہ بہت جلد پاکستان فلم انڈسٹری اپنے پائوں پرکھڑی ہو جائیگی. اور میرا یہ خواب کہ پاکستان فلم انڈسٹری پھلے پھولے ضرور حقیقت بنے گا. ریشم نے کہا کہ انقلابی بنیادوں‌ پر ہمیں انڈسٹری کی بہتری کے لئے اقدامات اٹھانے ہوں گے. یاد رہے کہ ریشم نے کیرئیر کے شروع میں ٹی وی ڈراموں میں بھی کام کیا اور خوب داد سمیٹی پھر انہیں سید نور نے فلم جیوا میں چانس دیا، فلم سپر ہٹ ہوئی اور ریشم راتوں رات سٹار بن گئیں.

ڈائریکٹر فیصل قریشی نے ا پنے آفیشل فیس بک اکائونٹ سے فلم ” منی بیک گارنٹی ” کا پہلا پوسٹر جاری کر دیا ہے، پوسٹر کی کافی تعریف کی جا رہی ہے. فلم اگلے برس اپریل کے مہینے میں ریلیز کی جائیگی. فلم کا پہلا ٹیزر بھی جلد ریلیز کر دیا جائیگا اس حوالے سے تیاریاں مکمل کر لی گئیں ہیں. فلم کی کاسٹ میں فواد خان، عائشہ عمر، میکال ذوالفقار، جان ریمبو، جاوید شیخ، حنا دل پذیر، گوہر رشید، شایان خان، مانی، کرن ملک، علی سفینہ شفاعت علی سمیت دیگر فنکار شامل ہیں. کہا جا رہا ہے کہ منی بیک گارنٹی میں سوئنگ کے سلطان لیجنڈ کرکٹر وسیم اکرم اور انکی اہلیہ شنیرا اکرم نے اداکاری کے جوہر دکھائے ہیں اس فلم کی ریلیز کے لئے شائقین اس لئے بھی منتظر ہیں کہ وہ دیکھ سکیں کہ وسیم اکرم اور شنیرا اکرم اداکاری کرتے ہوئے کیسی لگتی ہیں. فیصل

قریشی نے جب بھی کوئی پراجیکٹ کیا ہے وہ اپنی انفرادیت کی وجہ سے کافی سراہا گیا ہے. یہ دور حاضر کی واحد ایسی فلم ہے جس میں ایک ساتھ اتنے زیادہ سپر سٹارز موجود ہیں. فواد خان ، وسیم اکرم اور شنیرا اکرم کو ایک پلیٹ فارم کے نیچے لانا یقینا آسان کام نہیں‌تھا. فلم کا پوسٹر ریلیز ہوتے ہی شائقین پرجوش ہو گئے ہیں، پوسٹر کے بعد شائقین فلم کے ٹیزر اور اسکی ریلیز کے شدت سے منتظر ہیں. دیکھنا یہ ہے کہ ملٹی سٹارر اس فلم کو شائقین کی جانب سے کیسا ریسپانس ملتا ہے.

نوے کی دہائی میں فلم انڈسٹری میں قدم رکھنے والی اداکارہ صاحبہ نے حال ہی میں ایک انٹرویو دیا ہے اس میں انہوں نے کہا ہے کہ مجھے ذاتی طور پر سیریس کردار پسند ہیں یہی وجہ ہے کہ مجھے آج تک زیادہ تر سیریس کرداروں میں ہی میرے پرستاروں نے دیکھا ہے. صاحبہ نے کہا کہ ہم جس دور میں کام کررہے تھے وہ پاکستان فلم انڈسٹری کا بہت خوبصورت دور تھا پھر اس پر زوال آگیا اور میں ایک بار پھر پاکستان فلم انڈسٹری کو اوپر جاتا دیکھ رہی ہوں . مجھے بہت امید ہے کہ فلم انڈسٹری ایک بار پھر پھلے پھولے گی . آج کل جو فلمیں بن رہی ہیں ان پر بہت محنت

کی جا رہی ہے شائقین شوق سے دیکھنے کے لئے سینما گھروں کا رخ بھی کررہے ہیں. سرمایہ کار سرمایہ کاری بھی کررہا ہے اس سے اندازہ لگایا جا سکتا ہے کہ فلم انڈسٹری بہت جلد اپنے پائوں پر کھڑی ہو جائیگی.صاحبہ نے اس انٹرویو میں مزید کہا کہ میں آج جو بھی ہوں صرف اپنے شوہر کی بدولت ہوں انہوں نے میرا بہت ساتھ دیا. اگر شوہر ساتھ دے تو عورت کے لئے منزلیں طے کرنا آسان ہو جاتی ہیں. انہوں نے اپنے پرستاروں‌کا شکریہ ادا بھی کیا اور کہا کہ میں نے آج تک جو بھی کام کیا اسکو بے حد سراہا گیا جس کے لئے میں مداحوں کی ہمیشہ شکر گزار رہوں گی.

اداکارہ میرا جن کو ہر کسی سے ہر وقت کوئی نہ کوئی مسئلہ رہتا ہے پہلے وہ ایک عرصہ تک ماہرہ خان کے پیچھے پڑی رہیں آج کل وہ سوشل میڈیا سٹارز کے پیچھے پڑی ہیں ان کا گلہ ہے کہ فلموں میں اور ڈراموں میں سوشل میڈیا سٹارز کو ان کی فالونگ کی وجہ سے جگہ دی جا رہی ہے جو کہ پروفیشنل سٹارز کے ساتھ زیادتی ہے. میرا نے حال ہی میں ایک انٹرویو دیا ہے اور اس میں کہا ہے کہ سوشل میڈیا سٹارز خوابوں کی دنیا سے نکلیں اور عملی طور پر کچھ کر کے دکھائیں ایسا کچھ کر کے دکھائیں کہ لگے کہ وہ سچ میں سٹارز ہیں اور آرٹسٹ ہیں. فلمسٹار میرا نے مزیدکہا کہ جو لوگ دوسروں میں ہمیشہ خامیاں ڈھونڈتے رہتے ہیں وہ ہمیشہ ناکام ہی رہتے ہیں ، مجھ پر جو تنقید کرتے ہیں کرتے رہیں میں نے کبھی ان کو زبان سے نہیں بلکہ اپنے کام سے جواب دیا ہے. کام وہی ہے جو سب کو نظر آئے اور خود بولے. فلمسٹار میرا نے مزید کہا کہ مجھے

انڈسٹری میں تیس سال ہونے کو ہیں اور میں بہت خوش نصیب ہوں کہ مجھے میرے پرستاروں نے ہر کردار میں ہر روپ میں پسند کیا اور یہی میری شوبزنس میں سب سے بڑی کمائی ہے. میرا نے کہا کہ میں نے شوبز چھوڑا نہیں ہے جب بھی کوئی اچھا سکرپٹ ملا یقینا کام کروں گی، اداکاری میرا کل بھی جنون تھا اور بھی جنون ہے.

پاکستان میں‌ سیلاب نے بڑے پیمانے پر تباہی مچائی ہے، تباہی کی جس قسم کی وڈیوز سامنے آئی ہیں ان کو دیکھ کر دل دہل گیا ہے. لوگ کھلے آسمان کے تلے بھوکے پیاسے بیٹھے ہیں . ہر طرف پانی ہی پانی ہے لیکن پینے کو پانی کا قطرہ نہیں ہے. اسی صورتحال میں‌جو بھی جو کچھ کر سکتا ہے وہ کررہا ہے تاکہ سیلاب متاثرین کی مدد ہو سکے. اداکارہ مہوش حیات نے یہ بھی اپیل کی ہے کہ سیلاب متاثرین کی مدد کی جائے آپ کی جتنی استعداد ہے اسکے مطابق مدد کیجیے. انہوں نے انسٹاگرام پروڈیو کے زریعے لوگوں سے اپیل کی کہ وہ سیلاب متاثرین کی بحالی کام کیلئے مسلم چیرٹی تنظیم ’پینی اپیل‘ کے ساتھ اشتراک کریں کیوں کہ یہ تنظیم سیلاب سے شدید متاثر 30 علاقوں میں کام

کررہی ہے۔مہوش حیات کا کہنا تھا کہ کبھی کبھار الفاظ کافی نہیں ہوتے۔ آج میں ’پینی اپیل‘ کے ساتھ مل کر ایمرجنسی گلوبل اپیل لانچ کررہی ہوں تاکہ ان متاثرین کی مدد کی جائے جو سیلاب کے خوفناک المیے کا شکار ہیں۔ مہوش حیات نے مزید یہ بھی کہا کہ ضروری نہیں کہ پیسے ہی دئیے جائیں آپ کے پاس جو کچھ بھی ہے اور جو کچھ دے سکتے ہیں سیلاب زدگان کو دیجیے وہ اس وقت ایسی صورتحال میں‌ ہیں کہ جس کو دیکھ دل کٹ رہا ہے سوچ کر تکلیف ہورہی ہے کہ وہ کس اذیت سے گزرے اور مسلسل گرز رہے ہیں. بطور انسان ہمارا فرض ہے کہ ہم انسانیت کی خدمت کریں .

آمنہ الیاس جنہوں نے رواں برس ریلیز ہونے والی فلم چوہدری میں ” آتش” کے نام سے آئٹم سانگ کیا تھا اس سانگ کےلئے ان پر بہت تنقید ہوئی. تنقید کے پیش نذر فلم سے آئٹم سانگ کو مختصر بھی کر دیا گیا تھا. فلم میں آئٹم سنگ تو مختصر ہو گیا لیکن آمنہ الیاس پر ہونے والی تنقید کسی طور نہ رکی. اسی ھوالے سے آمنہ الیاس نے حال ہی میں ایک انٹرویو دیتے ہوئے کہا ہے کہ ہمارے ہاں آئٹم سانگ کو بہت زیادہ برا سمجھا جاتا ہے اور اسکا نام لیتے ہی بولڈ اور عریانیت کا خاکہ زہن میں بنا لیا جاتا ہے.انڈین اداکارائیں اگر آئٹم سانگ کریں تو ان کو بہت پسند کیا جاتا ہے اور بہت زیادہ شوق سے دیکھا اور ڈسکس کیا جاتا ہے ، یہاں تک کہ ماضی میں ریشم اور بابرہ شریف نے بھی آئٹم سانگ کئے ان کو پسند کیا گیا ان پر

کسی قسم کی تنقید نہیں کی گئی لیکن ہم کریں تو غلط . یہ کیسا معیار ہے؟‌. انہوں نے کہا کہ لوگوں کو سمجھنے کی ضرورت ہے کہ گانا گانا ہوتا ہے ائٹم سانگ بھی ایک طرح کا گانا ہوتا ہے اسکو عریانیت سے جوڑنا نہایت ہی غلط امر ہے. میں نے اسی سال ریلیز ہوئی فلم چوہدری میں جو آئٹم سانگ کیا وہ سکرپٹ کے حساب سے تھا لیکن اس پہ بھی بعض لوگوں نے تنقید کی . ٹھیک ہے تنقید کریں لیکن کسی کا حوصلہ توڑنے اور تنقید کرنے کے فرق کو سمجھیں.

اداکارہ ثمینہ پیرزادہ جو کہ عمران خان کو بطور سیاسی لیڈر بہت پسند کرتی ہیں ان کی پالیسیوں کو بہت سراہتی بھی ہیں وہ ٹویٹر پر کافی متحرک ہیں۔ ہر دوسرے لمحے ان کا کوئی نہ کوئی ٹویٹ آتا ہے اور عموما وہ عمران خان کے حق اور اپوزیشن کے خلاف ٹویٹس کرتی ہیں اور تنقید کا کوئی موقع ہاتھ سے نہیں جانے دیتیں۔ سیلاب کی آفت میں بھی انہوں نے ایسا ہی کیا انہوں نے ایک ٹویٹ کیا اور لکھا ” کاش پورے کا پورا موجودہ نظام بھی دریا برد ہوجائے اور پھر صحیح معنوں میں ایک فلاحی جمہوری نظام تشکیل دیں جہاں جمہور کی حاکمیت ہو کوئی جمہور کے حقوق کی پامالی کا سوچ بھی نہ سکے اور سب برابر کے شہری ہوں جہاں حکومت عوام کی فلاح اور بہبود کے لیے کام کرے اور ہر شہری خوشحال ہو” ۔ اس تنقید بھرے ٹویٹ کے بعد انہوں نے ایک اور ٹویٹ کی جس میں لکھا ” میرے پیارے پاکستانیو اپنے اہل وطن کی مدد کرنا ہم سب کا

فرض ہے۔ آئیں ان سب کی مدد کریں جو لوگوں کی جانیں بچا رہے ہیں اور محنت کر رہے ہیں ہر لمحہ”۔ ثمینہ پیرزادہ نے ایک اور ٹویٹ کی جس میں مایوسی کا اظہار کیا لکھا ” ‏اس صدی میں ہم اتنی بری طرح سے آفات سے لڑنے کے لئیے ناکام ہونگے میں سوچ نہیں سکتی تھی۔جب کہ ہم نے باقائدہ طور NDMA بنا رکھا ہے تو پھر کس چیز کا انتظار تھا؟جب سب ڈوب جائیگا تب؟؟ ہم کوئی بھی مستقبل کا پلان کیوں نہیں بنا پاتے؟؟؟۔آ کیوں آج تک ڈیم نہں بنا پائے ملک کی خاطر۔

لالی وڈ کے ہیرو بابر علی جنہوں نے نوے کی دہائی میں ریما خان و دیگر کے ساتھ سپر ہٹ فلموں میں کام کیا. اُس دور میں ان کا طوطی بولتا تھا. بابر علی ایک چینل پر شو بھی ہوسٹ کرتے رہے ہیں. آج کل ڈراموں میں کام کررہے ہیں ان کے مداح ان کو ہر روپ میں پسند کرتے ہیں. ورسٹائل اس اداکار نے گزشتہ روز انسٹاگرام پر ایک وڈیو شئیر کی جس میں وہ اپنی والدہ کے ساتھ نطر آرہے ہیں اور پیار بھرے اس ماحول میں بابر علی اپنی والدہ سے اپنے بالوں کی آئلنگ کروا رہے ہیں. اس دوران انہوں نے اپنی ماں کے لئے گنگنایا . بابر علی نے اپنے مداحوں کو بتایا کہ یہ میری والدہ ہیں اور میں سمجھتا ہوں کہ دنیا بھر کا سکون

ان کی گود میں ہے جو سکون ان کی صحبت میں ملتا ہے وہ کہیں اور کہاں؟. اداکار بابر علی کی اس وڈیو کے نیچے ان کے مداحوں اور شوبز کے ساتھیوں نے کمنٹس کئے. صبا فیصل نے لکھا کہ ماواں ٹھنڈیاں چھاواں‘ زندگی کا واحد سچا رشتہ۔نوجوان نسل کے نمائندہ فنکار حمد شعیب نے لکھا واہ. اسی طرح سے بابر علی کے مداحوں نے ان کا اپنی ماں کے لئے محبت کے جذبے کو سراہا. کسی نے کمنٹ کیا کہ ماں کا کوئی دوسرا نعم البدل نہیں ہے تو کسی نے لکھا کہ ماں کے بغیر زندگی کے سارے رنگ ادھورے لگتے ہیں.

اداکارہ میرا نے سوشل میڈیا پر ایک وڈیو جاری کی ہے اس وڈیو میں وہ بہت ہی فریش نظر آرہی ہیں۔ میرا نے نوجوان لڑکے لڑکیوں کو دیا ہے مشورہ. مشورے میں انہوں نے بتایا ہے کہ کسی کو جانچنا ہو تو کتنی ملاقاتیں کرنی چاہیں۔ اداکارہ میرا نے کہا کہ کسی سے آپ زیادہ سے زیادہ تین بار ملیں اور تیسری بار فیصلہ کر لیں کہ اس سکے ساتھ زندگی گزاری جا سکتی ہے یا نہیں۔ میرا نے کہا کہ دوسری ملاقات کے بعد تیسری ملاقات نتیجے والی ہونی چاہیے اس حوالے سے کہ کیا اس انسان جس کے ساتھ ملاقات کررہے ہیں رشتہ چل سکے گا یا نہیں۔ میرا نے زور دیکر کہا کہ اگر تین ملاقاتوں میں بھی سمجھ نہ آئے اور لگے کہ ہم ساتھ نہیں چل سکتے

تو پھر چھوڑ دیں اور بھول جائیں اور تعلق کو آگے نہ بڑھائیں۔ میرا کی اس وڈیو پرصارفین نے دلچپسپ تبصرے کئے اور کمنٹ سیکشن میں دلچسپ کمنٹس کئے۔ یاد رہے کہ فلمسٹار میرا کی زندگی میں مردوں کے ساتھ تعلقات کی کہانیاں ہمیشہ ہی تنازعات سے بھرپور رہی ہیں۔تاہم وہ کیپٹن نوید کے ساتھ رہتی ہیں اور اپنے سسرال والوں میں زیادہ وقت گزارتی ہیں ان کے سسرال والے امریکہ میں رہتے ہیں۔واضح رہے کہ فلمسٹار میرا نے نوے کی دہائی میں پاکستان فلم انڈسٹری میں قدم رکھا اور دیکھتے ہی دیکھتے نمبر ون ہیروئنز کی صف میں کھڑی ہو گئیں ان کے کریڈٹ پر چیف صاحب اور کھلونا جیسی سپر ہٹ فلمیں ہیں.