Tag: لانگ مارچ

اسلام آباد:چیمبرآف کامرس اینڈ انڈسٹریز کےوفد کی آئی جی اسلام آباد ڈاکٹر اکبر ناصر خاں سے سنٹرل پولیس آفس میں ملاقات ہوئی ہے، اسلام آباد سے ملنے والی اطلاعات میں بتایا گیا ہے کہ اس ملاقات میں لانگ مارچ اور دھرنے کے حوالے سے اپنے تحفظات پیش کئے ۔ لانگ مارچ اور دھرنوں سے تجارتی سرگرمیاں متا ثر ہوتی ہیں جس سے تاجر برادری کو نقصان برداشت کرنا پڑتا ہے ۔ وفد نے تمام سیاسی جماعتوں سے بھی گزارش کی کہ وہ اسلام آباد کودھرنوں کا گڑھ نہ بنائیں تاکہ وہ قومی او ر بین الاقوامی سطح پر تجارت کو جاری رکھ سکیں ۔وفد نے آئی جی اسلام آباد سے تجارتی مراکز سمیت سری نگر ہائی وے کو کھلا رکھنے کی گزارش کی ۔

اسلام آباد چیمبر آف کامرس اینڈ انڈسٹریز کے وفد کی آئی جی اسلام آباد ڈاکٹر اکبر ناصر خاں سے سنٹرل پولیس آفس میں ملاقات۔

لانگ مارچ اور دھرنے کے حوالے سے اپنے تحفظات پیش کئے،لانگ مارچ اور دھرنوں سے تجارتی سرگرمیاں متاثر ہوتی ہیں جس سے تاجربرادری کونقصان برداشت کرنا پڑتاہے ۔ pic.twitter.com/DHXQRGpyQE

— Islamabad Police (@ICT_Police) October 29, 2022

تفصیلات کے مطابق اسلام آباد چیمبر آف کامرس اینڈ انڈسٹریز کے وفد نے آئی جی اسلام آباد ڈاکٹر اکبر ناصر خاں سے سنٹرل پولیس آفس میں ملاقات کی ،جس میں انہوں نے لانگ مارچ اور دھرنے کے حوالے سے اپنے تحفظات پیش کئے ۔ وفد میں شریک تاجر رہنماﺅں نے آئی جی اسلام آباد کو بتایا کہ لانگ مارچ اور دھرنے انکے کاروبار پر اثر انداز ہوتے ہیں ۔چیمبر آف کامرس کے وفد نے آئی جی اسلام آباد کو مکمل تعاون کا بھی یقین دلایا اور تمام سیاسی جماعتوں سے بھی گزارش کی کہ وہ اسلام آباد کودھرنوں کا گڑھ نہ بنائیں تاکہ وہ قومی او ر بین الاقوامی سطح پر تجارت کو جاری رکھ سکیں ۔

عمران خان نے اپنی تقریرمیں بھیڑبکریاں کس کو کہہ دیا:ہرکوئی اپنی فکرکرنے لگا

وفد نے گزارش کی کہ اسلام آباد کے تمام تجارتی مراکز کھلے رکھنے کے لئے سہولیات مہیا کی جائیں اسی طرح آزاد جموں کشمیر کے ساتھ ان کی وسیع تجارت ہوتی ہے، جب کہ سری نگر ہائی وے کے ذریعے تعمیراتی سامان ، اشیاءخوردونوش اور دیگر ضروری اشیاءکی تجارت ہوتی ہے ،اس لئے ان شاہراﺅں کو کھلا رکھا جائے ۔ لانگ مارچ اور دھرنوں کے دوران دہشت گردی کے خطرات بھی بڑھ جاتے ہیں ،جس سے انسانی زندگی کے ساتھ ساتھ کاروباری سرگرمیاں بھی شدید متاثر ہوتی ہیں ۔

اسلام آباد:وزیرداخلہ رانا ثنااللہ نے تحریک انصاف کے رہنما علی امین کی مبینہ آڈیو میڈیا کو سنادی جس میں وہ اسلحہ اور بندے اسلام آباد کے قریب پہنچانے کی بات کررہے ہیں۔

اسلام آباد میں پریس کانفرنس کرتے ہوئے وفاقی وزیر داخلہ رانا ثنااللہ کا کہنا تھا کہ تحریک انصاف کا مارچ ایک فتنہ مارچ ہے، جو قوم کو تقسیم کرنے کی سازش ہے، عمران خان کے قریبی ساتھی نے 4 روز پہلے کہا تھا کہ یہ خونی مارچ ہو گا۔

وزیرداخلہ نے کہا کہ سچ کہنے والا گھر کا بھیدی تھا، جسے پی ٹی آئی نے فوری طور پر پارٹی سے نکال دیا، نوٹس کے مطابق کم از کم 7 سے 15 دن تو دیئے جاتے ہیں، فیصل واؤڈا نے ان کا ملک دشمن اور گھٹیا ایجنڈا بے نقاب کر دیا ہے۔

رانا ثنااللہ نے کہا کہ عمران خان اس ملک کی تباہی چاہتا ہے، اس کا کوئی جمہوری رویہ ہے نہ ہی یہ سیاستدان ہے، یہ فتنہ اپنے کھیل کو شیطانی مارچ کے ذریعے مکمل کرنا چاہتا ہے، اسلام آباد آ کر جلسہ کرنا تو اس کا مقصد نہیں ہے، یہ چاہتا ہے اسلام آباد میں فساد ہو اور لاشیں گریں، اس کا مقصد ہے کہ یہاں آ کر لاشیں گرائیں۔

عمران خان نے اپنی تقریرمیں بھیڑبکریاں کس کو کہہ دیا:ہرکوئی اپنی فکرکرنے لگا

وفاقی وزیر نے کہا کہ عمران خان ایک ایسا مافیا ہے جسے کوئی شرم نہیں کہ اس کام سے ملک کو کیا نقصان ہوگا، اس نے تو اس وقت بھی نہیں سوچا جب سائفر کا ڈرامہ رچایا، اور یہ کہتے ہوئے اسے کتنا ذہنی سکون تھا کہ ہم اس سے کھیلیں گے اور اسے ایک سازش کے طور پر پیش کریں گے۔

پی ٹی آئی بضد:مذاکرات کی حکومتی پیشکش مسترد کردی

وزیر داخلہ نے کہا کہ عمران خان چاہتے ہیں کہ اس طرح کی صورتحال پیدا کی جائے کہ عوام اور قانون نافذ کرنے والے اہلکاروں کے مابین کشیدگی ہو،اور دونوں طرف سے لاشیں ملیں، یا پھر اس دوران اس کے اپنے بندے ہی کارکنان کی لاشیں گرا دیں اور کہا جائے کہ فورسز نے یہ کام کیا ہے۔

رانا ثنااللہ نے کہا کہ لانگ مارچ کو خونی مارچ بنانے کے لئے چھوٹے چھوٹے جرائم پیشہ گروپس کو ذمہ داریاں دی گئی ہیں، اور اس میں گجرات بھی پیش پیش ہے، اس حوالے سے ہمارے پاس بہت سی غیر اہم اطلاعات موجود ہیں، تاہم اس وقت ایک ثبوت پیش کروں گا، یہ ایک سابق وفاقی وزیر کی گفتگو ہے جسے نظرانداز نہیں کیا جاسکتا، اور اس میں کوئی شک بھی نہیں ہوسکتا کیوں کہ اس وزیر کا ایک ریکارڈ موجود ہے

رانا ثنااللہ کی عمران خان کوغیرمشروط بات کرنے کی پیشکش:لانگ مارچ ختم کرنے کا…

وزیرداخلہ نے تحریک انصاف کے رہنما اور سابق وزیر علی امین گنڈا پور کی مبینہ آڈیو پیش کی جس میں سابق وفاقی وزیر ایک نامعلوم شخص سے پوچھ رہے ہیں کہ کیا پوزیشن ہے؟ بندوقیں اور لائسنس کتنے ہیں اور بندے کتنے ہیں۔ جس پر وہ نامعلوم شخص کہتا ہے کہ بندے اور بندوقیں بہت ہیں، آپ جتنے بولیں، اور لائسنس بھی بہت ہیں۔

مبینہ آڈیو میں علی امین گنڈا پور اس شخص سے پوچھتے ہیں کہ اسلام آباد کی سرحد کے قریب کون سی کالونی لگتی ہے؟۔ جس پر وہ شخص کہتا ہے کہ میں نے تو آپ کو پورا نقشہ بھیجا تھا۔ علی امین کہتے ہیں کہ بندے اور اسلحہ وہاں پر پہنچا دیں۔ جس پر وہ بندہ کہتا ہے کہ کوئی مسئلہ نہیں سب ہوجائے گا۔

لاہور: پی ٹی آئی نے لانگ مارچ کے حوالے سے حکومت کی مذاکرات کی پیش کش مسترد کردی۔یہ پیشکش رات وفاقی وزیرداخلہ رانا ثنااللہ کی طرف سے کی گئی تھی

اس حوالے سے پی ٹی آئی کے فواد چوہدری نے بیان میں کہا کہ حکومت کی مذاکرات کی دعوت کی خبریں غیر سنجیدہ ہیں،ایک طرف تحریک انصاف کے کارکنوں کو گرفتار کیا جا رہا ہے اور حقیقی آزادی مارچ کی کوریج پر پابندیاں ہیں۔

فواد چوہدری نے خدشہ ظاہر کرتے ہوئے کہا کہ دوسری طرف ایک غیر سنجیدہ کمیٹی کی تشکیل کی خبریں صرف آزادی مارچ کو انگیج کرنے کیلئے ہیں، یہ چالاکیاں نہیں چلنی انتخاب کی تاریخ دیں۔

یاد رہے کہ رات گئے رانا ثنااللہ کی طرف سے عمران خان کو غیر مشروط طور پر پی ڈی ایم قیادت سے بات کرنے کی پیشکش ہوئی ہے اور ساتھ ہی لانگ مارچ ختم کرنے کا مطالبہ سامنے آیا تھا،وفاقی وزیرداخلہ رانا ثنا اللہ نے پی ٹی آئی کے چیئر مین عمران خان کو غیر مشروط طور پر پی ڈی ایم قیادت سے بیٹھ کر بات کرنے کی پیشکش کر دی۔

عمران خان ایماندار اورمخلص انسان،آرمی چیف کو کبھی غدار نہیں کہا:فیصل واوڈا

سوشل میڈیا پر سامعین کے ساتھ گفتگو کرتے ہوئے رانا ثنااللہ نے کہا کہ عمران نیازی اپنا رویہ سیاستدانوں والا رکھے تو پھر بات ہو سکتی ہے،وہ غیرمشروط طور پر پی ڈی ایم قیادت سے رابطہ کریں اور بیٹھ کر بات کریں۔رانا ثنااللہ نے کہا کہ عمران خان لانگ مارچ ختم کردیں اور بات چیت کے لیےآگے آئیں

آرمی چیف کو کہا تھا کہ اگروہ آپ کو توسیع دے رہےہیں تو میں بھی دے دیتا ہوں:عمران…

وزیرداخلہ کا کہنا تھا کہ الیکشن موجودہ اسمبلی کی آئینی مدت پوری ہونے پر ہوں گےجبکہ عمران خان کے لانگ مارچ میں 10 سے 12 ہزار کے قریب لوگ ہیں۔ان کا کہنا تھا کہ وزیراعظم نے لانگ مارچ کا جائزہ لینے کیلئے ایک کمیٹی تشکیل دی ہے، عمران نیازی پر امن احتجاج کرنا چاہیں تو پھر ہمیں حق حاصل نہیں کہ اسے روکیں، اگر یہ اسلام آباد کا محاصرہ کریں گے تو بھرپور طاقت سے روکیں گے۔

چوہدری غلام حسین کوکیوں گرفتارکیا؟ایف آئی اے نے بتادیا

انہوں نے کہا کہ عمران خان عجیب آدمی ہے جو نہ سیاست کو سمجھتا ہے نہ جمہوریت کو، وہ اپنا رویہ تبدیل کرے اور سیاسی جماعتوں کے ساتھ آکر بیٹھے، ملک سیلاب کی تباہی سے دوچار ہے، معاشی بدحالی ہے، اس پر بات کرے۔

اس کے علاوہ وزیرداخلہ کا کہنا تھا کہ بہت سے لوگ بجلی کے بلوں پر بھی ناراض ہیں،جب تک ہم عوام کو ریلیف نہیں دیں گے اسی صورتحال کا سامنا رہے گا،ہم چاہتے تھے الیکشن میں جائیں،دوسری سیاسی جماعتوں کی جمہوری رائے کےساتھ جانا پڑا۔انہوں نے کہا کہ ادارے کے کسی عمل پر اختلاف تو کیا جا سکتا ہے لیکن حملہ نہیں کیا جاسکتا، کل ادارے کی طرف سے قوم کو گواہ بنا کر کہا گیا آئینی کردار ادا کریں گے۔

اسلام آباد:پی ٹی آئی کا لانگ مارچ: تمام چیف سیکریٹریز،سول سرونٹس اورآئی جیز کو براہ راست وفاق کےاحکامات ماننےکا نوٹیفکیشن جاری ہوچکا ہے اور متعلقہ ذمہ داران کوآگاہ بھی کردیا گیا ہے ،

ادھر دوسری طرف پاکستان تحریک انصاف کے لانگ مارچ کی پیش نظر سیکیورٹی خدشات کے باعث اسلام آباد انتظامیہ متحرک ہوگئی ہے۔

آسلام آباد انتظامیہ نے ریڈ زون جانے والے راستے بند کرنے شروع کردیئے ہیں جبکہ میریٹ چوک کنٹینرز لگا کے مکمل بند کیا جارہا ہے۔
اسلام آباد ڈی چوک سے ریڈ زون راستہ پہلے سے ہی مکمل بند ہے تاہم نادرا چوک بھی گیٹ لگانے کا کام جاری ہے جس کی وجہ ٹریفک کی آمد و رفت کے لیے پہلے سے بند ہے۔

اسکے علاوہ سرینا چوک پر بھی کنٹیرز جمع ہیں جسے بند کردیا جائیگا،صرف مارگلہ روڈ سے داخلی راستہ کھلا ہوگا وہاں بھی پولیس اور ایف سی کی اضافی نفری تعینات کردی گئی۔سرینا، میریٹ، ڈی چوک، ریڈ زون جانے والی راستوں پر پولیس و ایف سی کی اضافی نفری لگا دی گئی تاہم انتطامیہ مزید راستے بند کرنے کے لیے متحرک ہوگئی ہے۔علاوہ ازیں پاکستان تحریک انصاف کے لانگ مارچ کی کال کے بعد سندھ پولیس کے افسران و اہلکار سیکیورٹی کے لئے اسلام آباد روانہ کردیئے گئے ہیں۔

تفصیلات کے مطابق ترجمان سندھ پولیس نے بتایا ہے کہ لانگ مارچ کے لیے 2000 دو ہزار فورس اسلام آباد بھیجی گئی ہے۔ترجمان نے بتایا ہے کہ رزاق آباد پولیس ٹریننگ سینٹر سے 900 ریکروٹس اور ٹرینگ اسٹاف کو بذریعہ ٹرین اسلام آباد روانہ کیا گیا ہے۔

ترجمان نے بتایا ہے کہ وفاقی حکومت کی درخواست پر اب تک مجموعی طور پر دو ہزار افسران و اہلکار سندھ سے اسلام آباد سیکیورٹی کے لیے روانہ کیے گئے ہیں۔اسلام آباد روانہ کی گٸی پولیس فورس میں ایک ایس ایس پی، دو ایس پیز، چار ڈی ایس پیز، 20 سب انسپکٹرز شامل ہیں۔