Baaghi TV

Tag: لاہور قلندر

  • پی ایس ایل 10: لاہور قلندرز کا ٹاس جیت کر بیٹنگ کا فیصلہ

    پی ایس ایل 10: لاہور قلندرز کا ٹاس جیت کر بیٹنگ کا فیصلہ

    کراچی :یچ بی ایل پی ایس ایل 10 میں لاہور قلندرز نے ٹاس جیت کر کراچی کنگز کیخلاف بیٹنگ کا فیصلہ کیا ہے۔

    باغی ٹی وی :کراچی میں کھیلے جانے والے ایونٹ کے چھٹے میچ میں کپتان شاہین شاہ آفریدی نے ٹاس جیت کر بیٹنگ کا فیصلہ کیا ہے،ٹاس کے بعد لاہور قلندرز کے کپتان نے کہا کہ وکٹ بیٹنگ کے لیے سازگار دکھائی دے رہی ہے، اس لیے وہ ایک بڑا ہدف دے کر حریف ٹیم پر دباؤ ڈالنا چاہتے ہیں۔ دوسری جانب کراچی کنگز کے کپتان نے بھی ٹاس ہارنے کے بعد پرعزم انداز میں کہا کہ وہ کسی بھی ہدف کا تعاقب کرنے کے لیے تیار ہیں۔

    کراچی کنگز:

    ڈیوڈ وارنر (کپتان)، ٹِم سائفرٹ (وکٹ کیپر)، جیمز ونس، شان مسعود، عرفان خان نیازی، خوشدل شاہ، عرفات منہاس، عباس آفریدی، ایڈم ملنے، حسن علی، فواد علی

    لاہور قلندرز:

    فخر زمان، محمد نعیم، عبداللہ شفیق، ڈیرل مچل، سیم بلنگز (وکٹ کیپر)، سکندر رضا، شاہین شاہ آفریدی (کپتان)، رشاد حسین، حارث رؤف، آصف آفریدی، زمان خان

  • پی ایس ایل 10: لاہور قلندرز کے آصف آفریدی کونسا منفرد ریکارڈ بنانا چاہتے ہیں؟

    پی ایس ایل 10: لاہور قلندرز کے آصف آفریدی کونسا منفرد ریکارڈ بنانا چاہتے ہیں؟

    لاہور: پاکستان سپر لیگ کی ٹیم لاہور قلندرز کے کھلاڑی آصف آفریدی کا کہنا ہے کہ آج کل کی کرکٹ میں بولرز کے لیے کافی مشکل ہوتی ہے، میں پورے میچ کی پلاننگ کی بجائے ہر بال کے حساب سے سوچتا ہوں۔

    باغی ٹی وی : آصف آفریدی نے کہا کہ میرا ہدف اوروں سے کافی مختلف ہے اور وہ یہ ہے کہ ٹورنامنٹ میں سب سے زیادہ ڈاٹ بال میری ہوں میری یہ بھی خواہش ہے کہ میری بولنگ پر سب سے کم باؤنڈریز لگیں، آنکھ کی انجری کی وجہ سے اب بھی درد میں ہوتا ہوں مگر ٹیم کے لیے کھیل رہا ہوں مگر کھیل کے شوق اور جنوں کے سامنے یہ درد کچھ بھی نہیں ہے۔

    انہوں نے کہا کہ کراچی کنگز کے خلاف بھی اچھا کھیل کر اس کو ٹف ٹائم دیں گے اور پچھلا میچ جیت کر ہم نے مومینٹم حاصل کرلیا ہے ٹی ٹو ئنٹی میں بال بائی بال سوچتا ہوں اور ہمیشہ کوشش ہوتی کہ ڈاٹ بال کراؤں اور جب ایک ایک بال کا سوچتے ہیں تو یہ چیز بولر کو زیادہ مدد دیتی ہے۔

    وزیرِ اعلیٰ پنجاب سے امریکی کانگریس کے وفد کی ملاقات

    38 سالہ آصف آفریدی نے کہا کہ جب میچ شروع ہوتا ہےتو سب کچھ بھول کر کھیل پر فوکس ہو جاتا ہے اور کوشش ہوگی کہ اپنے تجربے سے اپنی ٹیم کو فتح دلا سکوں، میں عمر کا نہیں سوچتا ، پلیئر کی عمر اس وقت مسئلہ ہوتی ہے جب گراؤنڈ میں ایفرٹ نہ ہو لیکن اگر ایک پلیئر گراؤنڈ میں پوری ایفرٹ کررہا ہوتا ہے تو عمر کا کوئی مسئلہ نہیں ہوتالاہور قلندرز کے بارے میں جیسا سننا تھا ویسا ہی ہے یہا ں سب فیملی کی طرح ہیں۔

    سونیا حسین کب شادی کریں گی اور کتنے بچوں کی خواہشمند؟

    واضح رہے کہ پاکستان سپر لیگ میں آج لاہور قلندر ز اور کراچی کنگز کے درمیان میچ نیشنل اسٹیڈیم میں رات 8 بجے کھیلا جائے گا۔

  • پنجاب پولیس کے 2 جوان لاہور قلندرز کی ٹیم کے دورہ زمبابوے میں منتخب

    پنجاب پولیس کے 2 جوان لاہور قلندرز کی ٹیم کے دورہ زمبابوے میں منتخب

    پنجاب پولیس کا ایک اور اعزاز، 2 جوان لاہور قلندرز کی کرکٹ ٹیم کے دورہ زمبابوے کیلئے منتخب ہو گئے

    ایلیٹ فورس کے کانسٹیبل عمران عارف اور اینٹی رائٹ فورس کے محمد شعیب لاہور قلندرز کے پلئیر ڈویلپمنٹ پروگرام کا حصہ بن گئے۔ دونوں کھلاڑی زمبابوے میں منعقدہ ڈومیسٹک سیزن میں اپنی صلاحیتوں کا مظاہرہ کریں گے۔آئی جی پنجاب ڈاکٹر عثمان انور سے دونوں کھلاڑیوں، کوچ ندیم عباس اور لائزون افسر سلیم جٹ نے ملاقات کی۔ ملاقات کے موقع پر پیٹرن کرکٹ پاکستان پولیس سپورٹس بورڈ ایڈیشنل آئی جی عمران محمود بھی موقع پر موجود تھے۔ آئی جی پنجاب ڈاکٹر عثمان انور کا کہنا تھا کہ پنجاب پولیس کے کھلاڑیوں کا انٹرنیشنل دوروں کیلئے منتخب ہونا قابلِ فخر ہے، ایسے با صلاحیت اتھلیٹس کی بہترین تربیت اور حوصلہ افزائی کی جا رہی ہے۔

  • پی ایس ایل 9، مبشر لقمان لاہور قلندرز کے سپورٹر

    پی ایس ایل 9، مبشر لقمان لاہور قلندرز کے سپورٹر

    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ پی ایس ایل 9 میں ہی نہیں بلکہ میں ہمیشہ لاہور قلندر زکا سپورٹر رہا ہوں،

    مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ میں پہلے دن سے آج تک لاہور قلندر کا سپورٹر ہوں،ہماری دعائیں لاہور قلندر کے ساتھ ہیں، لاہور قلندر دو بار چیمپئن بن چکی، میں لاہور ی ہوں، جب وہ مار کھاتے تھے تب بھی میں لاہور قلندر کو سپورٹ کرتا تھا، لاہوری ا سے زیادہ دیکھ اور سوچ نہیں سکتے ہم نے اپنی ٹیم کو سپورٹ کرنا ہے، دو سال انہوں نے جو جیت کر دکھایا وہ کوئی جیت بھی نہیں سکتا، قلندر کی پاکستان ٹیم کو انتہا کی کنٹروبیوشن ہے، اگر لاہور قلندر کے پلیئرنکال دیں تو پاکستان کی ٹیم بنتی ہی نہیں،کسی اور فرنچائز نے اتنا کام نہیں جتنا لاہور قلندر نے کیا

    واضح رہے کہ پی ایس ایل 9 کا میلہ آج سے سجے گا۔ پہلا میچ دفاعی چیمپئین لاہور قلندر اور اسلام آباد یونائیٹڈ کے درمیان قذافی اسٹیڈیم لاہور میں کھیلا جائے گا۔

    پی ایس ایل 9 کیلئے ٹرافی کی رونمائی کردی گئی

    ایچ بی ایل پی ایس ایل سیزن 9“ ٹکٹوں کی پری بکنگ کا اعلان

    ایچ بی ایل پی ایس ایل کا نواں ایڈیشن کل سے شروع ہونے والا ہے

    انتظار ختم پی ایس ایل 9 کا میلہ آج سے سجے گا

  • پی ایس ایل،لاہور قلندرز کے غیر ملکی کھلاڑیوں کی آمد کا سلسلہ شروع

    پی ایس ایل،لاہور قلندرز کے غیر ملکی کھلاڑیوں کی آمد کا سلسلہ شروع

    پاکستان سپر لیگ کی دفاعی چیمپئین لاہور قلندرز کے غیر ملکی کھلاڑیوں کی آمد کا سلسلہ شروع ہو گیا

    ساوتھ افریقہ سے تعلق رکھنے والے رسی وین ڈر ڈسن لاہور پہنچ گئے ، نمیبیا کے آل راؤنڈر ڈیوڈ ویسا نے بھی لاہور قلندرز کو جوائن کر لیا ،پاکستان سپر لیگ کی دفاعی چیمپئین لاہور قلندرز اور پشاور زلمی آج پریکٹس میچ کھیلیں گی ،پریکٹس میچ آج دوپہر ایل سی سی اے گراونڈ میں کھیلا جائے گی ،لاہور قلندرز اور پشاور زلمی نے گزشتہ روز ٹریننگ سیشن میں حصہ لیا تھا ،لاہور قلندرز کا پہلا میچ 17 فروری کو اسلام آباد یونائیٹڈ کے خلاف شیڈولڈ ہے

    قبل ازیں پاکستان سپر لیگ (پی ایس ایل) کے نویں سیزن کا آفیشل اینتھم ریلیز کر دیا گیا ہے، پاکستان کرکٹ بورڈ کی جانب سے پی ایس ایل 9 کا اینتھم کُھل کے کھیل’ ریلیز کیا گیا جسے معروف گلوکار علی ظفر نےگایا ہے،اینتھم میں علی ظفر کےساتھ گلوکارہ آئمہ بیگ نے بھی آواز کا جادو جگایا ہے

    پاکستان سُپر لیگ کے نویں ایڈیشن کے میچز 17 فروری سے چار شہروں کراچی، لاہور، ملتان اور راولپنڈی میں کھیلے جائیں گے،ایونٹ کا فائنل 18 مارچ کو کراچی کے نیشنل بینک اسٹیڈیم میں ہوگا،

    پی ایس ایل 9 کیلئے ٹرافی کی رونمائی کردی گئی

    ایچ بی ایل پی ایس ایل سیزن 9“ ٹکٹوں کی پری بکنگ کا اعلان

  • انشا آفریدی ٹوئٹر پر ٹاپ ٹرینڈ پر کیوں؟

    انشا آفریدی ٹوئٹر پر ٹاپ ٹرینڈ پر کیوں؟

    لاہور: پی ایس ایل 7 اور 8 کی فاتح ٹیم لاہور قلندرز کے کپتان اور فاسٹ بولر شاہین شاہ آفریدی کی اہلیہ اور شاہد آفریدی کی دوسری بیٹی انشا سماجی رابطے کی ویب سائٹ ٹوئٹر پر ٹاپ ٹرینڈ پر ہیں-

    باغی ٹی وی : قذافی اسٹیڈیم میں قلندرز اور سلطانز کے درمیان کھیلے گئے ایچ بی ایل پی ایس ایل 8 کا فائنل دیکھنے شاہد آفریدی کی دونوں بڑی بیٹیاں اقصیٰ آفریدی اور انشا اسٹیڈیم میں موجود تھیں میچ کے دوران کیمرا بار بار کراؤڈ میں بیٹھی شاہد آفریدی کی بڑی بیٹی اور شاہین کی سالی اقصیٰ آفریدی کو فوکس کرتا رہا جسے مداحوں نے انشا سمجھ لیا اور ٹوئٹس میں اپنی رائے کااظہار کیا-

    پی ایس ایل 8 فائنل: ملتان کو شکست، لاہور مسلسل دوسری بار پی ایس ایل …


    جبکہ حقیقت میں میچ کے دوران انشا کو دکھایا ہی نہیں گیا، میچ کے بعد کی ایک ویڈیو سامنے آئی جس میں اسٹیڈیم کے اندر شاہین، اقصیٰ اور انشا سےگفتگو کر رہے تھے جب کہ انشا نے چہرے کو ماسک سے ڈھانپا ہوا تھا۔
    https://twitter.com/BashirTuMraYrNi/status/1637311220838543362?s=20
    اس کے علاوہ شاہین نے انشا کے ہمراہ ٹرافی پکڑے تصویر بھی لی جو سوشل میڈیا پر وائرل ہے اور انشا ٹوئٹر پر ٹاپ ٹرینڈ کررہی ہیں۔

    پی سی بی نے افغانستان کیخلاف ٹی20 سیریزکیلئے اسکواڈ کا اعلان کردیا

    واضح رہے کہ قذافی اسٹیڈیم میں کھیلے گئے میچ میں لاہور قلندرز نے دلچسپ مقابلے کے بعد ملتان سلطانز کو ایک رن سے شکست دے دی،ملتان سلطانز لاہور قلندرز کی جانب سے دیا گیا جیت کے لیے 201 رنز کا ہدف حاصل کرنے میں ناکام رہی اور مقررہ اوورز میں آٹھ وکٹوں کے نقصان پر 199 رنز بنا سکی۔

    خیال رہے کہ لاہور قلندرز دوسری بار پی ایس ایل ٹائٹل جیتنے والی دوسری ٹیم بن گئی ہے اس سے قبل اسلام آباد یونائیٹڈ بھی دو بار پی ایس ایل چیمپئن بن چکی ہے۔ ملتان سلطانز، کراچی کنگز، کوئٹہ گلیڈی ایٹرز اور پشاور زلمی ایک ایک بار ایونٹ جیت چکےہیں۔

    شاہین شاہ آفریدی پی ایس ایل 8 فائنل کے پلئیر آف دی میچ ، …

  • پی ایس ایل 8 : فاتح ٹیم لاہور قلندرز کو سونے سے بنی ٹرافی کیساتھ کتنی انعامی رقم ملی؟

    پی ایس ایل 8 : فاتح ٹیم لاہور قلندرز کو سونے سے بنی ٹرافی کیساتھ کتنی انعامی رقم ملی؟

    ملتان کو شکست دے کر لاہور قلندرز مسلسل دوسری بار پاکستان سپر لیگ کا چیمپئن بن گیا-

    باغی ٹی وی: پی ایس ایل کی فاتح ٹیم لاہور قلندرز کو 24 قیراط سونے سے بنی ٹرافی کے ساتھ 12 کروڑ روپے کی انعامی رقم بھی دی گئی،جبکہ فائنل کی رنز اپ ملتان سلطانز کو 4 کروڑ 80 لاکھ روپے دیے گئے۔


    واضح رہے کہ پی ایس ایل کے گزشتہ سیزن میں فاتح ٹیم کو 8 کروڑ جبکہ رنر اپ کو 3 کروڑ 20 لاکھ روپے ملے تھے۔

    خیال رہے کہ لاہور قلندرز دوسری بار پی ایس ایل ٹائٹل جیتنے والی دوسری ٹیم بن گئی ہے۔ اس سے قبل اسلام آباد یونائیٹڈ بھی دو بار پی ایس ایل چیمپئن بن چکی ہے۔ ملتان سلطانز، کراچی کنگز، کوئٹہ گلیڈی ایٹرز اور پشاور زلمی ایک ایک بار ایونٹ جیت چکےہیں۔


    میچ جیتنے کے بعد گفتگو کرتے ہوئے شاہین نے کہا کہ میں نے سوچا تھا مشکل وقت ٹیم کے کام آؤں گا ، والدین کی دعاؤں سے جیت حاصل ہوئی اللہ کا لاکھ لاکھ شکر ہے کہ دوسری مرتبہ فائنل جیت تمام کھلاڑیوں کو فیملی کی طرح رکھنے کی کوشش کی جیت کا کریڈٹ تمام کھلاڑیوں کو جاتا ہے،کافی مشکل میچ تھا،سوچا تھا آخری گیند تک لڑیں گے-


    کپتان ملتان سلطانزمحمد رضوان نے کہا کہ فائنل میں بہت پریشر ہوتا ہے، فائنل جیتنےکے لیے بہت محنت کی،لاہورقلندرز نے شاندار کھیل پیش کیا،وہ ٹرافی کے حقدار تھے،کافی مشکل ٹورنامنٹ تھا،فائنل کا پریشر تھا-

  • شاہین شاہ آفریدی پی ایس ایل 8 فائنل کے پلئیر آف دی میچ ، پلئیر آف دی ٹورنامنٹ کا ایوارڈ احسان اللہ کے نام رہا

    شاہین شاہ آفریدی پی ایس ایل 8 فائنل کے پلئیر آف دی میچ ، پلئیر آف دی ٹورنامنٹ کا ایوارڈ احسان اللہ کے نام رہا

    لاہور قلندرز پاکستان سپر لیگ( پی ایس ایل) کے مسلسل دوسری مرتبہ چمپئن بن گئے،فائنل کا فیصلہ آخری اوور کی آخری گیند پر ہوا-

    باغی ٹی وی: قذافی اسٹیڈیم میں کھیلے گئے میچ میں لاہور قلندرز نے دلچسپ مقابلے کے بعد ملتان سلطانز کو ایک رن سے شکست دے دی،ملتان سلطانز لاہور قلندرز کی جانب سے دیا گیا جیت کے لیے 201 رنز کا ہدف حاصل کرنے میں ناکام رہی اور مقررہ اوورز میں آٹھ وکٹوں کے نقصان پر 199 رنز بنا سکی۔

    پی ایس ایل 8 : فاتح ٹیم لاہور قلندرز کو سونے سے بنی ٹرافی کیساتھ کتنی انعامی رقم ملی؟

    سلطانز کے رائیلی روسو نے 32 گیندوں پر52 رن بنائے جب کہ محمد رضوان 34 اور خوشدل شاہ 25 رنز کے ساتھ نمایاں رہے قلندرز کے کپتان شاہین شاہ آفریدی نے 4 جب کہ راشد خان نے 2 اور ڈیوڈ ویسا نے ایک وکٹ حاصل کی اس جیت کے ساتھ لاہور قلندرز ٹائٹل کا دفاع کرنے والی پی ایس ایل کی پہلی ٹیم بن گئی ہے۔

    لاہور قلندرز کے کھلاڑیوں نے فتح کے بعد گراونڈ کا چکرلگایا اور شائقین سے داد سمیٹی، شاہین شاہ آفریدی پی ایس ایل 8 فائنل کے پلئیر آف دی میچ قراردیئے محمد رضوان کو ٹورنامنٹ میں سب سے زیادہ رن بنانے کا ایوارڈ دیا گیاعباس آفریدی کو ٹورنامنٹ میں سب سے زیادہ وکٹیں لینے کا ایوارڈ ملا-

    شاہین شاہ آفریدی پی ایس ایل 8 فائنل کے پلئیر آف دی میچ ، …

    پی ایس ایل 8، پلئیر آف دی ٹورنامنٹ کا ایوارڈ احسان اللہ کے نام رہااحسان اللہ نے کہا کہ پلیئر آف دی ٹورنامنٹ کا ٹائٹل اپنے والد کےنام کرتا ہوں، کراچی کنگز کے کپتان عماد وسیم کو بہترین آل راونڈ کا ایوارڈ دیدیا گیا،پی ایس ایل8 کے بہترین وکٹ کیپر کا ایوارڈ محمد رضوان کے نام رہا،احسان اللہ کو پی ایس ایل کا بہترین با لر کے ایوارڈ سے نوازا گیا-

    جیسن روئے نے پی ایس ایل کی تاریخ کا سب سے بڑا اسکور بنایا،کوئٹہ گلیڈی ایٹر زکے جیسن روئے نے63گیندوں پر 145رنز بنائےجیسن روئے نے پشاور زلمی کیخلاف5چھکوں اور20چوکوں کی مدد سے145رن بنائے،ملتان سلطانز کے ریلی روسو 121رن کے ساتھ دوسرے نمبر پر رہے،ریلی روسو نے پی ایس ایل 8 کی تیز ترین ففٹی بنا کر اعزاز بھی حاصل کیا-

    ملتان سلطانز کے عثمان خان 120رن کے ساتھ تیسرے نمبر پر رہے،کوئٹہ گلیڈی ایٹر زکے مارٹن گپٹل 117رن بناکر چوتھےنمبر پرآئےپشاور زلمی کےکپتان بابراعظم اور فخرزمان 115رن بناکر پانچویں نمبر پر رہے-

    پی ایس ایل 8 فائنل: ملتان کو شکست، لاہور مسلسل دوسری بار پی ایس ایل …

    کپتان ملتان سلطانزمحمد رضوان نے کہا کہ فائنل میں بہت پریشر ہوتا ہے، فائنل جیتنےکے لیے بہت محنت کی،لاہورقلندرز نے شاندار کھیل پیش کیا،وہ ٹرافی کے حقدار تھے،کافی مشکل ٹورنامنٹ تھا،فائنل کا پریشر تھا،

  • لاہور قلندرز کو بولنگ کی وجہ سے دوسری ٹیموں پر برتری حاصل ہے

    لاہور قلندرز کو بولنگ کی وجہ سے دوسری ٹیموں پر برتری حاصل ہے

    راولپنڈی: ایچ بی ایل پی ایس ایل کی ٹیم لاہور قلندرز کے شاہین آفریدی کی کپتانی کے اوورسیز پلیئرز ڈیوڈ ویسا اور راشد خان فین ہوگئے۔

    باغی ٹی وی: ڈیوڈ ویسا کا کہنا ہے کہ شاہین آفریدی قدرتی کپتان ہیں وہ جانتے ہیں کہ کھلاڑیوں کا بہترین استعمال کیسے کرنا ہے شاہین آفریدی کھلاڑیوں کو میدان میں پُرسکون رکھتے ہیں، وہ تکنیکی طور بہت مضبوط ہیں اور فیلڈ میں بروقت فیصلے کرتے ہیں۔

    ملتان سلطانز نے کوئٹہ گلیڈی ایٹرز کو شکست دیکرپلے آف کی دوڑ سے باہرکر دیا

    افغان کرکٹر راشد خان نے شاہین آفریدی کے بارے میں کہا کہ دو برسوں سے جس طرح شاہین نے کھلاڑیوں کو سنبھالا ہوا ہے وہ بہت اہم ہے شاہین آفریدی جس طرح کھلاڑیوں کو بیک کرتے ہیں وہ ایک اچھے کپتان کی نشانی ہے۔

    انہوں نے مزید کہا کہ میں دو سالوں میں شاہین آفریدی کی کپتانی میں کھیل کر لطف اندوز ہوا ہوں، شاہین کے ساتھ سفر اچھا رہا ہے اور مستقبل میں بھی جاری رہے گا۔

    کیوی کمنٹیٹر کی پشاور زلمی کے کپتان بابراعظم کی سینچری پرتنقید

    کامران غلام نے کہا کہ اس پی ایس ایل کے آغاز میں میری پرفارمنس اچھی نہیں تھی لیکن میں نے محنت جاری رکھی اور جب دوبارہ موقع ملا تو اس سے فائدہ اٹھایا کوچز نے نیٹ پر مجھے ذہنی طور پر مضبوط بنایا اور بہت سپورٹ کیا، یہی وجہ ہے کہ مجھے اس کا بہت فائدہ ہوا لاہور قلندرز کو بولنگ کی وجہ سے دوسری ٹیموں پر برتری حاصل ہے۔

    انہوں نے کہا کہ شاہین آفریدی، حارث رؤف اور راشد خان ورلڈ کلاس بولر ہیں، اس پی ایس ایل میں ہماری بولنگ سب سے ٹاپ پر ہے، اچھی بولنگ ہو تو اس سے بڑا فرق پڑتا ہے، پچز خواہ کیسی بھی ہوں، کیونکہ ہماری بولنگ اتنی آسانی سے اتنے رنز نہیں دیتی اور نہ ہدف آسانی سے پورا کرنے دیتی ہے-

    ملتان سلطانز کے عثمان خان نے پی ایس ایل کی تیز ترین سنچری بنا …

  • لاہور قلندر نے ملتان سلطانز کو شکست دے دی

    لاہور قلندر نے ملتان سلطانز کو شکست دے دی

    لاہور: پاکستان سپر لیگ 8 میں لاہور قلندرز نے ملتان سلطانز کو 21 رنز سے شکست دے دی۔

    باغی ٹی وی: قذافی اسٹیڈیم لاہور میں کھیلے گئے ایونٹ کے 20 ویں میچ میں لاہور قلندرز نے ٹاس جیت کر پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 189 رنز بنائے۔

    لاہور قلندرز کی جانب سے وکٹ کیپر بیٹر سیم بِلنگز 54 اور عبداللہ شفیق 48 رنز بنا کر نمایاں رہے۔ مرزا بیگ 17، سکندر رضا 14اور کپتان شاہین شاہ آفریدی 9 رنز بنا کر آؤٹ ہوئے ڈیوڈ ویزے 15 رنز بنا کر ناٹ آؤٹ رہے۔

    ملتان سلطانز کی جانب سے انور علی، احسان اللہ، عباس آفریدی اور کیرون پولارڈ نے 2،2 جبکہ ثمین گل نے 1 وکٹ حاصل کی۔

    بعد ازاں 181 رنز کے تعاقب میں ملتان سلطانز مقررہ 20 اوورز میں 7وکٹوں کے نقصان پر 159رنز بنا سکی۔

    ملتان سلطانز کی جانب سے کیرون پولارڈ 39 رنز بنا کر نمایاں رہےکپتان محمد رضوان 30، شان مسعود19، اسامہ میر 17، رائلی روسو 12، خوشدل شال 10 اور ڈیوڈ ملر 2 رنز بنا کر آؤٹ ہوئے،انور علی 17 اور عباس آفریدی 4 رنز بنا کر ناٹ آؤٹ رہے ۔

    لاہور قلندرز کی جانب سے راشد خان نے 3 جبکہ زمان خان، حارث رؤف، سکندر رضا اور حسین طلعت نے 1،1 وکٹ حاصل کی۔

    قبل ازیں قذافی اسٹیڈیم میں کھیلے جا رہے میچ میں ٹاس کے بعد گفتگو کرتے ہوئے لاہور قلندرز کے کپتان شاہین شاہ آفریدی نے کہا ہے کہ لاہور قلندرز کی ٹیم میں کوئی تبدیلی نہیں کی گئی ہے۔اچھا ہدف دینے کی کوشش کریں گے۔

    ملتان سلطانز کے کپتان محمد رضوان نے کہا کہ آج کے میچ میں 2تبدیلیاں کی گئی ہیں، آج کی پچ مختلف لگ رہی ہے۔ٹاس کو نہیں دیکھتے ،اچھی کرکٹ کھیلنے کی کوشش کریں گے۔