Tag: لاہور

لاہور ہائیکورٹ میں اسموگ کے تدارک کے حوالے سے دائر درخواستوں پر سماعت ہوئی

عدالت نے کہا کہ اگر اس سال بھی برف باری نہیں ہوئی تو یہ الارمنگ صورتحال ہے، جسٹس شاہد کریم نے کہا کہ حکومت کو فوری واٹر ایمرجنسی لگانا چاہئے پائپوں کے ذریعے پانی کے ضیاع کو روکنا چاہئے،ہائیکورٹ میں بھی پائپوں کے ذریعے صحن دھویا جاتاہے ،یہ حکومت کی طرف سے اقدامات لئے جانے چاہئے، زیر زمین پانی کی سطح کم ہوتی جارہی ہے،ہم کتنے عرصہ سے بول رہے ہیں کہ دس مرلہ یا اس سے اوپر کوئی ایسا گھر نہیں بنے گا جس میں پانی کی ریسائیکلنگ کا پلانٹ نہ ہو، عدالت نے استفسار کیا کہ پی ڈی ایم اے کے ڈی جی صاحب کہاں ہیں؟ کیا پی ڈی ایم اے کو اس نوٹس نہیں لینا چاہیے تھا؟ پی ڈی ایم اے کو بند کر دیں اگر اس نے کچھ نہیں کرنا۔اگر ہر کام کورٹ نے یا کمیشن نے کرنا ہے تو پی ڈی ایم اے کو بند کر دیتے ہیں،یہ ڈیزاسٹر میننیجمنٹ اتھارٹی ہے؛ سکول بسوں کا بڑے سکولز کو ٹارگٹ کریں اور ان سے شروع کریں، یہ بتائیں کہ ایچی سن کو کون ڈیل کر رہا ہے، ایچی سن سے شروع کریں اور انکو بتائیں کہ انکے پچاس فیصد بچے کم از کم بسز پر آئیں گے،

روڈا نے پلانٹیشن کرنا تھی، ابھی تک ایک درخت بھی نہیں لگایا،عدالت میں انکشاف
ممبر واٹر جوڈیشل کمیشن نے کہا کہ ہم نے نجی سکولز کا سروے کیا، وکیل واسا نے کہا کہ واٹر میٹرز کے حوالہ سے کام کر رہے ہیں، پہلے کمرشل عمارات میں واٹر میٹر لگیں گے پھر نجی سطح پر، ممبر واٹر جوڈیشل کمیشن نے کہا کہ کار شو رومز کا بھی مسئلہ ہے وہاں روزانہ گاڑیاں دھلتی ہیں، عدالت نے کہا کہ کار شو رومز بہت زیادہ پانی استعمال کر رہے ہیں انکا ٹیرف بڑھائیں،حکومت کو مبارکباد پیش کرتا ہوں انہوں نے بہت اچھا کام کیا، ہر بندہ اس پر مبارکباد کا مستحق ہے، عدالتی معاون نے کہا کہ فاریسٹ ڈیپارٹمنٹ نے مانگا منڈی کے قریب چھ سو ایکڑ جگہ روڈا کو دے رکھی ہے،ممبر واٹر جوڈیشل کمیشن نے کہا کہ روڈا نے وہاں پر پلانٹیشن کرنا تھی، ابھی تک ایک درخت بھی نہیں لگایا،روڈا سے رپورٹ مانگی انہوں نے ابھی تک رپورٹ بھی نہیں دی، روڈا والے دیہاتی علاقوں کے لوگوں کو کروڑوں روپے کے ٹیکس نوٹسز بھیج رہے ہیں کمرشلائزیشن کے نام پر، ممبر واٹر کمیشن
مناواں میں پارک کی جگہ پر قبضے ہو رہے ہیں،عدالت نے کہا کہ اگلی پیشی میں اس پر جواب جمع کروائیں،

مریم نواز کا لاکھوں خاندانوں کو نگہبان رمضان پیکج دینے کا اصولی فیصلہ

میں نے حملہ آور کو کمرے میں بند کر دیا تھا، سیف علی خان کا دعویٰ

پنجاب کی وزیر اعلیٰ مریم نوازشریف کی زیر صدارت ایک اہم اجلاس منعقد ہوا جس میں لاکھوں خاندانوں کو "نگہبان رمضان پیکج” دینے کا اصولی فیصلہ کیا گیا۔ اجلاس میں مختلف تجاویز اور سفارشات پر تفصیل سے غور کیا گیا۔

وزیر اعلیٰ مریم نوازشریف نے "نگہبان رمضان پیکج” کے تحت نادار اور مستحق افراد کو رمضان کے مہینے میں خصوصی سہولت دینے کی تجویز کی منظوری دی۔ انہوں نے کہا کہ یہ پیکج نادار لوگوں کا حق ہے اور حکومت کا فرض بھی ہے۔ انہوں نے مزید کہا کہ رمضان المبارک کے دوران عوام کو عزت و احترام کے ساتھ ان کا حق ملنا چاہیے، اور انہیں کسی بھی قسم کی پریشانی کا سامنا نہیں کرنا چاہیے۔مریم نوازشریف نے شہریوں کو ہدایت کی کہ وہ "نگہبان رمضان پیکج” کے لیے 15 فروری تک اپنی رجسٹریشن مکمل کرائیں۔ وزیر اعلیٰ نے اس بات پر زور دیا کہ عوام کو لائنوں میں لگنے کی ضرورت نہیں، اور انہوں نے شفافیت کو یقینی بنانے کے لیے تمام متعلقہ اقدامات اٹھانے کی ہدایت دی۔

پیکج کی رجسٹریشن کے لیے شہریوں کو آسانی فراہم کرنے کے لیے، "پی ایس ای آر” (Punjab Social Protection, Education, and Empowerment Registration) پورٹل کی سہولت دی گئی ہے۔ وزیر اعلیٰ نے بریفنگ دیتے ہوئے بتایا کہ شہری گھر بیٹھے اس پورٹل کے ذریعے بھی اپنی رجسٹریشن کروا سکتے ہیں، اور اگر کسی کو آن لائن تک رسائی نہیں ہے تو وہ یونین کونسل یا بلدیہ دفاتر میں جا کر بھی رجسٹریشن کرا سکتے ہیں۔عوام کو رہنمائی فراہم کرنے کے لیے ایک ہیلپ لائن نمبر 080002345 بھی قائم کیا گیا ہے جس کے ذریعے شہری کسی بھی قسم کی معلومات حاصل کر سکتے ہیں اور اپنے مسائل کا حل تلاش کر سکتے ہیں۔

وزیر اعلیٰ مریم نوازشریف نے کہا کہ رمضان المبارک میں عوام کی خدمت کرنا ایک عبادت سمجھا جائے، اور تمام انتظامیہ اور متعلقہ حکام کو یہ ذمہ داری فرض نہیں بلکہ عبادت کے طور پر ادا کرنی چاہیے۔ انہوں نے مزید کہا کہ پیکج میں شامل ہونے والے افراد کو اس بات کی یقین دہانی کرائی جائے گی کہ انہیں کوئی پریشانی یا مشکل نہ پیش آئے۔

میں نے حملہ آور کو کمرے میں بند کر دیا تھا، سیف علی خان کا دعویٰ

انجینئرنگ یونیورسٹی،ملازمین کی تنخواہوں سے ٹیکس کاٹا لیکن جمع نہ کروایا

علامہ اقبال انٹر نیشنل ائیر پورٹ پر قطر جانے والے مسافر کے سامان سے 13عدد 9ایم ایم گولیاں برآمد ہونے پر اسےاف لوڈ کر دیا گیا ۔

باغی ٹی وی کے مطابق اے ایس ایف نے والٹن کے رہائشی مسافر شان صادق کو دوران سکیننگ لیپ ٹاپ بیگ سے گولیاں برآمد ہونے پر تھانہ سرور روڈ کے حوالے کر دیا ۔ تھانہ سرور روڈ میں مسافر شان صادق کے خلاف 13-2a1965کی دفعات کا مقدمہ درج کیا گیا ۔ایف آئی آر میں کہا گیا ہے کہ 9ایم ایم کی 13عدد گولیوں کا لائسنس مانگنے پر مسافر نہیں دکھا سکا ۔ملزم کے مطابق گولیاں والد کے لائسنس پر خریدی گئیں ۔مسافر شان صادق لاہور سے قطر ائر ویز کی پرواز 621سے دوحہ جا رہا تھا ۔ مسافر دوحہ میں قطر ائیر لائن میں بطور ٹریفک اسسٹنٹ کام کرتا ہے ۔مسافر اے ایس ایف کی پہلی چیکنگ سے گزر گیا ،امیگریشن کاونٹر سے بھی گزر گیا ۔آخری کاونٹر سے اے ایس ایف نے دوبارہ چیکنگ پر گولیاں برآمد کیں ۔

اوچ شریف: ہائی ایس حادثے میں ایک جاں بحق، تین زخمی

جی سی یونیورسٹی کی طالبہ سےاجتماعی زیادتی کامرکزی ملزم گرفتار

7 سال کے طویل انتظار کے بعد لاہور کے شہریوں کے لیے الیکٹرک بسیں پہنچنا شروع ہوگئی ہیں۔ 21 الیکٹرک بسیں لاہور پہنچ گئیں،6مزید ا لیکٹرک بسیں کل لاہور پہنچ جائیں گی۔

باغی ٹی وی کے مطابق وزیر ٹرانسپورٹ پنجاب بلال اکبر کا کہنا ہے 15فروری تک لاہور کی سڑکوں پر الیکٹرک بسیں رواں دواں ہوں گی، وزیراعلیٰ پنجاب مریم نوازافتتاح کریں گی۔مجموعی طور پر27 الیکٹرک بسیں پہلے فیز میں پائلٹ پراجیکٹ کے طور پر چلیں گی،لاہور میں مزید 500سےزائدالیکٹرک بسیں بھی چلائی جائیں گی۔2018 سے لاہور ٹرانسپورٹ کمپنی کے متعدد روٹس بند ہونے کے بعد شہری پبلک ٹرانسپورٹ کی سہولت سے محروم تھے۔ تاہم، پنجاب حکومت نے 27 الیکٹرک بسوں کو پہلے فیز میں پائلٹ پروجیکٹ کے طور پر چلانے کا اعلان کیا ہے۔

الیکٹرک بسیں روٹ نمبر 3 پر گرین ٹاؤن سے ریلوے اسٹیشن تک چلائی جائیں گی۔بسوں کی چارجنگ کے لیے گرین ٹاؤن میں چارجنگ اسٹیشن قائم کیا گیا ہے۔ہر بس میں 60 مسافروں کے بیٹھنے کی گنجائش ہوگی، جو ماحول دوست اور آرام دہ سفر فراہم کرے گی۔بسوں کے کرایوں کا تعین کیبنٹ کمیٹی کرے گی، جبکہ ان الیکٹرک بسوں کا باقاعدہ افتتاح وزیراعلیٰ پنجاب مریم نواز 15 فروری کو کریں گی۔پنجاب ٹرانسپورٹ کمپنی نے فیصل آباد اور بہاولپور کے لیے بھی الیکٹرک بسوں کے ٹینڈر جاری کر دیے ہیں، جو صوبے بھر میں جدید اور ماحول دوست ٹرانسپورٹ سسٹم کے قیام کی جانب ایک اہم قدم ہے۔واضح رہے اس وقت اسلام آباد، کراچی میں بھی الیکٹرک بسیں آپریشنل ہیں اور ہزاروں شہری اس سے مستفید ہورہے ہیں۔

لاہور: ایران کی پارلیمنٹ کے رکن محمد میرزائی کی قیادت میں ایران کا ایک اعلیٰ سطحی وفد پنجاب اسمبلی کے اسپیکر ملک محمد احمد خان سے ملاقات کے لیے اسمبلی چیمبر پہنچا۔

ملاقات میں ایران کے پارلیمانی وفد میں علی اکبر علی زادہ بورمی، امیر حسین ثابتی مونفرد، اور علی معروفی شامل تھے۔ اس موقع پر قونصل جنرل ایران لاہور مہران موحدفر، مسٹر حسینی اور علی اصغر مسعودی بھی موجود تھے۔ملاقات میں دونوں ممالک کے درمیان پارلیمانی اور اقتصادی تعلقات کو مزید فروغ دینے پر تفصیل سے بات چیت کی گئی۔ سپیکر پنجاب اسمبلی ملک محمد احمد خان نے کہا کہ ایران اور پاکستان کے درمیان مذہبی اور ثقافتی تعلقات کی گہرائی دونوں ممالک کے عوام کے درمیان محبت اور احترام کا نشان ہیں۔ انہوں نے مزید کہا کہ پارلیمانی رابطے دو طرفہ تعلقات کو مزید مستحکم بنانے میں اہم کردار ادا کریں گے۔سپیکر ملک احمد خان نے کہا کہ پاکستان اور ایران کے درمیان دوستانہ تعلقات نہ صرف دوطرفہ ترقی کے لیے اہم ہیں بلکہ یہ علاقائی امن و استحکام میں بھی اہم کردار ادا کر سکتے ہیں۔ انہوں نے اس بات پر زور دیا کہ دونوں ممالک کے درمیان تاریخی تعلقات کو تجارتی تعلقات میں تبدیل کرنا باہمی ترقی کے لیے ضروری ہے۔

ایرانی رکن پارلیمنٹ محمد میرزائی نے سپیکر ملک محمد احمد خان کو ایران کے دورے کی دعوت دی، جسے سپیکر نے خوشی سے قبول کیا اور اس دعوت کا خیرمقدم کیا۔

ملاقات کے دوران سپیکر ملک محمد احمد خان نے ایران کے وفد کو پنجاب اسمبلی کے نئے ایوان کا دورہ بھی کروایا اور اسمبلی کی سرگرمیوں اور اس کے کردار پر تفصیل سے روشنی ڈالی۔ اس دوران سیکرٹری جنرل پنجاب اسمبلی چودھری عامر حبیب، ایڈوائزر اسامہ خاور، ملک تیمور، سٹاف آفیسر عماد حسین بھلی اور ترجمان پنجاب اسمبلی راؤ ماجدعلی بھی ملاقات میں موجود تھے۔یہ ملاقات دونوں ممالک کے درمیان موجودہ تعلقات کو مزید مستحکم کرنے کی ایک اہم کوشش تھی، جس میں دونوں طرف سے مزید تعاون کی خواہش کا اظہار کیا گیا۔

غیر قانونی اسلحہ و شراب برآمدگی کیس، علی امین گنڈاپور کے وارنٹ گرفتاری برقرار

ٹرمپ کی سعودی اسرائیل تعلقات میں بہتری کی امید

متحدہ عرب امارات پاکستانی آم خریدنے والا سب سے بڑا ملک

لاہور ہائیکورٹ نے یوٹیوبر رجب علی بٹ کی حفاظتی ضمانت منظور کر لی۔

یہ فیصلہ کراچی میں درج مقدمے کی وجہ سے کیا گیا،جہاں رجب بٹ پر الزام تھا کہ انہوں نے نماز کی ادائیگی کے دوران میوزک چلایا تھا۔ عدالت نے رجب بٹ کو 28 جنوری تک حفاظتی ضمانت دے دی۔جسٹس فاروق حیدر کی سربراہی میں لاہور ہائیکورٹ کے بنچ نے اس مقدمے کی سماعت کی، جس میں رجب بٹ کے وکیل نے عدالت سے درخواست کی کہ ان کے موکل کو حفاظتی ضمانت دی جائے۔ رجب بٹ، جو کہ ایک معروف ٹک ٹاکر اور یوٹیوبر ہیں، عدالت میں پیش ہوئے اور درخواست کی کہ انہیں کراچی کی متعلقہ عدالت میں پیش ہونے کی اجازت دی جائے تاکہ وہ کیس کی پیروی کر سکیں۔وکیل نے عدالت کو بتایا کہ رجب بٹ کے خلاف کراچی میں مقدمہ درج کیا گیا ہے اور انہیں خدشہ ہے کہ وہ کراچی کی عدالت میں پیش ہونے سے قبل پولیس گرفتار کر لے گی۔ وکیل نے عدالت سے استدعا کی کہ رجب بٹ کی حفاظتی ضمانت منظور کی جائے تاکہ وہ قانونی کارروائی میں حصہ لے سکیں۔

عدالت نے وکیل کی استدعا کو منظور کرتے ہوئے رجب بٹ کی حفاظتی ضمانت 28 جنوری تک کے لیے منظور کر لی۔ عدالت نے حکم دیا کہ رجب بٹ اس مدت کے دوران گرفتار نہیں کیے جائیں گے اور وہ اپنے مقدمے کی پیروی کے لیے کراچی کی متعلقہ عدالت میں پیش ہو سکتے ہیں۔

واضح رہے کہ کراچی کی مقامی عدالت کے حکم پر یوٹیوبر رجب بٹ کے خلاف مقدمہ درج کیا گیا تھا،یہ مقدمہ نماز کی مبینہ بے حرمتی کے معاملے پر درج کیا گیا ہے، مقدمہ تھانہ حیدری میں پاکستان کے تعزیرات کے سیکشن 295-A کے تحت درج کیا گیا ہے۔عدالت میں مدعی کا بیان پولیس نے قلمبند کر لیا، جس کے بعد رجب بٹ کے خلاف مقدمہ درج کرنے کا حکم دیا گیا۔ عدالت کی جانب سے دلائل سننے کے بعد پولیس کو مقدمہ درج کرنے کا حکم دیا گیا تھا۔

ایڈوکیٹ ریاض علی سولنگی نے اس حوالے سے میڈیا سے گفتگو کرتے ہوئے کہا کہ ہمارا اگلا مقصد رجب بٹ کو گرفتار کروانا ہے۔ اُنہوں نے مزید کہا کہ اس دفعہ کے تحت رجب بٹ کو دس سال قید کی سزا ہو سکتی ہے۔ انہوں نے یہ بھی کہا کہ اس مقدمے کے ذریعے یہ پیغام دیا جا رہا ہے کہ آئندہ کوئی بھی شخص شعائر اسلام کی توہین کرنے سے پہلے سوچے گا۔

متحدہ عرب امارات پاکستانی آم خریدنے والا سب سے بڑا ملک

سیف علی خان پر حملے کا ملزم قومی سطح پر ریسلنگ کا چیمپئن نکلا

لاہور: پنجاب کی مرکزی شاہراہوں پر شہریوں کے سفر کو محفوظ بنانے کے لئے بھاری گاڑیوں کی اوور لوڈنگ پر اب مقدمہ درج کیا جائے گا۔

باغی ٹی وی: ولیس حکام کےمطابق کسی بھی ٹرک، ٹریلر یا کنٹینر میں وزن مقررہ حد سے 15 فیصد سےزیادہ ہو تو سامان لازمی اتارا جا ئے گا، اسی طرح اگر وزن مقررہ حد سے 50 فیصد سے زائد ہوتو ایسے ڈرائیورکے خلاف مقدمہ درج کیا جائے تمام ویٹ بریجز پر سی سی ٹی وی کیمرے نصب کیے جائیں گے، انہیں پی ایچ پی ہیڈ کوارٹرز سے منسلک کیا جائے، 47 سڑکوں کو اسپیشل کوریڈورز قرار دیا گیا، جن پر کسی قسم کی خلاف ورزی برداشت نہیں کی جائے گی۔

صدرمملکت سے ایرانی آرمی چیف کی ملاقات

پولیس حکام کے مطابق آر اوز اور ڈی اوز اس پر ہر صورت ایک ہفتے کے اندر عملدرآمد یقینی بنائیں گے، پی ایچ پی کی تمام گاڑیوں، بشمول ڈی او اور آر او کی گاڑیوں پر سی سی ٹی وی کیمرے نصب کیے جائیں گےایس پی ہیڈ کوارٹرز اس کی عملدرآمد کی فزیبلٹی تیارکرکے چیف سیکریٹری پنجاب کو منظوری کے لیے بھجوائیں، جرمانے کی رقم میں اضافہ کیا جا رہا ہے، جسے منظوری کے لیے پنجاب کابینہ کو سمری بھجوا دیا گیا،پی ایچ پی افسران بھی وہی جرمانہ عائد کریں گے، جو آر ٹی اے افسران کرتے ہیں، پولیس ملازمین کی طرف سے بے ضا بطگی پر ان کے خلاف مقدمات درج کئے جائیں گے۔

علی امین پختونوں کی غیرت پر سیاہ دھبہ ہے،عظمی بخاری

وزیراعظم پاکستان محمد شہباز شریف نے جاتی امراء، لاہور میں مسلم لیگ (ن) کے قائد محمد نواز شریف سے اہم ملاقات کی ہے.

اس ملاقات میں ملک کی موجودہ سیاسی اور معاشی صورتحال پر تفصیل سے تبادلہ خیال کیا گیا۔وزیراعظم نے محمد نواز شریف کو ملک کی معاشی حالت، حکومتی اقدامات اور سیاسی منظرنامہ پر آگاہ کیا۔ اس دوران وزیراعظم نے کہا کہ حکومت کی کوششوں کی بدولت ملک کی معاشی بدحالی میں کمی آئی ہے اور مہنگائی کے گراف میں خاطر خواہ کمی دیکھنے کو ملی ہے۔وزیراعظم شہباز شریف کا کہنا تھا کہ حکومت عوام کو ریلیف فراہم کرنے کے لئے مختلف اقدامات کر رہی ہے اور ان اقدامات کے مثبت نتائج بھی سامنے آنا شروع ہو گئے ہیں۔ ملاقات میں اس بات پر بھی اطمینان کا اظہار کیا گیا کہ حکومتی پالیسیاں عوام کے مفاد میں ہیں اور مہنگائی کی روک تھام کے لئے مزید اقدامات پر غور جاری ہے۔

مسلم لیگ (ن) کے صدر محمد نواز شریف نے حکومتی اقدامات کی بھرپور حمایت کرتے ہوئے کہا کہ مہنگائی میں کمی اور عوام کو ریلیف کی فراہمی کے لئے حکومت کی کوششیں قابلِ ستائش ہیں۔ ان کا کہنا تھا کہ مسلم لیگ (ن) عوام کی فلاح و بہبود کے لئے ہمیشہ سرگرم رہی ہے اور حکومت کو اس مقصد کے حصول میں کامیابی ملے گی۔ملاقات میں ملک کی سیاسی صورتحال اور آئندہ کے سیاسی اقدامات پر بھی مشاورت کی گئی۔ اس ملاقات کو موجودہ سیاسی و معاشی حالات کے پیش نظر بہت اہمیت دی جارہی ہے، کیونکہ اس سے مستقبل میں حکومت کی سمت اور حکومتی پالیسیوں کی تفصیلات سامنے آئیں گی۔

ٹرمپ کا عمران کی رہائی کیلئے کردارصرف پی ٹی آئی کی خوش گمانی

کرم ، آپریشن کے متاثرین کے لیے عارضی کیمپ قائم کرنے کا فیصلہ