ضلعی انتظامیہ لاہور نے روٹین ویکسینیشن سنٹرز اور بوسٹر ڈوز لگوانے کی تفصیلات جاری کر دیں.
لاہور شہر میں 32 ویکسینیشن سنٹرز ہیں. تحصیل سٹی کے ویکسینیشن سنٹرز سپورٹس کمپلیکس آزادی چوک، پائلٹ سکول وحدت روڈ،میو ہسپتال،گنگارام ہسپتال،پنجاب یونیورسٹی قائد اعظم کیمپس،گورنمنٹ ہسپتال سوڈیوال،گورنمنٹ سمن آباد ہسپتال، سائرہ معراج ہسپتال بیگم کوٹ،سی ڈی جی ایل بوائز ہائی سکول شاہدرہ،مزار داتا گنج بخش، انڈس ہسپتال سبزہ زار، نواز شریف ہسپتال یکی گیٹ، مزنگ ہسپتال، سوامی نگر ہسپتال میں سنٹرز قائم کئے ہیں.
تحصیل ماڈل ٹاؤن کے ویکسینیشن سنٹرز سروسز ہسپتال، جناح ہسپتال، شیخ زیدہسپتال، یونایئٹڈ کرسچن ہسپتال لبرٹی چوک،انڈس ہسپتال کاہنہ، ریلوے کیرن ہسپتال، ریلوے ہسپتال مغل پورہ، پائلٹ سکول وحدت روڈ ہیں.
تحصیل کینٹ کے ویکسینیشن سنٹرز پنجاب کڈنی اینڈ لیور انسٹیٹیوٹ،ریلوے ڈسپنسری والٹن روڈ لاہور،میاں میر ہسپتال،فوجی فاؤنڈیشن ہسپتال ڈی ایچ اے، نیشنل ہسپتال ڈی ایچ اے ہیں.
تحصیل شالیمار کے ویکسینیشن سنٹرز لاہور میڈیکل اینڈ ڈینٹل کالج نزد صحافی کالونی،انڈس ہسپتال مناواں جی ٹی روڈ لاہور، یونیورسٹی آف انجینئرنگ اینڈ ٹیکنالوجی گڑھی شاہو لاہور اور غازی آباد ہسپتال شالیمار ہیں.
تحصیل رائیونڈ کے ویکسینیشن سنٹرز یونیورسٹی آف لاہور رائیونڈ لاہور، فیملی ہسپتال، انڈس ہسپتال رائیونڈ، بحریہ آرچرڈ ہسپتال رائیونڈ روڈ، گورنمنٹ ڈسپنسری لالہ زار. سنٹرل پارک میڈیکل کالج، بحریہ انٹرنیشنل ہسپتال بحریہ ٹاؤن موجود ہیں.
ڈی سی لاہور عمر شیر چٹھہ کا کہنا ہے کہ شہری ان سنٹرز میں روٹین ویکسینیشن اور بوسٹر ڈوز لگوا سکتے ہیں.سوشل میڈیا پر بھی بھرپور تشہیر کی جا رہی ہے. عوام الناس اپنے قریبی سنٹرز میں جا کر روٹین ویکسینیشن کے ساتھ ساتھ بوسٹر ڈوز بھی لگوا سکتے ہیں.ایسے افراد جن کی عمر 30 سال سے زیادہ ہیں، وہ بھی لگوا سکتے ہیں. ڈی سی لاہور عمر شیر چٹھہ نے شہریوں کو اومی کرون سے بچاؤ کے لئے احتیاطی تدابیر اختیار کرنے کی بھی اپیل کی اور ماسک کا استعمال ، ہینڈ سینیٹائزر کا استعمال اور سماجی فاصلہ کو یقینی بنانے کی بھی ہدایات کیں.
لاہور میں کرونا وائرس کی نئی قسم اومی کرون کے مزید 39 نئے کیسز سامنے آگئے- محکمہ صحت پنجاب کا کہنا ہے کہ لاہور میں کرونا وائرس کی نئی قسم اومی کرون کے 39 نئے کیسز سامنے آگئے جس کے بعد لاہور میں اومی کرون کے کیسز کی تعداد 151 ہو چکی ہے پنجاب میں اومی کرون کیسز کی تعداد 153 ہوگئی ہے، اومی کرون کا شکار افراد میں ایک ہی خاندان کے 6 افراد بھی شامل ہیں۔
صوبائی محکمہ صحت کے مطابق اومی کرون وائرس بہت تیزی سے پھیل رہا ہے، اومی کرون پھیلنے کی شرح ڈیلٹا ویرینٹ سے بھی زیادہ ہے دوسری جانب پنجاب سمیت ملک بھر میں کرونا وائرس کیسز میں اضافہ دیکھا جارہا ہے، گزشتہ روز کے دوران کرونا وائرس کے 600 سے زائد نئے کیسز رپورٹ ہوئے۔
نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کورونا وائرس کے مزید 2 مریض انتقال کر گئے جس کے بعد کورونا وائرس سے مجموعی اموات کی تعداد 28 ہزار 945 ہوگئی گزشتہ 24 گھنٹوں کے دوران کرونا وائرس کے 630 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 12 لاکھ 97 ہزار 865 ہوگئی۔
محکمہ صحت بلوچستان کے مطابق کوئٹہ، بلوچستان میں کورونا کیسز میں کمی کا رحجان برقرار ہے صوبے میں کورونا کے مصدقہ کیسز کی تعداد33 ہزار648 ہوگئی بلوچستان میں کوروناسے جاں بحق افراد کی تعداد365ہوگئی ہے-
محکمہ صحت بلوچستان کے مطابق کوئٹہ کے 6 اضلاع میں کورونا ٹیسٹ کئے گئےکوئٹہ میں کورونا کی پھیلنے کی شرح1.05فیصد رپورٹ کی گئی جبکہ
24گھنٹے میں بلوچستان میں کورونا پھیلنے کی شرح 1.72فیصدرپورٹ کی گئی اور کورونا سے صحت یاب افراد کی تعداد33ہز243ہوگئی ہے-
جبکہ گزشتہ 24 گھنٹے میں اٹلی میں 68 ہزار سے زائد کورونا کیسز رپورٹ ہوئے ،گزشتہ 24 گھنٹے میں اسپین میں 93ہزار زائد کورونا کیسز فرانس میں 67ہزار سے زائد کورونا کیسز ، برطانیہ میں ایک لاکھ 57ہزار سے زائد کورونا کیسزاور امریکا میں 4لاکھ ایک ہزار سے زائد کورونا کیسز رپورٹ ہوئے-
