Baaghi TV

Tag: لاہور

  • لاہور گولف ٹورنامنٹ کب اور کہاں کھیلا جائے گا؟

    لاہور گولف ٹورنامنٹ کب اور کہاں کھیلا جائے گا؟

    تیسرا چیئرمین واپڈا گولف ٹورنامنٹ 12 سے 14فروری تک کھیلا جائے گا۔ ٹورنامنٹ لاہور جمخانہ گولف کلب میں ہوگا، پانچ کیٹیگری میں مقابلے ہوں گے
    ٹورنامنٹ میں پاکستان گولف فیڈریشن سے منسلک کلب اورکھلاڑی حصہ لیں گے، انٹری کی آخری تاریخ 10 فروری ہے ۔ٹورنامنٹ کے انعقاد کا مقصد واپڈا کی جانب سے گولف کی ترویج میں سرگرم کردار اداکرنا اور نئے ٹیلنٹ کو متعارف کروانا ہے
    لاہور، 8 فروری2021 ء ……واپڈا سپورٹس بورڈ کی جانب سے قومی سطح پر ”تیسراچیئرمین واپڈا گولف ٹورنامنٹ“ لاہور جمخانہ گولف کلب میں 12سے 14فروری 202 ء تک کھیلا جائے گا۔
    تین روز تک جاری رہنے والے اِس ٹورنامنٹ میں پاکستان گولف فیڈریشن سے منسلک گولف کلبز کے کھلاڑی شرکت کریں گے۔ ٹورنامنٹ میں انٹری کے لئے آخری تاریخ10 فروری2021 ء مقرر کی گئی ہے اور اُسی دِن پریکٹس راؤنڈ بھی کھیلا جائے گا۔
    ٹورنامنٹ کے فارمیٹ کے مطابق امیچورز، سینئر امیچورز،خواتین، ویٹرنز اور انوی ٹیشنل کی کیٹیگریز میں مقابلے ہوں گے۔ ٹورنامنٹ میں امیچورز کے لئے 54 ہولز،سینئر امیچورز اورخواتین کے لئے 36ہولز جبکہ ویٹرنز اور انوی ٹیشنل کے لئے نو نو ہولز کے مقابلے ہوں گے۔

    قومی ادارے کی حیثیت سے واپڈا پاکستان میں کھیلوں کے فروغ میں کلیدی کردار ادا کرنے کے ساتھ ساتھ گولف کے کھیل کی ترویج میں سرگرم کردار ادا کرنے کے لئے بھی بھر پور کوشش کر رہا ہے۔ چیئرمین واپڈا گولف ٹورنامنٹ کے انعقاد کا مقصد پاکستان گولف فیڈریشن سمیت اس کھیل کے فروغ کے لئے کام کرنے والے دیگر سپورٹس گروپس سے وا پڈا کے مضبوط روابط استوار کرنا ہے۔ اِس ٹورنامنٹ کے ذریعے گولف کے شعبے میں موجود نئے ٹیلنٹ کو متعارف کروانے میں بھی مدد ملے گی۔
    واپڈا گزشتہ نصف صدی سے پاکستان میں کھیلوں کی ترقی کے لئے بنیادی کردار ادا کررہا ہے۔واپڈا سپورٹس بورڈ نے ملک میں کھیلوں کے معیار کو بہتر بنانے کے لئے متعدد اقدامات بھی متعارف کرائے ہیں جن میں واپڈا سپورٹس انڈاؤمنٹ فنڈ سرفہرست ہے۔ واپڈا سپورٹس بورڈ کے مختلف یونٹوں کے ذریعے کھلاڑیوں کو ملک میں ملازمت کے سب سے زیادہ مواقع حاصل ہیں۔ اس وقت2 ہزارسے زائد کھلاڑی اور آفیشلز کو واپڈا سپورٹس بورڈ کے مختلف یونٹوں میں روزگار حاصل ہے۔ واپڈا کی مختلف کھیلوں میں مجموعی طور پر 66ٹیمیں ہیں جن میں مردوں کی 37 جبکہ خواتین کی 29ٹیمیں شامل ہیں۔ اس وقت واپڈا 35کھیلوں میں قومی چیمپئن اور 19میں رنرز اَپ ہے۔

  • لاہور، سروبہ گارڈن حادثہ پیش آ گیا ، ریسکیو آپریشن جاری

    لاہور، سروبہ گارڈن حادثہ پیش آ گیا ، ریسکیو آپریشن جاری

    لاہور:ملبے سے ایک خاتون اور لڑکی کو زندہ ریسکیو کر لیا گیا ہے، نازیہ بی بی اور 8 سالہ لڑکی کو لاہور جنرل ہسپتال منتقل کردیا گیا.ریسکیو آپریشن میں 20 ریسکیور اور 6 ایمرجنسی وہیکل حصہ لے رہی ہیں، رہائشی لوگوں کے مطابق ایک یا 2 بچے ابھی ملبے تلے موجود ہیں، گرنے والے مکان میں ریسکیو آپریشن مکمل کرلیا گیا، ملبے سے 5 لوگوں کو ریسکیو کیا گیا، نازیہ عمر 35 سال، نیہا عمر 17 سال، رونی 10 سال، زوہی 2 سال کو زندہ ریسکیو کیا گیا، زین (عمر3.5 سال ) ملبے میں دبنے سے جاں بحق ہو گیا، تمام مریضوں کو ہاسپٹل منتقل کر دیا گیا ہے، زخمی بچوں کو چلڈرن ہاسپٹل شفٹ کردیا گیا، ریسکیو آپریشن میں 20 ریسکیور اور 6 ایمرجنسی وہیکل نے حصہ لیا.

  • الحمراء آرٹس کونسل کشمیری رنگ میں ڈھل گیا، نمائشیں،واک اورڈرامے کا بھی انعقاد

    الحمراء آرٹس کونسل کشمیری رنگ میں ڈھل گیا، نمائشیں،واک اورڈرامے کا بھی انعقاد

    لاہور الحمراء آرٹس کونسل میں ”عزم یکجہتی کشمیر“ کی سہ روزہ تقریبات جاری ہیں- ان تقریبات میں نمائشیں،واک،ڈرامہ میں کشمیری ثقافتی کے رنگ بکھیرے گئے ہیں جس کی وجہ سے الحمرا لوگوں کی توجہ کا مرکز بن گیا۔

    ایگزیکٹو ڈائریکٹر الحمراء نے اس موقع پر کہا کہکشمیری پُرامن قوم ہے- منفرد و خوبصورت ثقافتی رسوم و رواج کی حامل یہ قوم دُینا میں اپنی الگ شناخت رکھتی ہے۔

    ڈاکٹر اسلم ڈوگر نے کشمیری ثقافت کو موضوع بحث بناتےہوئے کہا کہ الحمراء آرٹس کونسل کشمیری زبان وادب،تہذیب و ثقافت کو فروغ دے کر کشمیر ی کازاجاگر کر رہا ہے۔ سربراہ الحمراء کے بقول ”عزم یک جہتی کشمیر“کے پہلے روز نمائش کا انعقاد کیا گیا جس میں فن پاروں میں کشمیری قربانیاں،قائدین کشمیر کی جدوجہد کو نمایاں کیا گیا-

    نوجوانوں نے کشمیر ملبوسات زیب تن کر کے منفرد انداز میں واک کی،سٹالز بھی لوگوں کی دل چسپی کا باعث بنے-

    سہ روزہ تقریبات آج بھی جاری رہیں گی اوراس میں بڑی تعدا د میں لوگ شرکت کریں گے۔

  • ہوائی فائرنگ،شہریوں پر تشدد ،خوف و ہراس کسی صورت برداشت نہیں، سی سی پی او لاھور

    ہوائی فائرنگ،شہریوں پر تشدد ،خوف و ہراس کسی صورت برداشت نہیں، سی سی پی او لاھور

    لاہور پولیس بااثر بدمعاش مافیا کے خلاف سرگرم ہوگئی ہے- سی سی پی او لاہور غلام محمود ڈوگر کی ہدایت پر کی جانے والے آپریشن میں بدنام زمانہ پٹواری گینگ گرفتار ہوگیا- سی سی پی او لاہور غلام محمود ڈوگر نے باور کروایا کہ ہوائی فائرنگ،شہریوں پر تشدد ،خوف و ہراس کسی صورت برداشت نہیں کریں گے-

    سی سی پی او غلام محمود ڈوگر نےپٹواری گینگ کی ہوائی فائرنگ تشدد کی ویڈیو سامنے آنے پر سخت نوٹس لیا تھا۔ سی سی پی او غلام محمود ڈوگر نے ایس پی صدر کو ملزمان کی گرفتاری کا حکم دیاتھا۔ سی سی پی او لاہور نے بتایا کہ دہشت کی علامت سمجھے جانے والے ملزمان کے خلاف فوری کاروئی عمل میں لائی گئی۔ چوہنگ پولیس نے جدید ٹیکنالوجی بروئے کار لا کر مرکزی ملزمان کو گرفتار کر لیا۔
    گرفتار ملازمان میں شاہزیب کھوکھر، فہد علی،یونس کھوھر اور مٹھو خان شامل ہیں۔ ملزمان کے قبضہ سے 03 پسٹل اور بڑی تعداد میں گولیاں برامد کرلی گئیں۔ دیگرملزمان کی گرفتاری اور غیر لائسنسی اسلحہ کی برامد کے لئے مزید تفتیش جاری ہے۔

    سی سی پی او لاہور نے اپنے فرض پر زور دیتے ہوئے کہا کہ کوئی قانون سے بالاتر نہیں، شریف شہریوں کی عزت اور جان و مال مقدم ہے۔سی سی پی او لاہور کی ملزمان کی گرفتاری پر ایس پی صدر، ایس ڈی پی او چوہنگ اور ٹیم کو شاباشی پیش کردی گئی-

    سی سی پی او لاہور غلام محمود ڈوگر نے یقین دہانی کروائی کہ گینگ کے دیگر ارکان کو بھی جلد گرفتار کر لیں گے۔

  • منشیات فروشوں کی لاہور میں کوئی جگہ نہیں:سی سی پی او لاہورکی ہدایت پر کریک ڈاؤن شروع

    منشیات فروشوں کی لاہور میں کوئی جگہ نہیں:سی سی پی او لاہورکی ہدایت پر کریک ڈاؤن شروع

    سی سی پی او لاہور غلام محمود ڈوگر کی ہدایت پرایس پی ماڈل ٹاؤن دوست محمد کی زیرِ قیادت منشیات فروشوں کیخلاف کریک ڈاؤن شروع-

    ایس پی ماڈل ٹاؤن دوست محمد نے بتایا کہ ماڈل ٹاؤن ڈویژن میں گزشتہ 24 گھنٹوں کے دوران17 منشیات فروش گرفتارکرلیا گئے- تھانہ اچھرہ اور شادمان میں 06 مقدمات درج،نصیر آباد،غالب مارکیٹ،ماڈل ٹاؤن اور لیاقت آباد میں بھی07 مقدماتدرج کرلیے گئے- نشتر کالونی،کاہنہ،کوٹ لکھپت اور فیصل ٹاؤن میں04 منشیات فروش گرفتارکرلیے گئے- گرفتار ملزمان کے قبضے سے04 کلو 800 گرام چرس برآمد،01کلو520گرام ہیروئن اور 123لیٹر شراب بھی برآمد، گرفتارکریے گئے- ملزمان کے خلاف مقدمات درج،مزید تحقیقات شروع-

    مزید کہا کہ ملزمان تعلیمی اداروں کے گردونواح میں منشیات فروخت کرتے تھے- نوجوان نسل کی بربادی کا سبب بننے والے منشیات فروش کسی رعائیت کے مستحق نہیں-

  • قذافی سٹیڈیم لاہور کے گردونواح ریسٹورنٹس کیساتھ اتنی بڑ ی زيادتی؟

    قذافی سٹیڈیم لاہور کے گردونواح ریسٹورنٹس کیساتھ اتنی بڑ ی زيادتی؟

    عامر رفیق قریشی چیئرمین پاکستان ریسٹورنٹس یونٹی ایسوسی ایشن
    ریسٹورنٹس کے ساتھ زیادتیوں کی ایک اور کڑی بوجہ PSLقذافی سٹیڈیم لاہور کے ارگرد نواح کے ریسٹورنٹس بغیر نوٹس بند کروالیے۔ ریسٹورنٹس کو سول انتظامیہ اور پولیس نے بند کر وایا۔ ریسٹورنٹس پہلے ہی معاشی بدحالی کا شکار ہیں ان کے ساتھ زیادتی اور ناانصافی نہ کی جائے۔پبلک ٹرانسپورٹ اور تعلیمی ادارے کھولے گئے لیکن ریسٹورنٹس اِن ڈور ڈائننگ پر پابندی ناانصافی ہے۔
    بازاروں اور دیگر جگہوں پر کرونا وائرس نہیں آتا لیکن ریسٹورنٹس جیسی محفوظ جگہ پرآجاتا ہے؟ حکومت دو گلی پالیسیاں بدلے۔
    ریسٹورنٹس بند کرنے سے ریسٹورنٹس کے مالی نقصان کا ذمہ دار کون ہو گا؟

    قذافی سٹیڈیم موجود ریسٹورنٹس کے پاس کھانے پینے کی اشیاء جیسے مٹن، چکن وغیرہ ضائع ہوجائے گا۔
    حکومت ایسے مواقع پر بروقت مطلع کرے تاکہ ریسٹورنٹس مؤثر اقدامات کر سکیں۔

  • ڈی آئی جی آپریشنز لاہور کا شہر کو امن کاگہوارہ بنانے کا عزم

    ڈی آئی جی آپریشنز لاہور کا شہر کو امن کاگہوارہ بنانے کا عزم

    ڈی آئی جی آپریشنز لاہورساجد کیانی نے کہا ہے کہ جرائم پیشہ عناصر کی سرکوبی کیلئے مزید بہتر اقدامات جاری ہیں۔ شہریوں میں احساس تحفظ پیدا کرنے کیلئے ڈولفن اور پولیس رسپانس یونٹس کی طرف سے کئے جانے والے گشت کو موثر بنایا جا رہا ہے۔ ساجد کیانی نے کہا کہ عدالتوں سے ضمانتوں پر رہائی پانے والے ڈکیت گینگز اور انکے کارندوں کا ریکارڈ مرتب کیا جا رہا ہے۔ شہریوں کی جان و مال کی حفاظت کیلئے تمام ممکنہ اقدامات کئے جا رہے ہیں۔لاہور شہر کو امن کاگہوارہ بنانے میں شہریوں کا تعاون ناگزیر ہے۔

    تفصیلات سے آگاہ کرتے ہوئے ڈی آئی جی آپریشنزساجد کیانی نے کہا کہ دوران ڈکیتی، سرقہ بالجبر، نقب زنی جیسی وارداتوں میں ملوث 89گینگزکے203 ملزمان گرفتار کئے۔ گرفتار ملزمان کے قبضہ سے01کروڑ04لاکھ روپے سے زائدمالیت مال مسروقہ برآمد کر کے ورثا کے حوالے کیا گیا۔صدر ڈویژن پولیس نے41، سٹی 50، ماڈل ٹاؤن43،اقبال ٹاؤن26، کینٹ 33 جبکہ سول لائنز ڈویژن پولیس نے10 گینگز گرفتار کئے۔ساجد کیانی نے کہا کہ دورانِ تفتیش ملزمان سے مزید120 مقدمات ٹریس ہوئے۔گرفتار مجرمان میں سے200 سے زائد مجرمان سنگین جرائم میں سابقہ ریکارڈ یافتہ بھی پائے گئے۔ڈی آئی جی آپریشنز نے پولیس افسران کو ہدایات دیتے ہوئے کہا کہ کرائم ہاٹ سپاٹ کی نشاندہی کریں اور ان علاقوں میں پٹرولنگ موثر بنائی جائے۔شہریوں کو ان کے اثاثوں سے محروم کرنے والوں کے ساتھ آہنی ہاتھوں سے نمٹا جائے گا۔

  • جماعت اسلامی لاہور کا سٹیٹ بنک چوک مال روڈ پر عظیم الشان کشمیر مارچکرنے کا اعلان

    جماعت اسلامی لاہور کا سٹیٹ بنک چوک مال روڈ پر عظیم الشان کشمیر مارچکرنے کا اعلان

    4 فروری 2021ء
    کشمیر مارچ کی تیاریوں کے حوالے سے اجلاس ہوا ۔
    اجلاس لٹن روڈ دفتر جماعت میں امیر جماعت اسلامی لاہور میاں ذکر اللہ مجاہد کی زیر صدارت ہوا۔اجلاس میں سیکرٹری جنرل جماعت اسلامی لاہور انجینئر اخلاق احمد، امیر جنوبی لاہور خالد احمد بٹ، صدر جے آئی یوتھ صہیب شریف کی شرکت۔
    جماعت اسلامی لاہور کل سٹیٹ بنک چوک مال روڈ پر عظیم الشان کشمیر مارچ کریگی۔ کشمیر مارچ صبح 10 بجے امیر جماعت اسلامی پاکستان سینیٹر سراج الحق کی قیادت میں شروع ہوگا۔کشمیر مارچ میں لاہور کے تاجر، مزدور، طلبہ و اساتذہ، ڈاکٹرز، وکلاء اور علماء کرام سمیت تمام مکاتب فکر سے تعلق رکھنے افراد بڑی تعداد میں شریک ہوں گے۔ کشمیر مارچ میں لاہور کے مردو خواتین اور بچوں کی بڑی تعداد کشمیری بھائیوں کے ساتھ اظہار یکجہتی کیلئے اپنی آواز بلند کریں گے۔امیر جماعت اسلامی لاہور
    5 فروری کو یوم یکجہتی کشمیر کے موقع پر سینیٹرسراج الحق کی قیادت میں کشمیری بھائیوں کیساتھ یکجہتی کیلئے اپنے گھروں سے نکلیں ۔ کشمیر کی مائیں، بہنیں، بیٹاں اور بھائی سب پاکستان کا پرچم لہرا رہے ہیں۔
    بہادر کشمیری مسلمان بھارتی فوج کے سامنے سیسہ پلائی دیوار بنے مدد کے منتظر ہیں۔ کشمیر کی آزادی کے لیے ہمارے حکمران اور عالمی برداری فیصلہ کن کردار ادا کرے۔امیر جماعت اسلامی لاہور
    جماعت اسلامی کشمیری بھائیوں کی پشتی بان ہے اور کشمیر کی آزادی تک ان کی جدوجہدمیں ہر طرح سے شامل ہے۔میاں ذکر اللہ مجاہد۔

  • ٹائیفائڈ مہم کا تیسرا روز ، مختلف علاقوں میں بھرپور طریقے سے جاری ہے

    ٹائیفائڈ مہم کا تیسرا روز ، مختلف علاقوں میں بھرپور طریقے سے جاری ہے

    ڈی سی لاہور مدثر ریا: آج ٹائیفائڈ مہم کا تیسرا روز ہے، ٹائیفائڈ مہم تیسرے روز بھی بھرپور طریقے سے جاری ہے.
    ضلعی انتظامیہ لاہور نے پہلے اور دوسرے دن 09 ٹاؤنز میں ٹائیفائڈ انجکشن لگائے جانے والے بچوں کی رپورٹ جاری کر دی گی۔ مجموعی طور پر 08 لاکھ 55 ہزار 138 بچوں کو حفاظتی انجکشن لگائے گئے.علامہ اقبال زون میں 01 لاکھ 18 ہزار 548 بچوں کو ٹائیفائڈ انجکشن لگائے گئے.عزیز بھٹی زون میں 70 ہزار 486 بچوں کو حفاظتی انجکشن لگائے گئے.کینٹ زون میں 85 ہزار 914 بچوں کو حفاظتی انجکشن لگائے. داتا گنج بخش زون میں 72 ہزار 980 بچوں کو انجکشن لگائے گئے. گلبرگ زون میں 55 ہزار 490 بچوں کو انجکشن لگائے گئے.نشتر زون میں 01 لاکھ 22 ہزار 681 بچوں کو حفاظتی انجکشن لگائے گئے. راوی زون میں 99 ہزار 156 بچوں کو ٹائیفائڈ انجکشن لگائے گئے. سمن آباد زون میں 84 ہزار 197 بچوں کو حفاظتی انجکشن لگائے گئے. شالیمار زون میں 74 ہزار 340 بچوں کو حفاظتی انجکشن لگائے گئے. واہگہ زون میں 71 ہزار 341 بچوں کو حفاظتی انجکشن لگائے گئے. حفاظتی انجکشن کا مقصد ٹائیفائڈ سے بچوں کو محفوظ کرنا ہے.

  • لاہور کالج برائے خواتین یونیورسٹی میں دس روزہ کشمیر سپورٹس فیسٹیول کا آغاز!

    لاہور کالج برائے خواتین یونیورسٹی میں دس روزہ کشمیر سپورٹس فیسٹیول کا آغاز!

    لاہور کالج برائے خواتین یونیورسٹی میں دس روزہ کشمیر سپورٹس فیسٹیول 21-20کی افتتاحی تقریب

    ایل سی ڈبلیو یو کے شعبہ سپورٹس کی جانب سےکشمیر سپورٹس فیسٹیول کا انعقاد کیا جارہا ہے- دس روزہ کشمیر سپورٹس فیسٹیول میں مختلف کھیلیوں کا انعقاد کیا جائے گا- کشمیر سپورٹس فیسٹیول کیلیے الجلیل گارڈن، اللہ جانتا ہے،سٹی ڈسرکٹ آفس، ڈائیو ، کے اے آئی زی ای این، سگما انٹرنیشنل نے تعاون کیا ہے-

    افتتاحی تقریب میں دی سی لاہور مدثر ریاض کی بطور مہمان خصوصی شرکت،وائس چانسلر پروفیسر ڈاکٹر بشری مرزا اور ڈائریکٹر سپورٹس ڈپارٹمنٹ مس حمیرامغل نے خصوص یطور پرشرکت کی- کشمیر سپورٹس فیسٹیول میں کرکٹ ، باسکٹ بال،ٹینس ، بیڈ منٹن اور چیس کے ٹورنامنٹ کھیلے جائیں گے- کشمیر سپورٹس فیسٹیول میں سرکاری کالجز،یونیورسٹیاں اور نجی تعلیمی ادارے شرکت کریں گے-

    پروفیسر ڈاکٹر بشری مرزا نےکہا کہ تعلیمی اداروں میں نصابی سرگرمیوں کے ساتھ ساتھ کھیلوں کی سرگرمیاں بہت ضروری ہے- ایل سی ڈبلیو یو کیلیے کشمیر سورٹس فیسٹیول کی میزبانی اعزاز کی بات ہے-

    ڈی سی لاہور مدثر ریاض نے کہا کہ کرونا کی صورتحال بہتر ہونے پر کھیلوں کی سرگرمیوں کا انعقاد خوش آئند ہے،
    کشمیر سپورٹس فیسٹول کرانے کا مقصد کشمیریوں سے اظہار یکجیتی ہے-