Tag: لاہور

لاہور ہائیکورٹ میں سموگ تدارک کیلئے دائر درخواستوں پر سماعت ہوئی،

جسٹس شاہد کریم نے درخواستوں پر سماعت کی،وکیل پنجاب حکومت نے کہاکہ دھواں چھوڑنے والی گاڑیوں کیخلاف کارروائیاں تیز کردی ہیں،نیازی اڈے سمیت دیگر چار بس اڈوں پر کارروائیاں کیں ،جسٹس شاہد کریم نے استفسار کیا کہ بس سٹینڈ پر گاڑیوں کو چیک کرنے کا طریقہ کار کیا ہے؟ٹرانسپورٹ محکمے سے کوئی عدالت میں نہیں، ایڈووکیٹ جنرل پنجاب عدالت میں موجود نہیں، یہ اس طرح حکومت معاملے کو سنجیدہ لے رہی ہے،ہم دو سال سے سموگ سے متعلق احکامات دے رہے ہیں، کیا محکمہ ٹرانسپورٹ سویا ہوا تھا،سموگ کنٹرول کرنے سے متعلق اقدامات کرنے میں حکومتی محکمے ناکام ہیں،دو ماہ پہلے سموگ کی صورتحال ابتر ہو چکی ہے، ہمارے بچے، ہم سب کی زندگیوں کا معاملہ ہے لیکن ادارے کردار ادا نہیں کررہے،جب آپ نے بائیکس کا اعلان کیا اور میں نے آرڈر پاس کیاتو سب نے باتیں کیں، اب صورتحال دیکھیں باہر جا کر، ایڈووکیٹ جنرل پنجاب کو خود عدالت ہونا چاہئے تھا، میں بہت نا امیدہوا ہوں

عدالت نے استفسار کیا کہ چیف سیکرٹری پنجاب کہاں ہیں؟وکیل درخواست گزار نے کہاکہ وہ جنیوا میں ہیں، عدالت نے ریمارکس دیتے ہوئے کہا کہ ایکٹنگ چیف سیکرٹری کہاں ہیں، یہ صوبہ چل کیسے رہا ہے،پچھلے سال میں آرڈر کئے تھے ان دو ماہ میں تعمیراتی کام نہیں ہونا چاہئے،اس کے بارے میں کچھ کیا گیا ہے ؟سکول بند کر دیئے گئے، کنسٹرکشن کاکام بند کرایا گیا،ہر جگہ کنسٹریکشن کا کام چل رہا ہے،پچھلے دو سال سے ہم آرڈرز کررہے ہیں،کوئی بھی خاطر خواہ اقدامات نہیں کئے گئے،حکومتی ادارے مناسب انتظامات کرنے میں ناکام رہے،6ماہ پہلے سے میں نے کہنا شروع کیا سموگ سیزن آنے سے پہلے اقدامات کریں،بارہا کہا کہ سموگ آ گئی تو اس کے بعد کچھ نہیں کر سکیں گے

بھارتی اور پاکستانی پنجاب کو مل کر اسموگ کے مسئلے کا حل نکالنا ہوگا،مریم نواز

پنجاب میں اینٹی اسموگ کارروائیاں، فصلوں کی باقیات نذر آتش کرنے والے 17 افراد گرفتار

لاہور ہائی کورٹ نے منشیات فروشی کے الزام میں گرفتار ملزمان کا ٹرائل 2 ماہ میں مکمل کرنے کی ہدایت کر دی

لاہور ہائیکورٹ میں منشیات فروشی کے الزام میں گرفتار ملزم کی درخواستِ ضمانت پر سماعت ہوئی، لاہور ہائیکورٹ کی چیف جسٹس عالیہ نیلم نے استفسار کیا کہ چالان ابھی تک عدالت کو کیوں نہیں بھجوایا گیا؟،پراسیکیوٹر نے جواب دیا کہ مقدمے کا تفتیشی افسر تبدیل ہونے کی وجہ سے چالان نہیں بھجوایا جا سکا تھا، اب چالان داخل ہو گیا ہے، دوران سماعت عدالت نے پراسیکیوٹر پر مقدمے کا چالان بر وقت نہ بھجوانے پر برہمی کا اظہار کیا،عدالت نے ریمارکس دیتے ہوئے کہا کہ نہ چالان پیش ہوتا ہے اور نہ ہی آپ کے قانونی مشیر، آئندہ بر وقت چالان پیش نہ ہونے پر آپ کو شوکاز جاری کیا جائے گا، عدالت قانون کی پابند ہے، گواہوں کے پیش نہ ہونے پر ضمانت دینا ہوتی ہے،صرف یہاں نہیں بلکہ ٹرائل کورٹ میں بھی اپنے گواہوں کی پیشی کو یقینی بنائیں،صرف مقدمہ درج کروانا کافی نہیں ہوتا، اسے منطقی انجام تک پہنچانا ہوتا ہے،عدالت نے درخواست نمٹا دی

پنجاب کے میدانی علاقوں میں اسموگ اور دھند کی وجہ سے آج بھی مختلف مقامات پر موٹر ویز بند ہیں

موٹر وے پولیس کے مطابق دھند اور اسموگ کے باعث لاہور سیالکوٹ موٹر وے سمبڑیال تک بند کردی گئی ہے جبکہ لاہور اسلام آباد موٹر وے ایم 2 کوٹ مومن تک ہر قسم کی ٹریفک کیلئے بند ہے۔دھند کی وجہ سے موٹر وے ایم 5 فائیو بھی شیر شاہ ملتان سے ظاہر پیر تک بند کردی گئی ہے۔موٹر وے پولیس کا کہنا ہے کہ شہری گاڑیوں پر فوگ لائٹس استعمال کریں اور اگلی گاڑی سے مناسب فاصلہ رکھیں۔موٹر وے پولیس کا کہنا ہے کہ شہری غیر ضروری سفر سے گریز کریں۔

کراچی کے شہری روزانہ رہزنوں کے ہاتھوں قتل ہورہے ہیں ،امین الحق

کراچی چیمبر کی سیلز ٹیکس ریٹرن کے لیے حلف نامہ جمع کرانے کی مخالفت

دہشتگردی کسی صورت برداشت نہیں، مکمل خاتمہ کریں گے، آرمی چیف

لاہور: مصورپاکستان ڈاکٹر علامہ محمد اقبال کے147ویں یومِ ولادت آج ملک بھر میں ادب و احترام کے ساتھ منایا جا رہا ہے۔

باغی ٹی وی: علامہ اقبال کے یوم ولادت کے موقع پر انہیں خراجٍ عقیدت پیش کرنے کے لیے مزارِ اقبال پرگارڈز کی تبدیلی کی ایک پر وقار تقریب منعقد کی گئی، پاک بحریہ کے چاق و چوبند دستے نے مزار اقبال پر اعزازی گارڈ کے فرائض سنبھالے جبکہ پاکستان رینجرز پنجاب کا دستہ مزار پر اپنے فرائض سے سبکدوش ہو کر رخصت ہوگیا۔

پاکستان نیوی کے کمانڈر سینٹرل پنجاب ریئر ایڈمرل اظہر محمود نے گارڈز میں شامل پاکستان رینجرز اور پاک بحریہ کے دستوں کا معائنہ کیا، گارڈز کی تعیناتی کے بعد قومی شاعر کے مزار پر امیرالبحر ایڈمرل نوید اشرف، پاک بحریہ کے افسران، سیلرز اور نیوی سویلینز کی جانب سے پھولوں کی چادر چڑھائی گئی۔

ہیکرز نے بھارتی حکومت کی ای میل آئی ڈیز فروخت کے لیے پیش کردیں

وزیراعلیٰ پنجاب مریم نوازشریف کا یوم اقبالؒ پر پیغام

وزیراعلیٰ پنجاب مریم نوازشریف نے کہا کہ یوم اقبالؒ پرعظیم مفکر اورشاہرعلامہ اقبالؒ کی فکروبصیرت کو خراج تحسین پیش کرتے ہیں، قیام پاکستان کیلئے شاعر مشرق کی فکری خدمات کو کبھی فراموش نہیں کیا جاسکتا، نسل نو کے لئےشاعر مشرق اقبالؒ کا پیغام خودی اور بیداری ہے نوجوان نسل کو فکراقبال سے روشناس کرانا بے حد ضروری ہے،شکوہ اورجواب شکوہ علامہ اقبالؒ کی لازوال تخلیقات ہیں۔

انہوں نے کہا کہ علامہ اقبالؒ کی شاعری اردو زبان پرلازوال احسان ہے،فارسی کلام بھی اپنی مثال آپ ہے کلام اقبالؒ کوتعلیمی نصاب کا زیادہ سے زیادہ حصہ بنانے کی ضرورت ہے یوم اقبالؒ پر شاعر مشرق کی فکر کو اپنانے اورپاکستان کو سربلندکرنے کا عہد کرتے ہیں، اقبالؒ کی تعلیمات اورافکار پر عمل ہی ان سے عقیدت کا بہتر طریقہ ہے، علامہ اقبالؒ نے برصغیر کے مسلمانوں کوبیداری کا پیغام دیااوردوقومیت کاشعوربیدار کیا۔

مریم نواز نے کہا کہ علامہ اقبالؒ نے اپنی شاعری سے نوجواناں برصغیر کو بلند ی کردار کاشعور دیا علامہ اقبالؒ کی فکرانگیز شاعری نے برصغیر کے مسلمانوں کو متحرک اوربیدار قوم میں تبدیل کردیا شاعر مشرق کی فکر اورسوچ کے مطابق پنجاب کے دہقان کو خودمختاری کی راہ پر گامزن کرنے کیلئے کوشاں ہیں۔

”ہومیراکام غریبوں کی حمایت کرنا ……دردمندوں سے ضعیفوں سے محبت کرنا“پسندیدہ اشعار میں شامل ہیں،”میرے اللہ برائی سے بچانامجھ کو ……نیک جوراہ ہو،اس رہ پہ چلانا مجھ کو“بچوں کیلئے میری دعا ہے۔

دوسری جانب وزیرِ اعظم شہباز شریف نے کہا ہے کہ علامہ اقبال کی شاعری عمل اور خود شناسی کی لازوال دعوت ہے۔

مفکرِ پاکستان علامہ ڈاکٹر محمد اقبال کے 147 ویں یومِ پیدائش پر پیغام میں وزیرِ اعظم شہباز شریف نے کہا کہ علامہ محمد اقبال ایک صاحب بصیرت شاعر، فلسفی اور بلند پایہ شخصیت تھے علامہ اقبال کے افکار اور تحریروں نے نہ صرف برصغیر بلکہ دنیا پر گہرا اثر ڈالا، اقبال کے فلسفے نے برصغیر کے مسلمانوں کو متحد کر کے ایک علیحدہ وطن کاخواب دیا،پاکستان کا قیام مصورِ پاکستان کے تصور سے آیا۔

مفکر پاکستان ڈاکٹر علامہ محمد اقبال 9 نومبر 1877 کو سیالکوٹ میں پید اہوئے تھے انہوں نے ابتدائی تعلیم آبائی شہر اور لاہور سے حاصل کرنے کے بعد 1905 میں برطانیہ سے وکالت اور بعد میں جرمنی سے فلسفہ میں پی ایچ ڈی کی ڈگری حاصل کی، ڈاکٹرعلامہ محمد اقبال نے 1910 میں وطن واپسی کے بعد شاعری کے ذریعے فکری اور سیاسی طور پر منتشر مسلمانوں کو خواب غفلت سے جگایا۔

کوئٹہ میں ریلوے اسٹیشن پر دھماکا،4 افراد جاں بحق متعدد زخمی

علامہ محمد اقبال کی شاعری نے ہندوستان کے مسلمانوں میں نئی روح پھونکی، انہیں نوجوانوں سے بڑی امیدیں وابستہ تھیں، علامہ اقبال نے نوجوانوں کو شاہین اور عقاب جیسے القابات سے بھی پکارا، ان کی شاعری کے مجموعوں میں بانگ درا، زبور عجم، بال جبریل، ضرب کلیم، جاوید نامہ اور پیام مشرق مشہور ہیں، مصورپاکستان علامہ اقبال 21 اپریل 1938 کو لاہور میں خالق حقیقی سے جا ملے، انہیں بادشاہی مسجد کے پہلو میں دفن کیا گیا۔

جیل سے رہا ہو نیوالے کارکن وزیراعلیٰ کے پی سے ایک ہزار روپے …

پنجاب کے صوبائی دارالحکومت لاہور میں سموگ کا راج برقرار ہے
دنیا کے بڑے شہروں میں لاہور کی فضا سب سے آلودہ ریکارڈ ہوئی اور لاہور کی فضا میں 860 پارٹیکولیٹ میٹرز ریکارڈ کیا گیا،پنجاب میں سب سے زیادہ ملتان شہر کی فضا انتہائی مضر صحت ہے جہاں پارٹیکولیٹ میٹرز کی تعداد 1635 تک جا پہنچی ہے، آلودہ فضا میں سانس لینا انسانی صحت کیلئے خطرناک بن چکا ہے۔ایئرکوالٹی 1175 ہوگیا اسموگ کے دوران اسکولوں میں تمام سرگرمیاں معطل کردی گئی ہیں، اساتذہ بھی گھروں سے آن لائن کام کریں گے جب کہ اسکولوں میں ٹیچرز، والدین میٹنگز، اسپورٹس، تفریحی دورے نہیں ہوں گے،

لاہور آلودگی کے اعتبار سے دنیا میں آج بھی پہلے نمبر پر ے، گرین لاک ڈاؤن کے باوجود ایئر کوالٹی انڈیکس 700 سے تجاوز کر گیا ہے، شہر کے متعدد علاقوں میں ایئر کوالٹی انڈیکس 1000 سے بھی اوپر چلا گیا ہے، ماہرین صحت کا کہنا ہے کہ سموگ کے باعث آنکھوں اور گلے کے انفیکشن کے کیسز میں اضافہ ہوا ہے، ایک ماہ میں ایک لاکھ سے زائد شہری متاثر ہوئے ہیں جس میں زیادہ تعداد بزرگ اور بچوں کی ہے۔

شدید دھند اور سموگ، موٹروے بھی بند
دوسری جانب لاہور شیخوپورہ اور اسکے مضافاتی علاقے شدید سموگ اور دھند کی لپیٹ میں ہیں شاہرات پر سموگ کی شدت کے باعث حدنگاہ کم ہوگئی ہے سموگ اور دھند کی شدت اور حدنگاہ میں کمی کے باعث موٹروے ایم ٹو لاہور سے شیخوپورہ تک جبکہ موٹروے ایم تھری لاہور سے جڑانوالا ایم فور گوجرہ سے عبدالحکیم تک ہر قسم کی ٹریفک کے لیے بند کر دی گئی ہے۔۔شہری دھند سموگ کے ایام میں غیر ضروری سفر سے گریز کریں اور دوران سفر کسی مشکل صورتحال میں موٹروے پولیس کی ہیلپ لائن 130 پر کال کرسکتے ہیں ۔

دھواں چھوڑنے والی گاڑیوں کے موٹر وے اور رنگ روڈز داخلے پر پابندی کا حکم
لاہور ہائیکورٹ،سموگ کے تدارک کیلئے موثر اقدامات نہ کرنے کیخلاف درخواستوں پر سماعت ہوئی عدالت نے مارکیٹیں رات آٹھ بجے بند کرنے کا حکم دے دیا،عدالت نے اتوار کے دن بھی مارکیٹیں مکمل بند کرنے کا حکم دے دیا،عدالت نے تمام نجی دفاتر میں دو دن کے لئے ورک فراہم کرنے کا حکم دے دیا۔ لاہور ہائیکورٹ میں سموگ اور ماحولیاتی آلودگی کے تدارک کیلئے کیس کی سماعت جسٹس شاہد کریم نے ہارون فاروق سمیت دیگر کی درخواستوں پر کی۔عدالت نے بڑی گاڑیوں کے شہر میں داخلے سے روکنے کے احکامات جاری کر دیئے، عدالت نے ریمارکس دیتے ہوئے کہا کہ ٹرک اور ٹرالر سموگ اور ماحولیاتی آلودگی کا بڑا سبب ہیں،ڈولفن پولیس اور پولیس اہلکار ہیوی ٹریفک کنٹرول کرنے کیلئے تعینات کئے جائیں،ہر سماعت پر حکومت کو سموگ کنٹرول کیلئے اقدامات کا کہتے رہے،اصل آلودگی کا باعث ہیوی ٹریفک کا دھواں چھوڑنا ہے،اگر لاری اور بسوں کو نوٹس دیئے ہیں تو ابھی تک بند کیوں نہیں ہوئیں،دھواں چھوڑنے والی بسوں کو 50، 50 ہزار جرمانہ کریں تو کیسے ٹھیک نہیں ہونگے،فٹنس سرٹیفکیٹ کے بغیر گاڑی سڑک پر کیسے آ سکتی ہے،محکمہ ٹرانسپورٹ کو اقدامات کرنے چاہئے تھا،ہم حکومت کی مدد کیلئے یہ اقدامات کررہے ہیں،حکومت شاید عدالتی احکامات کو اچھی نظر سے نہیں دیکھ رہی ہو،ڈی سی وغیرہ پر حکومت کا دباؤ ہو تو کام کریں گے، سموگ کی صورتحال کا انتظامیہ کو رات کو جائزہ لینا چاہئے، ڈی سی لاہور اور کمشنر کو رات کو نکل کر دیکھنا چاہیے کیا ہورہا ہے،ایسا حکم نہیں دینا چاہتے جس پر عملدرآمد ممکنہ نہ ہو،شادی پر ون ڈش تو کردی لیکن وہاں پر رش کو کنٹرول کرنے کیلئے اقدامات نہیں کیے، ورک فرام ہوم کی پالیسی شروع کی جائے،پورے پنجاب میں مارکیٹیں رات 8 بجے بند کی جائیں،صوبے میں مارکیٹیں اتوار کو بھی بند رکھی جائیں،دھواں چھوڑنے والی گاڑیوں کے موٹر وے اور رنگ روڈز داخلے پر پابندی عائد کی جائے، سموگ کے حوالے سے ایمرجنسی کی صورتحال کا سامنا ہے، یہ اقدامات کرنے سے سموگ ایک سال میں کنٹرول نہیں ہو جائے گی،5 سال تک ان اقدامات کے نتائج آنا شروع ہونگے،چائنہ والوں نے سموگ اور آلودگی کو کنٹرول کرنے کیلئے کامیاب اقدامات کیے ہیں.

وزیراعلی مریم نواز کی ہدایت پر سموگ آگاہی مہم جاری ہے،وزیر صحت خواجہ عمران نذیرنے لاہور میں سموگ آگاہی مہم میں شرکت کی، خواجہ عمران نذیر نے لبرٹی مارکیٹ میں شہریوں کو ماسک تقسیم کئے،خواجہ عمران نذیر نے شہریوں کو ماسک پہنائےاور احتیاطی تدابیر سے بھی آگاہ کیا

سموگ میں کمی لانے کی کوشش کررہے ہیں ،عظمیٰ بخاری
وزیراطلاعات پنجاب عظمیٰ بخاری کا کہنا ہےکہ سموگ کو کم کرنے کیلئے ہمیں اپنے لائف سٹائل میں تبدیلی لانا ہوگی، ملتان اور فیصل آباد کے حوالے سے میرے لئے بھی خبریں آج تشویشناک ہیں، فیصل آباد ویسے بھی انڈسٹریل سٹیٹ ہے، ہماری پوری حکومتی مشینری سڑکوں پر کھڑی ہے، گزشتہ 8ماہ میں سینکڑوں بھٹوں میں سے کئی مسمار کئے گئے، ہم بھٹوں کو زگ زیگ ٹیکنالوجی پر لارہے ہیں، جو اس ٹیکنالوجی پر نہیں جائیں گے وہ پنجاب میں کام نہیں کرسکیں گے،ایسا نہیں کہ سموگ صرف پاکستان میں ہے باقی ممالک میں نہیں، بیجنگ آخری 26سالوں سے سموگ سے مقابلہ کررہا ہے، وہ بھی سموگ میں کمی لانے کی کوشش کررہے ہیں ، وہ لوگ اپنی انڈسٹری کو بیجنگ سے دور لے کر جارہے ہیں،حکومت پاکستان بھی سموگ والے مسئلے پر اقدامات کررہی ہے، دہلی کی حکومت کو بھی اقدامات کرنا ہوں گے ، بھارت بھی سموگ کے معاملے پر فکرمند ہے

پنجاب میں سموگ کی وجہ سے پارکس،تفریح گاہیں بند
پنجاب حکومت نے بڑھتی سموگ کی وجہ سے پارکس، تفریح گاہیں اور عجائب گھر آج سے 10 دن کے لیے بند کر دیئے ہیں، اس ضمن میں نوٹی فکیشن جاری کر دیا گیا ہے،نوٹیفکیشن کے مطابق یہ پابندی 8 نومبر سے 17 نومبر تک لاگو رہے گی،نوٹیفکیشن میں خبردار کیا گیا ہے کہ خلاف ورزی پر گرفتاری ہو گی اور جرمانے کی سزا بھی ہو سکتی ہے۔

اسموگ کے باعث گرین لاک ڈاؤن: خصوصی بچوں کی آن لائن اسکول کلاسز کی ہدایت

بھارتی اور پاکستانی پنجاب کو مل کر اسموگ کے مسئلے کا حل نکالنا ہوگا،مریم نواز

پنجاب میں اینٹی اسموگ کارروائیاں، فصلوں کی باقیات نذر آتش کرنے والے 17 افراد گرفتار

لاہور سمیت پنجاب میں سموگ کی شدت میں کمی نہ آ سکی، آلودگی کے اعتبار سے لاہور بدستور پہلے نمبر پر ہے،

پنجاب کے صوبائی دارالحکومت لاہور میں سموگ کی اوسط شرح 822 ریکارڈ کی گئی ہے تاہم ڈی ایچ اے فیز 8 کے علاقے کا ایئر کوالٹی انڈیکس 1254 تک پہنچ گیا ہے، شملہ پہاڑی اور امریکی قونصلیٹ کے علاقے کا ایئر کوالٹی انڈیکس 876 ریکارڈ کیا گیا ہے، محکمہ ماحولیات کا کہنا ہے کہ آئندہ آنے والے ایام میں سموگ کی شرح میں مزید اضافے کا امکان ہے، بڑھتی ہوئی سموگ کے باعث شہری احتیاطی تدابیر اختیار کریں،سموگ کے باعث حکومت پنجاب نے پنجاب کے چار بڑے ڈویژنز میں ماسک پہننا لازمی قرار دے دیا ہے، مطابق لاہور، گوجرانوالہ، فیصل آباد، ملتان ڈویژنز میں ماسک پہننا لازمی قرار دیا گیا ہے، 31 جنوری تک سموگ سے متاثرہ علاقوں میں ماسک پہننا لازمی ہو گا، شہری باہر نکلتے ہوئے ماسک پہننے کی پابندی پر عمل درآمد یقینی بنائیں، سموگ سے متاثرہ علاقوں میں سانس کے امراض بڑھ رہے ہیں، لوگوں کو کیمیائی مادوں کے اثرات سے بچانے کے لیے فیصلہ کیا گیا ہے۔

دوسری جانب بارہویں جماعت تک تعلیمی ادارے آج سے 17نومبر تک بند رہیں گے،شیخوپورہ،گجرات، جھنگ، قصور، سیالکوٹ، نارووال اور ملتان سمیت چاروں ڈویژنز کے 18 اضلاع میں کلاسز آن لائن ہوں گی،طلبا سکول نہیں جائیں گے، صرف اساتذہ کی حاضری ہو گی،

پنجاب کی سینئر وزیر مریم اورنگزیب کا کہنا ہے کہ اسموگ کی صورتحال کے پیش نظر اسپورٹس گالا ملتوی کر دیا گیا ہے،سموگ کی شدت میں کمی کے بعد اسپورٹس گالا کا انعقاد کیا جائے گا، پنجاب حکومت نے لاہور میں شہریوں کو ماسک فراہم کرنے کے لیے خصوصی مہم کا آغاز کر دیا ہے،مساجد میں اسموگ سے بچاؤ کے لیے احتیاطی تدابیر اپنانے اور غیر ضروری طور پر گھروں سے باہر نہ نکلنے کے حوالے سے پیغامات دیے جا رہے ہیں،لاہور میں 9 سے زائد مقامات پر آگ لگانے والوں کے خلاف کارروائی کی گئی ہے، جس کے نتیجے میں 15 ایف آئی آرز درج کر کے 4 لاکھ روپے کے جرمانے عائد کیے گئے ہیں۔

محکمہ ہائر ایجوکیشن نے صوبہ بھر کے کالجز کو سموگ سے بچاو والے حفاظتی اقدامات اپنانے کی ہدایت کر دی اس ضمن میں کہا گیا ہے کہ بی ایس کلاسز میں آنے والے طلبا اور اساتذہ فیس ماسک کا استعمال لازمی بنائیں ،کلاسز میں آئے طلبا اور اساتذہ سموگ سے بچاو کے لیے چہرہ اور آنکھوں کو دھوئیں ،پرائیوٹ و سرکاری کالجز کے اوقات کار کے دوران کلاس رومز کے دروازے اور کھڑکیاں بند رکھیں،کالجز میں موجود کھیل کے میدانوں اور کھلے میں پانی کا چھڑکاو لازمی کیا جائے

ماہرین کے مطابق سموگ، جو زیادہ تر دھوئیں، دھند اور زہریلی گیسوں کا مرکب ہوتا ہے، انسانی صحت کے لیے انتہائی مضر ثابت ہو سکتا ہے۔ اس صورتحال سے بچاؤ کے لیے مختلف اقدامات پر غور کیا جا رہا ہے۔ لاہور میں سموگ کی سب سے بڑی وجہ فصلوں کی باقیات کو جلانا، بڑھتی ہوئی ٹریفک، اور صنعتی فضلہ ہے۔ اس کے علاوہ سردیوں میں درجہ حرارت میں کمی اور ہوا کی سست رفتار بھی سموگ کے پھیلاؤ میں معاون ثابت ہوتی ہیں۔ حکومت پنجاب نے سموگ کی شدت کو کم کرنے کے لیے مختلف اقدامات اٹھائے ہیں، جن میں فصلوں کی باقیات کو جلانے کی روک تھام کے لیے سخت قوانین اور چیکنگ کے نظام میں بہتری شامل ہے۔ اس کے علاوہ، ٹریفک کے رش کو کم کرنے کے لیے بھی خصوصی مہمات چلائی جا رہی ہیں، اور صنعتی اداروں کو فضائی آلودگی کم کرنے کی ہدایات دی جا رہی ہیں۔ماہرین صحت کا کہنا ہے کہ سموگ کے اثرات سے بچنے کے لیے شہری ماسک کا استعمال کریں، خاص طور پر جب آلودگی کی سطح زیادہ ہو۔ ساتھ ہی، گھروں میں ہوا کی صفائی کے لیے ایئر پیوریفائرز کا استعمال اور کھڑکیاں بند رکھنے کی بھی تجویز دی گئی ہے۔ سموگ سے بچاؤ کے لیے ہر فرد کا کردار انتہائی اہم ہے۔ شہریوں کو چاہیے کہ وہ حکومت کے ساتھ تعاون کریں اور ذاتی سطح پر بھی ماحول کی صفائی کو ترجیح دیں تاکہ لاہور میں سموگ کی شدت کو کم کیا جا سکے اور ایک صاف و صحت مند ماحول میں زندگی گزار سکیں

اسموگ کے باعث گرین لاک ڈاؤن: خصوصی بچوں کی آن لائن اسکول کلاسز کی ہدایت

بھارتی اور پاکستانی پنجاب کو مل کر اسموگ کے مسئلے کا حل نکالنا ہوگا،مریم نواز

پنجاب میں اینٹی اسموگ کارروائیاں، فصلوں کی باقیات نذر آتش کرنے والے 17 افراد گرفتار

سموگ کی روک تھام،24 گھنٹوں میں لاہور 19 مقدمے،سات گرفتاریاں
آئی جی پنجاب ڈاکٹر عثمان انور کی ہدایت: پنجاب پولیس سموگ کی روک تھام اور ماحولیاتی تحفظ کیلئے ان ایکشن ،گذشتہ 24 گھنٹوں میں لاہور سمیت مختلف اضلاع میں سموگ کریک ڈاؤن کے دوران 19 مقدمات درج ، 07 افراد گرفتار کر لئے گئے، ترجمان پنجاب پولیس کے مطابق 382 افراد کو 07 لاکھ 55 ہزار روپے کے جرمانے عائد ، 28 افراد کو وارننگ جاری کی گئی ، تفصلوں کی باقیات جلانے کی 12 ، زیادہ دھواں چھوڑنے والی گاڑیوں کی 315 خلاف ورزیاں ہوئیں۔ صنعتی سرگرمی پر 02 ، اینٹوں کے بھٹوں کی 02 اور دیگر 05 خلاف ورزیاں رپورٹ ہوئیں۔ رواں برس انسداد سموگ کریک ڈاؤن میں مجموعی طور پر 1700 ملزمان گرفتار، 1826 مقدمات درج کئے گئے ۔ 19291 افراد کو مجموعی طور پر 03 کروڑ ، 20 لاکھ روپے سے زائد جرمانے کئے گئے ۔ 1247 افراد کو وارننگ جاری کی گئی ۔فصلوں کی باقیات جلانے کی 1103 ، زیادہ دھواں چھوڑنے والی گاڑیوں کی 16499 خلاف ورزیاں ہوئیں ۔صنعتی سرگرمی کی 310 ، اینٹوں کے بھٹے کی 631 ، باری کیو کی 42 اور دیگر مقامات کی 180 خلاف ورزیاں رپورٹ ہوئیں ۔ گذشتہ 24 گھنٹوں میں زیادہ دھواں چھوڑنے والے 4695 گاڑیوں کے چالان، 445 کو بند،01 گاڑی کا فٹنس سرٹیفکیٹ معطل کیا گیا ۔رواں برس شاہرات پر زیادہ دھواں چھوڑنے والی 07 لاکھ ، 15 ہزار 363 گاڑیوں کے چالان کئے گئے ،01 لاکھ 55 ہزار 494 گاڑیوں کو بند ، 10 ہزار 13 گاڑیوں کے فٹنس سرٹیفکیٹ معطل کئے گئے۔ آئی جی پنجاب ڈاکٹر عثمان انور نےشاہراہوں، انڈسٹریل ایریاز ، زرعی سمیت دیگر مقامات پر انسداد سموگ کریک ڈاؤن میں تیزی کا حکم دیا ہے،آئی جی پنجاب کا کہنا ہے کہ سموگ ایس او پیز کی خلاف ورزی پر ذمہ داران کے خلاف زیرو ٹالرینس کے تحت سخت کاروائی میں تاخیر نہ کی جائے، پولیس ٹیمیں انسداد سموگ کریک ڈاؤن میں محکمہ ماحولیات کے ساتھ کلوز کوارڈی نیشن برقرار رکھیں۔

علاوہ ازیں لاہور کے گرین لاک ڈاؤن والے علاقوں میں دھواں چھوڑنے والے کمرشل جنریٹرز چلانے پر پابندی عائد کردی گئی، لاہور ہائیکورٹ نے اسموگ تدارک کی درخواستوں پر گزشتہ سماعت کا تحریری حکم جاری کر دیا ،عدالت نے اپنے حکم میں کہا کہ کہ کمرشل جنریٹرز میں آلودگی کنٹرول کرنے والا آلہ 7 روز میں نصب کیا جائے، آلہ نصب نہ کرنے پرجنریٹرز کو سیل کیا جائے، ہاٹ اسپاٹ ایریاز سے تجاوزات ہٹا کر ٹریفک کی روانی یقینی بنائی جائے تاکہ آلودگی نہ پھیلے،عدالت نے اپنے حکم میں ڈی جی ماحولیات کی خدمات کو بھی سراہا،

سیشن کورٹ لاہور نے طیفی بٹ کے بہنوئی جاوید بٹ کے مقدمہ قتل کی جلد تفتیش مکمل کرنے کا حکم دیدیا

عدالت میں قیصر بٹ اور امیر فتح ٹیپو کی عبوری ضمانت پر سماعت ہوئی،عدالت نے ڈی آئی جی انوسٹی گیشن کو جلد تفتیش مکمل کرنے کا حکم دے دیا ،عدالت نے ملزمان کی عبوری ضمانتوں میں 20 اکتوبر تک توسیع کردی ،ایڈیشنل سیشن جج نے عبوری ضمانت پر سماعت کی ،تھانہ اچھرہ پولیس نے مقدمہ درج کررکھا ہے،قیصر بٹ اور امیر فتح ٹیپو نے عبوری ضمانت کی درخواستیں دائر کر رکھی ہیں، دونوں ملزمان کے خلاف جاوید بٹ کے قتل کا مقدمہ درج ہے

واضح رہے کہ لاہور تھانہ اچھرہ کی حدود میں طیفی بٹ کے بہنوئی جاوید بٹ کے قتل کا مقدمہ مقتول کے بیٹے حمزہ بٹ کی مدعیت میں درج کر لیا گیا،مقدمہ میں امیر بالاج کے بھائی امیر فتح،قیصر بٹ سمیت دو نامعلوم ملزمان نامزد کئے گئے ہیں،درج مقدمے کے مطابق سائل کی والدہ کو علاج کے لئے سروسز ہسپتال منتقل کیا گیا،میری والدہ ہوش و حواس میں ہیں، نے سوا دو بجے کال کر کے مجھے سارے واقعہ کے بارے میں بتایا،سائل اپنے ملازم راحت کے ہمراہ موقع پر پہنچاسائل کی والدہ نے ملزمان کو دیکھا اور پہچان لیا،والدہ نے بتایا کہ امیر فتح اور قیصر بٹ دونامعلوم موٹر سائیکل سواروں کے پیچھے سوار تھے جنہوں نے گولیاں چلائیں،ملزمان کے خلاف مقدمہ درج کیا جائے

واضح رہے کہ لاہور کے علاقے مسلم ٹاؤن میں شوٹرز نے پراڈو جیپ پر فائرنگ کی تھی،شوٹرز کی فائرنگ سے معروف طیفی بٹ کا بہنوئی جاوید بٹ قتل، بیوی زخمی ہو گئی،واقعہ کے بعد شوٹرز فرار ہو گئے، مرنے والے کی شناخت جاوید کے نام سے ہوئی ہے،پولیس کے مطابق مرنے والا طیفی بٹ کا بہنوئی بتایا گیا ہے

واضح رہے کہ کچھ عرصہ قبل ٹیپو کا بیٹا امیر بالاچ قتل ہوا تھا ،بالاج کا مقدمہ طیفی بٹ کے خلاف درج ہوا تھا ،پولیس کا کہنا ہے کہ مقتول محمد جاوید بٹ اقبال ٹاؤن کے رہائشی تھے، تحقیقات جاری ہیں،

امیر بالاج ٹیپو قتل کیس، احسن شاہ کے گھر سے رقم برآمد،ایک اور مبینہ ملزم گرفتار

امیر بالاج قتل کیس، شوٹر مظفر مالشیا نہیں بلکہ طیفی بٹ کا گن مین تھا

امیر بالاج کو قتل کرنے والی ٹیم کے سرغنہ کی شناخت

امیر بالاج ٹیپو قتل کیس،ایک اور موبائیل فوٹیج،ایک اور ملزم سامنے آ گیا

امیر بالاج ٹیپو قتل کیس،ایک اور حملہ آور گرفتار،تحقیقاتی ٹیم تشکیل

امیر بالاج ٹیپو قتل کیس،اہم پیشرفت،ریکی کرنیوالا دوست گرفتار

امیر بالاج ٹیپو قتل کیس: نامزد ملزم طیفی بٹ کی گرفتاری کیلئے انٹر پول سے رابطہ

امیر بالاج ٹیپو قتل کیس،حملہ آور کی لاش ورثا کے حوالے

ٹیپو ٹرکاں والا کا بیٹا امیر بالاج قتل،طیفی بٹ مقدمے میں نامزد